മസ്‌തി​ഷ്‌കം—അത്‌ അത്യു​ത്ത​മ​മായ വിധത്തിൽ എങ്ങനെ ഉപയോ​ഗി​ക്കാം?

നിങ്ങൾ ഈ വാക്കുകൾ വായി​ക്കവേ, വർഷങ്ങൾക്കു മുമ്പ്‌ ആദ്യമാ​യി വായന പഠിച്ച​പ്പോൾ ശേഖരി​ച്ചു വെച്ചി​രുന്ന ഓർമ​കളെ മസ്‌തി​ഷ്‌കം നിങ്ങളു​ടെ സ്‌മൃ​തി​പ​ഥ​ത്തി​ലേക്കു കൊണ്ടു​വ​രി​ക​യാണ്‌. എന്നാൽ പഠിക്കുന്ന കാര്യ​ങ്ങളെ ബുദ്ധി​പൂർവ​ക​വും ചിന്താ​പൂർവ​ക​വും വിലയി​രു​ത്തു​ന്ന​തിന്‌, മസ്‌തി​ഷ്‌ക​ത്തി​ന്റെ ചിന്താ​പ്രാ​പ്‌തി​യെ നിങ്ങൾ വികസി​പ്പി​ച്ചെ​ടു​ക്കേണ്ട ആവശ്യ​മുണ്ട്‌.

മസ്‌തി​ഷ്‌ക​ത്തി​ലെ ന്യൂ​റോ​ണു​കൾ തമ്മിലുള്ള ബന്ധങ്ങൾക്കു നിരന്തരം മാറ്റം സംഭവി​ച്ചു കൊണ്ടി​രി​ക്കു​ക​യാണ്‌ എന്നു ശാസ്‌ത്ര​ജ്ഞ​ന്മാർ കണ്ടുപി​ടി​ച്ചി​രി​ക്കു​ന്നു. ശക്തീക​രി​ക്ക​പ്പെ​ടു​ക​യോ നവീക​രി​ക്ക​പ്പെ​ടു​ക​യോ ചെയ്യാത്ത പക്ഷം ന്യൂ​റോ​ണു​കൾ നിർജീ​വ​മാ​കും. “ഉപയോ​ഗി​ക്കു​ന്തോ​റും മസ്‌തി​ഷ്‌ക​ത്തി​ന്റെ പ്രാപ്‌തി മെച്ച​പ്പെ​ടുന്ന”തായി ഒരു സമീപ​കാല റിപ്പോർട്ട്‌ അഭി​പ്രാ​യ​പ്പെ​ടു​ന്നു. “തങ്ങളുടെ മസ്‌തി​ഷ്‌ക​പ്രാ​പ്‌തി​യെ കുറിച്ച്‌ ഉത്‌ക​ണ്‌ഠാ​കു​ല​രാ​കു​ന്ന​വർക്ക്‌—അല്ലെങ്കിൽ അത്‌ ഏറ്റവും കാര്യ​ക്ഷ​മ​മാ​യി നിലനിർത്താൻ ആഗ്രഹി​ക്കു​ന്ന​വർക്ക്‌—ഉള്ള മികച്ച ബുദ്ധി​യു​പ​ദേശം സാധ്യ​ത​യ​നു​സ​രിച്ച്‌ ഇതാണ്‌: വൈവി​ധ്യ​മാർന്ന ബൗദ്ധിക ആഹാര​ക്ര​മ​വും ധാരാളം മാനസിക വ്യായാ​മ​വും.”

മാനസിക വ്യായാ​മം മർമ​പ്ര​ധാ​നം

‘മനസ്സിനു ധാരാളം വ്യായാ​മം നൽകുന്ന’തിന്റെ മൂല്യം വിലമ​തി​ക്കു​ന്ന​തിന്‌ ശാസ്‌ത്ര​ജ്ഞ​ന്മാർ കൊച്ചു​കു​ട്ടി​കളെ സംബന്ധി​ച്ചു കണ്ടുപി​ടി​ച്ചത്‌ എന്താണ്‌ എന്നു ശ്രദ്ധി​ക്കുക. പിറന്നു​വീ​ഴുന്ന സമയത്ത്‌, സാധാ​ര​ണ​ഗ​തി​യിൽ കുഞ്ഞു​ങ്ങൾക്ക്‌ അന്ധത​യൊ​ന്നു​മില്ല. അവർക്കു തങ്ങളുടെ കാഴ്‌ച​പ്രാ​പ്‌തി വികസി​പ്പി​ച്ചെ​ടു​ത്താൽ മാത്രം മതിയാ​കും. ആദ്യ​മൊ​ക്കെ, അവർക്ക്‌ അടുത്തുള്ള വസ്‌തു​ക്ക​ളിൽ മാത്രമേ ദൃഷ്ടി കേന്ദ്രീ​ക​രി​ക്കാ​നാ​വൂ. പിന്നീട്‌, അവർ ത്രിമാ​ന​ദർശനം വികസി​പ്പി​ച്ചെ​ടു​ക്കു​ന്നു. കണ്ണുകൾ ഒപ്പി​യെ​ടു​ക്കുന്ന പ്രതി​ബിം​ബ​ങ്ങ​ളി​ലെ വ്യത്യാ​സങ്ങൾ മനസ്സി​ലാ​ക്കാൻ തുടങ്ങു​ന്ന​തോ​ടെ​യാണ്‌ ഇത്‌. എന്നാൽ ഈ സമയത്ത്‌, കുട്ടി​യു​ടെ ഒരു കണ്ണു കെട്ടി​വെ​ച്ചി​രി​ക്കു​ക​യാണ്‌ എന്നിരി​ക്കട്ടെ. വളർന്നു​വ​രു​മ്പോൾ ആ കണ്ണിന്റെ കാഴ്‌ച വളരെ മങ്ങിയ​താ​യി​രി​ക്കും. എന്തു​കൊണ്ട്‌? കാരണം മസ്‌തി​ഷ്‌ക​ത്തി​ന്റെ ദൃശ്യ കോർട്ട​ക്‌സി​ന്റെ മേൽ മേധാ​വി​ത്വം പുലർത്തു​ന്നതു മറ്റേ കണ്ണിൽ നിന്നുള്ള സന്ദേശ​ങ്ങ​ളാ​യി​രി​ക്കും.

കുട്ടി​യു​ടെ താത്‌പ​ര്യ​ത്തെ ഉദ്ദീപി​പ്പി​ക്കുന്ന കളിപ്പാ​ട്ട​ങ്ങൾക്ക്‌, ചുറ്റു​പാ​ടും നടക്കുന്ന കാര്യങ്ങൾ മനസ്സി​ലാ​ക്കി​യെ​ടു​ക്കു​ന്ന​തിന്‌ അവന്റെ മസ്‌തി​ഷ്‌കത്തെ സജ്ജമാ​ക്കാൻ കഴിയും.

ഭാഷയും സാമൂ​ഹിക പാടവ​ങ്ങ​ളും വികസി​പ്പി​ച്ചെ​ടു​ക്കു​ന്ന​തി​നു സംഗീതം സഹായ​ക​ര​മാ​യി​രു​ന്നേ​ക്കാം എന്നും അടുത്ത​കാ​ലത്തെ ഗവേഷണം സൂചി​പ്പി​ക്കു​ന്നു. കൂടു​ത​ലായ സംഗീ​ത​പാ​ഠങ്ങൾ അഭ്യസിച്ച കുട്ടികൾ ഭാഷയിൽ മികവു പുലർത്തി​യെന്നു മാത്രമല്ല അതിന്‌ അവസരം കിട്ടാ​തി​രുന്ന കുട്ടി​ക​ളെ​ക്കാൾ എളുപ്പ​ത്തിൽ വായന സ്വായ​ത്താ​ക്കു​ക​യും ചെയ്‌തു. മറ്റുള്ള​വ​രോ​ടൊ​പ്പം വാദ്യോ​പ​ക​ര​ണങ്ങൾ വായി​ച്ചി​രുന്ന കുട്ടി​ക​ളും മറ്റുള്ള​വ​രു​മാ​യി കൂടുതൽ നന്നായി സഹകരി​ച്ചു പ്രവർത്തി​ക്കു​ന്ന​താ​യി കണ്ടെത്തി.

മസ്‌തി​ഷ്‌കം രണ്ടായി വിഭജി​ക്ക​പ്പെ​ട്ടി​രി​ക്കു​ക​യാ​ണെ​ങ്കിൽ കൂടി​യും—ഇടത്ത്‌ അർധ​ഗോ​ള​വും വലത്ത്‌ അർധ​ഗോ​ള​വും—ഓരോ ഭാഗവും ജീവത്‌പ്ര​ധാ​ന​മായ പങ്കു വഹിക്കു​ന്നു. ഉദാഹ​ര​ണ​ത്തിന്‌, വലത്തു​ഭാ​ഗം സാധാ​ര​ണ​ഗ​തി​യിൽ വികാ​രങ്ങൾ ഗ്രഹി​ക്കു​ന്ന​തി​നും സംഗീ​ത​ത്തി​ന്റെ ഈണം മനസ്സി​ലാ​ക്കു​ന്ന​തി​നും നമ്മെ സഹായി​ക്കു​ന്നു. എന്നിരു​ന്നാ​ലും ഈ രണ്ടുഭാ​ഗ​ങ്ങ​ളും പരസ്‌പരം ബന്ധിപ്പി​ക്ക​പ്പെ​ട്ടി​രി​ക്കു​ന്നു. ഒരു റിപ്പോർട്ട്‌ ഇപ്രകാ​രം കുറി​ക്കൊ​ള്ളു​ന്നു: സംഗീത വിദ്യാർഥി​കൾ തങ്ങളുടെ അധ്യയനം ആരംഭിച്ച സമയത്ത്‌, സംഗീതം ശ്രവി​ക്കു​ന്നത്‌ അവരുടെ മസ്‌തി​ഷ്‌ക​ത്തി​ന്റെ വലത്തെ അർധ​ഗോ​ള​ത്തെ​യാണ്‌ പ്രധാ​ന​മാ​യും പ്രവർത്ത​ന​നി​ര​ത​മാ​ക്കി​യത്‌. മൂന്നു വർഷങ്ങൾക്കു ശേഷം, സംഗീ​ത​ത്തി​ന്റെ സൈദ്ധാ​ന്തിക വശങ്ങളും രചനയും വിശദ​മാ​യി പഠിച്ചു കഴിഞ്ഞ​പ്പോൾ, ഇടത്ത്‌ അർധ​ഗോ​ളങ്ങൾ അവർ ശ്രവിച്ച കാര്യങ്ങൾ തിര​ക്കോ​ടെ വിശക​ലനം ചെയ്യു​ന്ന​താ​യി നിരീ​ക്ഷി​ക്ക​പ്പെട്ടു. അങ്ങനെ, വിശകലന ഭാഗവും വൈകാ​രിക ഭാഗവും ഉൾപ്പെ​ടുന്ന രീതി​യിൽ മുഴു മസ്‌തി​ഷ്‌ക​വും ഉത്തേജി​പ്പി​ക്ക​പ്പെ​ടേ​ണ്ട​തി​നു മാനസിക വ്യായാ​മം ആവശ്യ​മാണ്‌.

“വൈവി​ധ്യ​മാർന്ന ബൗദ്ധിക ആഹാര​ക്രമം”

അനേകം ആളുകൾ തങ്ങളുടെ പരമ്പരാ​ഗത മതത്തിന്റെ വിശ്വാ​സ​സം​ഹിത പഠിച്ചി​ട്ടുണ്ട്‌. പക്ഷേ, അവർ ഈ സഭകളു​ടെ പഠിപ്പി​ക്ക​ലു​കൾ സംബന്ധി​ച്ചു യുക്തി​യു​ക്ത​മാ​യി ചിന്തി​ക്കാൻ തുടങ്ങി​യ​പ്പോൾ, അവയിൽ ഒരു യഥാർഥ ഉദ്ദേശ്യ​ത്തി​ന്റെ അഭാവം മാത്രമല്ല പൊരു​ത്ത​ക്കേ​ടു​ക​ളും ശ്രദ്ധി​ക്കു​ക​യു​ണ്ടാ​യി. ഇത്‌, തങ്ങളുടെ ചോദ്യ​ങ്ങൾക്ക്‌ ഉത്തരം നൽകു​ന്ന​തും ഭാവിയെ സംബന്ധിച്ച ഒരു ഈടുറ്റ പ്രത്യാശ നൽകു​ന്ന​തു​മായ ഒരു മതവി​ശ്വാ​സ​ത്തി​നു വേണ്ടി​യുള്ള അന്വേ​ഷ​ണ​ത്തി​ലേക്കു ചിലരെ നയിച്ചി​രി​ക്കു​ന്നു.

“കൗമാ​ര​പ്രാ​യ​ത്തി​ന്റെ തുടക്കം മുതൽ തന്നെ എന്റെ ജീവിതം ഹൃദയ​വേ​ദ​ന​ക​ളു​ടെ​യും പ്രശ്‌ന​ങ്ങ​ളു​ടെ​യും ഒരു ചുഴി​യിൽ അകപ്പെ​ട്ടി​രു​ന്നു” എന്നു ജീൻ വിശദീ​ക​രി​ക്കു​ന്നു. “ഞാൻ ചർച്ച്‌ ഓഫ്‌ ഇംഗ്ലണ്ടി​ലെ ഒരു അംഗമാ​യി​രു​ന്നു എങ്കിലും ആവശ്യ​മാ​യി​രുന്ന മാർഗ​നിർദേ​ശ​മോ മനസമാ​ധാ​ന​മോ എനിക്കു കണ്ടെത്താൻ കഴിഞ്ഞില്ല. അഗ്നിന​ര​ക​വും മരിച്ച​വ​രു​ടെ അവസ്ഥയും പോ​ലെ​യുള്ള സഭയുടെ പല പഠിപ്പി​ക്ക​ലു​ക​ളും എന്നെ അസ്വസ്ഥ​യാ​ക്കി​യി​രു​ന്നു. ദൈവം എന്നെ ശിക്ഷി​ക്കു​ക​യാ​യി​രി​ക്കും എന്നാണ്‌ പുരോ​ഹി​ത​ന്മാർ എന്നോടു പറഞ്ഞത്‌.

“ഈ ഘട്ടത്തിൽ, സഭ വിട്ടു​പോ​രാൻ ഞാൻ തീരു​മാ​നി​ച്ചു. പിന്നീട്‌, ഒരു സഭയി​ലും അംഗമ​ല്ലാ​തി​രുന്ന ഒരു വ്യക്തിയെ ഞാൻ വിവാഹം ചെയ്‌തു. എന്നാൽ വീട്ടിലെ അദ്ദേഹ​ത്തി​ന്റെ അക്രമ​സ്വ​ഭാ​വം എന്നെ ദുഃഖ​ത്തി​ലാ​ഴ്‌ത്തി.” ആത്മഹത്യ ചെയ്യാൻ തന്നെ ജീൻ നിശ്ചയി​ച്ചു. എന്നാൽ അതു ചെയ്യും മുമ്പ്‌ അവൾ ദൈവ​ത്തോട്‌ അവസാ​ന​മാ​യി ഒന്നു പ്രാർഥി​ച്ചു. അതേ നിമി​ഷ​ത്തിൽ തന്നെ, വാതി​ലിൽ ഒരു മുട്ടു കേട്ടു. വാതിൽ തുറന്ന അവൾ കണ്ടത്‌ യഹോ​വ​യു​ടെ സാക്ഷി​ക​ളായ രണ്ടു സ്‌ത്രീ​ക​ളെ​യാണ്‌. ജീവി​ത​ത്തിന്‌ ഒരു ഉദ്ദേശ്യ​മുണ്ട്‌ എന്നതിനെ കുറി​ച്ചാ​യി​രു​ന്നു അവർ സംസാ​രി​ച്ചത്‌. മാത്രമല്ല, കൂടുതൽ കാര്യങ്ങൾ പഠിക്കു​ന്ന​തിന്‌ ജീനിനെ സഹായി​ക്കു​ന്ന​തി​നാ​യി അവർ അവൾക്കു കുറച്ചു ബൈബിൾ സാഹി​ത്യ​ങ്ങ​ളും നൽകി.

ജീൻ ഇങ്ങനെ തുടരു​ന്നു, “അവർ മടങ്ങി​പ്പോ​യ​തി​നു ശേഷം, ഞാൻ അകത്തു​പോ​യി അവർ എനിക്കു തന്നിട്ടു പോയ പുസ്‌തകം ഉടൻ തന്നെ വായി​ക്കാ​നാ​രം​ഭി​ച്ചു. കണ്ണിൽ നിന്ന്‌ ഒരു പാട നീക്കപ്പെട്ട പ്രതീ​തി​യാണ്‌ എനിക്ക്‌ ഉണ്ടായത്‌. എനിക്ക്‌ ആദ്യമാ​യി കാര്യങ്ങൾ വ്യക്തമാ​യി കാണാൻ കഴിഞ്ഞു. വായി​ക്കു​ന്തോ​റും ഇതു തന്നെയാണ്‌ സത്യ​മെന്ന്‌ എനിക്കു കൂടുതൽ കൂടുതൽ വ്യക്തമാ​കാൻ തുടങ്ങി.” തന്റെ മനസ്സിനു സംതൃ​പ്‌തി നൽകുന്ന ആഹാരം ജീൻ കണ്ടെത്തി കഴിഞ്ഞി​രു​ന്നു.

വിവേ​ക​ത്തി​ന്റെ​യും ദൈവിക ജ്ഞാനത്തി​ന്റെ​യും മൂല്യം ബൈബിൾ പുസ്‌ത​ക​മായ സദൃശ​വാ​ക്യ​ങ്ങൾ എടുത്തു​കാ​ണി​ക്കു​ന്നു. എന്നിരു​ന്നാ​ലും, ഇവ നേടി​യെ​ടു​ക്കു​ന്ന​തിന്‌, വ്യക്തി​പ​ര​മായ പരി​ശ്ര​മ​വും ദൈവത്തെ കുറിച്ചു പഠിക്കാ​നുള്ള വാഞ്‌ഛ​യും ഒരുവന്‌ ആവശ്യ​മാണ്‌. സദൃശ​വാ​ക്യ​ങ്ങൾ രണ്ടാം അധ്യായം ഒരു വെല്ലു​വി​ളി ഉയർത്തു​ന്നു: “മകനേ, ജ്ഞാനത്തി​ന്നു ചെവി​കൊ​ടു​ക്ക​യും ബോധ​ത്തി​ന്നു [“വിവേ​ക​ത്തി​നു,” NW] നിന്റെ ഹൃദയം ചായി​ക്ക​യും ചെയ്യേ​ണ്ട​തി​ന്നു എന്റെ വചനങ്ങളെ കൈ​ക്കൊ​ണ്ടു എന്റെ കല്‌പ​ന​കളെ നിന്റെ ഉള്ളിൽ സംഗ്ര​ഹി​ച്ചാൽ, നീ ബോധ​ത്തി​ന്നാ​യി വിളിച്ചു വിവേ​ക​ത്തി​ന്നാ​യി ശബ്ദം ഉയർത്തു​ന്നു എങ്കിൽ, അതിനെ വെള്ളി​യെ​പ്പോ​ലെ അന്വേ​ഷി​ച്ചു നിക്ഷേ​പ​ങ്ങ​ളെ​പ്പോ​ലെ തിരയു​ന്നു എങ്കിൽ, നീ യഹോ​വാ​ഭക്തി ഗ്രഹി​ക്ക​യും ദൈവ​പ​രി​ജ്ഞാ​നം കണ്ടെത്തു​ക​യും ചെയ്യും. യഹോ​വ​യ​ല്ലോ ജ്ഞാനം നല്‌കു​ന്നതു; അവന്റെ വായിൽനി​ന്നു പരിജ്ഞാ​ന​വും വിവേ​ക​വും വരുന്നു.”—സദൃശ​വാ​ക്യ​ങ്ങൾ 2:1-6.

ബൈബി​ളി​നെ കുറിച്ച്‌, വിദ്യാ​ഭ്യാ​സ വിചക്ഷ​ണ​നായ വില്യം ലൈ​യോൺ ഫെൽപ്‌സ്‌ ഇപ്രകാ​രം എഴുതി: “ബൈബി​ളി​നെ കുറിച്ചു സൂക്ഷ്‌മ പരിജ്ഞാ​ന​മുള്ള ഏതൊരു വ്യക്തി​യും വിദ്യാ​സ​മ്പ​ന്ന​നാണ്‌ എന്നു വാസ്‌ത​വ​മാ​യും പറയാം.” നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടു​ക​യോ ഈ മാസി​ക​യു​ടെ 5-ാം പേജിലെ ഏറ്റവും അനു​യോ​ജ്യ​മായ മേൽവി​ലാ​സ​ത്തിൽ എഴുതു​ക​യോ ചെയ്യുക. ബൈബി​ളി​നു നിങ്ങളു​ടെ ചോദ്യ​ങ്ങൾക്ക്‌ ഉത്തരം നൽകാൻ കഴിയുന്ന വിധവും അതിനു സമൃദ്ധ​മായ മാനസിക ഉദ്ദീപ​ന​ത്തി​ന്റെ ഒരു ആശ്രയ​യോ​ഗ്യ​മായ ഉറവാ​യി​രി​ക്കാൻ കഴിയുന്ന വിധവും കണ്ടുപി​ടി​ക്കാൻ നിങ്ങളെ സഹായി​ക്കു​ന്ന​തിന്‌ അവർക്കു സന്തോ​ഷ​മാ​യി​രി​ക്കും. ബൈബി​ളിൽ വരച്ചു​കാ​ട്ടി​യി​രി​ക്കുന്ന സത്യത്തി​ന്റെ മാതൃക മനസ്സി​ലാ​ക്കി​യെ​ടു​ക്കു​ന്ന​തി​നു നിങ്ങളു​ടെ മസ്‌തി​ഷ്‌ക​ത്തി​ന്റെ ചിന്താ​പ്രാ​പ്‌തി​യെ ഉപയോ​ഗി​ക്കുക. മസ്‌തി​ഷ്‌കത്തെ ഈ വിധത്തിൽ അത്യു​ത്ത​മ​മാ​യി ഉപയോ​ഗി​ക്കു​ന്നത്‌ നിങ്ങളു​ടെ നിലനിൽക്കുന്ന സന്തുഷ്ടി​ക്കു തന്നെ വഴിതു​റ​ന്നേ​ക്കാം.