പിഗ്‌മി​കൾ—കാടിന്റെ മക്കൾ

മധ്യ ആഫ്രിക്കൻ റിപ്പബ്ലി​ക്കി​ലെ ഉണരുക! ലേഖകൻ

ഞങ്ങളുടെ നാടായ മധ്യ ആഫ്രിക്കൻ റിപ്പബ്ലി​ക്കി​ലെ പിഗ്‌മി​കളെ, അഥവാ ബബീങ്ക​കളെ വന്നു പരിച​യ​പ്പെ​ടു​വിൻ. പിഗ്‌മി​ക​ളെ​ക്കു​റിച്ച്‌ എന്തെങ്കി​ലു​മൊ​ക്കെ കേൾക്കു​ക​യോ വായി​ക്കു​ക​യോ ചെയ്‌തി​രി​ക്കാ​മെ​ങ്കി​ലും നിങ്ങൾ അവരി​ലാ​രെ​യും ഒരിക്ക​ലും നേരിട്ടു പരിച​യ​പ്പെ​ട്ടി​ട്ടി​ല്ലാ​യി​രി​ക്കാം. തലസ്ഥാ​ന​മായ ബാംഗ്വി സന്ദർശി​ക്കു​മ്പോൾ അവി​ടെ​നിന്ന്‌ അവർ താമസി​ക്കുന്ന പ്രദേ​ശത്ത്‌ ചെന്നെ​ത്താൻ രണ്ടു മണിക്കൂർപോ​ലും വേണ്ട.

യഹോ​വ​യു​ടെ സാക്ഷി​കൾക്ക്‌, എല്ലാ രാഷ്‌ട്ര​ങ്ങ​ളി​ലും ഗോ​ത്ര​ങ്ങ​ളി​ലും വർഗങ്ങ​ളി​ലും വംശങ്ങ​ളി​ലു​മു​ള്ള​വരെ പ്രധാ​ന​പ്പെട്ട ഒരു സന്ദേശം അറിയി​ക്കാ​നുണ്ട്‌. ക്രിസ്‌തീയ വേലയിൽ ഏർപ്പെ​ടു​മ്പോൾ പിഗ്‌മി​കൾ ഉൾപ്പെടെ, എല്ലാത്തരം ആളുക​ളോ​ടും നാം പ്രസം​ഗി​ക്കു​ന്നു.—വെളി​പ്പാ​ടു 14:6.

അതു​കൊണ്ട്‌ ഞങ്ങളോ​ടൊ​പ്പം വന്ന്‌ അവരുടെ ജീവി​ത​രീ​തി എങ്ങനെ​യാ​ണെ​ന്നും ഭൂമി​യിൽ പറുദീസ കൊണ്ടു​വ​രാൻ പോകുന്ന ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത​യോട്‌ അവർ എങ്ങനെ​യാണ്‌ പ്രതി​ക​രി​ക്കു​ന്ന​തെ​ന്നും കാണുക. ഈ ദിവസം നിങ്ങളെ സംബന്ധി​ച്ചി​ട​ത്തോ​ളം ഉല്ലാസ​പ്ര​ദ​വും രസകര​വു​മായ ഒന്നായി​രി​ക്കും.

ഗവേഷണ വിഷയം

പോകു​ന്ന​തി​നു​മുമ്പ്‌, നാം സന്ദർശി​ക്കാൻ പോകുന്ന ആളുക​ളെ​ക്കു​റിച്ച്‌ അൽപ്പം ഗവേഷണം നടത്തു​ന്നതു നന്നായി​രി​ക്കും. പിഗ്‌മി​ക​ളു​ടെ സംസ്‌കാ​ര​ത്തെ​യും മതത്തെ​യും സ്വഭാ​വ​രീ​തി​ക​ളെ​യും കുറിച്ച്‌ പഠിച്ചു​കൊണ്ട്‌ മാസങ്ങ​ളോ​ളം അവരോ​ടൊ​പ്പം ജീവിച്ച ആളുകൾ രചിച്ച പുസ്‌ത​കങ്ങൾ ലഭ്യമാണ്‌.

ശാന്തരും സൗഹാർദ​മ​നോ​ഭാ​വ​മു​ള്ള​വ​രു​മായ ഈ ആളുക​ളെ​പ്പ​റ്റി​യുള്ള വിവരങ്ങൾ വായി​ച്ച​ശേഷം അവരെ സന്ദർശി​ക്കു​ന്നത്‌ ഒട്ടനവധി ചോദ്യ​ങ്ങൾക്ക്‌ ഉത്തരം നൽകും: പിഗ്‌മി​കൾ എവി​ടെ​നി​ന്നാ​ണു വന്നത്‌? അവരെ​ക്കു​റിച്ച്‌ നമു​ക്കെന്തു പഠിക്കാ​നാ​കും? അവർ വസിക്കു​ന്നത്‌ എവി​ടെ​യാണ്‌? മറ്റ്‌ ആഫ്രിക്കൻ കൂട്ടങ്ങ​ളിൽനിന്ന്‌ അവരെ വ്യത്യ​സ്‌ത​രാ​ക്കു​ന്നത്‌ എന്താണ്‌? മറ്റു ജനങ്ങളു​മാ​യി അവർ ഇടപഴ​കു​ന്നത്‌ എങ്ങനെ​യാണ്‌?

“ഒന്നര മീറ്ററിൽ താഴെ പൊക്ക​മുള്ള, . . . തങ്ങളുടെ ഏറ്റവും അടുത്ത അയൽക്കാ​രു​ടെ ഭാഷ ഉപയോ​ഗി​ക്കുന്ന, ആഫ്രി​ക്ക​യി​ലെ പിഗ്‌മി​ക​ളു​ടെ ഉത്ഭവത്തിന്‌ ഓഷി​യാ​ന​യി​ലും ഏഷ്യയു​ടെ തെക്കു​കി​ഴക്കൻ ഭാഗങ്ങ​ളി​ലു​മുള്ള നെഗ്രി​റ്റോ​ക​ളു​ടേ​തു​മാ​യി (“ചെറിയ നീ​ഗ്രോ​കൾ” എന്നർഥം) യാതൊ​രു ബന്ധവു​മി​ല്ലെന്നു കരുത​പ്പെ​ടു​ന്നു.

“കൈമു​ട്ടു​മു​തൽ വിരൽസ​ന്ധി​വ​രെ​യുള്ള നീളം” എന്നർഥം വരുന്ന ഒരു ഗ്രീക്ക്‌ പദത്തിൽനി​ന്നാണ്‌ “പിഗ്‌മി” എന്ന പദത്തിന്റെ ഉത്ഭവം. നായാ​ട്ടു​കാ​രും വനവി​ഭ​വങ്ങൾ ശേഖരി​ക്കു​ന്ന​വ​രു​മാ​യാണ്‌ പിഗ്‌മി​കൾ അറിയ​പ്പെ​ടു​ന്നത്‌. ലോക​ത്തിൽ മൊത്തം 2,00,000-ത്തിലധി​കം പിഗ്‌മി​ക​ളു​ണ്ടെന്നു കണക്കാ​ക്ക​പ്പെ​ടു​ന്നു.

സെർഷ്‌ ബവു​ഷേ​യും ഗി ഫിലിപ്പർ ഡെ ഫ്വായും പിഗ്‌മേ—പൂപ്ല ദെ ലാ ഫൊറെ (പിഗ്‌മി​കൾ—വനവാ​സി​കൾ) എന്ന തങ്ങളുടെ പുസ്‌ത​ക​ത്തിൽ കൂടുതൽ രസകര​മായ വിവരങ്ങൾ നൽകുന്നു. പിഗ്‌മി​കൾ കോം​ഗോ റിപ്പബ്ലിക്ക്‌, കോം​ഗോ ജനാധി​പത്യ റിപ്പബ്ലിക്ക്‌, ഗാബോൺ, കാമറൂൺ, മധ്യ ആഫ്രിക്കൻ റിപ്പബ്ലിക്ക്‌ എന്നിവി​ട​ങ്ങ​ളി​ലെ കൊടു​ങ്കാ​ടു​കൾ കൈയ​ട​ക്കി​യി​രി​ക്കു​ന്നു​വെ​ന്നും അങ്ങ്‌ കിഴക്ക്‌ അതായത്‌ റുവാ​ണ്ട​യി​ലും ബുറു​ണ്ടി​യി​ലും​പോ​ലും, ഈ ആളുകളെ കാണാൻ സാധി​ക്കു​മെ​ന്നും അവർ പറയുന്നു.

പിഗ്‌മി​കൾ എവി​ടെ​നി​ന്നു വന്നു​വെ​ന്നോ എപ്പോൾ വന്നു​ചേർന്നു​വെ​ന്നോ ഒന്നും ആർക്കും കൃത്യ​മാ​യി അറിയില്ല. സ്വയം തിരി​ച്ച​റി​യി​ക്കാൻ അവർ ഒരിക്ക​ലും “പിഗ്‌മി” എന്ന പദം ഉപയോ​ഗി​ക്കു​ക​യില്ല. മധ്യ ആഫ്രിക്കൻ റിപ്പബ്ലി​ക്കിൽ അവരെ സാധാ​ര​ണ​മാ​യി ബബീങ്ക എന്നാണ്‌ വിളി​ക്കു​ന്നത്‌. എന്നാൽ, മറ്റു രാജ്യ​ങ്ങ​ളിൽ അവർ ബക്കൊള, ബബൊ​ങ്കൊ, ബാക്ക, ബാമ്പെൽസെല്ലെ, ബാട്‌വാ, ബാമ്പുട്ടി എന്നൊ​ക്കെ​യാണ്‌ അറിയ​പ്പെ​ടു​ന്നത്‌.

പ്രഥമ സന്ദർശനം

തെക്ക്‌, മ്പായ്‌ക്കി/മൊങ്കു​മ്പ​യി​ലേക്കു പോകാ​നാ​യി ഏഴു മണി​യോ​ടെ നാം ഒരു ലാൻഡ്‌ ക്രൂയി​സ​റിൽ ബാംഗ്വി വിടുന്നു. ആദ്യത്തെ നൂറു കിലോ​മീ​റ്റർ ദൂരമേ റോഡിൽ ടാറി​ട്ടി​ട്ടു​ള്ളൂ. തലേന്നത്തെ മഴയ്‌ക്കു​ശേഷം റോഡിൽ വഴുക്ക​ലു​ള്ള​തി​നാൽ ഫോർ വീൽ ഡ്രൈ​വുള്ള ഒരു കാറാണ്‌ നല്ലത്‌.

വൃക്ഷങ്ങൾ ഇടതൂർന്നു വളർന്നു​നിൽക്കുന്ന ഹരിത​സ​മൃ​ദ്ധ​മായ നാട്ടിൻപു​റ​ങ്ങ​ളി​ലൂ​ടെ​യും ചെറിയ ഗ്രാമ​ങ്ങ​ളി​ലൂ​ടെ​യു​മാണ്‌ നമ്മുടെ യാത്ര. അവിടെ റോഡ​രി​കിൽ ഒരു കൊച്ചു മേശയിട്ട്‌ ആളുകൾ ഏത്തപ്പഴം, ചെറു​പഴം, കൈതച്ചക്ക, കസാവ, ചോളം, ചുരയ്‌ക്ക, നിലക്കടല എന്നിവ​യെ​ല്ലാം വിൽക്കു​ന്നു. ക്ഷാമം എന്താ​ണെന്ന്‌ ഇവിട​ത്തു​കാർക്ക്‌ അറിയില്ല. വളക്കൂ​റുള്ള മണ്ണും ഈർപ്പ​മുള്ള കാലാ​വ​സ്ഥ​യും മൂലം നാനാ​തരം ഭക്ഷ്യവ​സ്‌തു​ക്കൾ ഇവിടെ സുലഭ​മാ​യു​ണ്ടാ​കു​ന്നു. പെട്ടെ​ന്നു​തന്നെ നാം ആദ്യത്തെ ബബീങ്ക “ഗ്രാമ”ത്തിൽ അല്ലെങ്കിൽ കുറച്ചു​കൂ​ടെ കൃത്യ​മാ​യി പറഞ്ഞാൽ പാളയ​ത്തിൽ എത്തി​ച്ചേ​രു​ന്നു.

അർധ​ഗോ​ളാ​കൃ​തി​യി​ലുള്ള നന്നേ ചെറിയ കുടി​ലു​ക​ളി​ലാണ്‌ അവർ താമസി​ക്കു​ന്നത്‌. അകത്തേക്ക്‌ നൂഴ്‌ന്നു​ക​ട​ക്കാൻമാ​ത്രം സാധി​ക്കുന്ന വലുപ്പ​ത്തിൽ അവയ്‌ക്ക്‌ ഓരോ ദ്വാര​മുണ്ട്‌. അടുത്തുള്ള കാട്ടിൽനി​ന്നു കൊണ്ടു​വന്ന മരക്കൊ​മ്പു​ക​ളും ഇലകളും ഉപയോ​ഗിച്ച്‌ സ്‌ത്രീ​കൾ കുടി​ലു​കൾ നിർമി​ക്കു​ന്നു. ഏതാണ്ട്‌ 10 മുതൽ 15 വരെ കുടി​ലു​കൾ ഒരു വൃത്തത്തി​ലെ​ന്ന​വണ്ണം നിർമി​ച്ചി​ട്ടുണ്ട്‌. ഉറങ്ങാ​നോ കനത്ത മഴയത്ത്‌ അഭയം തേടാ​നോ ഉള്ള ഒരു സ്ഥലമായി മാത്രമേ ഇവ ഉപയോ​ഗി​ക്കു​ന്നു​ള്ളൂ. ബാക്കി സമയ​മെ​ല്ലാം ഇവർ വെളി​യി​ലാ​ണു കഴിച്ചു​കൂ​ട്ടു​ന്നത്‌.

അവിടെ നിൽക്കുന്ന സ്‌ത്രീ​ക​ളോട്‌ കുശലം പറയാ​നാ​യി നാം കാറിൽനി​ന്നി​റ​ങ്ങു​ന്നു. എല്ലാ സ്‌ത്രീ​ക​ളു​ടെ​യും ഒക്കത്ത്‌ ഓരോ കുട്ടി​യുണ്ട്‌. നമ്മുടെ കാറിന്റെ ശബ്ദം കേട്ട്‌ ചില പുരു​ഷ​ന്മാർ ഓടി​വ​രു​ന്നു. നമ്മളാ​രാണ്‌, എന്താണ്‌ വേണ്ടത്‌ എന്നൊ​ക്കെ​യാണ്‌ അവർക്ക​റി​യേ​ണ്ടത്‌. കൂട്ടത്തിൽ കുറേ നായ്‌ക്ക​ളു​മുണ്ട്‌. ഓരോ നായു​ടെ​യും കഴുത്തിൽ ഒരു കൊച്ചു മണി കെട്ടി​യി​ട്ടുണ്ട്‌.

പിഗ്‌മി​കൾക്ക്‌ വളർത്തു​മൃ​ഗ​ങ്ങ​ളാ​യി​ട്ടു​ള്ളതു നായ്‌ക്കൾ മാത്ര​മാ​ണെന്ന്‌ ഗവേഷ​ണ​ത്തി​നി​ട​യിൽ മനസ്സി​ലാ​ക്കിയ കാര്യം നമു​ക്കോർമ വരുന്നു. അവരുടെ നായാട്ടു സഹചാ​രി​ക​ളാണ്‌ അവ. കാട്ടി​ലാ​ണെ​ങ്കിൽ വേട്ടയാ​ടി​പ്പി​ടി​ക്കാൻ മരക്കൊ​മ്പി​ലി​രി​ക്കുന്ന പക്ഷികൾ, കുരങ്ങ​ന്മാർ, അണ്ണാൻമാർ തുടങ്ങി നിലത്തു​കൂ​ടെ സഞ്ചരി​ക്കുന്ന ആനകൾ, കാട്ടു​പോ​ത്തു​കൾ, എലികൾ, കലമാൻ, കാട്ടു​പ​ന്നി​കൾ എന്നിങ്ങനെ പലതു​മുണ്ട്‌ എന്ന്‌ പിഗ്‌മേ—പൂപ്ല ദെ ലാ ഫൊറെ എന്ന പുസ്‌തകം വിവരി​ക്കു​ന്നു. കൂറുള്ള ഒരു നായ ഏതൊരു നായാ​ട്ടു​കാ​ര​നെ​യും സംബന്ധി​ച്ചി​ട​ത്തോ​ളം ഒഴിച്ചു​കൂ​ടാ​നാ​കാത്ത ഒന്നാണ്‌.

എന്റെ ബൈബിൾ കഥാ പുസ്‌ത​ക​വും ഭൂമി​യിൽ എന്നേക്കും ജീവിതം ആസ്വദി​ക്കുക!a എന്ന ലഘുപ​ത്രി​ക​യു​മാണ്‌ ഈ ആളുക​ളോ​ടു സംസാ​രി​ക്കാൻ നാം ഉപയോ​ഗി​ക്കു​ന്നത്‌. ഭൂമി താമസി​യാ​തെ മനോ​ഹ​ര​മായ വനങ്ങളുള്ള, രോഗ​മോ മരണമോ ഇല്ലാത്ത ഒരു പറുദീ​സ​യാ​യി മാറു​ന്നത്‌ ഇവ ചിത്രീ​ക​രി​ക്കു​ന്നു. (വെളി​പ്പാ​ടു 21:4, 5) പിഗ്‌മി​കൾ ഉൾപ്പെ​ടെ​യുള്ള 90 ശതമാ​ന​ത്തി​ല​ധി​കം ആളുക​ളു​ടെ സംസാ​ര​ഭാ​ഷ​യായ സാങ്കോ​യിൽ ഈ രണ്ടു പ്രസി​ദ്ധീ​ക​ര​ണ​ങ്ങ​ളും അച്ചടി​ച്ചി​ട്ടുണ്ട്‌. ശാന്തരായ ഈ ആളുകൾ, അവർ വസിക്കു​ന്നത്‌ എവി​ടെ​യു​മാ​യി​ക്കൊ​ള്ളട്ടെ, തങ്ങളുടെ ആഫ്രിക്കൻ അയൽക്കാ​രു​ടെ ഭാഷ സ്വീക​രി​ക്കു​ന്നു. അവർ വാണിജ്യ പങ്കാളി​ക​ളാ​യ​തു​കൊണ്ട്‌ ഇത്‌ ആവശ്യ​മാണ്‌.

താമസി​യാ​തെ ഒട്ടേറെ സ്‌ത്രീ​പു​രു​ഷ​ന്മാർ നമുക്കു ചുറ്റും നിൽക്കു​ക​യാ​യി. അവർ ഉത്സാഹ​ത്തോ​ടെ ചിത്രങ്ങൾ ഒന്നൊ​ന്നാ​യി കാണു​ക​യാണ്‌, അതോ​ടൊ​പ്പം നാം നൽകുന്ന വിശദീ​ക​രണം ശ്രദ്ധിച്ചു കേൾക്കു​ന്നു​മുണ്ട്‌. വർഷങ്ങ​ളി​ലൂ​ടെ നാം നടത്തി​യി​ട്ടുള്ള സന്ദർശ​ന​ങ്ങ​ളിൽനിന്ന്‌ നാം യഹോ​വ​യു​ടെ സാക്ഷി​ക​ളാ​ണെന്ന കാര്യം അവർക്ക​റി​യാം. പ്രസി​ദ്ധീ​ക​ര​ണങ്ങൾ സ്വീക​രി​ക്കാൻ അവർക്കു സന്തോ​ഷ​മാണ്‌. എന്നാൽ അവർക്കു വായി​ക്കാൻ അറിയി​ല്ലെ​ന്ന​താ​ണു പ്രശ്‌നം. അവരെ എഴുത്തും വായന​യും പഠിപ്പി​ക്കാൻ ഗവൺമെൻറും മറ്റു സ്ഥാപന​ങ്ങ​ളും വർഷങ്ങ​ളോ​ളം ശ്രമി​ച്ചി​ട്ടു​ണ്ടെ​ങ്കി​ലും പ്രയോ​ജ​ന​മൊ​ന്നു​മു​ണ്ടാ​യി​ട്ടില്ല. അവരുടെ കുട്ടി​കൾക്കാ​യി വിദ്യാ​ല​യങ്ങൾ ഏർപ്പെ​ടു​ത്തി​യി​രു​ന്നു. വിദ്യാ​ല​യങ്ങൾ കുറച്ചു​കാ​ലം പ്രവർത്തി​ച്ചെ​ങ്കി​ലും മിക്ക കുട്ടി​ക​ളും ഉടനടി​യോ കുറേ​ക്ക​ഴി​ഞ്ഞോ ഒക്കെയാ​യി പഠിത്തം നിർത്തി​ക്ക​ളഞ്ഞു. ക്ലാസ്സി​ലാ​യി​രി​ക്കു​മ്പോൾ അവർ ശ്രദ്ധേ​യ​മാം​വി​ധം പഠനത്തിൽ കഴിവു പ്രകടി​പ്പി​ക്കു​ന്ന​താ​യും എന്നാൽ ഏതാനും മാസങ്ങൾക്കു​ശേഷം സ്‌കൂ​ളിൽ ഹാജരാ​കാ​തി​രി​ക്കു​ന്ന​താ​യും പിഗ്‌മി​ക​ളോ​ടൊ​പ്പം പ്രവർത്തി​ച്ചി​രുന്ന ഒരു അധ്യാ​പകൻ പറഞ്ഞു. എങ്കിലും പ്രാ​ദേ​ശിക അധികാ​രി​ക​ളും മറ്റുള്ള​വ​രും ഔപചാ​രിക വിദ്യാ​ഭ്യാ​സം നൽകാ​നുള്ള ശ്രമങ്ങൾ തുടരു​ക​യാണ്‌.

ദൈവ​വ​ച​ന​ത്തിൽ താത്‌പ​ര്യം കാട്ടു​ന്ന​വ​രു​ടെ അടുക്കൽ മടങ്ങി​ച്ചെ​ല്ലു​ന്ന​തിൽ പേരു​കേ​ട്ട​വ​രാണ്‌ യഹോ​വ​യു​ടെ സാക്ഷികൾ. എന്നാൽ അടുത്ത തവണ നാം വരു​മ്പോൾ അതേ ബബീങ്ക​ക​ളെ​ത്തന്നെ കണ്ടുമു​ട്ടാ​നാ​കു​മെന്ന പ്രതീക്ഷ വേണ്ട. കാരണം വർഷം​മു​ഴു​വൻ അവർ താമസം മാറുന്നു. ഒരിക്കൽ കാട്ടി​ലേക്കു മറഞ്ഞാൽ പിന്നെ മാസങ്ങൾക്കു​ശേ​ഷ​മാ​യി​രി​ക്കും അവർ പുറത്തു​വ​രു​ന്നത്‌. അവരെ സ്ഥിരമാ​യി ഒരിടത്തു താമസി​പ്പി​ക്കാ​നുള്ള ശ്രമങ്ങൾ വിജയി​ച്ചി​ട്ടില്ല. വാസ്‌ത​വ​മാ​യും അവർ കാടിന്റെ മക്കൾതന്നെ. ഊരു​ചു​റ്റ​ലും വേട്ടയാ​ട​ലു​മാണ്‌ അവരുടെ ജീവിതം. അതിൽനി​ന്നും അവരെ പിന്തി​രി​പ്പി​ക്കാൻ ഒരു ശക്തിക്കും സാധി​ക്കില്ല.

അനുദിന ജീവിതം, വിവാഹം, കുടും​ബം

നായാ​ട്ടി​നു പോകു​ന്നത്‌ പുരു​ഷ​ന്മാ​രും സാധനങ്ങൾ ശേഖരി​ക്കു​ന്നതു സ്‌ത്രീ​ക​ളു​മാണ്‌. കാട്ടിലെ എല്ലാ വസ്‌തു​ക്ക​ളും​തന്നെ അവർ ശേഖരി​ക്കും: കൂണുകൾ, വേരുകൾ, കായ്‌ക​നി​കൾ, ഇലകൾ, പരിപ്പു​കൾ, പ്രാണി​കൾ, ചിതലു​കൾ, കാട്ടു​തേൻ തുടങ്ങി​യ​വ​യും അവരുടെ പ്രിയ​പ്പെട്ട ശലഭപ്പു​ഴു​ക്ക​ളു​മെ​ല്ലാം ഇതിൽ പെടും. ഈ വസ്‌തു​ക്ക​ളെ​ല്ലാം​തന്നെ ആഹാര​ത്തി​നും വാണി​ജ്യ​ത്തി​നും ആവശ്യ​മാണ്‌. പിഗ്‌മി​ക​ളു​ടെ, മിക്ക​പ്പോ​ഴും ലെ ഗ്രാൻസ്‌ ൻവാർ (പൊക്ക​മുള്ള കറുത്തവർ) എന്നു വിളി​ക്ക​പ്പെ​ടുന്ന ആഫ്രിക്കൻ അയൽക്കാർ ഈ വസ്‌തു​ക്കൾക്കാ​യി ഇവരെ വളരെ​യ​ധി​കം ആശ്രയി​ക്കു​ന്നു. പകരം അവർ കുടങ്ങൾ, ചട്ടികൾ, വെട്ടു​ക​ത്തി​കൾ, മഴുവും പിച്ചാ​ത്തി​യും പോലുള്ള ആയുധങ്ങൾ, ഉപ്പ്‌, പനയെണ്ണ, കസാവ, വാഴപ്പഴം എന്നിവ​യ്‌ക്കു​പു​റമേ സങ്കടക​ര​മെന്നു പറയട്ടെ പുകയില, നാടൻ മദ്യം, മയക്കു​മ​രു​ന്നു​കൾ എന്നിവ​യും ഇവർക്കു നൽകുന്നു. അവസാനം പറഞ്ഞ മൂന്നു സാധന​ങ്ങ​ളും വിനയാ​ന്വി​ത​രായ ഈ ആളുകളെ സംബന്ധി​ച്ചി​ട​ത്തോ​ളം വലിയ ഒരു പ്രശ്‌ന​മാണ്‌. പണം കടം വാങ്ങി​യാണ്‌ മിക്ക​പ്പോ​ഴും അവർ ഈ സാധനങ്ങൾ വാങ്ങു​ന്നത്‌. ക്രമേണ ഇവരുടെ ജീവിതം ദുരി​ത​പൂർണ​മാ​കു​ന്നു.

പുരു​ഷ​ന്മാർ പൊതു​വേ ഏകഭാ​ര്യ​ത്വം പുലർത്തു​ന്ന​വ​രാണ്‌. എങ്കിലും മറ്റൊരു പങ്കാളി​യോ​ടൊ​പ്പം കഴിയാ​നാ​യി ഇവർ എളുപ്പ​ത്തിൽ വിവാ​ഹ​മോ​ചനം നടത്തു​ക​യോ വേർപി​രി​യു​ക​യോ ചെയ്യുന്നു. പിതാ​വോ പാളയ​ത്തി​ലെ ഏറ്റവും പ്രായം കൂടിയ വ്യക്തി​യോ ആണ്‌ ഏറ്റവും ആദരി​ക്ക​പ്പെ​ടു​ന്നത്‌. അയാൾ കൽപ്പനകൾ നൽകു​ക​യി​ല്ലെ​ങ്കി​ലും അയാളു​ടെ ബുദ്ധ്യു​പ​ദേശം സാധാ​ര​ണ​ഗ​തി​യിൽ എല്ലാവ​രും അനുസ​രി​ക്കാ​റുണ്ട്‌. പിഗ്‌മി​കൾ മക്കളെ സ്‌നേ​ഹി​ക്കു​ന്ന​താ​യി നിങ്ങൾ മനസ്സി​ലാ​ക്കും. മാതാ​വും പിതാ​വും മിക്ക​പ്പോ​ഴും തങ്ങളുടെ കുട്ടിയെ എടുത്തു​കൊ​ണ്ടു നടക്കുന്നു. ഈ കുഞ്ഞുങ്ങൾ തങ്ങളുടെ മാതാ​പി​താ​ക്ക​ളു​മാ​യി എപ്പോ​ഴും സമ്പർക്ക​ത്തി​ലാണ്‌. അവർ ജോലി ചെയ്യു​മ്പോ​ഴും വേട്ടയാ​ടു​മ്പോ​ഴും നൃത്തം ചെയ്യു​മ്പോ​ഴും, എവി​ടെ​പ്പോ​യാ​ലും എന്തു ചെയ്‌താ​ലും, കൂട്ടത്തിൽ ഈ കുട്ടി​ക​ളു​മു​ണ്ടാ​കും.

രാത്രി​യിൽ കുട്ടി മാതാ​പി​താ​ക്ക​ളു​ടെ നടുവി​ലാണ്‌ കിടന്നു​റ​ങ്ങു​ന്നത്‌. പകൽസ​മയം മാതാ​പി​താ​ക്ക​ളും ആങ്ങള​പെ​ങ്ങ​ന്മാ​രും അമ്മാവൻമാ​രും വല്യമ്മ​വ​ല്യ​പ്പ​ന്മാ​രു​മാണ്‌ കുഞ്ഞു​ങ്ങളെ പരിപാ​ലി​ക്കു​ന്നത്‌. ഇതിനു​പു​റമേ മുഴു പാളയ​ത്തി​ന്റെ ശ്രദ്ധയും കുട്ടി​കൾക്കു ലഭിക്കു​ന്നു. മാതാ​പി​താ​ക്ക​ളും ബന്ധുക്ക​ളും അടിക്കടി സന്ദർശനം നടത്തുന്നു. ഇതെല്ലാം കുടും​ബ​ബ​ന്ധ​ങ്ങളെ അരക്കി​ട്ടു​റ​പ്പി​ക്കു​ന്നു. പാശ്ചാത്യ സംസ്‌കാ​ര​ത്തിൽ കുടും​ബ​ബ​ന്ധങ്ങൾ മിക്ക​പ്പോ​ഴും ദുർബ​ല​മോ തകർന്ന​തോ ആയ അവസ്ഥയി​ലാണ്‌. എന്നാൽ ഇവിടെ സാഹച​ര്യം തികച്ചും വ്യത്യ​സ്‌ത​മാണ്‌.

പിഗ്‌മി​കൾ തങ്ങളുടെ ആഫ്രിക്കൻ അയൽക്കാ​രിൽനി​ന്നു വളരെ അകന്നാണു കഴിയു​ന്ന​തെ​ങ്കി​ലും അവർക്ക്‌ അവരു​മാ​യി സാമ്പത്തിക ഇടപാ​ടു​ക​ളുണ്ട്‌. നിരന്തര വാണി​ജ്യ​സ​മ്പർക്ക​ത്തി​നു പുറമേ കാപ്പി​ത്തോ​ട്ട​ങ്ങ​ളി​ലും കൊ​ക്കോ​ത്തോ​ട്ട​ങ്ങ​ളി​ലും പണി​യെ​ടു​ക്കാ​നും അവരോട്‌ കൂടെ​ക്കൂ​ടെ ആവശ്യ​പ്പെ​ടാ​റുണ്ട്‌. ഏതാനും ആഴ്‌ച അവർ പണി​യെ​ടു​ത്തേ​ക്കാം. എന്നിട്ട്‌ കൂലി​യും വാങ്ങി ദീർഘ​കാ​ല​ത്തേക്ക്‌ കൊടു​ങ്കാ​ട്ടിൽ അപ്രത്യ​ക്ഷ​രാ​കു​ന്നു. ആർക്കറി​യാം, രാവിലെ നിങ്ങൾ കുടിച്ച കാപ്പി മധ്യ ആഫ്രി​ക്ക​യി​ലെ പിഗ്‌മി​ക​ളു​ടെ കയ്യിലൂ​ടെ കടന്നു​പോ​യ​ത​ല്ലെന്ന്‌!

മതം

ബബീങ്കകൾ, മതവി​ശ്വാ​സി​ക​ളാണ്‌. എങ്കിലും അന്ധവി​ശ്വാ​സ​വും മാമൂ​ലു​ക​ളു​മാണ്‌ അവരുടെ മതജീ​വി​തത്തെ ഭരിക്കു​ന്നത്‌. ആചാരാ​നു​ഷ്‌ഠാ​ന​ങ്ങൾക്കൊ​പ്പം സംഗീ​ത​വും പാട്ടും (സ്വരം മാറ്റി​മാ​റ്റി പാടു​ന്നത്‌) നൃത്തവും പതിവാണ്‌. എറ്റ്‌നി ഡ്ര്വ ദെ ലൊം ഏ പോപ്‌ൾ ഒറ്റോ​ക്‌റ്റൊൺ (വംശീ​യ​കൂ​ട്ടങ്ങൾ—മനുഷ്യാ​വ​കാ​ശ​ങ്ങ​ളും തദ്ദേശ​വാ​സി​ക​ളും) എന്ന പുസ്‌തകം വിവരി​ക്കു​ന്നു: “കൊടു​ങ്കാ​ട്ടി​ലെ ആളുകളെ സംബന്ധി​ച്ചി​ട​ത്തോ​ളം ദൈവ​മാണ്‌ ലോകത്തെ, അതായത്‌ വനത്തെ, സൃഷ്ടി​ച്ചത്‌. ആദ്യ മാനവ​ജോ​ഡി​യെ സൃഷ്ടി​ച്ച​ശേഷം . . . അവൻ സ്വർഗ​ത്തി​ലേക്കു മടങ്ങി​പ്പോ​യി, മനുഷ്യ​ന്റെ കാര്യാ​ദി​ക​ളിൽ അവനു താത്‌പ​ര്യ​മി​ല്ലാ​താ​യി. ഇപ്പോൾ ഒരു പരമോ​ന്നത ആത്മാവ്‌, അതായത്‌ വനദേ​വ​നാണ്‌ അവനു വേണ്ടി കാര്യങ്ങൾ ചെയ്യു​ന്നത്‌.” തീർച്ച​യാ​യും ഇത്‌ ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും സംബന്ധി​ച്ചുള്ള ബൈബിൾ വിവര​ണ​ത്തി​നു കടകവി​രു​ദ്ധ​മാണ്‌.—ഉല്‌പത്തി 1-ഉം 2-ഉം അധ്യാ​യങ്ങൾ; സങ്കീർത്തനം 37:10, 11, 29.

ബുദ്ധി​ശാ​ലി​ക​ളായ ആളുകൾ

പിഗ്‌മി​കൾ താഴേ​ക്കി​ട​യി​ലു​ള്ള​വ​രും ബുദ്ധി​കു​റ​ഞ്ഞ​വ​രു​മാ​ണെന്നു കരുതി ചില ആളുകൾ അവരെ കളിയാ​ക്കു​ക​യും അവമതി​ക്കു​ക​യു​മൊ​ക്കെ ചെയ്യാ​റുണ്ട്‌. എന്നാൽ ഇംഗ്ലണ്ടി​ലെ ലീഡ്‌സ്‌ യൂണി​വേ​ഴ്‌സി​റ്റി​യി​ലെ ഭൗതി​ക​മ​ന​ശ്ശാ​സ്‌ത്ര പ്രൊ​ഫ​സ​റായ പാട്രിക്ക്‌ മെറി​ഡിത്ത്‌ ഇങ്ങനെ പറഞ്ഞു: “പിഗ്‌മി​കൾ അവരുടെ സ്വാഭാ​വിക ചുറ്റു​പാ​ടിൽ നാരുകൾ ഉപയോ​ഗിച്ച്‌ പാലങ്ങ​ളു​ണ്ടാ​ക്കു​ന്ന​തും വിജയ​പ്ര​ദ​മാ​യി ജീവി​ക്കു​ന്ന​തു​മൊ​ക്കെ കാണു​മ്പോൾ, ബുദ്ധി​ശക്തി എന്നതിന്റെ അർഥ​മെ​ന്താ​ണെന്നു നിങ്ങൾ ചോദി​ച്ചു​പോ​യേ​ക്കും.”

മുഴു മനുഷ്യ​വർഗ​വും ആദ്യ മനുഷ്യ​ജോ​ഡി​യായ ആദാമി​ന്റെ​യും ഹവ്വായു​ടെ​യും പിൻഗാ​മി​ക​ളാ​ണെന്നു നമുക്ക​റി​യാം. പ്രവൃ​ത്തി​കൾ 17:26 പറയുന്നു: “ഭൂതല​ത്തിൽ എങ്ങും കുടി​യി​രി​പ്പാൻ അവൻ [ദൈവം] ഒരുത്ത​നിൽനി​ന്നു [ആദാം] മനുഷ്യ​ജാ​തി​യെ ഒക്കെയും ഉളവാക്കി, അവരുടെ നിവാ​സ​ത്തി​ന്നു അതിരു​ക​ളും കാലങ്ങ​ളും നിശ്ചയി​ച്ചു.” കൂടാതെ, ‘ദൈവ​ത്തി​ന്നു മുഖപ​ക്ഷ​മില്ല. ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു’ എന്ന്‌ പ്രവൃ​ത്തി​കൾ 10:34, 35 പറയുന്നു. അതു​കൊണ്ട്‌, താമസി​യാ​തെ​തന്നെ മുഴു ഭൂമി​യും നിബിഡ വനങ്ങളുള്ള മനോ​ഹ​ര​മായ ഒരു പറുദീ​സ​യാ​യി മാറുന്ന ഒരു കാലത്തു ജീവി​ക്കു​ന്ന​തി​നുള്ള പ്രത്യാശ ഈ ആളുകൾക്കും ഉണ്ടാ​കേ​ണ്ട​തിന്‌ ബൈബിൾ സത്യങ്ങൾ അവർക്ക്‌ എത്തിച്ചു​കൊ​ടു​ക്കാൻ നാം ആഗ്രഹി​ക്കു​ന്നു.

[അടിക്കു​റി​പ്പു​കൾ]

[23-ാം പേജിലെ ചിത്രങ്ങൾ]

1. പിഗ്‌മി​ക​ളു​മാ​യി ബൈബിൾ സന്ദേശം പങ്കു​വെ​ക്കു​ന്നു; 2. മരക്കൊ​ത്തു​പ​ണി​ക്കാ​ര​നായ ഒരു പിഗ്‌മി; 3. ഒരു സാധാരണ പിഗ്‌മി വസതി