എയ്‌ഡ്‌സുള്ള അമ്മമാർ വിഷമ​സ​ന്ധി​യിൽ

നവജാത ശിശു​വി​നെ മുലയൂ​ട്ട​ണോ അതോ അതിനു കുപ്പി​പ്പാൽ കൊടു​ക്ക​ണോ. വെസ്റ്റ്‌ ഇൻഡീ​സിൽ താമസി​ക്കുന്ന സിന്ധ്യയ്‌ക്ക്‌a ഇക്കാര്യ​ത്തിൽ ഒരു തീരു​മാ​നം എടു​ക്കേ​ണ്ടി​വന്നു. ഇതിൽ ഒരു തീരു​മാ​ന​മെ​ടു​ക്കാൻ എന്താണി​ത്ര പ്രയാസം എന്നു തോന്നി​യേ​ക്കാം. എന്തൊ​ക്കെ​യാ​ണെ​ങ്കി​ലും, കുഞ്ഞു​ങ്ങൾക്കു കൊടു​ക്കാ​വു​ന്ന​തി​ലേ​ക്കും “ഏറ്റവും മികച്ച ആഹാരം” എന്ന നിലയി​ലല്ലേ മുലപ്പാ​ലി​നെ ദശാബ്ദ​ങ്ങ​ളാ​യി ആരോഗ്യ രംഗത്തെ വിദഗ്‌ധർ എടുത്തു​കാ​ട്ടി​യി​രി​ക്കു​ന്നത്‌? മാത്രമല്ല, കുപ്പി​പ്പാൽ കുടി​ക്കുന്ന ദരിദ്ര സമൂഹ​ങ്ങ​ളി​ലെ കുഞ്ഞു​ങ്ങൾക്ക്‌, മുലപ്പാൽ കുടി​ക്കുന്ന കുട്ടി​ക​ളെ​ക്കാൾ അതിസാ​രം പിടി​പെട്ടു മരണം സംഭവി​ക്കാ​നുള്ള സാധ്യത 15 ഇരട്ടി​യോ​ളം ആണു താനും. മുലപ്പാ​ലി​നു പകരമാ​യി നൽകുന്ന ആഹാര​സാ​ധ​ന​ങ്ങ​ളു​മാ​യി ബന്ധപ്പെട്ട പ്രശ്‌നങ്ങൾ നിമിത്തം ഓരോ ദിവസ​വും ഏകദേശം 4,000 കുട്ടി​ക​ളാണ്‌ മരണമ​ട​യു​ന്നത്‌ എന്ന്‌ ഐക്യ​രാ​ഷ്‌ട്ര ശിശു​ക്ഷേമ നിധി റിപ്പോർട്ടു ചെയ്യുന്നു.

എന്നാൽ, സിന്ധ്യയെ സംബന്ധി​ച്ചി​ട​ത്തോ​ളം മുലയൂ​ട്ട​ണ​മോ വേണ്ടയോ എന്ന തീരു​മാ​ന​ത്തിൽ മറ്റൊരു അപകടം ഉൾപ്പെ​ട്ടി​രു​ന്നു. എയ്‌ഡ്‌സിന്‌ ഇടയാ​ക്കുന്ന മാനുഷ രോഗ​പ്ര​തി​രോധ ശക്തിക്ഷയ വൈറസ്‌ (എച്ച്‌ഐവി) ഭർത്താ​വിൽ നിന്ന്‌ അവർക്ക്‌ പിടി​പെ​ട്ടി​രു​ന്നു. കുഞ്ഞു ജനിച്ച​തി​നു ശേഷം അവർ, അമ്മയ്‌ക്ക്‌ എച്ച്‌ഐവി ഉണ്ടെങ്കിൽ മുലപ്പാ​ലി​ലൂ​ടെ അതു കുഞ്ഞി​നും കിട്ടാൻ 7-ൽ 1 സാധ്യ​ത​യു​ണ്ടെന്ന കാര്യം മനസ്സി​ലാ​ക്കി.b അങ്ങനെ, വേദനാ​ജ​ന​ക​മായ ഒരു തിര​ഞ്ഞെ​ടു​പ്പു നടത്താൻ അവർ നിർബ​ന്ധി​ത​യാ​യി: ഒന്നുകിൽ മുലയൂ​ട്ടി​യാ​ലുള്ള അപകട​സാ​ധ്യത കണ്ടി​ല്ലെന്നു നടിക്കുക അല്ലെങ്കിൽ, കുപ്പി​പ്പാൽ കൊടു​ത്താ​ലു​ണ്ടാ​കുന്ന കുഴപ്പങ്ങൾ കുഞ്ഞിന്‌ വന്നു​പെ​ടാൻ അനുവ​ദി​ക്കുക.

ലോക​ത്തിൽ, എയ്‌ഡ്‌സ്‌ ഏറ്റവു​മ​ധി​കം പടർന്നു​പി​ടി​ച്ചി​ട്ടുള്ള പ്രദേ​ശ​ങ്ങ​ളി​ലെ ഗർഭി​ണി​ക​ളായ ഓരോ 10 സ്‌ത്രീ​ക​ളി​ലും 2-ഓ 3-ഓ പേർക്കെ​ങ്കി​ലും എച്ച്‌ഐവി ഉണ്ട്‌. ഒരു രാജ്യത്ത്‌, പരി​ശോ​ധ​ന​യ്‌ക്കു വിധേ​യ​രാ​ക്കിയ ഗർഭി​ണി​ക​ളിൽ പകുതി​യി​ല​ധി​കം പേർക്കും എച്ച്‌ഐവി ഉള്ളതായി തെളിഞ്ഞു. “ഈ ഞെട്ടി​ക്കുന്ന സംഖ്യകൾ നിമിത്തം ശാസ്‌ത്രജ്ഞർ ആകെ അങ്കലാ​പ്പി​ലാണ്‌. ഒരു പ്രതി​വി​ധി തേടി നെട്ടോ​ട്ടം ഓടു​ക​യാണ്‌ അവർ” എന്നു യുഎൻ റേഡി​യോ റിപ്പോർട്ടു ചെയ്യുന്നു. ഈ ഭീഷണി​യെ നേരി​ടുക എന്ന ലക്ഷ്യത്തിൽ ആറ്‌ യുഎൻ സംഘട​നകൾ ഒത്തു​ചേർന്ന്‌ തങ്ങളുടെ അനുഭ​വ​ജ്ഞാ​നം, ശ്രമങ്ങൾ, വിഭവ​ശേഷി എന്നിവ സമന്വ​യി​പ്പി​ച്ചു​കൊണ്ട്‌ എച്ച്‌ഐവി/എയ്‌ഡ്‌സ്‌ സംയുക്ത ഐക്യ​രാ​ഷ്‌ട്ര പരിപാ​ടിക്ക്‌ (UNAIDS) രൂപം നൽകി​യി​രി​ക്കു​ന്നു.c എന്നാൽ, എയ്‌ഡ്‌സ്‌ എന്ന പ്രശ്‌ന​ത്തിന്‌ അത്ര എളുപ്പ​ത്തിൽ ഒരു പരിഹാ​രം കണ്ടെത്താൻ കഴിയില്ല എന്ന്‌ അവർ മനസ്സി​ലാ​ക്കി​യി​രി​ക്കു​ന്നു.

ലളിത​മായ ഒരു പരിഹാ​ര​ത്തി​നു വിലങ്ങു​ത​ടി​യാ​യി​രി​ക്കുന്ന സങ്കീർണ പ്രശ്‌ന​ങ്ങൾ

വ്യവസാ​യ​വ​ത്‌കൃത രാജ്യ​ങ്ങ​ളിൽ ജീവി​ക്കുന്ന എച്ച്‌ഐവി ബാധി​ത​രായ സ്‌ത്രീ​ക​ളോട്‌ കുഞ്ഞു​ങ്ങളെ മുലയൂ​ട്ടാ​തി​രി​ക്കാ​നാണ്‌ ആരോ​ഗ്യ​പ്ര​വർത്തകർ ശുപാർശ ചെയ്യു​ന്നത്‌ എന്ന്‌ മുലയൂ​ട്ട​ലി​നെ കുറി​ച്ചും അമ്മയിൽ നിന്നു കുഞ്ഞി​ലേക്ക്‌ എച്ച്‌ഐവി പകരു​ന്ന​തി​നെ കുറി​ച്ചും ഗവേഷണം നടത്തുന്ന ഇഡിത്ത്‌ വൈറ്റ്‌ പറയുന്നു. മൂലയൂ​ട്ടൽ, കുഞ്ഞു​ങ്ങൾക്ക്‌ എച്ച്‌ഐവി പിടി​പെ​ടാ​നുള്ള സാധ്യത ഏതാണ്ട്‌ ഇരട്ടി​യാ​ക്കി​ത്തീർക്കും എന്നതാണ്‌ കാരണം. മുലപ്പാ​ലി​നു പകരമാ​യി പൊടി​പ്പാൽ കൊടു​ക്കു​ന്നത്‌ നല്ല ഒരു പകരസം​വി​ധാ​ന​മാ​യി തോന്നു​ന്നു. പക്ഷേ, ഇത്തരം ഉത്‌കൃഷ്ട സൈദ്ധാ​ന്തിക ആശയങ്ങ​ളൊ​ക്കെ പരുക്കൻ യാഥാർഥ്യ​ങ്ങൾക്കു വഴി മാറി​ക്കൊ​ടു​ക്കേണ്ടി വരുന്ന വികസ്വര രാജ്യ​ങ്ങ​ളിൽ, ഈ ലളിത​മായ പരിഹാ​രം നടപ്പി​ലാ​ക്കുക അത്ര എളുപ്പ​മുള്ള കാര്യമല്ല.

പ്രശ്‌ന​ങ്ങ​ളി​ലൊന്ന്‌ സാമൂ​ഹി​ക​മാണ്‌. മുലയൂ​ട്ടൽ സർവസാ​ധാ​ര​ണ​മാ​യി​രി​ക്കുന്ന രാജ്യ​ങ്ങ​ളിൽ, തന്റെ കുഞ്ഞിനു കുപ്പി​പ്പാൽ നൽകുന്ന ഒരു സ്‌ത്രീ തനിക്ക്‌ എച്ച്‌ഐവി ഉള്ള കാര്യം പരസ്യ​പ്പെ​ടു​ത്തു​ക​യാ​യി​രി​ക്കും ചെയ്യു​ന്നത്‌. സത്യാവസ്ഥ പുറത്താ​കുന്ന പക്ഷം തന്നെ തെറ്റു​കാ​രി​യാ​യി മുദ്ര കുത്തു​മെ​ന്നോ തന്നെ ഉപേക്ഷി​ക്കു​മെ​ന്നോ തനിക്ക്‌ അടി​കൊ​ള്ളേണ്ടി വരു​മെ​ന്നോ പോലും അവൾ ഭയപ്പെ​ട്ടേ​ക്കാം. ഇത്തര​മൊ​രു സാഹച​ര്യ​ത്തിൽ അകപ്പെട്ട ചില സ്‌ത്രീ​കൾ, തങ്ങൾക്ക്‌ എച്ച്‌ഐവി ഉള്ള കാര്യം മൂടി​വെ​ക്കാൻ കുഞ്ഞു​ങ്ങളെ മുലയൂ​ട്ടു​ക​യ​ല്ലാ​തെ മറ്റു വഴി​യൊ​ന്നു​മി​ല്ലെന്നു വിചാ​രി​ക്കു​ന്നു.

മറ്റു പ്രശ്‌ന​ങ്ങ​ളും ഉണ്ട്‌. ഉദാഹ​ര​ണ​ത്തിന്‌, 20 വയസ്സുള്ള മാർഗ​ര​റ്റി​ന്റെ കാര്യ​മെ​ടു​ക്കുക. ഉഗാണ്ട​യി​ലെ ഗ്രാമ​പ്ര​ദേ​ശ​ങ്ങ​ളിൽ പാർക്കുന്ന, ചുരു​ങ്ങി​യത്‌ 95 ശതമാനം സ്‌ത്രീ​ക​ളു​ടെ​യും കാര്യ​ത്തി​ലെന്ന പോലെ, അവളും എച്ച്‌ഐവി നിർണയ പരി​ശോ​ധ​ന​യ്‌ക്കു വിധേ​യ​യാ​യി​ട്ടേ​യില്ല. പക്ഷേ, മാർഗ​ര​റ്റിന്‌ ഉത്‌ക​ണ്‌ഠ​യ്‌ക്കു കാരണ​മുണ്ട്‌. അവളുടെ ആദ്യത്തെ കുട്ടി മരിച്ചു​പോ​യി. രണ്ടാമത്തെ കുട്ടി​യാ​ണെ​ങ്കിൽ ആകെ ശോഷി​ച്ചാണ്‌ ഇരിക്കു​ന്നത്‌. മാത്രമല്ല, അതിന്‌ എപ്പോ​ഴും അസുഖ​വു​മാണ്‌. ഒരുപക്ഷേ തനിക്കും എച്ച്‌ഐവി ഉണ്ടായി​രി​ക്കാം എന്ന വസ്‌തുത നിലനിൽക്കെ തന്നെ ദിവസം പത്തുതവണ മാർഗ​രറ്റ്‌ തന്റെ മൂന്നാ​മത്തെ കുട്ടിയെ മുലയൂ​ട്ടു​ന്നു. “എനിക്ക്‌ ഒരിക്ക​ലും കുഞ്ഞിന്‌ പൊടി​പ്പാൽ കൊടു​ക്കാൻ സാധി​ക്കില്ല,” അവൾ പറയുന്നു. എന്തു​കൊണ്ട്‌? അവളുടെ ഗ്രാമ​ത്തി​ലുള്ള ഒരു കുടും​ബം ഒരു വർഷം കൊണ്ടു സമ്പാദി​ക്കു​ന്ന​തി​ന്റെ ഒന്നരയി​രട്ടി കൂടെ കൊടു​ത്താ​ലേ ഒരു കുഞ്ഞിന്‌ അതു കൊടു​ക്കാൻ കഴിയു​ക​യു​ള്ളൂ എന്നു മാർഗ​രറ്റ്‌ പറയുന്നു. ഇനി, അതു സൗജന്യ​മാ​യി ലഭിച്ചാൽ പോലും സുരക്ഷി​ത​മായ ബേബി ഫുഡ്‌ ആക്കി​യെ​ടു​ക്കു​ന്ന​തിന്‌ വേണ്ട ശുദ്ധജലം കിട്ടാൻ അവിടെ വലിയ പ്രയാ​സ​വു​മാണ്‌.d

എച്ച്‌ഐ​വി ഉള്ള അമ്മമാർക്ക്‌, ശരിയായ ശുചിത്വ സൗകര്യ​ങ്ങ​ളും ശുദ്ധജലം കിട്ടു​ന്ന​തി​നു വേണ്ട സൗകര്യ​ങ്ങ​ളും ചെയ്‌തു​കൊ​ടു​ക്കു​ക​യും മുലപ്പാ​ലി​നു പകരമുള്ള ആഹാര​പ​ദാർഥങ്ങൾ വേണ്ടു​വോ​ളം ലഭ്യമാ​ക്കു​ക​യും ചെയ്യുന്ന പക്ഷം, ഈ തടസ്സങ്ങ​ളിൽ ചിലവ നീക്കു​ന്ന​തി​നു സാധി​ക്കും. അതിനു ഭാരിച്ച ചെലവു വരുമോ? വന്നേക്കാം. എന്നിരു​ന്നാ​ലും, ഇത്തരം സൗകര്യ​ങ്ങൾ ഒരുക്കി​ക്കൊ​ടു​ക്കു​ന്ന​തിൽ പണത്തെ​ക്കാൾ അധികം മുൻഗ​ണ​നകൾ വെക്കു​ന്ന​താണ്‌ ഉൾപ്പെ​ട്ടി​രി​ക്കു​ന്നത്‌ എന്ന സംഗതി ആശ്ചര്യ​ജ​ന​ക​മാ​യി തോന്നി​യേ​ക്കാം. ലോക​ത്തി​ലെ വികസ്വര രാഷ്‌ട്ര​ങ്ങ​ളിൽ ഏറ്റവു​മ​ധി​കം ദാരി​ദ്ര്യ​ത്തി​ലാ​ണ്ടു കിടക്കുന്ന ചിലവ, ആരോ​ഗ്യ​ര​ക്ഷ​യ്‌ക്കും വിദ്യാ​ഭ്യാ​സ​ത്തി​നും വേണ്ടി ചെലവ​ഴി​ക്കു​ന്ന​തി​ന്റെ ഏതാണ്ട്‌ ഇരട്ടി തുകയാണ്‌ സൈനിക ആവശ്യ​ങ്ങൾക്കാ​യി ചെലവ​ഴി​ക്കു​ന്നത്‌ എന്ന്‌ യുഎൻ റിപ്പോർട്ടു ചെയ്യുന്നു.

എയ്‌ഡ്‌സിന്‌ എതി​രെ​യുള്ള മരുന്നു​കളെ സംബന്ധി​ച്ചെന്ത്‌?

എഇസഡ്‌റ്റി എന്ന ഒരു മരുന്നിന്‌—എളുപ്പ​ത്തിൽ ഉത്‌പാ​ദി​പ്പി​ക്കാൻ കഴിയുന്ന ഇതിനു വില താരത​മ്യേന കുറവാണ്‌—അമ്മയിൽ നിന്നു കുഞ്ഞിന്‌ എച്ച്‌ഐവി പിടി​പെ​ടാ​നുള്ള സാധ്യത ഗണ്യമാ​യി കുറയ്‌ക്കാൻ സാധി​ക്കും എന്ന്‌ യുഎൻ ശാസ്‌ത്രജ്ഞർ റിപ്പോർട്ടു ചെയ്യുന്നു. യുഎൻഎ​യ്‌ഡ്‌സി​ന്റെ സഹായ​ത്തോ​ടെ ഈ ചികി​ത്സ​യു​ടെ ചെലവ്‌ 50 ഡോള​റാ​യി കുറയ്‌ക്കാൻ കഴിഞ്ഞി​ട്ടുണ്ട്‌. കൂടാതെ, എച്ച്‌ഐവി ഉള്ള അമ്മമാ​രെ​യും അവരുടെ നവജാത ശിശു​ക്ക​ളെ​യും ചികി​ത്സി​ക്കു​ന്ന​തിന്‌ 3 ഡോളർ മാത്രം വിലവ​രുന്ന നെ​വൈ​റാ​പിൻ എന്ന മരുന്ന്‌ ഉപയോ​ഗി​ക്കു​ന്നത്‌, കുഞ്ഞു​ങ്ങൾക്ക്‌ വൈറസ്‌ പിടി​പെ​ടാ​തി​രി​ക്കാൻ എഇസഡ്‌റ്റി​യെ​ക്കാൾ കൂടുതൽ ഫലപ്ര​ദ​മാ​ണെന്നു തെളി​ഞ്ഞി​ട്ടു​ള്ള​താ​യി 1999 ജൂ​ലൈ​യിൽ എയ്‌ഡ്‌സി​നെ കുറിച്ചു ഗവേഷണം നടത്തു​ന്നവർ പ്രഖ്യാ​പി​ക്കു​ക​യു​ണ്ടാ​യി. ആരോഗ്യ രംഗത്തെ വിദഗ്‌ധർ പറയു​ന്നത്‌, ചികി​ത്സ​യ്‌ക്ക്‌ നെ​വൈ​റാ​പിൻ ഉപയോ​ഗി​ക്കുന്ന പക്ഷം ഓരോ വർഷവും 4,00,000-ത്തോളം നവജാ​ത​ശി​ശു​ക്കൾക്ക്‌ എച്ച്‌ഐവി പിടി​പെ​ടാ​തെ നോക്കാൻ കഴിയും എന്നാണ്‌.

കുഞ്ഞിന്‌ അമ്മയിൽ നിന്ന്‌ വൈറസ്‌ പിടി​പെ​ടാ​തി​രി​ക്കാൻ മാത്രമേ ഇത്തരം ചികി​ത്സകൾ ഉപകരി​ക്കൂ എന്നും ഒടുവിൽ, അവനെ അനാഥ​നാ​ക്കി​ക്കൊണ്ട്‌ അമ്മയ്‌ക്ക്‌ എയ്‌ഡ്‌സിന്‌ കീഴട​ങ്ങേ​ണ്ടി​വ​രു​മെ​ന്നും വാദി​ച്ചു​കൊണ്ട്‌ ഇത്തരം ചികി​ത്സ​കളെ വിമർശി​ക്കു​ന്ന​വ​രുണ്ട്‌. എന്നാൽ, ചികിത്സ നൽകാ​ത്ത​പക്ഷം ഒരു തെറ്റും ചെയ്യാത്ത ഈ കുരു​ന്നു​കൾ എച്ച്‌ഐവി പിടി​പെട്ട്‌ ഇഞ്ചിഞ്ചാ​യി മരിക്കു​മെ​ന്നും അത്‌ വളരെ സങ്കടകരം തന്നെയാ​ണെ​ന്നും യുഎൻ പറയുന്നു. ഇനി, എച്ച്‌ഐവി ഉള്ള അമ്മമാർ വർഷങ്ങ​ളോ​ളം ജീവി​ച്ചി​രു​ന്നേ​ക്കാ​മെ​ന്നും യുഎൻ വാദി​ക്കു​ന്നു. നേരത്തെ പരാമർശിച്ച സിന്ധ്യ​യു​ടെ കാര്യം​തന്നെ എടുക്കുക. 1985-ൽ, കുഞ്ഞു ജനിച്ച സമയത്താണ്‌ തനിക്ക്‌ എച്ച്‌ഐവി ഉള്ള കാര്യം അവർ മനസ്സി​ലാ​ക്കി​യത്‌. എന്നാൽ, രോഗ ലക്ഷണങ്ങൾ തലപൊ​ക്കി​യത്‌ എട്ടുവർഷ​ങ്ങൾക്കു ശേഷമാണ്‌. ജനിച്ച​പ്പോൾ എച്ച്‌ഐവി ഉണ്ടായി​രുന്ന ആ കുഞ്ഞാ​കട്ടെ, രണ്ടു വയസ്സാ​യ​പ്പോ​ഴേ​ക്കും അതിന്റെ പിടി​യിൽ നിന്നു മോചി​ത​യാ​യി കഴിഞ്ഞി​രു​ന്നു.

യഥാർഥ സുരക്ഷി​ത​ത്വം കളിയാ​ടുന്ന ഒരു പരിസ്ഥി​തി​യും എയ്‌ഡ്‌സ്‌ പോലുള്ള മഹാമാ​രി​കൾക്കു ശാശ്വ​ത​മായ ഒരു പരിഹാ​ര​വും തൊട്ടു​മു​ന്നി​ലു​ണ്ടെന്ന സാന്ത്വ​ന​ദാ​യ​ക​മായ ഉറപ്പു ബൈബിൾ നൽകുന്നു. (വെളി​പ്പാ​ടു 21:1-5) “എനിക്കു ദീനം എന്നു യാതൊ​രു നിവാ​സി​യും പറകയി”ല്ലാത്ത ഒരു പുതിയ ലോകത്തെ കുറിച്ചു യഹോ​വ​യാം ദൈവം വാഗ്‌ദാ​നം ചെയ്യുന്നു. (യെശയ്യാ​വു 33:24) ഈ ശാശ്വ​ത​മായ പരിഹാ​രത്തെ കുറിച്ചു നിങ്ങ​ളോ​ടു സംസാ​രി​ക്കാൻ യഹോ​വ​യു​ടെ സാക്ഷി​കൾക്കു താത്‌പ​ര്യ​മുണ്ട്‌. കൂടുതൽ വിവര​ങ്ങൾക്ക്‌, ദയവായി ഈ മാസി​ക​യു​ടെ പ്രസാ​ധ​ക​രു​മാ​യോ നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളു​മാ​യോ ബന്ധപ്പെ​ടുക.

[അടിക്കു​റി​പ്പു​കൾ]

[20-ാം പേജിലെ ചിത്ര​ങ്ങൾക്ക്‌ കടപ്പാട്‌]

WHO/E. Hooper