നിങ്ങളു​ടെ വൃക്കകൾ—ജീവൻ നിലനിർത്തുന്ന അരിപ്പ

അയർലൻഡിലെ ഉണരുക! ലേഖകൻ

ഭൂമി​ക്കും മനുഷ്യ​ശ​രീ​ര​ത്തി​നും പൊതു​വാ​യി ഒന്നുണ്ട്‌: ജീവൻ നിലനിർത്താൻ രണ്ടിനും അരിപ്പ വേണം. സൂര്യ​നിൽനി​ന്നുള്ള ഹാനി​ക​ര​മായ കിരണ​ങ്ങ​ളു​ടെ നിരന്തര ആക്രമ​ണ​ത്തിൽനി​ന്നു ഭൂമിക്ക്‌ സംരക്ഷണം ആവശ്യ​മാണ്‌. നമ്മുടെ അന്തരീ​ക്ഷ​ത്തി​ലെ ഓസോൺ പാളി ഈ കിരണ​ങ്ങളെ അരിച്ചു​മാ​റ്റു​ക​യും ജീവൻ നിലനിർത്തുന്ന പ്രകാ​ശത്തെ ഭൂമി​യി​ലേക്കു കടത്തി​വി​ടു​ക​യും ചെയ്യുന്നു. നിങ്ങളു​ടെ ശരീര​ത്തി​ലോ? നിങ്ങളു​ടെ ശരീര​ത്തിൽ നടക്കുന്ന അനേകം രാസ​പ്ര​ക്രി​യ​ക​ളു​ടെ ഫലമായി രക്തപ്ര​വാ​ഹ​ത്തിൽ വിഷപ​ദാർഥ​ങ്ങ​ളും മാലി​ന്യ​ങ്ങ​ളും പ്രവേ​ശി​ക്കു​ന്നുണ്ട്‌. അവി​ടെ​ത്തന്നെ നില​കൊ​ള്ളു​ന്ന​പക്ഷം അവ നിങ്ങൾക്കു ഗുരു​ത​ര​മായ പ്രശ്‌നങ്ങൾ വരുത്തി​വെ​ക്കും, മരണം​പോ​ലും സംഭവി​ച്ചേ​ക്കാം. അവയെ തുടർച്ച​യാ​യി അരിച്ചു​മാ​റ്റേ​ണ്ട​തുണ്ട്‌.

ഈ അരിക്ക​ലാണ്‌ നിങ്ങളു​ടെ വൃക്കക​ളു​ടെ മുഖ്യ ധർമങ്ങ​ളി​ലൊന്ന്‌. എന്നാൽ ഈ കൊച്ച്‌ അവയവ​ങ്ങൾക്കു ഹാനി​ക​ര​മായ പദാർഥ​ങ്ങളെ തിരി​ച്ച​റി​ഞ്ഞു വേർതി​രിച്ച്‌ നീക്കം​ചെ​യ്യാ​നും, അതേസ​മ​യം​തന്നെ ശരീരത്തെ പരി​പോ​ഷി​പ്പി​ക്കു​ന്ന​തി​നുള്ള ജീവത്‌പ്ര​ധാന ഘടകങ്ങൾ നീക്കം​ചെ​യ്യ​പ്പെ​ടു​ന്നി​ല്ലെന്ന്‌ ഉറപ്പു​വ​രു​ത്താ​നും എങ്ങനെ കഴിയും? നിങ്ങളെ ആരോ​ഗ്യ​മു​ള്ള​വ​രാ​യി നിലനിർത്തു​ന്ന​തിൽ നിങ്ങൾക്കു വൃക്കകളെ എങ്ങനെ സഹായി​ക്കാൻ കഴിയും?

നിങ്ങളു​ടെ വൃക്കകൾക്ക​കത്ത്‌ എന്താണു​ള്ളത്‌?

മനുഷ്യർക്കു സാധാ​ര​ണ​മാ​യി രണ്ടു വൃക്കക​ളുണ്ട്‌—മുതു​കി​ന്റെ അടിഭാ​ഗത്തു നട്ടെല്ലി​ന്റെ ഇരുവ​ശ​ത്തു​മാ​യി അവ സ്ഥിതി​ചെ​യ്യു​ന്നു. ഓരോ​ന്നി​നും ഏകദേശം പത്തു സെൻറി​മീ​റ്റർ നീളവും അഞ്ചു സെൻറി​മീ​റ്റർ വീതി​യും രണ്ടര സെൻറി​മീ​റ്റർ കനവും 110 മുതൽ 170 വരെ ഗ്രാം തൂക്കവു​മുണ്ട്‌. വൃക്കയെ മുകളിൽനി​ന്നു താഴേക്കു രണ്ടു തുല്യ​ഭാ​ഗ​ങ്ങ​ളാ​യി വിഭജി​ച്ചാൽ ഇവിടെ കൊടു​ത്തി​രി​ക്കുന്ന ഡയഗ്ര​ങ്ങ​ളിൽ കാണു​ന്ന​തു​പോ​ലുള്ള വ്യതി​രി​ക്ത​മായ പല ഭാഗങ്ങൾ കാണാം.

വൃക്കയു​ടെ പ്രവർത്തനം വിഭാവന ചെയ്യു​ന്ന​തിന്‌, ഒരു പ്രത്യേക പരിപാ​ടി​ക്കാ​യി ആയിര​ക്ക​ണ​ക്കി​നു കാണികൾ ഒരു സ്റ്റേഡി​യ​ത്തി​ലേക്കു വരുന്ന​താ​യി സങ്കൽപ്പി​ക്കുക. ആദ്യം​തന്നെ ജനക്കൂട്ടം അനേകം ചെറിയ വരിക​ളാ​യി പിരി​യണം. പിന്നെ ഓരോ വരിയി​ലു​മുള്ള ആളുകൾ സുരക്ഷാ കവാട​ങ്ങ​ളി​ലൂ​ടെ ഒന്നൊ​ന്നാ​യി കടന്നു​പോ​കു​ന്നു. ടിക്കറ്റി​ല്ലാ​ത്ത​വരെ മാറ്റി നിർത്തു​ന്നു. ടിക്കറ്റുള്ള കാണികൾ കടന്നു​പോ​യി നിയമിത സീറ്റു​ക​ളിൽ ചെന്നി​രി​ക്കു​ന്നു.

സമാന​മാ​യി, നിങ്ങളു​ടെ രക്തത്തിലെ എല്ലാ ഘടകങ്ങ​ളും ശരീര​ത്തി​ലു​ട​നീ​ളം ചുറ്റി​സ​ഞ്ച​രി​ക്കേ​ണ്ട​തുണ്ട്‌. എന്നാൽ, അപ്രകാ​രം സഞ്ചരി​ക്കവേ വൃക്കധ​മ​നി​കൾ—അവ ഓരോ വൃക്കയ്‌ക്കും ഓരോ​ന്നു വീതമുണ്ട്‌—എന്നു വിളി​ക്ക​പ്പെ​ടുന്ന വലിയ രക്തക്കു​ഴ​ലു​കൾ വഴി അവ ആവർത്തി​ച്ചാ​വർത്തിച്ച്‌ നിങ്ങളു​ടെ വൃക്കക​ളി​ലൂ​ടെ കടന്നു​പോ​കണം. (24-ാം പേജിലെ ചിത്രം കാണുക.) വൃക്കയ്‌ക്കു​ള്ളിൽ ചെല്ലു​മ്പോൾ അതായത്‌, വൃക്കയു​ടെ ആന്തരിക-ബാഹ്യ പാളി​ക​ളിൽവെച്ചു വൃക്കധ​മനി വലുപ്പം​കു​റഞ്ഞ കുഴലു​ക​ളാ​യി പിരി​യു​ന്നു. അങ്ങനെ, രക്തത്തിലെ വ്യത്യസ്‌ത ഘടകങ്ങൾ വലുപ്പം​കു​റ​ഞ്ഞ​തും കൈകാ​ര്യം​ചെ​യ്യാൻ ഏറെ സുഗമ​വു​മായ “വരി”കളി​ലേക്ക്‌ ഒഴുകു​ന്നു.

ഒടുവിൽ രക്തം ചെറിയ കുലക​ളിൽ എത്തി​ച്ചേ​രു​ന്നു. ഓരോ കുലയി​ലും കെട്ടു​പി​ണ​ഞ്ഞു​കി​ട​ക്കുന്ന 40-ഓളം അതിസൂക്ഷ്‌മ രക്തക്കു​ഴ​ലു​ക​ളുണ്ട്‌. ഗ്ലോ​മെ​റു​ലസ്‌ എന്നു വിളി​ക്ക​പ്പെ​ടുന്ന ഓരോ കുല​യെ​യും ബൗമാൻസ്‌ കാപ്‌സ്യൂൾ എന്ന ഇരട്ടപ്പാ​ളി​ക​ളുള്ള ഒരു സ്‌തരം ആവരണം ചെയ്യുന്നു.a ഗ്ലോ​മെ​റു​ല​സും ബൗമാൻസ്‌ കാപ്‌സ്യൂ​ളും ചേർന്ന​താ​ണു വൃക്കയി​ലെ ‘സുരക്ഷാ കവാട’മായ നെ​ഫ്രോ​ണി​ന്റെ ആദ്യ ഭാഗം. വൃക്കയി​ലെ അടിസ്ഥാന അരിക്കൽ യൂണി​റ്റാ​ണു നെ​ഫ്രോൺ. ഓരോ വൃക്കയി​ലും പത്തുല​ക്ഷ​ത്തി​ല​ധി​കം നെ​ഫ്രോ​ണു​ക​ളുണ്ട്‌. എന്നാൽ അവയി​ലൊ​രെ​ണ്ണത്തെ പരി​ശോ​ധി​ക്കാൻ ഒരു ഭൂതക്ക​ണ്ണാ​ടി വേണം, അത്രയ്‌ക്കും ചെറു​താണ്‌ അത്‌!—25-ാം പേജിൽ വളരെ വലുതാ​ക്കി കാണി​ച്ചി​രി​ക്കുന്ന നെ​ഫ്രോ​ണി​ന്റെ ഡയഗ്രം കാണുക.

രക്തത്തിന്റെ ദ്വിഘട്ട അരിക്കൽ

രക്തപ്ര​വാ​ഹ​ത്തി​ലെ രക്തകോ​ശ​ങ്ങ​ളും മാംസ്യ​ങ്ങ​ളും ഒഴിച്ചു​കൂ​ടാൻപാ​ടി​ല്ലാ​ത്ത​വ​യാണ്‌. അവ നിങ്ങളു​ടെ ശരീര​ത്തിൽ ഓക്‌സി​ജൻ വിതരണം, പ്രതി​രോ​ധം, കേടു​പോ​ക്കൽ ഇത്യാദി ജീവത്‌പ്ര​ധാ​ന​മായ സേവനങ്ങൾ നിർവ​ഹി​ക്കു​ന്നു. രക്തകോ​ശ​ങ്ങ​ളും മാംസ്യ​ങ്ങ​ളും നഷ്ടപ്പെ​ടാ​തി​രി​ക്കു​ന്ന​തി​നാ​യി, അരിക്ക​ലി​ന്റെ ആദ്യ ഘട്ടത്തിൽ അവയെ മറ്റെല്ലാ ഘടകങ്ങ​ളിൽനി​ന്നും വേർതി​രി​ക്കു​ന്നു. ബൗമാൻസ്‌ കാപ്‌സ്യൂ​ളു​ക​ളാണ്‌ ഈ സവി​ശേ​ഷ​മായ ജോലി നിർവ​ഹി​ക്കു​ന്നത്‌. എന്നാൽ എങ്ങനെ?

ഗ്ലോ​മെ​റു​ല​സിൽ പ്രവേ​ശി​ക്കുന്ന രക്തക്കു​ഴ​ലു​കൾ വളരെ നേർത്ത ഭിത്തി​ക​ളോ​ടു​കൂ​ടിയ ചെറിയ ലോമി​ക​ക​ളാ​യി പിരി​യു​ന്നു. അപ്പോൾ, രക്തസമ്മർദ​ത്തി​ന്റെ ഫലമായി രക്തപ്ര​വാ​ഹ​ത്തി​ലുള്ള കുറെ ജലവും മറ്റു ചെറു തന്മാ​ത്ര​ക​ളും ലോമി​ക​ക​ളു​ടെ നേർത്ത സ്‌തര​ങ്ങ​ളി​ലൂ​ടെ പുറന്ത​ള്ള​പ്പെ​ടു​ന്നു. അവ ബൗമാൻസ്‌ കാപ്‌സ്യൂ​ളി​ലേ​ക്കും അതി​നോ​ടു ബന്ധിപ്പി​ച്ചി​രി​ക്കുന്ന ചുരുണ്ട നാളി​യി​ലേ​ക്കു​മാ​ണു ചെല്ലു​ന്നത്‌. ഈ നാളിയെ സംവലന നാളിക (convoluted tubule) എന്നു വിളി​ക്കു​ന്നു. വലുപ്പം​കൂ​ടിയ മാംസ്യ തന്മാ​ത്ര​ക​ളും എല്ലാ രക്തകോ​ശ​ങ്ങ​ളും രക്തപ്ര​വാ​ഹ​ത്തിൽത്തന്നെ കിടക്കു​ക​യും ലോമി​ക​ക​ളി​ലൂ​ടെ ഒഴുകി​ക്കൊ​ണ്ടി​രി​ക്കു​ക​യും ചെയ്യുന്നു.

ഇപ്പോൾ അരിക്കൽ പ്രക്രിയ കൂടുതൽ വരണാ​ത്മ​ക​മാ​യി​ത്തീ​രു​ന്നു [selective]. ശരീര​ത്തിന്‌ ഉപയോ​ഗ​പ്ര​ദ​മായ യാതൊ​ന്നും നഷ്ടപ്പെ​ടു​ന്നി​ല്ലെന്നു വൃക്കകൾ പൂർണ​മാ​യും ഉറപ്പു​വ​രു​ത്തണം! ഈ ഘട്ടത്തിൽ നാളി​ക​യി​ലൂ​ടെ ഒഴുകു​ന്നത്‌ ഉപയോ​ഗ​പ്ര​ദ​മായ ലീന തന്മാ​ത്ര​ക​ളു​ടെ​യും വിസർജ്യ​ങ്ങ​ളു​ടെ​യും അനാവശ്യ പദാർഥ​ങ്ങ​ളു​ടെ​യും ഒരു ദ്രവ മിശ്രി​ത​മാണ്‌. നാളി​ക​യു​ടെ ആന്തരഭി​ത്തി​യി​ലുള്ള, പ്രത്യേക ധർമം നിർവ​ഹി​ക്കുന്ന കോശങ്ങൾ ജലം, ലവണങ്ങൾ, പഞ്ചസാ​രകൾ, ധാതുക്കൾ, ജീവകങ്ങൾ, ഹോർമോ​ണു​കൾ, അമിനോ അമ്ലങ്ങൾ തുടങ്ങിയ ഉപയോ​ഗ​പ്ര​ദ​മായ തന്മാ​ത്ര​കളെ തിരി​ച്ച​റി​യു​ന്നു. അവയെ അവി​ടെ​നി​ന്നും ഫലപ്ര​ദ​മാ​യി സ്വീക​രി​ക്കു​ന്നു. അതായത്‌, അവ നാളി​കാ​ഭി​ത്തി​ക്കു​ള്ളി​ലേക്കു പുനരാ​ഗി​രണം ചെയ്യ​പ്പെ​ടു​ക​യും അവി​ടെ​നി​ന്നു ചുറ്റു​മുള്ള ലോമി​കാ ശൃംഖ​ല​യി​ലേക്കു കടക്കു​ക​യും അങ്ങനെ രക്തപ്ര​വാ​ഹ​ത്തിൽ പുനഃ​പ്ര​വേ​ശി​ക്കു​ക​യും ചെയ്യുന്നു. ഈ ലോമി​കകൾ കൂടി​ച്ചേർന്നു ചെറിയ സിരക​ളാ​യി​ത്തീ​രു​ക​യും അവ സംയോ​ജിച്ച്‌ വൃക്കസിര എന്നു വിളി​ക്ക​പ്പെ​ടുന്ന രക്തക്കു​ഴ​ലാ​യി​ത്തീ​രു​ക​യും ചെയ്യുന്നു. ഇപ്പോൾ മാലി​ന്യ​ങ്ങൾ അരിച്ചു​മാ​റ്റി ശുദ്ധീ​ക​രി​ക്ക​പ്പെട്ട രക്തം അതിലൂ​ടെ വൃക്കയിൽനി​ന്നു പുറത്തു കടക്കു​ക​യും നിങ്ങളു​ടെ ശരീര​ത്തിൽ ജീവൻ നിലനിർത്തു​ന്ന​തി​നാ​യി ഒഴുക്കു തുടരു​ക​യും ചെയ്യുന്നു.

വിസർജ്യ​ങ്ങൾ പുറന്തള്ളൽ

അപ്പോൾ നാളി​ക​യിൽ ബാക്കി​യുള്ള ദ്രാവ​ക​മോ? സ്‌പഷ്ട​മാ​യും അതിലു​ള്ളതു ശരീര​ത്തിന്‌ ആവശ്യ​മി​ല്ലാത്ത പദാർഥ​ങ്ങ​ളാണ്‌. ഈ ദ്രാവകം നാളി​ക​യി​ലൂ​ടെ വലുപ്പ​മേ​റിയ സംഭരണ നാളി​ക​യി​ലേക്ക്‌ അഥവാ സംഭരണ നാളി​യി​ലേക്ക്‌ ഒഴുകവേ നാളികാ ഭിത്തി​യി​ലെ മറ്റു കോശങ്ങൾ അമോ​ണിയ, പൊട്ടാ​സ്യം, യൂറിയ, യൂറിക്ക്‌ ആസിഡ്‌, അധിക ജലം എന്നിങ്ങ​നെ​യുള്ള മറ്റു സ്രവങ്ങളെ അതി​ലേക്കു വിടുന്നു. അന്തി​മോ​ത്‌പ​ന്ന​മാണ്‌ മൂത്രം.

വ്യത്യ​സ്‌ത നെ​ഫ്രോ​ണു​ക​ളിൽനി​ന്നുള്ള സംഭരണ നാളികൾ ഒന്നിച്ചു​ചേർന്ന്‌ പിരമി​ഡു​ക​ളു​ടെ അഗ്രങ്ങ​ളി​ലുള്ള ദ്വാര​ങ്ങ​ളി​ലൂ​ടെ മൂത്രത്തെ പുറന്ത​ള്ളു​ന്നു. മൂത്രം വൃക്കയി​ലെ പെൽവി​സി​ലേക്കു ചെന്ന്‌ അവി​ടെ​നിന്ന്‌ മൂത്ര​നാ​ളി—വൃക്ക​യെ​യും മൂത്ര​സ​ഞ്ചി​യെ​യും തമ്മിൽ ബന്ധിപ്പി​ക്കുന്ന നാളി—വഴി മൂത്ര​സ​ഞ്ചി​യി​ലേക്കു പോകു​ന്നു. മൂത്രം ശരീര​ത്തിൽനി​ന്നു പുറന്ത​ള്ള​പ്പെ​ടു​ന്ന​തി​നു മുമ്പ്‌ മൂത്ര​സ​ഞ്ചി​യി​ലാണ്‌ ശേഖരി​ക്ക​പ്പെ​ടു​ന്നത്‌.

അതിസൂ​ക്ഷ്‌മ​ങ്ങ​ളെ​ങ്കി​ലും നിങ്ങളു​ടെ വൃക്കക​ളി​ലെ 20 ലക്ഷത്തി​ല​ധി​കം വരുന്ന നെ​ഫ്രോ​ണു​കൾ വളരെ വലിയ ഒരു ജോലി​യാ​ണു നിർവ​ഹി​ക്കു​ന്നത്‌. ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇങ്ങനെ പ്രസ്‌താ​വി​ക്കു​ന്നു: “നെ​ഫ്രോ​ണു​കൾ . . . ഓരോ 45 മിനി​റ്റി​ലും രക്തത്തിലെ മൊത്തം അഞ്ചു ലിറ്റർ ജലം അരിക്കു​ന്നുണ്ട്‌.” ആരോ​ഗ്യ​മുള്ള ഒരു സാധാരണ ശരീര​ത്തിന്‌ ഓരോ 24 മണിക്കൂ​റി​ലും, വ്യത്യസ്‌ത പദാർഥ​ങ്ങളെ പുനരാ​ഗി​രണം ചെയ്‌ത്‌ പല പ്രക്രി​യകൾ പൂർത്തി​യാ​ക്കി​യ​ശേഷം ഏതാണ്ട്‌ രണ്ടു ലിറ്റർ വിസർജ്യ​ത്തെ മൂത്ര​രൂ​പ​ത്തിൽ പുറന്ത​ള്ളാൻ കഴിയും. എത്ര കഠിന​വേല ഉൾപ്പെ​ട്ട​തും സമഗ്ര​വു​മായ അരിക്കൽ സംവി​ധാ​നം!

നിങ്ങളു​ടെ വൃക്കകളെ സംരക്ഷി​ക്കുക!

വൃക്കകൾ സ്വയം വൃത്തി​യാ​ക്കാ​നും സ്വയം കേടു​പോ​ക്കാ​നും ദീർഘ​നേരം പ്രവർത്തി​ക്കാ​നും കഴിവു​ള്ള​വ​യാണ്‌. എന്നാൽ, അവയുടെ ജോലി ചെയ്യാൻ അവയെ സഹായി​ക്കു​ന്ന​തിൽ നിങ്ങൾക്കൊ​രു പങ്കുണ്ട്‌. നിങ്ങളു​ടെ ശരീരം ആരോ​ഗ്യ​മു​ള്ള​താ​യി​രി​ക്ക​ണ​മെ​ങ്കിൽ വളരെ​യ​ധി​കം ജലം വൃക്കക​ളി​ലൂ​ടെ കടന്നു​പോ​കണം. വാസ്‌ത​വ​ത്തിൽ, വൃക്കകൾക്കു​ണ്ടാ​കുന്ന രോഗ​ബാ​ധ​ക​ളും വൃക്കക​ളി​ലെ കല്ലും തടയു​ന്ന​തി​നുള്ള മുഖ്യ മാർഗം വേണ്ടു​വോ​ളം ജലം കുടി​ക്കു​ന്ന​താ​ണെന്നു കരുത​പ്പെ​ടു​ന്നു.b കൂടാതെ, വെള്ളം കുടി​ക്കു​ന്നതു ദഹനവ്യ​വ​സ്ഥ​യെ​യും ഹൃദയ-രക്തക്കുഴൽ വ്യവസ്ഥ​യെ​യും സഹായി​ക്കു​ന്നു​വെന്നു ന്യൂ​യോർക്കി​ലെ ലോങ്‌ ഐലൻഡ്‌ കോ​ളെജ്‌ ഹോസ്‌പി​റ്റ​ലി​ലെ യൂറോ​ളജി വിഭാ​ഗ​ത്തി​ന്റെ ചെയർമാ​നായ ഡോ. സി. ഗോ​ഡെക്‌ ചൂണ്ടി​ക്കാ​ട്ടു​ന്നു.

എത്രമാ​ത്രം വെള്ളം കുടി​ക്കണം? ഓരോ​രു​ത്ത​രും മറ്റ്‌ ആഹാര​പാ​നീ​യങ്ങൾ കഴിക്കു​ന്ന​തി​നു പുറമേ ദിവസ​വും രണ്ടു ലിറ്റർ വെള്ള​മെ​ങ്കി​ലും കുടി​ക്ക​ണ​മെന്നു ഡോ. ഗോ​ഡെ​കും മറ്റു പല ഡോക്ടർമാ​രും ശുപാർശ ചെയ്യുന്നു. “മിക്കയാ​ളു​ക​ളു​ടെ​യും ശരീര​ത്തിന്‌ നിർജ​ലീ​ക​രണം സംഭവി​ച്ചി​രി​ക്കു​ന്നു” എന്ന്‌ ഡോ. ഗോ​ഡെക്‌ ഉണരുക!യോടു പറഞ്ഞു. വൃക്കകൾക്കോ ഹൃദയ​ത്തി​നോ രോഗ​മൊ​ന്നു​മി​ല്ലാ​ത്തി​ട​ത്തോ​ളം​കാ​ലം വെള്ളം ചെല്ലു​ന്നത്‌ അവയ്‌ക്കു നല്ലതാ​ണെന്ന്‌ അദ്ദേഹം അഭി​പ്രാ​യ​പ്പെട്ടു. “എന്നാൽ നിങ്ങൾ വേണ്ടു​വോ​ളം വെള്ളം കുടി​ക്കണം, മിക്കയാ​ളു​ക​ളും വേണ്ടത്ര കുടി​ക്കാ​റില്ല” എന്ന്‌ ഡോ. ഗോ​ഡെക്‌ പറഞ്ഞു.

നാരങ്ങാ​നീ​രോ മറ്റോ അൽപ്പം ചേർത്തു സ്വാദു​വ​രു​ത്തിയ വെള്ളമാ​ണു ചിലർക്ക്‌ ഏറെ പ്രിയം. മറ്റു ചിലർക്കാ​ണെ​ങ്കിൽ ഉറവജ​ല​ത്തി​ന്റെ​യോ ക്രിയാ​ശീ​ലിത മരക്കരി​യി​ലൂ​ടെ അരി​ച്ചെ​ടുത്ത വെള്ളത്തി​ന്റെ​യോ സ്വാദാണ്‌ ഇഷ്ടം. എങ്ങനെ​യാ​യാ​ലും, മറ്റേതു പാനീ​യ​ത്തെ​ക്കാ​ളും വൃക്കകൾക്കു നല്ലത്‌ ഒന്നും ചേർക്കാ​ത്ത​തോ അൽപ്പം മാത്രം സ്വാദു ചേർത്ത​തോ ആയ വെള്ളമാണ്‌. വാസ്‌ത​വ​ത്തിൽ, പഴച്ചാ​റു​ക​ളി​ലും മധുര​പാ​നീ​യ​ങ്ങ​ളി​ലും അടങ്ങി​യി​രി​ക്കുന്ന പഞ്ചസാര വെള്ളത്തി​നു​വേ​ണ്ടി​യുള്ള ശരീര​ത്തി​ന്റെ ആവശ്യം വർധി​പ്പി​ക്കു​ന്നു. ആൽക്ക​ഹോ​ളോ കഫീനോ അടങ്ങിയ പാനീ​യങ്ങൾ ശരീര​ത്തിൽനി​ന്നു വെള്ളം നഷ്ടപ്പെ​ടാൻ ഇടയാ​ക്കു​ന്നു.

ദിവസ​വും രണ്ടു ലിറ്റർ വെള്ളം കുടി​ക്കുന്ന ശീലം വളർത്തി​യെ​ടു​ക്കു​ന്നതു തീർച്ച​യാ​യും ഒരു വെല്ലു​വി​ളി​യാണ്‌. സാധാ​ര​ണ​യിൽ കൂടുതൽ തവണ മൂത്ര​മൊ​ഴി​ക്കാൻ പോകു​ന്നത്‌ അസൗക​ര്യ​മു​ള​വാ​ക്കു​ന്ന​തോ ലജ്ജാക​ര​മോ ആയി പലരും കാണു​ന്നു​വെ​ന്ന​താണ്‌ ഒരു കാരണം. എന്നാൽ ഈ കൂടു​ത​ലായ ശ്രമം നടത്തി​യാൽ നിങ്ങളു​ടെ ശരീരം നിങ്ങ​ളോ​ടു നന്ദി കാണി​ക്കും. വേണ്ടു​വോ​ളം വെള്ളം കുടി​ക്കു​ന്നത്‌ ആരോഗ്യ സംരക്ഷ​ണ​ത്തി​നു സഹായി​ക്കു​മെന്നു മാത്രമല്ല, അതു നിങ്ങളു​ടെ ശരീര​കാ​ന്തി​യും വർധി​പ്പി​ക്കും. പോഷ​ക​സ​മ്പു​ഷ്ട​മായ ആഹാരം കഴിക്കു​ന്ന​തും വെള്ളം ധാരാളം കുടി​ക്കു​ന്ന​തും ചർമകാ​ന്തി വർധി​പ്പി​ക്കു​ന്ന​തിൽ ഏതൊരു ത്വക്ക്‌ ലേപന​ത്തെ​ക്കാ​ളും ഫലപ്ര​ദ​മാ​ണെന്നു ഡോക്ടർമാർ ചൂണ്ടി​ക്കാ​ണി​ക്കു​ന്നു.

സങ്കടക​ര​മെ​ന്നു പറയട്ടെ, നമ്മുടെ ദാഹവ്യ​വസ്ഥ അപൂർണ​മാണ്‌. പ്രായ​മാ​കു​ന്തോ​റും അതിന്റെ സംവേ​ദ​ന​ക്ഷമത കുറഞ്ഞു​വ​രു​ക​യും ചെയ്യുന്നു. അതു​കൊണ്ട്‌, നമുക്ക്‌ എത്രമാ​ത്രം ജലം ആവശ്യ​മു​ണ്ടെ​ന്നതു ദാഹത്തെ മാത്രം അടിസ്ഥാ​ന​മാ​ക്കി നിർണ​യി​ക്കാൻ കഴിയില്ല. വേണ്ടത്ര വെള്ളം കുടി​ക്കു​ന്നു​ണ്ടെന്ന്‌ നിങ്ങൾക്ക്‌ എങ്ങനെ ഉറപ്പു​വ​രു​ത്താൻ കഴിയും? ചിലർ രാവിലെ എഴു​ന്നേൽക്കുന്ന ഉടൻതന്നെ രണ്ടു ഗ്ലാസ്‌ വെള്ളം കുടി​ക്കു​ന്നു. പിന്നീട്‌ ക്രമമായ ഇടവേ​ള​ക​ളിൽ ഓരോ ഗ്ലാസ്‌ വെള്ളവും കുടി​ക്കു​ന്നു. മറ്റുചി​ലർ സുതാ​ര്യ​മായ ഒരു ജലപാ​ത്രം കൺമു​മ്പിൽ, എടുക്കാൻ എളുപ്പ​മു​ള്ളി​ടത്തു വെക്കുന്നു—ദിവസം മുഴു​വ​നും ഇടവി​ട്ടി​ട​വിട്ട്‌ ക്രമമാ​യി ഓരോ കവിൾ വെള്ളം കുടി​ക്കു​ന്ന​തി​നുള്ള ഒരു ഓർമി​പ്പി​ക്ക​ലാ​ണിത്‌. നിങ്ങൾ ഏതു രീതി അവലം​ബി​ച്ചാ​ലും ശുദ്ധമായ, തെളിഞ്ഞ ജലം ധാരാ​ള​മാ​യി കുടി​ക്കു​ന്നതു നിങ്ങളു​ടെ വൃക്കക​ളോ​ടുള്ള—നിങ്ങളെ ജീവ​നോ​ടെ നിലനിർത്തുന്ന അത്ഭുത​ക​ര​മായ അരിപ്പ​യോ​ടുള്ള—വിലമ​തി​പ്പു പ്രകട​മാ​ക്കാ​നുള്ള നല്ലൊരു മാർഗ​മാണ്‌.

[അടിക്കു​റി​പ്പു​കൾ]

[25-ാം പേജിലെ ചതുരം]

നെഫ്രോൺ—അടിസ്ഥാന അരിക്കൽ യൂണിറ്റ്‌

ഓരോ വൃക്കയി​ലും പത്തുല​ക്ഷ​ത്തി​ല​ധി​കം നെ​ഫ്രോ​ണു​ക​ളുണ്ട്‌. ഓരോ നെ​ഫ്രോ​ണി​ലെ​യും നാളി​കാ​വ്യ​വ​സ്ഥ​യ്‌ക്കു ശരാശരി മൂന്നു സെൻറി​മീ​റ്റ​റോ​ളം നീളവും കേവലം 0.05 മില്ലി​മീ​റ്റർ വീതി​യു​മുണ്ട്‌. എങ്കിലും, ഒരു വൃക്കയി​ലെ എല്ലാ നാളി​ക​ക​ളു​ടെ​യും ചുരുൾ നിവർത്താൻ കഴിയു​മെ​ങ്കിൽ അവയ്‌ക്ക്‌ ഏതാണ്ട്‌ 30 കിലോ​മീ​റ്റർ നീളം വരും!

നെ​ഫ്രോ​ണി​ലെ സംവലന നാളി​ക​യു​ടെ വളഞ്ഞ അറ്റമാണ്‌ ബൗമാൻസ്‌ കാപ്‌സ്യൂൾ. ഈ നാളി​ക​യ്‌ക്കു ചുറ്റും ലോമി​കകൾ എന്നു വിളി​ക്ക​പ്പെ​ടുന്ന വളരെ ചെറിയ രക്തക്കു​ഴ​ലു​ക​ളു​ടെ ഒരു ശൃംഖല ഉണ്ട്‌. ഈ നാളിക വലിപ്പ​മേ​റിയ ഒരു സംഭരണ നാളി​യിൽ ചെന്നു​ചേ​രു​ന്നു. അതു നെ​ഫ്രോൺ അരിച്ചു​മാ​റ്റിയ വിസർജ്യ​ങ്ങ​ളെ​യും വിഷപ​ദാർഥ​ങ്ങ​ളെ​യും വഹിച്ചു​കൊ​ണ്ടു​പോ​കു​ന്നു.

[24-ാം പേജിലെ ചിത്രം]

വൃക്കസിര പുതു​താ​യി അരിച്ച രക്തത്തെ ശരീര​ത്തി​ലേക്കു കൊണ്ടു​പോ​കു​ന്നു

വൃക്കധമനി അരിക്കാത്ത രക്തത്തെ വൃക്കയി​ലേക്കു കൊണ്ടു​പോ​കു​ന്നു

വൃക്ക പിരമി​ഡു​കൾ മൂത്രത്തെ വൃക്കയി​ലെ പെൽവി​സി​ലേക്കു വിടുന്ന കോണാ​കൃ​തി​യി​ലുള്ള ഭാഗങ്ങ​ളാണ്‌

കോർട്ടക്‌സിൽ ഓരോ നെ​ഫ്രോ​ണി​ന്റെ​യും ഗ്ലോ​മെ​റു​ലസ്‌ അടങ്ങുന്നു

വൃക്കയിലെ പെൽവിസ്‌ മൂത്രത്തെ ശേഖരി​ച്ചു മൂത്ര​നാ​ളി​യി​ലേക്കു വിടുന്ന ഒരു ചോർപ്പാണ്‌

മൂത്രനാളി മൂത്രത്തെ വൃക്കയിൽനി​ന്നു മൂത്ര​സ​ഞ്ചി​യി​ലേക്കു വഹിച്ചു​കൊ​ണ്ടു​പോ​കു​ന്നു

[25-ാം പേജിലെ രേഖാ​ചി​ത്രം]

നെഫ്രോണുകൾ എന്നു വിളി​ക്ക​പ്പെ​ടുന്ന 20 ലക്ഷത്തോ​ളം വരുന്ന അതിസൂക്ഷ്‌മ നാളികാ അരിപ്പകൾ രക്തം ശുദ്ധി​ചെ​യ്യു​ന്നു

ബൗമാൻസ്‌ കാപ്‌സ്യൂൾ

ഗ്ലോമെറുലസ്‌

മൂത്രം സംവലന നാളി​ക​യിൽ ശേഖരി​ക്ക​പ്പെ​ടു​ക​യും പിന്നീടു മൂത്ര​സ​ഞ്ചി​യി​ലേക്കു പോകു​ക​യും ചെയ്യുന്നു

ലോമികകൾ