ബൈബി​ളി​ന്റെ വീക്ഷണം

പ്രണയ​ത്തി​ലാ​യവർ തമ്മിൽ വിവാ​ഹ​ത്തി​നു മുമ്പു ലൈം​ഗിക ബന്ധത്തി​​ലേർപ്പെ​ടു​ന്നതു ശരിയാ​ണോ?

പരസ്‌പരം സ്‌നേ​ഹി​ക്കു​ന്നവർ തമ്മിൽ വിവാ​ഹ​ത്തി​നു മുമ്പു ലൈം​ഗിക ബന്ധത്തി​​ലേർപ്പെ​ടു​ന്ന​തിൽ തെറ്റില്ല എന്നാണ്‌ ഒരു സർവേ​യിൽ പങ്കെടുത്ത കൗമാ​ര​ക്കാ​രിൽ ഏകദേശം 90 ശതമാ​ന​വും അഭി​പ്രാ​യ​​പ്പെ​ട്ടത്‌. മാധ്യ​മങ്ങൾ ഈ ചിന്താ​ഗ​തി​യെ പ്രതി​ഫ​ലി​പ്പി​ക്കു​ക​യും പലപ്പോ​ഴും ശരി​വെ​ക്കു​ക​യും ചെയ്യുന്നു. പ്രണയ​ത്തി​ലാ​യവർ തമ്മിൽ ലൈം​ഗിക ബന്ധത്തി​​ലേർപ്പെ​ടു​ന്നത്‌ തികച്ചും സ്വാഭാ​വി​ക​മായ ഒരു സംഗതി​യാ​യി ടിവി പരിപാ​ടി​ക​ളും ചലച്ചി​​ത്ര​ങ്ങ​ളും നിരന്തരം പ്രദർശി​പ്പി​ക്കു​ന്നു.

ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കു​ന്നവർ മാർഗ​നിർദേ​ശ​ത്തി​നാ​യി ലോക​ത്തി​​ലേക്കു നോക്കു​ക​യില്ല, കാരണം ഈ ലോകം അതിന്റെ അധിപ​തി​യായ പിശാ​ചി​ന്റെ ചിന്താ​ഗ​തി​യാ​ണു പ്രതി​ഫ​ലി​പ്പി​ക്കു​ന്നത്‌ എന്ന്‌ അവർ മനസ്സി​ലാ​ക്കു​ന്നു. (1 യോഹ​ന്നാൻ 5:19) “ഹൃദയം എല്ലാറ്റി​​നെ​ക്കാ​ളും കപടവും വിഷമ​വു​മു​ള്ളത്‌” ആണ്‌ എന്നറി​ഞ്ഞു​​കൊ​ണ്ടു​തന്നെ അവർ തങ്ങളുടെ വികാ​ര​ങ്ങ​ളാൽ മാത്രം നയിക്ക​​പ്പെ​ടാ​തി​രി​ക്കാ​നും ശ്രദ്ധി​ക്കു​ന്നു. (യിരെ​മ്യാ​വു 17:9) യഥാർഥ​ത്തിൽ ജ്ഞാനി​ക​ളാ​യവർ സ്രഷ്ടാ​വി​​ലേ​ക്കും അവന്റെ നിശ്വസ്‌ത വചനത്തി​​ലേ​ക്കും മാർഗ​നിർദേ​ശ​ത്തി​നാ​യി നോക്കു​ന്നു.​—⁠സദൃശ​വാ​ക്യ​ങ്ങൾ 3:5, 6; 2 തിമൊ​​ഥെ​​യൊസ്‌ 3:​16, 17.

ലൈം​ഗി​കത​—⁠ഒരു ദിവ്യ ദാനം

“എല്ലാ നല്ല ദാനവും തികഞ്ഞ വരം ഒക്കെയും ഉയരത്തിൽനി​ന്നു വെളി​ച്ച​ങ്ങ​ളു​ടെ പിതാ​വി​ങ്കൽനി​ന്നു ഇറങ്ങി​വ​രു​ന്നു” എന്നു യാക്കോബ്‌ 1:17 പറയുന്നു. വിവാ​ഹ​​ക്ര​മീ​ക​ര​ണ​ത്തി​നു​ള്ളി​ലെ ലൈം​ഗി​ക​ബന്ധം അത്തരത്തി​ലുള്ള അമൂല്യ ദാനങ്ങ​ളി​​ലൊ​ന്നാണ്‌. (രൂത്ത്‌ 1:9; 1 കൊരി​ന്ത്യർ 7:2, 7) പുനരു​ത്‌പാ​ദനം സാധ്യ​മാ​ക്കു​​ന്നെന്നു മാത്രമല്ല, ഭാര്യ​യും ഭർത്താ​വും അങ്ങേയറ്റം ആർദ്ര​ത​​യോ​ടും ആനന്ദ​ത്തോ​ടും കൂടിയ ശാരീ​രി​ക​വും വൈകാ​രി​ക​വു​മായ ഒരു ഉറ്റബന്ധ​ത്തി​​ലേക്കു വരുന്ന​തി​നും ഇതു വഴി​യൊ​രു​ക്കു​ന്നു. “നിന്റെ യൌവ​ന​ത്തി​ലെ ഭാര്യ​യിൽ സന്തോ​ഷി​ച്ചു​​കൊൾക” എന്ന്‌ പുരാ​ത​ന​കാ​ലത്തെ ഒരു രാജാ​വായ ശലോ​​മോൻ എഴുതി. “അവളുടെ സ്‌തനങ്ങൾ എല്ലാകാ​ല​ത്തും നിന്നെ രമിപ്പി​ക്കട്ടെ.”​—⁠സദൃശ​വാ​ക്യ​ങ്ങൾ 5:18, 19.

യഹോവ നൽകി​യി​രി​ക്കുന്ന ദാനങ്ങ​ളിൽനി​ന്നു നാം പ്രയോ​ജനം അനുഭ​വി​ക്കാ​നും അവയിൽ ആനന്ദം കണ്ടെത്താ​നും അവൻ ആഗ്രഹി​ക്കു​ന്നു എന്നതിനു സംശയ​മില്ല. അതു​കൊ​ണ്ടു​തന്നെ, നമ്മുടെ ജീവി​തത്തെ നയിക്കാ​നാ​യി ഏറ്റവും ഉത്തമമായ നിയമ​ങ്ങ​ളും തത്ത്വങ്ങ​ളും അവൻ നൽകി​യി​ട്ടുണ്ട്‌. (സങ്കീർത്തനം 19:7, 8) ‘ശുഭക​ര​മാ​യി പ്രവർത്തി​പ്പാൻ നമ്മെ അഭ്യസി​പ്പി​ക്ക​യും നാം പോ​കേ​ണ്ടുന്ന വഴിയിൽ നമ്മെ നടത്തു​ക​യും ചെയ്യു​ന്നത്‌’ യഹോ​വ​യാണ്‌. (യെശയ്യാ​വു 48:17) നമ്മുടെ സ്വർഗീയ പിതാ​വും സ്‌നേ​ഹ​ത്തി​ന്റെ മൂർത്തി​മ​ത്‌ഭാ​വ​വു​മായ യഹോവ നമുക്കു നന്മ കൈവ​രു​ത്തുന്ന എന്തെങ്കി​ലും നമ്മിൽനിന്ന്‌ പിടി​ച്ചു​​വെ​ക്കു​മോ?​—⁠സങ്കീർത്തനം 34:10; 37:4; 84:11; 1 യോഹ​ന്നാൻ 4:⁠8.

വിവാ​ഹ​ത്തി​നു മുമ്പുള്ള ലൈം​ഗി​കത ക്രൂര​ത​യാണ്‌

ഒരു സ്‌ത്രീ​യും പുരു​ഷ​നും വിവാ​ഹ​ത്തിൽ ഒന്നിക്കു​​മ്പോൾ അവർ “ഒരു ദേഹ”മായി​ത്തീ​രു​ന്നു എന്നു പറയാ​നാ​കും. അവിവാ​ഹി​ത​രായ രണ്ടുപേർ തമ്മിൽ ലൈം​ഗിക ബന്ധത്തി​​ലേർപ്പെ​ടു​​മ്പോൾ, അതായത്‌ പരസം​ഗ​ത്തി​​ലേർപ്പെ​ടു​​മ്പോൾ, അവരും “ഏക ശരീര”മായി​ത്തീ​രു​ന്നു; എന്നാൽ ദൈവ​ദൃ​ഷ്ടി​യിൽ അശുദ്ധ​മായ ഒന്നാ​ണെന്നു മാത്രം.a കൂടാതെ, അത്തരം ബന്ധങ്ങൾ ക്രൂര​വു​മാണ്‌. എന്തു​കൊണ്ട്‌?​—⁠മർക്കൊസ്‌ 10:7-9; 1 കൊരി​ന്ത്യർ 6:9, 10, 16.

ഒരു കാരണം, യഥാർഥ പ്രതി​ബ​ദ്ധ​ത​കൂ​ടാ​​തെ​യുള്ള ലൈം​ഗി​ക​ത​യാണ്‌ പരസംഗം. ആത്മാഭി​മാ​ന​ത്തി​നു തുരങ്കം​​വെ​ക്കു​ന്നതു കൂടാതെ രോഗം, അനാവശ്യ ഗർഭധാ​രണം, മനോ​വ്യഥ എന്നിവ​യ്‌ക്കും ഇത്‌ ഇടയാ​ക്കി​​യേ​ക്കാം. എല്ലാറ്റി​നു​മു​പ​രി​യാ​യി, ദൈവ​ത്തി​ന്റെ നീതി​യുള്ള നിലവാ​ര​ങ്ങ​ളു​ടെ ലംഘന​മാ​ണിത്‌. അതു​കൊണ്ട്‌, പരസം​ഗ​ത്തി​​ലേർപ്പെ​ടു​ന്ന​യാൾ മറ്റേ വ്യക്തി​യു​ടെ ഇപ്പോ​ഴ​​ത്തെ​യും ഭാവി​യി​​ലെ​യും ക്ഷേമ​ത്തെ​ക്കു​റി​ച്ചും സന്തുഷ്ടി​​യെ​ക്കു​റി​ച്ചും ഒട്ടും​തന്നെ ചിന്തി​ക്കു​ന്നില്ല.

ഒരു ക്രിസ്‌ത്യാ​നി​യെ സംബന്ധി​ച്ചി​ട​​ത്തോ​ളം, തന്റെ ആത്മീയ സഹോ​ദ​ര​​ന്റെ​യോ സഹോ​ദ​രി​യു​​ടെ​യോ അവകാ​ശ​ങ്ങ​ളി​ലുള്ള ഒരു കടന്നു​ക​യറ്റം കൂടി​യാണ്‌ പരസംഗം. (1 തെസ്സ​ലൊ​നീ​ക്യർ 4:3-6) ഉദാഹ​ര​ണ​ത്തിന്‌, ദൈവ​ദാ​സർ എന്ന്‌ അവകാ​ശ​​പ്പെ​ടുന്ന വ്യക്തികൾ വിവാ​ഹ​ത്തി​നു പുറത്ത്‌ ലൈം​ഗി​ക​ത​യിൽ ഏർപ്പെ​ടു​​മ്പോൾ ക്രിസ്‌തീയ സഭയി​​ലേക്കു അവർ അശുദ്ധി കൊണ്ടു​വ​രു​ന്നു. (എബ്രായർ 12:15, 16) മാത്രമല്ല, അവർ അവരു​മാ​യി പരസം​ഗ​ത്തിൽ ഏർപ്പെ​ടുന്ന വ്യക്തിക്ക്‌ ഒരു ശുദ്ധമായ ധാർമിക നില ഉണ്ടായി​രി​ക്കു​ന്ന​തി​നും, ആ വ്യക്തി ഏകാകി ആണെങ്കിൽ ധാർമിക ശുദ്ധി​​യോ​ടെ ഭാവി​യിൽ ഒരു വിവാ​ഹ​ത്തി​​ലേക്കു പ്രവേ​ശി​ക്കു​ന്ന​തി​നു​മുള്ള അവസരം നിഷേ​ധി​ക്കു​ന്നു. ഇവർ സ്വന്തം കുടും​ബ​ത്തി​ന്റെ സത്‌പേ​രി​നു കളങ്കം​ചാർത്തു​ന്നതു കൂടാതെ തന്റെ ലൈം​ഗിക പങ്കാളി​യു​ടെ കുടും​ബ​ത്തി​​നെ​തി​​രെ​യും തെറ്റു​​ചെ​യ്യു​ന്നു. അവസാ​ന​മാ​യി, ദൈവ​ത്തി​ന്റെ നീതി​യുള്ള നിയമ​ങ്ങ​​ളെ​യും തത്ത്വങ്ങ​​ളെ​യും ലംഘി​ച്ച​തി​നാൽ അവനെ വേദനി​പ്പി​ക്കു​ക​യും അവനോട്‌ അനാദ​രവു കാണി​ക്കു​ക​യും ചെയ്യുന്നു. (സങ്കീർത്തനം 78:40, 41) അതു​കൊണ്ട്‌, ഈവക ദുഷ്‌പ്ര​വൃ​ത്തി​ക​ളി​​ലേർപ്പെ​ടുന്ന അനുതാ​പ​മി​ല്ലാ​ത്ത​വ​​രോ​ടു യഹോവ ‘പ്രതി​കാ​രം ചെയ്യും.’ (1 തെസ്സ​ലൊ​നീ​ക്യർ 4:6) “ദുർന്ന​ടപ്പു” അഥവാ പരസംഗം “വിട്ടു ഓടു​വിൻ” എന്നു ബൈബിൾ നമ്മെ ഉദ്‌ബോ​ധി​പ്പി​ക്കു​ന്ന​തിൽ അതിശ​യി​ക്കാ​നു​ണ്ടോ?​—⁠1 കൊരി​ന്ത്യർ 6:18.

നിങ്ങൾ ആരുമാ​​യെ​ങ്കി​ലും പ്രണയ​ത്തി​ലാ​ണോ, ആ വ്യക്തിയെ വിവാഹം കഴിക്കാൻ ആഗ്രഹി​ക്കു​ന്നു​ണ്ടോ? എങ്കിൽ, അന്യോ​ന്യം അടുത്ത​റി​യാ​നുള്ള ഈ സമയം പരസ്‌പര വിശ്വാ​സ​ത്തി​​ന്റെ​യും ആദരവി​​ന്റെ​യും ദൃഢമായ ഒരു അടിസ്ഥാ​ന​മി​ടു​ന്ന​തി​നാ​യി എന്തു​കൊണ്ട്‌ ഉപയോ​ഗി​ച്ചു​കൂ​ടാ? ഇതു പരിചി​ന്തി​ക്കുക: ആത്മനി​യ​​ന്ത്രണം പാലി​ക്കു​ന്ന​തിൽ പരാജ​യ​​പ്പെ​ട്ടി​രി​ക്കുന്ന ഒരുവനെ പൂർണ​മാ​യി വിശ്വ​സി​ക്കാൻ ഒരു സ്‌ത്രീക്ക്‌ എങ്ങനെ കഴിയും? സ്വന്തം ലൈം​ഗിക താത്‌പ​ര്യ​ങ്ങളെ തൃപ്‌തി​​പ്പെ​ടു​ത്താ​നാ​യോ മറ്റേ വ്യക്തിയെ പ്രീതി​​പ്പെ​ടു​ത്താ​നാ​യോ ദൈവി​ക​നി​യ​മ​ങ്ങളെ കാറ്റിൽപ്പ​റ​ത്തുന്ന ഒരു സ്‌ത്രീ​യെ സ്‌നേ​ഹി​ക്കാ​നും ബഹുമാ​നി​ക്കാ​നും ഏതു പുരു​ഷ​നാണ്‌ ഇഷ്ടപ്പെ​ടുക?

ഒരു കാര്യം​കൂ​ടി ഓർമി​ക്കുക, ദൈവ​ത്തി​ന്റെ സ്‌നേ​ഹ​പൂർവ​ക​മായ നിലവാ​ര​ങ്ങളെ പുച്ഛിച്ചു തള്ളുന്നവർ തങ്ങൾ വിതയ്‌ക്കു​ന്ന​തി​ന്റെ ഫലം കൊ​യ്യേ​ണ്ടി​വ​രും. (ഗലാത്യർ 6:7) ‘ദുർന്ന​ട​പ്പു​കാ​രൻ സ്വന്തശ​രീ​ര​ത്തി​ന്നു വിരോ​ധ​മാ​യി പാപം ചെയ്യുന്നു’വെന്നു ബൈബിൾ പറയുന്നു. (1 കൊരി​ന്ത്യർ 6:18; സദൃശ​വാ​ക്യ​ങ്ങൾ 7:5-27) വിവാ​ഹി​ത​രാ​കു​ന്ന​തി​നു മുമ്പു ലൈം​ഗിക ബന്ധത്തി​​ലേർപ്പെട്ട ഇണകൾ ആത്മാർഥ​മാ​യി അനുത​പി​ക്കു​ക​യും യഹോ​വ​യു​മാ​യുള്ള തങ്ങളുടെ ബന്ധം പുനഃ​സ്ഥാ​പി​ക്കാൻ പ്രയത്‌നി​ക്കു​ക​യും പരസ്‌പ​ര​മുള്ള വിശ്വാ​സം ബലിഷ്‌ഠ​മാ​ക്കു​ക​യും ചെയ്യു​​ന്നെ​ങ്കിൽ ക്രമേണ നിഷേ​ധാ​ത്മക വികാ​ര​ങ്ങളെ ഒരു പരിധി​വരെ തരണം ചെയ്യാൻ സാധി​​ച്ചേ​ക്കും എന്നതു ശരിയാണ്‌. എങ്കിലും, അവരുടെ കഴിഞ്ഞ​കാല ജീവി​ത​ഗതി പലപ്പോ​ഴും, മായാത്ത മുറി​പ്പാ​ടു​കൾ അവശേ​ഷി​പ്പി​​ച്ചേ​ക്കാം. ഒരു യുവദ​മ്പ​തി​കൾ, തങ്ങൾ അവിവാ​ഹി​ത​രാ​യി​രു​ന്ന​​പ്പോൾ പരസം​ഗ​ത്തിൽ ഏർപ്പെ​ട്ട​തിൽ ഇപ്പോൾ അതിയാ​യി ഖേദി​ക്കു​ന്നു. ‘അശുദ്ധ​മായ ആ തുടക്ക​മാ​ണോ ഞങ്ങളുടെ ദാമ്പത്യ പ്രശ്‌ന​ങ്ങൾക്കു കാരണം’ എന്ന്‌ ഭർത്താവ്‌ ചില​പ്പോ​​ഴൊ​ക്കെ തന്നോ​ടു​തന്നെ ചോദി​ക്കാ​റുണ്ട്‌.

യഥാർഥ സ്‌നേഹം നിസ്സ്വാർഥ​മാണ്‌

യഥാർഥ സ്‌നേഹം പ്രണയാർദ്ര​മാ​യി​രി​ക്കാ​​മെ​ങ്കി​ലും അത്‌ ‘അയോ​ഗ്യ​മാ​യി നടക്കു​ക​യോ സ്വാർത്ഥം അന്വേ​ഷി​ക്കു​ക​യോ ചെയ്യു​ന്നില്ല.’ (1 കൊരി​ന്ത്യർ 13:4, 5) പകരം, അത്‌ ഇണയുടെ ക്ഷേമത്തി​നും നിത്യ​സ​ന്തു​ഷ്ടി​ക്കു​മാ​യി പരി​ശ്ര​മി​ക്കു​ന്നു. അത്തരം സ്‌നേഹം അന്യോ​ന്യം ബഹുമാ​നി​ക്കു​ന്ന​തി​നും ദൈവം ഉദ്ദേശി​ച്ച​തു​​പോ​ലെ ലൈം​ഗി​ക​ബന്ധം വിവാ​ഹ​ബ​ന്ധ​ത്തിൽ മാത്രം ഒതുക്കി​നി​റു​ത്തു​ന്ന​തി​നും ഒരു സ്‌ത്രീ​​യെ​യും പുരു​ഷ​​നെ​യും പ്രേരി​പ്പി​ക്കു​ന്നു.​—⁠എബ്രായർ 13:⁠4.

കുട്ടികൾ സ്‌നേ​ഹ​വും സുരക്ഷി​ത​ത്വ​വും കെട്ടു​റ​പ്പും ഉള്ള ചുറ്റു​പാ​ടിൽ വളർന്നു​വ​രാ​നാണ്‌ ദൈവം ഉദ്ദേശി​ച്ചത്‌. (എഫെസ്യർ 6:1-4) അതു​കൊ​ണ്ടു​തന്നെ കുട്ടി​ക​ളുള്ള കുടും​ബ​ത്തിൽ പരസ്‌പര വിശ്വാ​സ​വും സുരക്ഷി​ത​ത്വ​വും കളിയാ​ടുന്ന സന്തുഷ്ട ദാമ്പത്യ​ത്തി​ന്റെ അന്തരീക്ഷം ഉണ്ടായി​രി​​ക്കേ​ണ്ടത്‌ വിശേ​ഷാൽ പ്രധാ​ന​മാണ്‌. വിവാ​ഹ​ത്തിൽ മാത്രമേ രണ്ടു വ്യക്തികൾ യഥാർഥ​മാ​യി പ്രതി​ബദ്ധത പ്രകട​മാ​ക്കു​ന്നു​ള്ളൂ. തങ്ങളുടെ തുടർന്നുള്ള ജീവി​ത​ത്തിൽ കഷ്ടകാ​ല​ത്തും നല്ലകാ​ല​ത്തും അന്യോ​ന്യം പരിപാ​ലി​ക്കു​ന്ന​തി​നും പിന്തു​ണ​യ്‌ക്കു​ന്ന​തി​നും അവർ മനസ്സു​​കൊ​ണ്ടും​—⁠മിക്ക​പ്പോ​ഴും വാക്കു​ക​ളി​ലൂ​​ടെ​യും​—⁠പ്രതി​ജ്ഞ​​ചെ​യ്യു​ന്നു.​—⁠റോമർ 7:2, 3.

ഭാര്യ​യും ഭർത്താ​വും തമ്മിലുള്ള ലൈം​ഗിക ബന്ധത്തിന്‌ അവരുടെ ബന്ധത്തെ കൂടുതൽ ബലിഷ്‌ഠ​മാ​ക്കാ​നാ​കും. അതു​പോ​​ലെ​തന്നെ, ഒരു സന്തുഷ്ട ദാമ്പത്യം ആസ്വദി​ക്കുന്ന ഇണകൾ, ലൈം​ഗിക ബന്ധം കൂടുതൽ ആനന്ദക​ര​വും അർഥവ​ത്തും ആണെന്നു കണ്ടെത്തും. മാത്രമല്ല, അത്‌ അവരുടെ ബന്ധത്തിന്‌ അപമാനം വരുത്തു​ക​യോ മനസ്സാ​ക്ഷി​യെ വ്രണ​പ്പെ​ടു​ത്തു​ക​യോ ചെയ്യു​ന്നില്ല, അത്‌ സ്രഷ്ടാ​വി​​നോ​ടുള്ള അനുസ​ര​ണ​​ക്കേ​ടു​മല്ല.

നിങ്ങൾ ചിന്തി​ച്ചി​ട്ടു​ണ്ടോ?

◼ വിവാ​ഹ​ത്തി​നു മുമ്പുള്ള ലൈം​ഗി​ക​തയെ ദൈവം എങ്ങനെ​യാ​ണു വീക്ഷി​ക്കു​ന്നത്‌? ​—⁠1 കൊരി​ന്ത്യർ 6:9, 10

◼ പരസംഗം ഹാനി​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?​—⁠1 കൊരി​ന്ത്യർ 6:18

◼ പ്രണയ​ത്തി​ലാ​യി​രി​ക്കുന്ന രണ്ടു​പേർക്ക്‌ എങ്ങനെ യഥാർഥ സ്‌നേഹം പ്രകട​മാ​ക്കാ​നാ​കും? ​—⁠1 കൊരി​ന്ത്യർ 13:⁠4, 5

[അടിക്കു​റിപ്പ്‌]