ലോകത്തെ വീക്ഷിക്കൽ

ഓസ്‌​ട്രേ​ലി​യ​യി​ലെ മാരക രോഗങ്ങൾ

“ഓസ്‌​ട്രേ​ലി​യ​യിൽ എയ്‌ഡ്‌സു​മാ​യി ബന്ധപ്പെട്ട രോഗ​ങ്ങ​ളാൽ മരിക്കു​ന്ന​വ​രു​ടെ എണ്ണം, അതേക്കു​റി​ച്ചുള്ള റെക്കോർഡു​കൾ സൂക്ഷി​ക്കാൻ തുടങ്ങി​യ​തിൽപ്പി​ന്നെ ആദ്യമാ​യി മുമ്പെ​ന്ന​ത്തെ​ക്കാൾ കുറഞ്ഞി​രി​ക്കു​ന്നു,” മെൽബ​ണി​ലെ ഹെറാൾഡ്‌ സൺ റിപ്പോർട്ടു ചെയ്യുന്നു. ഓസ്‌​ട്രേ​ലി​യ​യു​ടെ സ്ഥിതി​വി​വ​ര​ക്ക​ണക്കു ബ്യൂറോ അടുത്ത​യി​ടെ പുറത്തി​റ​ക്കിയ കണക്കു പ്രകാരം 1995-ൽ എയ്‌ഡ്‌സ്‌ നിമിത്തം മരിച്ച​വ​രു​ടെ സംഖ്യ 666 ആണെന്ന്‌ അന്വേ​ഷ​ണങ്ങൾ വെളി​പ്പെ​ടു​ത്തി—13 ശതമാനം കുറവ്‌. മൊത്ത​ത്തി​ലുള്ള ദേശീയ മരണനി​രക്ക്‌ മുൻവർഷ​ത്തെ​ക്കാൾ 4 ശതമാനം കുറഞ്ഞു. കാൻസ​റും ഹൃ​ദ്രോ​ഗ​വും ഏറ്റവു​മ​ധി​കം മരണം വിതച്ചു​കൊണ്ട്‌ ഇപ്പോ​ഴും മുൻപ​ന്തി​യിൽത​ന്നെ​യാണ്‌. എന്നിരു​ന്നാ​ലും, ഓസ്‌​ട്രേ​ലി​യ​ക്കാ​രു​ടെ വർധി​ച്ചു​കൊ​ണ്ടി​രി​ക്കുന്ന ഒരു സംഖ്യ അൽഷീ​മേ​ഴ്‌സ്‌ രോഗം നിമി​ത്ത​മോ ചിത്ത​ഭ്ര​മ​ത്തോ​ടു ബന്ധപ്പെട്ട മറ്റു രോഗങ്ങൾ നിമി​ത്ത​മോ ഇപ്പോൾ മരിച്ചു​കൊ​ണ്ടി​രി​ക്കു​ക​യാണ്‌. ഓസ്‌​ട്രേ​ലി​യ​യി​ലെ അൽഷീ​മേ​ഴ്‌സ്‌ അസോ​സി​യേ​ഷന്റെ നാഷണൽ സെക്ര​ട്ടറി പറയു​ന്ന​ത​നു​സ​രിച്ച്‌, “ചിത്തഭ്രമ ബാധി​ത​രു​ടെ എണ്ണത്തിലെ പ്രവചി​ക്ക​പ്പെ​ട്ടി​രി​ക്കുന്ന ദ്രുത​ഗ​തി​യി​ലുള്ള വർധനവ്‌, അത്തരം രോഗി​ക​ളെ​യും അവരെ പരിച​രി​ക്കു​ന്ന​വ​രെ​യും സഹായി​ക്കാൻ ഉദ്ദേശിച്ച്‌ ഏർപ്പെ​ടു​ത്തി​യി​ട്ടുള്ള ഇപ്പോ​ഴത്തെ ചികിത്സാ സൗകര്യ​ങ്ങൾക്കു​മേൽ കനത്ത സമ്മർദം വരുത്തി​വെ​ക്കും.”

ഭാവിയെ സംബന്ധി​ച്ചുള്ള നിഗമ​ന​ങ്ങൾ

21-ാം നൂറ്റാ​ണ്ടി​ന്റെ പടിവാ​തിൽക്കൽ ആയിരി​ക്കവേ ഭാവിയെ സംബന്ധി​ച്ചുള്ള നിഗമ​ന​ങ്ങ​ളു​ടെ ഒരു കുത്തൊ​ഴു​ക്കു​ത​ന്നെ​യുണ്ട്‌. ഐക്യ​നാ​ടു​ക​ളി​ലെ ന്യൂസ്‌വീക്ക്‌ നടത്തിയ ഒരു അഭി​പ്രായ വോ​ട്ടെ​ടു​പ്പിൽ ആളുക​ളോട്‌ അടുത്ത നൂറ്റാ​ണ്ടി​ലേ​ക്കുള്ള അവരുടെ പ്രതീ​ക്ഷ​ക​ളെ​ക്കു​റി​ച്ചു ചോദി​ച്ചു. സർവേ നടത്ത​പ്പെ​ട്ട​വ​രിൽ ഏകദേശം 64 ശതമാനം, ശൂന്യാ​കാശ സഞ്ചാരി​കൾ ചൊവ്വാ​ഗ്ര​ഹ​ത്തി​ലൂ​ടെ നടക്കു​മെന്നു പ്രവചി​ച്ചു. ഏകദേശം 55 ശതമാനം, കാല​ക്ര​മേണ മനുഷ്യർ പ്രപഞ്ച​ത്തി​ന്റെ ഇതരഭാ​ഗ​ങ്ങ​ളിൽ വാസം തുടങ്ങു​മെന്നു പ്രതീ​ക്ഷി​ക്കു​ന്നു. 70 ശതമാനം, ശാസ്‌ത്രജ്ഞർ എയ്‌ഡ്‌സ്‌ ചികി​ത്സി​ച്ചു​മാ​റ്റാ​നൊ​രു വഴി കണ്ടുപി​ടി​ക്കു​മെന്നു വിചാ​രി​ക്കു​ന്നു. കാൻസ​റി​നുള്ള ഒരു ചികി​ത്സാ​മാർഗം വികസി​പ്പി​ക്ക​പ്പെ​ടു​മെന്ന്‌ 72 ശതമാനം പ്രവചി​ക്കു​ന്നു. അഭിമു​ഖം നടത്ത​പ്പെ​ട്ട​വ​രിൽ അത്ര ശുഭാ​പ്‌തി​വി​ശ്വാ​സ​മി​ല്ലാഞ്ഞ 73 ശതമാനം സമ്പന്നരു​ടെ​യും ദരി​ദ്ര​രു​ടെ​യു​മി​ട​യി​ലുള്ള വിടവ്‌ കുറെ​ക്കൂ​ടി വർധി​ക്കു​മെന്നു മുൻകൂ​ട്ടി​ക്കാ​ണു​ന്നു. 48 ശതമാനം, കഴിഞ്ഞ 100 വർഷത്തിൽ ഉണ്ടായ​തി​നെ​ക്കാൾ കൂടുതൽ യുദ്ധങ്ങൾ പ്രതീ​ക്ഷി​ക്കു​ന്നു. ഏകദേശം 70 ശതമാനം, മനുഷ്യ​നു ലോക​ത്തി​ലെ പട്ടിണി തുടച്ചു​നീ​ക്കാ​നാ​വി​ല്ലെന്നു കരുതു​ന്നു.

ഭയങ്കര​മായ ക്ഷതം

എഫ്‌ഡിഎ കൺസ്യൂ​മർ പറയു​ന്ന​ത​നു​സ​രിച്ച്‌ ഐക്യ​നാ​ടു​ക​ളിൽ കഴിഞ്ഞ 20 വർഷമാ​യി ദാരു​ണ​മായ പൊള്ളൽ കേസു​ക​ളു​ടെ എണ്ണം ഗണ്യമാ​യി കുറഞ്ഞി​രി​ക്കു​ന്നു. പൊള്ള​ലേ​റ്റ​വ​രു​ടെ അതിജീ​വന നിരക്കും മെച്ച​പ്പെ​ട്ടി​രി​ക്കു​ന്നു. ഫുഡ്‌ ആൻഡ്‌ ഡ്രഗ്‌ അഡ്‌മി​നി​സ്‌​ട്രേ​ഷ​നി​ലെ ഒരു ഉദ്യോ​ഗ​സ്ഥ​നായ ചാൾസ്‌ ഡർഫറി​ന്റെ അഭി​പ്രാ​യ​മ​നു​സ​രിച്ച്‌ “മുപ്പതു​മു​തൽ നാൽപ്പ​തു​വരെ വർഷം മുമ്പ്‌, പൊള്ള​ലി​നു ചികി​ത്സി​ക്ക​പ്പെ​ടുന്ന മിക്കവ​രും രക്ഷപ്പെ​ടാ​റി​ല്ലാ​യി​രു​ന്നു. ചികി​ത്സ​യി​ലെ പുരോ​ഗതി നിമിത്തം, ഇപ്പോ​ഴത്തെ രോഗി​കൾ രക്ഷപ്പെ​ടുക മാത്രമല്ല ചെയ്യു​ന്നത്‌, അവരുടെ നിലയും മെച്ച​പ്പെട്ടു വരുന്നു.” ഓരോ വർഷവും 50,000-ത്തിലേറെ അമേരി​ക്ക​ക്കാർക്ക്‌, ആശുപ​ത്രി​യിൽ പ്രവേ​ശി​പ്പി​ക്കേ​ണ്ടത്ര ഗുരു​ത​ര​മായ വിധത്തിൽ പൊള്ള​ലേൽക്കു​ന്നു. അമേരി​ക്കൻ ബേൺ അസോ​സി​യേഷൻ പറയു​ന്ന​ത​നു​സ​രിച്ച്‌ അവരിൽ ഏകദേശം 5,500 പേർ മരിക്കു​ന്നു. “ശരീര​ത്തിന്‌ ഏൽക്കാ​വുന്ന ഏറ്റവും കഠിന​മായ ക്ഷതമാണ്‌ ഗുരു​ത​ര​മായ പൊള്ളൽ,” എഫ്‌ഡിഎ കൺസ്യൂ​മർ പറയുന്നു.

“സത്യസ​ന്ധ​മായ” വഞ്ചന

അർജൻറീ​ന​യി​ലെ ഇൻഷ്വ​റൻസ്‌ കമ്പനി​കൾക്ക്‌, അവരുടെ ഇടപാ​ടു​കാ​രു​ടെ ഭാഗത്തു​നി​ന്നും ഉണ്ടാകുന്ന വഞ്ചനകൾ നിമിത്തം പ്രതി​വർഷം 20 കോടി ഡോളർ നഷ്ടപ്പെ​ടു​ന്നു. ഇതു നിമിത്തം, വാഹന ഇൻഷ്വ​റൻസിന്‌ മറ്റു രാജ്യ​ങ്ങ​ളി​ലെ​ക്കാൾ 30 ശതമാനം കൂടുതൽ ചെലവു വരുന്നു. അംബി​ട്ടോ ഫിനാൻസ്യേ​ര്യോ എന്ന വർത്തമാ​ന​പ​ത്രം പറയു​ന്ന​ത​നു​സ​രിച്ച്‌, “വഞ്ചനക​ളിൽ പകുതി​യോ​ളം ‘സത്യസ​ന്ധ​രായ പൗരന്മാർ’ എന്നു വിളി​ക്ക​പ്പെ​ടു​ന്ന​വ​രു​ടെ പണിയാണ്‌.” പോളി​സി​യു​ട​മ​ക​ളിൽ ഏകദേശം 40 ശതമാനം തങ്ങളുടെ ഇൻഷ്വ​റൻസ്‌ കമ്പനിയെ ഒരു വിധത്തി​ല​ല്ലെ​ങ്കിൽ മറ്റൊരു വിധത്തിൽ വഞ്ചിച്ചി​ട്ടു​ള്ള​താ​യി പറയ​പ്പെ​ടു​ന്നു. തങ്ങളുടെ ഇൻഷ്വ​റൻസ്‌ കമ്പനി​ക​ളാൽ കബളി​പ്പി​ക്ക​പ്പെട്ടു എന്നു തോന്നുന്ന അസംതൃ​പ്‌ത​രായ ഉപഭോ​ക്താ​ക്ക​ളു​ടെ ഏതെങ്കി​ലും തരത്തി​ലുള്ള പകരം​വീ​ട്ട​ലു​ക​ളാണ്‌ ഈ വഞ്ചനകൾ എന്ന്‌ പത്രം അനുമാ​നി​ക്കു​ന്നു.

ചാകുന്ന കടൽ

ചാവു​കടൽ ചുരു​ങ്ങി​ക്കൊ​ണ്ടി​രി​ക്കു​ക​യാണ്‌. “ഇപ്പോൾത്തന്നെ ഭൂമി​യി​ലെ ഏറ്റവും താണ ജലനി​ര​പ്പുള്ള (ലോക​ത്തി​ലെ സമു​ദ്ര​ങ്ങ​ളു​ടെ ശരാശരി ജലനി​ര​പ്പി​നെ​ക്കാൾ 410 മീറ്റർ താഴ്‌ന്ന) ചാവു​ക​ട​ലി​ന്റെ ഉപരിതല വിസ്‌തീർണം അനവരതം കുറഞ്ഞു​കൊ​ണ്ടി​രി​ക്കു​ക​യാണ്‌,” യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയുന്നു. എന്തു​കൊണ്ട്‌? ബാഷ്‌പീ​ക​രണം നിമി​ത്ത​മു​ണ്ടാ​കുന്ന ജലനഷ്ട​ത്തി​നു പുറമേ, ചാവു​ക​ട​ലി​ലെ വെള്ളത്തി​ന്റെ മൂല സ്രോ​ത​സ്സായ ജോർദാൻ നദിയി​ലുള്ള വിവിധ ജലസേചന പദ്ധതി​ക​ളും അണക്കെ​ട്ടു​ക​ളും അതിലെ വെള്ളം അങ്ങിങ്ങു ഗതിമാ​റ്റി​വി​ടു​ന്ന​തും ഇതിനു കാരണ​മാ​കു​ന്നു. അതിനു​പു​റമേ, “രാസവ​സ്‌തു നിർമാ​ണ​ശാ​ലകൾ, ധാതു​ദ്ര​വ്യ​ങ്ങൾ വേർതി​രി​ച്ചെ​ടു​ക്കു​ന്ന​തി​നു​വേണ്ടി ചാവു​ക​ട​ലി​ലെ വെള്ളം ബാഷ്‌പീ​ക​ര​ണ​ത്തി​നുള്ള കുളങ്ങ​ളി​ലേക്ക്‌ അടിച്ചു​ക​യ​റ്റു​ന്ന​തും വെള്ളം കുറഞ്ഞു​പോ​കു​ന്ന​തി​നെ ത്വരി​ത​പ്പെ​ടു​ത്തി​യി​രി​ക്കു​ന്നു.” 1950-കളുടെ മധ്യം​മു​തൽ ഇതുവരെ ചാവു​ക​ട​ലി​ന്റെ ഉപരിതല വിസ്‌തീർണം 20 മീറ്റർ കുറഞ്ഞു. ചെങ്കട​ലിൽനി​ന്നു വെള്ള​മെ​ത്തി​ക്കാൻ 190 കിലോ​മീ​റ്റർ നീളമുള്ള ഒരു കനാൽ പണിയുക എന്നതാണ്‌ നിർദേ​ശി​ക്ക​പ്പെ​ട്ടി​രി​ക്കുന്ന ഒരു പരിഹാര നടപടി. എങ്കിലും അതി​പ്പോൾ വിവാ​ദ​മാ​യി​രി​ക്കു​ക​യാണ്‌. വെള്ളം 120 മീറ്റർ കുത്തനെ മുകളി​ലേക്ക്‌ അടിച്ചു​ക​യ​റ്റു​ക​യും ചാവു​ക​ട​ലി​ലേക്ക്‌ 530 മീറ്റർ കുത്തനെ താഴേക്കു വീഴ്‌ത്തു​ക​യും ചെയ്യേ​ണ്ടി​വ​രും.

ലംഘി​ക്ക​പ്പെ​ടുന്ന പ്രതി​ജ്ഞ​കൾ

ജർമനി​യിൽ വളരെ കുറച്ചു വിവാ​ഹിത ഇണകളേ തങ്ങളുടെ വിവാഹ പ്രതി​ജ്ഞ​കൾക്ക​നു​സ​രി​ച്ചു ജീവി​ക്കു​ന്നു​ള്ളൂ. വർധിച്ച വിവാ​ഹ​മോ​ചന നിരക്കും ദുരി​ത​മ​നു​ഭ​വി​ക്കുന്ന കുട്ടി​ക​ളു​ടെ എണ്ണത്തിലെ വർധന​വു​മാണ്‌ അതിന്റെ ഫലം എന്ന്‌ നാസ്സൗ​വി​ഷെ നോയീ പ്രെസ്സെ റിപ്പോർട്ടു ചെയ്യുന്നു. 1995-ൽ, 1,70,000 വിവാ​ഹ​ബ​ന്ധങ്ങൾ തകർന്നു. തത്‌ഫ​ല​മാ​യി, ഏകദേശം 1,42,300 കുട്ടികൾ അതിന്റെ തിക്തഫ​ലങ്ങൾ അനുഭ​വി​ക്കേ​ണ്ടി​വന്നു. അത്‌ മുൻവർഷ​ത്തെ​ക്കാൾ 5 ശതമാനം വർധന​വി​നെ പ്രതി​നി​ധാ​നം ചെയ്യുന്നു. 1950-ൽ നടന്ന വിവാ​ഹ​ങ്ങ​ളിൽ 10-ൽ 1 വീതം 25 വർഷത്തി​നു​ള്ളിൽ പരാജ​യ​പ്പെട്ടു. 1957-ൽ വിവാ​ഹി​ത​രായ ദമ്പതി​ക​ളിൽ ഏകദേശം 8-ൽ 1 വീതം 25 വർഷത്തി​നു​ള്ളിൽ ബന്ധം വേർപെ​ടു​ത്തി. 1965-ൽ നടന്ന വിവാ​ഹ​ങ്ങ​ളിൽ 25 വർഷ കാലയ​ള​വി​നു​ള്ളിൽ അവസാ​നി​ച്ച​വ​യു​ടെ നിരക്ക്‌ 5-ൽ 1 വീതമാണ്‌. 1970-നു ശേഷം വിവാ​ഹി​ത​രാ​യ​വ​രു​ടെ ഇടയി​ലാ​ണെ​ങ്കിൽ ഓരോ 3 ദാമ്പത്യ ബന്ധങ്ങളി​ലും 1 വീതം വിവാ​ഹ​മോ​ച​ന​ത്തിൽ കലാശി​ച്ചു.

സർവ​രോ​ഗ​സം​ഹാ​രി കണ്ടെത്തി​യോ?

ഒരു ഗവേഷ​ണ​റി​പ്പോർട്ട്‌ പറയു​ന്ന​ത​നു​സ​രിച്ച്‌ “രക്തസമ്മർദം പെട്ടെന്നു കുറയ്‌ക്കു​ന്ന​തി​നു സഹായ​ക​മായ, മരുന്നു കഴിക്കു​ന്ന​തി​ന്റെ അതേ ഫലം ചെയ്യുന്ന, കൊഴു​പ്പു കുറവും ധാരാളം പഴങ്ങളും പച്ചക്കറി​ക​ളും ഉൾപ്പെ​ടു​ത്തി​യ​തു​മായ ഒരു പുതിയ ആഹാര​ക്രമം കണ്ടെത്തി​യി​രി​ക്കു​ന്നു” എന്ന്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു. ദേശീയ ഹൃദയ-ശ്വാസ​കോശ-രക്ത ഗവേഷ​ണ​കാ​ര്യാ​ല​യ​ത്തി​ലെ രോഗ​പ്ര​തി​രോധ ശാസ്‌ത്ര​ഗ​വേ​ഷ​ണ​സം​ഘ​ത്തി​ന്റെ നേതൃ​ത്വം വഹിക്കുന്ന ഡോ. ഡെനീസ്‌ സൈമൺ മോർട്ടൺ പറയു​ന്ന​ത​നു​സ​രിച്ച്‌ “ഒരു പ്രത്യേക ആഹാര​ക്ര​മ​ത്തിന്‌ ഇതെല്ലാം” അതായത്‌ ഹൃ​ദ്രോ​ഗം, ഉയർന്ന രക്തസമ്മർദം, പലതര​ത്തി​ലുള്ള അർബുദം എന്നിവ​യെ​ല്ലാം തടയാൻ സഹായി​ക്കാൻ “സാധി​ക്കും” എന്നാണ്‌ പഠനം സൂചി​പ്പി​ക്കു​ന്നത്‌. ഗവേഷ​ണ​പ​രി​പാ​ടി​യു​ടെ ഭാഗമാ​യി രാജ്യ​മൊ​ട്ടാ​കെ​യുള്ള ആറു ചികി​ത്സാ​കേ​ന്ദ്ര​ങ്ങ​ളിൽവെച്ച്‌ നൂറു​ക​ണ​ക്കി​നു മുതിർന്ന ആളുക​ളിൽ ആഹാര​ക്ര​മ​ത്തി​ലെ മാറ്റങ്ങൾ പരീക്ഷി​ച്ചു​നോ​ക്കി. പങ്കെടു​ത്ത​വരെ മൂന്നു ഗ്രൂപ്പു​ക​ളാ​യി തിരിച്ചു. ഒരു ഗ്രൂപ്പിന്‌ “ശരാശരി” അമേരി​ക്ക​ക്കാ​ര​ന്റേ​തി​നോ​ടു സമാന​മായ ആഹാര​ക്രമം നൽകി. രണ്ടാമത്തെ ഗ്രൂപ്പിന്‌ പഴങ്ങളും പച്ചക്കറി​ക​ളും ധാരാ​ള​മ​ട​ങ്ങിയ, എന്നാൽ മറ്റു വസ്‌തു​ക്കൾ സാധാരണ പോ​ലെ​ത​ന്നെ​യുള്ള ആഹാര​ക്രമം നൽകി. മൂന്നാ​മ​ത്തേ​തിന്‌ ധാരാളം പഴങ്ങളും പച്ചക്കറി​ക​ളും കൊഴു​പ്പു കുറഞ്ഞ ക്ഷീരോ​ത്‌പ​ന്ന​ങ്ങ​ളും അടങ്ങിയ ആഹാര​ക്ര​മ​മാ​ണു ലഭിച്ചത്‌. മൊത്ത​ത്തിൽ, കൊഴുപ്പ്‌, കൊള​സ്‌​ട്രോൾ, പൂരിത കൊഴുപ്പ്‌ എന്നിവ​യും അവയിൽ കുറവാ​യി​രു​ന്നു. രണ്ടാമ​ത്തെ​യും മൂന്നാ​മ​ത്തെ​യും ഗ്രൂപ്പി​ലു​ള്ള​വർക്ക്‌ രക്തസമ്മർദം വൈദ്യ​ശാ​സ്‌ത്ര​പ്ര​കാ​രം ഗണ്യമാ​യി കുറഞ്ഞി​രു​ന്നു. എന്നാൽ മൂന്നാ​മത്തെ ഗ്രൂപ്പാ​യി​രു​ന്നു ഏറ്റവും മികച്ച ഫലം കാണി​ച്ചത്‌. പങ്കെടു​ത്ത​വ​രി​ലെ ഉയർന്ന രക്തസമ്മർദ​മു​ള്ള​വരെ സംബന്ധി​ച്ചി​ട​ത്തോ​ളം ഫലങ്ങൾ മരുന്നു കഴിക്കു​ന്ന​വ​രു​ടെ​യ​ത്ര​തന്നെ നല്ലതോ അല്ലെങ്കിൽ അതി​നെ​ക്കാൾ മെച്ചമോ പോലു​മാ​യി​രു​ന്നു. രണ്ട്‌ ആഹാര​ക്ര​മ​ങ്ങ​ളി​ലും പ്രതി​ദി​നം ഒമ്പതോ പത്തോ തവണക​ളാ​യി ശരാശരി അളവിൽ പഴങ്ങളും പച്ചക്കറി​ക​ളും കഴിക്കു​ന്നത്‌ ഉൾപ്പെ​ടു​ത്തി​യി​രു​ന്നു.

ജപ്പാനിൽ മനുഷ്യർ തിരി​ച്ചു​വ​രവു നടത്തുന്നു

“ജാപ്പനീസ്‌ വ്യവസാ​യ​ത്തിൽ ഒരു സമൂല​മാ​റ്റം നടന്നു​കൊ​ണ്ടി​രി​ക്കു​ക​യാണ്‌” എന്ന്‌ വിദൂ​ര​പൂർവ​ദേശ സാമ്പത്തിക പുനര​വ​ലോ​കനം (ഇംഗ്ലീഷ്‌) എന്ന വാർത്താ​പ​ത്രിക അഭി​പ്രാ​യ​പ്പെ​ടു​ന്നു. “രണ്ടു ദശകങ്ങ​ളിൽ ജാപ്പനീസ്‌ ഫാക്ടറി​കൾ ഉത്‌പാ​ദ​ന​ശേഷി മെച്ച​പ്പെ​ടു​ത്തുക എന്ന ലക്ഷ്യത്തിൽ മനുഷ്യ​നു പകരം യന്ത്രങ്ങൾ സ്ഥാപിച്ചു. ഇപ്പോൾ മനുഷ്യൻ ഒരു തിരി​ച്ചു​വ​രവു നടത്തു​ക​യാണ്‌. ഏതാനും വൻകിട ഉത്‌പാ​ദകർ യന്ത്രമ​നു​ഷ്യ​രെ അക്ഷരാർഥ​ത്തിൽ തങ്ങളുടെ വ്യവസായ സംരം​ഭ​ങ്ങ​ളിൽനി​ന്നു നീക്കം ചെയ്‌ത്‌ മനുഷ്യ​രെ ആ സ്ഥാനത്താ​ക്കു​ക​യാണ്‌.” എന്തു​കൊണ്ട്‌? മനുഷ്യർക്ക്‌ യന്ത്രമ​നു​ഷ്യർക്കി​ല്ലാത്ത ഒന്നുണ്ട്‌—സാഹച​ര്യ​ങ്ങ​ളോട്‌ അനുരൂ​പ​പ്പെ​ടാ​നുള്ള കഴിവ്‌. ഉത്‌പ​ന്ന​ത്തി​ന്റെ മാതൃ​ക​യ്‌ക്ക്‌ ഒരു മാറ്റം വരുത്തേണ്ട സമയമാ​കു​മ്പോൾ മനുഷ്യർക്ക്‌ പെട്ടെ​ന്നു​തന്നെ അതി​നോട്‌ അനുരൂ​പ​പ്പെ​ടാൻ സാധി​ക്കും. അതേസ​മയം യന്ത്രമ​നു​ഷ്യ​രെ വീണ്ടും വേണ്ടവി​ധ​ത്തിൽ പ്രോ​ഗ്രാം ചെയ്‌തു വരു​മ്പോ​ഴേ​ക്കും മാസങ്ങ​ളെ​ടു​ക്കും. “മുമ്പ്‌, നാം മനുഷ്യ​രെ യന്ത്രമ​നു​ഷ്യ​രെ​ക്കൊ​ണ്ടെ​ന്ന​പോ​ലെ പണി​യെ​ടു​പ്പി​ച്ചി​രു​ന്നു,” എൻഇസി-യുടെ ഒരു ഫാക്ടറി അധ്യക്ഷ​നായ ടോമി​യാ​ക്കി പറയുന്നു. “പക്ഷേ ഇപ്പോൾ നാം അവരുടെ ബുദ്ധി പ്രയോ​ജ​ന​പ്പെ​ടു​ത്തണം. യന്ത്രമ​നു​ഷ്യ​രെ ഉപയോ​ഗി​ക്കു​ന്നതു നല്ലതാ​യി​രു​ന്നു. പക്ഷേ മനുഷ്യ​രെ ഉപയോ​ഗി​ക്കു​ന്ന​താണ്‌ യഥാർഥ​ത്തിൽ വേഗത​യേ​റി​യത്‌ എന്നു നാം തിരി​ച്ച​റി​ഞ്ഞു​വ​രു​ന്നു.” ഉദാഹ​ര​ണ​മാ​യി, ഫോണു​ക​ളു​ടെ ഭാഗങ്ങൾ കൂട്ടി​യി​ണ​ക്കു​ന്ന​തിൽ എൻഇസി-യിലെ ജോലി​ക്കാർക്ക്‌ യന്ത്രമ​നു​ഷ്യ​രെ​ക്കാൾ 45 ശതമാനം കൂടുതൽ കാര്യ​ക്ഷ​മ​ത​യുണ്ട്‌. മാത്രമല്ല, ആളുകൾക്ക്‌ യന്ത്രങ്ങ​ളെ​ക്കാൾ കുറഞ്ഞ സ്ഥലവും, ലളിത​മായ ഉപകര​ണ​ങ്ങ​ളു​മേ വേണ്ടി വരുന്നു​ള്ളൂ. ഇത്‌ യന്ത്രങ്ങ​ളു​ടെ എണ്ണവും മെയ്‌ൻറ​നൻസ്‌ ചെലവും കുറയ്‌ക്കു​ന്ന​തിൽ കലാശി​ക്കു​ന്നു. “രണ്ടോ മൂന്നോ വർഷ​ത്തേക്ക്‌ യന്ത്രങ്ങ​ളു​ടെ എണ്ണം കുറച്ചു പരീക്ഷി​ച്ചു നോക്കിയ ഉത്‌പാ​ദകർ ചെലവു​ക​ളിൽ ഗണ്യമായ കുറവും ഉത്‌പാ​ദ​ന​ക്ഷ​മ​ത​യി​ലൂ​ടെ​യുള്ള വർധന​വും ഉണ്ടായി​രി​ക്കു​ന്നു​വെന്ന്‌ അവകാ​ശ​പ്പെ​ടു​ന്നു” എന്ന്‌ പത്രിക പറയുന്നു.

കണ്ടാസ്വ​ദി​ക്കു​ന്ന​തിന്‌ “പുതിയ” പിരമി​ഡു​കൾ

ഖുഫു രാജാവ്‌—ഷിയോ​പ്‌സ്‌ എന്നും അറിയ​പ്പെ​ടു​ന്നു—പണിത വലിയ പിരമി​ഡു കാണു​ന്ന​തി​നു വിനോദ സഞ്ചാരി​കൾ വർഷങ്ങ​ളോ​ളം ഗിസയി​ലേക്ക്‌ ഒഴുകി​യി​രി​ക്കു​ന്നു. എന്നാൽ അദ്ദേഹ​ത്തി​ന്റെ പിതാ​വായ സ്‌നെ​ഫ്രൂ പണിക​ഴി​പ്പിച്ച സ്‌മാ​ര​കങ്ങൾ വളരെ​ക്കു​റ​ച്ചു​പേരേ കണ്ടിട്ടു​ള്ളൂ. കാരണം രണ്ടാമ​ത്തേത്‌ ഒരു സൈനി​ക​ത്താ​വ​ള​ത്തി​ന്റെ മധ്യത്തി​ലാ​യി​രു​ന്ന​തി​നാൽ പൊതു​ജ​ന​ങ്ങൾക്കു പ്രവേ​ശനം നിഷേ​ധി​ക്ക​പ്പെ​ട്ടി​രു​ന്നു. പക്ഷേ അതി​പ്പോൾ മാറ്റി. ഈജി​പ്‌തി​ലെ പൗരാ​ണി​കാ​വ​ശി​ഷ്ട​ങ്ങ​ളു​ടെ പരമോ​ന്നത ഉപദേശക സമിതി ഇപ്പോൾ അതു പൊതു​ജ​ന​ങ്ങൾക്കു തുറന്നു​കൊ​ടു​ത്തി​രി​ക്കു​ന്നു. അവി​ടെ​യുള്ള 11 പിരമി​ഡു​ക​ളിൽ 3 എണ്ണം സ്‌നെ​ഫ്രൂ പണിത​താണ്‌—ആകെ 5 എണ്ണം അദ്ദേഹം പണിതു—മിനു​സ​മുള്ള പാർശ്വ​ങ്ങ​ളോ​ടു​കൂ​ടിയ ആദ്യത്തെ പിരമി​ഡായ ചെമന്ന പിരമി​ഡും അതിലുൾപ്പെ​ടു​ന്നു. മുമ്പത്തെ പിരമി​ഡു​ക​ളു​ടെ പാർശ്വ​ങ്ങൾ നടകൾപോ​ലെ​യാ​യി​രു​ന്നു പണിതത്‌. വളഞ്ഞ പിരമിഡ്‌ എന്നു വിളി​ക്കു​ന്ന​താ​യി​രി​ക്കാം ഒരുപക്ഷേ കൂടുതൽ കൗതു​ക​മു​ണർത്തു​ന്നത്‌. അതിന്‌ ആ പേർ വരാൻ കാരണം കുത്ത​നെ​യുള്ള അതിന്റെ മേൽപ്പ​കു​തി​യിൽവെച്ച്‌ പെട്ടെന്നു ചെരിഞ്ഞ ആകാരം കൈവ​രു​ന്ന​തു​കൊ​ണ്ടാണ്‌. ആ കുത്ത​നെ​യുള്ള ചെരിവ്‌ ഒരുപക്ഷേ കല്ലുകൾ മോഷ്ടി​ക്കാൻ ശ്രമി​ക്കു​ന്ന​വരെ നിരു​ത്സാ​ഹ​പ്പെ​ടു​ത്തി​യി​രി​ക്കാം. അതു​കൊ​ണ്ടാ​യി​രി​ക്കണം അത്‌ ഈജി​പ്‌തി​ലെ പിരമി​ഡു​ക​ളിൽവെച്ച്‌ ഏറ്റവും നന്നായി പരിര​ക്ഷി​ക്ക​പ്പെ​ട്ടി​രി​ക്കു​ന്നത്‌. മുമ്പുള്ള രാജാ​ക്ക​ന്മാർക്കു പൂർണ​മാ​യി ദൈവ​ത്വം കൽപ്പി​ച്ചി​രു​ന്നത്‌ മരണ​ശേഷം മാത്ര​മാ​യി​രു​ന്ന​പ്പോൾ സ്‌നെ​ഫ്രൂ “താൻ ജീവനുള്ള സൂര്യ​ദേ​വ​നായ റായാ​ണെന്നു പ്രഖ്യാ​പി​ച്ചു,” ടൈം മാസിക അഭി​പ്രാ​യ​പ്പെ​ടു​ന്നു. “സ്‌നെ​ഫ്രൂ​വി​നെ ചെമന്ന പിരമി​ഡി​നു​ള്ളിൽ അടക്കം ചെയ്‌തു. പുരാതന സാമ്രാ​ജ്യ​ത്തി​ലെ ഏറ്റവും മികച്ച​തെന്നു കരുത​പ്പെ​ടുന്ന ആഡംബ​രങ്ങൾ നിറഞ്ഞ മൂന്നു മുറി​യുള്ള ശവസം​സ്‌കാര അറയ്‌ക്കു​ള്ളി​ലാണ്‌ അദ്ദേഹത്തെ സംസ്‌ക​രി​ച്ചത്‌.”