മത അസഹി​ഷ്‌ണുത കാട്ടി​യെന്ന്‌ ഇപ്പോൾ സമ്മതിച്ചു പറയുന്നു

ബ്രിട്ടനിലെ ഉണരുക! ലേഖകൻ

“മേരി രാജ്ഞി ചെയ്‌ത ‘ഘോര​കൃ​ത്യ​ങ്ങളെ’ പ്രതി ബിഷപ്പു​മാർ ഖേദം പ്രകടി​പ്പി​ക്കു​ന്നു” 1998 ഡിസംബർ 11-ലെ ബ്രിട്ടന്റെ കാത്തലിക്‌ ഹെറാൾഡി​ന്റെ തലക്കെട്ട്‌ അങ്ങനെ​യാ​യി​രു​ന്നു. “കത്തോ​ലി​ക്കാ മതത്തിന്റെ പേരിൽ ഘോര​കൃ​ത്യ​ങ്ങൾ നടന്നി​ട്ടു​ണ്ടെ​ന്നും ഗ്രേറ്റ്‌ ബ്രിട്ട​നി​ലെ മതനവീ​കരണ കാലത്ത്‌ പ്രൊ​ട്ട​സ്റ്റ​ന്റു​കാ​രോ​ടു ചെയ്‌ത ക്രൂര​കൃ​ത്യ​ങ്ങൾ അതിന്‌ ഉദാഹ​ര​ണ​മാ​ണെ​ന്നും” ഇംഗ്ലണ്ടി​ലെ​യും വെയ്‌ൽസി​ലെ​യും റോമൻ കത്തോ​ലി​ക്കാ ബിഷപ്പു​മാർ സമ്മതിച്ചു പറഞ്ഞു. മേരി രാജ്ഞി ആരായി​രു​ന്നു? ബിഷപ്പു​മാർ കുറ്റസ​മ്മതം നടത്താൻ തക്കവിധം എന്തെല്ലാം ദുഷ്‌കൃ​ത്യ​ങ്ങ​ളാ​ണു മേരി രാജ്ഞി ചെയ്‌തത്‌? കുറ്റസ​മ്മതം നടത്താൻ ഇംഗ്ലണ്ടി​ലെ​യും വെയ്‌ൽസി​ലെ​യും ബിഷപ്പു​മാർ ആ സമയം തിര​ഞ്ഞെ​ടു​ത്തത്‌ എന്തു​കൊ​ണ്ടാ​യി​രു​ന്നു?

റോമൻ കത്തോ​ലി​ക്കാ മതം അധീശ​ത്വം പുലർത്തി​യി​രുന്ന ഇംഗ്ലണ്ടിൽ, 1516-ലാണ്‌ മേരി ട്യൂഡർ ജനിച്ചത്‌. ഹെൻറി VIII-ാമൻ രാജാ​വിന്‌ ആദ്യ ഭാര്യ​യായ അരഗൊ​ണി​ലെ കാത​റൈ​നിൽ ഉണ്ടായ കുട്ടി​ക​ളിൽ ജീവ​നോ​ടെ അവശേ​ഷിച്ച ഒരേ​യൊ​രു കുട്ടി​യാ​യി​രു​ന്നു മേരി. ഒരു ഉറച്ച കത്തോ​ലി​ക്കാ വിശ്വാ​സി ആയാണു മേരിയെ അമ്മ വളർത്തി​ക്കൊ​ണ്ടു​വ​ന്നത്‌. തന്റെ പിന്തു​ടർച്ചാ​വ​കാ​ശി​യാ​യി ഒരു ആൺകുട്ടി വേണ​മെന്ന്‌ ഹെൻറി രാജാവ്‌ വളരെ​യ​ധി​കം ആഗ്രഹി​ച്ചി​രു​ന്നു. എന്നാൽ കാത​റൈന്‌ ആ ആഗ്രഹം സാധിച്ചു കൊടു​ക്കാ​നാ​യില്ല. കാത​റൈ​നു​മാ​യുള്ള വിവാ​ഹ​ബന്ധം വേർപി​രി​ക്കാൻ പാപ്പാ സമ്മതി​ക്കാ​ഞ്ഞ​തി​നാൽ, ഹെൻറി സ്വയം ചില കാര്യങ്ങൾ ചെയ്യാൻ തീരു​മാ​നി​ച്ചു, അങ്ങനെ ഇംഗ്ലണ്ടിൽ പ്രൊ​ട്ട​സ്റ്റന്റ്‌ മതനവീ​ക​ര​ണ​ത്തി​നു കളമൊ​രു​ങ്ങി. 1533-ൽ അദ്ദേഹം ആൻ ബുളിനെ വിവാഹം കഴിച്ചു. കാന്റർബ​റി​യി​ലെ ആർച്ചു​ബി​ഷ​പ്പായ തോമസ്‌ ക്രാൻമെർ, ഹെൻറി​യു​ടെ ആദ്യ വിവാ​ഹത്തെ നിയമ​സാ​ധു​ത​യി​ല്ലാ​ത്ത​താ​യി പ്രഖ്യാ​പി​ക്കു​ന്ന​തി​നു നാലു മാസം മുമ്പാ​യി​രു​ന്നു അത്‌.

അടുത്ത വർഷം​തന്നെ ഹെൻറി റോമൻ കത്തോ​ലി​ക്കാ സഭയു​മാ​യുള്ള തന്റെ എല്ലാ ബന്ധങ്ങളും വിച്ഛേ​ദി​ക്കു​ക​യും ചർച്ച്‌ ഓഫ്‌ ഇംഗ്ലണ്ടി​ന്റെ പരമാ​ധി​കാ​രി​യാ​യി​ത്തീ​രു​ക​യും ചെയ്‌തു. തന്റെ അവസാന വർഷങ്ങ​ളിൽ പൊതു​ജീ​വി​ത​ത്തിൽ നിന്നകന്നു പാർക്കാൻ കാത​റൈൻ നിർബ​ന്ധിത ആയിത്തീർന്നി​രു​ന്ന​തു​കൊണ്ട്‌, മേരിക്ക്‌—അപ്പോൾ ഒരു അവിഹിത സന്തതി മാത്ര​മാ​യി കണക്കാ​ക്ക​പ്പെ​ട്ടി​രു​ന്നു—തന്റെ അമ്മയെ പിന്നീ​ടൊ​രി​ക്ക​ലും കാണാൻ സാധി​ച്ചില്ല.

പ്രൊ​ട്ട​സ്റ്റന്റ്‌ അസഹി​ഷ്‌ണു​ത

ഹെൻറി​യെ സഭയുടെ അധികാ​രി​യാ​യി അംഗീ​ക​രി​ക്കാ​തി​രി​ക്കു​ക​യും പാപ്പാ​യു​ടെ അധികാ​രത്തെ അംഗീ​ക​രി​ക്കു​ക​യും ചെയ്‌ത​വ​രായ ചിലർ പിന്നീ​ടു​വന്ന 13 വർഷങ്ങ​ളിൽ വധിക്ക​പ്പെട്ടു. 1547-ൽ ഹെൻറി​യു​ടെ മരണത്തെ തുടർന്ന്‌, ഒമ്പതു വയസ്സു​ണ്ടാ​യി​രുന്ന മകൻ, എഡ്വേർഡ്‌ അധികാ​ര​ത്തി​ലേറി. ഹെൻറി​യു​ടെ ആറു ഭാര്യ​മാ​രിൽ മൂന്നാ​മത്തെ ഭാര്യ​യിൽ ജനിച്ച, എഡ്വേർഡ്‌ ആയിരു​ന്നു അദ്ദേഹ​ത്തി​ന്റെ ഏക നിയമാ​നു​സൃത പുത്രൻ. എഡ്വേർഡും അദ്ദേഹ​ത്തി​ന്റെ ഉപദേ​ശ​ക​ന്മാ​രും ഇംഗ്ലണ്ടി​നെ ഒരു പ്രൊ​ട്ട​സ്റ്റന്റ്‌ രാഷ്‌ട്ര​മാ​ക്കാ​നുള്ള നീക്കമാ​രം​ഭി​ച്ചു. അതിന്റെ ഭാഗമാ​യി, റോമൻ കത്തോ​ലി​ക്കാ മതവി​ശ്വാ​സി​കൾ പീഡി​പ്പി​ക്ക​പ്പെട്ടു, പള്ളിക​ളിൽ നിന്ന്‌ അൾത്താ​രകൾ പൊളി​ച്ചു മാറ്റു​ക​യും രൂപങ്ങൾ എടുത്തു കളയു​ക​യും ചെയ്‌തു.

ഇംഗ്ലീ​ഷി​ലു​ള്ള ബൈബിൾ അച്ചടി​ക്കു​ന്ന​തി​നും വായി​ക്കു​ന്ന​തി​നും ഏർപ്പെ​ടു​ത്തി​യി​രുന്ന വിലക്കു​കൾ പെട്ടെ​ന്നു​തന്നെ നീക്കം ചെയ്‌തു. ബൈബിൾ വായന ഉൾപ്പെ​ടുന്ന സഭാ ശുശ്രൂ​ഷകൾ ലത്തീനി​ലല്ല, മറിച്ച്‌ ഇംഗ്ലീ​ഷിൽ നടത്താൻ തീരു​മാ​നി​ച്ചു. എന്നാൽ, 1553-ൽ 15 വയസ്സു മാത്ര​മു​ണ്ടാ​യി​രുന്ന എഡ്വേർഡ്‌ ടി ബി പിടി​പെട്ട്‌ അകാല ചരമമ​ടഞ്ഞു. യഥാർഥ പിന്തു​ടർച്ചാ​വ​കാ​ശി​യാ​യി കണക്കാ​ക്ക​പ്പെട്ട മേരി തുടർന്ന്‌ ഇംഗ്ലണ്ടി​ന്റെ രാജ്ഞി​യാ​യി.

കത്തോ​ലിക്ക അസഹി​ഷ്‌ണു​ത

സിംഹാ​സ​ന​ത്തി​ലേ​റിയ 37-കാരി മേരിയെ ജനങ്ങൾ വരവേ​റ്റെ​ങ്കി​ലും, ജനപി​ന്തുണ നഷ്ടമാ​കാൻ അധിക​നാൾ വേണ്ടി​വ​ന്നില്ല. അവരുടെ പ്രജകൾ പ്രൊ​ട്ട​സ്റ്റന്റു മതവു​മാ​യി അനുരൂ​പ​പ്പെട്ടു കഴിഞ്ഞി​രു​ന്നു. എന്നാൽ മേരി​യാ​കട്ടെ ഇംഗ്ലണ്ടി​നെ റോമൻ കത്തോ​ലി​ക്കാ രാഷ്‌ട്ര​മാ​ക്കി മാറ്റാൻ തീരു​മാ​നി​ച്ചു. എഡ്വേർഡ്‌ പ്രാബ​ല്യ​ത്തി​ലാ​ക്കിയ എല്ലാ മതനി​യ​മ​ങ്ങ​ളും ചുരു​ങ്ങിയ കാലം കൊണ്ട്‌ അവർ റദ്ദു ചെയ്‌തു. രാഷ്‌ട്ര​ത്തി​നു വേണ്ടി മേരി, പാപ്പാ​യു​ടെ ക്ഷമ യാചിച്ചു. ഇംഗ്ലണ്ട്‌ വീണ്ടും ഒരു റോമൻ കത്തോ​ലി​ക്കാ രാഷ്‌ട്ര​മാ​യി​ത്തീർന്നു.

റോമൻ കത്തോ​ലി​ക്കാ സഭ വീണ്ടും ഇംഗ്ലണ്ടിൽ അധീശ​ത്വം പുലർത്താൻ തുടങ്ങി​യ​തോ​ടെ പ്രൊ​ട്ട​സ്റ്റ​ന്റു​കാർക്കെ​തി​രെ പീഡന​ത്തി​ന്റെ കൊടു​ങ്കാറ്റ്‌ ആഞ്ഞുവീ​ശി. ശരീര​മാ​സ​കലം പടരു​ന്ന​തി​നു മുമ്പായി നീക്കം ചെയ്യേണ്ട മാരക​മായ ഒരു പരുവി​നോ​ടാണ്‌ പ്രൊ​ട്ട​സ്റ്റ​ന്റു​കാ​രെ ഉപമി​ച്ചി​രു​ന്നത്‌. തത്‌ഫ​ല​മാ​യി, കത്തോ​ലി​ക്കാ സഭയുടെ ഉപദേ​ശങ്ങൾ സ്വീക​രി​ക്കാഞ്ഞ അനേകരെ സ്‌തം​ഭ​ത്തി​ലേറ്റി ജീവ​നോ​ടെ ചുട്ടെ​രി​ച്ചു.

മതവി​രോ​ധി​കളെ ശിക്ഷി​ക്കു​ന്നു

മേരി​യു​ടെ വാഴ്‌ച​ക്കാ​ലത്ത്‌ ആദ്യമാ​യി വധിക്ക​പ്പെ​ട്ടത്‌ ജോൺ റോ​ജേ​ഴ്‌സ്‌ ആയിരു​ന്നു. ജയിംസ്‌ രാജാ​വി​ന്റെ ഭാഷാ​ന്ത​ര​ത്തിന്‌ ആധാര​മാ​യി​ത്തീർന്ന, ‘മാത്യൂസ്‌ ബൈബിൾ’ സമാഹ​രി​ച്ചത്‌ അദ്ദേഹ​മാ​യി​രു​ന്നു. “വിനാ​ശ​ക​മായ പാപ്പാ​മതം, വിഗ്ര​ഹാ​രാ​ധന, അന്ധവി​ശ്വാ​സം” എന്നിവ​യ്‌ക്കെ​തി​രെ റോമൻ കത്തോ​ലി​ക്കാ വിരുദ്ധ പ്രസംഗം നടത്തിയ അദ്ദേഹത്തെ ഒരു വർഷ​ത്തേക്കു തടവി​ലാ​ക്കു​ക​യും മതവി​രോ​ധി​യെന്ന കുറ്റമാ​രോ​പിച്ച്‌ 1555 ഫെബ്രു​വ​രി​യിൽ ചുട്ടെ​രി​ക്കു​ക​യും ചെയ്‌തു.

ഗ്ലോസ്റ്റ​റി​ലെ​യും വുസ്റ്ററി​ലെ​യും ബിഷപ്പാ​യി​രുന്ന ജോൺ ഹൂപ്പറി​നെ​യും മതവി​രോ​ധി​യെന്നു മുദ്ര​കു​ത്തി. വൈദി​കർക്കു വിവാഹം കഴിക്കാ​മെ​ന്നും വ്യഭി​ചാ​ര​ത്തി​ന്റെ അടിസ്ഥാ​ന​ത്തിൽ വിവാ​ഹ​മോ​ചനം നേടാ​മെ​ന്നും അദ്ദേഹം പ്രഖ്യാ​പി​ച്ചു. കുർബാ​ന​യു​ടെ സമയത്ത്‌ ക്രിസ്‌തു അക്ഷരീ​യ​മാ​യി​ത്തന്നെ സാന്നി​ധ്യ​വാ​നാ​കു​ന്നു എന്ന സംഗതി​യും അദ്ദേഹം തള്ളിക്ക​ളഞ്ഞു. ഹൂപ്പറി​നെ​യും ജീവ​നോ​ടെ ദഹിപ്പി​ച്ചു. ഏതാണ്ട്‌ മുക്കാൽ മണിക്കൂ​റു​കൊണ്ട്‌ ഇഞ്ചിഞ്ചാ​യാണ്‌ അദ്ദേഹത്തെ കൊന്നത്‌. 70 വയസ്സുള്ള പ്രൊ​ട്ട​സ്റ്റന്റ്‌ സുവി​ശേ​ഷകൻ ഹ്യൂ ലാറ്റി​മെർ ആയിരു​ന്നു ചുട്ടെ​രി​ക്ക​പ്പെട്ട മറ്റൊരു വ്യക്തി. തന്നോ​ടു​കൂ​ടെ സ്‌തം​ഭ​ത്തിൽ മരണം കാത്തു​കി​ടന്ന, സഹ മതപരി​ഷ്‌കർത്താ​വാ​യി​രുന്ന നിക്കോ​ളാസ്‌ റിഡ്‌ലിക്ക്‌ അദ്ദേഹം പിൻവ​രുന്ന പ്രോ​ത്സാ​ഹ​ന​മേകി: “ധൈര്യ​മാ​യി​രി​ക്കൂ മാസ്റ്റർ റിഡ്‌ലി, പുരു​ഷ​ത്വം കാട്ടൂ. ദൈവ​കൃ​പ​യാൽ, നാം ഇന്നേദി​വസം കൊളു​ത്താൻ പോകുന്ന തിരി​നാ​ളം ഇംഗ്ലണ്ടിൽ ഒരിക്ക​ലും കെടില്ല.

ഹെൻറി, എഡ്വേർഡ്‌ എന്നിവ​രു​ടെ ഭരണകാ​ലത്ത്‌, കാന്റർബ​റി​യി​ലെ പ്രഥമ പ്രൊ​ട്ട​സ്റ്റന്റ്‌ ആർച്ചു ബിഷപ്പാ​യി​രുന്ന തോമസ്‌ ക്രാൻമെ​റി​നെ​യും ഒരു മതവി​രോ​ധി​യാ​യി കുറ്റം​വി​ധി​ച്ചു. ആദ്യം പ്രൊ​ട്ട​സ്റ്റന്റ്‌ വിശ്വാ​സ​ങ്ങളെ മറുത്തു പറഞ്ഞെ​ങ്കി​ലും അവസാന നിമി​ഷ​ത്തിൽ അദ്ദേഹം പാപ്പായെ ക്രിസ്‌തു​വി​രോ​ധി​യാ​യി പ്രഖ്യാ​പി​ച്ചു​കൊണ്ട്‌ പരസ്യ​മാ​യി എല്ലാം തിരിച്ചു പറഞ്ഞു. തുടർന്ന്‌ തന്റെ മതവി​ശ്വാ​സ​ങ്ങളെ തള്ളിപ്പ​റ​ഞ്ഞു​കൊ​ണ്ടുള്ള രേഖയിൽ ഒപ്പു​വെ​ച്ച​തി​ന്റെ കുറ്റം ഉള്ളതു​കൊണ്ട്‌ തന്റെ വലതു​കരം അദ്ദേഹം ആദ്യം ചുട്ടെ​രി​ച്ചു.

ധനിക​രാ​യ 800 പ്രൊ​ട്ട​സ്റ്റ​ന്റു​കാ​രെ​ങ്കി​ലും പ്രാണ​ര​ക്ഷാർഥം അന്യരാ​ജ്യ​ങ്ങ​ളി​ലേക്കു പലായനം ചെയ്‌തു. എങ്കിലും അടുത്ത മൂന്നേ​മു​ക്കാൽ വർഷ​ത്തേക്ക്‌, അതായത്‌ മേരി മരിക്കു​ന്ന​തു​വരെ, ഇംഗ്ലണ്ടിൽ ചുരു​ങ്ങിയ പക്ഷം 277 പേരെ സ്‌തം​ഭ​ത്തി​ലേറ്റി കത്തിച്ചു. തങ്ങൾ എന്താണു വിശ്വ​സി​ക്കേ​ണ്ടത്‌ എന്നതു സംബന്ധിച്ച്‌ ആകെപ്പാ​ടെ ചിന്താ​ക്കു​ഴ​പ്പ​ത്തിൽ ആയ സാധാ​ര​ണ​ക്കാ​രാ​യി​രു​ന്നു വധിക്ക​പ്പെ​ട്ട​വ​രിൽ പലരും. പോപ്പി​നെ അധി​ക്ഷേ​പി​ക്കു​ന്നതു മാത്രം കേട്ടു​വ​ളർന്ന ചെറു​പ്പ​ക്കാർ ഇപ്പോൾ പോപ്പി​നെ​തി​രെ സംസാ​രി​ക്കു​ന്നതു നിമിത്തം ശിക്ഷി​ക്ക​പ്പെട്ടു. മറ്റുചി​ല​രാ​കട്ടെ ബൈബിൾ സ്വന്തമാ​യി വായി​ക്കാൻ പഠിക്കു​ക​യും തങ്ങളു​ടേ​തായ മതാഭി​പ്രാ​യ​ങ്ങൾക്കു രൂപം കൊടു​ക്കു​ക​യും ചെയ്‌തി​രു​ന്നു.

പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും ഇഞ്ചിഞ്ചാ​യി വെന്തു​മ​രി​ക്കുന്ന കാഴ്‌ച അനേക​രെ​യും ഞെട്ടി​ച്ചു​ക​ളഞ്ഞു. ചരി​ത്ര​കാ​രി​യായ കാരൊ​ളി എറിക്‌സൺ അത്തരത്തി​ലൊ​രു രംഗം പിൻവ​രുന്ന വിധം വിവരി​ക്കു​ന്നു: “ചുട്ടെ​രി​ക്കാ​നാ​യി ഒട്ടുമി​ക്ക​പ്പോ​ഴും ഉപയോ​ഗി​ച്ചി​രു​ന്നതു പച്ച വിറകാ​യി​രു​ന്നു. മാത്രമല്ല, തീ പിടി​പ്പി​ക്കാ​നാ​യുള്ള കോര​പ്പുല്ല്‌ നനഞ്ഞി​രു​ന്ന​തി​നാൽ എളുപ്പ​ത്തിൽ കത്തുമാ​യി​രു​ന്നില്ല. അവരുടെ ശരീര​ത്തിൽ കെട്ടി​വെ​ച്ചി​രുന്ന വെടി​മ​രു​ന്നു സഞ്ചികൾ—വേദന​യു​ടെ സമയ​ദൈർഘ്യം കുറയ്‌ക്കാ​നാ​യി—കത്തുമാ​യി​രു​ന്നില്ല, അല്ലെങ്കിൽ അത്‌ അവരെ കൊല്ലാ​തെ അംഗഭം​ഗ​പ്പെ​ടു​ത്തു​മാ​യി​രു​ന്നു.” വായിൽ തുണി തിരു​കു​ക​യി​ല്ലാ​യി​രു​ന്ന​തി​നാൽ, “മരിക്കുന്ന അവസാന നിമിഷം വരെയും ഉള്ള അവരുടെ അലർച്ച​ക​ളും പ്രാർഥ​ന​ക​ളും കേൾക്കാ​നാ​കു​മാ​യി​രു​ന്നു.”

ഉപദേ​ശ​ങ്ങൾ അടി​ച്ചേൽപ്പി​ക്കാ​നാ​യി, ആളുകളെ സ്‌തം​ഭ​ത്തി​ലേറ്റി ചുട്ടെ​രി​ക്കുന്ന ഒരു മതത്തെ നല്ലൊരു ഭാഗം ആളുക​ളും സംശയി​ക്കാൻ തുടങ്ങി. പ്രൊ​ട്ട​സ്റ്റന്റ്‌ രക്തസാ​ക്ഷി​ക​ളോ​ടുള്ള സഹതാപം അവരെ കുറിച്ചു ഗാനങ്ങ​ളെ​ഴു​താൻ വീരഗാ​ഥാ രചയി​താ​ക്കൾക്കു പ്രചോ​ദ​ന​മേകി. അങ്ങനെ ജോൺ ഫോക്‌സ്‌, രക്തസാ​ക്ഷി​ക​ളു​ടെ ഗ്രന്ഥം (ഇംഗ്ലീഷ്‌) എന്ന പുസ്‌തകം എഴുതി. ഏതാണ്ട്‌ ബൈബിൾ പോ​ലെ​തന്നെ പ്രൊ​ട്ട​സ്റ്റന്റ്‌ മതപരി​ഷ്‌കർത്താ​ക്കളെ സ്വാധീ​നിച്ച ഒരു പുസ്‌ത​ക​മാ​യി​രു​ന്നു അത്‌. മേരി​യു​ടെ വാഴ്‌ച​യു​ടെ ആദ്യഘ​ട്ട​ത്തിൽ റോമൻ കത്തോ​ലി​ക്ക​രാ​യി​രുന്ന അനേകർ അതിന്റെ അവസാ​ന​മാ​യ​പ്പോ​ഴേ​ക്കും പ്രൊ​ട്ട​സ്റ്റ​ന്റു​കാ​രാ​യി മാറി.

മേരി തനിക്കാ​യി സമ്പാദിച്ച പേര്‌

സ്‌പെ​യി​നി​ന്റെ സിംഹാ​സ​ന​ത്തിന്‌ അവകാ​ശി​യായ തന്റെ കസിൻ ഫിലി​പ്പി​നെ വിവാഹം ചെയ്യു​മെന്നു രാജ്ഞി​യാ​യി​ത്തീർന്ന ശേഷം മേരി പറയു​ക​യു​ണ്ടാ​യി. വിദേശ രാജാ​വായ അദ്ദേഹം ഒരു മൂത്ത കത്തോ​ലി​ക്കാ വിശ്വാ​സി​യാ​യി​രു​ന്നു. അതാകട്ടെ മിക്ക ഇംഗ്ലീ​ഷു​കാ​രും അങ്ങേയറ്റം വെറു​ത്തി​രുന്ന ഒരു സംഗതി​യും. ഈ വിവാ​ഹ​ത്തി​നെ​തി​രെ പ്രതി​ഷേ​ധി​ച്ചു​കൊണ്ട്‌ പ്രൊ​ട്ട​സ്റ്റ​ന്റു​കാർ സംഘടി​പ്പിച്ച വിപ്ലവം പരാജ​യ​മ​ട​യു​ക​യും 100 വിപ്ലവ​കാ​രി​കൾ വധിക്ക​പ്പെ​ടു​ക​യും ചെയ്‌തു. ഫിലി​പ്പിന്‌ സിംഹാ​സനം കിട്ടി​യി​ല്ലെ​ങ്കി​ലും 1554 ജൂലൈ 25-ന്‌ ഫിലി​പ്പി​ന്റെ​യും മേരി​യു​ടെ​യും വിവാഹം നടന്നു. എങ്കിലും റോമൻ കത്തോ​ലി​ക്ക​നായ ഒരു അവകാശി തനിക്കു പിൻഗാ​മി​യാ​യി വേണ​മെ​ന്നാ​ഗ്ര​ഹിച്ച മേരിക്കു കുട്ടി​ക​ളൊ​ന്നും ഉണ്ടാകാ​തി​രു​ന്നത്‌ അവരെ വല്ലാതെ അലട്ടി​യി​രു​ന്നു.

മേരി​യു​ടെ ആരോ​ഗ്യം ക്ഷയിച്ചു, വെറും അഞ്ചു വർഷം മാത്രം ഭരണം നടത്തിയ ശേഷം 42-ാമത്തെ വയസ്സിൽ അവർ മരണമ​ടഞ്ഞു. മരണം വരെയും അവർ കണ്ണീരു കുടി​ക്കു​ക​യാ​യി​രു​ന്നു. മേരി​യു​ടെ ഭർത്താവ്‌ അവരെ​ക്കൊ​ണ്ടു മടുത്തി​രു​ന്നു, പ്രജക​ളിൽ ഒട്ടുമു​ക്കാ​ലും അവരെ വെറു​ത്തി​രു​ന്നു. ലണ്ടൻകാ​രിൽ പലരും തെരു​വു​ക​ളിൽ പാർട്ടി​കൾ നടത്തി അവരുടെ മരണം ആഘോ​ഷി​ച്ചു. മേരി​യു​ടെ മതഭ്രാന്ത്‌ ഫലത്തിൽ, റോമൻ കത്തോ​ലി​ക്കാ മതത്തെ പുനഃ​പ്ര​തി​ഷ്‌ഠി​ക്കു​കയല്ല മറിച്ച്‌ പ്രൊ​ട്ട​സ്റ്റന്റു മതത്തിന്‌ കരു​ത്തേ​കു​ക​യാ​ണു ചെയ്‌തത്‌. “രക്തദാ​ഹി​യായ മേരി” എന്ന പേരിൽ അവർ അറിയ​പ്പെ​ടു​ന്ന​തി​നാൽ ആളുകൾ അവരെ എങ്ങനെ വീക്ഷി​ച്ചി​രു​ന്നു എന്നു നമുക്കു മനസ്സി​ലാ​ക്കാ​നാ​കും.

തെറ്റായി പ്രേരി​ത​മായ മനഃസാ​ക്ഷി

ഇത്രയ​ധി​കം ആളുകളെ ചുട്ടെ​രി​ക്കാൻ മേരി ഉത്തരവി​ട്ടത്‌ എന്തു​കൊ​ണ്ടാണ്‌? കാരണം, മതവി​രോ​ധി​കൾ ദൈവ​ത്തോ​ടു വിശ്വാ​സ​വഞ്ചന കാട്ടു​ന്ന​വ​രാ​ണെ​ന്നാണ്‌ അവരെ പഠിപ്പി​ച്ചി​രു​ന്നത്‌. അത്തരക്കാ​രു​ടെ സ്വാധീ​നം മുഴു രാഷ്‌ട്ര​ത്തി​ലും വ്യാപി​ക്കു​ന്ന​തി​നു മുമ്പായി അവരെ വേരോ​ടെ പിഴു​തു​ക​ള​യേ​ണ്ടത്‌ തന്റെ കർത്തവ്യ​മാ​ണെന്ന്‌ അവർ വിശ്വ​സി​ച്ചി​രു​ന്നു. സ്വന്ത മനഃസാ​ക്ഷി​യു​ടെ ശബ്ദത്തിനു ചെവി​കൊ​ടുത്ത അവർ, തങ്ങളുടെ മനഃസാ​ക്ഷി​യ​നു​സ​രിച്ച്‌ മറ്റൊരു ദിശയിൽ പ്രവർത്തി​ച്ച​വ​രു​ടെ അവകാ​ശ​ങ്ങളെ തള്ളിക്ക​ള​യു​ക​യാ​ണു ചെയ്‌തത്‌.

എന്നാൽ അസഹി​ഷ്‌ണു​ത​യു​ടെ കാര്യ​ത്തിൽ പ്രൊ​ട്ട​സ്റ്റ​ന്റു​കാ​രും ഒട്ടും​തന്നെ പിന്നി​ല​ല്ലാ​യി​രു​ന്നു. ഹെൻറി​യും എഡ്വേർഡും ആളുകളെ അവരുടെ മത വിശ്വാ​സങ്ങൾ നിമിത്തം ചുട്ടു​കൊ​ന്നി​രു​ന്നു. മേരിക്കു ശേഷം അധികാ​ര​ത്തിൽ വന്ന പ്രൊ​ട്ട​സ്റ്റ​ന്റു​കാ​രി​യായ എലിസ​ബത്ത്‌ I, റോമൻ കത്തോ​ലി​ക്കാ മതം ആചരി​ക്കു​ന്നത്‌ ഒരു രാജ്യ​ദ്രോ​ഹ​ക്കു​റ്റ​മാ​യി പ്രഖ്യാ​പി​ക്കു​ക​യും തന്റെ ഭരണകാ​ലത്ത്‌ 180-ലധികം ഇംഗ്ലീ​ഷു​കാ​രായ റോമൻ കത്തോ​ലി​ക്കരെ വധിക്കു​ക​യും ചെയ്‌തു. പിന്നീ​ടു​വന്ന ഒരു നൂറ്റാണ്ടു കാലത്ത്‌, തങ്ങളുടെ മത വിശ്വാ​സ​ങ്ങളെ പ്രതി നൂറു​ക​ണ​ക്കി​നാ​ളു​കൾ കൂടി കൊല്ല​പ്പെ​ടു​ക​യു​ണ്ടാ​യി.

എന്തു​കൊണ്ട്‌ ഇപ്പോൾ ഈ ക്ഷമാപണം?

ഐക്യ​രാ​ഷ്‌ട്ര​ങ്ങ​ളു​ടെ ‘സാർവ​ദേ​ശീയ മനുഷ്യാ​വ​കാശ പ്രഖ്യാ​പന’ത്തിന്റെ 50-ാം വാർഷി​ക​മാ​യി​രു​ന്നു 1998 ഡിസംബർ 10-ന്‌. “ചിന്താ സ്വാത​ന്ത്ര്യ​ത്തി​നും മനഃസാ​ക്ഷി സ്വാത​ന്ത്ര്യ​ത്തി​നും മത സ്വാത​ന്ത്ര്യ​ത്തി​നും ഉള്ള അവകാശ”ത്തെ അതിന്റെ 18-ാം വകുപ്പ്‌ അംഗീ​ക​രി​ക്കു​ന്നുണ്ട്‌. മതം മാറാ​നും അതു പഠിപ്പി​ക്കാ​നും ആചരി​ക്കാ​നു​മുള്ള സ്വാത​ന്ത്ര്യം ഇതിൽ ഉൾപ്പെ​ടു​ന്നു. അതു​കൊ​ണ്ടാണ്‌, ഇംഗ്ലണ്ടി​ലെ​യും വെയ്‌ൽസി​ലെ​യും റോമൻ കത്തോ​ലി​ക്കാ ബിഷപ്പു​മാർ “കത്തോ​ലി​ക്കർക്ക്‌ ഈ കാര്യ​ങ്ങ​ളി​ലുള്ള തങ്ങളുടെ മനഃസാ​ക്ഷി​യെ പരി​ശോ​ധി​ക്കു​ന്ന​തി​നും” പ്രത്യേ​കി​ച്ചും മേരി ട്യൂഡ​റി​ന്റെ കാലത്ത്‌ കാട്ടി​ക്കൂ​ട്ടിയ “ഘോര​കൃ​ത്യ”ങ്ങൾ സമ്മതി​ക്കാ​നും “പറ്റിയ ഒരവസ​ര​മാ​യി” ഈ 50-ാം വാർഷി​കം തിര​ഞ്ഞെ​ടു​ത്തത്‌.

ഏതാണ്ട്‌ 450 വർഷങ്ങൾക്ക്‌ മുമ്പു കാണിച്ച മത അസഹി​ഷ്‌ണു​ത​യ്‌ക്ക്‌ ഇപ്പോൾ മാപ്പു ചോദി​ച്ചെ​ങ്കി​ലും, മത അസഹി​ഷ്‌ണു​ത​യു​ടെ കാര്യ​ത്തിൽ യഥാർഥ​ത്തിൽ എന്തെങ്കി​ലും മാറ്റം വന്നിട്ടു​ണ്ടോ? ഇന്ന്‌ ആരെയും സ്‌തം​ഭ​ത്തിൽ കെട്ടി ദഹിപ്പി​ക്കു​ന്നി​ല്ലാ​യി​രി​ക്കാം. എന്നിരു​ന്നാ​ലും ക്രിസ്‌ത്യാ​നി​ക​ളെന്നു വിളി​ക്ക​പ്പെ​ടുന്ന അനേകർ ഇപ്പോ​ഴും മറ്റു മതങ്ങളിൽപ്പെ​ട്ട​വരെ കഠിന​മാ​യി ദ്രോ​ഹി​ക്കു​ക​യും കശാപ്പു ചെയ്യു​ക​യും ചെയ്യു​ന്നുണ്ട്‌. അത്തരം അസഹി​ഷ്‌ണുത ദൈവ​ത്തി​നു പ്രസാ​ദ​ക​രമല്ല. വാസ്‌ത​വ​ത്തിൽ ദൈവ​ത്തി​ന്റെ വ്യക്തി​ത്വം പൂർണ​മാ​യി പ്രതി​ഫ​ലി​പ്പിച്ച യേശു​ക്രി​സ്‌തു ഇങ്ങനെ പ്രഖ്യാ​പി​ച്ചു: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും.”—യോഹ​ന്നാൻ 13:35.

[12-ാം പേജിലെ ചിത്രം]

മേരി രാജ്ഞി

[12-ാം പേജിലെ ചിത്രം]

From the book A Short History of the English People

[കടപ്പാട്‌]

From the book Foxe’s Book of Martyrs

[13-ാം പേജിലെ ചിത്രം]

ലാറ്റിമെറെയും റിഡ്‌ലി​യെ​യും സ്‌തം​ഭ​ത്തിൽ ചുട്ടെ​രി​ച്ചു

[13-ാം പേജിലെ ചിത്രം]

തന്റെ വലതു​കരം ആദ്യം കത്തി​യെ​രി​യു​ന്നു​വെന്ന്‌ ക്രാൻമെർ ഉറപ്പു​വ​രു​ത്തു​ന്നു

[കടപ്പാട്‌]

From the book The History of England (Vol. 1)

[12-ാം പേജിലെ ചിത്ര​ങ്ങൾക്ക്‌ കടപ്പാട്‌]

Border: 200 Decorative Title-Pages/Alexander Nesbitt/Dover Publications, Inc.