ബൈബി​ളി​ന്റെ വീക്ഷണം

ഫെങ്‌ ഷ്വേ—അത്‌ ക്രിസ്‌ത്യാ​നി​കൾക്കു​ള്ള​തോ?

ഏഷ്യയിൽ അത്‌ ഉപയോ​ഗിച്ച്‌ കുഴി​മാ​ട​ങ്ങ​ളു​ടെ സ്ഥാനം തിര​ഞ്ഞെ​ടു​ക്കു​ന്നു. കെട്ടി​ടങ്ങൾ രൂപകൽപ്പന ചെയ്യു​ക​യും മോടി​പി​ടി​പ്പി​ക്കു​ക​യും ചെയ്യുന്നു. വസ്‌തു വാങ്ങു​ക​യും വിൽക്കു​ക​യും ചെയ്യുന്നു. ഭൂശാ​കു​നി​ക​ത്തി​ന്റെ അഥവാ ശകുന​വി​ദ്യ​യു​ടെ ഒരു രൂപമായ അത്‌ ചൈനീസ്‌ ഭാഷയിൽ ഫെങ്‌ ഷ്വേ എന്നാണ്‌ അറിയ​പ്പെ​ടു​ന്നത്‌. ഫെങ്‌ ഷ്വേ നൂറ്റാ​ണ്ടു​ക​ളാ​യി ഏഷ്യയിൽ പ്രചാ​ര​ത്തി​ലു​ണ്ടെ​ങ്കി​ലും സമീപ വർഷങ്ങ​ളിൽ അതു പാശ്ചാ​ത്യ​നാ​ടു​ക​ളി​ലേ​ക്കും വ്യാപി​ക്കാൻ തുടങ്ങി​യി​രി​ക്കു​ന്നു. കൂറ്റൻ കെട്ടി​ട​ങ്ങ​ളും ഓഫീ​സു​ക​ളും വീടു​ക​ളും ഒക്കെ രൂപകൽപ്പന ചെയ്യാൻ ചില വാസ്‌തു​ശിൽപ്പി​കൾ അതിനെ ആശ്രയി​ക്കു​ന്നു. ചില വീട്ടമ്മ​മാർ തങ്ങളുടെ വീടുകൾ അലങ്കരി​ക്കു​ന്നത്‌ അതിനെ അടിസ്ഥാ​ന​മാ​ക്കി​യാണ്‌. അതിനെ കുറിച്ചു പഠിപ്പി​ക്കു​ക​യും അതിന്റെ ഉപയോ​ഗത്തെ പ്രോ​ത്സാ​ഹി​പ്പി​ക്കു​ക​യും ചെയ്യുന്ന നിരവധി പുസ്‌ത​ക​ങ്ങ​ളും ഇന്റർനെറ്റ്‌ വെബ്‌​സൈ​റ്റു​ക​ളും ഉണ്ട്‌.

അതിന്റെ പ്രചാരം ഇത്ര വർധി​ക്കാൻ കാരണം എന്താണ്‌? ഫെങ്‌ ഷ്വേ “ജീവി​ത​സാ​ഹ​ച​ര്യ​ങ്ങ​ളും ആരോ​ഗ്യ​വും” മെച്ച​പ്പെ​ടു​ത്തു​മെ​ന്നും “ദാമ്പത്യ​വും കൂട്ടു​കെ​ട്ടു​ക​ളും” ശക്തി​പ്പെ​ടു​ത്തു​മെ​ന്നും “കൂടുതൽ സമ്പത്തും മനശ്ശാ​ന്തി​യും” നേടി​ത്ത​രു​മെ​ന്നും ആ സിദ്ധാ​ന്ത​ത്തി​ന്റെ ഒരു വക്താവ്‌ അവകാ​ശ​പ്പെ​ടു​ന്നു. ഇവയെ​ല്ലാം ആകർഷ​ക​മാ​യി തോന്നു​മെ​ങ്കി​ലും വാസ്‌ത​വ​ത്തിൽ ഫെങ്‌ ഷ്വേ എന്താണ്‌, ക്രിസ്‌ത്യാ​നി​കൾ അതിനെ എങ്ങനെ വീക്ഷി​ക്കണം?

എന്താണ്‌ അത്‌?

ഫെങ്‌ ഷ്വേ എന്നീ ചൈനീസ്‌ പദങ്ങളു​ടെ അക്ഷരീയ അർഥം “കാറ്റ്‌-ജലം” എന്നാണ്‌. ഫെങ്‌ ഷ്വേയു​ടെ വേരുകൾ ആയിര​ക്ക​ണ​ക്കി​നു വർഷങ്ങൾ പിന്നി​ലേക്ക്‌, പല പൗരസ്‌ത്യ തത്ത്വശാ​സ്‌ത്ര​ങ്ങ​ളും രൂപം​കൊണ്ട കാല​ത്തേക്ക്‌ പടർന്നു​കി​ട​ക്കു​ന്ന​താ​യി കാണാം. അവയിൽ ഒന്നാണ്‌ യിൻ, യാങ്‌ ശക്തികൾ (ഇരുട്ടും വെളി​ച്ച​വും, ചൂടും തണുപ്പും, നിഷേ​ധാ​ത്മ​ക​ത​യും ക്രിയാ​ത്മ​ക​ത​യും) കൈവ​രു​ത്തു​ന്ന​താ​യി പറയ​പ്പെ​ടുന്ന സന്തുലി​താ​വസ്ഥ സംബന്ധിച്ച വിശ്വാ​സം. യിന്നും യാങ്ങും എന്ന സങ്കൽപ്പ​ത്തോട്‌ “ചി”—അക്ഷരീയ അർഥം “വായു” അഥവാ “ശ്വാസം”—എന്ന ആശയവും കൂട്ടി​ച്ചേർക്ക​പ്പെട്ടു. യിൻ, യാങ്‌, ചി എന്നിവ​യും അതു​പോ​ലെ​തന്നെ മരം, പൃഥ്വി, ജലം, അഗ്നി, ലോഹം എന്നിങ്ങനെ പഞ്ചഭൂ​തങ്ങൾ എന്നു വിളി​ക്ക​പ്പെ​ടു​ന്ന​വ​യും ഫെങ്‌ ഷ്വേ സിദ്ധാ​ന്ത​ത്തി​ന്റെ അവിഭാ​ജ്യ ഘടകങ്ങ​ളാണ്‌. ഓരോ ഭൂപ്ര​ദേ​ശ​ത്തി​ലൂ​ടെ​യും ശക്തി​യേ​റിയ ഊർജ​പ​ഥങ്ങൾ കടന്നു​പോ​കു​ന്ന​താ​യി ഫെങ്‌ ഷ്വേ ഉപാസകർ വിശ്വ​സി​ക്കു​ന്നു. ഭൂമി​യു​ടെ​യും ആകാശ​ത്തി​ന്റെ​യും ചി അഥവാ ഊർജങ്ങൾ സന്തുലി​താ​വ​സ്ഥ​യിൽ ആയിരി​ക്കുന്ന സ്ഥാനങ്ങൾ കൃത്യ​മാ​യി നിർണ​യി​ക്കു​ക​യാണ്‌ ഈ സിദ്ധാ​ന്ത​ത്തി​ന്റെ ലക്ഷ്യം. ഭൂപ്ര​ദേ​ശ​ത്തി​നു​തന്നെ ഭേദഗതി വരുത്തു​ക​യോ ഒരു പ്രത്യേക സ്ഥാനത്തു സ്ഥിതി ചെയ്യുന്ന ഒരു കെട്ടി​ട​ത്തി​ന്റെ അകത്തു മാറ്റങ്ങൾ വരുത്തു​ക​യോ ചെയ്‌തു​കൊ​ണ്ടാണ്‌ അതു നിർവ​ഹി​ക്കു​ന്നത്‌. ഈ സന്തുലി​താ​വസ്ഥ കൈവ​രി​ക്കു​ന്നത്‌ അവിടെ ജോലി ചെയ്യു​ന്ന​വർക്ക്‌ അല്ലെങ്കിൽ താമസി​ക്കു​ന്ന​വർക്ക്‌ സൗഭാ​ഗ്യം കൊണ്ടു​വ​രു​മെ​ന്നാ​ണു വിശ്വാ​സം.

ഫെങ്‌ ഷ്വേ വിദ്യ​ക്കാർ സാധാ​ര​ണ​ഗ​തി​യിൽ ഒരു ഭൂശാ​കു​നിക വടക്കു​നോ​ക്കി യന്ത്രം ഉപയോ​ഗി​ക്കു​ന്നു.a ഒരു ജ്യോ​തിഷ ചാർട്ടി​ന്റെ നടുവി​ലാ​യി വെക്കുന്ന ഒരു കൊച്ചു കാന്തിക വടക്കു​നോ​ക്കി യന്ത്രമാണ്‌ അത്‌. ഭൂശാ​കു​നിക വടക്കു​നോ​ക്കി യന്ത്രത്തിന്‌ നേർരേ​ഖ​ക​ളാൽ വിഭജി​ക്ക​പ്പെ​ട്ടി​രി​ക്കുന്ന നിരവധി ഏകകേ​ന്ദ്രീയ വൃത്തങ്ങൾ ഉണ്ട്‌. നക്ഷത്ര​മ​ണ്ഡ​ലങ്ങൾ, ഋതുക്കൾ, സൗരപ​ര്യ​യ​ന​ങ്ങ​ളു​ടെ കാലയ​ളവ്‌ എന്നിവയെ കുറി​ച്ചുള്ള വിവരങ്ങൾ അതിൽ അടങ്ങി​യി​രി​ക്കു​ന്നു. ഒരു സ്ഥാന​ത്തെ​യോ കെട്ടി​ട​ത്തെ​യോ അപഗ്ര​ഥി​ക്കു​മ്പോൾ വടക്കു​നോ​ക്കി യന്ത്രത്തിൽനി​ന്നു വളരെ​യ​ധി​കം വിവരങ്ങൾ ശേഖരി​ക്കു​ന്നു. ഫെങ്‌ ഷ്വേ വിദ്യ​ക്കാ​രൻ യന്ത്രത്തി​ന്റെ സൂചി, ചുറ്റു​മുള്ള വരകളും വൃത്തങ്ങ​ളു​മാ​യി സന്ധിക്കുന്ന ബിന്ദുക്കൾ ഏതാ​ണെന്നു നോക്കും. ഒരു സ്ഥാനം “നേരെ​യാ​ക്കാൻ” എന്തു ചെയ്യണ​മെന്ന്‌ അയാൾ തീരു​മാ​നി​ക്കു​ന്നത്‌ അതിൽനി​ന്നാണ്‌.

ഒരു സ്ഥലത്ത്‌ സന്തുലി​താ​വസ്ഥ കൈവ​രു​ത്താൻ ചുറ്റു​വ​ട്ടത്തെ ഭൂസ്ഥിതി, ജല​സ്രോ​ത​സ്സു​കൾ, അഴുക്കു​ചാ​ലു​കൾ എന്നുവേണ്ട ഒരു കെട്ടി​ട​ത്തി​ന്റെ വാതി​ലു​ക​ളു​ടെ​യും ജനലു​ക​ളു​ടെ​യും സ്ഥാനങ്ങൾ വരെ കണക്കി​ലെ​ടു​ത്തേ​ക്കാം. ദൃഷ്ടാ​ന്ത​ത്തിന്‌ കാനഡ​യി​ലെ ഒരു കടയു​ടമസ്ഥ തന്റെ കടയുടെ വാതി​ലു​ക​ളു​ടെ സ്ഥാനം “ശരിയാ​ക്കാൻ” പിൻവാ​തിൽക്കൽ ഒരു കണ്ണാടി തൂക്കി​യി​ട്ടു. ഒരു കെട്ടി​ട​ത്തിന്‌ അല്ലെങ്കിൽ മുറിക്ക്‌ സന്തുലി​താ​വസ്ഥ കൈവ​രു​ത്താൻ ഒരു ഭൂശാ​കു​നിക വിദ്യ​ക്കാ​രൻ ചെടി​ക​ളു​ടെ അല്ലെങ്കിൽ ഗൃഹോ​പ​ക​ര​ണ​ങ്ങ​ളു​ടെ സ്ഥാനം മാറ്റാ​നോ ഒരു ചിത്രം മാറ്റി​വെ​ക്കാ​നോ കാറ്റത്ത്‌ ഉലയു​മ്പോൾ കിലു​കില ശബ്ദം പുറ​പ്പെ​ടു​വി​ക്കുന്ന വിധത്തിൽ ചില്ല്‌ അല്ലെങ്കിൽ ലോഹ കഷണങ്ങൾ കെട്ടി​ത്തൂ​ക്കി​യി​ടാ​നോ ഒരു അക്വേ​റി​യം സ്ഥാപി​ക്കാ​നോ ഒക്കെ നിർദേ​ശി​ച്ചേ​ക്കാം.

ക്രിസ്‌തീയ വീക്ഷണം

മിക്ക ഗ്രന്ഥശാ​ല​ക​ളി​ലും ഫെങ്‌ ഷ്വേയെ കുറി​ച്ചുള്ള പുസ്‌ത​കങ്ങൾ ജ്യോ​തി​ഷ​ത്തെ​യും ഭാവിഫല പ്രവച​ന​ത്തെ​യും പറ്റിയുള്ള പുസ്‌ത​ക​ങ്ങ​ളു​ടെ ഗണത്തിൽ പെടു​ത്തി​യി​രി​ക്കു​ന്നു എന്നതു ശ്രദ്ധേ​യ​മാണ്‌. വാസ്‌ത​വ​ത്തിൽ ചില പരാമർശ​കൃ​തി​കൾ ഭൂശാ​കു​നി​കത്തെ അക്കങ്ങളോ രേഖക​ളോ ഭൂമി​ശാ​സ്‌ത്ര സവി​ശേ​ഷ​ത​ക​ളോ ഉപയോ​ഗി​ച്ചുള്ള ഭാവി​കഥന വിദ്യ എന്നു വിശേ​ഷി​പ്പി​ക്കു​ന്നു. അതു​കൊണ്ട്‌, ഫെങ്‌ ഷ്വേയും മറ്റു വിധങ്ങ​ളി​ലുള്ള ഭൂശാ​കു​നി​ക​വും ഭാവിഫല പ്രവച​ന​ത്തി​ന്റെ വിവിധ രൂപങ്ങ​ളാണ്‌ എന്നതു പരക്കെ അംഗീ​ക​രി​ക്ക​പ്പെ​ട്ടി​ട്ടുള്ള ഒരു കാര്യ​മാണ്‌. അവയിൽ ഭാവി​കഥന വിദ്യ​യും ആത്മവി​ദ്യാ​ചാ​ര​വും ഉൾപ്പെ​ട്ടി​രി​ക്കു​ന്നു. അവ മനുഷ്യ​വർഗത്തെ സംബന്ധി​ച്ചി​ട​ത്തോ​ളം ഒരു പുതിയ സംഗതി അല്ലതാ​നും.

ഇസ്രാ​യേ​ല്യർ ഈജി​പ്‌ത്‌ വിട്ട്‌ ഒടുവിൽ പൊ.യു.മു. 15-ാം നൂറ്റാ​ണ്ടിൽ കനാൻ ദേശത്തു പ്രവേ​ശിച്ച കാലത്ത്‌ ഇരു ദേശങ്ങ​ളി​ലും ഭാവി​ക​ഥ​ന​ത്തി​ന്റെ സകല രൂപങ്ങ​ളും പ്രചാ​ര​ത്തി​ലു​ണ്ടാ​യി​രു​ന്നു. എന്നാൽ, ആവർത്ത​ന​പു​സ്‌തകം 18:14-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം ദൈവം മോശെ മുഖാ​ന്തരം ഇപ്രകാ​രം പറഞ്ഞു: “നീ നീക്കി​ക്ക​ള​വാ​നി​രി​ക്കുന്ന ജാതികൾ മുഹൂർത്ത​ക്കാ​രു​ടെ​യും പ്രശ്‌ന​ക്കാ​രു​ടെ​യും [“ഭാവി​ക​ഥ​ന​ക്കാ​രു​ടെ​യും,” NW] വാക്കു​കേട്ടു നടന്നു; നീയോ അങ്ങനെ ചെയ്‌വാൻ നിന്റെ ദൈവ​മായ യഹോവ അനുവ​ദി​ച്ചി​ട്ടില്ല.” ഈജി​പ്‌തി​ലും കനാനി​ലും നിലവി​ലു​ണ്ടാ​യി​രുന്ന ഭാവി​ക​ഥ​ന​ത്തി​ന്റെ വിവിധ രൂപങ്ങൾ ഉത്ഭവി​ച്ചത്‌ പുരാതന ബാബി​ലോ​ണി​ലാണ്‌. യഹോവ ബാബി​ലോ​ണി​ലെ ആളുക​ളു​ടെ ഭാഷ കലക്കി​ക്ക​ള​ഞ്ഞ​പ്പോൾ അവർ മറ്റു സ്ഥലങ്ങളി​ലേക്കു ചിതറി​പ്പോ​യി. അങ്ങനെ, ബാബി​ലോ​ണി​ലെ ഭാവി​കഥന വിദ്യ​യും ആത്മവി​ദ്യ​യും ആയി ബന്ധപ്പെട്ട ആചാര​ങ്ങ​ളും അവർ തങ്ങളോ​ടൊ​പ്പം കൊണ്ടു​പോ​യി.—ഉല്‌പത്തി 11:1-9.

മറ്റു ജനതക​ളു​ടെ ഭാവി​കഥന വിദ്യകൾ പിൻപ​റ്റ​രു​തെന്ന്‌ യഹോ​വ​യാം ദൈവം വളരെ കർശന​മാ​യി ഇസ്രാ​യേ​ല്യർക്കു കൂടെ​ക്കൂ​ടെ മുന്നറി​യി​പ്പു നൽകി​യി​രു​ന്നു. അവൻ അവരോട്‌ ഇപ്രകാ​രം അരുളി​ച്ചെ​യ്‌തു: “പ്രശ്‌ന​ക്കാ​രൻ, [“ഭാവി​ക​ഥ​ന​ക്കാ​രൻ,” NW] മുഹൂർത്ത​ക്കാ​രൻ, ആഭിചാ​രകൻ . . . എന്നിങ്ങ​നെ​യു​ള്ള​വരെ നിങ്ങളു​ടെ ഇടയിൽ കാണരു​തു. ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വെക്കു വെറുപ്പു ആകുന്നു; ഇങ്ങനെ​യുള്ള മ്ലേച്ഛത​കൾനി​മി​ത്തം നിന്റെ ദൈവ​മായ യഹോവ അവരെ നിന്റെ മുമ്പിൽനി​ന്നു നീക്കി​ക്ക​ള​യു​ന്നു.” (ആവർത്ത​ന​പു​സ്‌തകം 18:9-12; ലേവ്യ​പു​സ്‌തകം 19:26, 31) ഭാവി​കഥന വിദ്യ​ക്കാർ നിശ്ചയ​മാ​യും മരണശിക്ഷ അനുഭ​വി​ക്ക​ണ​മാ​യി​രു​ന്നു.—പുറപ്പാ​ടു 22:18; ലേവ്യ​പു​സ്‌തകം 20:27, NW.

ഭാവി​ക​ഥന വിദ്യയെ ദൈവം ഇത്ര കഠിന​മാ​യി കുറ്റം വിധി​ച്ചത്‌ എന്തു​കൊ​ണ്ടാണ്‌? “ഭാവി​ഫലം പ്രവചി​ക്കുന്ന ഒരു ഭൂതം” ഗ്രസി​ച്ചി​രുന്ന ഒരു പെൺകു​ട്ടി​യെ കുറിച്ച്‌ പ്രവൃ​ത്തി​കൾ 16:16-19 (NW) പറയുന്നു. അതേ, ഭാവി​കഥന വിദ്യക്ക്‌ ഭൂതാ​രാ​ധ​ന​യു​മാ​യി അഭേദ്യ​മായ ബന്ധമുണ്ട്‌. ഏതെങ്കി​ലും തരത്തി​ലുള്ള ഭാവി​കഥന വിദ്യ ആചരി​ക്കു​ന്നത്‌ ഒരുവനെ സാത്താ​നും അവന്റെ ഭൂതങ്ങ​ളു​മാ​യി സമ്പർക്ക​ത്തിൽ കൊണ്ടു​വ​രു​ന്നു! അത്‌ അയാളെ ആത്മീയ​മാ​യി നശിപ്പി​ക്കും.—2 കൊരി​ന്ത്യർ 4:4.

പൗരസ്‌ത്യ​ദേ​ശ​ങ്ങ​ളി​ലാ​യാ​ലും പാശ്ചാ​ത്യ​ദേ​ശ​ങ്ങ​ളി​ലാ​യാ​ലും, വീട്‌ അലങ്കരി​ക്കു​ന്ന​തും പരിസരം മോടി​പി​ടി​പ്പി​ക്കു​ന്ന​തും സംബന്ധിച്ച പ്രചാ​ര​മേ​റിയ ചില രീതി​കളെ ഫെങ്‌ ഷ്വേ പോലുള്ള വ്യാജമത ആചാരങ്ങൾ ആരംഭ​ത്തിൽ സ്വാധീ​നി​ച്ചി​രി​ക്കാം. എങ്കിലും മിക്ക​പ്പോ​ഴും ആ രീതി​കൾക്ക്‌ അവയുടെ മതപര​മായ പ്രാധാ​ന്യം പൂർണ​മാ​യും നഷ്ടപ്പെ​ട്ടി​രി​ക്കു​ന്നു. എന്നിരു​ന്നാ​ലും, ഭാവി​ഫലം അറിയാ​നോ സൗഭാ​ഗ്യം അല്ലെങ്കിൽ മെച്ചപ്പെട്ട ആരോ​ഗ്യം കൈവ​രാ​നോ ഫെങ്‌ ഷ്വേ ഉപയോ​ഗി​ക്കു​ന്നത്‌ ദൈവ​നി​യ​മ​ത്തി​ന്റെ വ്യക്തമായ ലംഘന​മാ​യി​രി​ക്കും. അത്‌, “അശുദ്ധ​മാ​യതു” ഒന്നും തൊട​രുത്‌ എന്നുള്ള ബൈബി​ളി​ലെ സുവ്യ​ക്ത​മായ കൽപ്പന​യു​ടെ ലംഘന​മാ​യി​രി​ക്കും.—2 കൊരി​ന്ത്യർ 6:14-18. (g01 12/08)

[അടിക്കു​റി​പ്പു​കൾ]

[29-ാം പേജിലെ ചിത്രം]

ഒരു ഭൂശാ​കു​നിക വടക്കു​നോ​ക്കി യന്ത്രം

[കടപ്പാട്‌]

2, 29 പേജുകൾ: Hong Kong Tourism Board