യുവജ​നങ്ങൾ ചോദി​ക്കു​ന്നു . . .

അച്ഛനും അമ്മയും ഇല്ലാതെ ഞാൻ എന്തിനു ജീവി​ക്കണം?

“അച്ഛനും അമ്മയും ഇല്ലാത്ത ജീവിതം എങ്ങനെ ആയിരു​ന്നു​വെ​ന്നോ? എന്നെ സംബന്ധി​ച്ചി​ട​ത്തോ​ളം പല കാരണ​ങ്ങൾകൊ​ണ്ടും അതു തികച്ചും ദുഃഖ​പൂർണ​മാ​യി​രു​ന്നു. മാതാ​പി​താ​ക്ക​ളു​ടെ സ്‌നേ​ഹ​വും ലാളന​യും കൂടാതെ വളർന്നു വരുന്നത്‌ വലിയ ബുദ്ധി​മു​ട്ടാണ്‌.”—രാജു.

“റിപ്പോർട്ട്‌ കാർഡിൽ ഒപ്പിടാൻ മാതാ​പി​താ​ക്കൾ സ്‌കൂ​ളിൽ വരേണ്ട ദിവസ​ങ്ങ​ളാ​യി​രു​ന്നു ഏറ്റവും വെല്ലു​വി​ളി ഉയർത്തി​യത്‌. എനിക്കു വലിയ ദുഃഖ​വും ഏകാന്ത​ത​യും അനുഭ​വ​പ്പെട്ടു. ഇപ്പോ​ഴും ചില സമയങ്ങ​ളിൽ എനിക്ക്‌ അങ്ങനെ അനുഭ​വ​പ്പെ​ടാ​റുണ്ട്‌.”—പതിനാ​റു വയസു​കാ​രി ആബെലി​നാ.

ദശലക്ഷ​ക്ക​ണ​ക്കി​നു കുട്ടികൾ അച്ഛനമ്മ​മാർ ഇല്ലാത്ത​വ​രാ​യി വളർന്നു വരുന്നത്‌ നമ്മുടെ നാളിലെ ദുഃഖ​പൂർണ​മായ ഒരു സ്ഥിതി​വി​ശേ​ഷ​മാണ്‌. പൂർവ യൂറോ​പ്പിൽ യുദ്ധത്തി​ന്റെ ഫലമായി ആയിര​ക്ക​ണ​ക്കി​നു കുട്ടികൾ അനാഥ​രാ​യി​ട്ടുണ്ട്‌. ആഫ്രി​ക്ക​യി​ലാ​ണെ​ങ്കിൽ എയിഡ്‌സാണ്‌ സമാന​മായ ദുരന്ത​ത്തിന്‌ ഇടയാ​ക്കി​യി​രി​ക്കു​ന്നത്‌. ചില കുട്ടികൾ മാതാ​പി​താ​ക്ക​ളാൽ ഉപേക്ഷി​ക്ക​പ്പെ​ട്ട​വ​രാണ്‌. യുദ്ധത്തി​ന്റെ​യോ പ്രകൃതി വിപത്തു​ക​ളു​ടെ​യോ ഫലമാ​യും കുടും​ബാം​ഗങ്ങൾ വേർപെട്ടു പോയി​ട്ടുണ്ട്‌.

ഇത്തരം സാഹച​ര്യ​ങ്ങൾ ബൈബിൾ കാലങ്ങ​ളിൽപ്പോ​ലും സാധാ​ര​ണ​മാ​യി​രു​ന്നു. അനാഥ​രു​ടെ ദുരവ​സ്ഥ​യെ​ക്കു​റിച്ച്‌ തിരു​വെ​ഴു​ത്തു​കൾ കൂടെ​ക്കൂ​ടെ പ്രതി​പാ​ദി​ക്കു​ന്നുണ്ട്‌. (സങ്കീർത്തനം 94:6; മലാഖി 3:5) യുദ്ധങ്ങ​ളും മറ്റു ദുരന്ത​ങ്ങ​ളും അന്നും കുടും​ബ​ങ്ങളെ ചിതറി​ച്ചി​രു​ന്നു. അരാമ്യ​രു​ടെ കവർച്ചപ്പട മാതാ​പി​താ​ക്ക​ളു​ടെ അടുത്തു​നി​ന്നു പിടി​ച്ചു​കൊ​ണ്ടു​പോയ ഒരു പെൺകു​ട്ടി​യെ കുറി​ച്ചുള്ള വിവരണം ബൈബി​ളി​ലുണ്ട്‌.—2 രാജാ​ക്ക​ന്മാർ 5:2.

മാതാ​പി​താ​ക്ക​ളി​ല്ലാത്ത ദശലക്ഷ​ക്ക​ണ​ക്കി​നു കുട്ടി​ക​ളിൽ ഒരാളാ​യി​രി​ക്കാം നിങ്ങളും. അങ്ങനെ​യെ​ങ്കിൽ അത്തരം സാഹച​ര്യം എത്ര വേദനാ​ജ​ന​ക​മാ​ണെന്നു നിങ്ങൾക്ക്‌ അറിയാ​മാ​യി​രി​ക്കും. എന്തു​കൊ​ണ്ടാണ്‌ നിങ്ങൾക്ക്‌ അതു സംഭവി​ച്ചത്‌?

നിങ്ങളു​ടെ കുറ്റമല്ല

ദൈവം നിങ്ങളെ ഏതോ വിധത്തിൽ ശിക്ഷി​ക്കു​ക​യാ​ണെന്ന്‌ നിങ്ങൾക്കു തോന്നു​ന്നു​ണ്ടോ? അല്ലെങ്കിൽ മാതാ​പി​താ​ക്കൾ മരിച്ച​തി​ന്റെ പേരിൽ നിങ്ങൾക്ക്‌ അവരോ​ടു വല്ലാത്ത ദേഷ്യം തോന്നു​ന്നു​ണ്ടാ​കാം—അവർ അതു മനപ്പൂർവം ചെയ്‌ത​താ​ണെ​ന്ന​പോ​ലെ. ദൈവം നിങ്ങ​ളോ​ടു കോപി​ച്ചി​രി​ക്കു​ക​യ​ല്ലെന്ന്‌ ആദ്യം തന്നെ മനസ്സി​ലാ​ക്കുക. മാതാ​പി​താ​ക്കൾ നിങ്ങളെ മനപ്പൂർവം വിട്ടു​പി​രി​ഞ്ഞതല്ല. അപൂർണ മനുഷ്യ​ന്റെ ജീവി​ത​ക​ഥ​യു​ടെ ദുഃഖ​പൂർണ​മായ പര്യവ​സാ​ന​മാണ്‌ മരണം. മക്കൾ നന്നേ ചെറു​പ്പ​മാ​യി​രി​ക്കു​മ്പോൾ തന്നെ ചില​പ്പോൾ അതിന്റെ കരാള​ഹ​സ്‌തങ്ങൾ മാതാ​പി​താ​ക്കളെ പിടി​കൂ​ടു​ന്നു. (റോമർ 5:12; 6:23) തെളി​വ​നു​സ​രിച്ച്‌, യേശു​ക്രി​സ്‌തു​വും തന്റെ പ്രിയ വളർത്തു​പി​താ​വായ യോ​സേ​ഫി​ന്റെ മരണത്തെ അഭിമു​ഖീ​ക​രി​ച്ചു.a തീർച്ച​യാ​യും അത്‌ യേശു എന്തെങ്കി​ലും പാപം ചെയ്‌ത​തു​കൊണ്ട്‌ ആയിരു​ന്നില്ല.

നാം “ദുർഘ​ട​സ​മയങ്ങ”ളിൽ ആണ്‌ ജീവി​ക്കു​ന്ന​തെ​ന്നും മനസ്സി​ലാ​ക്കുക. (2 തിമൊ​ഥെ​യൊസ്‌ 3:1-5) ഈ നൂറ്റാ​ണ്ടിൽ അക്രമം, യുദ്ധം, കുറ്റകൃ​ത്യം എന്നിവ ദശലക്ഷ​ക്ക​ണ​ക്കിന്‌ ആളുകളെ മുഖം നോക്കാ​തെ കൊ​ന്നൊ​ടു​ക്കി​യി​രി​ക്കു​ന്നു. മറ്റു ചിലർ ‘കാലത്തി​നും മുൻകൂ​ട്ടി​ക്കാ​ണാൻ കഴിയാത്ത സംഭവങ്ങ’ൾക്കും ഇരകളാ​യി​രി​ക്കു​ന്നു. (സഭാ​പ്ര​സം​ഗി 9:11, NW) നിങ്ങളു​ടെ മാതാ​പി​താ​ക്ക​ളു​ടെ മരണം വേദനാ​ജ​നകം ആയിരി​ക്കാ​മെ​ങ്കി​ലും അതു സംഭവി​ച്ചത്‌ നിങ്ങളു​ടെ കുറ്റം​കൊണ്ട്‌ ആയിരു​ന്നില്ല. അതു​കൊണ്ട്‌ നിങ്ങൾ കുറ്റ​ബോ​ധ​ത്താൽ നീറി​പ്പു​ക​യേ​ണ്ട​തില്ല, ദുഃഖ​ത്താൽ ഭാര​പ്പെ​ടു​ക​യും വേണ്ട. പകരം, പുനരു​ത്ഥാ​നത്തെ കുറി​ച്ചുള്ള ദൈവ​ത്തി​ന്റെ വാഗ്‌ദാ​ന​ത്തിൽ ആശ്വാസം കണ്ടെത്തുക.b യേശു ഇപ്രകാ​രം മുൻകൂ​ട്ടി​പ്പ​റഞ്ഞു: ‘ഇതിങ്കൽ ആശ്ചര്യ​പ്പെ​ട​രു​തു; കല്ലറക​ളിൽ ഉള്ളവർ എല്ലാവ​രും അവന്റെ ശബ്ദം കേട്ടു പുനരു​ത്ഥാ​നം ചെയ്‌വാ​നുള്ള നാഴിക വരുന്നു.’ (യോഹ​ന്നാൻ 5:28, 29) തുടക്ക​ത്തിൽ പരാമർശിച്ച ആബെലി​നാ പറയുന്നു: “യഹോ​വ​യോ​ടുള്ള സ്‌നേ​ഹ​വും പുനരു​ത്ഥാ​ന​ത്തി​ലുള്ള പ്രത്യാ​ശ​യും വലിയ സഹായ​മാ​യി​രു​ന്നി​ട്ടുണ്ട്‌.”

എന്നാൽ മാതാ​പി​താ​ക്കൾ നിങ്ങളെ ഉപേക്ഷി​ച്ച​താ​ണെ​ങ്കി​ലോ? മക്കളെ പരിപാ​ലി​ക്കാ​നും അവർക്കാ​യി കരുതാ​നും ദൈവം മാതാ​പി​താ​ക്ക​ളോട്‌ ആവശ്യ​പ്പെ​ടു​ന്നു. (എഫെസ്യർ 6:4; 1 തിമൊ​ഥെ​യൊസ്‌ 5:8) എന്നാൽ സങ്കടക​ര​മെന്നു പറയട്ടെ, ചില മാതാ​പി​താ​ക്കൾക്ക്‌ മക്കളോട്‌ ഒട്ടും ‘വാത്സല്യം’ ഇല്ല. (2 തിമൊ​ഥെ​യൊസ്‌ 3:3) മറ്റു ചിലർ മക്കളെ ഉപേക്ഷി​ക്കു​ന്ന​തി​നുള്ള കാരണം, കടുത്ത ദാരി​ദ്ര്യ​മോ മയക്കു​മ​രു​ന്നാ​സ​ക്തി​യോ മദ്യാ​സ​ക്തി​യോ തടവു​ശി​ക്ഷ​യോ ഒക്കെയാണ്‌. സ്വാർഥത നിമിത്തം മക്കളെ ഉപേക്ഷി​ക്കുന്ന മാതാ​പി​താ​ക്ക​ളു​മുണ്ട്‌. കാരണം എന്തുമാ​യി​ക്കൊ​ള്ളട്ടെ, മാതാ​പി​താ​ക്ക​ളിൽനി​ന്നു വേർപെട്ടു പോകു​ന്നത്‌ ഹൃദയ​ഭേ​ദ​ക​മാണ്‌. എന്നാൽ നിങ്ങൾക്ക്‌ എന്തെങ്കി​ലും കുഴപ്പ​മു​ണ്ടെ​ന്നോ കുറ്റ​ബോ​ധ​ത്താൽ നിങ്ങൾ സ്വയം കുത്തി​നോ​വി​ക്ക​ണ​മെ​ന്നോ അതിനർഥ​മില്ല. നിങ്ങ​ളോട്‌ അത്തരത്തിൽ പെരു​മാ​റി​യ​തിന്‌ വാസ്‌ത​വ​മാ​യും മാതാ​പി​താ​ക്ക​ളാണ്‌ ദൈവ​ത്തോട്‌ ഉത്തരം പറയേ​ണ്ടത്‌. (റോമർ 14:12) എന്നാൽ പ്രകൃ​തി​വി​പ​ത്തോ രോഗ​മോ പോലെ തങ്ങളുടെ നിയ​ന്ത്ര​ണ​ത്തിന്‌ അതീത​മായ കാരണ​ങ്ങ​ളാൽ ആണ്‌ മാതാ​പി​താ​ക്കൾ നിങ്ങളിൽനി​ന്നു വേർപെട്ടു പോകാൻ ഇടയാ​യ​തെ​ങ്കിൽ അത്‌ ആരു​ടെ​യും കുറ്റമല്ല! അവരു​മാ​യി വീണ്ടും ഒന്നിക്കാ​മെ​ന്നുള്ള പ്രത്യാ​ശ​യുണ്ട്‌, ഒരുപക്ഷേ അത്‌ അത്ര യഥാർഥ​മാ​യി തോന്നു​ക​യി​ല്ലെ​ങ്കി​ലും.—ഉല്‌പത്തി 46:29-31 താരത​മ്യം ചെയ്യുക.

നൊമ്പ​ര​പ്പെ​ടു​ത്തുന്ന അനുഭവം

ആ സമയം വന്നെത്തു​ന്ന​തു​വരെ ഗുരു​ത​ര​മായ ഒട്ടേറെ പ്രശ്‌നങ്ങൾ നിങ്ങൾ അഭിമു​ഖീ​ക​രി​ച്ചേ​ക്കാം. ഐക്യ​രാ​ഷ്‌ട്ര ശിശു​ക്ഷേ​മ​നി​ധി​യു​ടെ, യുദ്ധത്തിൽ അകപ്പെട്ട കുട്ടികൾ (ഇംഗ്ലീഷ്‌) എന്ന ഒരു പഠന റിപ്പോർട്ട്‌ പറയുന്നു: “ദുരന്ത​ത്തിൽ അകപ്പെ​ടാൻ ഏറ്റവും സാധ്യ​ത​യു​ള്ളവർ ആരോ​രു​മി​ല്ലാത്ത കുട്ടി​ക​ളാണ്‌—അവർ ജീവി​ത​ത്തിൽ ഏറ്റവും വലിയ പ്രതി​സ​ന്ധി​കളെ നേരി​ടു​ന്നു, ദുഷ്‌പെ​രു​മാ​റ്റ​ത്തി​നു വിധേ​യ​രാ​കു​ന്നു, സ്വാഭാ​വിക വളർച്ച​യ്‌ക്ക്‌ ആവശ്യ​മായ പിന്തു​ണ​യും അവർക്കു ലഭിക്കു​ന്നില്ല. മാതാ​പി​താ​ക്ക​ളിൽനി​ന്നു വേർപെട്ടു പോകു​ന്നത്‌ ഒരു കുട്ടിയെ സംബന്ധി​ച്ചി​ട​ത്തോ​ളം ജീവി​ത​ത്തി​ലെ ഏറ്റവും നൊമ്പ​ര​പ്പെ​ടു​ത്തുന്ന അനുഭ​വ​ങ്ങ​ളിൽ ഒന്നാണ്‌.” ചില​പ്പോൾ നിങ്ങൾക്ക്‌ വിഷാ​ദ​വും നിരാ​ശ​യു​മാ​യി മല്ലടി​ക്കേ​ണ്ട​തു​ണ്ടാ​യി​രി​ക്കാം.

മുമ്പു പറഞ്ഞ രാജു​വി​ന്റെ കാര്യ​മെ​ടു​ക്കാം. അവന്റെ മാതാ​പി​താ​ക്കൾ വേർപി​രി​ഞ്ഞു, അവനെ​യും കൂടപ്പി​റ​പ്പു​ക​ളെ​യും ഉപേക്ഷി​ക്കു​ക​യും ചെയ്‌തു. അവന്‌ അന്ന്‌ ഒരു വയസ്സേ ഉണ്ടായി​രു​ന്നു​ള്ളൂ. മൂത്ത സഹോ​ദ​രി​മാ​രാണ്‌ അവനെ വളർത്തി​യത്‌. അവൻ വിവരി​ക്കു​ന്നു: “കൂട്ടു​കാർക്ക്‌ ഉള്ളതു​പോ​ലെ ഞങ്ങൾക്ക്‌ എന്തു​കൊ​ണ്ടാണ്‌ അച്ഛനും അമ്മയും ഇല്ലാ​തെ​പോ​യത്‌ എന്നു ഞാൻ ചോദി​ക്കാ​റു​ണ്ടാ​യി​രു​ന്നു. ഒരിക്കൽ ഒരു അച്ഛനും മകനും കൂടെ കളിക്കു​ന്നതു കണ്ടപ്പോൾ എനിക്കും ഒരു അച്ഛനു​ണ്ടാ​യി​രു​ന്നെ​ങ്കിൽ എന്നു ഞാൻ ആശിച്ചു​പോ​യി.”

സഹായം തേടൽ

മാതാ​പി​താ​ക്ക​ളി​ല്ലാ​തെ വളർന്നു വരുന്നത്‌ വളരെ ബുദ്ധി​മു​ട്ടാ​ണെ​ങ്കി​ലും നിങ്ങളു​ടെ ജീവിതം ഒരു പരാജ​യ​മാ​യി തീരു​മെന്ന്‌ അതിന്‌ അർഥമില്ല. സഹായ​വും പിന്തു​ണ​യും ഉണ്ടെങ്കിൽ ജീവിച്ചു പോകാൻ മാത്രമല്ല ജീവിതം ഒരു വിജയ​മാ​ക്കാ​നും കഴിയും. ഇതു നിങ്ങൾക്ക്‌ അവിശ്വ​സ​നീ​യ​മാ​യി തോന്നി​യേ​ക്കാം, വിശേ​ഷിച്ച്‌ ദുഃഖ​ത്തി​ന്റെ നിലയി​ല്ലാ കയത്തിൽ മുങ്ങി​ത്താ​ഴു​മ്പോൾ. എങ്കിലും അത്തരം തോന്ന​ലു​കൾ സ്വാഭാ​വി​ക​മാ​ണെ​ന്നും അവ നിങ്ങളെ എന്നേക്കും കുത്തി​നോ​വി​ക്കു​ക​യി​ല്ലെ​ന്നും മനസ്സി​ലാ​ക്കുക. സഭാ​പ്ര​സം​ഗി 7:2, 3 ഇപ്രകാ​രം പറയുന്നു: “വിരു​ന്നു​വീ​ട്ടിൽ പോകു​ന്ന​തി​നെ​ക്കാൾ വിലാ​പ​ഭ​വ​ന​ത്തിൽ പോകു​ന്നതു നല്ലതു; . . . ചിരി​യെ​ക്കാൾ വ്യസനം നല്ലതു മുഖം വാടി​യി​രി​ക്കു​മ്പോൾ ഹൃദയം സുഖമാ​യി​രി​ക്കും.” ഒരു വൻ ദുരന്തം സംഭവി​ക്കു​മ്പോൾ കരയു​ന്ന​തും ദുഃഖി​ക്കു​ന്ന​തും സ്വാഭാ​വി​ക​വും ആരോ​ഗ്യാ​വ​ഹ​വു​മാണ്‌. സഹാനു​ഭൂ​തി​യുള്ള ഒരു സുഹൃ​ത്തി​നോ​ടോ സഭയിലെ പക്വത​യുള്ള ഒരു വ്യക്തി​യോ​ടോ മനസ്സി​ലുള്ള വിഷമം തുറന്നു പറയു​ന്ന​തും സഹായ​ക​മാ​ണെന്നു നിങ്ങൾ കണ്ടെത്തും.

ഒറ്റപ്പെട്ടു നടക്കാ​നുള്ള പ്രേരണ നിങ്ങൾക്ക്‌ ഉണ്ടാ​യേ​ക്കാം. എന്നാൽ സദൃശ​വാ​ക്യ​ങ്ങൾ 18:1 ഇപ്രകാ​രം മുന്നറി​യി​പ്പു നൽകുന്നു: “കൂട്ടം​വി​ട്ടു നടക്കു​ന്നവൻ സ്വേച്ഛയെ അന്വേ​ഷി​ക്കു​ന്നു; സകലജ്ഞാ​ന​ത്തോ​ടും [“സകല പ്രാ​യോ​ഗിക ജ്ഞാന​ത്തോ​ടും,” NW] അവൻ കയർക്കു​ന്നു.” അതു​കൊണ്ട്‌ ദയയും സഹാനു​ഭൂ​തി​യു​മുള്ള ആരു​ടെ​യെ​ങ്കി​ലും സഹായം തേടു​ന്നതു നല്ലതാണ്‌. സദൃശ​വാ​ക്യ​ങ്ങൾ 12:25 പറയുന്നു: “മനോ​വ്യ​സനം ഹേതു​വാ​യി മനുഷ്യ​ന്റെ മനസ്സി​ടി​യു​ന്നു; ഒരു നല്ല വാക്കോ അതിനെ സന്തോ​ഷി​പ്പി​ക്കു​ന്നു.” നിങ്ങളു​ടെ “മനോ​വ്യ​സന”ത്തെ കുറിച്ച്‌ ആരോ​ടെ​ങ്കി​ലും സംസാ​രി​ച്ചാ​ലേ നിങ്ങൾക്ക്‌ ആ ‘നല്ല വാക്ക്‌’ ലഭിക്കു​ക​യു​ള്ളൂ.

ആരോ​ടാ​ണു നിങ്ങൾക്കു സംസാ​രി​ക്കാൻ കഴിയുക? ക്രിസ്‌തീയ സഭയ്‌ക്കു​ള്ളിൽ പിന്തുണ തേടുക. അവിടെ നിങ്ങളെ സ്‌നേ​ഹി​ക്കു​ക​യും നിങ്ങളിൽ താത്‌പ​ര്യ​മെ​ടു​ക്കു​ക​യും ചെയ്യുന്ന “സഹോ​ദ​ര​ന്മാ​രെ​യും സഹോ​ദ​രി​ക​ളെ​യും അമ്മമാ​രെ​യും” കണ്ടെത്താൻ കഴിയു​മെന്ന്‌ യേശു വാഗ്‌ദാ​നം ചെയ്യുന്നു. (മർക്കൊസ്‌ 10:30) രാജു അനുസ്‌മ​രി​ക്കു​ന്നു: “ക്രിസ്‌തീയ സഹോ​ദ​ങ്ങ​ളു​മാ​യുള്ള സഹവാസം ജീവി​തത്തെ മറ്റൊരു തരത്തിൽ വീക്ഷി​ക്കാൻ എന്നെ സഹായി​ച്ചു. യോഗ​ങ്ങ​ളിൽ ക്രമമാ​യി പങ്കെടു​ത്തത്‌ യഹോ​വയെ കൂടുതൽ സ്‌നേ​ഹി​ക്കാൻ ഇടയാ​ക്കി​യെന്നു മാത്രമല്ല അവനെ സേവി​ക്കാ​നുള്ള ആഗ്രഹ​വും എന്നിൽ അങ്കുരി​പ്പി​ച്ചു. പക്വത​യുള്ള സഹോ​ദ​ര​ന്മാർ എന്റെ കുടും​ബ​ത്തിന്‌ ആത്മീയ സഹായ​വും ബുദ്ധ്യു​പ​ദേ​ശ​വും നൽകി. ഇന്ന്‌ എന്റെ കൂടപ്പി​റ​പ്പു​ക​ളിൽ ചിലർ മുഴു​സമയ ശുശ്രൂ​ഷ​ക​രാണ്‌.”

യഹോവ ‘അനാഥർക്കു പിതാവ്‌’ ആണെന്നും ഓർക്കുക. (സങ്കീർത്തനം 68:5, 6) ബൈബിൾ കാലങ്ങ​ളിൽ, അനാഥ​രോ​ടു കരുണ​യും നീതി​യും കാട്ടാൻ യഹോവ തന്റെ ജനത്തെ പ്രോ​ത്സാ​ഹി​പ്പി​ച്ചു. (ആവർത്ത​ന​പു​സ്‌തകം 24:19; സദൃശ​വാ​ക്യ​ങ്ങൾ 23:10, 11) മാതാ​പി​താ​ക്ക​ളി​ല്ലാത്ത കുട്ടി​ക​ളിൽ ഇന്നും അവന്‌ അതേ താത്‌പ​ര്യ​മുണ്ട്‌. അതു​കൊണ്ട്‌ ദൈവം നിങ്ങൾക്കാ​യി കരുതു​ന്നു​വെ​ന്നും നിങ്ങൾക്ക്‌ ഉത്തരം നൽകു​മെ​ന്നും ഉള്ള ഉറപ്പോ​ടെ അവനെ പ്രാർഥ​ന​യിൽ സമീപി​ക്കുക. ദാവീദ്‌ രാജാവ്‌ ഇപ്രകാ​രം എഴുതി: “എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും. യഹോ​വ​യി​ങ്കൽ പ്രത്യാ​ശ​വെ​ക്കുക; ധൈര്യ​പ്പെ​ട്ടി​രിക്ക; നിന്റെ ഹൃദയം ഉറെച്ചി​രി​ക്കട്ടെ.”—സങ്കീർത്തനം 27:10, 14.

എങ്കിലും മാതാ​പി​താ​ക്ക​ളി​ല്ലാത്ത ഒരു കുട്ടി അനുദി​നം ഒട്ടേറെ വെല്ലു​വി​ളി​കൾ നേരി​ടു​ന്നു. എവിടെ താമസി​ക്കും? ജീവി​ക്കാ​നുള്ള പണം എവി​ടെ​നിന്ന്‌ ഉണ്ടാകും? ഈ വെല്ലു​വി​ളി​ക​ളിൽ ചിലത്‌ എങ്ങനെ വിജയ​ക​ര​മാ​യി നേരി​ടാ​നാ​കു​മെന്ന്‌ ഇനി​യൊ​രു ലക്കത്തിൽ ചർച്ച ചെയ്യു​ന്ന​താ​യി​രി​ക്കും.

[അടിക്കു​റി​പ്പു​കൾ]

[24-ാം പേജിലെ ആകർഷ​ക​വാ​ക്യം]

ചിലപ്പോൾ ഏകാന്തത നിങ്ങളെ വീർപ്പു​മു​ട്ടി​ച്ചേ​ക്കാം

[24-ാം പേജിലെ ചിത്രം]

“യഹോ​വ​യോ​ടുള്ള സ്‌നേ​ഹ​വും പുനരു​ത്ഥാ​ന​ത്തി​ലുള്ള പ്രത്യാ​ശ​യും വലിയ സഹായ​മാ​യി​രു​ന്നി​ട്ടുണ്ട്‌”

[25-ാം പേജിലെ ചിത്രം]

സഭയിൽ നിങ്ങളെ സഹായി​ക്കാ​നും പ്രോ​ത്സാ​ഹി​പ്പി​ക്കാ​നും കഴിയുന്ന സുഹൃ​ത്തു​ക്കൾ ഉണ്ട്‌