നിങ്ങളു​ടെ ഭവനം സുരക്ഷി​ത​മോ?—ഉറപ്പു വരുത്താൻ 20 കാര്യങ്ങൾ

“ഹാവൂ, വീടെത്തി!” തിരക്കു പിടിച്ച ജോലി​ക്കു ശേഷം വീട്ടി​ലെ​ത്തു​മ്പോൾ നിങ്ങൾ ആശ്വാ​സ​ത്തി​ന്റെ നെടു​വീർപ്പി​ടുക പതിവാ​യി​രി​ക്കും. വീട്ടിൽ സുരക്ഷി​തർ ആയിരി​ക്കു​ന്ന​തിൽ നിങ്ങൾ സന്തോ​ഷ​മു​ള്ള​വ​രാണ്‌. എന്നാൽ, നിങ്ങൾ വാസ്‌ത​വ​ത്തിൽ സുരക്ഷി​ത​രാ​ണോ? വിരോ​ധാ​ഭാ​സ​മെന്നു പറയട്ടെ, അറിയാ​തെ​യാ​ണെ​ങ്കിൽ പോലും ചിലർ ഗൗരവ​ത​ര​മായ അപകടം നേരി​ടു​ന്നതു സ്വന്തം ഭവനങ്ങ​ളി​ലാണ്‌. ഭവനത്തി​നു​ള്ളി​ലെ അപകടങ്ങൾ ലഘൂക​രി​ക്കാൻ കൊച്ചു കുട്ടികൾ ഉള്ളവർ പ്രത്യേ​കി​ച്ചും മുൻക​രു​ത​ലു​കൾ എടു​ക്കേ​ണ്ട​തുണ്ട്‌. താഴെ കൊടു​ത്തി​രി​ക്കുന്ന ലിസ്റ്റ്‌ ഉപയോ​ഗിച്ച്‌ നിങ്ങളു​ടെ ഭവനം മൊത്ത​ത്തിൽ ഒന്നു പരി​ശോ​ധിച്ച്‌ ആവശ്യ​മാ​യി​രി​ക്കുന്ന മാറ്റങ്ങൾ വരുത്ത​രു​തോ?

✔ ചെടികൾ. കൊച്ചു കുട്ടികൾ ഉണ്ടെങ്കിൽ വീട്ടിൽ വിഷ​ച്ചെ​ടി​കൾ ഇല്ലെന്ന്‌ ഉറപ്പു​വ​രു​ത്തുക. ജിജ്ഞാ​സു​ക്ക​ളായ കുഞ്ഞുങ്ങൾ കയ്യിൽ കിട്ടു​ന്ന​തെ​ല്ലാം വായി​ലി​ടും എന്ന കാര്യം ഓർക്കുക.

✔ കർട്ടനു​കൾ. കർട്ടൻ ഇട്ടിരി​ക്കുന്ന ചരടുകൾ കയ്യെത്താത്ത ദൂരത്തിൽ വെക്കുക. അല്ലാത്ത​പക്ഷം അവ കൊച്ചു കുട്ടി​ക​ളു​ടെ ദേഹത്ത്‌—കഴുത്തിൽ പോലും—ഉടക്കി​യേ​ക്കാം.

✔ മേശവ​ലി​പ്പും അലമാ​ര​ക​ളും. സുരക്ഷാ കൊളു​ത്തു​കൾ ഉണ്ടാക്കു​ന്ന​തി​നെ കുറിച്ചു പര്യാ​ലോ​ചി​ക്കുക. മൂർച്ച​യുള്ള ഉപകര​ണ​ങ്ങ​ളും അപകട​കാ​രി​ക​ളായ ശുചീ​കരണ വസ്‌തു​ക്ക​ളും കുട്ടികൾ എടുക്കാ​തി​രി​ക്കാൻ അതു സഹായി​ക്കും.

✔ സ്റ്റെയർവേ. സ്റ്റെയർകേ​സിന്‌ ഇടയി​ലുള്ള സ്ഥലത്ത്‌ നല്ല വെളി​ച്ച​മു​ണ്ടോ? അനാവശ്യ വസ്‌തു​ക്കൾ കുന്നു​കൂ​ടി​ക്കി​ട​ക്കു​ന്നു​വോ? കുഞ്ഞുങ്ങൾ വീഴാ​തി​രി​ക്കാൻ സ്റ്റെയർകേ​സി​ന്റെ വശങ്ങളിൽ അഴികൾ പിടി​പ്പി​ച്ചി​ട്ടു​ണ്ടോ?

✔ സ്റ്റൗ. പാത്ര​ങ്ങ​ളു​ടെ​യും പാനു​ക​ളു​ടെ​യും പിടികൾ—പാചക​ത്തി​നി​ട​യിൽ പ്രത്യേ​കി​ച്ചും—സ്റ്റൗവിന്റെ മറുവ​ശത്തു വരത്തക്ക​വണ്ണം തിരി​ച്ചു​വെ​ക്കുക.

✔ പ്രഷർ കുക്കർ. ഉപയോ​ഗ​ശേഷം എപ്പോ​ഴും വൃത്തി​യാ​ക്കുക. പൊട്ടി​ത്തെ​റി​ക്കാ​തി​രി​ക്കാൻ അതിന്റെ സുരക്ഷാ വാൽവു​കൾ നന്നായി പ്രവർത്തി​ക്കു​ന്നു എന്ന്‌ ഉറപ്പു വരുത്തുക.

✔ അഗ്നിശ​മ​നി​കൾ. ഒരെണ്ണ​മെ​ങ്കി​ലും വീട്ടിൽ കരുതുക. അത്‌ എങ്ങനെ ഉപയോ​ഗി​ക്ക​ണ​മെന്ന്‌, മനസ്സി​ലാ​ക്കാൻ പ്രായ​മായ എല്ലാവർക്കും അറിയാ​മെന്ന്‌ ഉറപ്പു​വ​രു​ത്തുക.

✔ തൊട്ടിൽ. അതിന്റെ അഴികൾക്കി​ട​യിൽ അധികം വിടവു​ണ്ടാ​യി​രി​ക്ക​രുത്‌. കുഞ്ഞിന്റെ തല ഉടക്കാൻ ഇടയാ​കും വിധം മെത്തയ്‌ക്കു ചുറ്റും അധികം സ്ഥലമു​ണ്ടാ​യി​രി​ക്ക​രുത്‌.

✔ ജനാലകൾ. സുരക്ഷാ അഴികൾ കുട്ടികൾ താഴെ വീഴാതെ സംരക്ഷ​ണ​മേ​കും. തീപി​ടി​ത്തം ഉണ്ടായാൽ, മുതിർന്ന​വർക്ക്‌ അവ നിഷ്‌പ്ര​യാ​സം അഴിച്ചു​മാ​റ്റാ​നും സാധി​ക്കും.

✔ വിറ്റാ​മി​നു​ക​ളും മരുന്നു​ക​ളും. ഇവ അലമാ​ര​യിൽ പൂട്ടി​വെ​ക്കു​ക​യോ കുട്ടി​കൾക്ക്‌ കൈ എത്താത്ത സ്ഥലത്തു വെക്കു​ക​യോ ചെയ്യുക.

✔ വെള്ളം നിറച്ച ബേസിൻ. കുളി​മു​റി​യി​ലും മറ്റും വെള്ളം നിറച്ച ബേസി​നു​കൾക്ക​ടുത്ത്‌ കൊച്ചു കുട്ടിയെ ഒരിക്ക​ലും തനിച്ചാ​ക്ക​രുത്‌. കുട്ടി അതിൽ വീണ്‌ അപായം സംഭവി​ക്കാൻ വളരെ സമയ​മൊ​ന്നും വേണ്ടി​വ​രില്ല.

✔ മൈ​ക്രോ​വേവ്‌ അവ്‌ൻ. മൈ​ക്രോ​വേവ്‌ അവ്‌നിൽ ഭക്ഷണപ​ദാർഥങ്ങൾ വളരെ പെട്ടെന്നു ചൂടാ​കു​മെന്ന്‌ ഓർക്കുക.

✔ ഗ്യാസ്‌ സ്റ്റൗ. ഗ്യാസ്‌ ലീക്കാ​കു​ന്നു​ണ്ടോ എന്ന്‌ ഇടയ്‌ക്കി​ടെ പരി​ശോ​ധി​ക്കുക.

✔ മണ്ണെണ്ണ സ്റ്റൗ. കത്തിക്കു​ന്ന​തി​നു മുമ്പ്‌, മണ്ണെണ്ണ ചോർന്നു ചുറ്റും വീണി​ട്ടി​ല്ലെന്ന്‌ ഉറപ്പു​വ​രു​ത്തുക.

✔ ഗരാജ്‌ വാതിൽ. ഗരാജി​ന്റെ വാതിൽ അടയ്‌ക്കു​മ്പോൾ ഇടയിൽ വരാതി​രി​ക്കാൻ കുട്ടി​കൾക്കു നിർദേശം നൽകുക, പ്രത്യേ​കി​ച്ചും അത്‌ ഓട്ടോ​മാ​റ്റിക്‌ ആയിരി​ക്കു​മ്പോൾ.

✔ കീടനാ​ശി​നി​കൾ. അവ ബാഷ്‌പീ​കൃ​ത​മാ​യി മുറി​ക്കു​ള്ളി​ലെ വായു​വി​നെ മലിനീ​ക​രി​ക്കാൻ ഇടയുണ്ട്‌. തന്മൂലം, കീടനാ​ശി​നി​കൾ സുരക്ഷി​ത​മായ സ്ഥലത്തു സൂക്ഷി​ക്കുക.

✔ വൈദ്യു​ത വയറു​ക​ളും പ്ലഗ്‌ പോയി​ന്റു​ക​ളും. പൊട്ടി​ക്കി​ട​ക്കുന്ന വൈദ്യു​ത വയറുകൾ നശിപ്പി​ക്കുക. ഉപയോ​ഗി​ക്കാത്ത പ്ലഗ്‌ പോയി​ന്റു​കൾ അടച്ചു​വെ​ക്കു​ക​യോ മൊത്ത​മാ​യി മൂടി​വെ​ക്കു​ക​യോ ചെയ്യു​ന്നത്‌ നന്നായി​രി​ക്കും.

✔ വൈദ്യു​തോ​പ​ക​ര​ണങ്ങൾ. അവ വെള്ളം നിറഞ്ഞ പാത്ര​ങ്ങ​ളു​ടെ​യോ ടാപ്പി​ന്റെ​യോ അടുത്തു വെക്കരുത്‌. വൈദ്യു​ത ഷോക്കിൽനി​ന്നു സംരക്ഷണം നൽകുന്ന ഇലക്‌ട്രിക്‌ സർക്യൂട്ട്‌ ബ്രേക്കർ ഉപയോ​ഗി​ക്കുക.

✔ അലമാ​ര​ക​ളും പെട്ടി​ക​ളും. കുട്ടികൾ ഒളിച്ചു​ക​ളി​ക്കു​മ്പോൾ അലമാ​ര​യ്‌ക്ക​ക​ത്തും പെട്ടി​ക്ക​ക​ത്തും കയറി​യി​രുന്ന്‌ അപകടം ഉണ്ടാകാ​തി​രി​ക്കാൻ അവ പൂട്ടി​യി​ടുക.

✔ ഇസ്‌തി​രി​പ്പെട്ടി. കുട്ടി​കൾക്കു കയ്യെത്താത്ത സ്ഥലത്ത്‌ ഇസ്‌തി​രി​പ്പെട്ടി—അതിന്റെ വയറും—സൂക്ഷി​ക്കുക.