യുവജ​നങ്ങൾ ചോദി​ക്കു​ന്നു . . .

എനിക്ക്‌ സത്യം എങ്ങനെ സ്വന്തമാ​ക്കാൻ സാധി​ക്കും?

“ഞാൻ ഒരു യഹോ​വ​യു​ടെ സാക്ഷി​യാ​യി​ട്ടാണ്‌ വളർത്ത​പ്പെ​ട്ടത്‌. ആ രീതി​യിൽ വളർത്ത​പ്പെ​ടു​മ്പോൾ ഒരു വ്യക്തി സ്വാഭാ​വി​ക​മാ​യും യഹോ​വയെ അറിയും എന്നാണ്‌ ഞാൻ എല്ലായ്‌പോ​ഴും ധരിച്ചി​രു​ന്നത്‌. എന്റെ ധാരണ എത്ര തെറ്റാ​യി​രു​ന്നു!”—ആന്റനെറ്റ്‌.

“എന്താണു സത്യം?” വിഖ്യാ​ത​മായ ആ ചോദ്യം ഉന്നയി​ച്ചത്‌ യേശു​വി​നെ വധിക്കാൻ ഏൽപ്പി​ച്ചു​കൊ​ടുത്ത പൊന്തി​യൊസ്‌ പീലാ​ത്തൊസ്‌ ആയിരു​ന്നു. (യോഹ​ന്നാൻ 18:38, പി.ഒ.സി. ബൈ.) എങ്കിലും, പീലാ​ത്തൊസ്‌ നിർവി​കാ​ര​മായ ആ ചോദ്യം ചോദി​ച്ചത്‌ വ്യക്തമാ​യും ആത്മാർഥ​മായ ഒരു സംഭാ​ഷ​ണ​ത്തിന്‌ തുടക്കം ഇടാനാ​യി​രു​ന്നില്ല, മറിച്ച്‌ സംഭാ​ഷണം അവസാ​നി​പ്പി​ക്കാൻ ആയിരു​ന്നു. അദ്ദേഹ​ത്തിന്‌ യഥാർഥ​ത്തിൽ “സത്യം” എന്താ​ണെന്ന്‌ അറിയാൻ താത്‌പ​ര്യം ഉണ്ടായി​രു​ന്നില്ല. നിങ്ങളെ സംബന്ധി​ച്ചോ? നിങ്ങൾ സത്യത്തിൽ തത്‌പ​ര​രാ​ണോ?

നൂറ്റാ​ണ്ടു​ക​ളാ​യി തത്ത്വജ്ഞാ​നി​കൾ സത്യം എന്താ​ണെന്ന്‌ സൂക്ഷ്‌മ വിചി​ന്തനം ചെയ്‌തി​ട്ടുണ്ട്‌. എന്നാൽ അവരുടെ ശ്രമങ്ങൾക്ക്‌ കാര്യ​മായ ഫലം ഉണ്ടായി​ട്ടില്ല എന്നത്‌ ഖേദകരം തന്നെ. എങ്കിലും നിങ്ങൾക്ക്‌ പീലാ​ത്തൊ​സി​ന്റെ ചോദ്യ​ത്തി​നുള്ള ഉത്തരം കണ്ടെത്താൻ കഴിയും. ദൈവ​വ​ചനം സത്യം ആണെന്ന്‌ യേശു​ക്രി​സ്‌തു പഠിപ്പി​ച്ചു. അവൻ തന്നെക്കു​റി​ച്ചു​ത​ന്നെ​യും ‘സത്യം’ എന്നു പരാമർശി​ച്ചു. ‘സത്യം യേശു​ക്രി​സ്‌തു മുഖാ​ന്തരം വന്നു’ എന്ന്‌ അപ്പൊ​സ്‌ത​ല​നായ യോഹ​ന്നാൻ എഴുതി. (യോഹ​ന്നാൻ 1:17; 14:6; 17:17) അതു​കൊണ്ട്‌, ബൈബി​ളി​ന്റെ ഭാഗമാ​യി​ത്തീർന്ന മുഴു ക്രിസ്‌തീയ പഠിപ്പി​ക്ക​ലു​ക​ളും “സത്യം” അഥവാ “സുവി​ശേ​ഷ​ത്തി​ന്റെ സത്യം” എന്നു വിളി​ക്ക​പ്പെ​ടു​ന്നു. (തീത്തൊസ്‌ 1:14; ഗലാത്യർ 2:14; 2 യോഹ​ന്നാൻ 1, 2) ഈ ക്രിസ്‌തീയ പഠിപ്പി​ക്ക​ലു​ക​ളിൽ ദൈവ​ത്തി​ന്റെ വ്യക്തി​പ​ര​മായ നാമം, ദൈവ​രാ​ജ്യ​ത്തി​ന്റെ സ്ഥാപനം, പുനരു​ത്ഥാ​നം, യേശു​വി​ന്റെ മറുവില തുടങ്ങിയ സംഗതി​കൾ ഉൾപ്പെ​ടു​ന്നു.—സങ്കീർത്തനം 83:18; മത്തായി 6:9, 10; 20:28; യോഹ​ന്നാൻ 5:28, 29.

ക്രിസ്‌തീ​യ മാതാ​പി​താ​ക്ക​ളിൽനിന്ന്‌ ആയിര​ക്ക​ണ​ക്കിന്‌ യുവജ​നങ്ങൾ ബൈബിൾ സത്യം പഠിച്ചി​രി​ക്കു​ന്നു. എന്നാൽ, അവർ “സത്യത്തിൽ നടക്കുന്നു” എന്ന്‌ അതിന്‌ അർഥമു​ണ്ടോ? (3 യോഹ​ന്നാൻ 3, 4) നിർബ​ന്ധ​മില്ല. ഉദാഹ​ര​ണ​ത്തിന്‌, ഇരുപ​തു​കാ​രി​യായ ജെനിഫർ യഹോ​വ​യു​ടെ സാക്ഷി​യാ​യി​ട്ടാണ്‌ വളർത്ത​പ്പെ​ട്ടത്‌. അവൾ ഇങ്ങനെ അനുസ്‌മ​രി​ക്കു​ന്നു: “അമ്മ എന്നെ സാക്ഷി​ക​ളു​ടെ കൺ​വെൻ​ഷ​നു​കൾക്കു കൊണ്ടു​പോ​യി​രു​ന്നു. ഞാൻ സ്‌നാ​പ​ന​ത്തെ​ക്കു​റിച്ച്‌ ചിന്തി​ക്കേ​ണ്ട​താ​ണെ​ന്നും സൂചി​പ്പി​ച്ചു. പക്ഷേ, അപ്പോൾ ഞാൻ മനസ്സിൽ പറഞ്ഞത്‌ ഇങ്ങനെ​യാണ്‌, ‘ഞാൻ ഒരു രസത്തിനു വേണ്ടി വരു​ന്നെ​ന്നേ​യു​ള്ളൂ. എനിക്ക്‌ സാക്ഷി​യൊ​ന്നും ആകണ്ട!’”

ചില യുവജ​നങ്ങൾ തങ്ങളെ പഠിപ്പി​ച്ചി​രി​ക്കുന്ന കാര്യങ്ങൾ വിശ്വ​സി​ക്കു​ന്നു. എന്നാൽ, ബൈബിൾ പഠിപ്പി​ക്കുന്ന കാര്യ​ങ്ങ​ളെ​ക്കു​റിച്ച്‌ ആഴമായ ഗ്രാഹ്യം വളർത്തി​യെ​ടു​ക്കു​ന്ന​തിൽ അവർ പരാജ​യ​പ്പെ​ട്ടി​രി​ക്കു​ന്നു. അതിന്റെ അപകട​മോ? ചില വ്യക്തി​കൾക്ക്‌ “ഉള്ളിൽ വേരില്ല” എന്ന്‌ യേശു മുന്നറി​യി​പ്പു നൽകി. അത്തരം വ്യക്തികൾ “ക്ഷണിക​ന്മാർ ആകുന്നു; വചനം​നി​മി​ത്തം ഉപദ്ര​വ​മോ പീഡയോ ഉണ്ടായാൽ ക്ഷണത്തിൽ ഇടറി​പ്പോ​കു​ന്നു.” (മർക്കൊസ്‌ 4:17) മറ്റു ചിലർക്ക്‌ തങ്ങളുടെ ബൈബിൾ അധിഷ്‌ഠിത വിശ്വാ​സ​ങ്ങ​ളെ​ക്കു​റിച്ച്‌ കുറെ​യൊ​ക്കെ വിശദീ​ക​രി​ക്കാൻ കഴിയും. പക്ഷേ അവർ ദൈവത്തെ വ്യക്തി​പ​ര​മാ​യി അറിഞ്ഞി​ട്ടില്ല. ആനീസ എന്ന യുവതി ഇപ്രകാ​രം പറയുന്നു: “ചെറു​പ്പ​ത്തിൽ യഹോ​വ​യു​മാ​യി എനിക്ക്‌ ഒരു യഥാർഥ ബന്ധം ഉണ്ടായി​രു​ന്ന​താ​യി ഞാൻ കരുതു​ന്നില്ല . . . അത്‌ മുഖ്യ​മാ​യും മാതാ​പി​താ​ക്കൾക്ക്‌ അവനു​മാ​യുള്ള ബന്ധത്തെ ആശ്രയി​ച്ചി​രു​ന്നു.”

ഇക്കാര്യ​ത്തിൽ നിങ്ങളു​ടെ അവസ്ഥ എന്താണ്‌? യഹോവ നിങ്ങളു​ടെ മാതാ​പി​താ​ക്ക​ളു​ടെ മാത്രം ദൈവ​മാ​ണോ? അതോ, ബൈബിൾ സങ്കീർത്ത​ന​ക്കാ​ര​നെ​പ്പോ​ലെ നിങ്ങൾക്ക്‌ ഇങ്ങനെ പറയാൻ കഴിയു​മോ: “യഹോവേ, ഞാൻ നിന്നിൽ ആശ്രയി​ച്ചു; നീ എന്റെ ദൈവം എന്നു ഞാൻ പറഞ്ഞു”? (സങ്കീർത്തനം 31:14) യാഥാർഥ്യ​ങ്ങളെ അഭിമു​ഖീ​ക​രി​ക്കാൻ ധൈര്യം ആവശ്യ​മാ​യി​രി​ക്കാം. അലക്‌സാ​ണ്ടർ എന്ന യുവാവ്‌ ഇങ്ങനെ പറയുന്നു: “എന്നെ സംബന്ധി​ച്ചി​ട​ത്തോ​ളം, സത്യസ​ന്ധ​മായ ആത്മ പരി​ശോ​ധ​ന​യാ​യി​രു​ന്നു ആദ്യ പടി.” കുറ​ച്ചൊ​ക്കെ ആത്മ പരി​ശോ​ധ​ന​യ്‌ക്കു ശേഷം നിങ്ങൾ ഒരു വസ്‌തുത തിരി​ച്ച​റി​ഞ്ഞേ​ക്കാം: സത്യത്തെ (മുഴു ക്രിസ്‌തീയ പഠിപ്പി​ക്ക​ലു​ക​ളെ​യും) കുറിച്ച്‌ നിങ്ങൾ ഒരിക്ക​ലും യഥാർഥ​ത്തിൽ സ്വയം ഉറപ്പു​വ​രു​ത്തി​യി​ട്ടില്ല. നിങ്ങൾക്ക്‌ ഉറച്ച ബോധ്യം ഇല്ലായി​രി​ക്കാം. അതു​കൊണ്ട്‌ നിങ്ങളു​ടെ ജീവിതം ലക്ഷ്യര​ഹി​ത​വും യഥാർഥ മാർഗ​ദർശനം ഇല്ലാത്ത​തും ആയി കാണ​പ്പെ​ട്ടേ​ക്കാം.

യഹോ​വ​യു​ടെ സാക്ഷികൾ അവരുടെ ക്രിസ്‌തീയ യോഗ​ങ്ങ​ളിൽ പലപ്പോ​ഴും പാടാ​റുള്ള ഒരു ഗീതത്തി​ന്റെ ശീർഷകം ഇതാണ്‌: “സത്യം നിങ്ങളു​ടെ സ്വന്തമാ​ക്കുക.”a ആ ഉപദേശം നിങ്ങൾക്ക്‌ അനു​യോ​ജ്യ​മാ​യി​രു​ന്നേ​ക്കാം. എന്നാൽ, നിങ്ങൾക്ക്‌ അത്‌ എങ്ങനെ ചെയ്യാൻ കഴിയും? എവിടെ തുടങ്ങണം?

സ്വയം ഉറപ്പു​വ​രു​ത്തു​ക

പുതി​യ​ലോക ഭാഷാ​ന്തരം അനുസ​രിച്ച്‌, റോമർ 12:2-ൽ നാം അപ്പൊ​സ്‌ത​ല​നായ പൗലൊ​സി​ന്റെ പിൻവ​രുന്ന ബുദ്ധ്യു​പ​ദേശം കാണുന്നു: “നല്ലതും സ്വീകാ​ര്യ​വും പൂർണ​വു​മായ ദൈ​വേഷ്ടം എന്തെന്നു സ്വയം ഉറപ്പു​വ​രു​ത്തുക.” നിങ്ങൾക്ക്‌ അത്‌ എങ്ങനെ ചെയ്യാൻ കഴിയും? ‘സത്യത്തി​ന്റെ പരിജ്ഞാ​നം [‘സൂക്ഷ്‌മ പരിജ്ഞാ​നം,’ NW]’ സമ്പാദി​ക്കു​ന്ന​തി​ലൂ​ടെ. (തീത്തൊസ്‌ 1:3) ബെരോവ നഗരത്തി​ലെ പുരാതന നിവാ​സി​കൾ തങ്ങൾ കേട്ട കാര്യങ്ങൾ കണ്ണും പൂട്ടി വിശ്വ​സി​ച്ചില്ല. നേരേ​മ​റിച്ച്‌, അവർ “[തങ്ങൾ പഠിക്കുന്ന കാര്യങ്ങൾ] അങ്ങനെ തന്നെയോ എന്നു ദിന​മ്പ്രതി തിരു​വെ​ഴു​ത്തു​കളെ പരി​ശോ​ധി​ച്ചു​പോ​ന്നു [“ശ്രദ്ധാ​പൂർവം പരി​ശോ​ധി​ച്ചു,” NW].”—പ്രവൃ​ത്തി​കൾ 17:11.

എറിൻ എന്ന ക്രിസ്‌തീയ യുവതി അങ്ങനെ ചെയ്യേ​ണ്ട​തി​ന്റെ ആവശ്യകത തിരി​ച്ച​റി​ഞ്ഞു. അവൾ അനുസ്‌മ​രി​ക്കു​ന്നു: “ഞാൻ ഗവേഷണം നടത്തി. ഞാൻ എന്നോ​ടു​തന്നെ ഇങ്ങനെ ചോദി​ച്ചു: ‘ഇതു സത്യമതം ആണെന്ന്‌ എനിക്ക്‌ എങ്ങനെ അറിയാം? യഹോവ എന്നു പേരുള്ള ഒരു ദൈവം ഉണ്ടെന്ന്‌ എനിക്ക്‌ എങ്ങനെ അറിയാം?’” നിങ്ങൾക്ക്‌ വ്യക്തി​പ​ര​മായ ഒരു പഠന പരിപാ​ടി ആരംഭി​ക്ക​രു​തോ? നിത്യ​ജീ​വ​നി​ലേക്കു നയിക്കുന്ന പരിജ്ഞാനംb എന്ന ബൈബിൾ അധിഷ്‌ഠിത പുസ്‌തകം ഉപയോ​ഗി​ച്ചു നിങ്ങൾക്ക്‌ അത്‌ ആരംഭി​ക്കാ​വു​ന്ന​താണ്‌. അതു ശ്രദ്ധാ​പൂർവം വായി​ക്കുക. പരാമർശി​ച്ചി​രി​ക്കുന്ന തിരു​വെ​ഴു​ത്തു ഭാഗങ്ങ​ളെ​ല്ലാം എടുത്തു നോക്കുക. പ്രസ്‌താ​വി​ച്ചി​രി​ക്കുന്ന കാര്യ​ങ്ങ​ളു​മാ​യി അവ എങ്ങനെ ബന്ധപ്പെ​ട്ടി​രി​ക്കു​ന്നു​വെന്നു ശ്രദ്ധി​ക്കുക. “സത്യത്തി​ന്റെ വചനം ശരിയാ​യി കൈകാ​ര്യം ചെയ്‌തു​കൊണ്ട്‌ ഒന്നി​നെ​ക്കു​റി​ച്ചും ലജ്ജിപ്പാൻ വകയി​ല്ലാത്ത ഒരു വേലക്കാ​ര​നാ​യി” തീരു​മ്പോൾ സത്യ​ത്തെ​ക്കു​റി​ച്ചുള്ള നിങ്ങളു​ടെ ധാരണ എത്ര മാറി​യി​രി​ക്കു​ന്നു എന്നു കണ്ട്‌ നിങ്ങൾ അതിശ​യി​ച്ചേ​ക്കാം!—2 തിമൊ​ഥെ​യൊസ്‌ 2:15, NW.

ബൈബി​ളി​ലെ ചില സംഗതി​കൾ “ഗ്രഹി​പ്പാൻ പ്രയാസ”മാണെന്ന്‌ അപ്പൊ​സ്‌ത​ല​നായ പത്രൊസ്‌ പറഞ്ഞു, അതു ശരിയാ​ണെന്നു നിങ്ങളും കണ്ടെത്തും. (2 പത്രൊസ്‌ 3:16) എന്നാൽ, വിഷമം ഉള്ള വിഷയങ്ങൾ പോലും ഗ്രഹി​ക്കാൻ ദൈവാ​ത്മാ​വിന്‌ നിങ്ങളെ സഹായി​ക്കാൻ കഴിയും. (1 കൊരി​ന്ത്യർ 2:11, 12) എന്തെങ്കി​ലും മനസ്സി​ലാ​ക്കാൻ ബുദ്ധി​മു​ട്ടു തോന്നു​മ്പോൾ ദൈവ​ത്തി​ന്റെ സഹായ​ത്തി​നാ​യി പ്രാർഥി​ക്കുക. (സങ്കീർത്തനം 119:10, 11, 27) വാച്ച്‌ ടവർ സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളിൽ കൂടു​ത​ലായ ഗവേഷണം നടത്താൻ ശ്രമി​ക്കുക. അത്‌ എങ്ങനെ ചെയ്യണ​മെന്നു നിങ്ങൾക്കു തിട്ടമി​ല്ലെ​ങ്കിൽ ആരോ​ടെ​ങ്കി​ലും ചോദി​ക്കുക. നിങ്ങളു​ടെ മാതാ​പി​താ​ക്കൾക്കോ ഒരുപക്ഷേ ക്രിസ്‌തീയ സഭയിലെ പക്വത​യുള്ള മറ്റേ​തെ​ങ്കി​ലും അംഗങ്ങൾക്കോ നിങ്ങളെ സഹായി​ക്കാൻ കഴിയും.

വളരെ​യേ​റെ അറിവു​ണ്ടെന്നു മറ്റുള്ള​വരെ കാണി​ക്കാ​നല്ല നിങ്ങൾ പഠിക്കു​ന്നത്‌ എന്ന്‌ ഓർമി​ക്കുക. കൊളിൻ എന്ന യുവാവ്‌ ഇങ്ങനെ വിശദീ​ക​രി​ക്കു​ന്നു: “അതിലൂ​ടെ നിങ്ങൾ യഹോ​വ​യു​ടെ ഗുണങ്ങ​ളെ​ക്കു​റിച്ച്‌ അറിയു​ക​യാണ്‌.” വായി​ക്കുന്ന കാര്യ​ങ്ങ​ളെ​ക്കു​റി​ച്ചു ധ്യാനി​ക്കു​ന്ന​തി​നു സമയം എടുക്കുക. കാര്യങ്ങൾ നിങ്ങളു​ടെ ഹൃദയ​ത്തി​ലേക്ക്‌ ഇറങ്ങി ചെല്ലു​ന്ന​തിന്‌ അത്‌ സഹായി​ക്കും.—സങ്കീർത്തനം 1:2, 3.

ക്രിസ്‌തീ​യ യോഗ​ങ്ങ​ളിൽ സംബന്ധി​ച്ചു​കൊണ്ട്‌ സഭയോ​ടൊ​ത്തു സഹവസി​ക്കു​ന്ന​തും നിങ്ങളെ സഹായി​ച്ചേ​ക്കാം. സഭ “സത്യത്തി​ന്റെ തൂണും അടിസ്ഥാ​നവു”മാണ്‌ എന്ന്‌ അപ്പൊ​സ്‌ത​ല​നായ പൗലൊസ്‌ എഴുതി. (1 തിമൊ​ഥെ​യൊസ്‌ 3:15) ക്രിസ്‌തീയ യോഗങ്ങൾ മുഷി​പ്പു​ള​വാ​ക്കു​ന്നു എന്ന്‌ ചില യുവജ​നങ്ങൾ പരാതി പറയാ​റുണ്ട്‌. “എന്നാൽ, നിങ്ങൾ യോഗ​ങ്ങൾക്കു തയ്യാറാ​കു​ന്നി​ല്ലെ​ങ്കിൽ . . . അവയിൽനി​ന്നു കാര്യ​മായ പ്രയോ​ജ​ന​മൊ​ന്നും ലഭിക്കില്ല” എന്ന്‌ കൊളിൻ ഓർമി​പ്പി​ക്കു​ന്നു. അതു​കൊണ്ട്‌ പാഠഭാ​ഗങ്ങൾ മുൻകൂ​ട്ടി തയ്യാറാ​കുക. വെറും കാണികൾ ആയിരി​ക്കാ​തെ പങ്കെടു​ക്കു​ന്നവർ ആയിരി​ക്കു​മ്പോൾ യോഗങ്ങൾ വളരെ​യേറെ രസകര​മാ​യി​രി​ക്കും.

പഠിക്കാൻ ഒട്ടും നേരമി​ല്ലെ​ന്നോ?

സ്‌കൂൾ പഠനവും വീട്ടു​ജോ​ലി​യും ഒക്കെ ആയി വളരെ​യ​ധി​കം ചെയ്യാ​നു​ള്ള​പ്പോൾ ബൈബിൾ പഠനത്തി​നു സമയം കണ്ടെത്തുക ബുദ്ധി​മുട്ട്‌ ആയിരു​ന്നേ​ക്കാ​മെ​ന്നതു ശരിതന്നെ. സൂസൻ എന്ന യുവതി ഇങ്ങനെ എഴുതു​ന്നു: “യോഗ​ങ്ങൾക്കു തയ്യാറാ​കു​ക​യും വ്യക്തി​പ​ര​മായ പഠനം നടത്തു​ക​യും ചെയ്യേ​ണ്ട​തുണ്ട്‌ എന്ന ചിന്ത വർഷങ്ങ​ളാ​യി എന്നെ അലട്ടു​ന്നു​ണ്ടാ​യി​രു​ന്നു. എങ്കിലും എനിക്ക്‌ ഒരിക്ക​ലും അതിനു കഴിഞ്ഞില്ല.”

പ്രാധാ​ന്യം കുറഞ്ഞ സംഗതി​ക​ളിൽനിന്ന്‌ ‘സമയം വിലയ്‌ക്കു വാങ്ങാൻ’ സൂസൻ പഠിച്ചു. (എഫെസ്യർ 5:15, 16, NW) ആദ്യം തന്നെ അവൾ പഠിക്കേണ്ട കാര്യ​ങ്ങ​ളു​ടെ എല്ലാം ഒരു പട്ടിക തയ്യാറാ​ക്കി. പിന്നെ അവ പഠിക്കു​ന്ന​തി​നാ​യി സമയം പട്ടിക​പ്പെ​ടു​ത്തി. എന്നാൽ അവൾ തന്റെ പട്ടിക​യിൽ വിനോ​ദ​ത്തി​നാ​യും കുറച്ചു സമയം നീക്കി​വെച്ചു. അവൾ പിൻവ​രുന്ന ബുദ്ധ്യു​പ​ദേശം നൽകുന്നു: “ഒഴിവു സമയം മുഴു​വ​നും ഓരോ​രോ കാര്യ​ങ്ങൾക്കാ​യി പട്ടിക​പ്പെ​ടു​ത്ത​രുത്‌. വിശ്ര​മ​ത്തി​നും നമുക്ക്‌ കുറ​ച്ചൊ​ക്കെ സമയം ആവശ്യ​മാണ്‌.” ഒരു പട്ടിക ഉണ്ടായി​രി​ക്കു​ന്നത്‌ നിങ്ങളു​ടെ കാര്യ​ത്തി​ലും ഫലപ്ര​ദ​മാ​യി​രു​ന്നേ​ക്കാം.

പഠിക്കുന്ന കാര്യങ്ങൾ പങ്കു​വെ​ക്കു​ക

പഠിക്കുന്ന കാര്യങ്ങൾ നിങ്ങളു​ടെ ഭാഗമാ​ക്കു​ന്ന​തിന്‌ അവ പങ്കു​വെ​ക്കു​ന്നത്‌ പ്രത്യേ​കി​ച്ചും സഹായ​ക​മാ​യി​രി​ക്കും. മറ്റാ​രെ​യെ​ങ്കി​ലും പഠിപ്പി​ക്കാൻ ശ്രമി​ക്കുക. സങ്കീർത്ത​ന​ക്കാ​രൻ ഇങ്ങനെ പറഞ്ഞു: “എന്റെ വായ്‌ ജ്ഞാനം പ്രസ്‌താ​വി​ക്കും; എന്റെ ഹൃദയ​ത്തി​ലെ ധ്യാനം വിവേകം തന്നേ ആയിരി​ക്കും.”—സങ്കീർത്തനം 49:3.

സുവാർത്ത​യെ കുറിച്ച്‌ ലജ്ജിക്കാത്ത പക്ഷം സഹപാ​ഠി​ക​ളു​മാ​യും കണ്ടുമു​ട്ടി​യേ​ക്കാ​വുന്ന മറ്റുള്ള​വ​രു​മാ​യും അതു പങ്കു​വെ​ക്കു​ന്ന​തിന്‌ നിങ്ങൾ മടിക്കു​ക​യില്ല. (റോമർ 1:16) മറ്റുള്ള​വ​രോട്‌ സത്യം സംസാ​രി​ക്കു​ന്ന​തി​നുള്ള അത്തരം അവസരങ്ങൾ പ്രയോ​ജ​ന​പ്പെ​ടു​ത്തു​മ്പോൾ നിങ്ങൾ പഠിക്കുന്ന കാര്യങ്ങൾ ഉപയോ​ഗ​പ്പെ​ടു​ത്തു​ക​യാ​യി​രി​ക്കും ചെയ്യു​ന്നത്‌. അതു വഴി സത്യം നിങ്ങളു​ടെ മനസ്സി​ലും ഹൃദയ​ത്തി​ലും ആഴത്തിൽ പതിയു​ന്നു.

നിങ്ങളു​ടെ സഹവാ​സങ്ങൾ കാത്തു​സൂ​ക്ഷി​ക്കു​ക

ഒന്നാം നൂറ്റാ​ണ്ടി​ലെ ചില ക്രിസ്‌ത്യാ​നി​കൾ നല്ല ആത്മീയ പുരോ​ഗതി വരുത്തു​ക​യു​ണ്ടാ​യി. എന്നാൽ അപ്പൊ​സ്‌ത​ല​നായ പൗലൊ​സിന്‌ പെട്ടെ​ന്നു​തന്നെ ഇങ്ങനെ ചോദി​ച്ചു​കൊണ്ട്‌ അവർക്ക്‌ എഴു​തേണ്ടി വന്നു: “സത്യം അനുസ​രി​ക്കാ​തി​രി​പ്പാൻ [“അനുസ​രി​ക്കു​ന്ന​തിൽ തുടരു​ന്ന​തിൽനിന്ന്‌,” NW] നിങ്ങളെ ആർ തടുത്തു​ക​ളഞ്ഞു?” (ഗലാത്യർ 5:7) അലക്‌സ്‌ എന്ന യുവാ​വി​ന്റെ കാര്യ​ത്തി​ലും സമാന​മായ ഒന്നാണ്‌ സംഭവി​ച്ചത്‌. “ചീത്ത കൂട്ടു​കാ​രു​മൊ​ത്തു കറങ്ങി​യ​ടി​ച്ചു സമയം പാഴാ​ക്കി​യത്‌” ദൈവ​വ​ചനം പഠിക്കാ​നുള്ള തന്റെ ശ്രമങ്ങൾക്ക്‌ തുരങ്കം വെച്ചെന്ന്‌ അവൻ സമ്മതിച്ചു പറഞ്ഞു. ആത്മീയ​മാ​യി പുരോ​ഗതി പ്രാപി​ക്കു​ന്ന​തിന്‌ നിങ്ങൾ ഇക്കാര്യ​ത്തി​ലും ചില മാറ്റങ്ങൾ വരു​ത്തേ​ണ്ടത്‌ ഉണ്ടായി​രി​ക്കാം.

നേരേ​മ​റിച്ച്‌, നല്ല സഹവാ​സങ്ങൾ പുരോ​ഗതി പ്രാപി​ക്കു​ന്ന​തിന്‌ നിങ്ങളെ യഥാർഥ​ത്തിൽ സഹായി​ക്കും. സദൃശ​വാ​ക്യ​ങ്ങൾ 27:17 ഇങ്ങനെ പറയുന്നു: “ഇരിമ്പു ഇരിമ്പി​ന്നു മൂർച്ച​കൂ​ട്ടു​ന്നു; മനുഷ്യൻ മനുഷ്യ​ന്നു മൂർച്ച​കൂ​ട്ടു​ന്നു.” നല്ല മാതൃകാ പാത്ര​ങ്ങളെ, ജീവി​ത​ത്തിൽ സത്യം ബാധക​മാ​ക്കുന്ന ആളുകളെ, കണ്ടെത്തുക. ഒരുപക്ഷേ നിങ്ങൾ സ്വന്തം കുടും​ബ​ത്തിൽ തന്നെ അത്തരക്കാ​രെ കണ്ടെത്തി​യേ​ക്കാം. ജെനിഫർ ഇങ്ങനെ അനുസ്‌മ​രി​ക്കു​ന്നു: “മുത്തച്ഛ​നാ​യി​രു​ന്നു എന്റെ ഏറ്റവും നല്ല മാതൃക. ഞായറാ​ഴ്‌ചത്തെ സഭാ ബൈബിൾ അധ്യയ​ന​ത്തി​നാ​യി തയ്യാറാ​കു​ന്ന​തിന്‌ അദ്ദേഹം എല്ലായ്‌പോ​ഴും മൂന്നു മണിക്കൂർ വീതം ചെലവ​ഴി​ച്ചു. അദ്ദേഹം പാഠഭാ​ഗത്തെ ഓരോ തിരു​വെ​ഴു​ത്തും വ്യത്യസ്‌ത ബൈബിൾ പരിഭാ​ഷ​ക​ളെ​ടു​ത്തു പരി​ശോ​ധി​ച്ചി​രു​ന്നു. വാക്കു​ക​ളു​ടെ അർഥം നോക്കാൻ നിഘണ്ടു​വും ഉപയോ​ഗി​ച്ചു. ബൈബി​ളി​ലെ അത്ര​യൊ​ന്നും അറിയ​പ്പെ​ടാത്ത വസ്‌തു​ത​ക​ളെ​ക്കു​റിച്ച്‌ അദ്ദേഹ​ത്തിന്‌ നല്ല ഗ്രാഹ്യ​മാ​യി​രു​ന്നു. ഏതു ചോദ്യ​ത്തി​നും അദ്ദേഹം ഉത്തരം കണ്ടുപി​ടി​ച്ചു തരുമാ​യി​രു​ന്നു.”

സത്യം സ്വന്തമാ​ക്കു​ക​വഴി നിങ്ങൾ വിലപ്പെട്ട ഒരു സ്വത്താണ്‌ സമ്പാദി​ക്കു​ന്നത്‌—യാതൊ​ന്നി​നു വേണ്ടി​യും ഉപേക്ഷി​ക്കാൻ തയ്യാറാ​കു​ക​യി​ല്ലാത്ത ഒന്ന്‌. അതു​കൊണ്ട്‌ സത്യത്തെ കേവലം “എന്റെ മാതാ​പി​താ​ക്ക​ളു​ടെ മതം” എന്നവണ്ണം ഒരിക്ക​ലും വീക്ഷി​ക്ക​രുത്‌. സങ്കീർത്ത​ന​ക്കാ​രന്‌ ഉണ്ടായി​രു​ന്നതു പോലത്തെ ഉറച്ച ബോധ്യം നിങ്ങൾക്കും ഉണ്ടായി​രി​ക്കണം. അവൻ ഇങ്ങനെ പറഞ്ഞു: “അപ്പനും അമ്മയും എന്നെ ഉപേക്ഷി​ച്ചാ​ലും കർത്താവ്‌ [“യഹോവ,” NW] എന്നെ കൈ​ക്കൊ​ള്ളും.” (സങ്കീർത്തനം 27:10, പി.ഒ.സി. ബൈ.) ബൈബിൾ എന്തു പഠിപ്പി​ക്കു​ന്നു​വെന്ന്‌ യഥാർഥ​ത്തിൽ അറിയു​ക​യും അതു വിശ്വ​സി​ക്കു​ക​യും നിങ്ങളു​ടെ വിശ്വാ​സങ്ങൾ മറ്റുള്ള​വ​രു​മാ​യി പങ്കു​വെ​ക്കു​ക​യും സർവോ​പരി, ഈ വിശ്വാ​സ​ങ്ങൾക്കു ചേർച്ച​യിൽ ജീവി​ക്കു​ക​യും ചെയ്യു​ന്ന​തി​ലൂ​ടെ സത്യം സ്വന്തമാ​ക്കി​യി​രി​ക്കു​ന്നു​വെന്ന്‌ നിങ്ങൾ പ്രകട​മാ​ക്കും.

[അടിക്കു​റി​പ്പു​കൾ]

[13-ാം പേജിലെ ചിത്രം]

ഗവേഷണത്തിലൂടെയും വ്യക്തി​പ​ര​മായ പഠനത്തി​ലൂ​ടെ​യും സത്യം സ്വയം ഉറപ്പു​വ​രു​ത്തു​ക