യുവജ​നങ്ങൾ ചോദി​ക്കു​ന്നു . . .

എനിക്കു ഡേറ്റി​ങ്ങി​നുള്ള പ്രായ​മാ​യി​ട്ടി​ല്ലെന്ന്‌ എന്റെ മാതാ​പി​താ​ക്കൾ കരുതു​ന്നു​വെ​ങ്കി​ലോ?

“മമ്മി ഏതു കാലത്താ​ണു ജീവി​ക്കു​ന്നത്‌? ഇത്‌ ’50-കൾ അല്ല. ഇപ്പോൾ ഡേറ്റിങ്‌ നടത്താത്ത ആരുമില്ല! മമ്മി വിചാ​രി​ക്കു​ന്ന​തു​പോ​ലെ ഞാനി​പ്പോൾ കൊച്ചു​കു​ട്ടി​യൊ​ന്നു​മല്ല.”—16 വയസ്സു​കാ​രി ജെന്നി.a

നിങ്ങൾക്ക്‌ ഡേറ്റിങ്‌ നടത്താ​നുള്ള പ്രായ​മാ​യി​ട്ടി​ല്ലെന്ന്‌ ആരെങ്കി​ലും പറയു​ന്നത്‌ നിങ്ങളെ നിരാ​ശ​പ്പെ​ടു​ത്തി​യേ​ക്കാം. ഒരു യുവാവ്‌ ഇങ്ങനെ പറയുന്നു: “ബൈബിൾ പറയു​ന്ന​തു​പോ​ലെ അച്ഛനെ​യും അമ്മയെ​യും ബഹുമാ​നി​ക്ക​ണ​മെന്ന്‌ എനിക്ക്‌ ആഗ്രഹ​മുണ്ട്‌. എന്നാൽ അവർ പറയു​ന്നത്‌ ശരിയാ​ണെന്ന്‌ എനിക്കു തോന്നു​ന്നില്ല. ഇതിനെ കുറിച്ച്‌ അവരു​മാ​യി എങ്ങനെ ചർച്ച ചെയ്യണ​മെന്നു പോലും എനിക്ക്‌ അറിയില്ല.” ഈ യുവാ​വി​നെ പോലെ നിങ്ങൾക്കും നിങ്ങളു​ടെ മാതാ​പി​താ​ക്കൾ വെറുതെ വാശി പിടി​ക്കു​ക​യാ​ണെ​ന്നോ സഹാനു​ഭൂ​തി പ്രകടി​പ്പി​ക്കു​ന്നി​ല്ലെ​ന്നോ തോന്നി​യേ​ക്കാം. ഒരുപക്ഷേ നിങ്ങൾക്കു വളരെ ഇഷ്ടപ്പെട്ട, അടുത്ത​റി​യാൻ ആഗ്രഹി​ക്കുന്ന ആരെ​യെ​ങ്കി​ലും നിങ്ങൾ കണ്ടുമു​ട്ടി​യി​ട്ടു​ണ്ടാ​യി​രി​ക്കാം. അതല്ലെ​ങ്കിൽ സമപ്രാ​യ​ക്കാ​രു​ടെ അംഗീ​കാ​രം നേടാൻ ഡേറ്റിങ്‌ നിങ്ങളെ സഹായി​ക്കു​മെന്നു നിങ്ങൾ കരുതു​ന്നു​ണ്ടാ​യി​രി​ക്കാം. മിഷെൽ എന്ന പെൺകു​ട്ടി ഇങ്ങനെ പറയുന്നു: “സമ്മർദം വളരെ ശക്തമാണ്‌. ഡേറ്റി​ങ്ങിൽ ഏർപ്പെ​ട്ടി​ല്ലെ​ങ്കിൽ ഏതോ വിചി​ത്ര​ജീ​വി​യെ കാണു​ന്നതു പോ​ലെ​യാണ്‌ സ്‌കൂ​ളി​ലെ കുട്ടികൾ നിങ്ങളെ നോക്കുക.”

ഒരു കുടുംബ ഉപദേശക ഡേറ്റി​ങ്ങി​നെ കുറിച്ച്‌ ഇങ്ങനെ പറഞ്ഞു: “മാതാ​പി​താ​ക്കൾ ഇത്ര ന്യായ​ബോ​ധ​മി​ല്ലാ​ത്ത​വ​രാ​യി കാണ​പ്പെ​ടുന്ന മറ്റൊരു മണ്ഡലവു​മില്ല.” എന്നാൽ ന്യായ​ബോ​ധ​മി​ല്ലാ​ത്ത​വ​രാ​യി കാണ​പ്പെ​ടു​ന്നു എന്നതു​കൊണ്ട്‌ അവർ യഥാർഥ​ത്തിൽ അങ്ങനെ​യാ​യി​രി​ക്കണം എന്നുണ്ടോ? എന്തായി​രു​ന്നാ​ലും, നിങ്ങളെ പഠിപ്പി​ക്കാ​നും പരിശീ​ലി​പ്പി​ക്കാ​നും സംരക്ഷി​ക്കാ​നും മാർഗ​നിർദേ​ശങ്ങൾ നൽകാ​നു​മുള്ള ഉത്തരവാ​ദി​ത്വം ദൈവം ഭരമേൽപ്പി​ച്ചി​രി​ക്കു​ന്നത്‌ അവരെ​യാ​ണ​ല്ലോ. (ആവർത്ത​ന​പു​സ്‌തകം 6:6, 7) നിങ്ങളെ കുറിച്ച്‌ ഉത്‌ക​ണ്‌ഠ​പ്പെ​ടു​ന്ന​തിന്‌ അവർക്ക്‌ എന്തെങ്കി​ലും ന്യായ​മായ അടിസ്ഥാ​നം ഉണ്ടായി​രി​ക്കു​മോ? “അപകടം അടുത്ത​ടുത്ത്‌ വരുന്നത്‌ എനിക്കു കാണാൻ കഴിയു​ന്നു. അതു വളരെ ഭയാന​ക​മാണ്‌” എന്ന്‌ ഒരു മാതാവ്‌ പറയുന്നു. നേര​ത്തേ​യുള്ള ഡേറ്റിങ്‌ അനേകം മാതാ​പി​താ​ക്ക​ളെ​യും ഉത്‌ക​ണ്‌ഠാ​കു​ല​രാ​ക്കു​ന്നത്‌ എന്തു​കൊ​ണ്ടാണ്‌?

അപകട​ക​ര​മായ വികാ​ര​ങ്ങൾ

“ആരെ​യെ​ങ്കി​ലും ഇഷ്ടപ്പെ​ടു​ന്നത്‌ എന്തോ വലിയ കുറ്റമാ​ണെ​ന്നതു പോ​ലെ​യാണ്‌ എന്റെ മാതാ​പി​താ​ക്കൾ പെരു​മാ​റു​ന്നത്‌,” 14 വയസ്സു​കാ​രി ബെത്ത്‌ പരാതി​പ്പെ​ടു​ന്നു. എന്നാൽ നിങ്ങളു​ടെ മാതാ​പി​താ​ക്കൾ ക്രിസ്‌ത്യാ​നി​ക​ളാ​ണെ​ങ്കിൽ, പരസ്‌പരം ആകർഷണം തോന്നുന്ന വിധത്തി​ലാണ്‌ ദൈവം പുരു​ഷ​നെ​യും സ്‌ത്രീ​യെ​യും സൃഷ്ടി​ച്ചി​രി​ക്കു​ന്ന​തെന്ന്‌ അവർക്കു നന്നായി അറിയാം. (ഉല്‌പത്തി 2:18-23) ഈ ആകർഷണം വളരെ സ്വാഭാ​വി​ക​മാ​ണെ​ന്നും മനുഷ്യർ ‘ഭൂമിയെ നിറയ്‌ക്കണം’ എന്ന സ്രഷ്ടാ​വി​ന്റെ ഉദ്ദേശ്യ​ത്തോ​ടു ചേർച്ച​യി​ലാ​ണെ​ന്നും അവർ മനസ്സി​ലാ​ക്കു​ന്നു.—ഉല്‌പത്തി 1:28.

കൂടാതെ, “നവയൗ​വ​ന​ത്തിൽ” ലൈം​ഗിക ആഗ്രഹങ്ങൾ എത്രമാ​ത്രം ശക്തമാ​യി​രി​ക്കാ​മെ​ന്നും നിങ്ങളു​ടെ മാതാ​പി​താ​ക്കൾ തിരി​ച്ച​റി​യു​ന്നു. (1 കൊരി​ന്ത്യർ 7:36, NW) അതേസ​മ​യം​തന്നെ, ഈ ആഗ്രഹ​ങ്ങളെ നിയ​ന്ത്രി​ക്കു​ന്ന​തിൽ നിങ്ങൾക്കു തീരെ അനുഭ​വ​പ​രി​ച​യ​മി​ല്ലെ​ന്നും അവർക്ക​റി​യാം. നേരി​ട്ടോ ഫോണി​ലൂ​ടെ​യോ കത്തിലൂ​ടെ​യോ ഇ-മെയിൽ മുഖാ​ന്തരം പോലു​മോ എതിർലിം​ഗ​വർഗ​ത്തിൽപ്പെട്ട ഒരാളു​മാ​യി നിങ്ങൾ കൂടുതൽ സമയം ചെലവ​ഴി​ക്കാൻ തുടങ്ങി​യാൽ ആ ആകർഷണം വളരാൻ സാധ്യ​ത​യുണ്ട്‌. ‘അതിൽ എന്താണു കുഴപ്പം?’ എന്നു നിങ്ങൾ ചോദി​ച്ചേ​ക്കാം. ശരി, ഇങ്ങനെ ഉണർത്ത​പ്പെ​ടുന്ന ആഗ്രഹങ്ങൾ തൃപ്‌തി​പ്പെ​ടു​ത്തു​ന്ന​തിന്‌ ഉചിത​മായ എന്ത്‌ മാർഗ​മാ​ണു നിങ്ങൾക്കു​ള്ളത്‌? ന്യായ​മാ​യും ഇത്തരം വികാ​രങ്ങൾ ഒരുവനെ വിവാ​ഹ​ത്തി​ലാ​ണു കൊ​ണ്ടെ​ത്തി​ക്കേ​ണ്ടത്‌. എന്നാൽ, നിങ്ങൾ വിവാ​ഹ​ത്തി​നു സജ്ജനാ​ണോ? ആയിരി​ക്കാൻ സാധ്യ​ത​യില്ല.

അതു​കൊണ്ട്‌ നേരത്തേ ഡേറ്റിങ്‌ തുടങ്ങു​ന്നതു വളരെ വലിയ അപകട​ങ്ങ​ളി​ലേക്കു നയി​ച്ചേ​ക്കാം. ബൈബിൾ ഈ മുന്നറി​യി​പ്പു നൽകുന്നു: “ഒരു മനുഷ്യ​ന്നു തന്റെ വസ്‌ത്രം വെന്തു പോകാ​തെ മടിയിൽ തീ കൊണ്ടു​വ​രാ​മോ?” (സദൃശ​വാ​ക്യ​ങ്ങൾ 6:27) ഒട്ടുമി​ക്ക​പ്പോ​ഴും സമയത്തി​നു മുമ്പേ​യുള്ള ഡേറ്റിങ്‌ വിവാ​ഹ​പൂർവ ലൈം​ഗി​ക​ത​യി​ലേക്കു നയിക്കു​ന്നു. ഇത്‌ വിവാ​ഹ​ത്തി​നു മുമ്പുള്ള ഗർഭധാ​രണം, ലൈം​ഗി​ക​മാ​യി പകരുന്ന രോഗങ്ങൾ എന്നിങ്ങ​നെ​യുള്ള പ്രശ്‌ന​ങ്ങ​ളി​ലേക്കു യുവജ​ന​ങ്ങളെ വലിച്ചി​ഴ​യ്‌ക്കാൻ സാധ്യ​ത​യുണ്ട്‌. (1 തെസ്സ​ലൊ​നീ​ക്യർ 4:4-6) ഉദാഹ​ര​ണ​ത്തിന്‌, ടാമി​യു​ടെ മാതാ​പി​താ​ക്കൾ ഡേറ്റി​ങ്ങി​നു സമ്മതി​ക്കാ​ഞ്ഞ​പ്പോൾ അതു വലിയ അന്യാ​യ​മാ​യി​ട്ടാണ്‌ അവൾക്കു തോന്നി​യത്‌. അതു​കൊണ്ട്‌ അവരറി​യാ​തെ രഹസ്യ​മാ​യി അവൾ സ്‌കൂ​ളി​ലെ ഒരു ചെറു​പ്പ​ക്കാ​ര​നു​മാ​യി ഡേറ്റിങ്‌ നടത്താൻ തുടങ്ങി. എന്നാൽ അധികം കഴിയു​ന്ന​തി​നു മുമ്പ്‌ ടാമി ഗർഭി​ണി​യാ​യി. അത്‌ അവളുടെ ജീവി​ത​ത്തെ​യാ​കെ മാറ്റി​മ​റി​ച്ചു. ഇപ്പോൾ അവൾ ഇങ്ങനെ പറയുന്നു: “പലരും കൊട്ടി​ഘോ​ഷി​ക്കു​ന്നതു പോ​ലെ​യൊ​ന്നു​മല്ല ഡേറ്റിങ്‌.”

എന്നാൽ ഒരു യുവ​ജോ​ഡി ശ്രദ്ധാ​പൂർവം അനുചി​ത​മായ എല്ലാത്തരം സമ്പർക്ക​ങ്ങ​ളും ഒഴിവാ​ക്കു​ന്നു​വെ​ങ്കി​ലോ? അങ്ങനെ​യു​ള്ള​പ്പോൾ പോലും സമയത്തി​നു​മു​മ്പേ പ്രേമ​വി​കാ​രങ്ങൾ ഉണർത്ത​പ്പെ​ടും എന്ന അപകട​മുണ്ട്‌. (ഉത്തമഗീ​തം 2:7) നിയമ​പ​ര​മാ​യി വർഷങ്ങൾ കഴിഞ്ഞു​മാ​ത്രം തൃപ്‌തി​പ്പെ​ടു​ത്താൻ കഴിയുന്ന ആഗ്രഹ​ങ്ങളെ ഊതി​ക്ക​ത്തി​ക്കു​ന്നത്‌ മോഹ​ഭം​ഗ​ത്തി​ലേ​ക്കും അസന്തു​ഷ്ടി​യി​ലേ​ക്കും നയി​ച്ചേ​ക്കാം.

പരിചി​ന്ത​നം അർഹി​ക്കുന്ന മറ്റുചില കാര്യ​ങ്ങ​ളും ഉണ്ട്‌: ഒരു വിവാഹ ഇണയെ തിര​ഞ്ഞെ​ടു​ക്കു​മ്പോൾ ശ്രദ്ധി​ക്കേണ്ട സംഗതി​കൾ എന്താ​ണെന്ന്‌ അറിയാ​നുള്ള ജീവി​താ​നു​ഭവം നിങ്ങൾക്കു​ണ്ടോ? (സദൃശ​വാ​ക്യ​ങ്ങൾ 1:4) ഇനി നിങ്ങൾതന്നെ സ്‌നേ​ഹി​ക്ക​പ്പെ​ടു​ക​യും ആദരി​ക്ക​പ്പെ​ടു​ക​യും ചെയ്യുന്ന ഒരു ഭർത്താ​വോ ഭാര്യ​യോ ആകാനുള്ള ഗുണങ്ങൾ ഇതി​നോ​ടകം വളർത്തി​യെ​ടു​ത്തി​ട്ടു​ണ്ടോ? ഒരു ദീർഘ​കാ​ല​ബന്ധം നിലനി​റു​ത്താൻ ആവശ്യ​മായ ക്ഷമയും നിശ്ചയ​ദാർഢ്യ​വും നിങ്ങൾക്കു​ണ്ടെന്ന്‌ ഉറപ്പോ​ടെ പറയാൻ കഴിയു​മോ? പ്രതീ​ക്ഷി​ക്കാ​വു​ന്നതു പോ​ലെ​തന്നെ കൗമാ​ര​ത്തിൽ മൊട്ടി​ടുന്ന പ്രണയ​ങ്ങൾക്ക്‌ മിക്ക​പ്പോ​ഴും ആയുസ്സ്‌ തീരെ കുറവാണ്‌. അവയിൽ ചുരുക്കം ചിലതു മാത്രമേ ദീർഘ​കാ​ലം നിലനിൽക്കുന്ന ദാമ്പത്യ ബന്ധങ്ങളി​ലേക്കു നയിക്കു​ന്നു​ള്ളൂ.

പതി​നെ​ട്ടു​കാ​രി​യായ മോനി​ക്ക​യു​ടെ പിൻവ​രുന്ന വാക്കു​ക​ളിൽ ഈ സ്ഥിതി​വി​ശേഷം വളരെ നന്നായി സംഗ്ര​ഹി​ച്ചി​ട്ടുണ്ട്‌: “സ്‌കൂ​ളി​ലെ എന്റെ കൂട്ടു​കാ​രി​ക​ളെ​ല്ലാം അവരുടെ ബോയ്‌ഫ്ര​ണ്ട്‌സി​നെ കുറി​ച്ചുള്ള കഥകൾ എന്നോടു പറയു​മാ​യി​രു​ന്നു. എന്നാൽ, അവരിൽ ചിലർ വളരെ ചെറു​പ്പ​ത്തിൽത്തന്നെ വിവാ​ഹി​ത​രാ​യി. മറ്റുള്ള​വ​രു​ടെ കാര്യ​ത്തിൽ അവർ വിവാ​ഹി​ത​രാ​കാൻ തയ്യാറ​ല്ലാ​യി​രു​ന്ന​തി​നാൽ അവരുടെ ബന്ധം ദാരു​ണ​മാ​യി തകർന്നു.” ബ്രാൻഡൻ എന്ന യുവാവ്‌ ഇങ്ങനെ പറഞ്ഞു: “ആരോ​ടും പ്രതി​ബദ്ധത ഉണ്ടായി​രി​ക്കാൻ നിങ്ങൾ സജ്ജനല്ല എന്നു നിങ്ങൾക്ക​റി​യാം, എന്നാൽ ഡേറ്റിങ്‌ നടത്തു​ന്ന​തി​നാൽ അപ്പോൾത്തന്നെ ആരോ​ടോ പ്രതി​ബദ്ധത ഉള്ളതു​പോ​ലെ നിങ്ങൾക്കു തോന്നു​ന്നു. ഇത്തര​മൊ​രു സ്ഥിതി​വി​ശേഷം തികച്ചും നിരാ​ശാ​ജ​ന​ക​മാണ്‌. മറ്റെയാ​ളെ മുറി​പ്പെ​ടു​ത്താ​തെ നിങ്ങൾക്ക്‌ പിന്മാ​റാ​നാ​കു​മോ?”

വിവാഹ പ്രതി​ബദ്ധത ഏറ്റെടു​ക്കാ​നുള്ള പ്രായ​മാ​കു​ന്നതു വരെ ഡേറ്റിങ്‌ നടത്തരു​തെന്നു നിഷ്‌കർഷി​ക്കു​ന്ന​തി​ലൂ​ടെ അത്തരം നിരാ​ശ​യിൽനി​ന്നും വേദന​യിൽനി​ന്നും നിങ്ങളെ രക്ഷിക്കാ​നാ​ണു നിങ്ങളു​ടെ മാതാ​പി​താ​ക്കൾ ശ്രമി​ക്കു​ന്നത്‌ എന്നതിനു സംശയ​മില്ല. സഭാ​പ്ര​സം​ഗി 11:10-ലെ [പി.ഒ.സി ബൈബിൾ] നിശ്വസ്‌ത ബുദ്ധി​യു​പ​ദേ​ശ​ത്തി​നു ചേർച്ച​യിൽ പ്രവർത്തി​ക്കുക മാത്ര​മാണ്‌ അവർ ചെയ്യു​ന്നത്‌. അവിടെ ഇങ്ങനെ പറഞ്ഞി​രി​ക്കു​ന്നു: “മനസ്സിൽ നിന്ന്‌ ആകുലത അകറ്റുക. ശരീര​ത്തിൽ നിന്നു വേദന ദൂരീ​ക​രി​ക്കുക.”

‘വിശാ​ല​രാ​കു​വിൻ’

എതിർലിം​ഗ വർഗത്തിൽ പെട്ടവ​രു​മാ​യുള്ള സഹവാസം പാടി​ല്ലെന്ന്‌ ഇതിനർഥ​മില്ല. എന്നാൽ ഈ സഹവാസം ഒരാളിൽ മാത്ര​മാ​യി ഒതുക്കി നിറു​ത്തു​ന്നത്‌ എന്തിനാണ്‌? മറ്റൊരു സംഗതി​യെ കുറിച്ചു ചർച്ച ചെയ്യവെ, നമ്മുടെ സഹവാസം ‘വിശാ​ല​മാ​ക്കാൻ’ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. (2 കൊരി​ന്ത്യർ 6:12, 13) ഈ ബുദ്ധി​യു​പ​ദേശം ബാധക​മാ​ക്കു​ന്നത്‌ യുവജ​ന​ങ്ങൾക്കു പ്രയോ​ജനം ചെയ്യും. ആൺകു​ട്ടി​ക​ളും പെൺകു​ട്ടി​ക​ളും അടങ്ങുന്ന ഒരു കൂട്ട​ത്തോ​ടൊ​പ്പം സഹവസി​ക്കു​ന്ന​താണ്‌ ഇതിനുള്ള ഒരു മാർഗം. ടാമി ഇങ്ങനെ അഭി​പ്രാ​യ​പ്പെ​ടു​ന്നു: “അതു കുറേ​ക്കൂ​ടെ രസകരം ആണെന്ന്‌ എനിക്കു തോന്നു​ന്നു. കുറെ കൂട്ടു​കാ​രു​ള്ള​താണ്‌ എപ്പോ​ഴും നല്ലത്‌.” മോനിക്ക എന്ന മറ്റൊരു പെൺകു​ട്ടി ഇപ്രകാ​രം പറയുന്നു: “ഒരു കൂട്ട​ത്തോ​ടൊ​പ്പം ആയിരി​ക്കുക എന്ന ആശയം വളരെ നല്ലതാണ്‌. അങ്ങനെ​യാ​കു​മ്പോൾ വ്യത്യസ്‌ത വ്യക്തി​ത്വ​ങ്ങ​ളുള്ള അനേകരെ പരിച​യ​പ്പെ​ടാൻ നിങ്ങൾക്കു കഴിയും. കൂടാതെ നിങ്ങൾ ഇതുവരെ കണ്ടുമു​ട്ടി​യി​ട്ടി​ല്ലാത്ത അനേക​രു​ണ്ടെന്നു തിരി​ച്ച​റി​യാ​നും അതു സഹായി​ക്കും.”

മറ്റു ചെറു​പ്പ​ക്കാ​രു​മാ​യി ആരോ​ഗ്യാ​വ​ഹ​മായ നല്ല സഹവാസം ആസ്വദി​ക്കാ​നുള്ള ക്രമീ​ക​ര​ണങ്ങൾ ചെയ്‌തു​ത​രാൻ നിങ്ങളു​ടെ മാതാ​പി​താ​ക്കൾ ഒരുക്ക​മാ​യി​രി​ക്കാം. രണ്ടു കുട്ടി​ക​ളു​ടെ മാതാ​വായ ആൻ ഇങ്ങനെ പറയുന്നു: “ഞങ്ങളുടെ വീട്‌ എപ്പോ​ഴും കുട്ടികൾ ആയിരി​ക്കാൻ ഇഷ്ടപ്പെ​ടുന്ന രസകര​മായ ഒരു സ്ഥലമാ​ക്കി​ത്തീർക്കാൻ ഞങ്ങൾ ശ്രദ്ധി​ക്കാ​റുണ്ട്‌. ഞങ്ങൾ അവരുടെ കൂട്ടു​കാ​രെ ക്ഷണിക്കു​ക​യും അവർക്കു ലഘുഭ​ക്ഷണം കൊടു​ക്കു​ക​യും കളിക​ളിൽ ഏർപ്പെ​ടാൻ അനുവ​ദി​ക്കു​ക​യും ചെയ്യുന്നു. അതു​കൊണ്ട്‌ ആസ്വാ​ദ​ന​ത്തി​നാ​യി വീട്ടിൽനി​ന്നും പുറത്തു​ക​ട​ക്ക​ണ​മെന്ന ചിന്ത കുട്ടി​കൾക്കു​ണ്ടാ​വു​ന്നില്ല.”

എന്നിരു​ന്നാ​ലും, ഒരു കൂട്ട​ത്തോ​ടൊ​പ്പം ആയിരി​ക്കു​മ്പോൾ പോലും ഏതെങ്കി​ലും ഒരാ​ളോ​ടു മാത്രം കൂടുതൽ താത്‌പ​ര്യം കാണി​ക്കാ​തി​രി​ക്കാൻ ശ്രദ്ധി​ക്കേ​ണ്ട​തുണ്ട്‌. മറ്റുള്ള​വ​രോ​ടൊ​പ്പം ആയിരി​ക്കു​ന്നി​ട​ത്തോ​ളം കാലം തങ്ങൾ ഡേറ്റിങ്‌ നടത്തു​കയല്ല എന്നു ചില യുവജ​നങ്ങൾ ന്യായ​വാ​ദം ചെയ്‌തേ​ക്കാം. എന്നാൽ അത്തരം ആത്മവഞ്ചന ഒഴിവാ​ക്കുക. (സങ്കീർത്തനം 36:2) സുഹൃ​ത്തു​ക്ക​ളോ​ടൊ​പ്പം കൂടി​വ​രു​മ്പോ​ഴൊ​ക്കെ നിങ്ങൾ ഒരാളു​മാ​യി മാത്രം സമയം ചെലവ​ഴി​ക്കു​ന്നെ​ങ്കിൽ അതു ഡേറ്റിങ്‌ നടത്തു​ന്ന​തി​നു തുല്യ​മാണ്‌.b എതിർലിം​ഗ വർഗത്തിൽ പെട്ടവ​രു​മാ​യുള്ള സൗഹൃ​ദ​ങ്ങ​ളു​ടെ കാര്യ​ത്തിൽ വിവേകം പ്രകട​മാ​ക്കാൻ ശ്രമി​ക്കുക.—1 തിമൊ​ഥെ​യൊസ്‌ 5:2.

കാത്തി​രി​പ്പി​ന്റെ മൂല്യം

നിങ്ങൾക്ക്‌ ഡേറ്റിങ്‌ തുടങ്ങാ​നുള്ള പ്രായ​മാ​യി​ട്ടില്ല എന്നു കേൾക്കു​ന്നത്‌ വേദനാ​ജ​ന​ക​മാ​യി​രു​ന്നേ​ക്കാം. എന്നാൽ, നിങ്ങളു​ടെ മാതാ​പി​താ​ക്കൾ നിങ്ങളെ മുറി​പ്പെ​ടു​ത്താൻ ശ്രമി​ക്കു​കയല്ല, നിങ്ങളെ സഹായി​ക്കാ​നും സംരക്ഷി​ക്കാ​നും തങ്ങളാ​ലാ​വു​ന്നത്‌ ചെയ്യു​ക​യാ​ണവർ. അതു​കൊണ്ട്‌ സ്വന്തം ഹൃദയ​ത്തിൽ ആശ്രയി​ച്ചു​കൊണ്ട്‌ അവരുടെ ബുദ്ധി​യു​പ​ദേശം തള്ളിക്ക​ള​യു​ന്ന​തി​നു പകരം അവരുടെ അനുഭ​വ​പ​രി​ച​യ​ത്തിൽനി​ന്നു പ്രയോ​ജനം നേടാൻ ശ്രമി​ക്ക​രു​തോ? ഉദാഹ​ര​ണ​ത്തിന്‌, അടുത്ത പ്രാവ​ശ്യം എതിർലിം​ഗ വർഗത്തിൽ പെട്ടവ​രോ​ടുള്ള ഇടപെടൽ സംബന്ധിച്ച്‌ നിങ്ങൾക്കു ബുദ്ധി​മുട്ട്‌ അനുഭ​വ​പ്പെ​ടു​മ്പോൾ അവരുടെ സഹായം തേടി​ക്കൂ​ടേ? “സ്വന്തഹൃ​ദ​യ​ത്തിൽ ആശ്രയി​ക്കു​ന്നവൻ മൂഢൻ” ആണെന്നു സദൃശ​വാ​ക്യ​ങ്ങൾ 28:26 നമ്മെ ഓർമി​പ്പി​ക്കു​ന്നു. കോനി എന്ന യുവതി പറയു​ന്നതു ശ്രദ്ധിക്കൂ: “ഒരു ആൺകു​ട്ടിക്ക്‌ എന്നെ ഇഷ്ടമാ​ണെന്നു മനസ്സി​ലാ​യാൽ ഞാൻ അതേക്കു​റി​ച്ചു മമ്മി​യോട്‌ സംസാ​രി​ക്കും. ഇത്‌ ഡേറ്റി​ങ്ങിൽ ഏർപ്പെ​ടാ​നുള്ള സമ്മർദത്തെ ചെറു​ത്തു​നിൽക്കാൻ എന്നെ സഹായി​ക്കു​ന്നു. മമ്മിയു​ടെ സുഹൃ​ത്തു​ക്കൾക്കും വീട്ടു​കാർക്കും ഒക്കെ ഉണ്ടായി​ട്ടുള്ള അനുഭ​വങ്ങൾ മമ്മി എന്നോടു പറയും. അതു വളരെ സഹായ​ക​മാണ്‌.”

ഡേറ്റിങ്‌ തുടങ്ങാ​നാ​യി അൽപ്പം കാത്തി​രി​ക്കു​ന്നത്‌ നിങ്ങളു​ടെ വൈകാ​രിക വളർച്ചയെ തടസ്സ​പ്പെ​ടു​ത്തു​ക​യോ നിങ്ങളു​ടെ സ്വാത​ന്ത്ര്യ​ത്തി​നു കൂച്ചു​വി​ല​ങ്ങി​ടു​ക​യോ ഇല്ല. കോർട്ടി​ങ്ങും വിവാ​ഹ​വും പോ​ലെ​യുള്ള മുതിർന്ന​വ​രു​ടെ ഉത്തരവാ​ദി​ത്വ​ങ്ങൾ ഏറ്റെടു​ത്തി​ട്ടി​ല്ലാ​ത്ത​തി​നാൽ ‘നിങ്ങളു​ടെ യൗവന​ത്തിൽ ആനന്ദി​ക്കാ​നുള്ള’ സ്വാത​ന്ത്ര്യം നിങ്ങൾക്കുണ്ട്‌. (സഭാ​പ്ര​സം​ഗി 11:9) കാത്തി​രി​ക്കു​ന്ന​തി​നാൽ നിങ്ങൾക്കു പക്വത നേടാ​നും നിങ്ങളു​ടെ വ്യക്തി​ത്വ​വും പരമ​പ്ര​ധാ​ന​മാ​യി ആത്മീയ​ത​യും കെട്ടു​പ​ണി​ചെ​യ്യാ​നും കൂടുതൽ സമയം ലഭിക്കും. (വിലാ​പങ്ങൾ 3:26, 27) ഒരു ക്രിസ്‌തീയ യുവതി പറയു​ന്ന​തു​പോ​ലെ “മറ്റാ​രോ​ടെ​ങ്കി​ലും പ്രതി​ബദ്ധത നട്ടുവ​ളർത്തു​ന്ന​തി​നു മുമ്പ്‌ നിങ്ങൾ യഹോ​വ​യോട്‌ പ്രതി​ബദ്ധത ഉള്ളവരാ​യി​രി​ക്കേ​ണ്ട​തുണ്ട്‌.”

നിങ്ങൾക്കു കുറച്ചു​കൂ​ടി പ്രായ​മാ​കു​ക​യും നിങ്ങളു​ടെ അഭിവൃ​ദ്ധി എല്ലാവർക്കും പ്രസി​ദ്ധ​മാ​യി​ത്തീ​രു​ക​യും ചെയ്യു​മ്പോൾ നിങ്ങളു​ടെ മാതാ​പി​താ​ക്കൾ നിങ്ങളെ വീക്ഷി​ക്കുന്ന വിധത്തി​നു മാറ്റം വരും. (1 തിമൊ​ഥെ​യൊസ്‌ 4:15) അങ്ങനെ യഥാർഥ​ത്തിൽ നിങ്ങൾ ഡേറ്റി​ങ്ങി​നു സജ്ജരാ​കു​മ്പോൾ അവരുടെ അംഗീ​കാ​ര​ത്തോ​ടെ നിങ്ങൾക്ക്‌ അതു ചെയ്യാൻ കഴിയും. (g01 1/22)

[അടിക്കു​റി​പ്പു​കൾ]

[21-ാം പേജിലെ ചിത്രങ്ങൾ]

എതിർലിംഗ വർഗത്തിൽപ്പെട്ട ഒരാളിൽ മാത്രം ശ്രദ്ധ കേന്ദ്രീ​ക​രി​ക്കു​ന്നത്‌. . .

. . . സാധാ​ര​ണ​ഗ​തി​യിൽ പ്രേമ​വി​കാ​ര​ങ്ങളെ ഉണർത്തും

[22-ാം പേജിലെ ചിത്രം]

ഒരാളോടു മാത്രം താത്‌പ​ര്യം കാണി​ക്കു​ന്ന​തി​നു പകരം സുഹൃ​ദ്‌ബ​ന്ധ​ങ്ങ​ളിൽ വിശാ​ല​രാ​യി​രി​ക്കുക