ബൈബി​ളി​ന്റെ വീക്ഷണം

പരിശു​ദ്ധാ​ത്മാവ്‌ ഒരു വ്യക്തി​യാ​ണോ?

ദൈവ​ത്തി​ന്റെ പരിശു​ദ്ധാ​ത്മാവ്‌ എന്താണ്‌? പരിശു​ദ്ധാ​ത്മാവ്‌ “വെള്ളത്തിൻ മീതെ പരിവർത്തി​ച്ചു​കൊ​ണ്ടി​രുന്ന”തായി ബൈബി​ളി​ന്റെ പ്രാരം​ഭ​വാ​ക്കു​കൾ പറയുന്നു. (ഉല്‌പത്തി 1:2) യേശു​വി​ന്റെ സ്‌നാ​പ​ന​ത്തെ​ക്കു​റി​ച്ചുള്ള വിവര​ണ​ത്തിൽ, ദൈവം “സ്വർഗ്ഗ​ത്തിൽ” ആയിരി​ക്കു​ന്ന​താ​യി പറയു​മ്പോൾ പരിശു​ദ്ധാ​ത്മാവ്‌ “പ്രാ​വെ​ന്ന​പോ​ലെ ഇറങ്ങി” യേശു​വി​ന്റെ​മേൽ “വരുന്ന”തു കണ്ടതായി വർണി​ച്ചി​രി​ക്കു​ന്നു. (മത്തായി 3:16, 17) മാത്ര​വു​മല്ല, യേശു പരിശു​ദ്ധാ​ത്മാ​വി​നെ ‘കാര്യസ്ഥൻ’ എന്നു പരാമർശി​ക്കു​ക​യും ചെയ്‌തു.—യോഹ​ന്നാൻ 14:16.

മുകളിൽ പറഞ്ഞതു​പോ​ലുള്ള തിരു​വെ​ഴു​ത്തു ഭാഗങ്ങ​ളു​ടെ അടിസ്ഥാ​ന​ത്തിൽ, ദൈവ​വും യേശു​വും ദൂതന്മാ​രും ആത്മവ്യ​ക്തി​കൾ ആയിരി​ക്കു​ന്ന​തു​പോ​ലെ​തന്നെ പരിശു​ദ്ധാ​ത്മാ​വും ഒരു വ്യക്തി​യാ​ണെന്ന നിഗമ​ന​ത്തിൽ ചിലർ എത്തി​ച്ചേർന്നി​രി​ക്കു​ന്നു. വാസ്‌ത​വ​ത്തിൽ, ക്രൈ​സ്‌ത​വ​ലോ​ക​ത്തി​ലെ ഏറ്റവും പ്രബല​മായ മതവി​ഭാ​ഗ​ങ്ങ​ളിൽ ചിലത്‌ നൂറ്റാ​ണ്ടു​ക​ളാ​യി പരിശു​ദ്ധാ​ത്മാ​വി​നെ ഒരു വ്യക്തി​യാ​യി കണക്കാ​ക്കി​യി​രി​ക്കു​ന്നു. ഈ ഉപദേശം ദീർഘ​കാ​ല​മാ​യി നിലവി​ലു​ള്ള​താ​ണെ​ങ്കി​ലും അനേകം സഭാം​ഗ​ങ്ങ​ളും ഇതു സംബന്ധിച്ച്‌ ഇപ്പോ​ഴും ആശയക്കു​ഴ​പ്പ​ത്തി​ലാണ്‌, ചിലർ ഇക്കാര്യ​ത്തിൽ തങ്ങളുടെ മതനേ​താ​ക്ക​ന്മാ​രു​മാ​യി വിയോ​ജി​ക്കു​ക​പോ​ലും ചെയ്യുന്നു. ഉദാഹ​ര​ണ​ത്തിന്‌, അടുത്ത കാലത്തു നടന്ന ഒരു സർവേ​യിൽ പങ്കെടു​ത്ത​വ​രിൽ 61 ശതമാ​ന​വും വിശ്വ​സി​ക്കു​ന്നത്‌ ദൈവാ​ത്മാവ്‌ “സ്വന്തമായ അസ്‌തി​ത്വ​മുള്ള ജീവനുള്ള ഒന്നല്ലെ​ന്നും ദൈവ​ത്തി​ന്റെ സാന്നി​ധ്യ​ത്തി​ന്റെ​യോ ശക്തിയു​ടെ​യോ ഒരു പ്രതീക”മാണെ​ന്നു​മാണ്‌. എന്നാൽ ബൈബിൾ എന്താണു പറയു​ന്നത്‌?

ബൈബിൾ പറയു​ന്നത്‌

തുറന്ന മനസ്സോ​ടെ ബൈബിൾ വായി​ക്കുന്ന ഒരുവന്‌ പരിശു​ദ്ധാ​ത്മാവ്‌ ഒരു വ്യക്തി​യാ​ണെന്ന സഭയുടെ ഔദ്യോ​ഗിക പഠിപ്പി​ക്ക​ലു​ക​ളിൽനിന്ന്‌ വ്യത്യ​സ്‌ത​മാണ്‌ അത്‌ എന്ന നിഗമ​ന​ത്തിൽ എത്തി​ച്ചേ​രാ​തി​രി​ക്കാൻ കഴിയില്ല. പിൻവ​രുന്ന ബൈബിൾ വിവര​ണങ്ങൾ പരിചി​ന്തി​ക്കുക.

1. യേശു​വി​ന്റെ അമ്മയായ മറിയ അവളുടെ ബന്ധുവായ എലീശ​ബെ​ത്തി​നെ സന്ദർശി​ച്ച​പ്പോൾ എലീശ​ബെ​ത്തി​ന്റെ ഗർഭത്തിൽ ഉണ്ടായി​രുന്ന ശിശു തുള്ളി​യെ​ന്നും “എലീശ​ബെത്ത്‌ പരിശു​ദ്ധാ​ത്മാ​വു നിറഞ്ഞ​വ​ളാ​യി”ത്തീർന്നു​വെ​ന്നും ബൈബിൾ പറയുന്നു. (ലൂക്കൊസ്‌ 1:41) ഒരു വ്യക്തിക്ക്‌ മറ്റൊരു വ്യക്തി​യാൽ ‘നിറയാൻ’ കഴിയു​മെന്നു വിചാ​രി​ക്കു​ന്നത്‌ ന്യായ​യു​ക്ത​മാ​ണോ?

2. യേശു​വി​നെ​ക്കു​റി​ച്ചു തന്റെ ശിഷ്യ​ന്മാ​രോ​ടു സംസാ​രി​ച്ച​പ്പോൾ യോഹ​ന്നാൻ സ്‌നാ​പകൻ ഇപ്രകാ​രം പറഞ്ഞു: “ഞാൻ നിങ്ങളെ . . . വെള്ളത്തിൽ സ്‌നാനം എല്‌പി​ക്കു​ന്ന​തേ​യു​ള്ളു; എന്റെ പിന്നാലെ വരുന്ന​വ​നോ എന്നെക്കാൾ ബലവാൻ ആകുന്നു; അവന്റെ ചെരിപ്പു ചുമപ്പാൻ ഞാൻ മതിയാ​യ​വനല്ല; അവൻ നിങ്ങളെ പരിശു​ദ്ധാ​ത്മാ​വി​ലും . . . സ്‌നാനം ഏല്‌പി​ക്കും.” (മത്തായി 3:11) പരിശു​ദ്ധാ​ത്മാ​വി​നാൽ ആളുകളെ സ്‌നാ​പനം കഴിപ്പി​ക്കു​ന്ന​തി​നെ​ക്കു​റിച്ച്‌ യോഹ​ന്നാൻ പറഞ്ഞ​പ്പോൾ പരിശു​ദ്ധാ​ത്മാ​വി​നെ ഒരു വ്യക്തി​യാ​യി അവൻ കണക്കാ​ക്കി​യി​രി​ക്കാൻ യാതൊ​രു സാധ്യ​ത​യു​മില്ല.

3. യേശു​വി​നെ ദൈവം “പരിശു​ദ്ധാ​ത്മാ​വി​നാ​ലും ശക്തിയാ​ലും” അഭി​ഷേകം ചെയ്‌തു​വെന്ന്‌ അപ്പൊ​സ്‌ത​ല​നായ പത്രൊസ്‌ ഒരു റോമൻ സൈനി​കോ​ദ്യോ​ഗ​സ്ഥ​നെ​യും അദ്ദേഹ​ത്തി​ന്റെ കുടും​ബ​ത്തെ​യും സന്ദർശി​ച്ച​പ്പോൾ പറയു​ക​യു​ണ്ടാ​യി. (പ്രവൃ​ത്തി​കൾ 10:38) താമസി​യാ​തെ സൈനി​കോ​ദ്യോ​ഗ​സ്ഥന്റെ കുടും​ബ​ത്തി​ന്റെ​മേ​ലും “പരിശു​ദ്ധാ​ത്മാ​വു വന്നു.” “പരിശു​ദ്ധാ​ത്മാ​വു എന്ന ദാനം ജാതി​ക​ളു​ടെ മേലും പകർന്നതു കണ്ട്‌” അനേക​രും വിസ്‌മ​യി​ച്ചു​പോ​യെന്ന്‌ വിവരണം പറയുന്നു. (പ്രവൃ​ത്തി​കൾ 10:44, 46) ഇവിടെ ഉപയോ​ഗി​ച്ചി​രി​ക്കുന്ന വാക്കു​ക​ളും, പരിശു​ദ്ധാ​ത്മാവ്‌ ഒരു വ്യക്തി​യാ​ണെന്ന ആശയ​ത്തോ​ടു യോജി​ക്കു​ന്നില്ല.

ദൈവ​വ​ച​നം വ്യക്തി​ക​ള​ല്ലാത്ത സംഗതി​കൾക്കും വ്യക്തി​ത്വം കൽപ്പിച്ചു സംസാ​രി​ക്കാ​റുണ്ട്‌. ജ്ഞാനം, ബുദ്ധി, പാപം, മരണം, കൃപ എന്നിവ ഉദാഹ​ര​ണ​ങ്ങ​ളാണ്‌. (സദൃശ​വാ​ക്യ​ങ്ങൾ 8:1–9:6; റോമർ 5:14, 17, 21; 6:12) “ജ്ഞാനമോ തന്റെ എല്ലാമ​ക്ക​ളാ​ലും” അഥവാ അതിന്റെ സത്‌ഫ​ല​ങ്ങ​ളാ​ലും “നീതീ​ക​രി​ക്ക​പ്പെ​ട്ടി​രി​ക്കു​ന്നു” എന്ന്‌ യേശു​തന്നെ പറയു​ക​യു​ണ്ടാ​യി. (ലൂക്കൊസ്‌ 7:35) വ്യക്തമാ​യും, അക്ഷരാർഥ​ത്തിൽ മക്കളുള്ള ഒരു വ്യക്തിയല്ല ജ്ഞാനം! സമാന​മാ​യി, ചില ഭാഗങ്ങ​ളിൽ പരിശു​ദ്ധാ​ത്മാ​വിന്‌ വ്യക്തി​ത്വം കൽപ്പി​ച്ചി​രി​ക്കു​ന്നു എന്നതു​കൊ​ണ്ടു മാത്രം അതൊരു വ്യക്തി​യാ​ണെന്നു പറയാ​നാ​കില്ല.

പരിശു​ദ്ധാ​ത്മാവ്‌ എന്താണ്‌?

പ്രവർത്ത​ന​ത്തി​ലി​രി​ക്കുന്ന, ദൈവ​ത്തി​ന്റെ ശക്തിയാ​യി പരിശു​ദ്ധാ​ത്മാ​വി​നെ ബൈബിൾ തിരി​ച്ച​റി​യി​ക്കു​ന്നു. അതു​കൊ​ണ്ടു​തന്നെ ബൈബി​ളി​ന്റെ മൂല എബ്രായ പാഠത്തി​ന്റെ ഒരു കൃത്യ​മായ പരിഭാഷ ദൈവാ​ത്മാ​വി​നെ “ദൈവ​ത്തി​ന്റെ പ്രവർത്ത​ന​നി​ര​ത​മായ ശക്തി”യായി വർണി​ച്ചി​രി​ക്കു​ന്നു. (ഉല്‌പത്തി 1:2, NW) ഈ ആശയത്തെ പിന്താ​ങ്ങുന്ന വാക്യങ്ങൾ ബൈബി​ളിൽ ഉടനീളം കാണാൻ കഴിയും.—മീഖാ 3:8; ലൂക്കൊസ്‌ 1:35; പ്രവൃ​ത്തി​കൾ 10:38.

പൊതു​വേ​യു​ള്ള വിശ്വാ​സ​ത്തി​നു വിപരീ​ത​മാ​യി എല്ലായി​ട​ത്തും എല്ലായ്‌പോ​ഴും ദൈവം സന്നിഹി​തനല്ല. മറിച്ച്‌ അവൻ ആത്മമണ്ഡ​ല​ത്തിൽ വസിക്കു​ന്ന​താ​യി, അവന്‌ ഒരു “വാസസ്ഥല”മുള്ളതാ​യി ബൈബിൾ പറയുന്നു. (1 രാജാ​ക്ക​ന്മാർ 8:39; 2 ദിനവൃ​ത്താ​ന്തം 6:39) ദൈവം വസിക്കുന്ന, അവന്റെ “സിംഹാ​സന”മുള്ള ഒരു പ്രത്യേക സ്ഥലത്തെ​പ്പ​റ്റി​യും തിരു​വെ​ഴു​ത്തു​കൾ പരാമർശി​ക്കു​ന്നുണ്ട്‌. (1 രാജാ​ക്ക​ന്മാർ 22:19; യെശയ്യാ​വു 6:1; ദാനീ​യേൽ 7:9; വെളി​പ്പാ​ടു 4:1-3) എന്നിരു​ന്നാ​ലും തന്റെ “വാസസ്ഥല”ത്തുനിന്ന്‌ ആത്മമണ്ഡ​ല​ത്തി​ന്റെ​യും ഭൗമമ​ണ്ഡ​ല​ത്തി​ന്റെ​യും ഏതൊരു കോണി​ലും തന്റെ പ്രവർത്ത​ന​നി​ര​ത​മായ ശക്തി പ്രയോ​ഗി​ക്കാൻ ദൈവ​ത്തി​നു കഴിയും.—സങ്കീർത്തനം 139:7.

1879-ൽ, ബൈബിൾ പണ്ഡിത​നായ ചാൾസ്‌ എൽ. ഐവ്‌സ്‌ ഒരു നിശ്ചിത സ്ഥലത്തു​നി​ന്നു ശക്തി പ്രയോ​ഗി​ക്കാ​നുള്ള ദൈവ​ത്തി​ന്റെ പ്രാപ്‌തി അനു​യോ​ജ്യ​മായ ഒരു ദൃഷ്ടാ​ന്ത​ത്തി​ലൂ​ടെ വ്യക്തമാ​ക്കു​ക​യു​ണ്ടാ​യി. ഭൂമി​യിൽനിന്ന്‌ വളരെ അകലെ ഒരു നിശ്ചിത സ്ഥാനത്താ​യി​രു​ന്നു​കൊണ്ട്‌ സൂര്യൻ നമുക്ക്‌ ചൂടും വെളി​ച്ച​വും പ്രദാനം ചെയ്യുന്നു. സമാന​മാ​യി തന്റെ പ്രവർത്ത​ന​നി​ര​ത​മായ ശക്തി പ്രയോ​ഗി​ക്കാൻ ഉദ്ദേശി​ക്കു​ന്നി​ട​ത്തേക്ക്‌ ദൈവം ചെല്ലേ​ണ്ട​തില്ല. പകരം പ്രപഞ്ച​ത്തി​ന്റെ ഏതു കോണി​ലും എത്തി​ച്ചേ​രാൻ കഴിയുന്ന തന്റെ പരിശു​ദ്ധാ​ത്മാ​വി​നെ ഉപയോ​ഗി​ക്കു​ക​യാണ്‌ അവൻ ചെയ്യു​ന്നത്‌. പരിശു​ദ്ധാ​ത്മാവ്‌ യഥാർഥ​ത്തിൽ എന്താ​ണെന്ന്‌, അതായത്‌ ദൈവ​ത്തി​ന്റെ പ്രബല​മായ പ്രവർത്ത​ന​നി​രത ശക്തിയാ​ണെന്ന്‌, മനസ്സി​ലാ​ക്കു​ന്നത്‌ യഹോവ തന്റെ വാഗ്‌ദാ​നങ്ങൾ നിറ​വേ​റ്റു​മെന്ന ഉറപ്പ്‌ നിങ്ങൾക്കു നൽകും.

നിങ്ങൾ ചിന്തി​ച്ചി​ട്ടു​ണ്ടോ?

◼ പരിശു​ദ്ധാ​ത്മാവ്‌ ഒരു വ്യക്തി​യാ​ണെന്നു ബൈബിൾ പഠിപ്പി​ക്കു​ന്നു​ണ്ടോ?—പ്രവൃ​ത്തി​കൾ 10:44, 46.

◼ പരിശു​ദ്ധാ​ത്മാവ്‌ എന്താണ്‌?—ഉല്‌പത്തി 1:2.

◼ ദൈവ​ത്തി​ന്റെ പരിശു​ദ്ധാ​ത്മാ​വിന്‌ എവി​ടെ​യെ​ല്ലാം എത്തി​ച്ചേ​രാൻ കഴിയും?—സങ്കീർത്തനം 139:7