നിങ്ങളു​ടെ കൈകൾ കഴുകി ഉണക്കുക!

ജലദോ​ഷ​വും മറ്റു രോഗ​ബാ​ധ​ക​ളു​മൊ​ക്കെ എങ്ങനെ​യാണ്‌ ഉണ്ടാകു​ന്നത്‌? ‘ഐക്യ​നാ​ടു​ക​ളി​ലെ രോഗ​ബാ​ധാ നിയന്ത്രണ-സാം​ക്ര​മി​ക​രോഗ ശാസ്‌ത്ര വിദഗ്‌ധ​രു​ടെ സമിതി’ പറയു​ന്ന​ത​നു​സ​രിച്ച്‌ അത്തരം രോഗ​ങ്ങ​ളിൽ 80 ശതമാ​ന​മെ​ങ്കി​ലും സംക്ര​മി​ക്കു​ന്നത്‌ വായു​വി​ലൂ​ടെ അല്ല, പകരം കൈക​ളി​ലൂ​ടെ ആണ്‌. വാസ്‌ത​വ​ത്തിൽ, രോഗ​വ്യാ​പനം തടയു​ന്ന​തി​നുള്ള അതി​പ്ര​ധാന മാർഗ​മാ​യി കൈ കഴുക​ലി​നെ പൊതു​വേ കണക്കാ​ക്കു​ന്നു. എന്നാൽ, കക്കൂസിൽ പോകു​ക​യോ മൂക്കു ചീറ്റു​ക​യോ ചെയ്‌ത​തി​നു ശേഷം അല്ലെങ്കിൽ ആഹാര സാധനങ്ങൾ കൈകാ​ര്യം ചെയ്യു​ന്ന​തി​നു മുമ്പ്‌ എപ്പോ​ഴു​മൊ​ന്നും പലരും കൈ കഴുകാ​റില്ല. മറ്റു പലരും അത്തരം സന്ദർഭ​ങ്ങ​ളിൽ എപ്പോ​ഴും കൈ കഴുകാ​റു​ണ്ടെ​ന്നു​ള്ളത്‌ ശരിയാണ്‌. എന്നാൽ, നാമമാ​ത്ര​മാ​യി പെട്ടെ​ന്നൊന്ന്‌ കൈ കഴുകു​ന്ന​തു​കൊണ്ട്‌ രോഗ​ബാധ ഉണ്ടാകാ​നുള്ള സാധ്യത ഇല്ലാതാ​കു​ന്നില്ല.

കൈ നന്നായി ഉണക്കു​ന്ന​തും അതു​പോ​ലെ​തന്നെ പ്രധാ​ന​മാണ്‌. പലരും കൈ കഴുകി​യ​ശേഷം, പ്രത്യേ​കി​ച്ചും ഉഷ്‌ണ​വാ​യു ഡ്രയറു​കൾ ഉപയോ​ഗി​ക്കു​മ്പോൾ, കൈ നന്നായി ഉണക്കാ​റി​ല്ലെന്ന്‌ ഇംഗ്ലണ്ടി​ലെ വെസ്റ്റ്‌മിൻസ്റ്റർ യൂണി​വേ​ഴ്‌സി​റ്റി​യി​ലെ ഗവേഷകർ കണ്ടെത്തി. തുടർന്ന്‌ പലരും കൈ ഉണക്കൽ പൂർത്തി​യാ​ക്കു​ന്നത്‌ തുണി​കൊണ്ട്‌ തുടച്ചാണ്‌. കയ്യിൽ അവശേ​ഷി​ക്കുന്ന അപകട​കാ​രി​ക​ളായ സൂഷ്‌മാ​ണു​ക്കൾ വ്യാപി​ക്കാൻ ഇതു കാരണ​മാ​യേ​ക്കാം. ഗവേഷകർ പറയു​ന്ന​ത​നു​സ​രിച്ച്‌, കൈകൾ പൂർണ​മാ​യി ഉണക്കു​ന്ന​താണ്‌ ഏറ്റവും നല്ലത്‌. ഉപയോ​ഗ​ശേഷം കളയാ​വുന്ന പേപ്പർ ടവ്വലോ ഉപയോ​ഗി​ക്കാത്ത, വൃത്തി​യുള്ള തുണി ടവ്വലോ ആയിരി​ക്കും അതിന്‌ അഭികാ​മ്യം.

ഐക്യ​നാ​ടു​ക​ളി​ലെ രോഗ നിയന്ത്രണ-പ്രതി​രോധ കേന്ദ്രങ്ങൾ കൈ കഴുകു​ന്നതു സംബന്ധി​ച്ചു പിൻവ​രുന്ന നിർദേ​ശങ്ങൾ നൽകുന്നു:

• കൈ കഴുകാൻ എപ്പോ​ഴും പൈപ്പിൽനി​ന്നു വരുന്ന ചെറു ചൂടുള്ള വെള്ളവും വീര്യം കുറഞ്ഞ സോപ്പും ഉപയോ​ഗി​ക്കുക. പൈപ്പിൽനി​ന്നു വരുന്ന വെള്ളത്തി​നു പകരം ഒരു ബേസി​നിൽ കൈ കഴു​കേണ്ടി വരു​ന്നെ​ങ്കിൽ, അത്‌ ഓരോ പ്രാവ​ശ്യം ഉപയോ​ഗി​ക്കു​ന്ന​തി​നു മുമ്പും വൃത്തി​യാ​ക്കു​ക​യും അണുവി​മു​ക്ത​മാ​ക്കു​ക​യും വേണം.

• സോപ്പ്‌ പതയു​ന്ന​തു​വരെ കൈകൾ നന്നായി കൂട്ടി​ത്തി​രു​മ്മുക. കുറഞ്ഞത്‌ 15 സെക്കന്റു​വരെ അങ്ങനെ ചെയ്യണം. കയ്യുടെ അകവും പുറവും വിരലു​ക​ളു​ടെ ഇടയും നഖത്തിന്റെ അടിഭാ​ഗ​വും തേച്ചു കഴുകുക.

• പൈപ്പി​ലൂ​ടെ വരുന്ന ചെറു ചൂടുള്ള വെള്ളം ഉപയോ​ഗിച്ച്‌ കയ്യിലെ സോപ്പു കഴുകി കളയുക.

• ഉപയോ​ഗ​ശേഷം കളയാ​വുന്ന, വൃത്തി​യുള്ള ടവ്വൽകൊണ്ട്‌ കൈ തുടയ്‌ക്കുക. വീണ്ടും ആ കൈ​കൊണ്ട്‌ ടാപ്പി​ലോ ടവ്വൽ ഇടുന്ന ബാറി​ലോ സ്‌പർശി​ക്കാ​തി​രി​ക്കുക.

• ടാപ്പിൽ സ്‌പർശി​ക്കാ​തി​രി​ക്കാൻ ടവ്വൽ കൂട്ടി​പ്പി​ടിച്ച്‌ ടാപ്പ്‌ അടയ്‌ക്കാ​വു​ന്ന​താണ്‌.

• കയ്യിൽ ശരിക്കു വെള്ളം വീഴത്തക്ക ഉയരത്തിൽ നിന്നു​കൊ​ണ്ടു വേണം കുട്ടികൾ പൈപ്പു​വെ​ള്ള​ത്തി​നു കീഴിൽ കൈ കഴുകാൻ. മുകളിൽ പറഞ്ഞ കാര്യ​ങ്ങ​ളൊ​ക്കെ നിർവ​ഹി​ക്കാൻ കുട്ടിയെ സഹായി​ക്കുക. അതിനു​ശേഷം നിങ്ങളു​ടെ കൈക​ളും കഴുകുക.