യുവജ​നങ്ങൾ ചോദി​ക്കു​ന്നു . . .

മാതാ​പി​താ​ക്കൾ എന്നെ സ്‌നേ​ഹി​ക്കാ​ത്തത്‌ എന്തു​കൊണ്ട്‌?

“ഡാഡി മമ്മിയു​മാ​യുള്ള വിവാ​ഹ​ബന്ധം വേർപെ​ടു​ത്തു​ന്ന​തി​നു മുമ്പ്‌ ഞങ്ങൾ ഒരുമി​ച്ചു ബീച്ചിൽ പോകു​മാ​യി​രു​ന്നു, പുറത്തു​പോ​യി ഭക്ഷണം കഴിക്കു​മാ​യി​രു​ന്നു, ഡാഡി​യു​ടെ കാറിൽ ചുറ്റി​ക്ക​റ​ങ്ങു​മാ​യി​രു​ന്നു. അങ്ങനെ​യി​രി​ക്കെ എല്ലാം അവസാ​നി​ച്ചു. ഡാഡി ആളാകെ മാറി​പ്പോ​യി. ഡാഡി, ഞാനു​മാ​യുള്ള ബന്ധവും കൂടെ വേർപെ​ടു​ത്തി​യെ​ന്നാ​ണു തോന്നു​ന്നത്‌.”—കാരൻ.a

ഇതേ വികാ​ര​ങ്ങ​ളുള്ള ഒട്ടനവധി യുവജ​ന​ങ്ങ​ളുണ്ട്‌. കാരനെ പോലെ മാതാ​പി​താ​ക്ക​ളിൽ ഒരാളോ രണ്ടു​പേ​രു​മോ മേലാൽ തങ്ങളെ സ്‌നേ​ഹി​ക്കു​ന്നി​ല്ലെന്ന്‌ അല്ലെങ്കിൽ ഒരിക്ക​ലും സ്‌നേ​ഹി​ച്ചി​ട്ടി​ല്ലെന്ന്‌ അവർ മനസ്സി​ലാ​ക്കു​ന്നു. കുട്ടി​കൾക്കും മാതാ​പി​താ​ക്കൾക്കും ഇടയി​ലു​ണ്ടാ​കുന്ന കൊച്ചു​കൊച്ച്‌ അസ്വാ​ര​സ്യ​ങ്ങ​ളിൽനിന്ന്‌ ഉടലെ​ടു​ത്തേ​ക്കാ​വുന്ന ക്ഷണിക​മായ നിഷേ​ധാ​ത്മക വികാ​ര​ങ്ങ​ളെ​യോ മാതാ​പി​താ​ക്കൾ ശിക്ഷണം നൽകു​മ്പോൾ കുട്ടി​കൾക്കു തോന്നി​യേ​ക്കാ​വുന്ന അമർഷ​ത്തെ​യോ കുറിച്ചല്ല ഞങ്ങൾ പറഞ്ഞു​വ​രു​ന്നത്‌. കുട്ടി​കൾക്ക്‌ ആവശ്യ​മായ ശ്രദ്ധയോ ശിക്ഷണ​മോ നൽകാ​തി​രു​ന്നു​കൊണ്ട്‌ അവരെ ശരിക്കും അവഗണി​ക്കുന്ന ചില മാതാ​പി​താ​ക്ക​ളുണ്ട്‌. കുട്ടി​ക​ളോട്‌ എപ്പോ​ഴും ക്രൂര​മാ​യും പരുഷ​മാ​യും ഇടപെ​ടു​ന്ന​വ​രാ​ണു മറ്റു ചിലർ. ഒരുപക്ഷേ അവർ കുട്ടി​കളെ ക്രൂര​മായ വാക്കുകൾ ഉപയോ​ഗി​ച്ചു കുത്തി​നോ​വി​ക്കു​ക​യോ ശാരീ​രി​ക​മാ​യി ആക്രമി​ക്കു​ക​യോ ചെയ്‌തേ​ക്കാം.

മാതാ​വി​ന്റെ​യോ പിതാ​വി​ന്റെ​യോ അവഗണ​ന​യെ​ക്കാൾ മുറി​പ്പെ​ടു​ത്തു​ന്ന​താ​യി യാതൊ​ന്നു​മില്ല. “എന്നെ ആർക്കും വേണ്ടെ​ന്നും ഞാൻ അവഗണി​ക്ക​പ്പെ​ടു​ക​യാ​ണെ​ന്നും ഉള്ള തോന്നൽ അത്‌ എന്നിൽ ഉളവാക്കി,” കാരൻ പറയുന്നു. നിങ്ങൾ എപ്പോ​ഴെ​ങ്കി​ലും അത്തര​മൊ​രു വിഷമി​പ്പി​ക്കുന്ന സാഹച​ര്യ​ത്തിൽ ആയിരു​ന്നി​ട്ടു​ണ്ടെ​ങ്കിൽ നിങ്ങളു​ടെ വികാ​ര​ങ്ങളെ എങ്ങനെ കൈകാ​ര്യം ചെയ്യാം എന്നതു സംബന്ധിച്ച ചില നിർദേ​ശങ്ങൾ പരിചി​ന്തി​ക്കുക. മാതാ​വി​ന്റെ​യോ പിതാ​വി​ന്റെ​യോ പിന്തുണ ഇല്ലെങ്കിൽ കൂടി നിങ്ങൾക്കു ജീവി​ത​ത്തിൽ വിജയം വരിക്കാൻ കഴിയും എന്ന്‌ ഉറപ്പു​ണ്ടാ​യി​രി​ക്കുക!

നിങ്ങളു​ടെ മാതാ​പി​താ​ക്കളെ മനസ്സി​ലാ​ക്കൽ

മാതാ​പി​താ​ക്ക​ളിൽനി​ന്നു സ്‌നേഹം പ്രതീ​ക്ഷി​ക്കു​ന്നത്‌ തികച്ചും ഉചിത​മാണ്‌. ഒരു കുട്ടി​യോ​ടുള്ള മാതാ​വി​ന്റെ​യോ പിതാ​വി​ന്റെ​യോ സ്‌നേഹം സൂര്യോ​ദയം പോലെ സ്വാഭാ​വി​ക​വും ആശ്രയ​യോ​ഗ്യ​വും ആയിരി​ക്കേ​ണ്ട​താണ്‌. മാതാ​പി​താ​ക്കൾ അത്തരം സ്‌നേഹം പ്രകട​മാ​ക്കാൻ ദൈവം പ്രതീ​ക്ഷി​ക്കു​ന്നു. (കൊ​ലൊ​സ്സ്യർ 3:21; തീത്തൊസ്‌ 2:4) അങ്ങനെ​യെ​ങ്കിൽ പിന്നെ, മാതാ​പി​താ​ക്കൾ ചില​പ്പോൾ തങ്ങളുടെ കുട്ടി​ക​ളോട്‌ അവഗണന കാണി​ക്കു​ക​യോ മോശ​മാ​യി പെരു​മാ​റു​ക​യോ അവരെ ഉപേക്ഷി​ക്കു​ക​യോ ചെയ്യു​ന്നത്‌ എന്തു​കൊ​ണ്ടാണ്‌?

അതിന്‌ ഇടയാ​ക്കുന്ന ഒരു ഘടകം അവരു​ടെ​തന്നെ ജീവി​താ​നു​ഭ​വ​ങ്ങ​ളാ​യി​രി​ക്കാം. സ്വയം ഇങ്ങനെ ചോദി​ക്കുക, ‘കുട്ടി​കളെ വളർത്തു​ന്ന​തി​നെ കുറിച്ച്‌ എന്റെ മാതാ​പി​താ​ക്കൾ പഠിച്ചത്‌ എവി​ടെ​നി​ന്നാ​യി​രി​ക്കാം?’ ബാല്യ​കാ​ലത്ത്‌ തങ്ങളുടെ മാതാ​പി​താ​ക്ക​ളിൽനിന്ന്‌ തങ്ങൾക്ക്‌ എന്ത്‌ അനുഭ​വങ്ങൾ ഉണ്ടായോ അവയിൽനി​ന്നു മാത്രമേ പല മാതാ​പി​താ​ക്കൾക്കും പഠിക്കാൻ കഴിയൂ. “സ്വാഭാ​വിക പ്രിയ​മി​ല്ലാ​ത്ത​വരു”ടെ എണ്ണം മുമ്പെ​ന്ന​ത്തേ​തി​ലു​മ​ധി​കം വർധി​ച്ചി​രി​ക്കുന്ന ഇന്നത്തെ സ്‌നേ​ഹ​ശൂ​ന്യ​മായ ലോക​ത്തിൽ അത്തരം പരിശീ​ലനം പലപ്പോ​ഴും വളരെ വികല​മാ​യി​രി​ക്കും. (2 തിമൊ​ഥെ​യൊസ്‌ 3:1-5, NW) ഫലമോ, ചില​പ്പോൾ കുട്ടി​ക​ളോ​ടുള്ള ദുഷ്‌പെ​രു​മാ​റ്റം ഒരു തുടർക്ക​ഥ​യാ​യി മാറുന്നു. അതായത്‌, ആളുകൾ തങ്ങളുടെ മാതാ​പി​താ​ക്കൾ തങ്ങളോ​ടു മോശ​മാ​യി പെരു​മാ​റി​യ​തു​പോ​ലെ സ്വന്തം മക്കളോ​ടും മോശ​മാ​യി ഇടപെ​ടു​ന്നു.

കൂടാതെ, മാതാ​പി​താ​ക്കൾ പല കാരണ​ങ്ങ​ളാൽ അങ്ങേയറ്റം അസന്തു​ഷ്ട​രാ​യി​രു​ന്നേ​ക്കാം. കഷ്ടപ്പാ​ടിൽനി​ന്നും നിരാ​ശ​യിൽനി​ന്നും രക്ഷപ്പെ​ടാ​നാ​യി ചിലർ തൊഴി​ലി​ലോ മദ്യപാ​ന​ത്തി​ലോ മയക്കു​മ​രു​ന്നു ദുരു​പ​യോ​ഗ​ത്തി​ലോ മുഴു​കു​ന്നു. ഉദാഹ​ര​ണ​ത്തിന്‌, വില്ല്യ​മി​ന്റെ​യും ജോണി​ന്റെ​യും പിതാവ്‌ ഒരു മദ്യപാ​നി​യാ​യി​രു​ന്നു. “ഞങ്ങളെ അഭിന​ന്ദി​ക്കു​ന്നത്‌ ഡാഡിക്ക്‌ വലിയ ബുദ്ധി​മു​ട്ടുള്ള കാര്യ​മാ​യി​രു​ന്നു,” ജോൺ പറയുന്നു. “മദ്യം അകത്തു ചെന്നു കഴിയു​മ്പോ​ഴുള്ള അദ്ദേഹ​ത്തി​ന്റെ ദേഷ്യ​മാ​യി​രു​ന്നു ഒട്ടും സഹിക്കാൻ വയ്യാഞ്ഞത്‌. വൈകി​ട്ടു മുഴുവൻ അദ്ദേഹം മമ്മിയു​ടെ നേരെ ഒച്ചയി​ടു​മാ​യി​രു​ന്നു. എനി​ക്കെന്തു പേടി​യാ​യി​രു​ന്നെ​ന്നോ.” ഇനിയും, മാതാ​പി​താ​ക്കൾ പരസ്യ​മാ​യി കുട്ടി​ക​ളോട്‌ മോശ​മായ രീതി​യിൽ പെരു​മാ​റി​യി​ല്ലെ​ങ്കിൽ പോലും, കുട്ടി​കൾക്ക്‌ ആവശ്യ​മായ സ്‌നേ​ഹ​വും ശ്രദ്ധയും നൽകാൻ കഴിയാ​ത്ത​വി​ധം അവരുടെ ജീവി​ത​രീ​തി അവരെ ക്ഷീണി​ത​രാ​ക്കി​ത്തീർത്തേ​ക്കാം.

തന്റെ പിതാ​വി​ന്റെ പ്രവച​നാ​തീ​ത​മായ പെരു​മാ​റ്റ​ത്തി​നു പിന്നിൽ എന്തായി​രു​ന്നെന്ന്‌ താൻ മനസ്സി​ലാ​ക്കു​ന്ന​താ​യി വില്ല്യം കരുതു​ന്നു. “രണ്ടാം ലോക​മ​ഹാ​യു​ദ്ധ​കാ​ലത്ത്‌ ജർമനി​യി​ലെ ബെർലി​നി​ലാണ്‌ ഡാഡി വളർന്നു​വ​ന്നത്‌,” വില്ല്യം വിശദീ​ക​രി​ക്കു​ന്നു. “കുട്ടി​ക്കാ​ലത്ത്‌ ഭീതി​ദ​മായ അസംഖ്യം അനുഭ​വങ്ങൾ അദ്ദേഹ​ത്തിന്‌ ഉണ്ടായി. മാത്രമല്ല, ഒട്ടേറെ മരണങ്ങ​ളും അദ്ദേഹം നേരിൽ കണ്ടു. വിശപ്പ​ട​ക്കു​ന്ന​തി​നു വേണ്ടി​ത്തന്നെ അദ്ദേഹ​ത്തി​നു ദിവസ​വും നന്നേ പാടു​പെ​ടേണ്ടി വന്നു. ആ അനുഭ​വങ്ങൾ ഡാഡിയെ വല്ലാതെ ബാധിച്ചു എന്ന്‌ എനിക്കു തോന്നു​ന്നു.” വാസ്‌ത​വ​ത്തിൽ, കടുത്ത ഞെരുക്കം അനുഭ​വി​ക്കുന്ന ആളുകൾ യുക്തിക്കു നിരക്കാത്ത വിധത്തിൽ പ്രവർത്തി​ച്ചേ​ക്കാ​മെന്നു ബൈബിൾ സമ്മതി​ക്കു​ന്നുണ്ട്‌.—സഭാ​പ്ര​സം​ഗി 7:7, NW.

തങ്ങളുടെ പിതാ​വി​ന്റെ ജീവി​താ​നു​ഭ​വങ്ങൾ അദ്ദേഹം തങ്ങളോട്‌ ഇടപെട്ട വിധത്തെ ന്യായീ​ക​രി​ക്കു​ന്നു​വെന്ന്‌ വില്ല്യ​മി​നും ജോണി​നും തോന്നു​ന്നു​ണ്ടോ? വില്ല്യം പറയു​ന്നതു കേൾക്കൂ: “ഇല്ല, ഡാഡി​യു​ടെ പശ്ചാത്തലം അദ്ദേഹ​ത്തി​ന്റെ മദ്യപാ​ന​ത്തെ​യും മോശ​മായ പെരു​മാ​റ്റ​ത്തെ​യും ഒരു തരത്തി​ലും ന്യായീ​ക​രി​ക്കു​ന്നില്ല. എന്നിരു​ന്നാ​ലും, ഡാഡി​യു​ടെ പശ്ചാത്തലം മനസ്സി​ലാ​ക്കി​യത്‌ അദ്ദേഹ​ത്തി​ന്റെ പെരു​മാറ്റ രീതി​കളെ കുറിച്ച്‌ കൂടുതൽ ഉൾക്കാഴ്‌ച നേടാൻ എന്നെ സഹായി​ച്ചി​രി​ക്കു​ന്നു.”

നിങ്ങളു​ടെ മാതാ​പി​താ​ക്കൾ അപൂർണ​രാ​ണെന്ന യാഥാർഥ്യം അംഗീ​ക​രി​ക്കു​ന്ന​തും അവരുടെ പശ്ചാത്ത​ലത്തെ കുറിച്ചു ചില കാര്യങ്ങൾ അറിയു​ന്ന​തും അവരെ മനസ്സി​ലാ​ക്കു​ന്ന​തിന്‌ നിങ്ങളെ വളരെ​യ​ധി​കം സഹായി​ക്കും. സദൃശ​വാ​ക്യ​ങ്ങൾ 19:11 (NW) പറയുന്നു: “ഒരു മനുഷ്യ​ന്റെ ഉൾക്കാഴ്‌ച തീർച്ച​യാ​യും അവന്റെ കോപത്തെ ശമിപ്പി​ക്കു​ന്നു.”

നിങ്ങളു​ടെ വികാ​ര​ങ്ങളെ കൈകാ​ര്യം ചെയ്യൽ

വീട്ടിലെ സാഹച​ര്യം നിമിത്തം മറ്റു നിഷേ​ധാ​ത്മക വികാ​ര​ങ്ങ​ളും നിങ്ങളെ വേട്ടയാ​ടി​യേ​ക്കാം. ഉദാഹ​ര​ണ​ത്തിന്‌, മാതാ​പി​താ​ക്ക​ളു​ടെ ശ്രദ്ധ കിട്ടാതെ വന്നത്‌ താൻ “വില​കെ​ട്ട​വ​ളും സ്‌നേ​ഹി​ക്കാൻ കൊള്ളാ​ത്ത​വ​ളും ആണെന്നുള്ള” തോന്നൽ പട്രി​ഷ​യിൽ ഉളവാക്കി. തനിക്കു വെറും എട്ടു വയസ്സു​ള്ള​പ്പോൾ പിതാവ്‌ ഉപേക്ഷി​ച്ചു പോയ​തോ​ടെ ലനീഷ​യ്‌ക്ക്‌ പുരു​ഷ​ന്മാ​രിൽ പൊതു​വേ വിശ്വാ​സ​മി​ല്ലാ​താ​യി. ഷെയ്‌ല​യാ​കട്ടെ, “മയക്കു​മ​രു​ന്നു​കൾക്ക്‌ അടിമ​യായ” തന്റെ അമ്മ ഉളവാ​ക്കിയ ശൂന്യത നികത്താ​നുള്ള ശ്രമത്തിൽ, കണ്ടുമു​ട്ടു​ന്ന​വ​രു​ടെ​യെ​ല്ലാം​തന്നെ ശ്രദ്ധയ്‌ക്കാ​യി ആഗ്രഹി​ച്ചു.

കോപ​വും അസൂയ​യും ആകാം മറ്റുചില പ്രശ്‌നങ്ങൾ. താൻ കൊതിച്ച സ്‌നേഹം പുനർവി​വാ​ഹി​ത​നായ പിതാവ്‌ അദ്ദേഹ​ത്തി​ന്റെ പുതിയ കുടും​ബ​ത്തി​നു നൽകു​ന്നതു കണ്ടപ്പോൾ കാരന്‌ “ഒരു സമയത്ത്‌ എന്തെന്നി​ല്ലാത്ത അസൂയ” തോന്നി. ലെയ്‌ലാ​നി​ക്കാ​ണെ​ങ്കിൽ ചില സമയങ്ങ​ളിൽ തന്റെ മാതാ​പി​താ​ക്ക​ളോ​ടു വെറുപ്പു പോലും തോന്നി. “അവരു​മാ​യി ഞാൻ എപ്പോ​ഴും വഴക്കു​ണ്ടാ​ക്കു​മാ​യി​രു​ന്നു,” അവൾ പറയുന്നു.

സാഹച​ര്യ​ങ്ങൾ കണക്കി​ലെ​ടു​ക്കു​മ്പോൾ ഈ വികാ​ര​ങ്ങ​ളെ​ല്ലാം മനസ്സി​ലാ​ക്കാ​വു​ന്ന​തേ​യു​ള്ളൂ. എന്നാൽ, ഇത്തരം നിഷേ​ധാ​ത്മക വികാ​ര​ങ്ങളെ ക്രിയാ​ത്മ​ക​മായ വിധത്തിൽ കൈകാ​ര്യം ചെയ്യാൻ നിങ്ങൾക്ക്‌ എങ്ങനെ കഴിയും? പിൻവ​രുന്ന നിർദേ​ശങ്ങൾ പരിചി​ന്തി​ക്കുക.

• യഹോ​വ​യാം ദൈവ​ത്തോട്‌ അടുത്തു ചെല്ലുക. (യാക്കോബ്‌ 4:8) വ്യക്തി​പ​ര​മായ ബൈബിൾ വായന​യി​ലൂ​ടെ​യും ദൈവ​ജ​ന​വു​മാ​യുള്ള ക്രമമായ സഹവാ​സ​ത്തി​ലൂ​ടെ​യും നിങ്ങൾക്ക​തി​നു കഴിയും. യഹോവ മറ്റുള്ള​വ​രോട്‌ ഇടപെ​ടുന്ന വിധം മനസ്സി​ലാ​ക്കു​മ്പോൾ അവൻ വിശ്വ​സ്‌ത​നാ​ണെന്നു നിങ്ങൾ തിരി​ച്ച​റി​യും. നിങ്ങൾക്ക്‌ അവനെ വിശ്വ​സി​ക്കാൻ കഴിയും. “ഒരു സ്‌ത്രീ തന്റെ കുഞ്ഞിനെ മറക്കു​മോ? താൻ പ്രസവിച്ച മകനോ​ടു കരുണ, തോന്നാ​തി​രി​ക്കു​മോ?” യഹോവ ഇസ്രാ​യേ​ല്യ​രോ​ടു ചോദി​ച്ചു. “അവർ മറന്നു​ക​ള​ഞ്ഞാ​ലും ഞാൻ നിന്നെ മറക്കയില്ല” എന്ന്‌ അവൻ വാഗ്‌ദാ​നം ചെയ്‌തു. (യെശയ്യാ​വു 49:15) അതു​കൊണ്ട്‌ ദൈവ​ത്തോ​ടു പ്രാർഥി​ക്കു​ന്നത്‌ ഒരു പതിവാ​ക്കുക. കൃത്യ​മായ പദങ്ങൾ ഉപയോ​ഗി​ക്കു​ന്ന​തി​നെ കുറി​ച്ചോർത്തു വിഷമി​ക്കേണ്ട. അവൻ നിങ്ങളെ മനസ്സി​ലാ​ക്കു​ന്നു. (റോമർ 8:26) മറ്റാരും സ്‌നേ​ഹി​ക്കു​ന്നി​ല്ലെന്നു തോന്നു​മ്പോൾ പോലും യഹോവ നിങ്ങളെ സ്‌നേ​ഹി​ക്കു​ന്നു എന്നു മനസ്സി​ലാ​ക്കുക.—സങ്കീർത്തനം 27:10.

• ആശ്രയ​യോ​ഗ്യ​നായ ഒരു മുതിർന്ന വ്യക്തി​യോ​ടു കാര്യങ്ങൾ തുറന്നു പറയുക. ആത്മീയ​മാ​യി പക്വത​യു​ള്ള​വ​രു​മാ​യി സൗഹൃ​ദ​ത്തി​ലാ​കുക. നിങ്ങളു​ടെ വികാ​ര​ങ്ങ​ളും ആശങ്കക​ളും അവരോ​ടു തുറന്നു പറയുക. യഹോ​വ​യു​ടെ സാക്ഷി​ക​ളു​ടെ ക്രിസ്‌തീയ സഭയിൽ നിങ്ങൾക്ക്‌ ആത്മീയ പിതാ​ക്ക​ന്മാ​രെ​യും മാതാ​ക്ക​ളെ​യും കണ്ടെത്താൻ കഴിയും. (മർക്കൊസ്‌ 10:29, 30) എന്നാൽ, നിങ്ങളു​ടെ വികാ​രങ്ങൾ അവരു​മാ​യി പങ്കു​വെ​ക്കു​ന്ന​തി​നു നിങ്ങൾതന്നെ മുൻകൈ എടു​ക്കേ​ണ്ട​തു​ണ്ടാ​യി​രി​ക്കാം. നിങ്ങൾക്ക്‌ എന്തു തോന്നു​ന്നു എന്നു മറ്റുള്ള​വ​രോ​ടു പറഞ്ഞി​ല്ലെ​ങ്കിൽ അവർ അത്‌ അറിയില്ല. ഹൃദയ​ത്തി​ലെ ഭാരം ഇറക്കി​വ​യ്‌ക്കു​മ്പോൾ ഉണ്ടാകുന്ന ആശ്വാസം ഒന്നു വേറെ തന്നെയാണ്‌.—1 ശമൂവേൽ 1:12-18.

•മറ്റുള്ളവർക്കായി കാര്യങ്ങൾ ചെയ്‌തു​കൊണ്ട്‌ തിരക്കു​ള്ള​വ​രാ​യി​രി​ക്കുക. തന്നെക്കു​റിച്ച്‌ ഓർത്ത്‌ പരിത​പി​ക്കു​ന്ന​തി​ന്റെ അപകടം ഒഴിവാ​ക്കു​ന്ന​തിന്‌, നിങ്ങളു​ടെ സാഹച​ര്യ​ത്തി​ന്റെ പ്രതി​കൂല വശങ്ങളെ കുറിച്ചു ചിന്തിച്ച്‌ തലപു​ണ്ണാ​ക്കാ​തി​രി​ക്കാൻ ശ്രമി​ക്കുക. പകരം, നിങ്ങൾക്ക്‌ ഉള്ളതു വിലമ​തി​ക്കാൻ പഠിക്കുക. ‘സ്വന്തഗു​ണമല്ല മറ്റുള്ള​വന്റെ ഗുണവും കൂടെ നോക്കി​ക്കൊണ്ട്‌’ അവസര​ങ്ങ​ളു​ടെ ലോക​ത്തി​ലേ​ക്കുള്ള വാതിൽ തുറക്കുക. (ഫിലി​പ്പി​യർ 2:4) ആത്മീയ ലാക്കുകൾ വെക്കുക. എന്നിട്ട്‌, അവയിൽ എത്തി​ച്ചേ​രാ​നാ​യി ശുഭാ​പ്‌തി​വി​ശ്വാ​സ​ത്തോ​ടെ കഠിന​ശ്രമം ചെയ്യുക. നിങ്ങളിൽത്തന്നെ ശ്രദ്ധ കേന്ദ്രീ​ക​രി​ക്കു​ന്ന​തി​നു പകരം മറ്റുള്ള​വ​രിൽ ശ്രദ്ധ കേന്ദ്രീ​ക​രി​ക്കു​ന്ന​തി​നുള്ള ഒരു ഉത്തമ മാർഗ​മാണ്‌ ക്രിസ്‌തീയ ശുശ്രൂ​ഷ​യിൽ ഏർപ്പെ​ട്ടു​കൊ​ണ്ടു മറ്റുള്ള​വ​രു​ടെ ആവശ്യ​ങ്ങൾക്കാ​യി കരുതു​ന്നത്‌.

• നിങ്ങളു​ടെ മാതാ​പി​താ​ക്ക​ളോ​ടു ബഹുമാ​നം പ്രകട​മാ​ക്കു​ന്ന​തിൽ തുടരുക. ബൈബിൾ തത്ത്വങ്ങ​ളോ​ടും നിലവാ​ര​ങ്ങ​ളോ​ടും പറ്റിനിൽക്കാൻ എല്ലായ്‌പോ​ഴും ശ്രദ്ധി​ക്കുക. നിങ്ങളു​ടെ മാതാ​പി​താ​ക്ക​ളോ​ടു ബഹുമാ​നം പ്രകട​മാ​ക്കു​ന്നത്‌ ഇതിൽ ഉൾപ്പെ​ടു​ന്നു. (എഫെസ്യർ 6:1-3) അത്തരം ബഹുമാ​നം പ്രതി​കാര ബുദ്ധി​യോ​ടു​കൂ​ടിയ ഒരു പകവീട്ടൽ മനോ​ഭാ​വം സ്വീക​രി​ക്കു​ന്ന​തി​നെ തടയും. മാതാ​വി​ന്റെ​യോ പിതാ​വി​ന്റെ​യോ ഭാഗത്ത്‌ എത്രതന്നെ തെറ്റു​ള്ള​താ​യി തോന്നി​യാ​ലും അതു നിങ്ങളു​ടെ തെറ്റിനെ ഒരിക്ക​ലും ന്യായീ​ക​രി​ക്കില്ല എന്നോർക്കുക. അതു​കൊണ്ട്‌ കാര്യ​ങ്ങളെ യഹോ​വ​യ്‌ക്കു വിട്ടു​കൊ​ടു​ക്കുക. (റോമർ 12:17-21) അവൻ ‘ന്യായ​പ്രി​യൻ’ ആണ്‌. അവനു കുട്ടി​ക​ളോട്‌ വളരെ ശക്തമായ സംരക്ഷ​ണാ​ത്മക വികാ​ര​ങ്ങ​ളുണ്ട്‌. (സങ്കീർത്തനം 37:28; പുറപ്പാ​ടു 22:22-24) നിങ്ങൾ മാതാ​പി​താ​ക്ക​ളോട്‌ ഉചിത​മായ ബഹുമാ​നം പ്രകട​മാ​ക്കു​ന്ന​തിൽ തുടരവേ ദൈവാ​ത്മാ​വി​ന്റെ ഫലം—എല്ലാറ്റി​ലും ഉപരി​യാ​യി സ്‌നേഹം എന്ന ഫലം—നട്ടുവ​ളർത്താൻ ശ്രമി​ക്കുക.—ഗലാത്യർ 5:22, 23.

നിങ്ങൾക്കു വിജയി​ക്കാൻ കഴിയും

മാതാ​വി​ന്റെ​യോ പിതാ​വി​ന്റെ​യോ സ്‌നേ​ഹ​മി​ല്ലായ്‌മ മനോ​വേദന ഉളവാ​ക്കും എന്ന കാര്യ​ത്തിൽ സംശയ​മില്ല. എന്നാൽ അവരുടെ ഭാഗത്തെ പരാജയം നിങ്ങൾ ഏതുതരം വ്യക്തി​യാ​യി​ത്തീ​രും എന്നതിനെ നിർണ​യി​ക്കേ​ണ്ട​തില്ല. മേൽപ്പറഞ്ഞ ബൈബിൾ തത്ത്വങ്ങൾ ജീവി​ത​ത്തിൽ ബാധക​മാ​ക്കി​ക്കൊണ്ട്‌ സന്തുഷ്ട​വും വിജയ​പ്ര​ദ​വു​മായ ഒരു ഭാവി നിങ്ങൾക്കു സ്വയം തിര​ഞ്ഞെ​ടു​ക്കാൻ കഴിയും.

നേരത്തേ പരാമർശിച്ച വില്ല്യം യഹോ​വ​യു​ടെ സാക്ഷി​ക​ളു​ടെ ഒരു ബ്രാഞ്ച്‌ ഓഫീ​സി​ലെ മുഴു​സമയ സ്വമേ​ധയാ സേവക​നാണ്‌. അദ്ദേഹം ഇങ്ങനെ പറയുന്നു. “ദാരു​ണ​മായ ഈ സാഹച​ര്യ​ങ്ങളെ തരണം ചെയ്യാൻ നമ്മെ സഹായി​ക്കു​ന്ന​തിന്‌ യഹോവ നമുക്ക്‌ നിരവധി കരുത​ലു​കൾ നൽകി​യി​ട്ടുണ്ട്‌. ഇത്രയും സ്‌നേ​ഹ​സ​മ്പ​ന്ന​നും കരുത​ലു​ള്ള​വ​നു​മായ ഒരു സ്വർഗീയ പിതാവ്‌ ഉണ്ടായി​രി​ക്കു​ന്നത്‌ എത്ര വലിയ പദവി​യാണ്‌.” അദ്ദേഹ​ത്തി​ന്റെ സഹോ​ദരി ജോൺ സുവി​ശേ​ഷ​ക​രു​ടെ ആവശ്യം അധിക​മുള്ള സ്ഥലങ്ങളിൽ സേവിച്ചു വരുന്ന ഒരു മുഴു​സമയ പയനിയർ ശുശ്രൂ​ഷ​ക​യാണ്‌. “വളർന്നു​വ​രവേ, ‘ദൈവത്തെ സേവി​ക്കു​ന്ന​വ​നും സേവി​ക്കാ​ത്ത​വ​നും തമ്മിലുള്ള’ വ്യത്യാ​സം ഞങ്ങൾക്കു വ്യക്തമാ​യി കാണാൻ കഴിഞ്ഞു,” ജോൺ പറയുന്നു. (മലാഖി 3:18) “ഞങ്ങളുടെ അനുഭ​വങ്ങൾ സത്യത്തി​നു വേണ്ടി പോരാ​ടാ​നും സത്യം സ്വന്തമാ​ക്കാ​നു​മുള്ള ദൃഢനി​ശ്ചയം ഞങ്ങളിൽ ഉളവാക്കി.”

നിങ്ങൾക്കും അവരെ പോ​ലെ​തന്നെ വിജയ​ശ്രീ​ലാ​ളി​ത​രാ​യി​ത്തീ​രാൻ സാധി​ക്കും. “കണ്ണുനീ​രോ​ടെ വിതെ​ക്കു​ന്നവർ ആർപ്പോ​ടെ കൊയ്യും” എന്നു ബൈബിൾ പറയുന്നു. (സങ്കീർത്തനം 126:5) ആ വാക്യ​ത്തി​ന്റെ പ്രസക്തി എന്താണ്‌? ദുഷ്‌ക​ര​മായ സാഹച​ര്യ​ങ്ങ​ളിൽ ശരിയായ തത്ത്വങ്ങൾ ബാധക​മാ​ക്കാൻ നിങ്ങൾ പ്രയത്‌നി​ക്കു​ന്നെ​ങ്കിൽ, ഒടുവിൽ ദൈവാ​നു​ഗ്രഹം ആസ്വദി​ക്കവേ നിങ്ങളു​ടെ കണ്ണുനീർ സന്തോ​ഷ​ത്തി​നു വഴിമാ​റും.

അതു​കൊണ്ട്‌ ദൈവ​ത്തോ​ടു കൂടുതൽ അടുത്തു​ചെ​ല്ലാൻ പ്രയത്‌നി​ക്കു​ന്ന​തിൽ തുടരുക. (എബ്രായർ 6:10; 11:6) നിങ്ങൾ ഉത്‌ക​ണ്‌ഠ​യും നിരാ​ശ​യും കുറ്റ​ബോ​ധ​വും അനുഭ​വി​ക്കാൻ തുടങ്ങി​യി​ട്ടു വർഷങ്ങ​ളാ​യെ​ങ്കിൽപ്പോ​ലും ഈ വികാ​രങ്ങൾ സാവധാ​നം മാഞ്ഞ്‌ ഇല്ലാതാ​കു​ക​യും പകരം “സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം” നിങ്ങളു​ടെ മനസ്സിൽ സ്ഥാനം പിടി​ക്കു​ക​യും ചെയ്‌തേ​ക്കാം.—ഫിലി​പ്പി​യർ 4:6, 7. (g02 9/22)

[അടിക്കു​റിപ്പ്‌]

[11-ാം പേജിലെ ചതുരം]

നിങ്ങൾക്കു തോന്നു​ന്നു​ണ്ടോ . . .

• നിങ്ങൾ ഒന്നിനും കൊള്ളാ​ത്ത​വ​നാ​ണെന്ന്‌?

• മറ്റുള്ള​വ​രിൽ വിശ്വാ​സം അർപ്പി​ക്കു​ന്നത്‌ സുരക്ഷി​ത​മോ ബുദ്ധി​യോ അല്ലെന്ന്‌?

• നിങ്ങൾക്ക്‌ എപ്പോ​ഴും സാന്ത്വനം ആവശ്യ​മാ​ണെന്ന്‌?

• നിങ്ങളു​ടെ ദേഷ്യ​മോ അസൂയ​യോ നിയ​ന്ത്ര​ണാ​ധീ​ന​മ​ല്ലെന്ന്‌?

ഈ ചോദ്യ​ങ്ങൾക്കുള്ള നിങ്ങളു​ടെ ഉത്തരം ഉവ്വ്‌ എന്നാ​ണെ​ങ്കിൽ എത്രയും വേഗം ആശ്രയ​യോ​ഗ്യ​നായ ഒരു വ്യക്തി​യു​മാ​യി—അത്‌ മാതാ​വോ പിതാ​വോ ഒരു മൂപ്പനോ ആത്മീയ പക്വത​യുള്ള ഒരു സുഹൃ​ത്തോ ആകാം—കാര്യങ്ങൾ ചർച്ച​ചെ​യ്യുക.

[12-ാം പേജിലെ ചിത്രങ്ങൾ]

നിങ്ങളുടെ വികാ​ര​ങ്ങളെ കൈകാ​ര്യം ചെയ്യു​ന്ന​തി​നു ക്രിയാ​ത്മക പടികൾ സ്വീക​രി​ക്കു​ക