എന്നേക്കും ജീവി​ക്കു​മെന്നു നിങ്ങൾക്കു പ്രത്യാ​ശി​ക്കാൻ കഴിയു​മോ?

“സാധ്യ​മായ പരമാ​വധി ആയുർ​ദൈർഘ്യം 115 മുതൽ 120 വരെ ആയി ഒതുക്കുന്ന എന്തോ ചിലതു മനുഷ്യ​ശ​രീ​ര​ത്തി​ന​കത്തു നടക്കു​ന്നുണ്ട്‌,” കോശ ജീവശാ​സ്‌ത്ര പ്രൊ​ഫ​സ​റായ ഡോ. ജെയിംസ്‌ ആർ. സ്‌മിത്ത്‌ അഭി​പ്രാ​യ​പ്പെ​ടു​ന്നു. “ആയുസ്സിന്‌ ഒരു പരിധി​യുണ്ട്‌, എന്നാൽ അതിനെ നിർണ​യി​ക്കു​ന്നത്‌ എന്താണ്‌ എന്നതിനെ കുറിച്ച്‌ ഞങ്ങൾക്കു യാതൊ​രു നിശ്ചയ​വു​മില്ല.” അതു​കൊണ്ട്‌, “മനുഷ്യ​ന്റെ ആയുർ​ദൈർഘ്യം നീട്ടി​ക്കൊ​ണ്ടു പോകാ​നുള്ള ഒരു മാർഗം ശാസ്‌ത്രജ്ഞർ ഇനിയും കണ്ടെ​ത്തേ​ണ്ടി​യി​രി​ക്കു​ന്നു എന്നും അവരിൽ ആർക്കും​തന്നെ അതു കണ്ടെത്താ​മെന്ന പ്രതീ​ക്ഷ​യി​ല്ലെ​ന്നും” ജീവശാ​സ്‌ത്ര​ജ്ഞ​നായ ഡോ. റോജർ ഗോസ്‌ഡെൻ പറയുന്നു. അതിനു മാറ്റം വരാൻ പോകു​ക​യാ​ണോ?

“ആ വലിയ ചോദ്യ”ത്തെ അഭിമു​ഖീ​ക​രി​ക്കു​ന്നു

വാർധ​ക്യ​ത്തി​നുള്ള പ്രതി​വി​ധി വാഗ്‌ദാ​നം ചെയ്യുന്ന സിദ്ധാ​ന്ത​ങ്ങൾക്കു യാതൊ​രു പഞ്ഞവു​മി​ല്ലെ​ങ്കി​ലും മിക്ക വിദഗ്‌ധ​രും ജറന്റോ​ള​ജി​ക്കൽ സൊ​സൈറ്റി ഓഫ്‌ അമേരി​ക്ക​യു​ടെ പ്രസി​ഡ​ന്റായ ഡോ. ജീൻ. ഡി. കോ​ഹെന്റെ അഭി​പ്രാ​യ​ത്തോ​ടു യോജി​ക്കും. “ഈ മാന്ത്രിക വെടി​യു​ണ്ട​ക​ളെ​ല്ലാം പൊട്ടാ​ത്ത​വ​യാ​ണെന്നു തെളി​ഞ്ഞി​രി​ക്കു​ന്നു” എന്ന്‌ അദ്ദേഹം പറയുന്നു. എന്തു​കൊണ്ട്‌? യു.എസ്‌.ന്യൂസ്‌ & വേൾഡ്‌ റിപ്പോർട്ടൽ ശാസ്‌ത്ര ലേഖി​ക​യായ നാൻസി ഷൂട്ട്‌ പറയു​ന്ന​തു​പോ​ലെ “വാർധ​ക്യ​ത്തി​നും അതിന്റെ ഒഴിവാ​ക്കാ​നാ​വാത്ത പരിണ​ത​ഫ​ല​മായ മരണത്തി​നും കാരണം എന്താണ്‌ എന്ന്‌ ഇതുവരെ ആർക്കും അറിയി​ല്ലെ​ന്നു​ള്ള​താണ്‌ ഒരു സംഗതി. വാർധ​ക്യ​ത്തി​ന്റെ കാരണം അറിയാ​തെ അതിന്റെ ലക്ഷണം ചികി​ത്സി​ച്ചു മാറ്റാൻ ശ്രമി​ക്കു​ന്നതു വ്യർഥ​മാണ്‌.” വാർധ​ക്യം പ്രാപി​ക്കൽ ഒരു ദുരൂ​ഹ​ത​യാ​യി അവശേ​ഷി​ക്കു​ന്നു എന്ന്‌ ഡോ. ഗോസ്‌ഡ​നും പറയുന്നു: “അതു നമ്മളിൽ ഓരോ​രു​ത്ത​രി​ലും ദൃശ്യ​മാ​യി​രി​ക്കും, എന്നാൽ അതിന്റെ അടിസ്ഥാന കാരണം ഒരു ദുരൂ​ഹ​ത​യാ​യി അവശേ​ഷി​ക്കു​ന്നു.” “എന്തു​കൊ​ണ്ടാണ്‌ അതു സംഭവി​ക്കു​ന്നത്‌ എന്ന ആ വലിയ ചോദ്യ”ത്തിന്‌ ആരും​തന്നെ ശ്രദ്ധ നൽകു​ന്നി​ല്ലെ​ന്നാണ്‌ അദ്ദേഹ​ത്തി​ന്റെ അഭി​പ്രാ​യം.a

മനുഷ്യന്‌ ഓടാൻ കഴിയുന്ന വേഗത്തി​നും ചാടാൻ കഴിയുന്ന ഉയരത്തി​നും ഊളി​യി​ടാൻ കഴിയുന്ന ആഴത്തി​നും പരിധി ഉള്ളതു​പോ​ലെ അവന്‌ തന്റെ സ്വന്തം ചിന്താ​പ്രാ​പ്‌തി​യും യുക്തി​യും ഉപയോ​ഗി​ച്ചു വിശദീ​ക​രി​ക്കാൻ കഴിയുന്ന കാര്യ​ങ്ങൾക്കും ഒരു പരിധി​യുണ്ട്‌. “എന്തു​കൊണ്ട്‌ എന്ന ആ വലിയ ചോദ്യ”ത്തിന്‌ ഉത്തരം നൽകു​ന്നത്‌ ആ പരിധിക്ക്‌ അപ്പുറ​ത്താ​ണെന്നു കാണ​പ്പെ​ടു​ന്നു. അതു​കൊണ്ട്‌ ഉത്തരം കിട്ടാ​നുള്ള ഏക മാർഗം മനുഷ്യ​ന്റെ ജ്ഞാനത്തി​നും മീതെ​യുള്ള ഒരു ഉറവി​ലേക്കു തിരി​യു​ക​യാണ്‌. ജ്ഞാനത്തി​ന്റെ ഒരു പുരാതന ഗ്രന്ഥമായ ബൈബിൾ നിങ്ങ​ളോട്‌ ആവശ്യ​പ്പെ​ടു​ന്ന​തും അതുത​ന്നെ​യാണ്‌. ‘ജീവന്റെ ഉറവായ’ സ്രഷ്ടാ​വി​നെ കുറിച്ച്‌ ബൈബിൾ ഉറപ്പു നൽകുന്നു: “അവനെ അന്വേ​ഷി​ക്കു​ന്നു എങ്കിൽ നിങ്ങൾ അവനെ കണ്ടെത്തും.” (സങ്കീർത്തനം 36:9; 2 ദിനവൃ​ത്താ​ന്തം 15:2) അങ്ങനെ​യെ​ങ്കിൽ മനുഷ്യൻ മരിക്കു​ന്ന​തി​നുള്ള യഥാർഥ കാരണം അറിയാ​നാ​യി നാം ദൈവ​വ​ച​ന​മായ ബൈബി​ളിൽ അന്വേ​ഷണം നടത്തു​മ്പോൾ എന്താണു കണ്ടെത്തു​ന്നത്‌?

മരണത്തി​ന്റെ മൂലകാ​ര​ണം

ദൈവം ആദ്യ മനുഷ്യ​രെ സൃഷ്ടി​ച്ച​പ്പോൾ അവൻ “അവരുടെ ഹൃദയ​ത്തിൽ നിത്യ​തയെ കുറി​ച്ചുള്ള ഒരു ബോധം” വെച്ചു എന്നു ബൈബിൾ നമ്മോടു പറയുന്നു. (സഭാ​പ്ര​സം​ഗി 3:11, ബെക്ക്‌) എന്നാൽ എന്നേക്കും ജീവി​ക്കാ​നുള്ള ആഗ്രഹം മാത്രമല്ല മനുഷ്യ​ന്റെ ആദ്യ മാതാ​പി​താ​ക്കൾക്കു സ്രഷ്‌ടാവ്‌ നൽകി​യത്‌; അതിനുള്ള അവസര​വും അവൻ അവർക്കു നൽകി. പൂർണ​ത​യുള്ള ശരീര​വും മനസ്സും ഉള്ളവരാ​യി​ട്ടാണ്‌ അവർ സൃഷ്ടി​ക്ക​പ്പെ​ട്ടത്‌. സമാധാ​ന​പൂർണ​മായ ഒരു പരിസ്ഥി​തി​യി​ലുള്ള ജീവി​ത​വും അവർ ആസ്വദി​ച്ചു. ഈ ആദ്യ മനുഷ്യർ എന്നേക്കും ജീവി​ക്ക​ണ​മെ​ന്നും കാലാ​ന്ത​ര​ത്തിൽ അവരുടെ പൂർണ​ത​യുള്ള സന്താന​ങ്ങ​ളെ​ക്കൊ​ണ്ടു ഭൂമി നിറയ്‌ക്ക​പ്പെ​ട​ണ​മെ​ന്നും സ്രഷ്ടാവ്‌ ഉദ്ദേശി​ച്ചു.—ഉല്‌പത്തി 1:28; 2:15.

എന്നാൽ ഫിനി​ഷിങ്‌ ലൈൻ ഇല്ലാത്ത ജീവിതം നിബന്ധ​ന​ക​ളിൽ അധിഷ്‌ഠി​തം ആയിരു​ന്നു. അത്‌ ദൈവ​ത്തോ​ടുള്ള അനുസ​ര​ണത്തെ ആശ്രയി​ച്ചാ​ണി​രു​ന്നത്‌. ആദാം ദൈവ​ത്തോട്‌ അനുസ​ര​ണ​ക്കേടു കാട്ടി​യാൽ അവൻ “നിശ്ചയ​മാ​യും മരിക്കു”മായി​രു​ന്നു. (ഉല്‌പത്തി 2:16, 17, NW) സങ്കടക​ര​മെന്നു പറയട്ടെ, ആദ്യ മനുഷ്യർ അനുസ​ര​ണ​ക്കേടു കാട്ടു​ക​തന്നെ ചെയ്‌തു. (ഉല്‌പത്തി 3:1-6) അങ്ങനെ ചെയ്യു​ക​വഴി അവർ പാപി​ക​ളാ​യി തീർന്നു, എന്തെന്നാൽ “പാപം നിയമ​ലം​ഘനം” ആണ്‌. (1 യോഹ​ന്നാൻ 3:4, ന്യൂ ഇൻഡ്യാ ബൈബിൾ ഭാഷാ​ന്തരം) തത്‌ഫ​ല​മാ​യി, അവർക്ക്‌ നിത്യ​ജീ​വന്റെ പ്രത്യാശ നഷ്ടമായി, “പാപത്തി​ന്റെ ശമ്പളം മരണ”മാണ്‌. (റോമർ 6:23) അതു​കൊണ്ട്‌ ആദ്യ മനുഷ്യ​രു​ടെ​മേൽ ശിക്ഷാ​വി​ധി പ്രസ്‌താ​വി​ച്ച​പ്പോൾ ദൈവം പറഞ്ഞു: “നീ പൊടി​യാ​കു​ന്നു, പൊടി​യിൽ തിരികെ ചേരും.”—ഉല്‌പത്തി 3:19.

അങ്ങനെ ആദി മാതാ​പി​താ​ക്കൾ പാപം ചെയ്‌ത​ശേഷം, പാപത്തി​ന്റെ മുൻകൂ​ട്ടി പറയപ്പെട്ട പരിണ​ത​ഫലം അവരുടെ ജീനു​ക​ളിൽ ആഴത്തിൽ ആലേഖനം ചെയ്യ​പ്പെട്ടു. ജീവി​ത​ത്തിന്‌ ഒരു ഫിനി​ഷിങ്‌ ലൈൻ കൽപ്പി​ക്ക​പ്പെട്ടു. തത്‌ഫ​ല​മാ​യി, അവർ വാർധക്യ പ്രക്രി​യ​യ്‌ക്കു വിധേ​യ​രാ​യി, ഒടുവിൽ മരണത്തി​നും. കൂടാതെ, ഏദെൻ എന്നു വിളി​ക്ക​പ്പെട്ട അവരുടെ ആദിമ പറുദീ​സാ ഭവനത്തിൽനി​ന്നു പുറത്താ​ക്ക​പ്പെട്ട ശേഷം ആദ്യ മനുഷ്യർക്ക്‌ അവരുടെ ജീവി​തത്തെ പ്രതി​കൂ​ല​മാ​യി ബാധിച്ച മറ്റൊരു പ്രശ്‌ന​വും അഭിമു​ഖീ​ക​രി​ക്കേണ്ടി വന്നു—ഏദെനു വെളി​യി​ലെ ഹർഡിൽ സമാന പരിസ്ഥി​തി. (ഉല്‌പത്തി 3:16-19, 23, 24) ന്യൂന​ത​യുള്ള പാരമ്പ​ര്യ​വും കഠിന​മായ പരിസ്ഥി​തി​യും ആദ്യ മനുഷ്യ​രെ​യും അവരുടെ സന്തതി​ക​ളെ​യും ബാധിച്ചു.

മരണവി​ധി​യും വാഗ്‌ദാ​ന​വും

ആദ്യ മനുഷ്യർ സന്താന​ങ്ങളെ ഉത്‌പാ​ദി​പ്പി​ക്കു​ന്ന​തി​നു മുമ്പാണ്‌ അവരുടെ ജീവി​ത​ത്തിൽ ഹാനി​ക​ര​മായ ഈ മാറ്റങ്ങൾ നടന്നത്‌. അതു​കൊണ്ട്‌ അവർക്ക്‌ അവരെ​പ്പോ​ലെ തന്നെയുള്ള—അപൂർണ​രും പാപപൂർണ​രും വാർധക്യ പ്രക്രി​യ​യ്‌ക്ക്‌ വിധേ​യ​രു​മായ—സന്താന​ങ്ങളെ മാത്രമേ ഉത്‌പാ​ദി​പ്പി​ക്കാൻ കഴിയു​മാ​യി​രു​ന്നു​ള്ളൂ. “എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു” എന്ന്‌ ബൈബിൾ പറയുന്നു. (റോമർ 5:12; സങ്കീർത്തനം 51:5 താരത​മ്യം ചെയ്യുക.) “നമ്മുടെ കോശ​ഘ​ട​ന​യിൽ സ്വന്തം മരണ വാറണ്ട്‌ നാം വഹിക്കു​ന്നു” എന്ന്‌ ശരീര​യ​ന്ത്രം—നിങ്ങളു​ടെ ആരോ​ഗ്യം സംബന്ധിച്ച്‌ സമഗ്ര​വീ​ക്ഷണം എന്ന ഇംഗ്ലീഷ്‌ പുസ്‌തകം പറയുന്നു.

എന്നാൽ ഫിനി​ഷിങ്‌ ലൈൻ ഇല്ലാത്ത—വാർധ​ക്യ​വും മരണവും ഇല്ലാത്ത—ജീവിതം പ്രത്യാ​ശി​ക്കാൻ കഴിയില്ല എന്ന്‌ ഇതിനർഥ​മില്ല. ഒന്നാമ​താ​യി, മനുഷ്യ ജീവ​ന്റെ​യും വിസ്‌മ​യാ​വ​ഹ​മാം വിധം വൈവി​ധ്യ​മാർന്ന മറ്റു ജീവരൂ​പ​ങ്ങ​ളു​ടെ​യും സർവജ്ഞാ​നി​യായ സ്രഷ്ടാ​വിന്‌ ഏതൊരു ജനിതക തകരാ​റും ശരിയാ​ക്കാ​നും മനുഷ്യ​നു തന്റെ ജീവിതം എന്നേക്കും തുടർന്നു​കൊ​ണ്ടു പോകാൻ ആവശ്യ​മായ ഊർജം പ്രദാനം ചെയ്യാ​നും സാധി​ക്കു​മെന്നു ന്യായ​മാ​യും വിശ്വ​സി​ക്കാം. രണ്ടാമ​താ​യി, സ്രഷ്‌ടാവ്‌ ചെയ്യു​മെന്നു വാഗ്‌ദാ​നം ചെയ്‌തി​രി​ക്കു​ന്ന​തും അതുത​ന്നെ​യാണ്‌. ആദ്യ മനുഷ്യ​രോ​ടു മരണവി​ധി പ്രഖ്യാ​പി​ച്ച​ശേഷം, മനുഷ്യർ ഭൂമി​യിൽ എന്നേക്കും ജീവി​ക്കണം എന്നുള്ള തന്റെ ഉദ്ദേശ്യ​ത്തി​നു മാറ്റം വന്നിട്ടില്ല എന്ന്‌ ദൈവം അനേകം തവണ വെളി​പ്പെ​ടു​ത്തി. ഉദാഹ​ര​ണ​ത്തിന്‌ അവൻ ഇങ്ങനെ ഉറപ്പു നൽകുന്നു: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്തനം 37:29) ഈ വാഗ്‌ദാന നിവൃത്തി അനുഭ​വി​ക്ക​ണ​മെ​ങ്കിൽ നിങ്ങൾ എന്താണു ചെയ്യേ​ണ്ടത്‌?

നിങ്ങളു​ടെ ജീവിതം—എന്നെ​ന്നേ​ക്കു​മാ​യി നീട്ടി​ക്കൊ​ണ്ടു പോകാൻ കഴിയുന്ന വിധം

രസകര​മാ​യി, 300-ലധികം വൈദ്യ​ശാ​സ്‌ത്ര ഗവേഷ​ക​രു​മാ​യി അഭിമു​ഖം നടത്തി​യ​ശേഷം റോണാൾഡ്‌ കൊട്ട്യൂ​ലക്ക്‌ എന്ന ശാസ്‌ത്ര എഴുത്തു​കാ​രൻ ഇങ്ങനെ പറഞ്ഞു: “ആളുക​ളു​ടെ ആരോ​ഗ്യ​വും ആയുസ്സും നിർണ​യി​ക്കുന്ന ഏറ്റവും പ്രധാ​ന​പ്പെട്ട ഘടകങ്ങൾ വരുമാ​ന​വും തൊഴി​ലും വിദ്യാ​ഭ്യാ​സ​വു​മാണ്‌ എന്ന്‌ ഗവേഷ​കർക്കു ദീർഘ​കാ​ല​മാ​യി അറിയാ​വു​ന്ന​താണ്‌. . . എന്നാൽ ദീർഘാ​യുസ്സ്‌ നിർണ​യി​ക്കുന്ന ഏറ്റവും പ്രധാ​ന​പ്പെട്ട ഘടകമാ​യി തീർന്നു​കൊ​ണ്ടി​രി​ക്കു​ന്നതു വിദ്യാ​ഭ്യാ​സ​മാണ്‌.” അദ്ദേഹം വിശദ​മാ​ക്കി: “നാം കഴിക്കുന്ന ഭക്ഷണം ജീവന്‌ അപകട​കാ​രി​ക​ളായ സാം​ക്ര​മിക രോഗാ​ണു​ക്ക​ളോ​ടു പൊരു​താൻ നമ്മുടെ പ്രതി​രോധ വ്യവസ്ഥയെ ശക്തി​പ്പെ​ടു​ത്തു​ന്ന​തു​പോ​ലെ ഹാനി​ക​ര​മായ തിര​ഞ്ഞെ​ടു​പ്പു​കൾ നടത്തു​ന്ന​തി​നെ​തി​രെ വിദ്യാ​ഭ്യാ​സം നമ്മെ സംരക്ഷി​ക്കു​ന്നു.” ഒരു ഗവേഷകൻ പറഞ്ഞതു പോലെ, “വിദ്യാ​ഭ്യാ​സ​ത്തി​ലൂ​ടെ ജീവി​ത​ത്തി​ലെ പ്രതി​ബ​ന്ധ​ങ്ങളെ തരണം ചെയ്‌തു മുന്നേ​റാൻ നിങ്ങൾ പഠിക്കു​ന്നു.” അതു​കൊണ്ട്‌ കോട്ട്യൂ​ലക്ക്‌ എന്ന ഗ്രന്ഥകർത്താവ്‌ പറഞ്ഞതു​പോ​ലെ ഒരു വിധത്തിൽ പറഞ്ഞാൽ, “കൂടുതൽ ആരോ​ഗ്യ​ക​ര​വും ദൈർഘ്യ​മേ​റി​യ​തു​മായ ജീവി​ത​ത്തി​ന്റെ രഹസ്യം” വിദ്യാ​ഭ്യാ​സ​മാണ്‌.

ഭാവി​യിൽ നിത്യ​ജീ​വൻ പ്രാപി​ക്കാ​നുള്ള ആദ്യത്തെ നടപടി​യും വിദ്യാ​ഭ്യാ​സ​മാണ്‌—ബൈബിൾ വിദ്യാ​ഭ്യാ​സം. യേശു​ക്രി​സ്‌തു ഇങ്ങനെ പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ച യേശു​ക്രി​സ്‌തു​വി​നെ​യും കുറി​ച്ചുള്ള പരിജ്ഞാ​നം അവർ ഉൾക്കൊ​ള്ളു​ന്ന​തി​ന്റെ അർഥം നിത്യ​ജീ​വൻ എന്നാണ്‌.” (യോഹ​ന്നാൻ 17:3, NW) സ്രഷ്ടാ​വായ യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും ദൈവം പ്രദാനം ചെയ്‌തി​രി​ക്കുന്ന മറുവില ക്രമീ​ക​ര​ണ​ത്തെ​യും കുറി​ച്ചുള്ള പരിജ്ഞാ​നം ഉൾക്കൊ​ള്ളു​ന്നതു മാത്ര​മാണ്‌ നിത്യ​ജീ​വ​നി​ലേ​ക്കുള്ള പാതയിൽ ആദ്യത്തെ ചുവടു വയ്‌ക്കു​ന്ന​തിന്‌ ഒരു വ്യക്തിയെ പ്രാപ്‌ത​നാ​ക്കുന്ന ഏക വിദ്യാ​ഭ്യാ​സം.—മത്തായി 20:28; യോഹ​ന്നാൻ 3:16.

ഈ ജീവദാ​യക ബൈബിൾ പരിജ്ഞാ​നം നേടു​ന്ന​തിൽ നിങ്ങളെ സഹായി​ക്കുന്ന ബൈബിൾ വിദ്യാ​ഭ്യാ​സ പരിപാ​ടി യഹോ​വ​യു​ടെ സാക്ഷികൾ നടത്തു​ന്നുണ്ട്‌. ഈ സൗജന്യ പരിപാ​ടി​യെ കുറിച്ചു കൂടുതൽ കാര്യങ്ങൾ മനസ്സി​ലാ​ക്കു​ന്ന​തിന്‌ അവരുടെ രാജ്യ​ഹാ​ളു​ക​ളിൽ ഒന്നു സന്ദർശി​ക്കു​ക​യോ നിങ്ങൾക്കു സൗകര്യ​പ്പെ​ടുന്ന സമയത്തു നിങ്ങളെ സന്ദർശി​ക്കാൻ അവരോട്‌ ആവശ്യ​പ്പെ​ടു​ക​യോ ചെയ്യുക. ഹർഡി​ലു​കൾ ചാടി​ക്ക​ട​ക്കേ​ണ്ട​തി​ല്ലാത്ത, ഫിനി​ഷിങ്‌ ലൈൻ ഇല്ലാത്ത ഒരു ജീവിതം സാധ്യ​മാ​യി തീരുന്ന ഒരു സമയം ഉടൻതന്നെ വരാൻ പോകു​ക​യാണ്‌ എന്നുള്ള​തിന്‌ ശക്തമായ തെളി​വു​കൾ ബൈബി​ളിൽ ഉണ്ടെന്നു നിങ്ങൾ കണ്ടെത്തും. സഹസ്രാ​ബ്ദ​ങ്ങ​ളാ​യി മരണം വാഴ്‌ച നടത്തി​യി​ട്ടുണ്ട്‌ എന്നുള്ളതു ശരിതന്നെ. താമസി​യാ​തെ​തന്നെ അത്‌ എന്നന്നേ​ക്കു​മാ​യി തോൽപ്പി​ക്ക​പ്പെ​ടും. പ്രായ​മാ​യ​വർക്കും ചെറു​പ്പ​ക്കാർക്കും എത്ര പുളക​പ്ര​ദ​മായ പ്രത്യാശ!

[അടിക്കു​റി​പ്പു​കൾ]

[13-ാം പേജിലെ ചിത്രം]

നിത്യജീവൻ നേടു​ന്ന​തി​നുള്ള ആദ്യ പടി ബൈബിൾ വിദ്യാ​ഭ്യാ​സ​മാണ്‌