ബൈബി​ളി​ന്റെ വീക്ഷണം

മാംസം കഴിക്കു​ന്നതു തെറ്റാ​ണോ?

“ഭൂമി​യിൽ എങ്ങും വിത്തുള്ള സസ്യങ്ങ​ളും വൃക്ഷത്തി​ന്റെ വിത്തുള്ള ഫലം കായ്‌ക്കുന്ന സകലവൃ​ക്ഷ​ങ്ങ​ളും ഇതാ, ഞാൻ നിങ്ങൾക്കു തന്നിരി​ക്കു​ന്നു; അവ നിങ്ങൾക്കു ആഹാര​മാ​യി​രി​ക്കട്ടെ.”—ഉല്‌പത്തി 1:29.

സസ്യാ​ഹാ​രം മാത്രം കഴിക്കുന്ന ഒരു ഹൈന്ദവ കുടും​ബ​ത്തി​ലെ അംഗമായ 18 വയസ്സു​കാ​രി സുജാ​ത​യ്‌ക്ക്‌ ആഹാര​ക്രമം സംബന്ധിച്ച്‌ ദൈവം ആദ്യ മനുഷ്യ​നായ ആദാമി​നു കൊടുത്ത നിർദേ​ശ​ത്തോ​ടു യോജി​ക്കാൻ യാതൊ​രു ബുദ്ധി​മു​ട്ടു​മു​ണ്ടാ​യി​രു​ന്നില്ല. എന്നാൽ അവൾ ഉടൻതന്നെ ഇങ്ങനെ ചോദി​ച്ചു: “അങ്ങനെ​യെ​ങ്കിൽ, മറ്റു പലതും കഴിക്കാ​നു​ണ്ടാ​യി​രി​ക്കെ ആളുകൾ എന്തിനാണ്‌ ആഹാര​ത്തി​നു വേണ്ടി മൃഗങ്ങളെ കൊല്ലു​ന്നത്‌?”

ലോക​മെ​മ്പാ​ടു​മുള്ള പലയാ​ളു​ക​ളും ഇതുതന്നെ ചോദി​ക്കു​ന്നു. പൗരസ്‌ത്യ​ദേ​ശത്തെ ജനകോ​ടി​കൾ ഒരു മാം​സേതര ഭക്ഷണ​ക്ര​മ​മാ​ണു പിൻപ​റ്റു​ന്നത്‌. മാത്ര​വു​മല്ല, പാശ്ചാ​ത്യ​ദേ​ശത്തെ സസ്യഭു​ക്കു​ക​ളു​ടെ എണ്ണം കൂടി​വ​രു​ക​യു​മാണ്‌. ഐക്യ​നാ​ടു​ക​ളിൽത്തന്നെ ഒരു കോടി ഇരുപ​ത്തി​നാ​ലു ലക്ഷത്തോ​ളം ആളുകൾ തങ്ങൾ സസ്യഭു​ക്കു​ക​ളാ​ണെന്ന്‌ അവകാ​ശ​പ്പെ​ടു​ന്നു, ഒരു പതിറ്റാ​ണ്ടു മുമ്പു​ണ്ടാ​യി​രു​ന്ന​തി​നെ​ക്കാൾ 30 ലക്ഷത്തോ​ളം പേർ കൂടുതൽ.

വളരെ​യ​ധി​കം ആളുകൾ മാം​സേതര ഭക്ഷണ​ക്രമം ഇഷ്ടപ്പെ​ടു​ന്നത്‌ എന്തു​കൊ​ണ്ടാണ്‌? ജന്തുജീ​വനെ സംബന്ധിച്ച ശരിയായ വീക്ഷണം എന്താണ്‌? മാംസം കഴിക്കു​ന്നത്‌ ജീവ​നോ​ടുള്ള അനാദ​ര​വി​നെ പ്രകട​മാ​ക്കു​ന്നു​വോ? ഉല്‌പത്തി 1:29-ൽ പ്രസ്‌താ​വി​ച്ചി​രി​ക്കു​ന്ന​തി​ന്റെ വീക്ഷണ​ത്തിൽ മാംസം കഴിക്കു​ന്നതു തെറ്റാ​ണോ? ചിലർ മാംസം കഴിക്കാ​ത്തത്‌ എന്തു​കൊ​ണ്ടെന്ന്‌ ആദ്യം നോക്കാം.

ചിലർ മാംസം കഴിക്കാ​ത്തത്‌ എന്തു​കൊ​ണ്ടാണ്‌?

സുജാ​ത​യു​ടെ കാര്യ​ത്തിൽ, അവളുടെ ഭക്ഷണ​ക്ര​മത്തെ മതവി​ശ്വാ​സങ്ങൾ സ്വാധീ​നി​ക്കു​ന്നുണ്ട്‌. അവൾ ഇങ്ങനെ വിശദീ​ക​രി​ക്കു​ന്നു: “പുനർജ​ന്മ​ത്തിൽ വിശ്വ​സി​ക്കുന്ന ഒരു ഹിന്ദു​വാ​യി​ട്ടാ​ണു ഞാൻ വളർന്നു​വ​ന്നത്‌. മനുഷ്യ​ദേ​ഹിക്ക്‌ ഒരു ജന്തുവാ​യി തിരി​കെ​വ​രാൻ കഴിയു​മെ​ന്ന​തു​കൊണ്ട്‌ ഞാൻ ജന്തുക്കളെ എനിക്കു തുല്യ​രാ​യി കണക്കാ​ക്കു​ന്നു. അതു​കൊണ്ട്‌ അവയെ ആഹാര​ത്തി​നാ​യി കൊല്ലു​ന്നതു തെറ്റാ​ണെന്ന്‌ എനിക്കു തോന്നു​ന്നു.” മറ്റുചില മതങ്ങളും സസ്യഭ​ക്ഷ​ണ​ക്ര​മത്തെ പ്രോ​ത്സാ​ഹി​പ്പി​ക്കു​ന്നു.

മതവി​ശ്വാ​സ​ങ്ങൾക്കു പുറമേ മറ്റു ഘടകങ്ങ​ളും ഭക്ഷണം സംബന്ധിച്ച ആളുക​ളു​ടെ തിര​ഞ്ഞെ​ടു​പ്പു​കളെ സ്വാധീ​നി​ക്കു​ന്നു. ഉദാഹ​ര​ണ​ത്തിന്‌, ഡോ. നീൽ ബർനാർഡ്‌ വെട്ടി​ത്തു​റന്നു പറയുന്നു: “മാംസം കഴിക്കു​ന്ന​തിന്‌ രണ്ടു കാരണ​ങ്ങ​ളേ​യു​ള്ളൂ, ഒന്നുകിൽ ശീലം അല്ലെങ്കിൽ അജ്ഞത.” അദ്ദേഹ​ത്തി​ന്റെ ഉറച്ച നിലപാട്‌ ഹൃ​ദ്രോ​ഗം, കാൻസർ എന്നിങ്ങ​നെ​യുള്ള, മാംസം കഴിക്കു​ന്ന​തു​കൊ​ണ്ടു​ണ്ടാ​കുന്ന ആരോ​ഗ്യാ​പ​ക​ട​ങ്ങളെ സംബന്ധിച്ച തന്റെ വീക്ഷണ​ങ്ങ​ളിൽ അടിസ്ഥാ​ന​പ്പെ​ട്ട​താണ്‌.a

ഐക്യ​നാ​ടു​ക​ളിൽ, സസ്യഭു​ക്കു​ക​ളു​ടെ എണ്ണം ഏറ്റവും വേഗം വർധി​ക്കു​ന്നതു കൗമാ​ര​പ്രാ​യ​ക്കാ​രു​ടെ​യി​ട​യി​ലാ​ണെന്നു പറയ​പ്പെ​ടു​ന്നു. ഒരു കാരണം മൃഗങ്ങ​ളോ​ടുള്ള താത്‌പ​ര്യ​മാണ്‌. “കുട്ടി​കൾക്കു മൃഗങ്ങളെ ഇഷ്ടമാണ്‌” എന്ന്‌ പീപ്പിൾ ഫോർ ദി എത്തിക്കൽ ട്രീറ്റ്‌മെൻറ്‌ ഓഫ്‌ ആനിമൽസി​ലെ ട്രേസി റൈമൻ പറയുന്നു. “ഭക്ഷണത്തി​നു​വേണ്ടി മൃഗങ്ങളെ കൊല്ലു​ന്ന​തി​നു മുമ്പ്‌ അവയ്‌ക്കെ​ന്താ​ണു സംഭവി​ക്കു​ന്ന​തെന്നു മനസ്സി​ലാ​ക്കി തുടങ്ങു​മ്പോൾ അവരുടെ അനുകമ്പ വർധി​ക്കു​ക​യേ​യു​ള്ളൂ.”

പരിസ്ഥി​തി​യെ​ക്കു​റി​ച്ചു ബോധ​വാ​ന്മാ​രായ പലയാ​ളു​ക​ളും, തങ്ങളുടെ ഭക്ഷണ​ക്ര​മ​വും ഭക്ഷണത്തി​നു​വേണ്ടി ജന്തുക്കളെ വളർത്തു​ന്ന​തി​നു വേണ്ടി​വ​രുന്ന പ്രകൃതി വിഭവ​ങ്ങ​ളു​ടെ ഭാരിച്ച അളവും തമ്മിലുള്ള ബന്ധം മനസ്സി​ലാ​ക്കു​ന്നു. ഉദാഹ​ര​ണ​ത്തിന്‌, വെറും ഒരു കിലോ മാട്ടി​റച്ചി ലഭിക്കു​ന്ന​തിന്‌ ഏതാണ്ട്‌ 3,300 ലിറ്റർ വെള്ളവും ഒരു കിലോ കോഴി​യി​റച്ചി ലഭിക്കു​ന്ന​തിന്‌ 3,100 ലിറ്റർ വെള്ളവും ആവശ്യ​മാണ്‌. ചിലർക്ക്‌ ഇത്‌ മാംസം കഴിക്കാ​തി​രി​ക്കാ​നുള്ള ഒരു കാരണ​മാ​യി​ത്തീ​രു​ന്നു.

നിങ്ങളെ സംബന്ധി​ച്ചെന്ത്‌? നിങ്ങൾ മാംസം വർജി​ക്ക​ണ​മോ? ആ ചോദ്യ​ത്തിന്‌ ഉത്തരം കണ്ടെത്തു​ന്ന​തി​നു മുമ്പ്‌ മറ്റൊരു വീക്ഷണ​ഗതി പരിചി​ന്തി​ക്കുക. സങ്കീർത്തനം 50:10, 11-ൽ കാണാൻ കഴിയു​ന്ന​തു​പോ​ലെ, സകലത്തി​ന്റെ​യും നിർമാ​താ​വായ യഹോ​വ​യാം ദൈവം പറയു​ന്ന​തി​താണ്‌: “കാട്ടിലെ സകലമൃ​ഗ​വും പർവ്വത​ങ്ങ​ളി​ലെ ആയിര​മാ​യി​രം ജന്തുക്ക​ളും എനിക്കു​ള്ള​വ​യാ​കു​ന്നു. മലകളി​ലെ പക്ഷികളെ ഒക്കെയും ഞാൻ അറിയു​ന്നു; വയലിലെ ജന്തുക്ക​ളും എനിക്കു​ള്ളവ തന്നേ.” സകല ജന്തുക്ക​ളും യഥാർഥ​ത്തിൽ ദൈവ​ത്തി​ന്റേ​താ​യ​തു​കൊണ്ട്‌ ജന്തുജീ​വ​നെ​ക്കു​റി​ച്ചും ഭക്ഷണത്തി​നു​വേണ്ടി മനുഷ്യൻ ജന്തുക്കളെ ഉപയോ​ഗി​ക്കു​ന്ന​തി​നെ​ക്കു​റി​ച്ചും സ്രഷ്ടാ​വിന്‌ എന്തു തോന്നു​ന്നു​വെന്നു മനസ്സി​ലാ​ക്കു​ന്നതു പ്രധാ​ന​മാണ്‌.

മൃഗങ്ങളെ കൊല്ലു​ന്നതു തെറ്റാ​ണോ?

മൃഗങ്ങളെ മനുഷ്യ​നു തുല്യ​മാ​യി കണക്കാ​ക്കുന്ന സുജാ​ത​യെ​പ്പോ​ലുള്ള ചില ആളുകൾ ഏത്‌ ഉദ്ദേശ്യ​ത്തി​നു​വേ​ണ്ടി​യും മൃഗങ്ങളെ കൊല്ലു​ന്നതു തെറ്റാ​ണെന്ന്‌ ഉറച്ചു വിശ്വ​സി​ക്കു​ന്നു—ആഹാര​ത്തി​നു​വേണ്ടി അവയെ കൊല്ലുന്ന കാര്യം പറയു​ക​യും വേണ്ട. എന്നിരു​ന്നാ​ലും, ദൈവം ജന്തുജീ​വ​നും മനുഷ്യ​ജീ​വ​നും തമ്മിൽ വ്യത്യാ​സം കൽപ്പി​ക്കു​ന്നു​വെ​ന്നും വ്യത്യസ്‌ത കാരണ​ങ്ങ​ളാൽ മൃഗങ്ങളെ കൊല്ലു​ന്നത്‌ അനുവ​ദി​ക്കു​ന്നു​വെ​ന്നും തിരു​വെ​ഴു​ത്തു​കൾ സൂചി​പ്പി​ക്കു​ന്നു. ഉദാഹ​ര​ണ​ത്തിന്‌, ഇസ്രാ​യേ​ലിൽ ഒരു മൃഗം മനുഷ്യ​ജീ​വ​നോ ഒരുവന്റെ വളർത്തു​മൃ​ഗ​ങ്ങൾക്കോ ഭീഷണി ഉയർത്തി​യ​പ്പോൾ അതിനെ കൊല്ലാ​നുള്ള അനുവാ​ദ​മു​ണ്ടാ​യി​രു​ന്നു.—പുറപ്പാ​ടു 21:28, 29; 1 ശമൂവേൽ 17:34-36.

അതിപു​രാ​തന കാലം മുതൽത്തന്നെ, ആരാധ​ന​യിൽ ജന്തുക്കളെ യാഗമർപ്പി​ക്കു​ന്നതു ദൈവം അംഗീ​ക​രി​ച്ചി​രു​ന്നു. (ഉല്‌പത്തി 4:2-5; 8:20, 21) കൂടാതെ, വർഷം​തോ​റും പെസഹ ആഘോ​ഷി​ച്ചു​കൊണ്ട്‌ ഈജി​പ്‌തിൽനി​ന്നുള്ള തങ്ങളുടെ പുറപ്പാ​ടി​ന്റെ സ്‌മാ​രകം കൊണ്ടാ​ടാൻ യഹോവ ഇസ്രാ​യേ​ല്യർക്കു നിർദേശം നൽകി. അതിൽ ഒരു ചെമ്മരി​യാ​ട്ടിൻകു​ട്ടി​യെ​യോ കോലാ​ട്ടിൻകു​ട്ടി​യെ​യോ യാഗമർപ്പി​ക്കു​ന്ന​തും അതിന്റെ മാംസം തിന്നു​ന്ന​തും ഉൾപ്പെ​ട്ടി​രു​ന്നു. (പുറപ്പാ​ടു 12:3-9) മോ​ശൈക ന്യായ​പ്ര​മാ​ണ​ത്തിൻകീ​ഴിൽ മറ്റവസ​ര​ങ്ങ​ളി​ലും മൃഗങ്ങളെ യാഗമർപ്പി​ച്ചി​രു​ന്നു.

ബൈബിൾ ആദ്യമാ​യി വായി​ച്ച​പ്പോൾ മൃഗങ്ങളെ യാഗമർപ്പി​ക്കു​ന്നതു സംബന്ധിച്ച ആശയം 70 വയസ്സുള്ള ഒരു ഹൈന്ദവ സ്‌ത്രീക്ക്‌ അംഗീ​ക​രി​ക്കാൻ കഴിഞ്ഞില്ല. എന്നാൽ അവർ തിരു​വെ​ഴു​ത്തു പരിജ്ഞാ​ന​ത്തിൽ വളർന്നു​വ​ന്ന​പ്പോൾ ദൈവ​ത്തി​ന്റെ കൽപ്പന​പ്ര​കാ​രം നടത്തിയ യാഗങ്ങൾക്ക്‌ ഒരു ഉദ്ദേശ്യ​മു​ണ്ടാ​യി​രു​ന്നു​വെന്ന്‌ അവർക്കു കാണാൻ കഴിഞ്ഞു. അവ പാപങ്ങ​ളു​ടെ ക്ഷമ സംബന്ധിച്ച നിയമ​പ​ര​മായ ആവശ്യം നിറ​വേ​റ്റു​ന്ന​തി​നുള്ള യേശു​വി​ന്റെ ബലിയി​ലേക്കു വിരൽചൂ​ണ്ടി. (എബ്രായർ 8:3-5; 10:1-10; 1 യോഹ​ന്നാൻ 2:1, 2) കൂടാതെ, യാഗവ​സ്‌തു​ക്കൾ പല സന്ദർഭ​ങ്ങ​ളി​ലും പുരോ​ഹി​ത​ന്മാർക്കും ചില​പ്പോ​ഴൊ​ക്കെ ആരാധ​കർക്കും ആഹാര​മാ​യി ഉതകി. (ലേവ്യ​പു​സ്‌തകം 7:11-21; 19:5-8) സകല ജീവജാ​ല​ങ്ങ​ളു​ടെ​യും ഉടയവ​നായ ദൈവം ഒരു ഉദ്ദേശ്യ​ത്തി​നാ​യി അത്തര​മൊ​രു ക്രമീ​ക​രണം ചെയ്യു​ന്നത്‌ ഉചിത​മാ​യി​രു​ന്നു. തീർച്ച​യാ​യും, യേശു​വി​ന്റെ മരണ​ശേഷം ആരാധ​ന​യിൽ മൃഗങ്ങളെ യാഗമർപ്പി​ക്കു​ന്നതു മേലാൽ ആവശ്യ​മാ​യി​രു​ന്നില്ല.—കൊ​ലൊ​സ്സ്യർ 2:13-17; എബ്രായർ 10:1-12.

മൃഗങ്ങളെ ഭക്ഷണത്തി​നാ​യി ഉപയോ​ഗി​ക്കൽ

എന്നാൽ, മൃഗങ്ങളെ ഭക്ഷണത്തി​നാ​യി കൊല്ലു​ന്ന​തോ? മനുഷ്യൻ ആദ്യം സസ്യാ​ഹാ​ര​മാ​ണു ഭക്ഷിച്ചി​രു​ന്ന​തെ​ന്നതു സത്യം​തന്നെ. എന്നാൽ യഹോവ പിന്നീട്‌ അവന്റെ ഭക്ഷണ​ക്ര​മ​ത്തിൽ മാംസം ഉൾപ്പെ​ടു​ത്തി. ഏതാണ്ട്‌ 4,000 വർഷം മുമ്പ്‌—നീതി​മാ​നായ നോഹ​യു​ടെ നാളു​ക​ളിൽ—യഹോവ ഒരു ആഗോള പ്രളയം വരുത്തു​ക​യും ഭൂമി​യിൽ അന്നുണ്ടാ​യി​രുന്ന ദുഷ്ടത അവസാ​നി​പ്പി​ക്കു​ക​യും ചെയ്‌തു. നോഹ​യും അവന്റെ കുടും​ബ​വും അവൻ പെട്ടക​ത്തിൽ കയറ്റിയ ജീവി​ക​ളും പ്രളയത്തെ അതിജീ​വി​ച്ചു. അവർ പെട്ടക​ത്തിൽനി​ന്നു പുറത്തു വന്നപ്പോൾ യഹോവ ആദ്യമാ​യി ഇങ്ങനെ പ്രസ്‌താ​വി​ച്ചു: “ഭൂചര​ജ​ന്തു​ക്ക​ളൊ​ക്കെ​യും നിങ്ങൾക്കു ആഹാരം ആയിരി​ക്കട്ടെ; പച്ച സസ്യം​പോ​ലെ ഞാൻ സകലവും നിങ്ങൾക്കു തന്നിരി​ക്കു​ന്നു.” (ഉല്‌പത്തി 9:3) എന്നാൽ അതേസ​മ​യം​തന്നെ യഹോവ ഈ നിയമം നൽകി: “ആരെങ്കി​ലും മമനു​ഷ്യ​ന്റെ രക്തം ചൊരി​യി​ച്ചാൽ അവന്റെ രക്തം മനുഷ്യൻ ചൊരി​യി​ക്കും; ദൈവ​ത്തി​ന്റെ സ്വരൂ​പ​ത്തി​ല​ല്ലോ മനുഷ്യ​നെ ഉണ്ടാക്കി​യതു.” (ഉല്‌പത്തി 9:6) ദൈവം ജന്തുക്കൾക്കും മനുഷ്യർക്കും സമത്വം കൽപ്പി​ച്ചില്ല എന്നതു വ്യക്തം.

വാസ്‌ത​വ​ത്തിൽ, ജന്തുക്കളെ സംബന്ധിച്ച സുജാ​ത​യു​ടെ ഉറച്ച വിശ്വാ​സം പുനർജ​ന്മ​ത്തി​ലുള്ള അവളുടെ വിശ്വാ​സ​ത്തിൽ അടിസ്ഥാ​ന​പ്പെ​ട്ട​താ​യി​രു​ന്നു. അതു സംബന്ധിച്ച ബൈബി​ളി​ന്റെ വിശദീ​ക​രണം, മനുഷ്യ​രും ജന്തുക്ക​ളും ദേഹി​ക​ളാ​ണെ​ങ്കി​ലും ദേഹി അമർത്ത്യ​മ​ല്ലെ​ന്നാണ്‌. (ഉല്‌പത്തി 2:7; യെഹെ​സ്‌കേൽ 18:4, 20; പ്രവൃ​ത്തി​കൾ 3:23, NW; വെളി​പ്പാ​ടു 16:3, NW) ദേഹി​ക​ളെ​ന്ന​നി​ല​യിൽ മനുഷ്യ​രും മൃഗങ്ങ​ളും മരിച്ച്‌ അസ്‌തി​ത്വ​ത്തിൽനി​ന്നു നീങ്ങി​പ്പോ​കു​ന്നു. (സഭാ​പ്ര​സം​ഗി 3:19, 20) എന്നിരു​ന്നാ​ലും, മനുഷ്യർക്കു ദൈവ​ത്തി​ന്റെ പുതിയ ലോക​ത്തിൽ പുനരു​ത്ഥാ​നം പ്രാപി​ക്കു​ന്ന​തി​നുള്ള അത്ഭുത​ക​ര​മായ പ്രത്യാ​ശ​യുണ്ട്‌.b (ലൂക്കൊസ്‌ 23:43; പ്രവൃ​ത്തി​കൾ 24:15) ജന്തുക്കൾ മനുഷ്യ​നു തുല്യ​ര​ല്ലെന്ന്‌ ഇതും സൂചി​പ്പി​ക്കു​ന്നു.

“എന്നാൽ ഭക്ഷണ​ക്ര​മ​ത്തിൽ മാറ്റം​വ​രു​ത്തി​യ​തെ​ന്തു​കൊ​ണ്ടാണ്‌?” സുജാ​ത​യ്‌ക്ക്‌ അറിഞ്ഞാൽ കൊള്ളാ​മെ​ന്നുണ്ട്‌. വ്യക്തമാ​യും, പ്രളയം നിമിത്തം ഭൂമി​യു​ടെ കാലാ​വ​സ്ഥ​യ്‌ക്കു ഭയങ്കര വ്യതി​യാ​നങ്ങൾ സംഭവി​ച്ചി​രു​ന്നു. സസ്യങ്ങൾ കുറവുള്ള പ്രദേ​ശ​ങ്ങ​ളിൽ പാർക്കുന്ന ഭാവി​ത​ല​മു​റ​ക​ളു​ടെ ആവശ്യങ്ങൾ യഹോവ മുൻകൂ​ട്ടി​ക്ക​ണ്ട​തു​കൊ​ണ്ടാ​ണോ അവൻ മനുഷ്യ​ന്റെ ഭക്ഷണ​ക്ര​മ​ത്തിൽ മാംസ​വും ഉൾപ്പെ​ടു​ത്തി​യ​തെന്നു ബൈബിൾ പറയു​ന്നില്ല. എന്നാൽ സകല ജീവജാ​ല​ങ്ങ​ളു​ടെ​യും ഉടയവന്‌ കാര്യ​ങ്ങൾക്കു മാറ്റം​വ​രു​ത്താ​നുള്ള അവകാ​ശ​മു​ണ്ടെന്ന്‌ സുജാ​ത​യ്‌ക്ക്‌ അംഗീ​ക​രി​ക്കാൻ കഴിഞ്ഞു.

ജന്തുജീ​വ​നോട്‌ ആദരവു കാണിക്കൽ

‘നാം ജന്തുജീ​വ​നോട്‌ കുറ​ച്ചെ​ങ്കി​ലും ആദരവു കാണി​ക്കേ​ണ്ട​തല്ലേ?’ സുജാ​ത​യ്‌ക്കു സംശയം. അതേ, നാം കാണി​ക്കേ​ണ്ട​താണ്‌. ഇത്‌ എങ്ങനെ ചെയ്യാൻ കഴിയു​മെന്നു സകലത്തി​ന്റെ​യും സ്രഷ്ടാവ്‌ നമുക്കു പറഞ്ഞു​ത​ന്നി​ട്ടുണ്ട്‌. “പ്രാണ​നാ​യി​രി​ക്കുന്ന രക്തത്തോ​ടു​കൂ​ടെ മാത്രം നിങ്ങൾ മാംസം തിന്നരു​തു” എന്ന്‌ ഉല്‌പത്തി 9:4-ൽ അവൻ കൽപ്പി​ക്കു​ന്നു. രക്തം ഭക്ഷിക്ക​രു​തെന്നു പറഞ്ഞ​തെ​ന്തു​കൊ​ണ്ടാണ്‌? “മാംസ​ത്തി​ന്റെ ജീവൻ രക്തത്തിൽ അല്ലോ ഇരിക്കു​ന്നതു” എന്നു ബൈബിൾ പറയുന്നു. (ലേവ്യ​പു​സ്‌തകം 17:10, 11) യഹോവ ഇങ്ങനെ നിബന്ധന വെച്ചു: ‘കൊല്ല​പ്പെട്ട മൃഗത്തി​ന്റെ രക്തം നീ വെള്ളം പോലെ നിലത്തു ഒഴിച്ചു​ക​ള​യേണം.’—ആവർത്ത​ന​പു​സ്‌തകം 12:16, 24.

മാംസം കഴിക്കാ​നുള്ള അനുവാ​ദം, കേവലം വേട്ടയാ​ട​ലി​ന്റെ ഹരം നുകരു​ന്ന​തി​നോ വ്യക്തി​പ​ര​മായ ശക്തി​പ്ര​ഭാ​വം കാട്ടു​ന്ന​തി​നോ വേണ്ടി അനാവ​ശ്യ​മാ​യി ജന്തുക്ക​ളു​ടെ രക്തം ചൊരി​യി​ക്കു​ന്ന​തി​നുള്ള അനുമതി നൽകു​ന്നില്ല. തെളി​വ​നു​സ​രിച്ച്‌ നി​മ്രോദ്‌ അതാണ്‌ ചെയ്‌തത്‌. “യഹോ​വ​യ്‌ക്കെ​തി​രെ ഒരു നായാ​ട്ടു​വീ​ര​നാ​യി” ബൈബിൾ അവനെ തിരി​ച്ച​റി​യി​ക്കു​ന്നു. (ഉല്‌പത്തി 10:9, NW) ഇന്നും, ജന്തുക്കളെ വേട്ടയാ​ടു​ന്ന​തും കൊല്ലു​ന്ന​തും ചിലർക്ക്‌ ഒരു ഹരമാ​യി​ത്തീ​രുക എളുപ്പ​മാണ്‌. എന്നാൽ അത്തര​മൊ​രു മനോ​ഭാ​വം ജന്തുജീ​വ​നോ​ടുള്ള തികഞ്ഞ അനാദ​ര​വു​മാ​യി അടുത്തു ബന്ധപ്പെ​ട്ടി​രി​ക്കു​ന്നു. ദൈവം അത്‌ അംഗീ​ക​രി​ക്കു​ന്നില്ല.c

ജന്തുക്ക​ളോട്‌ അനുക​മ്പ​യു​ള്ള​വ​രാ​യി​രി​ക്കൽ

ആധുനിക മാംസ വ്യവസാ​യി​കൾ ജന്തുക്ക​ളോട്‌ ഇടപെ​ടുന്ന വിധ​ത്തെ​ക്കു​റി​ച്ചും ഇന്നത്തെ ചില സസ്യഭു​ക്കു​കൾക്ക്‌ ആത്മാർഥ​മായ ഉത്‌ക​ണ്‌ഠ​യുണ്ട്‌. “കൃഷി​വ്യ​വ​സാ​യ​ത്തി​നു ജന്തുക്ക​ളു​ടെ സ്വാഭാ​വി​ക​മായ സഹജവാ​സ​ന​ക​ളിൽ യാതൊ​രു താത്‌പ​ര്യ​വു​മില്ല” എന്ന്‌ ദ വെജി​റ്റേ​റി​യൻ ഹാൻഡ്‌ബുക്ക്‌ അഭി​പ്രാ​യ​പ്പെ​ടു​ന്നു. “തിങ്ങി​ഞെ​രു​ങ്ങി​ക്ക​ഴി​യേ​ണ്ടി​വ​രുന്ന അസ്വാ​ഭാ​വിക ചുറ്റു​പാ​ടു​ക​ളിൽ വളർത്ത​പ്പെ​ടുന്ന ഇന്നത്തെ ജന്തുക്കൾ മുമ്പെ​ന്ന​ത്തേ​തി​ലും കൂടു​ത​ലാ​യി ചൂഷണം ചെയ്യ​പ്പെ​ടു​ന്നു” എന്ന്‌ ആ ഗ്രന്ഥം പറയുന്നു.

ഭക്ഷണത്തി​നു​വേ​ണ്ടി മൃഗങ്ങളെ കൊല്ലു​ന്നത്‌ ദൈവ​ത്തി​ന്റെ ഇഷ്ടത്തിനു വിരു​ദ്ധ​മ​ല്ലെ​ങ്കി​ലും അവയോ​ടു ക്രൂര​മാ​യി പെരു​മാ​റു​ന്നത്‌ അവനി​ഷ്ടമല്ല. “നീതി​മാൻ വളർത്തു​മൃ​ഗ​ങ്ങ​ളോട്‌ ദയകാ​ട്ടു​ന്നു” എന്ന്‌ സദൃശ​വാ​ക്യ​ങ്ങൾ 12:10-ൽ (പി.ഒ.സി. ബൈ.) ബൈബിൾ പറയുന്നു. വളർത്തു​മൃ​ഗ​ങ്ങളെ ഉചിത​മാ​യി പരിപാ​ലി​ക്കാ​നുള്ള കൽപ്പന മോ​ശൈക ന്യായ​പ്ര​മാ​ണ​ത്തി​ലു​ണ്ടാ​യി​രു​ന്നു.—പുറപ്പാ​ടു 23:4, 5; ആവർത്ത​ന​പു​സ്‌തകം 22:10; 25:4.

ഒരു ക്രിസ്‌ത്യാ​നി സസ്യഭു​ക്കാ​യി​രി​ക്ക​ണ​മോ?

മേൽപ്പ​റ​ഞ്ഞ​തി​ന്റെ അടിസ്ഥാ​ന​ത്തിൽ, ഒരു സസ്യഭു​ക്കാ​യി​ത്തീ​ര​ണ​മോ—സസ്യഭു​ക്കാ​യി തുടര​ണ​മോ—എന്നത്‌ തികച്ചും വ്യക്തി​പ​ര​മായ ഒരു തീരു​മാ​ന​മാണ്‌. ആരോ​ഗ്യം, സാമ്പത്തി​ക​സ്ഥി​തി, പരിസ്ഥി​തി എന്നിവ​യു​മാ​യി ബന്ധപ്പെട്ട കാരണ​ങ്ങ​ളാ​ലോ ജന്തുക്ക​ളോ​ടുള്ള അനുകമ്പ നിമി​ത്ത​മോ ഒരാൾ സസ്യഭ​ക്ഷ​ണ​ക്രമം തിര​ഞ്ഞെ​ടു​ത്തേ​ക്കാം. എന്നാൽ അത്‌ ഒരു ഭക്ഷണരീ​തി മാത്ര​മാ​ണെന്ന്‌ അയാൾ തിരി​ച്ച​റി​യണം. മാംസം കഴിക്കുന്ന ഒരാൾ സസ്യഭു​ക്കായ ഒരാളെ കുറ്റ​പ്പെ​ടു​ത്താൻ പാടി​ല്ലാ​ത്ത​തു​പോ​ലെ​തന്നെ സസ്യഭു​ക്കായ ഒരാൾ മാംസം കഴിക്കു​ന്ന​വരെ വിമർശി​ക്കാ​നും പാടില്ല. മാംസം കഴിക്കു​ന്ന​തോ കഴിക്കാ​തി​രി​ക്കു​ന്ന​തോ ഒരാളെ മെച്ചപ്പെട്ട വ്യക്തി​യാ​ക്കു​ന്നില്ല. (റോമർ 14:1-17) ഒരുവന്റെ ഭക്ഷണ​ക്രമം അവന്റെ ജീവി​ത​ത്തിൽ പ്രധാന സംഗതി​യാ​യി​ത്തീ​ര​രുത്‌. “മനുഷ്യൻ അപ്പം​കൊ​ണ്ടു മാത്രമല്ല, ദൈവ​ത്തി​ന്റെ വായിൽകൂ​ടി വരുന്ന സകലവ​ച​നം​കൊ​ണ്ടും ജീവി​ക്കു​ന്നു” എന്ന്‌ യേശു പറഞ്ഞു.—മത്തായി 4:4.

ജന്തുക്ക​ളോ​ടു​ള്ള ക്രൂര​ത​യും ഭൂമി​യി​ലെ വിഭവ​ങ്ങ​ളു​ടെ ദുരു​പ​യോ​ഗ​വും പരിചി​ന്തി​ക്കു​മ്പോൾ, യഹോവ അഴിമ​തി​യും അത്യാർത്തി​യും നിറഞ്ഞ ഈ വ്യവസ്ഥി​തി​യെ അവസാ​നി​പ്പിച്ച്‌ അതിനു പകരം തന്റെ പുതിയ ലോകം ആനയി​ക്കു​മെന്നു വാഗ്‌ദാ​നം ചെയ്‌തി​രി​ക്കു​ന്നു. (സങ്കീർത്തനം 37:10, 11; മത്തായി 6:9, 10; 2 പത്രൊസ്‌ 3:13) ആ പുതിയ ലോക​ത്തിൽ മനുഷ്യ​നും ജന്തുക്ക​ളും എന്നെന്നും അന്യോ​ന്യം സമാധാ​ന​ത്തിൽ കഴിയും. യഹോവ “ജീവനു​ള്ള​തി​ന്നൊ​ക്കെ​യും പ്രസാ​ദം​കൊ​ണ്ടു തൃപ്‌തി​വ​രു​ത്തു”കയും ചെയ്യും.—സങ്കീർത്തനം 145:16; യെശയ്യാ​വു 65:25.

[അടിക്കു​റി​പ്പു​കൾ]

[18-ാം പേജിലെ ചിത്ര​ത്തിന്‌ കടപ്പാട്‌]

Punch