പ്രശ്‌ന​വി​മു​ക്ത​മായ ഒരു പറുദീസ—ഉടൻ ഒരു യാഥാർഥ്യം

“നീഎ​ന്നോ​ടു​കൂ​ടെ പറുദീ​സ​യിൽ ഉണ്ടായി​രി​ക്കും.” കുറ്റവാ​ളി​യാ​യി​രുന്ന ഒരു മനുഷ്യന്‌ ആ വാക്കുകൾ എത്ര ആശ്വാസം പകർന്നെ​ന്നോ! മരിക്കു​മ്പോൾ അഗ്നിന​ര​ക​ത്തിൽ പോകാ​തെ താൻ സ്വർഗ​ത്തി​ലേ​ക്കാ​യി​രി​ക്കും പോകു​ന്ന​തെന്ന്‌ തീർച്ച​യാ​യും അയാൾ വിചാ​രി​ച്ചില്ല. മറിച്ച്‌, യേശു​വി​നോ​ടൊ​പ്പം ശിക്ഷി​ക്ക​പ്പെട്ട ആ കള്ളൻ, ഭൂമി​യിൽ പറുദീസ പുനഃ​സ്ഥാ​പി​ത​മാ​കു​മ്പോൾ താൻ ജീവനി​ലേക്കു പുനരു​ത്ഥാ​നം ചെയ്യ​പ്പെ​ടു​മെന്ന പ്രത്യാ​ശ​യിൽ ആശ്വാസം കണ്ടെത്തി. പറുദീ​സ​യെ​ക്കു​റി​ച്ചുള്ള ശ്രദ്ധേ​യ​മായ ഈ പ്രസ്‌താ​വന നടത്തി​യത്‌ ആരെന്നു ദയവായി നോക്കുക. അത്‌ ദൈവ​ത്തി​ന്റെ സ്വപു​ത്ര​നായ യേശു​ക്രി​സ്‌തു​വാ​യി​രു​ന്നു.—ലൂക്കൊസ്‌ 23:43, NW.

പറുദീസ വാഗ്‌ദാ​നം ചെയ്യാൻ യേശു​വി​നെ പ്രേരി​പ്പി​ച്ചത്‌ എന്തായി​രു​ന്നു? ആ കള്ളന്റെ അപേക്ഷ ഇതായി​രു​ന്നു: “യേശുവേ, നീ രാജത്വം പ്രാപി​ച്ചു വരു​മ്പോൾ എന്നെ ഓർത്തു​കൊ​ള്ളേ​ണമേ.” (ലൂക്കൊസ്‌ 23:42) ഈ രാജ്യം എന്താണ്‌? അതും ഭൗമിക പറുദീ​സ​യും തമ്മിലുള്ള ബന്ധമെ​ന്താണ്‌? പറുദീസ പ്രശ്‌ന​വി​മു​ക്ത​മാ​യി​രി​ക്കു​മെന്ന​തിന്‌ ഇത്‌ ഉറപ്പു നൽകു​ന്ന​തെ​ങ്ങനെ?

പറുദീ​സ​യ്‌ക്കു പിന്നിലെ ശക്തി

ഇന്നത്തെ പ്രശ്‌ന​ങ്ങ​ളെ​ല്ലാം ഇല്ലാതാ​യാൽ മാത്രമേ ഭൂമി​യിൽ ഒരു യഥാർഥ പറുദീസ ആഗതമാ​കു​ക​യു​ള്ളു എന്നു നിങ്ങൾ സമ്മതി​ക്കും. ചരിത്രം വ്യക്തമാ​യി തെളി​യി​ക്കു​ന്ന​തു​പോ​ലെ അവ നീക്കം ചെയ്യാ​നുള്ള മാനു​ഷിക ശ്രമങ്ങ​ളെ​ല്ലാം ഇന്നോളം പരാജ​യ​മ​ട​ഞ്ഞി​രി​ക്കു​ന്നു. എബ്രായ പ്രവാ​ച​ക​നായ യിരെ​മ്യാവ്‌ സമ്മതി​ച്ചു​പ​റഞ്ഞു: ‘യഹോവേ, നടക്കു​ന്ന​വന്നു തന്റെ കാലടി​കളെ നേരെ ആക്കുന്നതു സ്വാധീ​നമല്ല എന്നു ഞാൻ അറിയു​ന്നു.’ (യിരെ​മ്യാ​വു 10:23) അപ്പോൾപ്പി​ന്നെ ഇന്നത്തെ പ്രശ്‌ന​ങ്ങ​ളെ​ല്ലാം തുടച്ചു​മാ​റ്റാൻ ആർക്കു കഴിയും?

കഠിന​മാ​യ കാലാ​വ​സ്ഥ​യും മലിനീ​ക​ര​ണ​വും. ഗലീലാ​ക്ക​ട​ലി​നു മീതെ വീശി​യ​ടിച്ച ഒരു വലിയ കൊടു​ങ്കാറ്റ്‌ കൂറ്റൻ തിരമാ​ല​കളെ ഇളക്കി​മ​റി​ച്ച​തി​ന്റെ ഫലമായി വള്ളം തകർന്നു പോകു​മെന്ന അവസ്ഥയാ​യ​പ്പോൾ അതിലെ യാത്ര​ക്കാർ മയക്കത്തി​ലാ​യി​രുന്ന തങ്ങളുടെ സഹചാ​രി​യെ വിളി​ച്ചു​ണർത്തി. അവൻ കടലി​നോട്‌ ഇത്രമാ​ത്രം പറഞ്ഞു: “അനങ്ങാ​തി​രിക്ക, അടങ്ങുക.” സംഭവി​ച്ച​തെ​ന്തെന്നു മർക്കൊ​സി​ന്റെ സുവി​ശേഷം വിവരി​ക്കു​ന്നു: “കാററു അമർന്നു, വലിയ ശാന്തത ഉണ്ടായി.” (മർക്കൊസ്‌ 4:39) അവരുടെ സഹയാ​ത്രി​കൻ യേശു​വ​ല്ലാ​തെ മറ്റാരു​മാ​യി​രു​ന്നില്ല. അവന്‌ കാലാ​വ​സ്ഥയെ നിയ​ന്ത്രി​ക്കാ​നുള്ള ശക്തിയു​ണ്ടാ​യി​രു​ന്നു.

ദൈവം, ‘ഭൂമിയെ നശിപ്പി​ക്കു​ന്ന​വരെ നശിപ്പി​ക്കുന്ന’ ഒരു കാലം വരു​മെന്ന്‌ അപ്പോ​സ്‌ത​ല​നായ യോഹ​ന്നാ​നി​ലൂ​ടെ മുൻകൂ​ട്ടി പറഞ്ഞതും ഇതേ യേശു​തന്നെ. (വെളി​പ്പാ​ടു 1:1; 11:18) നോഹ​യു​ടെ നാളിലെ ജലപ്ര​ള​യ​ത്തിൽ ഭക്തികെട്ട ജനങ്ങളു​ടെ ഒരു ലോകത്തെ അപ്പാടെ നീക്കം​ചെയ്‌ത ദൈവ​ത്തിന്‌ ഇത്‌ അസാധ്യ​മായ ഒരു സംഗതി​യല്ല.—2 പത്രൊസ്‌ 3:5, 6.

കുറ്റകൃ​ത്യ​വും അക്രമ​വും. ബൈബിൾ വാഗ്‌ദാ​നം ചെയ്യുന്നു: “ദുഷ്‌പ്ര​വൃ​ത്തി​ക്കാർ ഛേദി​ക്ക​പ്പെ​ടും; യഹോ​വയെ പ്രത്യാ​ശി​ക്കു​ന്ന​വ​രോ ഭൂമിയെ കൈവ​ശ​മാ​ക്കും. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” (സങ്കീർത്തനം 37:9, 11) വീണ്ടും, കുറ്റകൃ​ത്യ​വും അക്രമ​വും നീക്കം ചെയ്‌ത്‌ സൗമ്യ​ത​യു​ള്ള​വർക്കാ​യി പറുദീസ നീക്കി​വെ​ക്കു​മെന്നു വാഗ്‌ദാ​നം ചെയ്യു​ന്ന​തും യഹോ​വ​യാം ദൈവം​തന്നെ.

ദാരി​ദ്ര്യ​വും പട്ടിണി​യും. ദരിദ്ര രാജ്യങ്ങൾ പട്ടിണി​യു​മാ​യി മല്ലടി​ക്കു​മ്പോൾ ലോക​ത്തി​ലെ മറ്റൊരു ഭാഗത്തെ ഗവൺമെൻറു​കൾക്ക്‌ ആവശ്യ​ത്തി​ല​ധി​കം ഭക്ഷ്യവ​സ്‌തു​ക്കൾ “കൂമ്പാരം” കൂട്ടി​വെ​ക്കാൻ ഇന്നത്തെ അനീതി മൂലം സാധി​ക്കു​ന്നു. സഹായ​മ​ന​സ്‌ക​രായ ആളുക​ളു​ടെ പിന്തു​ണ​യോ​ടെ അടിസ്ഥാന ആവശ്യങ്ങൾ പ്രദാനം ചെയ്യാൻ ദുരി​താ​ശ്വാ​സ ഏജൻസി​കൾ ശ്രമി​ക്കു​ന്നു​ണ്ടെ​ങ്കി​ലും ക്രമസ​മാ​ധാ​ന​മി​ല്ലായ്‌മ നിമിത്തം വിതര​ണ​പ​ദ്ധ​തി​കൾ തകരു​ന്ന​തി​നാൽ ആ ശ്രമങ്ങൾ മിക്ക​പ്പോ​ഴും പരാജ​യ​മ​ട​യു​ന്നു. പ്രവാ​ച​ക​നായ യെശയ്യാവ്‌ രേഖ​പ്പെ​ടു​ത്തി​യ​തു​മാ​യി ഇതിനെ വിപരീ​ത​താ​ര​ത​മ്യം ചെയ്യുക: “സൈന്യ​ങ്ങ​ളു​ടെ യഹോവ ഈ പർവ്വത​ത്തിൽ സകലജാ​തി​കൾക്കും മൃഷ്ട​ഭോ​ജ​ന​ങ്ങൾകൊ​ണ്ടും മട്ടൂറിയ വീഞ്ഞു​കൊ​ണ്ടും ഒരു വിരുന്നു കഴിക്കും; മേദസ്സു​നി​റഞ്ഞ മൃഷ്ട​ഭോ​ജ​ന​ങ്ങൾകൊ​ണ്ടും മട്ടു നീക്കി തെളി​ച്ചെ​ടുത്ത വീഞ്ഞു കൊണ്ടും ഉള്ള വിരുന്നു തന്നേ.” (യെശയ്യാ​വു 25:6) ക്ഷാമവും പട്ടിണി​യും മേലാൽ ഉണ്ടായി​രി​ക്കു​ക​യില്ല എന്നല്ലേ അതർഥ​മാ​ക്കു​ന്നത്‌? തീർച്ച​യാ​യും.

യുദ്ധം. ഒരു ദേശീ​യാ​തീത ഗവൺമെൻറി​ലൂ​ടെ ഭൂമിയെ ഭരിക്കാ​നുള്ള ശ്രമങ്ങൾ പരാജ​യ​മ​ട​ഞ്ഞി​രി​ക്കു​ന്നു. 1920-ൽ സ്ഥാപി​ത​മായ സർവരാ​ജ്യ​സ​ഖ്യം, രണ്ടാം ലോക മഹായു​ദ്ധം പൊട്ടി​പ്പു​റ​പ്പെ​ടു​ന്നതു തടയാൻ പരാജ​യ​പ്പെ​ടു​ക​യും അങ്ങനെ അത്‌ നാമാ​വ​ശേ​ഷ​മാ​കു​ക​യും ചെയ്‌തു. സമാധാ​ന​ത്തി​നുള്ള ഏറ്റവും നല്ല പ്രതീ​ക്ഷ​യെന്നു മിക്ക​പ്പോ​ഴും പ്രകീർത്തി​ക്ക​പ്പെ​ടുന്ന ഐക്യ​രാ​ഷ്‌ട്രങ്ങൾ, സംഘർഷം മുറ്റി​നിൽക്കുന്ന പ്രദേ​ശ​ങ്ങ​ളിൽ എതിർ ചേരി​കളെ തമ്മിൽ അകറ്റി നിർത്താൻ പാടു​പെ​ടു​ന്നു. സമാധാന ശ്രമങ്ങ​ളെ​ക്കു​റിച്ച്‌ അതു കൊട്ടി​ഘോ​ഷി​ക്കു​ന്നു​ണ്ടെ​ങ്കി​ലും ആഭ്യന്ത​ര​മോ വംശീ​യ​മോ സാമു​ദാ​യി​ക​മോ ആയ യുദ്ധങ്ങൾ ഇന്നും നടക്കുന്നു. യുദ്ധത്തി​ലേർപ്പെ​ട്ടി​രി​ക്കു​ന്ന​വരെ നീക്കം ചെയ്യു​മെ​ന്നും പ്രജകളെ സമാധാ​ന​ത്തി​ന്റെ വഴികൾ അഭ്യസി​പ്പി​ക്കു​മെ​ന്നും ദൈവ​രാ​ജ്യ ഗവൺമെൻറ്‌ വാഗ്‌ദാ​നം ചെയ്യുന്നു.—യെശയ്യാ​വു 2:2-4; ദാനീ​യേൽ 2:44.

കുടുംബ, ധാർമിക തകർച്ച. കുടും​ബ​ശി​ഥി​ലീ​ക​രണം ഇന്നു വ്യാപ​ക​മാണ്‌, ബാലജന ദുഷ്‌കൃ​ത്യ​വും അങ്ങനെ​തന്നെ. അധാർമി​കത മനുഷ്യ​സ​മൂ​ഹ​ത്തി​ന്റെ സമസ്‌ത തലങ്ങ​ളെ​യും ബാധി​ച്ചി​രി​ക്കു​ന്നു. എങ്കിലും ദൈവ​ത്തി​ന്റെ നിലവാ​രങ്ങൾ ആരംഭം മുതൽ മാറ്റമി​ല്ലാ​തെ​തന്നെ നില​കൊ​ണ്ടി​രി​ക്കു​ന്നു. ‘മനുഷ്യൻ അപ്പനെ​യും അമ്മയെ​യും വിട്ടു ഭാര്യ​യോ​ടു പററി​ച്ചേ​രും; ഇരുവ​രും ഒരു ദേഹമാ​യി തീരും. ആകയാൽ ദൈവം യോജി​പ്പി​ച്ച​തി​നെ മനുഷ്യൻ വേർപി​രി​ക്ക​രുത്‌’ എന്ന്‌ യേശു സാക്ഷ്യ​പ്പെ​ടു​ത്തി. (മത്തായി 19:5, 6) കൂടാതെ, യഹോ​വ​യാം ദൈവം ഇങ്ങനെ​യും കൽപ്പിച്ചു: ‘നിനക്കു നൻമ ഉണ്ടാകു​വാ​നും നീ ഭൂമി​യിൽ ദീർഘാ​യു​സ്സോ​ടി​രി​പ്പാ​നും നിന്റെ അപ്പനെ​യും അമ്മയെ​യും ബഹുമാ​നിക്ക.’ (എഫെസ്യർ 6:2, 3) അത്തരം നിലവാ​രങ്ങൾ ദൈവ​രാ​ജ്യ​ത്തിൻ കീഴിൽ ഭൂമി​യിൽ നിലനിൽക്കും.

രോഗ​വും മരണവും. “യഹോവ . . . നമ്മെ രക്ഷിക്കും,” “അവിടത്തെ നിവാ​സി​ക​ളി​ലാ​രും താൻ രോഗി​യാ​ണെന്നു പറയു​ക​യില്ല” എന്നു പ്രവാ​ച​ക​നായ യെശയ്യാ​വു വാഗ്‌ദാ​നം ചെയ്‌തു. (യെശയ്യാ​വു 33:22, 24, പി.ഒ.സി. ബൈബിൾ) “പാപത്തി​ന്റെ ശമ്പളം മരണമ​ത്രേ; ദൈവ​ത്തി​ന്റെ കൃപാ​വ​ര​മോ നമ്മുടെ കർത്താ​വായ യേശു​ക്രി​സ്‌തു​വിൽ നിത്യ​ജീ​വൻതന്നേ.”—റോമർ 6:23.

ഇത്തരം പ്രശ്‌ന​ങ്ങ​ളെ​ല്ലാം തന്റെ പുത്ര​നായ ക്രിസ്‌തു​യേ​ശു​വി​ന്റെ കരങ്ങളി​ലെ തന്റെ സ്വർഗീയ ഗവൺമെൻറ്‌ മുഖേന യഹോ​വ​യാം ദൈവം നീക്കം ചെയ്യും. എങ്കിലും നിങ്ങൾ പറഞ്ഞേ​ക്കാം, ‘ഈ വർണന ഒരു സങ്കൽപ്പം പോ​ലെ​യു​ണ്ട​ല്ലോ. തീർച്ച​യാ​യും, അത്‌ യാഥാർഥ്യ​മാ​യാൽ വളരെ ആനന്ദ​പ്ര​ദ​മാ​യി​രി​ക്കും, എന്നാൽ അത്‌ യാഥാർഥ്യ​മാ​കു​മോ?’

ഇന്നത്തെ യാഥാർഥ്യം

ഈ ഭൂമി​യിൽത്ത​ന്നെ​യുള്ള, പ്രശ്‌ന​വി​മു​ക്ത​മായ ഒരു പറുദീ​സ​യിൽ ജീവി​ക്കാൻ സാധി​ക്കു​മെ​ന്നത്‌ പലർക്കും അയഥാർഥ​മാ​യി തോന്നി​യേ​ക്കാം. നിങ്ങൾക്കും അങ്ങനെ​യാണ്‌ തോന്നു​ന്ന​തെ​ങ്കിൽ, അതു വാസ്‌ത​വ​മാ​യും സംഭവി​ക്കു​മെ​ന്ന​തി​നുള്ള തെളിവു പരി​ശോ​ധി​ക്കുക.

യഹോ​വ​യു​ടെ സാക്ഷികൾ, 50 ലക്ഷത്തി​ലേറെ ജനങ്ങളുള്ള ഒരു അന്താരാ​ഷ്‌ട്ര സമുദാ​യ​മാണ്‌. 233 ദേശങ്ങ​ളി​ലാ​യുള്ള അവരുടെ 82,000 സഭകളിൽ ഇപ്പോൾതന്നെ ഒരു പരിധി​വരെ പ്രശ്‌ന​വി​മു​ക്ത​മായ അന്തരീ​ക്ഷ​മാ​ണു​ള്ളത്‌. നിങ്ങൾക്ക്‌ അവരുടെ ചെറു​തോ വലുതോ ആയ കൂട്ടങ്ങൾ സന്ദർശി​ക്കാ​വു​ന്ന​താണ്‌. അവിടെ നിങ്ങൾ എന്തായി​രി​ക്കും കാണുക?

(1) പ്രശാ​ന്ത​മായ, മലീമ​സ​മ​ല്ലാത്ത ഒരു അന്തരീക്ഷം. ഇംഗ്ലണ്ടി​ലെ നോറി​ജിൽ നടന്ന യഹോ​വ​യു​ടെ സാക്ഷി​ക​ളു​ടെ ഒരു കൺ​വെൻ​ഷ​നെ​ക്കു​റിച്ച്‌ അഭി​പ്രാ​യ​പ്പെ​ട്ടു​കൊണ്ട്‌ അവിടു​ത്തെ ഫുട്‌ബോൾ സ്റ്റേഡിയം മാനേജർ ഇങ്ങനെ പറഞ്ഞു: “നാലു ദിവസത്തെ ആ പ്രശാ​ന്ത​മായ അന്തരീക്ഷം . . . ശ്രദ്ധാർഹ​മാണ്‌. പ്രക്ഷു​ബ്ധ​മായ ബിസി​നസ്‌ ലോകത്തു ചെലവി​ടുന്ന നാലു ദിവസ​ങ്ങ​ളിൽനി​ന്നും നമുക്കു ചുറ്റു​മുള്ള ദൈനം​ദിന ജീവി​ത​ത്തിൽനി​ന്നും തികച്ചും വിഭി​ന്ന​മായ ഒരുതരം പ്രശാന്തത നിങ്ങൾ അനുഭ​വി​ക്കു​ന്നു. സാക്ഷികൾ ശരിക്കും വ്യത്യ​സ്‌ത​രാണ്‌. അതു വിവരി​ക്കാൻ ബുദ്ധി​മു​ട്ടാണ്‌.”

യഹോ​വ​യു​ടെ സാക്ഷി​ക​ളു​ടെ ലണ്ടൻ ഓഫീ​സു​കൾ സന്ദർശിച്ച ഒരു നിർമാ​ണ​വ്യ​വ​സായ പരിശീ​ലന ഉപദേ​ശകൻ പറഞ്ഞു: “അവിടെ കണ്ടതും കേട്ടതു​മായ കാര്യങ്ങൾ എന്നിൽ മതിപ്പു​ള​വാ​ക്കി. നിങ്ങളു​ടെ കെട്ടി​ട​ങ്ങൾക്കു​ള്ളി​ലും നിങ്ങളു​ടെ കൂട്ടത്തി​ലെ [സ്‌ത്രീ​പു​രു​ഷ​ന്മാർക്കി​ട​യി​ലും] തങ്ങിനി​ന്നി​രുന്ന ആ പ്രശാന്തത എന്നെ വിസ്‌മ​യ​ഭ​രി​ത​നാ​ക്കി. പ്രക്ഷു​ബ്ധ​മായ ഈ ലോക​ത്തിന്‌ നിങ്ങളു​ടെ ജീവി​ത​രീ​തി​യിൽനി​ന്നും സന്തോ​ഷ​ത്തിൽനി​ന്നും ഒട്ടേറെ കാര്യങ്ങൾ പഠിക്കാ​നു​ണ്ടെന്നു ഞാൻ കരുതു​ന്നു.”

(2) സുരക്ഷി​ത​ത്വ​വും സമാധാ​ന​വും. ഷൂർനൽ ദെ മൊൻറേ​യ​ലി​നു​വേ​ണ്ടി​യുള്ള ഒരു കോള​മെ​ഴു​ത്തു​കാ​രി ഇങ്ങനെ എഴുതി: “ഞാനൊ​രു സാക്ഷിയല്ല. എങ്കിലും സാക്ഷികൾ തങ്ങളുടെ കാര്യ​ക്ഷ​മ​ത​യ്‌ക്കും ഉചിത​മായ പെരു​മാ​റ്റ​ത്തി​നും സാക്ഷ്യം നൽകു​ന്നു​വെ​ന്ന​തിന്‌ ഞാനൊ​രു സാക്ഷി​യാണ്‌. . . . ലോകത്ത്‌ അവർ മാത്രമേ ഉള്ളു​വെ​ങ്കിൽ നമുക്ക്‌ വീടിന്റെ വാതി​ലു​കൾ താഴി​ട്ടു​പൂ​ട്ടു​ക​യോ മോഷ്ടാ​ക്ക​ളു​ടെ സാന്നി​ധ്യ​മ​റി​യി​ക്കുന്ന അലാറം ഘടിപ്പി​ക്കു​ക​യോ ചെയ്യേ​ണ്ടി​വ​രില്ല.”

(3) ദൈവ​രാ​ജ്യ ഗവൺമെൻറി​നോ​ടുള്ള വിശ്വ​സ്‌തത ആണ്‌ സാക്ഷി​ക​ളു​ടെ സവി​ശേഷത. അവരുടെ നിഷ്‌പക്ഷ നിലപാട്‌ ചിലരെ അനാവ​ശ്യ​മാ​യി ദേഷ്യം പിടി​പ്പി​ക്കു​ന്നു. സമൂഹം നന്നാക​ണ​മെന്ന ഉദ്ദേശ്യ​മി​ല്ലാ​ത്ത​തു​കൊ​ണ്ടല്ല അവർ ഇന്നത്തെ ഏച്ചു​കെ​ട്ടിയ രാഷ്‌ട്രീയ പദ്ധതി​ക​ളിൽ ഉൾപ്പെ​ടാ​തി​രി​ക്കു​ന്നത്‌. മറിച്ച്‌, ഭൂമി​യു​ടെ സ്രഷ്ടാ​വായ യഹോ​വ​യാം ദൈവത്തെ, ഒരു സ്വർഗീയ ഗവൺമെൻറി​ലൂ​ടെ ഭരണം നടത്തു​ന്ന​വനെ, പ്രസാ​ദി​പ്പി​ക്കുന്ന രീതി​യിൽ അവർ പെരു​മാ​റാൻ ശ്രമി​ക്കു​ന്നു.

ദൈവ​വ​ച​ന​മാ​യ ബൈബി​ളിൽ പൂർണ​മാ​യും അധിഷ്‌ഠി​ത​മായ സാക്ഷി​ക​ളു​ടെ വിശ്വാ​സങ്ങൾ അവരെ ഒരു മതവി​ഭാ​ഗ​മോ വ്യക്തി​പൂ​ജാ​പ്ര​സ്ഥാ​ന​മോ ആയിത്തീ​രാ​നുള്ള കെണി​യിൽ വീഴാതെ നോക്കു​ന്നു. ജാതി​മ​ത​ഭേ​ദ​മെ​ന്യെ അവർ ആളുക​ളിൽ ദയാപു​ര​സ്സ​ര​മായ താത്‌പ​ര്യ​മെ​ടു​ക്കു​ന്നു. തങ്ങളുടെ വീക്ഷണ​ഗ​തി​യിൽ മാറ്റം വരുത്താൻ അവർ ഈ ആളുകളെ നിർബ​ന്ധി​ക്കു​ന്നില്ല. താമസി​യാ​തെ ഭൂമി​യിൽ സ്ഥാപി​ത​മാ​കാൻ പോകുന്ന പ്രശ്‌ന​വി​മു​ക്ത​മായ പറുദീ​സ​യെ​ക്കു​റി​ച്ചുള്ള തിരു​വെ​ഴു​ത്തു​പ​ര​മായ തെളി​വു​കൾ നിരത്തി​ക്കൊണ്ട്‌ അവർ തങ്ങളുടെ നായക​നായ യേശു​ക്രി​സ്‌തു​വി​നെ അനുക​രി​ക്കാൻ ശ്രമി​ക്കു​ന്നു.—മത്തായി 28:19, 20; 1 പത്രൊസ്‌ 2:21.

(4) ആത്മീയ ആരോ​ഗ്യ​വും സന്തുഷ്ടി​യും. യാഥാർഥ്യ​ബോ​ധ​മു​ള്ള​തു​കൊണ്ട്‌, ഇക്കാലത്ത്‌ എല്ലാ പ്രശ്‌ന​ങ്ങ​ളിൽനി​ന്നും പൂർണ​മാ​യി വിമു​ക്ത​രാ​ണെന്ന്‌ യഹോ​വ​യു​ടെ സാക്ഷികൾ അവകാ​ശ​പ്പെ​ടു​ന്നില്ല. ആദാമിൽനി​ന്നു പാരമ്പ​ര്യ​മാ​യി ലഭിച്ച പാപം പേറുന്ന ജനങ്ങളെ സംബന്ധി​ച്ചി​ട​ത്തോ​ളം അത്‌ അസാധ്യ​മാണ്‌. എന്നാൽ ദൈവാ​ത്മാ​വി​ന്റെ സഹായ​ത്തോ​ടെ അവർ “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, പരോ​പ​കാ​രം, വിശ്വ​സ്‌തത, സൌമ്യത, ഇന്ദ്രി​യ​ജയം” എന്നിങ്ങ​നെ​യുള്ള വ്യക്തി​പ​ര​മായ ഗുണങ്ങൾ വളർത്തി​യെ​ടു​ക്കാൻ പരി​ശ്ര​മി​ക്കു​ന്നു. (ഗലാത്യർ 5:22, 23) ക്രിസ്‌തു​യേ​ശു​വി​ലൂ​ടെ യഹോ​വ​യാം ദൈവത്തെ ആരാധി​ക്കു​ന്ന​താണ്‌ അവരെ ഒറ്റക്കെ​ട്ടാ​ക്കി നിർത്തു​ന്ന​തും അവരുടെ പ്രത്യാ​ശയെ കെടാതെ സൂക്ഷി​ക്കു​ന്ന​തും.

യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക യോഗ​സ്ഥ​ലങ്ങൾ സന്ദർശി​ക്കു​ന്നത്‌, ദൈവം ഭൂമിയെ അക്ഷരീ​യ​മാ​യി​ത്തന്നെ പറുദീ​സ​യാ​ക്കി മാറ്റു​മെന്ന ഉറച്ച ബോധ്യം നിങ്ങളിൽ ഉളവാ​ക്കു​മെന്ന്‌ ഞങ്ങൾക്കു വിശ്വാ​സ​മുണ്ട്‌.

ഇന്നത്തെ പ്രശ്‌ന​ങ്ങ​ളെ​ല്ലാം പൊയ്‌പോ​യി​രി​ക്കും. അനുസ​ര​ണ​മുള്ള മനുഷ്യ​വർഗ​ത്തിന്‌ ക്രിസ്‌തു​വി​ന്റെ മറുവില യാഗത്തി​ന്റെ പ്രയോ​ജ​നങ്ങൾ കൈവ​രു​മ്പോൾ ദീർഘ​നാ​ളാ​യി നിലനിൽക്കുന്ന അപൂർണത ക്രമേണ അപ്രത്യ​ക്ഷ​മാ​കും. അതേ, പൂർണ ആരോ​ഗ്യ​വും സന്തോ​ഷ​വും നിങ്ങൾക്കാ​സ്വ​ദി​ക്കാൻ കഴിയും.

ലളിത​മാ​യ തയ്യാ​റെ​ടു​പ്പു​കൾ അത്തര​മൊ​രു പ്രത്യാശ ആസ്വദി​ക്കാൻ നിങ്ങളെ സഹായി​ക്കും. നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌ത​ക​ത്തി​ന്റെ വ്യക്തി​പ​ര​മായ ഒരു പ്രതി സാക്ഷി​ക​ളോ​ടു ചോദി​ച്ചു വാങ്ങുക.a പ്രശ്‌ന​വി​മു​ക്ത​മായ ഒരു പറുദീ​സ​യി​ലെ ജീവിതം നിങ്ങൾക്കും ആസ്വദി​ക്കാൻ കഴി​യേ​ണ്ട​തിന്‌ ദൈവം നിങ്ങളിൽനിന്ന്‌ എന്ത്‌ ആവശ്യ​പ്പെ​ടു​ന്നു​വെന്ന്‌ അതുപ​യോ​ഗി​ച്ചു ചുരു​ങ്ങിയ സമയം​കൊണ്ട്‌ നിങ്ങൾക്കു പഠിക്കാ​നാ​കും.

[അടിക്കു​റി​പ്പു​കൾ]

[10-ാം പേജിലെ ആകർഷ​ക​വാ​ക്യം]

ബൈബിളിൽ പൂർണ​മാ​യും അധിഷ്‌ഠി​ത​മായ യഹോ​വ​യു​ടെ സാക്ഷി​ക​ളു​ടെ വിശ്വാ​സങ്ങൾ ഒരു മതവി​ഭാ​ഗ​മോ വ്യക്തി​പൂ​ജാ​പ്ര​സ്ഥാ​ന​മോ ആയിത്തീ​രു​ന്ന​തിൽനിന്ന്‌ അവരെ തടയുന്നു

[8, 9 പേജു​ക​ളി​ലെ ചിത്രങ്ങൾ]

പ്രശ്‌നവിമുക്തമായ ഒരു പറുദീ​സ​യ്‌ക്കുള്ള അടിസ്ഥാ​ന​മി​ടൽ ഇപ്പോൾ നടന്നു​കൊ​ണ്ടി​രി​ക്കു​ക​യാണ്‌

താമസി​യാ​തെ ഭൂവ്യാ​പ​ക​മാ​യി ഒരു ഭൗമിക പറുദീസ നിലവിൽ വരും