പ്രലോ​ഭ​ന​ങ്ങൾ—എങ്ങനെ ചെറു​ത്തു​നിൽക്കാം?

പ്രശ്‌നം

“എന്നോ​ടൊത്ത്‌ സെക്‌സിൽ ഏർപ്പെ​ടാൻ പെൺകു​ട്ടി​കൾ എന്റെ ഫോൺന​മ്പർ ചോദി​ക്കാ​റുണ്ട്‌. എന്നാൽ, ഞാൻ അത്‌ കൊടു​ക്കാ​റേ ഇല്ല. പക്ഷെ, ‘അവൾക്ക്‌ എന്റെ നമ്പർ കൊടു​ക്കേ​ണ്ട​താ​യി​രു​ന്നു!’ എന്നു ചിന്തി​ച്ചു​കൊ​ണ്ടാണ്‌ ഞാൻ നടന്നു​നീ​ങ്ങു​ന്നത്‌. സത്യം പറഞ്ഞാൽ, അതിൽ ചില പെൺകു​ട്ടി​കൾ കാണാൻ അടി​പൊ​ളി​യാണ്‌. ‘നമ്പർ കൊടു​ത്താൽ എന്താ കുഴപ്പം?’ എന്ന്‌ എളുപ്പ​ത്തിൽ ചിന്തി​ച്ചു​പോ​കും.”—16 വയസ്സുള്ള കാർലോസ്‌.a

നിങ്ങൾക്കും കാർലോ​സി​നെ​പ്പോ​ലെ പ്രലോ​ഭ​ന​ങ്ങൾക്ക്‌ എതിരെ പോരാ​ടേ​ണ്ടി​വ​രാ​റു​ണ്ടോ? എങ്കിൽ, നിങ്ങൾക്ക്‌ ഈ പോരാ​ട്ട​ത്തിൽ വിജയി​ക്കാൻ കഴിയും.

നിങ്ങൾ അറിഞ്ഞി​രി​ക്കേ​ണ്ടത്‌

പ്രലോ​ഭ​ന​ത്തിൽ അകപ്പെ​ടാ​നു​ള്ള സാധ്യത എല്ലാവർക്കു​മുണ്ട്‌—മുതിർന്ന​വർക്കു പോലും. ഓരോ​രു​ത്തർക്കും ഓരോ തരത്തി​ലാ​യി​രി​ക്കാം അത്‌. “ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ പ്രമോ​ദി​ക്കു​ന്നു; എങ്കിലും എന്റെ മനസ്സിന്റെ പ്രമാ​ണ​ത്തോ​ടു പോരാ​ടു​ന്ന മറ്റൊരു പ്രമാണം എന്റെ അവയവ​ങ്ങ​ളിൽ ഞാൻ കാണുന്നു. എന്റെ അവയവ​ങ്ങ​ളി​ലു​ള്ള ആ പാപ​പ്ര​മാ​ണം എന്നെ അടിമ​യാ​ക്കി​ത്തീർക്കു​ന്നു”വെന്ന്‌ എഴുതി​യ​പ്പോൾ അപ്പൊസ്‌ത​ല​നാ​യ പൗലോസ്‌ മുതിർന്ന ഒരാളാ​യി​രു​ന്നു. (റോമർ 7:22, 23) പ്രലോ​ഭ​ന​ത്തിൽ അകപ്പെ​ടാ​നു​ള്ള സമ്മർദ​മു​ണ്ടാ​യി​രു​ന്നെ​ങ്കി​ലും അവൻ അത്‌ ചെറു​ത്തു​നി​ന്നു. നിങ്ങൾക്കും അതിന്‌ കഴിയും! നിങ്ങളു​ടെ മോഹ​ങ്ങൾക്ക്‌ നിങ്ങൾ അടിമ​യാ​യി​രി​ക്കേണ്ട കാര്യ​മി​ല്ല. (1 കൊരി​ന്ത്യർ 9:27) ചെറു​പ്പ​മാ​യി​രി​ക്കു​മ്പോൾത്തന്നെ പ്രലോ​ഭ​ന​ങ്ങൾ ചെറു​ക്കാൻ പഠിക്കു​ന്നത്‌ ഇപ്പോൾത്ത​ന്നെ പലവിധ ഉത്‌കണ്‌ഠ​കൾ ഒഴിവാ​ക്കാൻ സഹായി​ക്കും. ഭാവി​ജീ​വി​ത​ത്തിൽ അതു നിങ്ങൾക്ക്‌ ഒരു മുതൽക്കൂ​ട്ടാ​യി​രി​ക്കും.

മാധ്യ​മ​ങ്ങൾ പ്രലോ​ഭ​ന​ങ്ങ​ളെ ആളിക്ക​ത്തി​ക്കു​ന്നു. ‘യൗവന​മോ​ഹ​ങ്ങൾ’ അതിൽത്ത​ന്നെ ശക്തമാ​ണെന്ന്‌ ബൈബിൾ പറയുന്നു. (2 തിമൊ​ഥെ​യൊസ്‌ 2:22) എന്നാൽ, പ്രലോ​ഭ​ന​ങ്ങൾക്കു വഴി​പ്പെ​ടു​ന്നത്‌ സ്വാഭാ​വി​ക​മാ​ണെന്ന ധാരണ കൊടു​ത്തു​കൊണ്ട്‌ ചലച്ചി​ത്ര​ങ്ങൾ, ടിവി, സംഗീതം, പുസ്‌ത​ക​ങ്ങൾ എന്നിവ മോഹങ്ങൾ ആളിക്ക​ത്തി​ക്കു​ന്നു. ഉദാഹ​ര​ണ​ത്തിന്‌, പല സിനി​മ​ക​ളി​ലും രണ്ടു കഥാപാ​ത്ര​ങ്ങൾ തമ്മിൽ പ്രണയ​ത്തി​ലാ​ണെ​ങ്കിൽ അവർ കഥയുടെ ഏതെങ്കി​ലും ഒരു ഘട്ടത്തിൽ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്ന​താ​യി ചിത്രീ​ക​രി​ക്കു​ന്നു. എന്നാൽ ബൈബിൾ പറയു​ന്നത്‌ യഥാർഥ​ജീ​വി​ത​ത്തിൽ സ്‌ത്രീ​പു​രു​ഷ​ന്മാർക്ക്‌ “ജഡമോ​ഹ​ങ്ങ​ളെ വിട്ടക​ലാൻ” പ്രാപ്‌തി​യു​ണ്ടെ​ന്നാണ്‌. (1 പത്രോസ്‌ 2:11) അതിന്റെ അർഥം ‘ഞാൻ പ്രലോ​ഭ​ന​ങ്ങൾ ചെറു​ത്തു​നിൽക്കും’ എന്ന്‌ തീരു​മാ​നി​ക്കാൻ നിങ്ങൾക്ക്‌ കഴിയും എന്നാണ്‌. എന്നാൽ എങ്ങനെ?

നിങ്ങൾക്കു ചെയ്യാ​നാ​കു​ന്നത്‌

നിങ്ങളു​ടെ ബലഹീ​ന​ത​കൾ തിരി​ച്ച​റി​യു​ക. ഏറ്റവും ദുർബ​ല​മാ​യ കണ്ണിയ്‌ക്കു​ള്ള​ത്ര ബലം മാത്രമേ ഒരു ചങ്ങലയ്‌ക്കു​ണ്ടാ​യി​രി​ക്കൂ. അതു​പോ​ലെ, ശരി ചെയ്യാ​നു​ള്ള നിങ്ങളു​ടെ ദൃഢനി​ശ്ച​യം തകരു​ന്നത്‌ നിങ്ങളു​ടെ ബലഹീ​ന​മാ​യ വശങ്ങളി​ലാ​യി​രി​ക്കും. അങ്ങനെ​യെ​ങ്കിൽ, ഏതെല്ലാം വശങ്ങളി​ലാണ്‌ നിങ്ങൾ ജാഗ്രത പാലി​ക്കേ​ണ്ടത്‌?—ബൈബിൾത​ത്ത്വം: യാക്കോബ്‌ 1:14.

പ്രലോ​ഭ​ന​ങ്ങൾ മുൻകൂ​ട്ടി​ക്കാ​ണു​ക. ഏതെല്ലാം സാഹച​ര്യ​ങ്ങ​ളിൽ പ്രലോ​ഭ​ന​ങ്ങൾ നേരി​ടാൻ സാധ്യ​ത​യു​ണ്ടെന്ന്‌ ചിന്തി​ക്കു​ക. അത്‌ എങ്ങനെ തരണം ചെയ്യു​മെന്ന്‌ നിങ്ങൾ മനസ്സിൽ പരിശീ​ലി​ച്ചു​നോ​ക്കുക.—ബൈബിൾത​ത്ത്വം: സദൃശ​വാ​ക്യ​ങ്ങൾ 22:3.

നിങ്ങളു​ടെ ബോധ്യം ശക്തമാ​ക്കു​ക. ലൈം​ഗി​ക അധാർമി​ക​ത​യിൽ ഉൾപ്പെ​ടാ​നു​ള്ള പ്രലോ​ഭ​നം നേരി​ട്ട​പ്പോൾ, ‘ഞാൻ ഈ മഹാ​ദോ​ഷം പ്രവർത്തി​ച്ചു ദൈവ​ത്തോ​ടു പാപം ചെയ്യു​ന്ന​തു എങ്ങനെ?’ എന്നു യോ​സേഫ്‌ ചോദി​ച്ച​താ​യി ബൈബിൾ പറയുന്നു. (ഉല്‌പത്തി 39:9) ‘ഞാൻ . . . ചെയ്യു​ന്ന​തു എങ്ങനെ?’ എന്ന വാക്കുകൾ, യോ​സേ​ഫിന്‌ ശരിയും തെറ്റും സംബന്ധിച്ച വ്യക്തമായ ബോധ്യ​മു​ണ്ടാ​യി​രു​ന്നെന്ന്‌ കാണി​ക്കു​ന്നു. നിങ്ങൾക്കോ?

നിങ്ങളെ പിന്തു​ണയ്‌ക്കു​ന്ന സുഹൃ​ത്തു​ക്ക​ളെ കണ്ടെത്തുക. നിങ്ങളു​ടെ അതേ ധാർമി​ക​നി​ല​വാ​ര​ങ്ങ​ളു​ള്ള​വരെ സുഹൃ​ത്തു​ക്ക​ളാ​ക്കു​ന്നെ​ങ്കിൽ ജീവി​ത​ത്തി​ലെ മിക്ക പ്രലോ​ഭ​ന​ങ്ങ​ളും നിങ്ങൾക്ക്‌ ഒഴിവാ​ക്കാൻ കഴിയും. “ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും” എന്ന്‌ ബൈബിൾ പറയുന്നു.—സദൃശ​വാ​ക്യ​ങ്ങൾ 13:20.

പ്രലോ​ഭ​ന​ങ്ങൾ ചെറു​ക്കാൻ ബുദ്ധി​മുട്ട്‌ തോന്നുന്ന സാഹച​ര്യ​ങ്ങൾ ഒഴിവാ​ക്കു​ക. ഉദാഹ​ര​ണ​ത്തിന്‌:

• എതിർലിം​ഗ​ത്തിൽപ്പെട്ട ഒരാളു​മാ​യി തനിച്ചാ​യി​രി​ക്കാൻ സാധ്യ​ത​യു​ള്ള സാഹച​ര്യ​ങ്ങൾ ഒഴിവാ​ക്കു​ക.

• അശ്ലീലം വീക്ഷി​ക്കാൻ പ്രലോ​ഭ​നം തോന്നി​യേ​ക്കാ​വു​ന്ന സമയത്തും സ്ഥലത്തും ഇന്റർനെറ്റ്‌ ഉപയോ​ഗി​ക്കു​ന്നത്‌ ഒഴിവാ​ക്കു​ക.

• മോശ​മാ​യ കാര്യങ്ങൾ ആകർഷ​ക​മാ​ണെന്ന്‌ സംസാ​ര​ത്തി​ലൂ​ടെ​യും നടത്തയി​ലൂ​ടെ​യും പ്രകട​മാ​ക്കു​ന്ന ആളുക​ളിൽനിന്ന്‌ ഒഴിഞ്ഞി​രി​ക്കു​ക.

പ്രലോ​ഭ​ന​ങ്ങ​ളിൽ അകപ്പെ​ടു​ന്നത്‌ ഒഴിവാ​ക്കാൻ നിങ്ങൾ നിങ്ങൾക്കാ​യി വെച്ചി​രി​ക്കു​ന്ന മാർഗ​നിർദേ​ശ​ങ്ങൾ ഏതെല്ലാ​മാണ്‌?—ബൈബിൾത​ത്ത്വം: 2 തിമൊ​ഥെ​യൊസ്‌ 2:22.

സഹായ​ത്തി​നാ​യി പ്രാർഥി​ക്കു​ക. “പ്രലോ​ഭ​ന​ത്തിൽ അകപ്പെ​ടാ​തി​രി​ക്കാൻ സദാ ഉണർന്നി​രു​ന്നു പ്രാർഥി​ക്കു​വിൻ” എന്ന്‌ യേശു ശിഷ്യ​ന്മാ​രോ​ടു പറഞ്ഞു. (മത്തായി 26:41) വാസ്‌ത​വ​ത്തിൽ, നിങ്ങൾ പ്രലോ​ഭ​ന​ങ്ങൾ ചെറു​ത്തു​നിൽക്കാ​നാണ്‌ യഹോ​വ​യാം ദൈവം ആഗ്രഹി​ക്കു​ന്നത്‌. അവൻ അതിനാ​യി നിങ്ങളെ സഹായി​ക്കു​ക​യും ചെയ്യും. ബൈബിൾ ഇങ്ങനെ ഉറപ്പു നൽകുന്നു: “നിങ്ങൾക്കു ചെറു​ക്കാ​നാ​വാ​ത്ത ഒരു പ്രലോ​ഭ​നം അവൻ അനുവ​ദി​ക്കു​ക​യി​ല്ല. പ്രലോ​ഭ​നം ഉണ്ടാകു​മ്പോൾ നിങ്ങൾക്ക്‌ അതിനെ അതിജീ​വി​ക്കാൻ കഴി​യേ​ണ്ട​തിന്‌ അവൻ അതോ​ടൊ​പ്പം പോം​വ​ഴി​യും ഉണ്ടാക്കും.”—1 കൊരി​ന്ത്യർ 10:13.