സ്വാത​ന്ത്ര്യം നൽകാൻ പഠിക്കൽ

“വീരന്റെ കയ്യിലെ അസ്‌ത്രങ്ങൾ എങ്ങനെ​യോ അങ്ങനെ​യാ​കു​ന്നു യൌവ​ന​ത്തി​ലെ മക്കൾ” എന്ന്‌ ബൈബിൾ സങ്കീർത്ത​ന​ക്കാ​രൻ എഴുതി. (സങ്കീർത്തനം 127:4) ഒരു അസ്‌ത്രം യാദൃ​ച്ഛി​ക​മാ​യി ലക്ഷ്യസ്ഥാ​നത്തു പതിക്കു​ന്നില്ല. അത്‌ ഉന്നം​വെച്ച്‌ എയ്യേണ്ട​തുണ്ട്‌. അതു​പോ​ലെ​ത​ന്നെ​യാണ്‌ കുട്ടി​ക​ളു​ടെ കാര്യ​വും. മാതാ​പി​താ​ക്ക​ളു​ടെ മാർഗ​ദർശനം കൂടാതെ അവർ ഉത്തരവാ​ദി​ത്വ​ബോ​ധ​മുള്ള മുതിർന്ന​വ​രാ​യി​ത്തീ​രു​ക​യെന്ന ലക്ഷ്യത്തിൽ എത്തി​ച്ചേ​രില്ല. “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല” എന്നു ബൈബിൾ ഉദ്‌ബോ​ധി​പ്പി​ക്കു​ന്നു.—സദൃശ​വാ​ക്യ​ങ്ങൾ 22:6.

പരാ​ശ്ര​യ​സ്വ​ഭാ​വ​മുള്ള ഒരു കുട്ടിയെ ഒറ്റ രാത്രി​കൊണ്ട്‌ സ്വാ​ശ്ര​യ​സ്വ​ഭാ​വ​മുള്ള ഒരു മുതിർന്ന​യാ​ളാ​ക്കി മാറ്റാ​നാ​വില്ല. അതു​കൊണ്ട്‌ സ്വാ​ശ്ര​യ​സ്വ​ഭാ​വ​മു​ള്ള​വ​രാ​യി​ത്തീ​രാൻ മാതാ​പി​താ​ക്കൾ കുട്ടി​കളെ എപ്പോ​ഴാ​ണു പരിശീ​ലി​പ്പി​ച്ചു തുട​ങ്ങേ​ണ്ടത്‌? അപ്പോ​സ്‌ത​ല​നായ പൗലൊസ്‌ തിമൊ​ഥെ​യൊസ്‌ എന്നു പേരുള്ള ഒരു യുവാ​വി​നെ ഇങ്ങനെ ഓർമി​പ്പി​ച്ചു: ‘ക്രിസ്‌തു​യേ​ശു​വി​ങ്ക​ലുള്ള വിശ്വാ​സ​ത്താൽ നിന്നെ രക്ഷെക്കു ജ്ഞാനി​യാ​ക്കു​വാൻ മതിയായ തിരു​വെ​ഴു​ത്തു​കളെ നീ ബാല്യം​മു​തൽ [“ശൈശ​വം​മു​തൽ,” NW] അറിഞ്ഞി​രി​ക്കു​ന്നു.’ (2 തിമൊ​ഥെ​യൊസ്‌ 3:14) ഒന്നോർത്തു​നോ​ക്കൂ, തിമൊ​ഥെ​യൊസ്‌ ശിശു​വാ​യി​രു​ന്ന​പ്പോൾത്തന്നെ അവന്റെ അമ്മ അവനെ ആത്മീയ​മാ​യി പരിശീ​ലി​പ്പി​ച്ചു തുടങ്ങി!

ശിശു​ക്കൾക്ക്‌ ആത്മീയ പരിശീ​ല​ന​ത്തിൽനി​ന്നു പ്രയോ​ജ​ന​മ​നു​ഭ​വി​ക്കാൻ കഴിയു​മെ​ങ്കിൽ കുട്ടി​കൾക്ക്‌ പ്രായ​പൂർത്തി​യി​ലെത്തി ജീവി​ക്കാ​നുള്ള പരിശീ​ലനം എത്രയും വേഗം കൊടു​ക്കണം എന്നതു ന്യായ​യു​ക്ത​മല്ലേ? ഉത്തരവാ​ദി​ത്വ​ബോ​ധ​മു​ള്ള​വ​രാ​യി​രി​ക്കു​ന്ന​തിന്‌, സ്വന്തമാ​യി തീരു​മാ​ന​ങ്ങ​ളെ​ടു​ക്കു​ന്ന​തിന്‌, അവരെ പഠിപ്പി​ക്കു​ന്ന​താണ്‌ ഇതു ചെയ്യാ​നുള്ള ഒരു മാർഗം.

ഉത്തരവാ​ദി​ത്വ​ബോ​ധ​മു​ള്ള​വ​രാ​യി​രി​ക്കാൻ കുട്ടി​കളെ പഠിപ്പി​ക്കൽ

ഉത്തരവാ​ദി​ത്വ​ബോ​ധ​മു​ള്ള​വ​രാ​യി​രി​ക്കു​ന്ന​തിന്‌ നിങ്ങൾക്കു കുട്ടി​കളെ എങ്ങനെ പ്രോ​ത്സാ​ഹി​പ്പി​ക്കാൻ കഴിയും? വിവാ​ഹിത ദമ്പതി​ക​ളായ ജാക്കും നോറ​യും മകളെ​ക്കു​റി​ച്ചുള്ള ഓർമ​ക​ളു​ടെ ചെപ്പു തുറന്നു: “കഷ്ടിച്ചു നടക്കാ​റാ​യ​പ്പോ​ഴേ​ക്കും അവൾ സോക്‌സും മറ്റു ചെറിയ സാധന​ങ്ങ​ളും കിടപ്പു​മു​റി​യി​ലേക്ക്‌ എടുത്തു​കൊ​ണ്ടു​പോ​യി ശരിയായ സ്ഥാനത്തു വെക്കാൻ പഠിച്ചു. കളിപ്പാ​ട്ട​ങ്ങ​ളും പുസ്‌ത​ക​ങ്ങ​ളും അതതു സ്ഥാനത്തു വെക്കാ​നും അവൾ പഠിച്ചു.” ഇതെല്ലാം കൊച്ചു കൊച്ചു തുടക്ക​ങ്ങ​ളാണ്‌, എങ്കിലും ഉത്തരവാ​ദി​ത്വ​മുള്ള തീരു​മാ​ന​ങ്ങ​ളെ​ടു​ക്കാൻ കുട്ടി അപ്പോൾത്തന്നെ പഠിക്കു​ക​യാ​യി​രു​ന്നു.

കുട്ടിക്കു പ്രായ​മാ​കു​ന്ന​ത​നു​സ​രിച്ച്‌ ഒരുപക്ഷേ കുറെ​ക്കൂ​ടെ വലിയ ഉത്തരവാ​ദി​ത്വ​ങ്ങൾ കുട്ടിയെ ഭരമേൽപ്പി​ക്കാൻ കഴിയും. അങ്ങനെ, ആബ്രയും ആനീറ്റാ​യും മകൾക്ക്‌ ഒരു വളർത്തു നായ്‌ ഉണ്ടായി​രി​ക്കു​ന്ന​തിന്‌ അനുവ​ദി​ച്ചു. നായെ പരിച​രി​ക്കേ​ണ്ടത്‌ കുട്ടി​യു​ടെ ഉത്തരവാ​ദി​ത്വ​മാ​യി​രു​ന്നു. അതിന്റെ സംരക്ഷ​ണ​ത്തി​നാ​യി അവൾ സ്വന്തം കയ്യിൽനിന്ന്‌ പൈസ ചെലവാ​ക്കു​ക​പോ​ലും ചെയ്‌തു. ഉത്തരവാ​ദി​ത്വ​ങ്ങൾ നിറ​വേ​റ്റാൻ കുട്ടി​കളെ പരിശീ​ലി​പ്പി​ക്കു​ന്ന​തിന്‌ ക്ഷമ ആവശ്യ​മാണ്‌. എന്നാൽ അത്‌ തക്കമൂ​ല്യ​മു​ള്ള​താ​ണെന്നു മാത്രമല്ല, അവരുടെ വൈകാ​രിക വളർച്ച​യ്‌ക്കും സംഭാവന ചെയ്യുന്നു.

വീട്ടു​ജോ​ലി​കൾ കുട്ടി​കളെ ഉത്തരവാ​ദി​ത്വ​ബോ​ധ​മു​ള്ള​വ​രാ​യി​രി​ക്കാൻ പഠിപ്പി​ക്കു​ന്ന​തിന്‌ മറ്റൊ​ര​വ​സരം പ്രദാനം ചെയ്യുന്നു. കുട്ടികൾ വീട്ടു​ജോ​ലി​ക​ളിൽ ഉൾപ്പെ​ടു​ന്ന​തി​നെ സഹായ​ത്തെ​ക്കാ​ളേറെ ഉപദ്ര​വ​മാ​യി വീക്ഷി​ച്ചു​കൊണ്ട്‌ ചില മാതാ​പി​താ​ക്കൾ കുട്ടി​കളെ വീട്ടു​ജോ​ലി​ക​ളിൽ പങ്കെടു​പ്പി​ക്കു​ന്നേ​യില്ല. ‘കുട്ടി​ക​ളാ​യി​രു​ന്ന​പ്പോൾ തങ്ങൾക്കു​ണ്ടാ​യി​രു​ന്ന​തി​ലും മെച്ചമായ ജീവിതം’ തങ്ങളുടെ കുട്ടി​കൾക്ക്‌ ഉണ്ടായി​രി​ക്ക​ണ​മെന്ന്‌ മറ്റുചി​ലർ നിഗമനം ചെയ്യുന്നു. ഇത്‌ തെറ്റായ ന്യായ​വാ​ദ​മാണ്‌. തിരു​വെ​ഴുത്ത്‌ ഇങ്ങനെ പറയുന്നു: “ദാസനെ ബാല്യം​മു​തൽ ലാളി​ച്ചു​വ​ളർത്തി​യാൽ പിൽക്കാല ജീവി​ത​ത്തിൽ അവൻ നന്ദിയി​ല്ലാ​ത്ത​വ​നാ​യി​ത്തീ​രും.” (സദൃശ​വാ​ക്യ​ങ്ങൾ 29:21, NW) ഈ വാക്യ​ത്തി​ലെ തത്ത്വം തീർച്ച​യാ​യും മക്കൾക്കു ബാധക​മാണ്‌. യുവജ​നങ്ങൾ ‘നന്ദിയി​ല്ലാ​ത്തവർ’ ആയി മാത്രമല്ല, ഏറ്റവും നിസ്സാ​ര​മായ വീട്ടു​ജോ​ലി​കൾ പോലും ചെയ്യാൻ പ്രാപ്‌തി​യി​ല്ലാ​ത്ത​വ​രു​മാ​യി പ്രായ​പൂർത്തി​യി​ലെ​ത്തി​ച്ചേ​രു​ന്നതു സങ്കടക​ര​മാണ്‌.

ബൈബിൾ കാലങ്ങ​ളി​ലെ യുവജ​ന​ങ്ങൾക്ക്‌ സാധാ​ര​ണ​ഗ​തി​യിൽ വീട്ടു​ജോ​ലി​കൾ നിയമി​ച്ചു​കൊ​ടു​ത്തി​രു​ന്നു. ഉദാഹ​ര​ണ​ത്തിന്‌, യോ​സേ​ഫിന്‌ 17-ാം വയസ്സിൽത്തന്നെ കുടുംബ വകയായ ആട്ടിൻകൂ​ട്ടത്തെ പരിപാ​ലി​ക്കു​ന്ന​തി​ന്റെ ഉത്തരവാ​ദി​ത്വ​ത്തിൽ പങ്കുണ്ടാ​യി​രു​ന്നു. (ഉല്‌പത്തി 37:2) ഇതൊരു ചെറിയ നിയമനം ആയിരു​ന്നില്ല, എന്തെന്നാൽ അവന്റെ അപ്പന്‌ വളരെ ആടുമാ​ടു​ക​ളു​ണ്ടാ​യി​രു​ന്നു. (ഉല്‌പത്തി 32:13-15) യോ​സേഫ്‌ ശക്തനായ ഒരു അധിപ​തി​യാ​യി​ത്തീർന്നു​വെന്ന വസ്‌തുത പരിഗ​ണി​ക്കു​മ്പോൾ ഈ പ്രാഥ​മിക പരിശീ​ലനം അവന്റെ സ്വഭാ​വത്തെ ക്രിയാ​ത്മ​ക​മായ വിധത്തിൽ കരുപ്പി​ടി​പ്പി​ക്കു​ന്ന​തിൽ വളരെ​യ​ധി​കം പങ്കുവ​ഹി​ച്ചു എന്നു വിശ്വ​സി​ക്കാൻ ബുദ്ധി​മു​ട്ടില്ല. അതു​പോ​ലെ​തന്നെ ഇസ്രാ​യേ​ലി​ന്റെ ഭാവി രാജാ​വാ​യി​രുന്ന ദാവീ​ദി​നും ചെറു​പ്പ​ത്തിൽ കുടും​ബ​ത്തി​ന്റെ ആടുകളെ പരിപാ​ലി​ക്കു​ന്ന​തി​നുള്ള ഉത്തരവാ​ദി​ത്വ​മു​ണ്ടാ​യി​രു​ന്നു.—1 ശമൂവേൽ 16:11.

ഇന്നത്തെ മാതാ​പി​താ​ക്കൾക്ക്‌ ഇതിൽനിന്ന്‌ എന്തു പാഠമാണ്‌ പഠിക്കാ​നു​ള്ളത്‌? കുട്ടി​കൾക്ക്‌ അർഥവ​ത്തായ വീട്ടു​ജോ​ലി​കൾ നിയമി​ച്ചു​കൊ​ടു​ക്കുക. ശുചീ​ക​രണം, പാചകം, മുറ്റമ​ടി​ക്കൽ, വീടി​ന്റെ​യും വാഹന​ത്തി​ന്റെ​യും കേടു​പോ​ക്കൽ എന്നിങ്ങ​നെ​യുള്ള ജോലി​ക​ളിൽ പങ്കുവ​ഹി​ക്കാൻ നിങ്ങൾക്കു കുട്ടി​കളെ പഠിപ്പി​ക്കാൻ കഴിയും, സമയവും ശ്രമവും ക്ഷമയും ആവശ്യ​മാ​ണെന്നു മാത്രം. കുട്ടി​യു​ടെ പ്രായ​വും പ്രാപ്‌തി​യും വലിയ പങ്കുവ​ഹി​ക്കു​ന്നു​വെ​ന്നത്‌ ശരിതന്നെ. എന്നാൽ, സ്‌കൂട്ടർ നന്നാക്കു​ന്ന​തിൽ ഡാഡിയെ സഹായി​ക്കു​ന്ന​തി​ലോ ഭക്ഷണം പാകം​ചെ​യ്യു​ന്ന​തിൽ മമ്മിയെ സഹായി​ക്കു​ന്ന​തി​ലോ സാധാ​ര​ണ​ഗ​തി​യിൽ കൊച്ചു കുട്ടി​കൾക്കു​പോ​ലും കുറച്ചു പങ്കുണ്ടാ​യി​രി​ക്കാൻ കഴിയും.

വീട്ടു​ജോ​ലി​കൾ പഠിപ്പി​ക്കു​ന്നത്‌ മാതാ​പി​താ​ക്കൾ മക്കൾക്ക്‌ ഏറ്റവും വില​യേ​റിയ ഒരു സമ്മാനം നൽകു​ന്ന​തും ആവശ്യ​മാ​ക്കി​ത്തീർക്കു​ന്നു—അവരുടെ സമയം. രണ്ടു കുട്ടി​ക​ളുള്ള ഒരു വിവാ​ഹിത ദമ്പതി​ക​ളോട്‌ കുട്ടി​കളെ വിജയ​ക​ര​മാ​യി പരിശീ​ലി​പ്പി​ക്കു​ന്ന​തി​ന്റെ രഹസ്യം എന്താ​ണെന്നു ചോദി​ച്ച​പ്പോൾ അവരുടെ മറുപടി ഇതായി​രു​ന്നു: “സമയം, ധാരാളം സമയം നൽകുക!”

സ്‌നേ​ഹ​പൂർവ​ക​മായ തിരുത്തൽ

കുട്ടികൾ അവരുടെ ജോലി​കൾ ഭംഗി​യാ​യി നിർവ​ഹി​ക്കു​മ്പോൾ അല്ലെങ്കിൽ കുറഞ്ഞ​പക്ഷം അതിനു ശ്രമ​മെ​ങ്കി​ലും നടത്തു​മ്പോൾ അവരെ നിർലോ​ഭം, ആത്മാർഥ​മാ​യി പ്രശം​സി​ച്ചു​കൊണ്ട്‌ പ്രോ​ത്സാ​ഹി​പ്പി​ക്കുക! (മത്തായി 25:21 താരത​മ്യം ചെയ്യുക.) തീർച്ച​യാ​യും, കുട്ടികൾ മുതിർന്ന​വ​രു​ടെ​യ​ത്ര​യും കാര്യ​ശേ​ഷി​യോ​ടെ ജോലി​കൾ നിർവ​ഹി​ച്ചെ​ന്നു​വ​രില്ല. സ്വന്തമാ​യി തീരു​മാ​ന​ങ്ങ​ളെ​ടു​ക്കാൻ കുട്ടി​കളെ അനുവ​ദി​ക്കു​മ്പോൾ അവർ പലപ്പോ​ഴും തെറ്റു​ക​ളും വരുത്തി​ക്കൂ​ട്ടും. എന്നാൽ അമിത​മാ​യി പ്രതി​ക​രി​ക്കാ​തി​രി​ക്കാൻ ശ്രദ്ധി​ക്കുക! ഒരു മുതിർന്ന​യാ​ളെന്ന നിലയിൽ നിങ്ങളും തെറ്റുകൾ വരുത്തി​യി​ട്ടി​ല്ലേ? അതു​കൊണ്ട്‌ നിങ്ങളു​ടെ കുട്ടി തെറ്റു വരുത്തു​മ്പോൾ അവനോ​ടു ക്ഷമിക്ക​രു​തോ? (സങ്കീർത്തനം 103:13 താരത​മ്യം ചെയ്യുക.) അവൻ തെറ്റുകൾ വരുത്തട്ടെ. പഠന പ്രക്രി​യ​യു​ടെ ഭാഗമാ​യി അവയെ കാണുക.

ഗ്രന്ഥകർത്താ​ക്ക​ളാ​യ മൈക്കിൾ ഷൂൽമ​നും ഇവ മെക്ലറും ഇങ്ങനെ അഭി​പ്രാ​യ​പ്പെ​ടു​ന്നു: മാതാ​പി​താ​ക്കളു മായി “സൗഹാർദ​പ​ര​മായ ബന്ധം ആസ്വദി​ക്കുന്ന കുട്ടികൾ സ്വാത​ന്ത്ര്യ​മെ​ടു​ത്താൽ തങ്ങൾ ശിക്ഷി​ക്ക​പ്പെ​ടും എന്ന്‌ ഭയപ്പെ​ടു​ന്നില്ല.” എന്നാൽ നിർവി​കാ​ര​രോ പരുഷ​സ്വ​ഭാ​വ​ക്കാ​രോ ആയ മാതാ​പി​താ​ക്ക​ളു​ടെ കുട്ടികൾ വാസ്‌ത​വ​ത്തിൽ ഏതു കാര്യ​വും തനിയെ ചെയ്യാൻ ഭയപ്പെ​ടു​ന്നു, സഹായ​ക​മായ കാര്യ​ങ്ങ​ളും അവയിൽ ഉൾപ്പെ​ടും. കാരണം, മാതാ​പി​താ​ക്കൾ തങ്ങളുടെ പ്രവൃ​ത്തി​യിൽ എന്തെങ്കി​ലും കുറ്റം കണ്ടുപി​ടി​ക്കു​മെ​ന്നോ തങ്ങളെ വിമർശി​ക്കു​മെ​ന്നോ ശിക്ഷി​ക്കു​മെ​ന്നോ അവർ ഭയപ്പെ​ടു​ന്നു.” പ്രസ്‌തുത അഭി​പ്രാ​യം മാതാ​പി​താ​ക്ക​ളോ​ടുള്ള ബൈബി​ളി​ന്റെ പിൻവ​രുന്ന മുന്നറി​യി​പ്പി​നു ചേർച്ച​യി​ലാണ്‌: “നിങ്ങളു​ടെ മക്കൾ അധൈ​ര്യ​പ്പെ​ടാ​തി​രി​ക്കേ​ണ്ട​തി​ന്നു അവരെ കോപി​പ്പി​ക്ക​രു​തു.” (കൊ​ലൊ​സ്സ്യർ 3:21) അതു​കൊണ്ട്‌ ഒരു കുട്ടിക്ക്‌ പ്രതീ​ക്ഷ​യ്‌ക്കൊത്ത്‌ ഉയരാൻ കഴിയാ​തെ വരു​മ്പോൾ കുറഞ്ഞ​പക്ഷം ശ്രമം നടത്തി​യ​തി​നെ​ങ്കി​ലും അവനെ പ്രശം​സി​ക്ക​രു​തോ? അടുത്ത തവണ കുറെ​ക്കൂ​ടെ നന്നായി ചെയ്യാൻ അവനെ പ്രോ​ത്സാ​ഹി​പ്പി​ക്കുക. അവന്റെ പുരോ​ഗതി നിങ്ങളെ സന്തോ​ഷി​പ്പി​ക്കു​ന്നു​വെന്ന്‌ അവനറി​യട്ടെ. നിങ്ങളു​ടെ സ്‌നേഹം സംബന്ധിച്ച്‌ അവന്‌ ഉറപ്പു​കൊ​ടു​ക്കുക.

തീർച്ച​യാ​യും, തിരുത്തൽ ആവശ്യ​മാ​യി​രി​ക്കുന്ന സമയങ്ങ​ളുണ്ട്‌. സ്വന്തമായ വ്യക്തി​ത്വം സ്ഥാപി​ക്കാ​നും തനതായ സ്വഭാ​വ​ഗു​ണ​ങ്ങ​ളും യോഗ്യ​ത​ക​ളു​മുള്ള വ്യക്തി​ക​ളാ​യി അംഗീ​ക​രി​ക്ക​പ്പെ​ടാ​നും യുവജ​നങ്ങൾ കിണഞ്ഞു​ശ്ര​മി​ക്കുന്ന യൗവന​ദ​ശ​യിൽ ഇതു പ്രത്യേ​കി​ച്ചും ആവശ്യ​മാണ്‌. അതു​കൊണ്ട്‌, സ്വാത​ന്ത്ര്യം നേടു​ന്ന​തി​നുള്ള അത്തരം ശ്രമങ്ങളെ മാതാ​പി​താ​ക്കൾ എല്ലായ്‌പോ​ഴും മത്സരമാ​യി വ്യാഖ്യാ​നി​ക്കാ​തെ സഹാനു​ഭൂ​തി​യോ​ടെ വീക്ഷി​ക്കു​ന്നത്‌ ബുദ്ധി​യാ​യി​രി​ക്കും.

എടുത്തു​ചാ​ടി പ്രവർത്തി​ക്കു​ന്ന​തി​നോ ‘യൌവ​ന​മോ​ഹങ്ങൾ’ക്ക്‌ അടി​പ്പെ​ടു​ന്ന​തി​നോ യുവജ​നങ്ങൾ ചായ്‌വു​ള്ള​വ​രാ​ണെ​ന്നതു ശരിതന്നെ. (2 തിമൊ​ഥെ​യൊസ്‌ 2:22) അതു​കൊണ്ട്‌, യുവസ​ഹ​ജ​മായ പെരു​മാ​റ്റ​ത്തിന്‌ കടിഞ്ഞാ​ണി​ടാ​തി​രി​ക്കു​ന്നത്‌ കുട്ടിക്കു വൈകാ​രി​ക​മാ​യി ദോഷം ചെയ്യും; അവന്‌ ആത്മനി​യ​ന്ത്ര​ണ​വും ആത്മശി​ക്ഷ​ണ​വും പഠിക്കാൻ കഴിയാ​തെ വരും. ബൈബിൾ ഇങ്ങനെ മുന്നറി​യി​പ്പു​നൽകു​ന്നു: “തന്നിഷ്ട​ത്തി​ന്നു വിട്ടി​രുന്ന ബാലനോ അമ്മെക്കു ലജ്ജ വരുത്തു​ന്നു.” (സദൃശ​വാ​ക്യ​ങ്ങൾ 29:15) എന്നാൽ സ്‌നേ​ഹ​പൂർവം കൊടു​ക്കുന്ന ഉചിത​മായ ശിക്ഷണം പ്രയോ​ജ​ന​പ്ര​ദ​മാണ്‌. പ്രായ​പൂർത്തി​യാ​കു​മ്പോൾ പ്രശ്‌ന​ങ്ങ​ളെ​യും സമ്മർദ​ങ്ങ​ളെ​യും നേരി​ടാൻ യുവജ​ന​ങ്ങളെ അത്‌ സജ്ജരാ​ക്കു​ന്നു. ബൈബിൾ ഇങ്ങനെ ഉദ്‌ബോ​ധി​പ്പി​ക്കു​ന്നു: “വടി ഉപയോ​ഗി​ക്കാ​ത്തവൻ തന്റെ മകനെ പകെക്കു​ന്നു; അവനെ സ്‌നേ​ഹി​ക്കു​ന്ന​വ​നോ ചെറു​പ്പ​ത്തി​ലേ അവനെ ശിക്ഷി​ക്കു​ന്നു [“അവനു ശിക്ഷണം നൽകുന്നു,” NW].” (സദൃശ​വാ​ക്യ​ങ്ങൾ 13:24) എങ്കിലും, ശിക്ഷണ​ത്തി​ന്റെ അന്തഃസത്ത പഠിപ്പി​ക്ക​ലും പരിശീ​ല​ന​വു​മാണ്‌, ശിക്ഷി​ക്കലല്ല എന്നോർമി​ക്കുക. ഇവിടെ പറയുന്ന “വടി” സാധ്യ​ത​യ​നു​സ​രിച്ച്‌ തങ്ങളുടെ ആട്ടിൻപ​റ്റ​ങ്ങളെ നയിക്കാ​നാ​യി ആട്ടിട​യൻമാർ ഉപയോ​ഗി​ക്കുന്ന കോലി​നെ​യാണ്‌ പരാമർശി​ക്കു​ന്നത്‌. (സങ്കീർത്തനം 23:4) അത്‌ സ്‌നേ​ഹ​പൂർവ​ക​മായ മാർഗ​നിർദേ​ശ​ത്തി​ന്റെ പ്രതീ​ക​മാണ്‌—പരുഷ​മായ മൃഗീ​യ​ത​യു​ടേതല്ല.

ജീവനു​വേ​ണ്ടി​യുള്ള വിദ്യാ​ഭ്യാ​സം

കുട്ടി​യു​ടെ വിദ്യാ​ഭ്യാ​സ കാര്യ​ത്തിൽ മാതാ​പി​താ​ക്ക​ളു​ടെ മാർഗ​നിർദേശം പ്രത്യേ​കാൽ ആവശ്യ​മാണ്‌. നിങ്ങളു​ടെ കുട്ടി​യു​ടെ വിദ്യാ​ഭ്യാ​സ​ത്തിൽ താത്‌പ​ര്യ​മെ​ടു​ക്കുക. ഉചിത​മായ സ്‌കൂൾ പാഠ്യ​പ​ദ്ധ​തി​കൾ തിര​ഞ്ഞെ​ടു​ക്കാ​നും ഏതെങ്കി​ലും തരത്തി​ലുള്ള അനുബന്ധ വിദ്യാ​ഭ്യാ​സം ആവശ്യ​മാ​ണോ എന്നതു സംബന്ധിച്ച്‌ ഉത്തരവാ​ദി​ത്വ​മുള്ള ഒരു തീരു​മാ​നം എടുക്കാ​നും കുട്ടിയെ സഹായി​ക്കുക.a

തീർച്ച​യാ​യും, ഏറ്റവും പ്രധാ​ന​പ്പെട്ട വിദ്യാ​ഭ്യാ​സം ആത്മീയ വിദ്യാ​ഭ്യാ​സ​മാണ്‌. (യെശയ്യാ​വു 54:13) പ്രായ​പൂർത്തി​യാ​കു​മ്പോൾ ജീവി​തത്തെ നേരി​ടു​ന്ന​തിന്‌ കുട്ടി​കൾക്കു ദൈവിക മൂല്യങ്ങൾ ആവശ്യ​മാണ്‌. അവരുടെ “ഗ്രഹണ പ്രാപ്‌തി​കൾ” പരിശീ​ലി​പ്പി​ക്ക​പ്പെ​ടേ​ണ്ട​തുണ്ട്‌. (എബ്രായർ 5:14, NW) ഇക്കാര്യ​ത്തിൽ മാതാ​പി​താ​ക്കൾക്ക്‌ അവരെ വളരെ​യ​ധി​കം സഹായി​ക്കാൻ കഴിയും. കുട്ടി​ക​ളു​മൊത്ത്‌ ക്രമമായ ബൈബി​ള​ധ്യ​യനം ഉണ്ടായി​രി​ക്കാൻ യഹോ​വ​യു​ടെ സാക്ഷി​കൾക്കി​ട​യി​ലെ കുടും​ബങ്ങൾ പ്രോ​ത്സാ​ഹി​പ്പി​ക്ക​പ്പെ​ടു​ന്നു. തിമൊ​ഥെ​യൊ​സി​നെ ശൈശ​വം​മു​തൽ തിരു​വെ​ഴു​ത്തു​ക​ളെ​ക്കു​റി​ച്ചു പഠിപ്പിച്ച അവന്റെ അമ്മയുടെ മാതൃക പിൻപ​റ്റി​ക്കൊണ്ട്‌ സാക്ഷി​ക​ളായ മാതാ​പി​താ​ക്കൾ തങ്ങളുടെ കൊച്ചു​കു​ട്ടി​കളെ പഠിപ്പി​ക്കു​ന്നു.

ബാർബ്ര എന്നു പേരുള്ള ഏകാകി​നി​യായ ഒരു മാതാവ്‌ കുടുംബ ബൈബി​ള​ധ്യ​യ​നത്തെ തന്റെ കുട്ടി​കൾക്ക്‌ ഏറ്റവും ആഹ്ലാദ​ക​ര​മായ ഒരു അനുഭ​വ​മാ​ക്കി​ത്തീർക്കു​ന്നു. “അന്നു വൈകിട്ട്‌ കുട്ടി​കൾക്കു ഞാൻ ഒന്നാന്തരം ഭക്ഷണം ഉണ്ടാക്കി​ക്കൊ​ടു​ക്കു​ന്നു. കൂട്ടത്തിൽ അവർക്കി​ഷ്ട​പ്പെട്ട ഒരു മധുര​പ​ല​ഹാ​ര​വും കാണും. അനു​യോ​ജ്യ​മായ അന്തരീക്ഷം സൃഷ്ടി​ക്കു​ന്ന​തി​നാ​യി ഞാൻ രാജ്യ​സം​ഗീ​തം വെക്കുന്നു. പിന്നെ, പ്രാർഥ​ന​യോ​ടെ പഠനം തുടങ്ങു​ന്നു. സാധാ​ര​ണ​ഗ​തി​യിൽ ഞങ്ങൾ വീക്ഷാ​ഗോ​പു​രം മാസി​ക​യാ​ണു പഠിക്കുക. എന്നാൽ എന്തെങ്കി​ലും പ്രത്യേക ആവശ്യ​മു​ള്ള​പ്പോൾ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും—പ്രാ​യോ​ഗി​ക​മായ ഉത്തരങ്ങളുംb പോ​ലെ​യുള്ള പ്രസി​ദ്ധീ​ക​ര​ണങ്ങൾ ഞാൻ ഉപയോ​ഗി​ക്കാ​റുണ്ട്‌.” ബൈബിൾ പഠിക്കു​ന്നത്‌ “കാര്യ​ങ്ങളെ യഹോ​വ​യെ​ങ്ങനെ വീക്ഷി​ക്കു​ന്നു​വെന്നു മനസ്സി​ലാ​ക്കാൻ” തന്റെ കുട്ടി​കളെ സഹായി​ക്കു​ന്നു​വെന്ന്‌ ബാർബ്ര പറയുന്നു.

അതേ, ദൈവ​വ​ച​ന​മായ ബൈബി​ളി​ന്റെ പരിജ്ഞാ​ന​വും ഗ്രാഹ്യ​വും നൽകു​ന്ന​തി​ലും വലിയ സമ്മാനം ഒരു കുട്ടിക്ക്‌ കൊടു​ക്കാ​നാ​വില്ല. അത്‌ ‘അല്‌പ​ബു​ദ്ധി​കൾക്കു [“അനുഭ​വ​പ​രി​ച​യ​മി​ല്ലാ​ത്ത​വർക്ക്‌,” NW] സൂക്ഷ്‌മ​ബു​ദ്ധി​യും ബാലന്നു [“യുവാ​വി​നു,” NW] പരിജ്ഞാ​ന​വും വകതി​രി​വും നല്‌കു​ന്നു.’ (സദൃശ​വാ​ക്യ​ങ്ങൾ 1:4) ഇങ്ങനെ സുസജ്ജ​നായ ഒരു യുവവ്യ​ക്തി പുതിയ സമ്മർദ​ങ്ങ​ളെ​യും സ്ഥിതി​വി​ശേ​ഷ​ങ്ങ​ളെ​യും അഭിമു​ഖീ​ക​രി​ക്കാ​നുള്ള പ്രാപ്‌തി​യോ​ടെ പ്രായ​പൂർത്തി​യി​ലേക്കു കടക്കുന്നു.

എങ്കിലും, മക്കൾ വീട്ടിൽനി​ന്നു​പോ​കു​ന്നത്‌ മിക്ക മാതാ​പി​താ​ക്ക​ളു​ടെ​യും ജീവിത ശൈലി​യിൽ വലിയ മാറ്റം വരുത്തു​ന്നു. അവർക്ക്‌ ഒഴിഞ്ഞ കൂടു​മാ​യി പൊരു​ത്ത​പ്പെ​ടാൻ കഴിയുന്ന വിധ​ത്തെ​ക്കു​റിച്ച്‌ ഞങ്ങളുടെ അടുത്ത ലേഖനം ചർച്ച​ചെ​യ്യു​ന്നു.

[അടിക്കു​റി​പ്പു​കൾ]

[6-ാം പേജിലെ ആകർഷ​ക​വാ​ക്യം]

“നിർവി​കാ​ര​രോ പരുഷ​സ്വ​ഭാ​വ​ക്കാ​രോ ആയ മാതാ​പി​താ​ക്ക​ളു​ടെ മക്കൾ വാസ്‌ത​വ​ത്തിൽ ഏതു കാര്യ​വും തനിയെ ചെയ്യാൻ ഭയപ്പെ​ടു​ന്നു, സഹായ​ക​മായ കാര്യ​ങ്ങ​ളും ഇതിൽ ഉൾപ്പെ​ടും. കാരണം, മാതാ​പി​താ​ക്കൾ തങ്ങളുടെ പ്രവൃ​ത്തി​യിൽ എന്തെങ്കി​ലും കുറ്റം കണ്ടുപി​ടി​ക്കു​മെ​ന്നോ തങ്ങളെ വിമർശി​ക്കു​മെ​ന്നോ ശിക്ഷി​ക്കു​മെ​ന്നോ അവർ ഭയപ്പെ​ടു​ന്നു.”—സദ്‌സ്വ​ഭാ​വി​യായ ഒരു കുട്ടിയെ വളർത്തി​ക്കൊ​ണ്ടു​വരൽ (ഇംഗ്ലീഷ്‌), മൈക്കിൾ ഷൂൽമ​നും ഇവ മെക്ലറും എഴുതി​യത്‌

[6-ാം പേജിലെ ചതുരം]

ഒറ്റയ്‌ക്കുള്ള മാതാ​പി​താ​ക്കൾ—സ്വത​ന്ത്ര​രാ​യി വിടു​ന്ന​തി​ന്റെ വെല്ലു​വി​ളി

റിബേക്കാ എന്നു പേരുള്ള ഏകാകി​നി​യായ ഒരു മാതാവു പറയുന്നു: “കുട്ടി​കളെ സ്വത​ന്ത്ര​രാ​യി വിടാൻ ഒറ്റയ്‌ക്കുള്ള മാതാ​പി​താ​ക്കൾക്ക്‌ വലിയ ബുദ്ധി​മു​ട്ടാണ്‌. നാം ജാഗ്ര​ത​യു​ള്ള​വ​ര​ല്ലെ​ങ്കിൽ അമിത​സം​ര​ക്ഷണം നൽകി നാം അവരുടെ വളർച്ച മുരടി​പ്പി​ച്ചേ​ക്കാം.” കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌തകം 106-7 പേജു​ക​ളിൽ ഈ സഹായ​ക​ര​മായ പ്രസ്‌താ​വ​നകൾ നടത്തുന്നു:

“തങ്ങളുടെ കുട്ടി​ക​ളോട്‌ അടുത്ത ബന്ധമു​ണ്ടാ​യി​രി​ക്കു​ന്നത്‌ ഒറ്റയ്‌ക്കുള്ള മാതാ​വി​നെ​യോ പിതാ​വി​നെ​യോ സംബന്ധി​ച്ചി​ട​ത്തോ​ളം സ്വാഭാ​വി​ക​മാണ്‌. എങ്കിലും മാതാ​പി​താ​ക്കൾക്കും കുട്ടി​കൾക്കും ഇടയിലെ ദൈവ​നി​യ​മിത അതിരു​കൾ ലംഘി​ക്കാ​തി​രി​ക്കാൻ ശ്രദ്ധി​ക്കണം. ഉദാഹ​ര​ണ​ത്തിന്‌, ഒരു കുടും​ബ​നാ​ഥന്റെ ഉത്തരവാ​ദി​ത്വ​ങ്ങൾ മകൻ ഏറ്റെടു​ക്ക​ണ​മെന്ന്‌ ഒറ്റയ്‌ക്കുള്ള ഒരു മാതാവു പ്രതീ​ക്ഷി​ക്കു​ന്നെ​ങ്കിൽ, അല്ലെങ്കിൽ മകളെ ഉറ്റമി​ത്ര​മാ​യി കണ്ട്‌ അവളെ തന്റെ സ്വകാര്യ പ്രശ്‌ന​ങ്ങൾകൊണ്ട്‌ ഭാര​പ്പെ​ടു​ത്തു​ന്നെ​ങ്കിൽ, ഗുരു​ത​ര​മായ വിഷമ​തകൾ പൊന്തി​വ​രാം. അങ്ങനെ ചെയ്യു​ന്നത്‌ അനുചി​ത​വും സമ്മർദ​പൂ​രി​ത​വും ഒരുപക്ഷേ കുട്ടിയെ കുഴപ്പി​ക്കു​ന്ന​തും ആയിരു​ന്നേ​ക്കാം. “മാതാ​വോ പിതാ​വോ എന്നനി​ല​യിൽ, നിങ്ങൾ കുട്ടി​കൾക്കു​വേണ്ടി കരുതു​മെന്ന്‌ അവർക്ക്‌ ഉറപ്പു​നൽകുക, അല്ലാതെ മറിച്ചാ​യി​രി​ക്ക​രുത്‌. (2 കൊരി​ന്ത്യർ 12:14 താരത​മ്യം ചെയ്യുക.) ചില​പ്പോ​ഴെ​ല്ലാം, ചില ഉപദേ​ശ​മോ പിന്തു​ണ​യോ നിങ്ങൾക്ക്‌ ആവശ്യ​മാ​യി​വ​ന്നേ​ക്കാം. അതു പ്രായ​പൂർത്തി​യെ​ത്താത്ത നിങ്ങളു​ടെ കുട്ടി​ക​ളിൽനി​ന്നല്ല, ക്രിസ്‌തീയ മൂപ്പന്മാ​രിൽനി​ന്നോ ഒരുപക്ഷേ പക്വത​യുള്ള ക്രിസ്‌തീയ സ്‌ത്രീ​ക​ളിൽനി​ന്നോ തേടുക.—തീത്തൊസ്‌ 2:3.” ഒറ്റയ്‌ക്കുള്ള മാതാ​പി​താ​ക്കൾ ഉചിത​മായ അതിരു​കൾ വെക്കു​ക​യും തങ്ങളുടെ കുട്ടി​ക​ളു​മാ​യി ആരോ​ഗ്യാ​വ​ഹ​മായ ഒരു ബന്ധം നിലനിർത്തു​ക​യും ചെയ്യു​മ്പോൾ കുട്ടി​കളെ സ്വത​ന്ത്ര​രാ​യി വിടു​ന്നത്‌ സാധാ​ര​ണ​ഗ​തി​യിൽ അവരെ സംബന്ധി​ച്ചി​ട​ത്തോ​ളം എളുപ്പ​മാണ്‌.

വാച്ച്‌ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ ഇൻഡ്യ പ്രസി​ദ്ധീ​ക​രി​ച്ചത്‌.

[7-ാം പേജിലെ ചിത്രങ്ങൾ]

പ്രായോഗിക പരിശീ​ലനം കൂടുതൽ ഉത്തരവാ​ദി​ത്വ​ബോ​ധ​മുള്ള മുതിർന്ന​വ​രാ​യി​ത്തീ​രാൻ കുട്ടി​കളെ സഹായി​ക്കു​ന്നു

[8-ാം പേജിലെ ചിത്രം]

പ്രായപൂർത്തിയാകുമ്പോൾ ജീവി​തത്തെ നേരി​ടു​ന്ന​തി​നാ​വ​ശ്യ​മായ ജ്ഞാനം കുടുംബ ബൈബി​ള​ധ്യ​യനം കുട്ടി​കൾക്കു നൽകുന്നു