കൈകാ​ലു​കൾ നഷ്ടപ്പെടൽ—അതു നിങ്ങൾക്കു സംഭവി​ക്കാൻ ഇടയു​ണ്ടോ?

സാരയെവോ നഗരത്തി​ലാണ്‌ ബെഞ്ചമി​ന്റെ താമസം. ഒരു ദിവസം ഇളം​വെ​യി​ലും​കൊണ്ട്‌ വെളി​യി​ലൂ​ടെ നടക്കു​ക​യാ​യി​രുന്ന അദ്ദേഹം ഓർക്കാ​പ്പു​റ​ത്താണ്‌ ഒരു കുഴി​ബോം​ബിൽ ചവിട്ടി​യത്‌. തുടർന്നു​ണ്ടായ സ്‌ഫോ​ട​ന​ത്തിൽ അദ്ദേഹ​ത്തി​ന്റെ ഇടതു​കാൽ അറ്റു​പോ​യി. “ഞാൻ എഴു​ന്നേൽക്കാൻ ശ്രമി​ച്ചെ​ങ്കി​ലും സാധി​ച്ചില്ല,” ബെഞ്ചമിൻ അനുസ്‌മ​രി​ക്കു​ന്നു.സമാന​മാ​യി, വർഷം​തോ​റും 20,000 പേരെ​ങ്കി​ലും കുഴി​ബോം​ബു​കൾ പൊട്ടി​ത്തെ​റിച്ച്‌ അംഗഹീ​ന​രാ​ക്ക​പ്പെ​ടു​ക​യോ കൊല്ല​പ്പെ​ടു​ക​യോ ചെയ്യു​ന്നുണ്ട്‌.

അംഗോ​ള​യിൽ 1.5 കോടി കുഴി​ബോം​ബു​ക​ളാണ്‌ പാകി​യി​ട്ടു​ള്ളത്‌—അതായത്‌, ആ രാജ്യത്തെ ഓരോ സ്‌ത്രീ​ക്കും പുരു​ഷ​നും കുട്ടി​ക്കും ഒന്നില​ധി​കം വീതം എന്നർഥം. കൈയോ കാലോ നഷ്ടപ്പെ​ട്ട​വ​രാ​യി അവിടെ ഇപ്പോൾ 70,000 ആളുകൾ ഉണ്ട്‌. എൺപതു ലക്ഷം മുതൽ ഒരു കോടി വരെ കുഴി​ബോം​ബു​കൾ പാകി​യി​ട്ടുള്ള കംബോ​ഡി​യ​യിൽ ആണ്‌ കൈകാ​ലു​കൾ നഷ്ടപ്പെട്ട ആളുകൾ ഏറ്റവും അധികം ഉള്ളത്‌. ഏതാണ്ട്‌ 236 പേരിൽ ഒരാൾ വീതം. ബോസ്‌നി​യ​യി​ലും ഹെർസെ​ഗോ​വി​ന​യി​ലും മുപ്പതു ലക്ഷത്തി​ല​ധി​കം കുഴി​ബോം​ബു​കൾ—ഓരോ ചതുരശ്ര കിലോ​മീ​റ്റ​റി​ലും 59 എണ്ണം വീതം—പാകി​യി​ട്ടു​ള്ള​താ​യി പറയ​പ്പെ​ടു​ന്നു.

എന്നാൽ യുദ്ധക​ലു​ഷി​ത​മായ പ്രദേ​ശ​ങ്ങ​ളി​ലു​ള്ള​വർക്കു മാത്രമല്ല കൈയോ കാലോ നഷ്ടപ്പെ​ടു​ന്നത്‌. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ കൈയോ കാലോ നഷ്ടപ്പെട്ട ഏതാണ്ടു 4,00,000 പേർ ഉണ്ട്‌. ഇതിൽ പ്രായ​പൂർത്തി​യാ​യ​വ​രിൽ മിക്കവർക്കും കൈകാ​ലു​കൾ നഷ്ടപ്പെ​ട്ടി​രി​ക്കു​ന്നത്‌ “പെരി​ഫെറൽ വാസ്‌കു​ലർ ഡിസീസ്‌” അഥവാ പിവിഡി എന്ന വിട്ടു​മാ​റാത്ത രോഗം മൂലമാണ്‌. പല തരം തകരാ​റു​കളെ പരാമർശി​ക്കാൻ ഉപയോ​ഗി​ക്കുന്ന പൊതു​വായ ഒരു പേരാണ്‌ പിവിഡി. പ്രസ്‌തുത പദം അതിൽത്തന്നെ കൃത്യ​മ​ല്ലെ​ങ്കി​ലും, “കൈപ്പ​ത്തി​ക​ളി​ലെ​യും കാൽപ്പാ​ദ​ങ്ങ​ളി​ലെ​യും ധമനി​ക​ളെ​യും സിരക​ളെ​യും ബാധി​ക്കുന്ന രോഗങ്ങൾ, [വിശേ​ഷി​ച്ചും] ഈ ഭാഗങ്ങ​ളി​ലേ​ക്കും തിരി​ച്ചും ഉള്ള രക്തപ്ര​വാ​ഹം തടസ്സ​പ്പെ​ടു​ന്ന​തിന്‌ ഇടയാ​ക്കുന്ന രോഗങ്ങൾ” എന്നാണ്‌ റ്റേബഴ്‌സ്‌ സൈ​ക്ലോ​പെ​ഡിക്‌ മെഡിക്കൽ ഡിക്‌ഷ​നറി പിവിഡി-യെ നിർവ​ചി​ക്കു​ന്നത്‌. പിവിഡി-യുടെ ഒരു പ്രധാന കാരണ​ക്കാ​രൻ പ്രമേ​ഹ​മാണ്‌. ലോകാ​രോ​ഗ്യ റിപ്പോർട്ട്‌ 1998 (ഇംഗ്ലീഷ്‌) പറയു​ന്ന​ത​നു​സ​രിച്ച്‌ “പ്രായ​പൂർത്തി​യെ​ത്തിയ പ്രമേ​ഹ​രോ​ഗി​ക​ളു​ടെ എണ്ണം 1997-ൽ 14.3 കോടി ആയിരു​ന്നത്‌ 2025 ആകു​മ്പോ​ഴേ​ക്കും ഗോള​വ്യാ​പ​ക​മാ​യി ഇരട്ടി​യി​ല​ധി​കം ആയിത്തീ​രും, അതായത്‌ 30 കോടി​യോ​ളം.”

ഐക്യ​നാ​ടു​ക​ളിൽ വാഹനങ്ങൾ, യന്ത്രങ്ങൾ, വൈദ്യു​തോ​പ​ക​ര​ണങ്ങൾ, വെടി​ക്കോ​പ്പു​കൾ എന്നിവ മൂലം ഉണ്ടാകുന്ന അപകട​ങ്ങ​ളാ​ലുള്ള ശാരീ​രിക ക്ഷതങ്ങൾ ആണ്‌ കൈകാ​ലു​ക​ളു​ടെ നഷ്ടത്തിന്‌ ഇടയാ​ക്കുന്ന രണ്ടാമത്തെ പ്രധാന കാരണം. 20 മുതൽ 30 വരെ ശതമാനം അംഗ​ച്ഛേ​ദ​ത്തി​നും ഇടയാ​ക്കു​ന്നത്‌ ഇതാണ്‌. ട്യൂമ​റു​ക​ളും (ഏതാണ്ട്‌ 6 ശതമാനം) ജനന തകരാ​റു​ക​ളും (ഏതാണ്ട്‌ 4 ശതമാനം) ആണ്‌ മറ്റു കാരണങ്ങൾ.

കൈകാ​ലു​ക​ളിൽ ഒന്നു നഷ്ടമാ​കുക എന്നതു ചിന്തി​ക്കാൻ പോലും കഴിയാത്ത സംഗതി​യാണ്‌. ആ ദുരന്ത​സാ​ധ്യത കുറയ്‌ക്കാൻ എന്തെങ്കി​ലും മാർഗ​മു​ണ്ടോ? നിങ്ങളു​ടെ കൈകാ​ലു​ക​ളിൽ ഒന്നു നഷ്ടമാ​യി​ട്ടു​ണ്ടെ​ങ്കിൽ തന്നെ ഇത്തരം കുറവു​ക​ളൊ​ന്നും ഇല്ലാത്ത ഒരാളു​ടേതു പോലുള്ള ജീവിതം നയിക്കാൻ നിങ്ങൾക്ക്‌ എങ്ങനെ സാധി​ക്കും? പിൻവ​രുന്ന ലേഖനങ്ങൾ ഇവയും മറ്റു ചോദ്യ​ങ്ങ​ളും ചർച്ച ചെയ്യും.