നിങ്ങൾ നികു​തി​കൾ അടയ്‌ക്കേ​ണ്ട​തു​ണ്ടോ?

“എല്ലാവർക്കും കടമാ​യു​ള്ളതു കൊടു​പ്പിൻ; നികുതി കൊടു​ക്കേ​ണ്ട​വന്നു നികുതി; ചുങ്കം കൊടു​ക്കേ​ണ്ട​വന്നു ചുങ്കം; ഭയം കാണി​ക്കേ​ണ്ട​വന്നു ഭയം; മാനം കാണി​ക്കേ​ണ്ട​വന്നു മാനം.”—റോമർ 13:7.

നികുതി ഒന്നി​നൊന്ന്‌ വർധിച്ചു വരുന്ന സാഹച​ര്യ​ത്തിൽ മേൽപ്പറഞ്ഞ ഉപദേശം ഒരുപക്ഷേ ദഹിക്കാൻ പ്രയാ​സ​മു​ള്ള​താ​യി തോന്നി​യേ​ക്കാം. എന്നിരു​ന്നാ​ലും, അത്‌ അപ്പൊ​സ്‌ത​ല​നായ പൗലൊ​സി​ന്റെ വാക്കു​ക​ളാണ്‌. അത്‌ ബൈബി​ളിൽ രേഖ​പ്പെ​ടു​ത്തി​യി​രി​ക്കു​ന്നു. ഒരുപക്ഷേ നിങ്ങൾ ബൈബി​ളി​നെ ആദരി​ക്കു​ന്നു​ണ്ടാ​കാം. എന്നാൽ, നിങ്ങൾ ഇങ്ങനെ ചിന്തി​ച്ചേ​ക്കാം: ‘ക്രിസ്‌ത്യാ​നി​കൾ വാസ്‌ത​വ​ത്തിൽ എല്ലാ നികു​തി​ക​ളും നൽകേ​ണ്ട​തു​ണ്ടോ—അമിത​മോ അന്യാ​യ​മോ ആയി ചിലർ കരുതു​ന്നവ ഉൾപ്പെടെ?’

യേശു തന്റെ അനുഗാ​മി​കൾക്കു നൽകിയ അനുശാ​സ​നത്തെ കുറിച്ചു ചിന്തി​ക്കുക. റോമാ​ക്കാർ ചുമത്തി​യി​രുന്ന നികു​തി​യോട്‌ സഹയഹൂ​ദർക്ക്‌ കടുത്ത അമർഷം ഉണ്ടായി​രു​ന്നു​വെന്ന്‌ യേശു​വിന്‌ അറിയാ​മാ​യി​രു​ന്നു. എന്നിട്ടും അവൻ ഇപ്രകാ​രം പ്രോ​ത്സാ​ഹി​പ്പി​ച്ചു: “കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ.” (മർക്കൊസ്‌ 12:17) അധികം താമസി​യാ​തെ, തന്നെ വധിക്കാൻ പോകുന്ന അതേ ഭരണകൂ​ട​ത്തി​നു നികുതി കൊടു​ക്കു​ന്ന​തി​നെ​യാണ്‌ യേശു പിന്തു​ണച്ചു സംസാ​രി​ച്ചത്‌ എന്നതു രസാവ​ഹ​മാണ്‌.

ഏതാനും വർഷങ്ങൾക്കു ശേഷം, മേലു​ദ്ധ​രിച്ച നിർദേശം പൗലൊസ്‌ നൽകു​ക​യു​ണ്ടാ​യി. നികു​തി​യാ​യി സമാഹ​രി​ക്ക​പ്പെ​ടുന്ന തുകയു​ടെ ഭീമമായ ഭാഗം റോമാ​ക്കാ​രു​ടെ സൈനിക പ്രവർത്ത​ന​ങ്ങൾക്കാ​യും റോമൻ ചക്രവർത്തി​മാ​രു​ടെ അധാർമിക ജീവി​ത​രീ​തി​യു​ടെ​യും ധാരാ​ളി​ത്ത​ത്തി​ന്റെ​യും ചുമടു താങ്ങാ​നും വേണ്ടി​യാണ്‌ ഉപയോ​ഗി​ച്ചി​രു​ന്നത്‌ എങ്കിലും നികുതി അടയ്‌ക്കാൻ പൗലൊസ്‌ പ്രോ​ത്സാ​ഹി​പ്പി​ച്ചു. അവൻ ഒട്ടും ജനസമ്മ​തി​യി​ല്ലാത്ത ആ നില സ്വീക​രി​ച്ചത്‌ എന്തു​കൊണ്ട്‌?

ശ്രേഷ്‌ഠാ​ധി​കാ​രങ്ങൾ

പൗലൊ​സി​ന്റെ വാക്കു​ക​ളു​ടെ സന്ദർഭം പരിചി​ന്തി​ക്കുക. റോമർ 13:1-ൽ അവൻ ഇപ്രകാ​രം എഴുതി: “ഏതു മനുഷ്യ​നും ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങട്ടെ. ദൈവ​ത്താ​ല​ല്ലാ​തെ ഒരധി​കാ​ര​വു​മി​ല്ല​ല്ലോ; ഉള്ള അധികാ​ര​ങ്ങ​ളോ ദൈവ​ത്താൽ നിയമി​ക്ക​പ്പെ​ട്ടി​രി​ക്കു​ന്നു.” ഇസ്രാ​യേ​ലിൽ ദൈവ​ഭ​യ​മുള്ള ഭരണാ​ധി​കാ​രി​കൾ ഉണ്ടായി​രു​ന്ന​പ്പോൾ രാഷ്‌ട്രത്തെ സാമ്പത്തി​ക​മാ​യി പിന്തു​ണ​യ്‌ക്കു​ന്നത്‌ പൗരധർമ​വും മതപര​മായ കടപ്പാ​ടും ആയി വീക്ഷി​ക്കാൻ എളുപ്പ​മാ​യി​രു​ന്നു. എന്നാൽ ഭരണാ​ധി​കാ​രി​കൾ അവിശ്വാ​സി​ക​ളായ വിഗ്ര​ഹാ​രാ​ധി​കൾ ആയിരി​ക്കു​മ്പോൾ ക്രിസ്‌ത്യാ​നി​കൾക്ക്‌ അതേ ഉത്തരവാ​ദി​ത്വം ഉണ്ടായി​രു​ന്നോ? തീർച്ച​യാ​യും ഉണ്ടായി​രു​ന്നു! ദൈവം ഭരണാ​ധി​കാ​രി​കൾക്ക്‌ ഭരണം നടത്താ​നുള്ള “അധികാ​രം” നൽകി​യി​രു​ന്നു എന്ന്‌ പൗലൊ​സി​ന്റെ വാക്കുകൾ സൂചി​പ്പി​ക്കു​ന്നു.

ക്രമസ​മാ​ധാ​നം നിലനി​റു​ത്താൻ ഗവൺമെ​ന്റു​കൾ ധാരാളം കാര്യങ്ങൾ ചെയ്യു​ന്നുണ്ട്‌. ഇത്‌ ക്രിസ്‌ത്യാ​നി​കൾക്കു തങ്ങളുടെ വ്യത്യ​സ്‌ത​ങ്ങ​ളായ ആത്മീയ പ്രവർത്ത​ന​ങ്ങ​ളു​മാ​യി മുമ്പോ​ട്ടു പോകാൻ അവസരം നൽകുന്നു. (മത്തായി 24:14; എബ്രായർ 10:24, 25) അധികാ​ര​ത്തി​ലി​രുന്ന അന്നത്തെ ഗവൺമെ​ന്റി​നെ കുറിച്ച്‌ പൗലൊസ്‌ പറഞ്ഞു: “നിന്റെ നന്മെക്കാ​യി​ട്ട​ല്ലോ അവൻ ദൈവ​ശു​ശ്രൂ​ഷ​ക്കാ​ര​നാ​യി​രി​ക്കു​ന്നത്‌.” (റോമർ 13:4) റോമൻ ഭരണകൂ​ടം വെച്ചു​നീ​ട്ടിയ സംരക്ഷ​ണ​ത്തിൽനിന്ന്‌ പൗലൊ​സ്‌തന്നെ പ്രയോ​ജനം അനുഭ​വി​ച്ചു. ഉദാഹ​ര​ണ​ത്തിന്‌, ഒരു ജനക്കൂ​ട്ട​ത്തി​ന്റെ ആക്രമ​ണ​ത്തിന്‌ ഇരയാ​കു​മാ​യി​രുന്ന ഒരു സാഹച​ര്യ​ത്തിൽ റോമൻ പടയാ​ളി​ക​ളാണ്‌ അവനെ രക്ഷിച്ചത്‌. പിന്നീട്‌, തനിക്ക്‌ ഒരു മിഷന​റി​യാ​യി തുടരാൻ കഴി​യേ​ണ്ട​തിന്‌ അവൻ റോമൻ നീതി​വ്യ​വ​സ്ഥ​യോട്‌ സഹായം ആവശ്യ​പ്പെ​ടു​ക​യും ചെയ്‌തു.—പ്രവൃ​ത്തി​കൾ 22:22-29; 25:11, 12.

നികു​തി​കൾ നൽകു​ന്ന​തിന്‌ പൗലൊസ്‌ മൂന്നു കാരണങ്ങൾ നൽകു​ക​യു​ണ്ടാ​യി. ഒന്നാമ​താ​യി, നിയമ​ഭ​ഞ്‌ജ​കരെ ശിക്ഷി​ക്കു​ന്ന​തിന്‌ ഗവൺമെ​ന്റു​കൾ “ക്രോധം” (പി. ഒ. സി. ബൈബിൾ) പ്രകടി​പ്പി​ക്കു​ന്ന​തി​നെ കുറിച്ച്‌ അവൻ പറഞ്ഞു. രണ്ടാമ​താ​യി, നികു​തി​കൾ നൽകു​ന്ന​തിൽ വെട്ടിപ്പു നടത്തി​യാൽ ദൈവ​ഭ​ക്തി​യുള്ള ഒരു വ്യക്തി​യു​ടെ മനസ്സാ​ക്ഷി​യെ അത്‌ പ്രതി​കൂ​ല​മാ​യി ബാധി​ക്കും എന്ന്‌ അവൻ ചൂണ്ടി​ക്കാ​ണി​ക്കു​ക​യു​ണ്ടാ​യി. ഇനി, മൂന്നാ​മ​താ​യി, “ശുശ്രൂ​ഷ​ക​ന്മാർ” അഥവാ “പൊതു​സേ​വകർ” (NW) എന്ന നിലയിൽ ഗവൺമെ​ന്റു​കൾ പ്രദാനം ചെയ്യുന്ന സേവന​ങ്ങൾക്കുള്ള പ്രതി​ഫ​ല​മാ​യി നികു​തി​കൾ വർത്തി​ക്കു​ന്നു​വെന്ന്‌ അവൻ സൂചി​പ്പി​ച്ചു.—റോമർ 13:1-6.

പൗലൊ​സി​ന്റെ സഹക്രി​സ്‌ത്യാ​നി​കൾ ഈ വാക്കുകൾ ഹൃദ്യാ സ്വീക​രി​ച്ചോ? ഉവ്വ്‌, അവർ സ്വീക​രി​ച്ചു​വെന്ന്‌ തെളി​വു​കൾ കാണി​ക്കു​ന്നു. രണ്ടാം നൂറ്റാ​ണ്ടിൽ ജീവി​ച്ചി​രുന്ന ഒരു നാമധേയ ക്രിസ്‌ത്യാ​നി​യാ​യി​രുന്ന ജസ്റ്റിൻ മാർട്ടർ (പൊ.യു. ഏകദേശം 110 മുതൽ 165 വരെ) പറഞ്ഞത്‌, ക്രിസ്‌ത്യാ​നി​കൾ “മറ്റെല്ലാ​വ​രെ​ക്കാ​ളും കൂടുതൽ മനസ്സൊ​രു​ക്ക​ത്തോ​ടെ” തങ്ങളുടെ നികു​തി​കൾ അടച്ചി​രു​ന്നു എന്നാണ്‌. സമാന​മാ​യി ഇന്നും ഗവൺമെ​ന്റു​കൾ സമയമോ പണമോ ആവശ്യ​പ്പെ​ടു​മ്പോൾ ക്രിസ്‌ത്യാ​നി​കൾ മനസ്സോ​ടെ അതു നൽകുന്നു.—മത്തായി 5:41.a

തീർച്ച​യാ​യും, നിയമ​പ​ര​മായ ഏതു നികുതി ഇളവു​ക​ളു​ടെ​യും പ്രയോ​ജനം അനുഭ​വി​ക്കു​ന്ന​തിന്‌ ക്രിസ്‌ത്യാ​നി​കൾക്കു സ്വാത​ന്ത്ര്യ​മുണ്ട്‌. ചില സന്ദർഭ​ങ്ങ​ളിൽ, മതസം​ഘ​ട​ന​കൾക്കു സംഭാവന ചെയ്യു​ന്ന​വർക്കാ​യി അനുവ​ദി​ച്ചി​രി​ക്കുന്ന ഇളവുകൾ അവർക്കു ലഭി​ച്ചേ​ക്കാം. എന്നിരു​ന്നാ​ലും, ദൈവ​വ​ചനം അനുസ​രി​ക്കുന്ന സത്യ ക്രിസ്‌ത്യാ​നി​കൾ നികുതി വെട്ടിപ്പു നടത്തു​ക​യില്ല. അവർ തങ്ങളുടെ നികു​തി​കൾ അടയ്‌ക്കു​ന്നു. ഈ പണം എങ്ങനെ ഉപയോ​ഗി​ക്കു​ന്നു എന്നുള്ള​തി​ന്റെ മുഴു ഉത്തരവാ​ദി​ത്വ​വും അവർ അധികാ​രി​കൾക്കു വിട്ടു​കൊ​ടു​ക്കു​ന്നു.

‘മനുഷ്യൻ മനുഷ്യ​ന്റെ മേൽ അവന്റെ ദോഷ​ത്തി​ന്നാ​യി അധികാ​രം’ നടത്തി​യി​രി​ക്കുന്ന ഒരു വിധം മാത്ര​മാണ്‌ അമിത നികുതി ചുമത്തൽ. (സഭാ​പ്ര​സം​ഗി 8:9) പെട്ടെ​ന്നു​തന്നെ ദൈവ​രാ​ജ്യ​ത്തിൻ കീഴിൽ സകലർക്കും നീതി ലഭിക്കു​മെന്ന ബൈബി​ളി​ന്റെ വാഗ്‌ദാ​ന​ത്തിൽ യഹോ​വ​യു​ടെ സാക്ഷികൾ ആശ്വാസം കണ്ടെത്തു​ന്നു. ഈ ഗവൺമെന്റ്‌ അതിന്റെ പ്രജകളെ ഒരിക്ക​ലും അന്യായ നികു​തി​കൾ ചുമത്തി ഭാര​പ്പെ​ടു​ത്തു​ക​യില്ല.—സങ്കീർത്തനം 72:12, 13; യെശയ്യാ​വു 9:7.

[അടിക്കു​റിപ്പ്‌]

[11-ാം പേജിലെ ആകർഷക വാക്യം]

ആദിമ ക്രിസ്‌ത്യാ​നി​കൾ “മറ്റെല്ലാ​വ​രെ​ക്കാ​ളും കൂടുതൽ മനസ്സൊ​രു​ക്ക​ത്തോ​ടെ” തങ്ങളുടെ നികു​തി​കൾ അടച്ചി​രു​ന്നു.—ജസ്റ്റിൻ മാർട്ടർ

[10-ാം പേജിലെ ചിത്രം]

സത്യക്രിസ്‌ത്യാനികൾ നികുതി നിയമങ്ങൾ അനുസ​രി​ക്കു​ന്നു

[11-ാം പേജിലെ ചിത്രം]

‘കൈസർക്കു​ള്ളതു കൈസർക്കു . . . കൊടു​പ്പിൻ’ എന്ന്‌ യേശു പറഞ്ഞു

[10-ാം പേജിലെ ചിത്ര​ങ്ങൾക്ക്‌ കടപ്പാട്‌]

© European Monetary Institute