കാലാ​വ​സ്ഥയെ സ്വാധീ​നി​ക്കുന്ന ഒരു വേലി

ഓസ്‌ട്രേലിയയിലെ ഉണരുക! ലേഖകൻ

ഒരു കാലത്ത്‌ അത്‌ വെസ്റ്റേൺ ഓസ്‌​ട്രേ​ലിയ സംസ്ഥാ​നത്തെ വടക്കു​മു​തൽ തെക്കു​വരെ രണ്ടായി പകുത്തി​രു​ന്നു. തടിയും കമ്പിയും​കൊ​ണ്ടു നിർമിച്ച, 1,830 കിലോ​മീ​റ്റ​റി​ലേറെ നീളമു​ണ്ടാ​യി​രുന്ന അത്‌ 1907-ൽ പൂർത്തി​യാ​യ​പ്പോൾ ലോക​ത്തി​ലേ​ക്കും ഏറ്റവും നീളം കൂടിയ വേലി​യാ​യി​രു​ന്നു. ‘നമ്പർ വൺ റാബിറ്റ്‌ പ്രൂഫ്‌ ഫെൻസ്‌’ (മുയലു​കളെ തടയുന്ന നെടു​നീ​ളൻ വേലി) എന്നായി​രു​ന്നു ഇതിന്റെ ഔദ്യോ​ഗിക നാമം.

പേരു സൂചി​പ്പി​ക്കു​ന്ന​തു​പോ​ലെ, 19-ാം നൂറ്റാ​ണ്ടി​ന്റെ ഒടുവിൽ ഓസ്‌​ട്രേ​ലി​യ​യു​ടെ പടിഞ്ഞാ​റൻ ഭാഗങ്ങ​ളി​ലേക്കു പറ്റത്തോ​ടെ നീങ്ങി​ക്കൊ​ണ്ടി​രുന്ന മുയലു​ക​ളു​ടെ ശല്യം സഹിക്ക​വ​യ്യാ​തെ ഒരു പ്രതി​രോധ ഉപാധി എന്ന നിലയി​ലാണ്‌ ഈ വേലി ആദ്യം നിർമി​ച്ചത്‌. നൂറു വർഷ​ത്തോ​ളം പഴക്കമുള്ള അതിന്റെ മിക്ക ഭാഗങ്ങ​ളും ഇപ്പോ​ഴും നിലനിൽക്കു​ന്നുണ്ട്‌. അപ്രതീ​ക്ഷി​ത​മായ ഒരു കാരണ​ത്താൽ അടുത്ത​കാ​ല​ത്താ​യി ഇത്‌ ശാസ്‌ത്ര​ലോ​ക​ത്തി​ന്റെ ശ്രദ്ധാ​കേ​ന്ദ്ര​മാ​യി മാറി​യി​രി​ക്കു​ക​യാണ്‌. ഈ മനുഷ്യ​നിർമിത വേലി പരോ​ക്ഷ​മാ​യി പ്രാ​ദേ​ശിക കാലാ​വ​സ്ഥയെ സ്വാധീ​നി​ക്കു​ന്ന​താ​യി കാണ​പ്പെ​ടു​ന്നു.

ഒരു മീറ്ററി​നെ​ക്കാൾ അൽപ്പം​കൂ​ടെ മാത്രം ഉയരമുള്ള ഈ വേലിക്ക്‌ അത്തരം ഒരു പ്രഭാവം ചെലു​ത്താൻ കഴിയു​ന്നത്‌ എങ്ങനെ​യെന്നു പരി​ശോ​ധി​ക്കു​ന്ന​തി​നു​മുമ്പ്‌ അസാധാ​ര​ണ​മായ ഈ നിർമി​തി​യു​ടെ ചരി​ത്ര​ത്തി​ലേക്ക്‌ നമു​ക്കൊ​ന്നു കണ്ണോ​ടി​ക്കാം.

വിജയി​ക്കാഞ്ഞ ശ്രമങ്ങൾ

മുയൽപ്പ​ട​യു​ടെ മുന്നേറ്റം തടയാ​നുള്ള ശ്രമത്തിൽ, 1901 മുതൽ 1907 വരെ 400-ഓളം പേർ നമ്പർ വൺ റാബിറ്റ്‌ പ്രൂഫ്‌ ഫെൻസി​ന്റെ നിർമാ​ണ​ത്തി​നു​വേണ്ടി പണി​യെ​ടു​ത്തു. വെസ്റ്റേൺ ഓസ്‌​ട്രേ​ലി​യ​യി​ലെ കാർഷിക വകുപ്പ്‌ പറയുന്ന പ്രകാരം, “ഏതാണ്ട്‌ 8,000 ടൺ നിർമാണ വസ്‌തു​ക്കൾ കപ്പലിൽ കൊണ്ടു​വന്ന്‌ റെയിൽമാർഗം ഡിപ്പോ​ക​ളിൽ എത്തിച്ചു. അവി​ടെ​നിന്ന്‌ വേലി​യു​ടെ പണി നടക്കുന്ന ഉൾപ്ര​ദേ​ശ​ങ്ങ​ളി​ലേക്ക്‌ കുതിര, ഒട്ടകം, കഴുത എന്നിവയെ ഉപയോ​ഗിച്ച്‌ അവ വണ്ടിക​ളിൽ വലിച്ചു​കൊ​ണ്ടു​പോ​യി.”

വേലിക്ക്‌ ഇരുവ​ശ​വും മൂന്നു മീറ്റർ വീതി​യിൽ പണിക്കാർ കാടു വെട്ടി​ത്തെ​ളി​ച്ചു. വെട്ടി​യിട്ട മരങ്ങളു​ടെ കുറേ​ഭാ​ഗം വേലി​ക്കാ​ലു​ക​ളാ​യി ഉപയോ​ഗി​ച്ചു, മരങ്ങൾ ഇല്ലായി​രു​ന്നി​ടത്ത്‌ ഇറക്കു​മതി ചെയ്‌ത ലോഹ​ക്കാ​ലു​കൾ നാട്ടി. പണി പൂർത്തി​യാ​യ​പ്പോൾ മുയലു​ക​ളു​ടെ മുന്നേറ്റം തടയുന്ന ഒരു വേലി മാത്രമല്ല, ഭൂഖണ്ഡ​ത്തി​ന്റെ കുറുകെ കടന്നു​പോ​കുന്ന ഒരു പരുക്കൻ വഴിയും രൂപം​കൊ​ണ്ടു.

ഈ വേലി, ആക്രമി​ച്ചു മുന്നേ​റുന്ന മുയൽപ്പ​റ്റത്തെ അടച്ചു​കെ​ട്ടിയ സ്ഥലങ്ങളി​ലേക്കു വഴിതി​രി​ച്ചു​വി​ടു​ക​യും അവിടെ അവ ചത്തൊ​ടു​ങ്ങു​ക​യും ചെയ്‌തു. ഈ വിധത്തിൽ അത്‌ ഒരു പടുകൂ​റ്റൻ വലപോ​ലെ പ്രവർത്തി​ച്ചു. എന്നാൽ ചില സ്ഥലങ്ങളിൽ മുയലു​കൾ വേലി​ചാ​ടി. എങ്ങനെ? ഓസ്‌​ട്രേ​ലി​യ​യു​ടെ പടിഞ്ഞാ​റൻ ഭാഗ​ത്തേക്ക്‌ അണമു​റി​യാ​തെ ഒഴുകി​യെ​ത്തിയ മുയൽപ്പ​റ്റങ്ങൾ വേലി​ക്ക​രി​കിൽ ചത്തു കൂനകൂ​ടി​ക്കി​ടന്ന മുയലു​ക​ളു​ടെ മുകളി​ലൂ​ടെ കയറി അപ്പുറ​ത്തെത്തി. ആദ്യത്തെ വേലി​യിൽനിന്ന്‌ പുറ​ത്തേക്കു നീണ്ടു​നിൽക്കുന്ന രണ്ട്‌ വേലികൾ കൂടി പിന്നീട്‌ പണിയു​ക​യു​ണ്ടാ​യി. അങ്ങനെ വേലി​ക​ളു​ടെ ശൃംഖ​ല​യു​ടെ ആകെ നീളം 3,256 കിലോ​മീ​റ്റ​റാ​യി.

മാനുഷ സഹിഷ്‌ണു​ത​യ്‌ക്ക്‌ ഒരു സാക്ഷ്യം

എഫ്‌. എച്ച്‌. ബ്രൂം​ഹോ​ളി​നെ​പ്പോ​ലുള്ള ഏതാനും ചില അതിർത്തി സവാരി​ക്കാർ ഈ നെടു​നീ​ളൻ വേലി മുഴുവൻ റോന്തു​ചു​റ്റി​യി​ട്ടുണ്ട്‌. ലോക​ത്തി​ലെ ഏറ്റവും നീളമുള്ള വേലി (ഇംഗ്ലീഷ്‌) എന്ന പുസ്‌ത​ക​ത്തിൽ ബ്രൂം​ഹോൾ ഇങ്ങനെ പറയുന്നു: ‘വേലി​യും അതിനു സമാന്ത​ര​മാ​യി കടന്നു​പോ​കുന്ന പാതയും നല്ല നിലയിൽ സംരക്ഷി​ക്കുക, വേലിക്ക്‌ ഇരുവ​ശ​വും ആവശ്യ​മായ വീതി​യിൽ കാടും പടപ്പും വെട്ടി നിറു​ത്തുക, ഓരോ 32 കിലോ​മീ​റ്റർ ദൂരത്തി​ലും വെച്ചി​രി​ക്കുന്ന ഗേറ്റുകൾ സംരക്ഷി​ക്കുക, കെണി​യിൽ അകപ്പെ​ടുന്ന മുയലു​കളെ എടുത്തു കളയുക എന്നിവ​യാ​യി​രു​ന്നു റോന്തു​ചു​റ്റു​ന്ന​വ​രു​ടെ ജോലി​കൾ.’

ലോക​ത്തിൽ, ഏറ്റവും അധികം ഏകാന്തത അടി​ച്ചേൽപ്പി​ക്കുന്ന തൊഴി​ലു​ക​ളിൽ ഒന്നായി​രു​ന്നി​രി​ക്കണം റോന്തു​ചു​റ്റു​ന്ന​വ​രു​ടേത്‌. ഒരു മനുഷ്യ​ജീ​വി​പോ​ലും കൂട്ടി​നി​ല്ലാ​തെ അവർ സദാ ഒറ്റയ്‌ക്കാ​യി​രു​ന്നു. കൂട്ടി​നു​ണ്ടെന്നു പറയാൻ ആകെ ഉണ്ടായി​രു​ന്നത്‌ ഒട്ടകങ്ങ​ളാ​യി​രു​ന്നു, അവയെ​യും​കൊണ്ട്‌ റോന്തു​ചു​റ്റു​ന്നവർ ഓരോ​രു​ത്ത​രും വേലി​യു​ടെ നോ​ക്കെത്താ ദൂര​ത്തോ​ളം, കിലോ​മീ​റ്റ​റു​കൾ തന്നെ, നീണ്ടു​കി​ട​ക്കുന്ന ഒരു ഭാഗം സംരക്ഷി​ക്ക​ണ​മാ​യി​രു​ന്നു. ചിലർക്ക്‌ ഒട്ടകങ്ങൾപോ​ലും കൂട്ടി​നി​ല്ലാ​യി​രു​ന്നു. സൈക്കി​ളിൽ വേണമാ​യി​രു​ന്നു വേലി​യോ​ടു ചേർന്നുള്ള ദുർഘടം പിടിച്ച പാതയി​ലൂ​ടെ അവർ റോന്തു​ചു​റ്റാൻ. എന്നാൽ ഇന്നാകട്ടെ, അവശേ​ഷി​ക്കുന്ന വേലി​യു​ടെ ഭാഗത്ത്‌ ആളുകൾ റോന്തു​ചു​റ്റു​ന്നത്‌ മോ​ട്ടോർ വാഹന​ങ്ങ​ളി​ലാണ്‌.

തികഞ്ഞ പരാജയം ആയിരു​ന്നി​ല്ല

മുയലു​ക​ളെ​ക്കൊ​ണ്ടുള്ള ഉപദ്രവം അവസാ​നി​പ്പി​ക്കാ​നാ​യി​ല്ലെ​ങ്കി​ലും മറ്റൊരു ശല്യക്കാ​രനെ—ഓസ്‌​ട്രേ​ലി​യ​യി​ലെ​തന്നെ പക്ഷിക​ളിൽ ഒന്നായ എമുവി​നെ—അകറ്റി​നി​റു​ത്താൻ ഈ വേലി വളരെ പ്രയോ​ജ​ന​ക​ര​മാ​ണെന്നു തെളി​ഞ്ഞി​രി​ക്കു​ന്നു. 1976-ൽ, പറക്കാൻ കഴിയാത്ത അസാധാ​രണ വലിപ്പ​മുള്ള ഇത്തരം 1,00,000-ത്തിൽപ്പരം പക്ഷികൾ വേലിക്കു പടിഞ്ഞാ​റുള്ള ഫലഭൂ​യി​ഷ്‌ഠ​മായ കൃഷി​സ്ഥ​ല​ങ്ങ​ളി​ലേക്കു കൂട്ട​ത്തോ​ടെ കുടി​യേ​റാൻ തുടങ്ങി. വേലി അവയുടെ അധിനി​വേശം തടഞ്ഞു. 90,000 പക്ഷികളെ കുരുതി കഴി​ക്കേണ്ടി വന്നെങ്കി​ലും ആ വർഷത്തെ വിളയിൽ അധിക​വും വിനാ​ശ​ത്തിൽനി​ന്നു സംരക്ഷി​ക്കാൻ അതു മുഖാ​ന്തരം കഴിഞ്ഞു.

അന്നത്തെ ഈ പ്രതി​സ​ന്ധി​ക്കു​ശേഷം, എമുവിൽനി​ന്നും അലഞ്ഞു​തി​രി​യുന്ന കാട്ടു​നാ​യ്‌ക്ക​ളിൽനി​ന്നും വെസ്റ്റേൺ ഓസ്‌​ട്രേ​ലി​യ​യി​ലെ കൃഷയി​ട​ങ്ങളെ സംരക്ഷി​ക്കാ​നാ​യി 1,170 കിലോ​മീ​റ്റർ ദൂരം വേലി ബലവത്താ​ക്കു​ക​യോ ചില പ്രദേ​ശ​ങ്ങ​ളും കൂടെ അതിന​കത്തു വരത്തക്ക​വി​ധം അത്‌ മാറ്റി​ക്കെ​ട്ടു​ക​യോ ചെയ്‌തു.a തത്‌ഫ​ല​മാ​യി ഈ വേലി ഒരു അതിർത്തി രേഖയാ​യി തീർന്നി​രി​ക്കു​ന്നു. കിഴക്ക്‌, ഓസ്‌​ട്രേ​ലി​യ​യു​ടെ ഹൃദയ​ഭാ​ഗത്തെ മനുഷ്യ​സ്‌പർശ​മേൽക്കാ​തെ കാടു​പി​ടി​ച്ചു കിടക്കുന്ന ഭൂമി. പടിഞ്ഞാറ്‌, മനുഷ്യർ ഭംഗി​യാ​യി കൃഷി​ചെ​യ്‌തു നിറു​ത്തി​യി​രി​ക്കുന്ന വിസ്‌തൃ​ത​മായ വയലേ​ല​ക​ളും.

അപ്രതീ​ക്ഷി​ത​മാ​യി കാലാ​വ​സ്ഥയെ നിയ​ന്ത്രിച്ച ഒരു ചുവർ

ഈ വേലി കാലാ​വ​സ്ഥ​യു​ടെ​മേൽ ചെലു​ത്തു​ന്ന​താ​യി കാണുന്ന പ്രഭാ​വ​ത്തി​നു കാരണം കിഴക്കും പടിഞ്ഞാ​റും വളരുന്ന സസ്യങ്ങ​ളി​ലുള്ള വലിയ വ്യത്യാ​സ​മാണ്‌. ദ ഹെലി​ക്‌സ്‌ എന്ന ശാസ്‌ത്ര​മാ​സിക ഇപ്രകാ​രം പറയുന്നു: “വേലിക്കു കിഴക്ക്‌ മഴ കൂടുതൽ ലഭിക്കാ​നും പടിഞ്ഞാറ്‌ മഴ കുറയാ​നും തുടങ്ങി​യി​രി​ക്കു​ന്നത്‌ തികച്ചും ആശ്ചര്യ​ക​ര​മാണ്‌.” തന്മൂലം, കിഴക്കുള്ള പ്രകൃ​തി​ജന്യ സസ്യങ്ങൾക്ക്‌ നിരന്തരം പ്രകൃ​തി​ദത്ത ജലം ലഭിക്കു​മ്പോൾ പടിഞ്ഞാ​റുള്ള കർഷകർക്ക്‌ ജലസേ​ച​നത്തെ കൂടു​ത​ലാ​യി ആശ്രയി​ക്കേണ്ടി വരുന്നു. ഈ വ്യതി​യാ​ന​ങ്ങൾക്ക്‌ ഇടയാ​ക്കി​യി​രി​ക്കാ​വുന്ന ഒരു കാരണം ചൂണ്ടി​ക്കാ​ണി​ച്ചു​കൊണ്ട്‌ മാസിക ഇങ്ങനെ വിശദീ​ക​രി​ക്കു​ന്നു: “പാട​ശേ​ഖ​ര​ങ്ങ​ളി​ലെ ആഴത്തിൽ വേരു​ക​ളി​ല്ലാത്ത കാർഷിക വിളകൾ തനിയെ വളർന്നു വരുന്ന വേരുറച്ച സസ്യങ്ങ​ളു​ടെ അത്രയും ജലം ഇലകളി​ലൂ​ടെ ബാഷ്‌പ​മാ​യി പുറന്ത​ള്ളു​ന്നില്ല.”

മറ്റൊരു കാരണത്തെ കുറിച്ച്‌ അന്തരീക്ഷ ശാസ്‌ത്ര പ്രൊ​ഫ​സ​റായ റ്റോം ലൈ​യോൺസ്‌ അഭി​പ്രാ​യ​പ്പെ​ടു​ന്നത്‌ ഇങ്ങനെ​യാണ്‌: “ഞങ്ങളുടെ സിദ്ധാ​ന്ത​മ​നു​സ​രിച്ച്‌ പ്രകൃ​തി​ദ​ത്ത​മായ കാട്‌ കൃഷി​ഭൂ​മി​യെ​ക്കാൾ വളരെ​യേറെ ഇരുണ്ട​താ​യ​തി​നാൽ അത്‌ അന്തരീ​ക്ഷ​ത്തി​ലേക്കു കൂടുതൽ ചൂട്‌ ഉത്സർജി​ക്കു​ക​യും . . . തന്മൂലം വായു​വി​ലു​ണ്ടാ​കുന്ന വിക്ഷു​ബ്ധാ​വസ്ഥ മേഘങ്ങൾ രൂപം​കൊ​ള്ളാൻ സഹായി​ക്കു​ക​യും ചെയ്യുന്നു.”

റാബിറ്റ്‌ പ്രൂഫ്‌ ഫെൻസ്‌, വെസ്റ്റേൺ ഓസ്‌​ട്രേ​ലി​യ​യി​ലെ കർഷകരെ മുയൽബാ​ധ​യിൽനി​ന്നു രക്ഷിച്ചി​ല്ലാ​യി​രി​ക്കാം. എങ്കിലും അതു കാലാ​വ​സ്ഥ​യു​ടെ മേൽ ചെലു​ത്തു​ന്ന​താ​യി തോന്നുന്ന പ്രഭാ​വ​വും ഭൂമി ഉപയോ​ഗി​ക്കുന്ന കാര്യ​ത്തിൽ ദീർഘ​വീ​ക്ഷണം ഉള്ളവരാ​യി​രി​ക്കേ​ണ്ടതു സംബന്ധി​ച്ചു നൽകുന്ന പാഠവും അമൂല്യം​ത​ന്നെ​യാ​ണെന്നു തെളി​ഞ്ഞേ​ക്കാം. (g03 2/08)

[അടിക്കു​റിപ്പ്‌]

[14, 15 പേജു​ക​ളി​ലെ മാപ്പ്‌]

നമ്പർ വൺ റാബിറ്റ്‌ പ്രൂഫ്‌ ഫെൻസ്‌

[15-ാം പേജിലെ ചിത്രം]

മുയലുകൾ

[15-ാം പേജിലെ ചിത്രം]

20-ാം നൂറ്റാ​ണ്ടി​ന്റെ പ്രാരം​ഭ​ത്തിൽ വേലിക്കു റോന്തു​ചു​റ്റു​ന്നു

[15-ാം പേജിലെ ചിത്രം]

എമുപ്പക്ഷികൾ

[15-ാം പേജിലെ ചിത്രം]

1,833 കിലോ​മീ​റ്റർ നീണ്ടു​കി​ട​ന്നി​രുന്ന നമ്പർ വൺ റാബിറ്റ്‌ പ്രൂഫ്‌ ഫെൻസ്‌ ഒരിക്കൽ ലോക​ത്തി​ലെ ഏറ്റവും നീളം​കൂ​ടിയ ഇടമു​റി​യാത്ത വേലി​യാ​യി​രു​ന്നു. ഈ വേലി വനഭൂ​മി​യെ​യും കൃഷി​യി​ട​ത്തെ​യും തമ്മിൽ വേർതി​രി​ക്കു​ക​യും കാലാ​വ​സ്ഥയെ നിയ​ന്ത്രി​ക്കുന്ന ഒരു ചുവരാ​യി വർത്തി​ക്കു​ക​യും ചെയ്യുന്നു

[15-ാം പേജിലെ ചിത്ര​ങ്ങൾക്ക്‌ കടപ്പാട്‌]

വർണ ചിത്രങ്ങൾ: Department of Agriculture, Western Australia; മുകളിൽ മധ്യത്തിൽ: Courtesy of Battye Library Image number 003582D