യുവജ​നങ്ങൾ ചോദി​ക്കു​ന്നു . . .

സ്‌കൂ​ളി​ലെ സെക്‌സ്‌—എനിക്ക്‌ എങ്ങനെ വിട്ടു​നിൽക്കാം?

“കുട്ടികൾ എല്ലാ ദിവസ​വും സെക്‌സി​നെ​പ്പറ്റി സംസാ​രി​ക്കു​ന്നു. എന്തിന്‌, പെൺകു​ട്ടി​കൾ ആ ഉദ്ദേശ്യ​ത്തോ​ടെ​തന്നെ ആൺകു​ട്ടി​കളെ സമീപിച്ച്‌ സ്‌കൂ​ളിൽവെ​ച്ചു​തന്നെ അവർ സെക്‌സിൽ ഏർപ്പെ​ടു​ന്നു.”—ഐലിൻ, 16.

“എന്റെ സ്‌കൂ​ളിൽ, സ്വവർഗ​സം​ഭോ​ഗി​കൾ എല്ലാ കുട്ടി​ക​ളും കാൺകെ അധാർമിക കാര്യങ്ങൾ ചെയ്യുന്നു, അതിൽ അവർക്കു യാതൊ​രു കൂസലു​മില്ല.”—മൈക്കൽ, 15.a

നിങ്ങളു​ടെ സഹപാ​ഠി​ക​ളു​ടെ സ്ഥിരം സംസാ​ര​വി​ഷയം ലൈം​ഗി​ക​ത​യാ​ണോ? അവരിൽ ചിലർ സംസാ​ര​ത്തി​നും അപ്പുറം പോകാ​റു​ണ്ടോ? അങ്ങനെ​യെ​ങ്കിൽ, സ്‌കൂ​ളി​ലാ​യി​രി​ക്കു​ന്ന​തി​നെ “ഒരു ‘എ’ പടത്തിന്റെ സെറ്റിൽ ജോലി ചെയ്യുന്ന”തിനോ​ടു താരത​മ്യ​പ്പെ​ടു​ത്തിയ ഒരു കൗമാ​ര​പ്രാ​യ​ക്കാ​രി​യു​ടെ അതേ വികാ​ര​മാ​യി​രി​ക്കും നിങ്ങൾക്കും. സ്‌കൂ​ളി​ലാ​യി​രി​ക്കു​മ്പോൾ, ലൈം​ഗി​ക​ത​യെ​പ്പറ്റി ചർച്ച​ചെ​യ്യാൻ അല്ലെങ്കിൽ അതിൽ ഏർപ്പെ​ടാൻപോ​ലു​മുള്ള അവസര​ങ്ങ​ളു​ടെ ഒരു പ്രളയം​തന്നെ പല യുവജ​ന​ങ്ങ​ളും അഭിമു​ഖീ​ക​രി​ക്കു​ന്നു എന്നുള്ള​താ​ണു വസ്‌തുത.

സഹപാ​ഠി​കൾ ‘ഹുക്കിങ്‌-അപ്പ്‌’ എന്നതി​നെ​ക്കു​റി​ച്ചു ചർച്ച ചെയ്യു​ന്നത്‌ നിങ്ങൾ കേട്ടി​ട്ടു​ണ്ടാ​യി​രി​ക്കും. വൈകാ​രി​ക​മാ​യി യാതൊ​രു പ്രതി​ബ​ദ്ധ​ത​യു​മി​ല്ലാ​തെ ലൈം​ഗി​ക​ത​യിൽ ഏർപ്പെ​ടു​ന്ന​തി​നെ​യാണ്‌ ആ പദപ്ര​യോ​ഗം അർഥമാ​ക്കു​ന്നത്‌. ചില കേസു​ക​ളിൽ കുട്ടികൾ തങ്ങൾക്ക്‌ അധിക​മൊ​ന്നും പരിച​യ​മി​ല്ലാ​ത്ത​വ​രു​മാ​യി ഹുക്ക്‌-അപ്പ്‌ നടത്തുന്നു. മറ്റു ചില കേസു​ക​ളിൽ ഇന്റർനെ​റ്റി​ലൂ​ടെ പരിച​യ​പ്പെട്ട തികച്ചും അപരി​ചി​ത​രായ ആളുക​ളു​മാ​യി അവർ ലൈം​ഗി​ക​ത​യിൽ ഏർപ്പെ​ടു​ന്നു. രണ്ടു സാഹച​ര്യ​ങ്ങ​ളി​ലും സ്‌നേ​ഹത്തെ പടിക്കു​പു​റത്തു നിറു​ത്തുക എന്നതാണ്‌ ഹുക്കിങ്‌-അപ്പ്‌ എന്നതിന്റെ ലക്ഷ്യം. “രണ്ടു വ്യക്തികൾ തങ്ങളുടെ ശാരീ​രിക തൃഷ്‌ണ​കളെ തൃപ്‌തി​പ്പെ​ടു​ത്തു​ന്നു എന്നതിൽ കവിഞ്ഞ അർഥ​മൊ​ന്നും അതിനില്ല” എന്ന്‌ 19 വയസ്സു​കാ​രി ഡാൻയെൽ പറയുന്നു.

പല സ്‌കൂ​ളു​ക​ളി​ലും ഹുക്കിങ്‌-അപ്പ്‌ ചൂടു​പി​ടിച്ച ഒരു ചർച്ചാ​വി​ഷ​യ​മാ​യി മാറി​യി​രി​ക്കു​ന്നു. “ഓരോ വാരാ​ന്ത​ത്തി​നു ശേഷവും, ഏറ്റവും പുതിയ ഹുക്ക്‌-അപ്പി​നെ​ക്കു​റി​ച്ചുള്ള പച്ചയായ വിവര​ണ​ങ്ങ​ളെ​ല്ലാം ആവേശ​ഭ​രി​ത​രാ​യി കൂട്ടു​കാ​രോ​ടു മന്ത്രി​ക്കുന്ന വിദ്യാർഥി​ക​ളെ​ക്കൊണ്ട്‌ ഇടനാ​ഴി​കൾ നിറഞ്ഞി​രി​ക്കും” എന്ന്‌ തന്റെ സ്‌കൂൾ പത്രത്തിൽ ഒരു 17 വയസ്സു​കാ​രി എഴുതു​ക​യു​ണ്ടാ​യി.

ലൈം​ഗി​ക​ത​യെ​ക്കു​റി​ച്ച​ല്ലാ​തെ മറ്റൊ​ന്നും സംസാ​രി​ക്കാ​നി​ല്ലാ​ത്ത​വ​രു​ടെ ഇടയി​ലാ​യി​രി​ക്കു​മ്പോൾ ബൈബിൾ തത്ത്വങ്ങൾക്കു ചേർച്ച​യിൽ ജീവി​ക്കാൻ ശ്രമി​ക്കു​ന്നത്‌ നിങ്ങളെ ഒറ്റപ്പെ​ടു​ത്തി​യേ​ക്കാം. ഇനി കൂട്ട​ത്തോ​ടൊ​പ്പം ചേരു​ന്നി​ല്ലെ​ങ്കിൽ നിങ്ങൾ പരിഹാ​സ​പാ​ത്ര​മാ​കാ​നും ഇടയുണ്ട്‌. ഒരു പരിധി​വരെ ഇത്‌ പ്രതീ​ക്ഷി​ക്കേ​ണ്ട​താണ്‌, കാരണം മറ്റുള്ള​വർക്കു നിങ്ങളു​ടെ ജീവി​ത​രീ​തി​യെ​ക്കു​റി​ച്ചു മനസ്സി​ലാ​ക്കാൻ കഴിയാ​തെ വരു​മ്പോൾ നിങ്ങളെ “ദുഷി”ച്ചു പറഞ്ഞു​കൊണ്ട്‌ അവർ പ്രതി​ക​രി​ച്ചേ​ക്കാ​മെന്നു ബൈബിൾ പറയുന്നു. (1 പത്രൊസ്‌ 4:3, 4) എന്നിരു​ന്നാ​ലും ആരും പരിഹാ​സ​പാ​ത്ര​മാ​കാൻ ഇഷ്ടപ്പെ​ടു​ന്നില്ല. അതു​കൊണ്ട്‌ സ്‌കൂ​ളി​ലാ​യി​രി​ക്കു​മ്പോൾ ലൈം​ഗി​ക​തയെ തിരസ്‌ക​രി​ക്കാ​നും നിങ്ങളു​ടെ നിലപാ​ടി​നെ പ്രതി ഉചിത​മായ ആത്മാഭി​മാ​നം നിലനി​റു​ത്താ​നും എങ്ങനെ കഴിയും? ആദ്യം​തന്നെ, ലൈം​ഗിക പ്രലോ​ഭ​നങ്ങൾ ഇത്രയും ശക്തമാ​യി​രി​ക്കു​ന്ന​തി​ന്റെ കാരണം മനസ്സി​ലാ​ക്കേ​ണ്ട​തുണ്ട്‌.

നിങ്ങ​ളെ​ത്തന്നെ മനസ്സി​ലാ​ക്കു​ക

കൗമാ​ര​പ്രാ​യ​ത്തിൽ നിങ്ങൾക്കു ദ്രുത​ഗ​തി​യിൽ ശാരീ​രി​ക​വും മാനസി​ക​വു​മായ വ്യതി​യാ​നങ്ങൾ സംഭവി​ക്കു​ന്നു. ഈ കാലയ​ള​വിൽ നിങ്ങൾക്കു തീവ്ര​മായ ലൈം​ഗിക ഉത്തേജനം അനുഭ​വ​പ്പെ​ടും, അതു തികച്ചും സ്വാഭാ​വി​ക​മാ​ണു​താ​നും. അതു​കൊണ്ട്‌ സ്‌കൂ​ളിൽ വിപരീത ലിംഗ​വർഗ​ത്തിൽപ്പെ​ട്ട​വ​രോ​ടു ശക്തമായ ആകർഷണം തോന്നു​ക​യാ​ണെ​ങ്കിൽ, നിങ്ങൾക്കു സ്വഭാ​വ​ദൂ​ഷ്യം ഉണ്ടെന്നോ ധാർമി​ക​ശു​ദ്ധി നിലനി​റു​ത്താ​നുള്ള സ്വാഭാ​വി​ക​മായ പ്രാപ്‌തി ഇല്ലെന്നോ നിഗമനം ചെയ്യാ​തി​രി​ക്കുക. നിർമ​ല​രാ​യി​രി​ക്കാ​നാണ്‌ നിങ്ങൾ ആഗ്രഹി​ക്കു​ന്ന​തെ​ങ്കിൽ നിങ്ങൾക്ക്‌ അതിനു കഴിയും!

കൗമാര വർഷങ്ങ​ളിൽ ഒരു ആന്തരിക പോരാ​ട്ട​മു​ണ്ടെന്ന വസ്‌തു​ത​യ്‌ക്കു പുറമേ, നിങ്ങൾ അറിഞ്ഞി​രി​ക്കേണ്ട മറ്റൊരു കാര്യം​കൂ​ടി​യുണ്ട്‌. അപൂർണ​രാ​യ​തി​നാൽ, എല്ലാ മനുഷ്യ​രും ദോഷ​ത്തി​ലേക്കു ചായ്‌വു​ള്ള​വ​രാ​ണെന്ന കാര്യം. അപ്പൊ​സ്‌ത​ല​നായ പൗലൊസ്‌ പോലും ഇങ്ങനെ സമ്മതി​ച്ചു​പ​റഞ്ഞു: “എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു.” തന്റെ അപൂർണ​തകൾ തന്നെ “അരിഷ്ട​മ​നു​ഷ്യൻ” ആക്കിത്തീർക്കു​ന്നു എന്നു പൗലൊസ്‌ പറഞ്ഞു. (റോമർ 7:23, 24) എന്നിരു​ന്നാ​ലും അവൻ പോരാ​ട്ട​ത്തിൽ വിജയി​ച്ചു, നിങ്ങൾക്കും അതിനു കഴിയും!

നിങ്ങളു​ടെ സഹപാ​ഠി​കളെ മനസ്സി​ലാ​ക്കു​ക

നേരത്തേ സൂചി​പ്പി​ച്ച​തു​പോ​ലെ, നിങ്ങളു​ടെ സഹപാ​ഠി​കൾ എപ്പോ​ഴും ലൈം​ഗി​ക​ത​യെ​പ്പറ്റി സംസാ​രി​ക്കു​ക​യോ തങ്ങൾ നടത്തി​യ​താ​യി അവകാ​ശ​പ്പെ​ടുന്ന ലൈം​ഗി​ക​കേ​ളി​ക​ളെ​പ്പറ്റി വീമ്പി​ള​ക്കു​ക​യോ ചെയ്‌തേ​ക്കാം. അവരുടെ അനാ​രോ​ഗ്യ​ക​ര​മായ സ്വാധീ​ന​ത്തി​നെ​തി​രെ നിങ്ങൾ ജാഗ്രത പുലർത്തണം. (1 കൊരി​ന്ത്യർ 15:33) എന്നാൽ സഹപാ​ഠി​കളെ നിങ്ങൾ ശത്രു​ക്ക​ളാ​യി വീക്ഷി​ക്കേ​ണ്ട​തില്ല. എന്തു​കൊണ്ട്‌?

നിങ്ങൾക്കു​ള്ള അതേ കൗമാ​ര​മോ​ഹങ്ങൾ തന്നെയാണ്‌ നിങ്ങളു​ടെ സഹപാ​ഠി​കൾക്കു​മു​ള്ളത്‌. ദോഷം പ്രവർത്തി​ക്കാ​നുള്ള ചായ്‌വ്‌ അവർക്കു​മുണ്ട്‌. എന്നാൽ നിങ്ങളിൽനി​ന്നു വ്യത്യ​സ്‌ത​രാ​യി അവരിൽ ചിലർ “ദൈവ​പ്രി​യ​മി​ല്ലാ​തെ ഭോഗ​പ്രി​യരാ”യിരി​ക്കാം. അല്ലെങ്കിൽ കുടും​ബാം​ഗ​ങ്ങൾക്ക്‌ ഇടയിൽ “വാത്സല്യ​മി​ല്ലാത്ത” ഭവനങ്ങ​ളിൽനിന്ന്‌ ഉള്ളവരാ​യി​രി​ക്കാം. (2 തിമൊ​ഥെ​യൊസ്‌ 3:1-4) വാത്സല്യ​മുള്ള മാതാ​പി​താ​ക്കൾ മക്കൾക്കു നൽകുന്ന സ്‌നേ​ഹ​നിർഭ​ര​മായ ശിക്ഷണ​വും ധാർമിക പരിശീ​ല​ന​വും ലഭിക്കാ​ത്ത​വ​രാ​യി​രി​ക്കാം നിങ്ങളു​ടെ ചില സഹപാ​ഠി​കൾ.—എഫെസ്യർ 6:4.

ജ്ഞാനത്തി​ന്റെ ഉന്നത ഉറവായ ദൈവ​വ​ച​ന​മായ ബൈബി​ളിൽനി​ന്നുള്ള ജ്ഞാനം നിങ്ങൾക്കു വിരൽത്തു​മ്പിൽ ലഭ്യമാണ്‌. എന്നാൽ അതില്ലാത്ത നിങ്ങളു​ടെ സഹപാ​ഠി​കൾ ആഗ്രഹ​ങ്ങൾക്ക്‌ എളുപ്പം വഴി​പ്പെ​ടു​ന്ന​തി​ന്റെ ഫലമാ​യു​ണ്ടാ​കുന്ന അപകട​ങ്ങ​ളെ​ക്കു​റിച്ച്‌ അജ്ഞരാ​യി​രു​ന്നേ​ക്കാം. (റോമർ 1:26, 27) അത്‌ അവരുടെ മാതാ​പി​താ​ക്കൾ അവർക്ക്‌ ഒരു കാർ കൊടു​ത്തിട്ട്‌ അത്‌ എങ്ങനെ ഓടി​ക്ക​ണ​മെന്നു പഠിപ്പി​ക്കാ​തെ തിരക്കു​പി​ടിച്ച ഒരു ഹൈ​വേ​യി​ലേക്ക്‌ അവരെ പറഞ്ഞു​വി​ടു​ന്ന​തി​നു തുല്യ​മാ​യി​രി​ക്കും. വാഹനം ഓടി​ക്കു​ന്നത്‌ താത്‌കാ​ലി​ക​മാ​യി ഹരം പകരു​മെ​ങ്കി​ലും അപകടം ഉറപ്പാണ്‌. അതു​കൊണ്ട്‌ നിങ്ങളു​ടെ സാന്നി​ധ്യ​ത്തിൽ സഹപാ​ഠി​കൾ ലൈം​ഗി​ക​ത​യെ​പ്പറ്റി സംസാ​രി​ക്കാൻ തുടങ്ങു​ക​യോ അല്ലെങ്കിൽ അവരുടെ അധാർമിക പ്രവൃ​ത്തി​ക​ളിൽ പങ്കു​ചേ​രാൻ നിങ്ങളെ നിർബ​ന്ധി​ക്കു​ക​യോ ചെയ്യു​ക​യാ​ണെ​ങ്കിൽ നിങ്ങൾക്ക്‌ എന്തു ചെയ്യാൻ കഴിയും?

അശ്ലീല സംസാ​ര​ത്തിൽനിന്ന്‌ ഒഴിഞ്ഞു​മാ​റു​ക

സഹപാ​ഠി​കൾ ലൈം​ഗിക അധാർമി​ക​ത​യെ​പ്പറ്റി സംസാ​രി​ക്കാൻ തുടങ്ങു​ക​യാ​ണെ​ങ്കിൽ അതു കേൾക്കാ​നും വ്യത്യ​സ്‌ത​രാ​യി വീക്ഷി​ക്ക​പ്പെ​ടാ​തി​രി​ക്കേ​ണ്ട​തിന്‌ അവരോ​ടൊ​പ്പം കൂടാൻപോ​ലും നിങ്ങൾ പ്രലോ​ഭി​ത​രാ​യേ​ക്കാം. പക്ഷേ നിങ്ങ​ളെ​ക്കു​റിച്ച്‌ അതു നൽകുന്ന സന്ദേശം എന്തായി​രി​ക്കു​മെന്ന്‌ ഒന്നു ചിന്തി​ച്ചു​നോ​ക്കൂ? അവരുടെ സംഭാ​ഷ​ണ​ത്തി​ലുള്ള നിങ്ങളു​ടെ താത്‌പ​ര്യം നിങ്ങൾ ഏതുതരം വ്യക്തി​യാണ്‌ അല്ലെങ്കിൽ ഏതുതരം വ്യക്തി​യാ​യി​രി​ക്കാൻ ആഗ്രഹി​ക്കു​ന്നു എന്നതിനു സൂചന നൽകു​ക​യി​ല്ലേ?

ലൈം​ഗി​ക അധാർമി​ക​ത​യെന്ന വിഷയം സംഭാ​ഷ​ണ​ത്തി​ലേക്കു കടന്നു​വ​രു​ക​യാ​ണെ​ങ്കിൽ നിങ്ങൾ എന്തു ചെയ്യണം? നിങ്ങൾ അവി​ടെ​നി​ന്നു മാറി​പ്പോ​ക​ണ​മോ? തീർച്ച​യാ​യും! (എഫെസ്യർ 5:3, 4) ബൈബിൾ ഇപ്രകാ​രം പ്രസ്‌താ​വി​ക്കു​ന്നു: “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു; അല്‌പ​ബു​ദ്ധി​ക​ളോ നേരെ ചെന്നു ചേത​പ്പെ​ടു​ന്നു.” (സദൃശ​വാ​ക്യ​ങ്ങൾ 22:3) അതു​കൊണ്ട്‌ അത്തരം സംഭാ​ഷ​ണ​ത്തിൽനിന്ന്‌ ഒഴിഞ്ഞു മാറു​മ്പോൾ നിങ്ങൾ അപമര്യാ​ദ​യാ​യി പെരു​മാ​റു​കയല്ല മറിച്ച്‌ വിവേകം പ്രകട​മാ​ക്കു​ക​യാണ്‌.

സഭ്യമ​ല്ലാ​ത്ത സംസാ​ര​ത്തിൽനിന്ന്‌ ഒഴിഞ്ഞു​മാ​റു​മ്പോൾ നിങ്ങൾക്കു സങ്കോചം തോന്നേണ്ട കാര്യ​മില്ല. യാതൊ​രു സങ്കോ​ച​വു​മി​ല്ലാ​തെ നിങ്ങൾ ഒഴിഞ്ഞു​മാ​റി​യേ​ക്കാ​വുന്ന മറ്റു പലതരം സംഭാ​ഷ​ണ​ങ്ങ​ളുണ്ട്‌, പ്രത്യേ​കിച്ച്‌ ചർച്ച ചെയ്യ​പ്പെ​ടുന്ന കാര്യ​ങ്ങ​ളിൽ നിങ്ങൾക്കു താത്‌പ​ര്യ​മൊ​ന്നും ഇല്ലാതി​രി​ക്കു​ക​യോ അല്ലെങ്കിൽ അതിൽ ഉൾപ്പെ​ടാൻ ആഗ്രഹി​ക്കാ​തി​രി​ക്കു​ക​യോ ചെയ്യു​മ്പോൾ. ദൃഷ്ടാ​ന്ത​ത്തിന്‌, ഒരു കൂട്ടം സഹപാ​ഠി​കൾ ഒരു സായു​ധ​കൊള്ള നടത്തു​ന്ന​തി​നെ​പ്പറ്റി സംസാ​രി​ക്കാൻ തുടങ്ങി​യെന്നു കരുതുക. നിങ്ങൾ അവിടെ ചുറ്റി​പ്പ​റ്റി​നിന്ന്‌ ആ പദ്ധതി​യെ​ക്കു​റി​ച്ചു കേൾക്കു​മോ? നിങ്ങൾ അതു കേട്ടു​നിൽക്കു​ന്നെ​ങ്കിൽ നിങ്ങളും അതി​ലൊ​രു കൂട്ടാ​ളി​യാ​യി വീക്ഷി​ക്ക​പ്പെ​ടാ​നി​ട​യുണ്ട്‌. അതു​കൊണ്ട്‌ ജ്ഞാനപൂർവം നിങ്ങൾ അവി​ടെ​നി​ന്നു മാറി​പ്പോ​കും. സംഭാ​ഷ​ണ​ത്തി​ലേക്ക്‌ അധാർമിക ലൈം​ഗി​ക​വി​ഷ​യങ്ങൾ കടന്നു​വ​രു​മ്പോ​ഴും അതുതന്നെ ചെയ്യുക. സ്വയം നീതി​മാ​നാ​യി കാണി​ക്കാ​തെ​യും പരിഹാ​സം ക്ഷണിച്ചു വരുത്താ​തെ​യും അവി​ടെ​നി​ന്നു പോകാൻ മിക്ക​പ്പോ​ഴും നിങ്ങൾക്ക്‌ ഒരു വഴി കണ്ടെത്താ​നാ​കും.

എന്നിരു​ന്നാ​ലും ഇത്തര​മൊ​രു സാഹച​ര്യ​ത്തിൽനി​ന്നു മാറി​പ്പോ​കാൻ എല്ലായ്‌പോ​ഴും സാധി​ച്ചെന്നു വരില്ല. ഉദാഹ​ര​ണ​ത്തിന്‌, ക്ലാസ്സിൽ നിങ്ങളു​ടെ അടുത്ത്‌ ഇരിക്കുന്ന കുട്ടികൾ ലൈം​ഗിക സംബന്ധ​മായ സംഭാ​ഷ​ണ​ങ്ങ​ളിൽ നിങ്ങ​ളെ​യും ഉൾപ്പെ​ടു​ത്താൻ ശ്രമി​ച്ചെ​ന്നു​വ​രാം. അങ്ങനെ​യാ​ണെ​ങ്കിൽ നിങ്ങൾക്കു ശ്രദ്ധാ​ശൈ​ഥി​ല്യ​മു​ണ്ടാ​ക്ക​രു​തെന്നു ദൃഢമാ​യി എന്നാൽ മര്യാ​ദ​യോ​ടെ അവരോ​ടു പറയാ​വു​ന്ന​താണ്‌. അതു വിജയി​ക്കു​ന്നി​ല്ലെ​ങ്കിൽ ബ്രെൻഡ ചെയ്‌ത​തു​പോ​ലെ നിങ്ങൾക്കു ചെയ്യാ​വു​ന്ന​താണ്‌. അവൾ പറയുന്നു: “ഞാൻ വിവേ​ച​ന​യോ​ടെ ടീച്ചറി​നെ സമീപിച്ച്‌ എന്നെ മറ്റൊരു സ്ഥാനത്ത്‌ ഇരുത്താൻ അഭ്യർഥി​ച്ചു.”

വിവേചന പ്രകട​മാ​ക്കു​ക

അവരുടെ വൃത്തി​കെട്ട സംഭാ​ഷ​ണ​ങ്ങ​ളിൽ നിങ്ങൾ പങ്കു​ചേ​രാ​ത്തത്‌ എന്തു​കൊ​ണ്ടാ​ണെന്ന്‌ അറിയാൻ ഇന്നല്ലെ​ങ്കിൽ നാളെ നിങ്ങളു​ടെ സഹപാ​ഠി​ക​ളിൽ ചിലർ ആകാംക്ഷ പ്രകടി​പ്പി​ച്ചേ​ക്കും. നിങ്ങളു​ടെ ധാർമിക മൂല്യ​ങ്ങ​ളെ​പ്പറ്റി അവർ ചോദി​ക്കു​മ്പോൾ ഉത്തരം പറയു​ന്ന​തിൽ വിവേചന പ്രകട​മാ​ക്കുക. നിങ്ങളു​ടെ വീക്ഷണ​ത്തെ​ക്കു​റി​ച്ചു മനസ്സി​ലാ​ക്കു​ന്ന​തി​നു പകരം നിങ്ങളെ വെറുതേ കളിയാ​ക്കു​ന്ന​തി​നു വേണ്ടി​യാ​യി​രി​ക്കാം ചിലർ ചോദി​ക്കു​ന്നത്‌. എന്നാൽ ശുദ്ധമായ ആന്തര​ത്തോ​ടെ​യാണ്‌ ഒരാൾ ചോദി​ക്കു​ന്ന​തെ​ങ്കിൽ നിങ്ങളു​ടെ വിശ്വാ​സ​ങ്ങ​ളെ​പ്പറ്റി അഭിമാ​ന​ത്തോ​ടെ തുറന്നു സംസാ​രി​ക്കുക. ബൈബിൾ നിലവാ​രങ്ങൾ അനുസ​രിച്ച്‌ ജീവി​ക്കു​ന്ന​തി​ന്റെ പ്രയോ​ജ​നങ്ങൾ മനസ്സി​ലാ​ക്കാൻ തങ്ങളുടെ സഹപാ​ഠി​കളെ സഹായി​ക്കേ​ണ്ട​തിന്‌ പല യുവജ​ന​ങ്ങ​ളും യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും—പ്രാ​യോ​ഗിക ഉത്തരങ്ങ​ളും എന്ന പുസ്‌തകം ഉപയോ​ഗി​ച്ചി​രി​ക്കു​ന്നു.b

ദൃഢചി​ത്ത​രാ​യി​രി​ക്കുക

ഒരു സഹപാഠി നിങ്ങളെ സ്‌പർശി​ക്കാ​നോ ചുംബി​ക്കാ​നോ ധൈര്യ​പ്പെ​ടു​ക​യാ​ണെ​ങ്കിൽ നിങ്ങൾ എന്തു ചെയ്യണം? അതു ചെയ്യാൻ അയാളെ അനുവ​ദി​ക്കു​ക​യാ​ണെ​ങ്കിൽ, തെറ്റായ കാര്യങ്ങൾ തുടർന്നും ചെയ്യാൻ നിങ്ങൾ അയാളെ പ്രോ​ത്സാ​ഹി​പ്പി​ക്കു​ക​യാ​യി​രി​ക്കും ചെയ്യു​ന്നത്‌. തന്നെ കടന്നു​പി​ടി​ക്കാ​നും ചുംബി​ക്കാ​നും ഒരു അധാർമിക സ്‌ത്രീ​യെ അനുവ​ദിച്ച ഒരു യുവാ​വി​നെ​പ്പറ്റി ബൈബിൾ വിവരി​ക്കു​ന്നു. തന്നോടു ശൃംഗാ​ര​ഭാ​വ​ത്തോ​ടെ സംസാ​രി​ക്കാ​നും അവൻ അവളെ അനുവ​ദി​ച്ചു. ഫലമെ​ന്താ​യി​രു​ന്നു? “അറുക്കു​ന്നേ​ട​ത്തേക്കു കാള . . . പോകു​ന്ന​തു​പോ​ലെ . . . അവൻ അവളുടെ പിന്നാലെ ചെല്ലുന്നു.”—സദൃശ​വാ​ക്യ​ങ്ങൾ 7:13-23.

അതിനു വിപരീ​ത​മാ​യി, സമാന​മായ സാഹച​ര്യ​ത്തെ യോ​സേഫ്‌ കൈകാ​ര്യം ചെയ്‌തത്‌ എങ്ങനെ​യെന്നു പരിചി​ന്തി​ക്കുക. അവനെ വശീക​രി​ക്കാൻ യജമാ​നന്റെ ഭാര്യ നിരന്തരം ശ്രമി​ച്ചു​കൊ​ണ്ടി​രു​ന്നു, എന്നാൽ അവൻ അവളുടെ പ്രലോ​ഭ​ന​ങ്ങളെ ദൃഢമാ​യി ചെറു​ത്തു​നി​ന്നു. അവസാനം അവനെ കടന്നു​പി​ടി​ക്കാൻ അവൾ ശ്രമി​ച്ച​പ്പോൾ അവൻ നിർണാ​യക നടപടി എടുക്കു​ക​യും അവി​ടെ​നിന്ന്‌ ഓടി​പ്പോ​കു​ക​യും ചെയ്‌തു.—ഉല്‌പത്തി 39:7-12.

ഒരു സഹപാ​ഠി​യോ അല്ലെങ്കിൽ പരിച​യ​ത്തി​ലുള്ള ആരെങ്കി​ലു​മോ നിങ്ങളെ അനുചി​ത​മായ രീതി​യിൽ സ്‌പർശി​ക്കാൻ ശ്രമി​ക്കു​ക​യാ​ണെ​ങ്കിൽ യോ​സേ​ഫി​നെ​പ്പോ​ലെ നിങ്ങളും ശക്തമായ നടപടി​കൾ എടു​ക്കേണ്ടി വന്നേക്കാം. ഐലീൻ പറയുന്നു, “ഒരാൾ എന്നെ സ്‌പർശി​ക്കാൻ ശ്രമി​ക്കു​ക​യാ​ണെ​ങ്കിൽ, വേണ്ട എന്നു ഞാൻ അവനു താക്കീതു നൽകും. അവൻ അതു വകവെ​ക്കു​ന്നി​ല്ലെ​ങ്കിൽ കൈ​യെ​ടു​ക്കൂ എന്നു പറഞ്ഞ്‌ ഞാൻ അവന്റെ നേരെ ആക്രോ​ശി​ക്കും.” തന്റെ സ്‌കൂ​ളി​ലെ യുവാ​ക്ക​ളെ​ക്കു​റിച്ച്‌ ഐലീൻ ഇങ്ങനെ കൂട്ടി​ച്ചേർക്കു​ന്നു: “നിങ്ങളെ ബഹുമാ​നി​ക്കാൻ അവരെ നിർബ​ന്ധി​ത​രാ​ക്കുന്ന വിധത്തിൽ സംസാ​രി​ക്കു​ക​യും പ്രവർത്തി​ക്കു​ക​യും ചെയ്‌താൽ മാത്രമേ അവർ നിങ്ങളെ ബഹുമാ​നി​ക്കു​ക​യു​ള്ളൂ.”

അശ്ലീല സംസാരം കേൾക്കാൻ വിസമ്മ​തി​ക്കു​ക​യും ഉചിത​മാ​യി​രി​ക്കുന്ന സാഹച​ര്യ​ങ്ങ​ളിൽ നിങ്ങളു​ടെ ധാർമിക നിലപാ​ടി​നെ​പ്പറ്റി ആദരപൂർവം വിശദീ​ക​രി​ക്കു​ക​യും അധാർമിക സമീപ​ന​ങ്ങളെ ശക്തമായി ചെറു​ത്തു​നിൽക്കു​ക​യും ചെയ്യു​ന്ന​പക്ഷം നിങ്ങൾക്കും നിങ്ങളു​ടെ സഹപാ​ഠി​ക​ളു​ടെ ആദരവ്‌ നേടി​യെ​ടു​ക്കാം. ഇതിനു കൂടു​ത​ലായ ഒരു പ്രയോ​ജനം കൂടി​യുണ്ട്‌, നിങ്ങൾക്ക്‌ എന്തെന്നി​ല്ലാത്ത ചാരി​താർഥ്യം തോന്നും. സർവോ​പരി, നിങ്ങൾക്ക്‌ യഹോ​വ​യു​ടെ അംഗീ​കാ​രം ഉണ്ടായി​രി​ക്കും.—സദൃശ​വാ​ക്യ​ങ്ങൾ 27:11.

ചിന്തിക്കാൻ:

◼ എന്തു പറഞ്ഞു​കൊണ്ട്‌ നിങ്ങൾക്ക്‌ അശ്ലീല സംഭാ​ഷ​ണ​ത്തിൽനിന്ന്‌ ഒഴിഞ്ഞു​മാ​റാൻ കഴിയും?

◼ ഒരു സഹപാഠി നിങ്ങ​ളോട്‌ സഭ്യമ​ല്ലാത്ത വിധത്തിൽ പെരു​മാ​റി​യാൽ നിങ്ങൾ എന്തു പറയും, എന്തു ചെയ്യും?

[അടിക്കു​റി​പ്പു​കൾ]

[27-ാം പേജിലെ ചിത്രം]

സംഭാഷണം ലൈം​ഗിക അധാർമി​ക​ത​യി​ലേക്കു കടക്കു​ക​യാ​ണെ​ങ്കിൽ, അവിടം​വി​ടു​ക

[28-ാം പേജിലെ ചിത്രം]

അധാർമിക സമീപ​ന​ങ്ങളെ ശക്തമായി ചെറു​ക്കു​ക