യുവജ​നങ്ങൾ ചോദി​ക്കു​ന്നു . . .

ഞാൻ സ്വയം ക്ഷതമേൽപ്പി​ക്കു​ന്നത്‌ എന്തു​കൊണ്ട്‌?

“സ്റ്റിച്ചി​ടേ​ണ്ടത്ര ആഴത്തിൽ എന്റെ കൈത്തണ്ട മുറി​ഞ്ഞി​രു​ന്നു. ബൾബിന്റെ ചില്ലു​കൊ​ണ്ടാണ്‌ മുറി​ഞ്ഞ​തെന്നു ഞാൻ ഡോക്ട​റോ​ടു പറഞ്ഞു, അതു സത്യമാ​യി​രുന്നുതാ​നും. എന്നാൽ മനഃപൂർവ​മാണ്‌ അതു ചെയ്‌ത​തെന്നു ഞാൻ മിണ്ടി​യില്ല.”—സാഷാ, 23.

“ഡാഡി​യും മമ്മിയും എന്റെ മുറി​വു​കൾ കാണാ​റുണ്ട്‌, പക്ഷേ ചെറിയ മുറി​വു​ക​ളും പോറ​ലു​ക​ളും മാത്രമേ അവരുടെ കണ്ണിൽ പെടാ​റു​ള്ളൂ. . . . ചില​പ്പോൾ ഒരു മുറിവു കണ്ടാലും അവർ തിരി​ച്ച​റി​ഞ്ഞെന്നു വരില്ല, അതു​കൊണ്ട്‌ ഞാൻ ഇങ്ങനെ രക്ഷപ്പെ​ട്ടു​പോ​കു​ന്നു . . . അവർ ഒന്നും അറിയ​രു​തെ​ന്നാണ്‌ എന്റെ ആഗ്രഹം.”—ഏരിയൽ, 13.

“11 വയസ്സു മുതൽ എനിക്ക്‌ ഈ ശീലമു​ണ്ടാ​യി​രു​ന്നു. മനുഷ്യ​ശ​രീ​ര​ത്തിന്‌ ദൈവം വളരെ​യ​ധി​കം മാന്യത കൽപ്പി​ക്കു​ന്നെന്ന്‌ എനിക്ക്‌ അറിയാ​മാ​യി​രു​ന്നു, എന്നാൽ അതു​പോ​ലും സ്വയം ക്ഷതമേൽപ്പി​ക്കു​ന്ന​തിൽനിന്ന്‌ എന്നെ തടഞ്ഞില്ല.”—ജെന്നിഫർ, 20.

സാഷാ, ഏരിയൽ, ജെന്നിഫർa എന്നിവ​രെ​പ്പോ​ലെ ആരെ​യെ​ങ്കി​ലും നിങ്ങൾക്ക്‌ അറിയാ​മാ​യി​രി​ക്കും. അത്‌ നിങ്ങളു​ടെ സഹപാ​ഠി​യോ കൂടെ​പ്പി​റ​പ്പോ അതുമ​ല്ലെ​ങ്കിൽ നിങ്ങൾത്ത​ന്നെ​യോ ആയിരി​ക്കാം. ഐക്യ​നാ​ടു​ക​ളിൽ മാത്രം, ദശലക്ഷ​ക്ക​ണ​ക്കിന്‌ ആളുകൾ—അവരിൽ പലരും യുവാ​ക്ക​ളാണ്‌—ശരീരം കീറി​മു​റി​ക്കുക, പൊള്ളി​ക്കുക, ചതവുകൾ വരുത്തുക, ത്വക്കിൽ പോറ​ലു​ക​ളു​ണ്ടാ​ക്കുക എന്നിങ്ങനെ വ്യത്യസ്‌ത വിധങ്ങ​ളിൽ സ്വയം ക്ഷതമേൽപ്പി​ക്കു​ന്ന​താ​യി കണക്കാ​ക്ക​പ്പെ​ടു​ന്നു.b

അവർ മനഃപൂർവ​മാ​ണോ സ്വയം ക്ഷതമേൽപ്പി​ക്കു​ന്നത്‌? മുൻകാ​ല​ങ്ങ​ളിൽ അത്തരം പെരു​മാ​റ്റത്തെ പലരും ഏതെങ്കി​ലും വിചി​ത്ര​മായ ഭ്രമ​ത്തോ​ടോ ആചാര​ങ്ങ​ളോ​ടോ ബന്ധപ്പെ​ടു​ത്തി​യി​രു​ന്നു. എന്നാൽ അടുത്ത​കാ​ലത്ത്‌ സ്വയം ക്ഷതമേൽപ്പി​ക്കുന്ന രീതി​യെ​ക്കു​റി​ച്ചുള്ള അറിവ്‌ വളരെ​യ​ധി​കം വർധി​ച്ചി​രി​ക്കു​ന്നു, ഒപ്പം ഈ പ്രശ്‌ന​മു​ണ്ടെന്നു വെളി​പ്പെ​ടു​ത്തു​ന്ന​വ​രു​ടെ എണ്ണവും. “ഈ പ്രശ്‌നം വർധി​ച്ചു​കൊ​ണ്ടി​രി​ക്കു​ന്നു എന്നാണ്‌ എല്ലാ ചികി​ത്സ​ക​രും പറയു​ന്നത്‌” എന്ന്‌ ഐക്യ​നാ​ടു​ക​ളി​ലെ ഒരു ചികി​ത്സാ​കേ​ന്ദ്ര​ത്തി​ന്റെ ഡയറക്ട​റായ മൈക്കൽ ഹോളൻഡർ പറയുന്നു.

ഇങ്ങനെ സ്വയം ക്ഷതമേൽപ്പി​ക്കു​ന്നത്‌ മിക്ക​പ്പോ​ഴും മരണത്തിൽ കലാശി​ക്കാ​റി​ല്ലെ​ങ്കി​ലും അപകട​ക​ര​മായ ഒരു പ്രവണ​ത​യാണ്‌ ഇത്‌. ബെത്തിന്റെ ഉദാഹ​രണം എടുക്കുക. അവൾ പറയുന്നു “ഒരു ബ്ലെയ്‌ഡ്‌ ഉപയോ​ഗി​ച്ചാ​ണു ഞാൻ മുറി​വേൽപ്പി​ക്കു​ന്നത്‌. രണ്ടു പ്രാവ​ശ്യം എന്നെ ആശുപ​ത്രി​യിൽ പ്രവേ​ശി​പ്പി​ക്കേ​ണ്ടി​വന്നു. ഒരിക്കൽ ആഴമായ മുറി​വു​ണ്ടാ​യ​തി​നെ തുടർന്ന്‌ എന്നെ അത്യാ​ഹിത വിഭാ​ഗ​ത്തിൽ പ്രവേ​ശി​പ്പി​ച്ചു.” ഈ പ്രശ്‌നം അനുഭ​വി​ക്കുന്ന അനേക​രെ​യും​പോ​ലെ, ബെത്തും മുതിർന്ന​തി​നു​ശേ​ഷ​വും സ്വയം ക്ഷതമേൽപ്പി​ക്കുന്ന രീതി തുടർന്നു. അവൾ പറയുന്നു, “15 വയസ്സു മുതൽ ഞാൻ അതു ചെയ്യു​ന്ന​താണ്‌. എനിക്ക്‌ ഇപ്പോൾ 30 വയസ്സുണ്ട്‌.”

നിങ്ങളോ നിങ്ങൾ അറിയുന്ന ആരെങ്കി​ലു​മോ ഈ പ്രവണ​ത​യ്‌ക്ക്‌ ഇരയാ​യി​ത്തീർന്നി​ട്ടു​ണ്ടോ? ഉണ്ടെങ്കിൽ, നിരാ​ശ​പ്പെ​ടേണ്ട. സഹായം ലഭ്യമാണ്‌. സ്വയം ക്ഷതമേൽപ്പി​ക്കു​ന്ന​വരെ സഹായി​ക്കാ​നാ​കു​ന്നത്‌ എങ്ങനെ എന്നതി​നെ​ക്കു​റിച്ച്‌ ഉണരുക!യുടെ അടുത്ത ലക്കത്തിൽ ഞങ്ങൾ ചർച്ച ചെയ്യു​ന്ന​താ​യി​രി​ക്കും.c എന്നിരു​ന്നാ​ലും ആദ്യം​തന്നെ ആരൊ​ക്കെ​യാണ്‌ ഈ വൈക​ല്യ​ത്തിന്‌ അടിമ​പ്പെ​ടു​ന്ന​തെ​ന്നും എന്തു​കൊ​ണ്ടാണ്‌ അവർ അങ്ങനെ ചെയ്യു​ന്ന​തെ​ന്നും ചർച്ച ചെയ്യു​ന്നത്‌ ഉചിത​മാ​യി​രി​ക്കും.

വിഭിന്ന പശ്ചാത്ത​ല​ങ്ങ​ളു​ള്ള​വർ

സ്വയം ക്ഷതമേൽപ്പി​ക്കു​ന്ന​വരെ ഒരൊറ്റ ഗണത്തിൽപ്പെ​ടു​ത്തുക ബുദ്ധി​മു​ട്ടാണ്‌. ചിലർ പ്രക്ഷുബ്ധ കുടും​ബ​ങ്ങ​ളിൽനിന്ന്‌ ഉള്ളവരാ​ണെ​ങ്കിൽ മറ്റു ചിലർ ഭദ്രത​യുള്ള സന്തുഷ്ട കുടും​ബ​ങ്ങ​ളിൽനി​ന്നു വന്നവരാണ്‌. ചിലർ പഠനത്തി​ലും മറ്റും പിന്നി​ലാ​യി​രി​ക്കു​മ്പോൾ, അനേകർ വിദ്യാർഥി​ക​ളെന്ന നിലയിൽ മികച്ചു​നിൽക്കു​ന്നു. മിക്ക​പ്പോ​ഴും, സ്വയം ക്ഷതമേൽപ്പി​ക്കു​ന്നവർ തങ്ങൾക്ക്‌ ഈ പ്രശ്‌ന​മു​ള്ള​തി​ന്റെ യാതൊ​രു സൂചന​യും നൽകാ​റി​ല്ലെ​ന്നു​തന്നെ പറയാം. പ്രയാ​സ​ങ്ങ​ളി​ലൂ​ടെ കടന്നു​പോ​കുന്ന ഒരു വ്യക്തി അത്‌ എല്ലായ്‌പോ​ഴും പുറത്തു കാണി​ക്കു​ന്നില്ല എന്നതാണ്‌ അതിന്റെ കാരണം. ബൈബിൾ ഇപ്രകാ​രം പറയുന്നു: “ചിരി​ക്കു​മ്പോൾ തന്നേയും ഹൃദയം ദുഃഖി​ച്ചി​രി​ക്കാം.”—സദൃശ​വാ​ക്യ​ങ്ങൾ 14:13.

ഇതിനു​പു​റ​മേ, സ്വയം ക്ഷതമേൽപ്പി​ക്കു​ന്ന​തി​ന്റെ ഗുരു​ത​രാ​വസ്ഥ ഓരോ വ്യക്തി​യി​ലും വ്യത്യ​സ്‌ത​മാ​യി​രി​ക്കും. ഉദാഹ​ര​ണ​ത്തിന്‌, ചില വ്യക്തികൾ വർഷത്തിൽ ഒരു പ്രാവ​ശ്യം മാത്രം തങ്ങളെ​ത്തന്നെ മുറി​വേൽപ്പി​ക്കു​മ്പോൾ മറ്റു ചിലർ ദിവസ​ത്തിൽ ശരാശരി രണ്ടു പ്രാവ​ശ്യം അങ്ങനെ ചെയ്യു​ന്നു​വെന്ന്‌ ഒരു പഠനം കണ്ടെത്തി. ശ്രദ്ധേ​യ​മാ​യി, മുമ്പു വിചാ​രി​ച്ചി​രി​ക്കു​ന്ന​തി​നെ​ക്കാൾ അധികം പുരു​ഷ​ന്മാർ ഈ പ്രവണ​ത​യു​ള്ള​വ​രാണ്‌. എന്നിരു​ന്നാ​ലും ഈ പ്രശ്‌നം കൂടു​ത​ലും കൗമാ​ര​പ്രാ​യ​ക്കാ​രായ പെൺകു​ട്ടി​ക​ളു​ടെ ഇടയി​ലാ​ണു കണ്ടുവ​രു​ന്നത്‌.d

വിഭിന്ന പശ്ചാത്ത​ല​ങ്ങ​ളിൽനിന്ന്‌ ഉള്ളവരാ​ണെ​ങ്കി​ലും സ്വയം ക്ഷതമേൽപ്പി​ക്കുന്ന ചിലർക്കു പൊതു​വായ ചില സ്വഭാ​വ​വി​ശേ​ഷ​ത​ക​ളുണ്ട്‌. യുവജ​ന​ങ്ങ​ളെ​ക്കു​റി​ച്ചുള്ള ഒരു എൻ​സൈ​ക്ലോ​പീ​ഡിയ ഇങ്ങനെ പറയുന്നു: “സ്വയം ക്ഷതമേൽപ്പി​ക്കുന്ന കൗമാ​ര​പ്രാ​യ​ക്കാർക്കു പലപ്പോ​ഴും തങ്ങൾ അശക്തരാ​ണെന്ന തോന്നൽ, മറ്റുള്ള​വ​രോ​ടു തങ്ങളുടെ വികാ​രങ്ങൾ പ്രകടി​പ്പി​ക്കാ​നുള്ള ബുദ്ധി​മുട്ട്‌, ഒറ്റപ്പെ​ട്ട​താ​യോ അല്ലെങ്കിൽ സ്‌നേഹം ലഭിക്കു​ന്നി​ല്ലെ​ന്നോ ഉള്ള തോന്നൽ, ഭയം, ആത്മവി​ശ്വാ​സ​മി​ല്ലായ്‌മ എന്നിവ അനുഭ​വ​പ്പെ​ടു​ന്നു.”

വളർച്ച​യു​ടെ പടവു​ക​ളിൽ ആയിരി​ക്കു​ന്ന​തി​ന്റേ​തായ ഭയവും അരക്ഷി​ത​ബോ​ധ​വും അനുഭ​വി​ക്കുന്ന ഏതാണ്ട്‌ എല്ലാ യുവവ്യ​ക്തി​കൾക്കും യോജി​ക്കു​ന്ന​താണ്‌ ഈ വർണന​യെന്നു ചിലർ പറഞ്ഞേ​ക്കാം. എന്നിരു​ന്നാ​ലും, സ്വയം ക്ഷതമേൽപ്പി​ക്കുന്ന പ്രവണ​ത​യു​ള്ള​വർക്ക്‌ ഈ പോരാ​ട്ടം വിശേ​ഷാൽ തീവ്ര​ത​യേ​റി​യ​താണ്‌. മനസ്സിനെ അലട്ടുന്ന കാര്യങ്ങൾ വാക്കു​ക​ളിൽ പ്രകടി​പ്പി​ക്കാ​നും അത്‌ ഒരു ആത്മമി​ത്ര​ത്തോ​ടു പറയാ​നും സാധി​ക്കാ​തെ വരു​മ്പോൾ, സ്‌കൂ​ളി​ലോ ജോലി​സ്ഥ​ല​ത്തോ ഉള്ള സമ്മർദ​മോ വീട്ടിലെ തർക്കങ്ങ​ളോ ഒരു വ്യക്തിയെ തളർത്തി​ക്ക​ള​യും. കൺമു​മ്പിൽ യാതൊ​രു പരിഹാ​ര​വും ഇല്ലാതെ ഉഴലുന്ന അവസ്ഥ, തുറ​ന്നൊ​ന്നു സംസാ​രി​ക്കാൻ ആരുമി​ല്ലെന്ന തോന്നൽ, എല്ലാം ആ വ്യക്തിയെ വീർപ്പു​മു​ട്ടി​ക്കു​ന്നു. സമ്മർദം അസഹ്യ​മാ​ണെന്ന്‌ അവൾ കരുതി​ത്തു​ട​ങ്ങു​ന്നു. അവസാനം അവൾ ഒരു വഴി കണ്ടെത്തു​ന്നു: ശാരീ​രി​ക​മാ​യി സ്വയം ക്ഷതമേൽപ്പി​ച്ചു​കൊണ്ട്‌, വൈകാ​രി​ക​മായ തീവ്ര​വേ​ദ​ന​യ്‌ക്ക്‌ അവൾ അൽപ്പം ആശ്വാസം കണ്ടെത്തു​ന്നു. ഇനി അൽപ്പകാ​ല​ത്തേ​ക്കാ​ണെ​ങ്കി​ലും—ചുരു​ങ്ങി​യത്‌ ആ നിമി​ഷ​ത്തേ​ക്കെ​ങ്കി​ലും—ജീവി​ത​വു​മാ​യി മുന്നോ​ട്ടു പോകാ​മെന്ന്‌ അവൾക്കു തോന്നു​ന്നു.

ശരീരം കീറി​മു​റി​ക്കുന്ന വ്യക്തി വൈകാ​രി​ക​മായ തീവ്ര​വേ​ദ​ന​യിൽനി​ന്നു രക്ഷ നേടാ​നുള്ള ശ്രമത്തിൽ ശാരീ​രി​ക​മായ വേദന തിര​ഞ്ഞെ​ടു​ക്കു​ന്നത്‌ എന്തു​കൊ​ണ്ടാണ്‌? അത്‌ ഇങ്ങനെ ദൃഷ്ടാ​ന്തീ​ക​രി​ക്കാം: ഒരു കുത്തി​വെപ്പ്‌ എടുക്കു​ന്ന​തി​നു തയ്യാറാ​യി നിങ്ങൾ ഡോക്ട​റു​ടെ മുറി​യി​ലി​രി​ക്കു​മ്പോൾ എന്തു സംഭവി​ക്കു​ന്നെന്നു ചിന്തി​ക്കുക. സൂചി കയറ്റു​മ്പോ​ഴത്തെ വേദന​യിൽനി​ന്നു ശ്രദ്ധതി​രി​ക്കു​ന്ന​തി​നു​വേണ്ടി, നിങ്ങൾ നിങ്ങ​ളെ​ത്തന്നെ നുള്ളു​ക​യോ അല്ലെങ്കിൽ ഒരുപക്ഷേ നഖം​കൊ​ണ്ടു ത്വക്കിൽ അമർത്തു​ക​യോ ചെയ്യു​ന്ന​താ​യി എപ്പോ​ഴെ​ങ്കി​ലും ശ്രദ്ധി​ച്ചി​ട്ടു​ണ്ടോ? കൂടുതൽ അപകട​ക​ര​മായ വിധത്തി​ലാ​ണെ​ങ്കി​ലും സ്വയം ക്ഷതമേൽപ്പി​ക്കുന്ന വ്യക്തി ചെയ്യു​ന്ന​തും ഇതിനു സമാന​മാണ്‌. സ്വയം ക്ഷതമേൽപ്പി​ക്കുന്ന വ്യക്തിയെ സംബന്ധി​ച്ചി​ട​ത്തോ​ളം മുറി​വു​കൾ, ശ്രദ്ധതി​രി​ക്കാൻ ഉതകു​ക​യും തീവ്ര​മായ വൈകാ​രിക വേദന​യിൽനിന്ന്‌ ആശ്വാസം നൽകു​ക​യും ചെയ്യുന്നു. വൈകാ​രി​ക​മായ തീവ്ര​വേ​ദ​ന​യോ​ടുള്ള താരത​മ്യ​ത്തിൽ ശാരീ​രിക വേദന സഹിക്കാ​വു​ന്നത്‌ ആയതു​കൊണ്ട്‌ അതു തിര​ഞ്ഞെ​ടു​ക്കു​ന്നു. ഒരുപക്ഷേ അതു​കൊ​ണ്ടാ​യി​രി​ക്കാം സ്വയം ക്ഷതമേൽപ്പി​ക്കുന്ന ഒരു വ്യക്തി ഈ നടപടി​യെ “എന്റെ ഭയത്തി​നുള്ള മരുന്ന്‌” എന്നു വിശേ​ഷി​പ്പി​ച്ചത്‌.

“സമ്മർദം തരണം​ചെ​യ്യാ​നുള്ള ഒരു മാർഗം”

ഈ വൈക​ല്യം പരിചി​ത​മ​ല്ലാ​ത്ത​വർക്ക്‌ സ്വയം ക്ഷതമേൽപ്പി​ക്കു​ന്നത്‌ ഒരു ആത്മഹത്യാ ശ്രമമാ​ണെന്നു തോന്നി​യേ​ക്കാം. എന്നാൽ എല്ലായ്‌പോ​ഴും അത്‌ അങ്ങനെയല്ല. “സാധാ​ര​ണ​മാ​യി, ഇവർ ജീവി​ത​ത്തി​നല്ല മറിച്ച്‌ വേദന​യ്‌ക്കു​മാ​ത്രം വിരാ​മ​മി​ടാ​നാ​ണു ശ്രമി​ക്കു​ന്നത്‌” എന്ന്‌ കൗമാ​ര​പ്രാ​യ​ക്കാർക്കു വേണ്ടി​യുള്ള ഒരു മാസി​ക​യു​ടെ എക്‌സി​ക്യൂ​ട്ടിവ്‌ എഡിറ്റ​റായ സബ്രീന സോളിൻ വൈൽ എഴുതു​ന്നു. അതു​കൊണ്ട്‌ സ്വയം ക്ഷതമേൽപ്പി​ക്കുന്ന രീതി, “ജീവിതം അവസാ​നി​പ്പി​ക്കാ​നുള്ള ഒരു മാർഗം ആയിരി​ക്കു​ന്ന​തി​നു​പ​കരം ഒരു ‘ജീവിത സംരക്ഷ​ണോ​പാ​ധി’” ആണെന്ന്‌ ഒരു ഗ്രന്ഥം പറയുന്നു. “സമ്മർദം തരണം​ചെ​യ്യാ​നുള്ള ഒരു മാർഗം” എന്നും അത്‌ ഈ നടപടി​യെ വിളി​ക്കു​ന്നു. ഏതു തരത്തി​ലുള്ള സമ്മർദം?

സ്വയം ക്ഷതമേൽപ്പി​ക്കുന്ന അനേക​രും ബാല്യ​കാ​ലത്ത്‌ ദുഷ്‌പെ​രു​മാ​റ്റ​മോ അവഗണ​ന​യോ നിമിത്തം മാനസിക ആഘാതം അനുഭ​വി​ച്ചി​ട്ടു​ള്ള​വ​രാ​ണെന്നു കണ്ടെത്തി​യി​രി​ക്കു​ന്നു. മറ്റുള്ള​വർക്ക്‌ കുടുംബ കലഹമോ, മാതാ​പി​താ​ക്ക​ളിൽ ഒരാളു​ടെ മദ്യപാ​ന​മോ ആയിരി​ക്കാം കാരണം. ചിലർക്കു മാനസിക തകരാറു മൂലമാണ്‌ ഈ പ്രശ്‌ന​മു​ണ്ടാ​കു​ന്നത്‌.

മറ്റു പ്രശ്‌ന​ങ്ങ​ളും കാരണ​മാ​യേ​ക്കാം. ദൃഷ്ടാ​ന്ത​ത്തിന്‌ ജീവി​ത​ത്തിൽ യാതൊ​രു പിഴവു​ക​ളും വന്നു​പോ​ക​രു​തെന്നു ചിന്തി​ക്കുന്ന ഒരാളാണ്‌ സാറ. എന്നാൽ അതിനു കഴിയാ​തെ വരു​മ്പോൾ താൻ സ്വയം ശപിക്കു​മെ​ന്നും അവൾ പറയുന്നു. ഗുരു​ത​ര​മായ തെറ്റുകൾ ചെയ്യു​ക​യും ക്രിസ്‌തീയ മേൽവി​ചാ​ര​ക​ന്മാ​രിൽനി​ന്നു സഹായം ലഭിക്കു​ക​യും ചെയ്‌തി​രു​ന്നെ​ങ്കി​ലും, നിത്യേ​ന​യുള്ള അപൂർണ​ത​ക​ളെ​പ്രതി അവൾക്ക്‌ അതിയായ കുറ്റ​ബോ​ധം തോന്നി. “എന്നോ​ടു​തന്നെ കർക്കശ​മാ​യി പെരു​മാ​റ​ണ​മെന്നു ഞാൻ വിചാ​രി​ച്ചു,” സാറ പറയുന്നു. “എന്നെ സംബന്ധി​ച്ചി​ട​ത്തോ​ളം സ്വയം ക്ഷതമേൽപ്പി​ക്കു​ന്നത്‌ വെറും ആത്മശി​ക്ഷ​ണ​മാ​യി​രു​ന്നു. എന്റെ ‘ആത്മശി​ക്ഷ​ണ​ത്തിൽ’ മുടി വലിച്ചു​പ​റി​ക്കു​ന്ന​തും കയ്യും കൈത്ത​ണ്ട​യും മുറി​ക്കു​ന്ന​തും എവി​ടെ​യെ​ങ്കി​ലും ശക്തമായി ചെന്നി​ടിച്ച്‌ ശരീര​ത്തിൽ ചതവു​ക​ളു​ണ്ടാ​ക്കു​ന്ന​തും ഒക്കെ ഉൾപ്പെ​ട്ടി​രു​ന്നു. ഇതിനു​പു​റമേ, തിളച്ച വെള്ളത്തിൽ കൈകൾ മുക്കുക, സ്വെറ്റർ ഇല്ലാതെ കൊടും​ത​ണു​പ്പത്ത്‌ പുറത്തി​രി​ക്കുക, ദിവസം മുഴുവൻ പട്ടിണി കിടക്കുക എന്നീ ശിക്ഷകൾക്കും ഞാൻ സ്വയം വിധേ​യ​യാ​കു​മാ​യി​രു​ന്നു.”

തന്നോ​ടു​ത​ന്നെ​യുള്ള ആഴമായ വെറു​പ്പി​ന്റെ പ്രകട​ന​മെന്ന നിലയ്‌ക്കാണ്‌ സാറ സ്വയം ക്ഷതമേൽപ്പി​ച്ചത്‌. “യഹോവ എന്റെ തെറ്റു​കളെ ക്ഷമിച്ചി​രി​ക്കു​ന്നെന്ന്‌ എനിക്ക്‌ അറിയാ​മാ​യി​രുന്ന സമയങ്ങ​ളു​ണ്ടാ​യി​രു​ന്നു. എന്നാൽ അവൻ എന്നോടു ക്ഷമിക്കേണ്ട ആവശ്യ​മി​ല്ലെന്ന്‌ എനിക്കു തോന്നി. എനിക്കു വേദന അനുഭ​വി​ക്ക​ണ​മാ​യി​രു​ന്നു കാരണം ഞാൻ എന്നെ അത്രയ്‌ക്കും വെറു​ത്തി​രു​ന്നു. ക്രൈ​സ്‌ത​വ​ലോ​ക​ത്തി​ന്റെ നരകം പോലുള്ള ഒരു ദണ്ഡന സ്ഥലം സൃഷ്ടി​ക്കാൻ യഹോ​വ​യ്‌ക്ക്‌ ഒരിക്ക​ലും കഴിയു​ക​യി​ല്ലെന്ന്‌ അറിയാ​മാ​യി​രു​ന്നെ​ങ്കി​ലും അവൻ എനിക്കു​വേണ്ടി മാത്രം അത്തരത്തി​ലൊ​രെണ്ണം ഉണ്ടാക്ക​ണ​മെന്നു ഞാൻ ആഗ്രഹി​ച്ചു.”

“ദുർഘ​ട​സ​മ​യങ്ങൾ”

ഉത്‌ക​ണ്‌ഠാ​ജ​ന​ക​മായ ഇത്തര​മൊ​രു നടപടി എന്തു​കൊ​ണ്ടാണ്‌ അടുത്ത​കാ​ലത്തു മാത്രം വെളി​ച്ച​ത്തു​വ​ന്ന​തെന്നു ചിലർ അതിശ​യി​ച്ചേ​ക്കാം. എന്നാൽ, ഇത്‌ ഇടപെ​ടാൻ പ്രയാ​സ​മുള്ള “ദുർഘ​ട​സ​മ​യങ്ങൾ” ആണെന്നു ബൈബിൾ വിദ്യാർഥി​കൾക്ക്‌ അറിയാം. (2 തിമൊ​ഥെ​യൊസ്‌ 3:1) അതു​കൊണ്ട്‌, ആളുകൾ—യുവജ​നങ്ങൾ ഉൾപ്പെടെ—വിശദീ​ക​രി​ക്കാൻ ബുദ്ധി​മു​ട്ടുള്ള സ്വഭാ​വ​രീ​തി​ക​ളി​ലേക്കു തിരി​യു​ന്നതു കാണു​മ്പോൾ അവർ അത്ഭുത​പ്പെ​ടു​ന്നില്ല.

അടിച്ച​മർത്തൽ “ജ്ഞാനിയെ ഭോഷ​നാ​ക്കു​ന്നു” എന്ന്‌ ബൈബിൾ പറയുന്നു. (സഭാ​പ്ര​സം​ഗി 7:7, പി.ഒ.സി. ബൈബിൾ) കൗമാ​ര​ത്തി​ന്റേ​തായ വെല്ലു​വി​ളി​കൾ—ചിലരു​ടെ കാര്യ​ത്തിൽ ദുരന്ത​പൂർണ​മായ ജീവി​താ​നു​ഭ​വ​ങ്ങ​ളും—സ്വയം ക്ഷതമേൽപ്പി​ക്കു​ന്നത്‌ ഉൾപ്പെടെ അപകട​ക​ര​മായ ശീലങ്ങ​ളിൽ സ്ഥിരമാ​യി ഏർപ്പെ​ടു​ന്ന​തി​നുള്ള അടിത്തറ പാകുന്നു. ഒറ്റപ്പെ​ട്ട​താ​യി തോന്നുന്ന, തന്നോടു സംസാ​രി​ക്കാൻ ആരുമി​ല്ലെന്നു വിശ്വ​സി​ക്കുന്ന ഒരു യുവതി ആശ്വാസം കണ്ടെത്താ​നുള്ള ശ്രമത്തിൽ ശരീരം കീറി​മു​റി​ച്ചേ​ക്കാം. എന്നിരു​ന്നാ​ലും സ്വയം ക്ഷതമേൽപ്പി​ക്കു​ന്ന​തു​മൂ​ലം ലഭിക്കുന്ന ആശ്വാ​സ​ത്തിന്‌ അൽപ്പാ​യു​സ്സേ​യു​ള്ളൂ. ഇന്നല്ലെ​ങ്കിൽ നാളെ പ്രശ്‌നങ്ങൾ വീണ്ടും പൊന്തി​വ​രും, അതോ​ടൊ​പ്പം സ്വയം ക്ഷതമേൽപ്പി​ക്ക​ലും തുടരും.

സ്വയം ക്ഷതമേൽപ്പി​ക്കുന്ന ശീലം ഉപേക്ഷി​ക്കാൻ ആഗ്രഹി​ക്കു​ന്നവർ, അത്‌ വളരെ ദുഷ്‌ക​ര​മാ​ണെന്നു കണ്ടെത്തു​ന്നു. എന്നാൽ ഈ ശീലം നിറു​ത്താൻ ചിലർക്കു സാധി​ച്ചി​രി​ക്കു​ന്നത്‌ എങ്ങനെ​യാണ്‌? 2006 ഫെബ്രു​വരി ലക്കം ഉണരുക!യിലെ “യുവജ​നങ്ങൾ ചോദി​ക്കു​ന്നു . . . ” “സ്വയം ക്ഷതമേൽപ്പി​ക്കു​ന്നത്‌ നിറു​ത്താൻ എനിക്ക്‌ എങ്ങനെ സാധി​ക്കും?” എന്ന ലേഖന​ത്തിൽ അതി​നെ​പ്പറ്റി ചർച്ച ചെയ്യു​ന്ന​താ​യി​രി​ക്കും.

[അടിക്കു​റി​പ്പു​കൾ]

ചിന്തിക്കാൻ:

◼ എന്തു​കൊ​ണ്ടാണ്‌ ചില യുവജ​നങ്ങൾ സ്വയം ക്ഷതമേൽപ്പി​ക്കു​ന്നത്‌?

◼ ഈ ലേഖനം വായി​ച്ച​ശേഷം, വേദനാ​ക​ര​മായ വികാ​ര​ങ്ങളെ തരണം​ചെ​യ്യാ​നുള്ള മെച്ചമായ മാർഗ​ങ്ങ​ളെ​ക്കു​റി​ച്ചു നിങ്ങൾക്കു ചിന്തി​ക്കാ​നാ​കു​മോ?

[11-ാം പേജിലെ ആകർഷക വാക്യം]

“ചിരി​ക്കു​മ്പോൾ തന്നേയും ഹൃദയം ദുഃഖി​ച്ചി​രി​ക്കാം.”—സദൃശ​വാ​ക്യ​ങ്ങൾ 14:13

[11-ാം പേജിലെ ആകർഷക വാക്യം]

“സാധാ​ര​ണ​മാ​യി, ഇവർ ജീവി​ത​ത്തി​നല്ല മറിച്ച്‌ വേദന​യ്‌ക്കു​മാ​ത്രം വിരാ​മ​മി​ടാ​നാ​ണു ശ്രമി​ക്കു​ന്നത്‌”

[12-ാം പേജിലെ ആകർഷക വാക്യം]

ഇടപെടാൻ പ്രയാ​സ​മുള്ള “ദുർഘ​ട​സ​മയങ്ങ”ളിലാണ്‌ നാം ജീവി​ക്കു​ന്നത്‌—2 തിമൊ​ഥെ​യൊസ്‌ 3:1