കുട്ടിക്ക്‌ ഏറ്റവും നല്ലത്‌ എന്താണ്‌?

വിവാ​ഹ​മോ​ചനം നേടണ​മോ വേണ്ടയോ? വിവാ​ഹ​ജീ​വി​ത​ത്തിൽ താളപ്പി​ഴ​ക​ളുള്ള പലരു​ടെ​യും മനസ്സിൽ ഇത്‌ ഒരു വലിയ ചോദ്യ​ചി​ഹ്ന​മാ​യി നില​കൊ​ള്ളു​ന്നു. വർഷങ്ങൾക്കു മുമ്പ്‌ ധാർമി​ക​വും മതപര​വു​മായ കാരണ​ങ്ങ​ളാൽ ആളുകൾ വിവാ​ഹ​മോ​ച​ന​ത്തി​നു നേരെ മുഖം​ചു​ളി​ക്കു​ക​യും പലപ്പോ​ഴും അതിനെ അപലപി​ക്കു​ക​യും ചെയ്‌തി​രു​ന്നു. വിവാ​ഹ​ജീ​വി​ത​ത്തിൽ സന്തോഷം കണ്ടെത്താൻ കഴിഞ്ഞി​രു​ന്നി​ല്ലെ​ങ്കി​ലും സാധാ​ര​ണ​ഗ​തി​യിൽ മാതാ​പി​താ​ക്കൾ കുട്ടി​ക​ളെ​യോർത്ത്‌ ഒരുമി​ച്ചു കഴിഞ്ഞി​രു​ന്നു. എന്നാൽ, അടുത്ത​കാ​ല​ങ്ങ​ളിൽ ലോക​ത്തി​ന്റെ മാനദ​ണ്ഡ​ങ്ങൾക്ക്‌ പാടേ മാറ്റം സംഭവി​ച്ചി​രി​ക്കു​ന്നു. ഇന്ന്‌ വിവാ​ഹ​മോ​ചനം പരക്കെ അംഗീ​ക​രി​ക്ക​പ്പെ​ട്ടി​രി​ക്കു​ന്നു.

വിവാ​ഹ​മോ​ച​നം അംഗീ​ക​രി​ക്ക​പ്പെ​ട്ടി​രി​ക്കു​ന്നെ​ങ്കി​ലും അത്‌ കുട്ടി​ക​ളിൽ ഉളവാ​ക്കുന്ന മോശ​മായ ഫലങ്ങ​ളെ​ക്കു​റിച്ച്‌ ഉത്‌കണ്‌ഠ പ്രകടി​പ്പി​ക്കുന്ന മാതാ​പി​താ​ക്ക​ളു​ടെ​യും ജഡ്‌ജി​മാ​രു​ടെ​യും സാമൂ​ഹി​ക​ശാ​സ്‌ത്ര​ജ്ഞ​രു​ടെ​യും മറ്റാളു​ക​ളു​ടെ​യും എണ്ണം കൂടി​വ​രി​ക​യാണ്‌. ഇപ്പോൾ കൂടുതൽ മുന്നറി​യി​പ്പിൻ ശബ്ദങ്ങൾ മുഴങ്ങി കേൾക്കു​ന്നു. വിവാ​ഹ​മോ​ച​ന​ത്തിന്‌ കുട്ടി​യിൽ വിനാ​ശ​ക​ര​മായ ഫലം ഉളവാ​ക്കാൻ കഴിയു​മെന്ന്‌ വർധി​ച്ചു​വ​രുന്ന തെളി​വു​കൾ പ്രകട​മാ​ക്കു​ന്നു. വിവാ​ഹ​മോ​ചനം തങ്ങൾക്കും കുട്ടി​കൾക്കും വരുത്തി​വെ​ക്കുന്ന ഭവിഷ്യ​ത്തു​ക​ളെ​ക്കു​റി​ച്ചു ചിന്തി​ക്കാൻ മാതാ​പി​താ​ക്കൾ പ്രോ​ത്സാ​ഹി​പ്പി​ക്ക​പ്പെ​ടു​ന്നു. “വിവാ​ഹ​മോ​ചനം നേടുന്ന മൂന്നിൽ രണ്ടിനും നാലിൽ മൂന്നി​നും ഇടയ്‌ക്കു കുടും​ബങ്ങൾ വിവാ​ഹ​മോ​ച​ന​ത്തി​നു തിടുക്കം കൂട്ടാതെ തങ്ങൾ ശരിയായ സംഗതി​യാ​ണോ ചെയ്യു​ന്ന​തെന്ന്‌ കൂടുതൽ ഗൗരവ​മാ​യി ചിന്തി​ക്കേ​ണ്ട​തുണ്ട്‌” എന്ന്‌ പ്രിൺസ്‌ടൺ യൂണി​വേ​ഴ്‌സി​റ്റി​യി​ലെ സാമൂ​ഹി​ക​ശാ​സ്‌ത്ര​ജ്ഞ​യായ സെറ മക്ലാന​ഹാൻ പ്രസ്‌താ​വി​ക്കു​ന്നു.

വിവാ​ഹ​മോ​ച​നം നേടിയ ദമ്പതി​ക​ളു​ടെ കുട്ടികൾ, കൗമാ​ര​പ്രാ​യ​ത്തിൽ ഗർഭം​ധ​രി​ക്കു​ന്ന​തി​നും സ്‌കൂൾ പഠനം ഉപേക്ഷി​ക്കു​ന്ന​തി​നും വിഷാ​ദ​രോ​ഗി​ക​ളാ​യി​ത്തീ​രു​ന്നതി​നും വിവാ​ഹ​മോ​ചി​ത​രാ​കു​ന്ന​തി​നും ക്ഷേമ​പ്ര​വർത്തന ഗുണ​ഭോ​ക്താ​ക്ക​ളു​ടെ ഗണത്തിൽപ്പെ​ടു​ന്ന​തി​നും ഏറെ സാധ്യ​ത​യു​ണ്ടെന്ന്‌ അടുത്ത​കാ​ലത്തെ പഠനങ്ങൾ പ്രകട​മാ​ക്കു​ന്നു. പാശ്ചാ​ത്യ​ലോ​കത്ത്‌ 6 കുട്ടി​ക​ളിൽ ഒരാൾവീ​തം വിവാ​ഹ​മോ​ച​ന​ത്തി​ന്റെ കെടു​തി​കൾ അനുഭ​വി​ക്കു​ന്നു. ഐക്യ​നാ​ടു​ക​ളി​ലെ കുട്ടി​ക​ളു​ടെ സംരക്ഷ​ണാ​വ​കാ​ശം സംബന്ധിച്ച തന്റെ പുസ്‌ത​ക​ത്തിൽ ചരി​ത്ര​കാ​രി​യായ മാരി ആൻ മേസൻ പ്രസ്‌താ​വി​ച്ചു: “1990-ൽ ജനിച്ച ഒരു കുട്ടി താൻ എവിടെ, ആരോ​ടൊ​പ്പം ജീവി​ക്കണം എന്നതു സംബന്ധിച്ച കോട​തി​യു​ടെ തീരു​മാ​ന​ത്തി​നു വിധേ​യ​നാ​കാൻ 50 ശതമാ​ന​ത്തോ​ളം സാധ്യ​ത​യു​ണ്ടാ​യി​രു​ന്നു.”

സങ്കടക​ര​മെ​ന്നു പറയട്ടെ, ശത്രുത എല്ലായ്‌പോ​ഴും വിവാ​ഹ​മോ​ച​ന​ത്തോ​ടെ കെട്ടട​ങ്ങു​ന്നില്ല. എന്തു​കൊ​ണ്ടെ​ന്നാൽ സംരക്ഷ​ണാ​വ​കാ​ശ​ത്തി​ന്റെ​യും സന്ദർശ​നാ​വ​കാ​ശ​ത്തി​ന്റെ​യും പേരിൽ മാതാ​പി​താ​ക്കൾ പിന്നെ​യും കോട​തി​ക​ളിൽ ഏറ്റുമു​ട്ടി​യേ​ക്കാം. ഇത്‌ കുട്ടി​ക​ളിൽ കൂടുതൽ സമ്മർദം അടി​ച്ചേൽപ്പി​ക്കു​ന്നു. കോട​തി​മു​റി​യി​ലെ മത്സരാത്മക അന്തരീ​ക്ഷ​ത്തിൽ അരങ്ങേ​റുന്ന ഈ വികാ​ര​വി​ക്ഷു​ബ്ധ​മായ ഏറ്റുമു​ട്ട​ലു​കൾ മാതാ​പി​താ​ക്ക​ളോ​ടുള്ള കുട്ടി​ക​ളു​ടെ വിശ്വ​സ്‌ത​തയെ പരി​ശോ​ധി​ക്കു​ക​യും തങ്ങൾ അശക്തരും പേടി​ത്തൊ​ണ്ടൻമാ​രു​മാ​ണെ​ന്നുള്ള തോന്നൽ പലപ്പോ​ഴും അവരിൽ അവശേ​ഷി​പ്പി​ക്കു​ക​യും ചെയ്യുന്നു.

ഒരു കുടുംബ ഉപദേ​ഷ്ടാവ്‌ പറഞ്ഞു: “വിവാ​ഹ​മോ​ചനം കുട്ടി​കളെ രക്ഷിക്കു​ന്നില്ല. അത്‌ ചില​പ്പോൾ മുതിർന്ന​വരെ രക്ഷിക്കാ​റുണ്ട്‌.” വിവാ​ഹ​മോ​ച​ന​ത്തി​ലൂ​ടെ മാതാ​പി​താ​ക്കൾ തങ്ങളുടെ വിഷമ​സ്ഥി​തി​കൾക്കു പരിഹാ​രം കണ്ടേക്കാ​മെ​ങ്കി​ലും അവർ കുട്ടി​ക​ളു​ടെ​മേൽ ആഘാതം ഏൽപ്പി​ച്ചേ​ക്കാം എന്നതാണ്‌ വാസ്‌തവം. ഈ ആഘാതത്തെ തരണം ചെയ്യാൻ ശ്രമി​ച്ചു​കൊണ്ട്‌ കുട്ടികൾ ശിഷ്ടജീ​വി​തം തള്ളിനീ​ക്കി​യേ​ക്കാം.

കുട്ടി​യു​ടെ സംരക്ഷ​ണാ​വ​കാ​ശ​ത്തി​നുള്ള ഇതര നടപടി​കൾ

ദാമ്പത്യ തകർച്ച സമ്മാനിച്ച ശത്രു​ത​യു​ടെ​യും വൈകാ​രിക സമ്മർദ​ത്തി​ന്റെ​യും അന്തരീ​ക്ഷ​ത്തിൽ കുട്ടി​ക​ളു​ടെ സംരക്ഷ​ണാ​വ​കാ​ശം സംബന്ധിച്ച്‌ ശാന്തവും ന്യായ​യു​ക്ത​വു​മായ രീതി​യിൽ കൂടി​യാ​ലോ​ചിച്ച്‌ അനുര​ഞ്‌ജ​ന​ത്തി​ലെ​ത്തുക അങ്ങേയറ്റം ബുദ്ധി​മു​ട്ടാണ്‌. മാതാ​പി​താ​ക്കൾ തമ്മിൽ നേരിൽക്കാ​ണു​ന്നത്‌ ആകുന്നത്ര കുറയ്‌ക്കു​ന്ന​തി​നും നിയമ​യു​ദ്ധം ഒഴിവാ​ക്കു​ന്ന​തി​നു​മാ​യി ചില സ്ഥലങ്ങളിൽ തർക്കങ്ങൾ പരിഹ​രി​ക്കു​ന്ന​തിന്‌ കോട​തി​ക്കു വെളി​യി​ലുള്ള മധ്യസ്ഥ​ത​പോ​ലുള്ള ഇതര മാർഗം നിയമം പ്രദാ​നം​ചെ​യ്യു​ന്നു.

ഉചിത​മാ​യി കൈകാ​ര്യം​ചെ​യ്യ​പ്പെ​ടുന്ന പക്ഷം, കുട്ടിയെ ആരു കൊണ്ടു​പോ​കണം എന്നതു സംബന്ധിച്ച തീരു​മാ​നങ്ങൾ ജഡ്‌ജി​ക്കു വിട്ടു​കൊ​ടു​ക്കാ​തെ മാതാ​പി​താ​ക്കൾക്കു​തന്നെ ഒരു ഒത്തുതീർപ്പി​ലെ​ത്തു​ന്ന​തിന്‌ മധ്യസ്ഥത സഹായി​ക്കു​ന്നു. മധ്യസ്ഥത സാധ്യ​മ​ല്ലാ​ത്ത​പക്ഷം മാതാ​പി​താ​ക്കൾക്ക്‌ തങ്ങളുടെ അഭിഭാ​ഷകർ വഴി സംരക്ഷ​ണാ​വ​കാ​ശ​ത്തി​നും സന്ദർശ​ന​ത്തി​നു​മുള്ള ക്രമീ​ക​രണം ചെയ്യാൻ കഴി​ഞ്ഞേ​ക്കും. മാതാ​പി​താ​ക്കൾ ഒരു ഒത്തുതീർപ്പി​ലെത്തി അത്‌ രേഖാ​മൂ​ലം അവതരി​പ്പി​ക്കു​ന്ന​പക്ഷം ജഡ്‌ജിക്ക്‌ അവരുടെ ആഗ്രഹങ്ങൾ ഉൾക്കൊ​ള്ളുന്ന ഒരു ഉത്തരവിൽ ഒപ്പു​വെ​ക്കാൻ കഴിയും.

കുട്ടി​ക​ളു​ടെ സംരക്ഷ​ണ​ത്തി​ന്റെ കാര്യ​ത്തിൽ മാതാ​പി​താ​ക്കൾക്ക്‌ ഒത്തുതീർപ്പി​ലെ​ത്താൻ കഴിയാ​തെ​വ​രു​മ്പോൾ മിക്ക രാജ്യ​ങ്ങ​ളി​ലെ​യും നിയമ​വ്യ​വസ്ഥ കുട്ടി​ക​ളു​ടെ ഉത്തമ താത്‌പ​ര്യ​ങ്ങൾ സംരക്ഷി​ക്ക​പ്പെ​ടു​ന്നു​വെന്ന്‌ ഉറപ്പു​വ​രു​ത്തു​ന്ന​തി​നുള്ള മാർഗം പ്രദാനം ചെയ്യും. ജഡ്‌ജി​യെ സംബന്ധി​ച്ചി​ട​ത്തോ​ളം പരമ​പ്ര​ധാ​നം കുട്ടി​ക​ളാണ്‌, മാതാ​പി​താ​ക്കളല്ല. മാതാ​പി​താ​ക്ക​ളു​ടെ അഭിലാ​ഷങ്ങൾ, മാതാ​പി​താ​ക്ക​ളിൽ ഓരോ​രു​ത്ത​രു​മാ​യുള്ള കുട്ടി​യു​ടെ ബന്ധം, കുട്ടി​യു​ടെ മുൻഗ​ണ​നകൾ, കുട്ടി​യു​ടെ ദൈനം​ദിന ആവശ്യ​ങ്ങൾക്കു​വേണ്ടി കരുതാൻ മാതാ​പി​താ​ക്ക​ളിൽ ഓരോ​രു​ത്തർക്കു​മുള്ള കഴിവ്‌ എന്നിങ്ങനെ അനേകം പ്രസക്ത ഘടകങ്ങൾ ജഡ്‌ജി പരിചി​ന്തി​ക്കും. അതിനു​ശേഷം കുട്ടി എവിടെ, ആരോ​ടൊ​പ്പം താമസി​ക്കു​മെ​ന്നും കുട്ടി​യു​ടെ ഭാവി സംബന്ധിച്ച പ്രധാ​ന​പ്പെട്ട തീരു​മാ​നങ്ങൾ മാതാ​പി​താ​ക്കൾ എങ്ങനെ​യെ​ടു​ക്കു​മെ​ന്നും ജഡ്‌ജി നിർണ​യി​ക്കും.

കുട്ടി​യു​ടെ സംരക്ഷ​ണാ​വ​കാ​ശം മാതാ​പി​താ​ക്ക​ളിൽ ഒരാൾക്കാ​യി​രി​ക്കു​മ്പോൾ തീരു​മാ​നങ്ങൾ എടുക്കു​ന്ന​തി​നുള്ള അധികാ​രം ആ വ്യക്തിക്കു മാത്ര​മാ​യി​രു​ന്നേ​ക്കാം. കുട്ടി​യു​ടെ സംരക്ഷ​ണാ​വ​കാ​ശം മാതാ​പി​താ​ക്കൾക്കു രണ്ടു​പേർക്കും​കൂ​ടി ആയിരി​ക്കു​മ്പോൾ കുട്ടി​യു​ടെ ആരോ​ഗ്യ​പ​രി​പാ​ലനം, വിദ്യാ​ഭ്യാ​സം തുടങ്ങിയ പ്രധാ​ന​പ്പെട്ട തീരു​മാ​ന​ങ്ങ​ളിൽ മാതാ​പി​താ​ക്കൾ രണ്ടു​പേ​രും യോജി​പ്പു​ള്ള​വ​രാ​യി​രി​ക്കണം.

ഉയർന്നു​വ​ന്നേ​ക്കാ​വുന്ന ചോദ്യ​ങ്ങൾ

കുട്ടി​ക​ളു​ടെ സംരക്ഷ​ണാ​വ​കാ​ശം സംബന്ധിച്ച വ്യവഹാ​രത്തെ നേരി​ടു​മ്പോൾ യഹോ​വ​യു​ടെ സാക്ഷി​ക​ളായ മാതാ​പി​താ​ക്കൾ കുട്ടി​ക​ളു​ടെ ആത്മീയ​ത​യ്‌ക്ക്‌ അത്യു​ത്തമം എന്താ​ണെ​ന്നു​കൂ​ടെ പരിചി​ന്തി​ക്കണം. ഉദാഹ​ര​ണ​ത്തിന്‌, സാക്ഷി​യ​ല്ലാത്ത മാതാ​വോ പിതാ​വോ കുട്ടി​കൾക്ക്‌ ഏതെങ്കി​ലും ബൈബി​ള​ധി​ഷ്‌ഠിത പരിശീ​ലനം നൽകു​ന്ന​തിന്‌ എതിരാ​ണെ​ങ്കി​ലോ? അല്ലെങ്കിൽ സാക്ഷി​യ​ല്ലാത്ത മാതാ​വോ പിതാ​വോ ക്രിസ്‌തീയ സഭയിൽനി​ന്നു പുറത്താ​ക്ക​പ്പെട്ട വ്യക്തി​യാ​ണെ​ങ്കി​ലോ?

ഈ സ്ഥിതി​വി​ശേ​ഷങ്ങൾ ക്രിസ്‌തീയ മാതാ​പി​താ​ക്കളെ സംബന്ധി​ച്ചി​ട​ത്തോ​ളം തീരു​മാ​ന​മെ​ടു​ക്കൽ കൂടുതൽ ദുഷ്‌ക​ര​മാ​ക്കി​ത്തീർക്കു​ന്നു. അവർ ജ്ഞാനപൂർവ​ക​വും ന്യായ​യു​ക്ത​വു​മായ വിധത്തിൽ പ്രവർത്തി​ക്കാൻ ആഗ്രഹി​ക്കു​ന്നു. കൂടാതെ, കുട്ടി​ക​ളു​ടെ അത്യുത്തമ ക്ഷേമ​ത്തെ​ക്കു​റി​ച്ചു പ്രാർഥ​നാ​പൂർവം പരിചി​ന്തി​ക്കു​മ​ള​വിൽ യഹോ​വ​യു​ടെ മുമ്പിൽ ഒരു നല്ല മനസ്സാക്ഷി നിലനിർത്താ​നും അവർ ആഗ്രഹി​ക്കു​ന്നു.

തുടർന്നു​ള്ള ലേഖന​ങ്ങ​ളിൽ നാം പിൻവ​രു​ന്ന​തു​പോ​ലുള്ള ചോദ്യ​ങ്ങൾ പരിചി​ന്തി​ക്കു​ന്ന​താ​യി​രി​ക്കും: കുട്ടി​ക​ളു​ടെ സംരക്ഷ​ണാ​വ​കാ​ശ​ത്തി​ന്റെ കാര്യ​ത്തിൽ നിയമം മതത്തെ എങ്ങനെ​യാ​ണു വീക്ഷി​ക്കു​ന്നത്‌? ഒരു സംരക്ഷ​ണാ​വ​കാശ കേസിന്റെ വെല്ലു​വി​ളി​യെ എനിക്ക്‌ എങ്ങനെ വിജയ​ക​ര​മാ​യി നേരി​ടാ​നാ​വും? എന്റെ കുട്ടി​ക​ളു​ടെ സംരക്ഷ​ണാ​വ​കാ​ശം നഷ്ടപ്പെ​ടു​ന്ന​തി​നെ ഞാൻ എങ്ങനെ തരണം ചെയ്യുന്നു? പുറത്താ​ക്ക​പ്പെട്ട വിവാ​ഹ​മോ​ചിത ഇണയു​മാ​യി കുട്ടി​യു​ടെ സംരക്ഷ​ണാ​വ​കാ​ശം പങ്കു​വെ​ക്കു​ന്ന​തി​നെ ഞാൻ എങ്ങനെ വീക്ഷി​ക്കു​ന്നു?