യുവജ​നങ്ങൾ ചോദി​ക്കു​ന്നു . . .

സ്‌കൂ​ളി​ലെ സൗഹൃ​ദങ്ങൾ അതിരു​ക​വി​യു​ന്നത്‌ എപ്പോൾ?

“സഹപാ​ഠി​ക​ളെ​ല്ലാം വാരാ​ന്ത​ത്തിൽ ഒന്നിച്ചു​കൂ​ടി ചെയ്‌ത രസകര​മായ കാര്യങ്ങൾ പറയും. ഞാൻ തികച്ചും ഒറ്റപ്പെ​ട്ട​താ​യി എനിക്കു തോന്നി.”—മിഷെൽ.a

“ചില​പ്പോൾ ഒരു കൂട്ടം കുട്ടി​കളെ കാണു​മ്പോൾ, ‘അവർ നല്ല സുഹൃ​ത്തു​ക്ക​ളാ​ണ​ല്ലോ, അവരോ​ടൊ​പ്പം ആയിരു​ന്നെ​ങ്കിൽ’ എന്നു ഞാൻ ചിന്തി​ക്കും.”—ജോ.

“സ്‌കൂ​ളിൽ സുഹൃ​ത്തു​ക്കളെ സമ്പാദി​ക്കു​ന്നത്‌ എനി​ക്കൊ​രു പ്രശ്‌നമേ ആയിരു​ന്നില്ല. അത്‌ എളുപ്പ​മാ​യി​രു​ന്നു. അതായി​രു​ന്നു എന്റെ പ്രശ്‌ന​വും.” —മരിയ.

ദിവസ​ത്തി​ന്റെ നല്ലൊരു ഭാഗവും നിങ്ങൾ സഹപാ​ഠി​ക​ളോ​ടൊ​പ്പ​മാണ്‌. അവരു​ടേ​തി​നു സമാന​മായ പല വെല്ലു​വി​ളി​ക​ളും നൈരാ​ശ്യ​വും നേട്ടങ്ങ​ളും നിങ്ങൾക്ക്‌ ഉണ്ടാകു​ന്നു. നിങ്ങൾക്കു മാതാ​പി​താ​ക്ക​ളോ​ടോ കൂടപ്പി​റ​പ്പു​ക​ളോ​ടോ സഹക്രി​സ്‌ത്യാ​നി​ക​ളോ​ടോ ഉള്ളതി​നെ​ക്കാൾ കൂടുതൽ സമാന​തകൾ ചില വിധങ്ങ​ളിൽ അവരു​മാ​യി​ട്ടു​ണ്ടെന്നു തോന്നി​യേ​ക്കാം. അവരു​മാ​യുള്ള സൗഹൃ​ദ​ത്തി​ലേക്കു നിങ്ങൾ ആകർഷി​ക്ക​പ്പെ​ടു​ന്ന​തു​പോ​ലെ തോന്നു​ന്നെ​ങ്കിൽ അതു മനസ്സി​ലാ​ക്കാ​വു​ന്ന​തേ​യു​ള്ളൂ. അതു തെറ്റാ​ണോ? അതിൽ എന്തെങ്കി​ലും അപകട​മു​ണ്ടോ? സ്‌കൂ​ളി​ലെ സൗഹൃ​ദ​ങ്ങളെ സംബന്ധി​ച്ചി​ട​ത്തോ​ളം അവ എപ്പോ​ഴാണ്‌ അതിരു​ക​വി​യു​ന്നത്‌? എവി​ടെ​യാ​ണു നിങ്ങൾ അതിർവ​രമ്പു വെക്കേ​ണ്ടത്‌?

സുഹൃ​ത്തു​ക്കൾ ആവശ്യം

സുഹൃ​ത്തു​ക്കൾ—നല്ലകാ​ലങ്ങൾ ഒരുമി​ച്ചു ചെലവ​ഴി​ക്കു​ന്ന​തി​നും കഷ്ടകാ​ല​ങ്ങ​ളിൽ ആശ്രയി​ക്കു​ന്ന​തി​നും പറ്റിയവർ. അത്തരം സുഹൃ​ത്തു​ക്ക​ളു​ടെ ആവശ്യം എല്ലാവർക്കും ഉണ്ട്‌. യേശു​വി​നു സുഹൃ​ത്തു​ക്കൾ ഉണ്ടായി​രു​ന്നു, അവരോ​ടൊ​ത്തു സമയം ചെലവ​ഴി​ക്കു​ന്നത്‌ അവൻ ആസ്വദി​ച്ചി​രു​ന്നു. (യോഹ​ന്നാൻ 15:15) പിന്നീട്‌, ദണ്ഡനസ്‌തം​ഭ​ത്തി​ലെ മരണസ​മ​യത്ത്‌ യേശു​വി​ന്റെ അടുത്ത സുഹൃ​ത്തും “താൻ [പ്രത്യേ​കം] സ്‌നേ​ഹിച്ച ശിഷ്യനു”മായ യോഹ​ന്നാൻ അവന്റെ അടുത്ത്‌ ഉണ്ടായി​രു​ന്നു. (യോഹ​ന്നാൻ 19:25-27; 21:20) ഏതു മോശ​മായ സാഹച​ര്യ​ത്തി​ലും നിങ്ങ​ളോ​ടു പറ്റിനിൽക്കുന്ന അത്തരം സുഹൃ​ത്തു​ക്ക​ളു​ടെ ആവശ്യം നിങ്ങൾക്കു​മുണ്ട്‌. ഒരു ബൈബിൾ സദൃശ​വാ​ക്യം പറയുന്നു: “സ്‌നേ​ഹി​തൻ എല്ലാകാ​ല​ത്തും സ്‌നേ​ഹി​ക്കു​ന്നു; അനർഥ​കാ​ലത്തു അവൻ സഹോ​ദ​ര​നാ​യ്‌തീ​രു​ന്നു.”—സദൃശ​വാ​ക്യ​ങ്ങൾ 17:17.

ഒരുപക്ഷേ അത്തരത്തി​ലുള്ള ഒരു വ്യക്തിയെ സ്‌കൂ​ളിൽ നിങ്ങൾക്കു കണ്ടെത്താ​നാ​യി​രി​ക്കു​ന്നു എന്നു തോന്നി​യേ​ക്കാം, അതായത്‌ നിങ്ങൾക്കു നന്നായി യോജി​ച്ചു​പോ​കാൻ കഴിയുന്ന ഒരു സഹപാഠി. നിങ്ങൾക്കു പൊതു​വായ ചില താത്‌പ​ര്യ​ങ്ങൾ ഉണ്ട്‌, സംസാ​രി​ച്ചി​രി​ക്കാ​നാ​ണെ​ങ്കിൽ നല്ല രസവു​മാണ്‌. ആ വ്യക്തി ഒരു സഹവി​ശ്വാ​സി അല്ലായി​രി​ക്കാം, പക്ഷേ നിങ്ങളു​ടെ വീക്ഷണ​ത്തിൽ അവനോ അവളോ ‘ദുഷിച്ച കൂട്ടു​കെ​ട്ടി​ന്റെ’ ഗണത്തി​ലും വരു​മെന്നു തോന്നു​ന്നില്ല. (1 കൊരി​ന്ത്യർ 15:33, ന്യൂ ഇൻഡ്യ ബൈബിൾ ഭാഷാ​ന്തരം) നിങ്ങളു​ടെ ബൈബിൾ വിശ്വാ​സങ്ങൾ സ്വീക​രി​ക്കാത്ത ചില യുവജ​നങ്ങൾ സത്‌സ്വ​ഭാ​വി​ക​ളാ​ണെ​ന്നതു ശരിതന്നെ. (റോമർ 2:14, 15) എന്നാൽ അതിന്റെ അർഥം അവരെ നിങ്ങളു​ടെ അടുത്ത സുഹൃ​ത്തു​ക്കൾ ആക്കണ​മെ​ന്നാ​ണോ?

ക്രിസ്‌ത്യാ​നി​കൾ സമൂഹ​ത്തിൽനി​ന്നു വേർപെ​ട്ടു​നിൽക്കു​ന്ന​വരല്ല

തീർച്ച​യാ​യും, സത്യ​ക്രി​സ്‌ത്യാ​നി​കൾ അവിശ്വാ​സി​കളെ പാടേ ഒഴിവാ​ക്കു​ന്നില്ല. “സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന നിയോ​ഗം നിർവ​ഹി​ക്കു​ന്ന​തി​നാ​യി ക്രിസ്‌ത്യാ​നി​കൾ എല്ലാ വർഗങ്ങ​ളി​ലും മതങ്ങളി​ലും സംസ്‌കാ​ര​ങ്ങ​ളി​ലും ഉള്ള പുരു​ഷ​ന്മാ​രോ​ടും സ്‌ത്രീ​ക​ളോ​ടും സംസാ​രി​ക്കേ​ണ്ടി​യി​രി​ക്കു​ന്നു. (മത്തായി 28:20) അവർ അയൽക്കാ​രിൽനി​ന്നും സഹപ്ര​വർത്ത​ക​രിൽനി​ന്നും സഹപാ​ഠി​ക​ളിൽനി​ന്നും അകന്നു​മാ​റി തങ്ങളു​ടേ​തായ ഒരു ലോക​ത്തിൽ ഒതുങ്ങി​ക്കൂ​ടു​ന്ന​വരല്ല. മറിച്ച്‌, ക്രിസ്‌ത്യാ​നി​കൾ മറ്റുള്ള​വ​രിൽ അതീവ താത്‌പ​ര്യം കാണി​ക്കു​ന്നു.

അപ്പൊ​സ്‌ത​ല​നാ​യ പൗലൊസ്‌ ഇക്കാര്യ​ത്തിൽ ഒരു ഉത്തമ മാതൃ​ക​വെച്ചു. തന്റേതിൽനി​ന്നു വ്യത്യ​സ്‌ത​മായ വിശ്വാ​സ​ങ്ങ​ളാണ്‌ ആളുകൾക്കു​ണ്ടാ​യി​രു​ന്ന​തെ​ങ്കി​ലും “എല്ലാ”വരോ​ടും അഥവാ എല്ലാ തരത്തി​ലുള്ള ആളുക​ളോ​ടും എങ്ങനെ സംസാ​രി​ക്ക​ണ​മെന്ന്‌ അവനറി​യാ​മാ​യി​രു​ന്നു. തീർച്ച​യാ​യും, അവരോ​ടൊ​പ്പം വെറുതെ ‘കമ്പനി​കൂ​ടുക’ എന്നതാ​യി​രു​ന്നില്ല പൗലൊ​സി​ന്റെ ലക്ഷ്യം. മറിച്ച്‌, അവൻ പറഞ്ഞു: “സുവി​ശേ​ഷ​ത്തിൽ ഒരു പങ്കാളി​യാ​കേ​ണ്ട​തി​ന്നു ഞാൻ സകലവും സുവി​ശേഷം നിമിത്തം ചെയ്യുന്നു.”—1 കൊരി​ന്ത്യർ 9:22, 23.

നിങ്ങൾക്കു പൗലൊ​സി​ന്റെ മാതൃക പിൻപ​റ്റാ​നാ​കും. സഹപാ​ഠി​ക​ളോ​ടു ഹൃദ്യ​മാ​യി ഇടപെ​ടുക. അവരു​മാ​യി നന്നായി ആശയവി​നി​മയം ചെയ്യാൻ പഠിക്കുക. സഹപാ​ഠി​ക​ളിൽ ചിലർ നിങ്ങൾക്കുള്ള ബൈബി​ള​ധി​ഷ്‌ഠിത പ്രത്യാശ അന്വേ​ഷി​ച്ചു​കൊ​ണ്ടി​രി​ക്കു​ന്ന​വ​രാ​യി​രി​ക്കാം. ജാനറ്റ്‌ എന്നു പേരുള്ള ഒരു ക്രിസ്‌തീയ പെൺകു​ട്ടി​യു​ടെ കാര്യം പരിചി​ന്തി​ക്കുക. അവളോ​ടും ക്ലാസ്സിലെ മറ്റു കുട്ടി​ക​ളോ​ടും അവരുടെ ഓരോ സഹപാ​ഠി​യെ​യും​പറ്റി ഒരു ഹ്രസ്വ​മായ അഭി​പ്രാ​യം എഴുതാൻ ആവശ്യ​പ്പെട്ടു. തുടർന്ന്‌ ഓരോ വിദ്യാർഥി​ക്കും തന്നെപ്പറ്റി മറ്റുള്ളവർ എഴുതിയ അഭി​പ്രാ​യങ്ങൾ വായി​ക്കാ​മാ​യി​രു​ന്നു. ജാനറ്റി​നു കിട്ടിയ കുറി​പ്പു​ക​ളിൽ ഒന്ന്‌ ഇപ്രകാ​ര​മാ​യി​രു​ന്നു: “നീ എല്ലായ്‌പോ​ഴും വളരെ സന്തോ​ഷ​വ​തി​യാ​യി കാണ​പ്പെ​ടു​ന്നു. എന്തു​കൊ​ണ്ടെന്നു ഞങ്ങളോ​ടു പറയാ​മോ?”

ഈ അനുഭവം വ്യക്തമാ​ക്കു​ന്ന​തു​പോ​ലെ നിങ്ങളു​ടെ വിശ്വാ​സങ്ങൾ സംബന്ധിച്ച്‌ അറിയാൻ സഹപാ​ഠി​ക​ളിൽ ചിലർ മനസ്സൊ​രു​ക്ക​മു​ള്ളവർ ആയിരി​ക്കാം. അത്തരത്തി​ലു​ള്ള​വ​രോ​ടു സൗഹാർദ​മാ​യി ഇടപെ​ടു​ന്നതു തീർച്ച​യാ​യും പ്രയോ​ജ​ന​പ്ര​ദ​മാണ്‌. നിങ്ങളു​ടെ വിശ്വാ​സങ്ങൾ വിശദീ​ക​രി​ക്കാൻ ഇത്‌ അവസരം പ്രദാനം ചെയ്യു​മെ​ന്ന​തി​നു സംശയ​മില്ല. സഹപാ​ഠി​കളെ അവരുടെ അഭി​പ്രാ​യങ്ങൾ പ്രകടി​പ്പി​ക്കു​ന്ന​തിന്‌ അനുവ​ദി​ക്കുക, അവർ പറയു​ന്നത്‌ ആത്മാർഥ​മാ​യി ശ്രദ്ധി​ക്കുക. എന്നെങ്കി​ലും ലൗകിക തൊഴിൽ ചെയ്യാൻ നിങ്ങൾ തീരു​മാ​നി​ക്കു​ക​യും സമാന​മായ സാഹച​ര്യ​ങ്ങളെ അപ്പോൾ നേരി​ടു​ക​യും ചെയ്‌താൽ സമപ്രാ​യ​ക്കാ​രോട്‌ ആശയവി​നി​മയം നടത്തു​ന്ന​തിൽ ഇപ്പോൾ നിങ്ങൾ നേടുന്ന അനുഭ​വ​പ​രി​ചയം അമൂല്യ​മാ​ണെന്നു കണ്ടെത്തും. “നമ്മുടെ രക്ഷിതാ​വായ ദൈവ​ത്തി​ന്റെ ഉപദേ​ശത്തെ സകലത്തി​ലും അലങ്കരി​ക്കേ​ണ്ട​തി​ന്നു” നിങ്ങൾ സ്‌കൂ​ളി​ലും ജോലി​സ്ഥ​ല​ത്തും സൗഹാർദ​പ​ര​മാ​യി ഇടപെ​ടേ​ണ്ടത്‌ ആവശ്യ​മാണ്‌.—തീത്തൊസ്‌ 2:9.

അസമമാ​യി കൂട്ടി​യോ​ജി​പ്പി​ക്ക​പ്പെട്ട സുഹൃ​ദ്‌ബ​ന്ധ​ങ്ങൾ

തീർച്ച​യാ​യും, ഒരു സഹപാ​ഠി​യോ​ടു ഹൃദ്യ​മാ​യി ഇടപെ​ടു​ന്ന​തും ആ വ്യക്തി​യു​ടെ ഉറ്റ സുഹൃ​ത്ത​യി​രി​ക്കു​ന്ന​തും തമ്മിൽ വ്യത്യാ​സം ഉണ്ട്‌. പൗലൊസ്‌ എഴുതി: “നിങ്ങൾ അവിശ്വാ​സി​ക​ളോ​ടു ഇണയല്ലാ​പ്പിണ കൂടരു​തു” അഥവാ അവിശ്വാ​സി​ക​ളു​മാ​യി അസമമാ​യി കൂട്ടി​യോ​ജി​പ്പി​ക്ക​പ്പെ​ട​രുത്‌. (2 കൊരി​ന്ത്യർ 6:14) ഒരു വ്യക്തി​യു​ടെ ഉറ്റ സുഹൃ​ത്താ​യി​രി​ക്കു​ന്ന​തി​നു നിങ്ങൾക്കും ആ വ്യക്തി​ക്കും സമാന​മായ മൂല്യ​ങ്ങ​ളും ലക്ഷ്യങ്ങ​ളും ഉണ്ടായി​രി​ക്കണം. നിങ്ങളു​ടെ തിരു​വെ​ഴു​ത്ത​ധി​ഷ്‌ഠിത വിശ്വാ​സ​ങ്ങ​ളോ​ടും നിലവാ​ര​ങ്ങ​ളോ​ടും പറ്റിനിൽക്കാത്ത വ്യക്തി​യു​മാ​യി അത്തര​മൊ​രു ബന്ധം ഒട്ടും സാധ്യമല്ല. അവിശ്വാ​സി​യായ ഒരു സഹപാ​ഠി​യു​മാ​യി അസമമാ​യി കൂട്ടി​യോ​ജി​പ്പി​ക്ക​പ്പെ​ടു​ന്നതു ദുഷ്‌പ്ര​വൃ​ത്തി​ക​ളിൽ ഏർപ്പെ​ടാൻ നിങ്ങളെ പ്രലോ​ഭി​പ്പി​ക്കു​ക​യോ പ്രയോ​ജ​ന​പ്ര​ദ​മായ നിങ്ങളു​ടെ ശീലങ്ങളെ പാഴാ​ക്കു​ക​യോ ചെയ്‌തേ​ക്കാം.

കയ്‌പേ​റി​യ സ്വന്തം അനുഭ​വ​ത്തി​ലൂ​ടെ മരിയ ഇതു മനസ്സി​ലാ​ക്കി. ആളുക​ളോ​ടു വേഗത്തിൽ ഇണങ്ങി ഇടപഴ​കുന്ന അവളുടെ രീതി അനായാ​സം സുഹൃ​ത്തു​ക്കളെ ആകർഷി​ക്കാൻ ഇടയാക്കി. എന്നാൽ അതിർരേ​ഖകൾ വെക്കേ​ണ്ടത്‌ എവി​ടെ​യാ​ണെന്നു നിർണ​യി​ക്കാൻ അവൾക്കു ബുദ്ധി​മു​ട്ടാ​യി​രു​ന്നു. “ആൺകു​ട്ടി​ക​ളും പെൺകു​ട്ടി​ക​ളും എന്നെ ഇഷ്ടപ്പെ​ടു​ന്നത്‌ എനിക്ക്‌ ഒരു രസമാ​യി​രു​ന്നു” എന്ന്‌ അവൾ സമ്മതി​ക്കു​ന്നു. “തത്‌ഫ​ല​മാ​യി, ഈ ലോക​ത്തി​ന്റെ മണൽച്ചു​ഴി​യിൽ ഞാൻ താണു​കൊ​ണ്ടി​രി​ക്കു​ന്ന​താ​യി എനിക്കു മനസ്സി​ലാ​യി.”

മരിയ​യെ​പ്പോ​ലെ, നിങ്ങളു​ടെ വിശ്വാ​സങ്ങൾ സ്വീക​രി​ക്കാത്ത ഒരു വ്യക്തി​യു​മാ​യുള്ള സുഹൃ​ദ്‌ബന്ധം പരിധി വിട്ടു​പോ​കു​ന്നത്‌ എപ്പോ​ഴെന്നു തിരി​ച്ച​റി​യു​ന്നത്‌ അത്ര എളുപ്പ​മ​ല്ലെന്നു നിങ്ങൾ കണ്ടെത്തി​യേ​ക്കാം. എന്നുവ​രി​കി​ലും, അടുത്ത സുഹൃ​ത്താ​യി ആരെ തിരഞ്ഞ​ടു​ക്കു​മെ​ന്ന​തും പരിച​യ​ക്കാ​ര​നാ​യി ആരെ കണക്കാ​ക്കു​മെ​ന്ന​തും സംബന്ധി​ച്ചു കൃത്യ​മായ അതിർരേ​ഖകൾ ഉണ്ടായി​രി​ക്കു​ന്നതു ഹൃദയ​വേ​ദ​ന​യിൽനി​ന്നു നിങ്ങളെ സംരക്ഷി​ക്കും. അത്‌ എങ്ങനെ ചെയ്യാൻ സാധി​ക്കും?

നല്ല സുഹൃ​ത്തു​ക്കളെ എങ്ങനെ തിര​ഞ്ഞെ​ടു​ക്കാം?

മുമ്പു പ്രസ്‌താ​വി​ച്ച​തു​പോ​ലെ, യേശു ഭൂമി​യി​ലാ​യി​രു​ന്ന​പ്പോൾ അടുത്ത സുഹൃ​ദ്‌ബ​ന്ധങ്ങൾ നട്ടുവ​ളർത്തി. നീതി​നി​ഷ്‌ഠ​മായ ജീവിതം നയിക്കു​ക​യും ആത്മീയ കാര്യങ്ങൾ സംസാ​രി​ക്കു​ക​യും ചെയ്‌തു​കൊ​ണ്ടാണ്‌ യേശു അത്തരം ബന്ധങ്ങൾ വളർത്തി​യെ​ടു​ത്തത്‌. യേശു​വി​ന്റെ ഉപദേ​ശങ്ങൾ സ്വീക​രി​ക്കു​ക​യും അവന്റെ ജീവി​ത​രീ​തി പിൻപ​റ്റു​ക​യും ചെയ്‌ത ആളുകൾ അവനു​മാ​യി ഒരു അടുത്ത ബന്ധത്തി​ലേക്കു വന്നു. (യോഹ​ന്നാൻ 15:14) ഉദാഹ​ര​ണ​ത്തിന്‌, യേശു​വി​ന്റെ വാക്കുകൾ ശ്രദ്ധിച്ച നാലു പുരു​ഷ​ന്മാർ “സകലവും വിട്ടു അവനെ അനുഗമി”ക്കാൻ പ്രേരി​ത​രാ​യി. ആ നാലു​പേർ, പത്രൊസ്‌, അന്ത്രെ​യാസ്‌, യാക്കോബ്‌, യോഹ​ന്നാൻ എന്നിവർ യേശു​വി​ന്റെ അടുത്ത സുഹൃ​ത്തു​ക്ക​ളാ​യി​ത്തീർന്നു.—ലൂക്കൊസ്‌ 5:1-11; മത്തായി 4:18-22.

യേശു​വി​ന്റെ വാക്കു​ക​ളും പ്രവൃ​ത്തി​ക​ളും അവൻ തന്റെ വിശ്വാ​സത്തെ ഗൗരവ​മാ​യി എടു​ത്തെ​ന്നും അവന്റെ നിലപാ​ടു മാറ്റത്തി​നു വിധേ​യ​മ​ല്ലെ​ന്നും വ്യക്തമാ​ക്കു​ന്ന​താ​യി​രു​ന്നു. അവന്റെ വ്യവസ്ഥ​ക​ളു​ടെ അടിസ്ഥാ​ന​ത്തിൽ അവനെ സ്വീക​രി​ക്കാൻ വിസമ്മ​തി​ച്ചവർ പിൻവാ​ങ്ങി, യേശു അവരെ അതിന്‌ അനുവ​ദി​ക്കു​ക​യും ചെയ്‌തു.—യോഹ​ന്നാൻ 6:60-66.

ഉദാഹ​ര​ണ​ത്തിന്‌, ഒരു യുവാ​വി​ന്റെ ആത്മാർഥത യേശു​വി​നെ ആഴമായി സ്‌പർശി​ച്ചു. ബൈബിൾ പറയുന്നു: “യേശു അവനെ നോക്കി അവനെ സ്‌നേ​ഹി​ച്ചു.” എന്നാൽ തന്റെ സുഹൃ​ത്തു​ക്ക​ളിൽനി​ന്നു യേശു പ്രതീ​ക്ഷി​ച്ചത്‌ എന്താ​ണെന്നു മനസ്സി​ലാ​ക്കി​യ​പ്പോൾ അവൻ “പൊയ്‌ക്ക​ളഞ്ഞു.” ആ മനുഷ്യൻ ഒരു നല്ല വ്യക്തി​യാ​യി കാണ​പ്പെട്ടു—വാസ്‌ത​വ​ത്തിൽ യേശു “അവനെ സ്‌നേ​ഹി​ച്ചു.” എങ്കിലും, യേശു തന്റെ സുഹൃ​ത്തു​ക്ക​ളിൽനിന്ന്‌ അതില​ധി​കം പ്രതീ​ക്ഷി​ച്ചു. (മർക്കൊസ്‌ 10:17-22; മത്തായി 19:16-22) നിങ്ങളെ സംബന്ധി​ച്ചോ?

ഒരു പ്രത്യേക സഹപാ​ഠി​യു​മാ​യി നിങ്ങൾക്കു നന്നായി ഒത്തു​പോ​കാൻ കഴിയു​ന്നു​ണ്ടാ​കാം. എന്നാൽ നിങ്ങ​ളോ​ടു​തന്നെ ചോദി​ക്കുക: ‘യേശു കൽപ്പി​ക്കു​ന്നതു പ്രമാ​ണി​ക്കാൻ ഈ വ്യക്തിക്കു മനസ്സൊ​രു​ക്ക​മു​ണ്ടോ? ആരാധി​ക്കാൻ യേശു നമ്മോട്‌ ആജ്ഞാപിച്ച യഹോ​വ​യെ​പ്പറ്റി അറിവു നേടു​ന്ന​തിന്‌ ഈ വ്യക്തിക്കു താത്‌പ​ര്യ​മു​ണ്ടോ?’ (മത്തായി 4:10) സഹപാ​ഠി​ക​ളോ​ടു സംസാ​രി​ക്കു​ക​യും നിങ്ങൾ ബൈബിൾ നിലവാ​രങ്ങൾ അനുസ​രി​ച്ചു ജീവി​ക്കു​ക​യും ചെയ്യു​മ്പോൾ ഈ ചോദ്യ​ങ്ങൾക്കുള്ള ഉത്തരം വ്യക്തമാ​യി​ത്തീ​രും.

യേശു എല്ലാത്തരം വ്യക്തി​ക​ളോ​ടും സൗഹാർദ​മാ​യി ഇടപെ​ട്ട​തു​പോ​ലെ നിങ്ങൾക്കും സഹപാ​ഠി​ക​ളോ​ടു ഹൃദ്യ​മാ​യി ഇടപെ​ടാ​വു​ന്ന​താണ്‌. എന്നാൽ തന്റെ അടുത്ത സുഹൃ​ത്തു​ക്കൾ സ്വർഗീയ പിതാ​വായ യഹോ​വയെ സ്‌നേ​ഹി​ച്ചു എന്ന്‌ അവൻ ഉറപ്പു​വ​രു​ത്തി. അതുതന്നെ നിങ്ങൾക്കും ചെയ്യാൻ കഴിയും. സ്‌കൂ​ളിൽ “നിങ്ങളു​ടെ നടപ്പു നന്നായി​രി”ക്കാൻ ശ്രദ്ധി​ക്കു​ക​യും നയപൂർവം മറ്റുള്ള​വ​രോ​ടു നിങ്ങളു​ടെ വിശ്വാ​സ​ങ്ങ​ളെ​ക്കു​റി​ച്ചു സംസാ​രി​ക്കു​ക​യും ചെയ്യുക. എല്ലാറ്റി​നു​മു​പരി, ഏറ്റവും നല്ല സുഹൃ​ത്തു​ക്ക​ളെ​യാ​ണു തിര​ഞ്ഞെ​ടു​ക്കു​ന്ന​തെന്ന്‌ ഉറപ്പു​വ​രു​ത്തുക.—1 പത്രൊസ്‌ 2:12.

ചിന്തിക്കാൻ:

◼ സ്‌കൂൾവി​ട്ട​തി​നു​ശേഷം അവിശ്വാ​സി​യായ ഒരു സഹപാ​ഠി​യു​മൊത്ത്‌ ഒഴിവു​സ​മയം ചെലവ​ഴി​ക്കു​ന്ന​തിൽ എന്ത്‌ അപകട​ങ്ങ​ളാ​ണു​ള്ളത്‌? അത്തര​മൊ​രു ഗതി ജ്ഞാനമാ​ണോ?

◼ ഈ ലേഖനം വായി​ച്ച​ശേഷം, ഒരു സഹപാ​ഠി​യു​മാ​യുള്ള നിങ്ങളു​ടെ ബന്ധം പരിധി​വി​ട്ടു​പോ​യി​രി​ക്കു​ന്നു എന്നു തോന്നു​ന്നു​വോ? അങ്ങനെ​യെ​ങ്കിൽ, നിങ്ങൾക്ക്‌ ഇതു സംബന്ധിച്ച്‌ എന്തു ചെയ്യാ​നാ​കും?

[അടിക്കു​റിപ്പ്‌]

[18-ാം പേജിലെ ചതുരം/ചിത്രങ്ങൾ]

എനിക്ക്‌ എങ്ങനെ യഥാർഥ സുഹൃ​ത്തു​ക്കളെ നേടാ​നാ​കും?

യഹോ​വ​യു​ടെ സാക്ഷികൾ തയ്യാറാ​ക്കിയ ഈ വീഡി​യോ ഐക്യ​നാ​ടു​കൾ, ഇറ്റലി, ഫ്രാൻസ്‌, സ്‌പെ​യിൻ എന്നീ രാജ്യ​ങ്ങ​ളിൽനി​ന്നുള്ള യുവജ​ന​ങ്ങ​ളു​ടെ സത്യസ​ന്ധ​മായ അഭി​പ്രാ​യങ്ങൾ ഉൾക്കൊ​ള്ളുന്ന അഭിമു​ഖങ്ങൾ ഉൾപ്പെ​ട്ട​താണ്‌. ഇതു 36 ഭാഷക​ളിൽ ലഭ്യമാണ്‌.

[18-ാം പേജിലെ ചിത്രം]

നിങ്ങളുടെ വിശ്വാ​സ​ങ്ങ​ളെ​ക്കു​റിച്ച്‌ അറിയാൻ ചില സഹപാ​ഠി​കൾക്ക്‌ ആകാം​ക്ഷ​യു​ണ്ടാ​യി​രി​ക്കാം