താളം​തെ​റ്റി​യ മനസ്സുകൾ—എങ്ങനെ സഹായി​ക്കാം?

നിങ്ങൾക്കോ നിങ്ങൾ സ്‌നേ​ഹി​ക്കു​ന്ന ആർക്കെ​ങ്കി​ലു​മോ ഒരു മാനസി​ക​പ്രശ്‌ന​മു​ണ്ടെന്നു പരി​ശോ​ധ​ന​യിൽ കണ്ടെത്തു​ന്നെ​ങ്കിൽ എന്തു തോന്നും? ഈ രോഗം സുഖ​പ്പെ​ടു​ത്താൻ കഴിയു​മെ​ന്നത്‌ ആശ്വാ​സ​ക​ര​മാണ്‌. മാനസി​ക​പ്രശ്‌ന​ങ്ങ​ളെ​ക്കു​റിച്ച്‌ നിങ്ങൾ അറിഞ്ഞി​രി​ക്കേണ്ട ചില കാര്യങ്ങൾ പരി​ശോ​ധി​ക്കാം.a

മാനസി​കാ​രോ​ഗ്യം—ചില അടിസ്ഥാ​ന​വസ്‌തു​തകൾ

“ലോക​മെ​ങ്ങു​മു​ള്ള കോടി​ക്ക​ണ​ക്കിന്‌ ആളുകൾ മാനസി​ക​പ്രശ്‌ന​ങ്ങ​ളാൽ വലയുന്നു. അവരുടെ പ്രിയ​പ്പെ​ട്ട​വ​രു​ടെ ജീവി​ത​ത്തെ​യും അത്‌ ബാധി​ക്കു​ന്നു. നാലു​പേ​രിൽ ഒരാൾക്ക്‌ ജീവി​ത​ത്തി​ന്റെ ഏതെങ്കി​ലും ഒരു ഘട്ടത്തിൽ മനസ്സിന്റെ താളം തെറ്റു​ന്നുണ്ട്‌. ലോകത്ത്‌ മാനസി​ക​വൈ​ക​ല്യ​ങ്ങ​ളിൽ ഏറ്റവും മുന്നിൽനിൽക്കു​ന്നത്‌ വിഷാ​ദ​രോ​ഗ​മാണ്‌. ചിത്ത​ഭ്ര​മം, വിഷാ​ദോ​ന്മാ​ദ​രോ​ഗം (വിഷാ​ദ​വും സന്തോ​ഷ​വും മാറി​മാ​റി വരുന്ന രോഗം) എന്നിവ ഏറ്റവും ഗുരു​ത​ര​മാ​യ മാനസി​ക​പ്രശ്‌ന​ങ്ങ​ളിൽപ്പെ​ടു​ന്നു. . . . വളരെ​യ​ധി​കം ആളുകളെ ഇത്‌ ബാധി​ക്കു​ന്നു​ണ്ടെ​ങ്കി​ലും പലരും അതു പുറത്തു​പ​റ​യാ​റി​ല്ല. അതു​പോ​ലെ​ത​ന്നെ അവർ അവഗണി​ക്ക​പ്പെ​ടു​ക​യും അകറ്റി​നിർത്ത​പ്പെ​ടു​ക​യും ചെയ്യുന്നു.”—ഡബ്ലിയു​എച്ച്‌ഒ (ലോകാ​രോ​ഗ്യ സംഘടന).

ഡബ്ലിയു​എച്ച്‌ഒ പറയു​ന്ന​ത​നു​സ​രിച്ച്‌, മാനസി​ക​രോ​ഗ​മു​ള്ള അനേക​രും ചികിത്സ തേടാ​ത്തത്‌ അതുമൂ​ല​മു​ള്ള നാണ​ക്കേട്‌ ഓർത്താണ്‌.

മിക്ക മാനസി​ക​പ്രശ്‌ന​ങ്ങ​ളും ചികി​ത്സി​ച്ചു ഭേദമാ​ക്കാ​വു​ന്ന​വ​യാണ്‌. എങ്കിലും അനേക​രും ചികിത്സ തേടു​ന്നി​ല്ല. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ മാനസി​ക​പ്രശ്‌ന​മു​ള്ള മുതിർന്ന​വ​രിൽ ഏകദേശം 60 ശതമാനം പേരും 8 മുതൽ 15 വരെ പ്രായ​മു​ള്ള​വ​രിൽ 50 ശതമാനം പേരും കഴിഞ്ഞ​വർഷം ചികിത്സ തേടി​യി​ല്ല എന്ന്‌ മാനസി​ക​രോ​ഗ​വു​മാ​യി ബന്ധപ്പെട്ട ഒരു സംഘടന റിപ്പോർട്ടു ചെയ്യുന്നു.

മാനസി​ക​പ്രശ്‌ന​ങ്ങൾ മനസ്സി​ലാ​ക്കു​ക

എന്താണ്‌ മാനസി​ക​രോ​ഗം? ഒരു വ്യക്തി​യു​ടെ ചിന്ത, വികാ​ര​ങ്ങ​ളു​ടെ​മേ​ലുള്ള നിയ​ന്ത്ര​ണം, പെരു​മാ​റ്റം എന്നിവ​യി​ലു​ള്ള കാര്യ​മാ​യ തകരാറ്‌ എന്നാണ്‌ വിദഗ്‌ധർ ഈ പ്രശ്‌ന​ത്തെ നിർവ​ചി​ക്കു​ന്നത്‌. ഈ രോഗാ​വ​സ്ഥ​മൂ​ലം മറ്റുള്ള​വ​രു​മാ​യി ഇടപെ​ടാ​നും സാധാ​ര​ണ​ജീ​വി​തം നയിക്കാ​നും ആ വ്യക്തിക്കു കഴിയാ​തെ പോകു​ന്നു.

ഓരോ രോഗ​ത്തി​നും സാഹച​ര്യ​ത്തി​നും വ്യക്തി​ക്കും അനുസ​രിച്ച്‌, രോഗ​ല​ക്ഷ​ണ​ങ്ങ​ളു​ടെ തീവ്ര​ത​യും ദൈർഘ്യ​വും വ്യത്യാ​സ​പ്പെ​ട്ടേ​ക്കാം. പ്രായം, വർഗം, മതം, ലിംഗം, സംസ്‌കാ​രം, വിദ്യാ​ഭ്യാ​സം, സാമ്പത്തി​ക​നി​ല​വാ​രം എന്നീ വ്യത്യാ​സ​ങ്ങ​ളി​ല്ലാ​തെ ആരെയും ഇതു ബാധി​ക്കാം. ബലഹീ​ന​ത​ക​ളോ സ്വഭാ​വ​ദൂ​ഷ്യ​ങ്ങ​ളോ മൂലമു​ണ്ടാ​കു​ന്ന​വ​യല്ല ഇവ. ഉചിത​മാ​യ ചികി​ത്സ​യി​ലൂ​ടെ രോഗം സുഖ​പ്പെ​ടു​ത്താ​നും അങ്ങനെ അവർക്ക്‌ ഫലപ്ര​ദ​വും സംതൃപ്‌തി​ക​ര​വും ആയ ജീവിതം നയിക്കാ​നും കഴിയും.

മാനസി​ക​പ്രശ്‌ന​ങ്ങൾക്ക്‌ ചികിത്സ തേടുക

മാനസി​കാ​രോ​ഗ്യ വിദഗ്‌ധർക്ക്‌ മിക്ക മാനസി​ക​പ്രശ്‌ന​ങ്ങ​ളും ചികി​ത്സിച്ച്‌ ഭേദമാ​ക്കാൻ കഴിയും. അതു​കൊണ്ട്‌, ഈ പ്രശ്‌ന​ങ്ങൾ ചികി​ത്സി​ച്ചു പരിച​യ​മു​ള്ള ഒരു ഡോക്‌ട​റെ​യോ വിദഗ്‌ധ​നെ​യോ സമീപിച്ച്‌ രോഗ​നിർണ​യം നടത്തുക എന്നതാണ്‌ സുപ്ര​ധാ​ന​കാ​ര്യം.

ഉചിത​മാ​യ ചികിത്സ സ്വീക​രി​ക്കു​ന്നെ​ങ്കിൽ മാത്രമേ ഇതുമൂ​ലം കഷ്ടപ്പെ​ടു​ന്ന​വർക്ക്‌ അത്തരം വിദഗ്‌ധ​രു​ടെ അനുഭ​വ​പ​രി​ച​യ​ത്തിൽനിന്ന്‌ പൂർണ​പ്ര​യോ​ജ​നം നേടാൻ സാധിക്കൂ. ഇതിന്‌, മറ്റുള്ള​വ​രോട്‌ തങ്ങളുടെ പ്രശ്‌ന​ത്തെ​ക്കു​റിച്ച്‌ തുറന്നു​പ​റ​യാ​നു​ള്ള മടി മാറ്റേ​ണ്ട​തു​ണ്ടാ​യി​രി​ക്കാം. പരിശീ​ല​നം നേടിയ ആരോ​ഗ്യ​വി​ദഗ്‌ധ​നു​മാ​യി സംസാ​രി​ക്കു​ന്നത്‌ ചികി​ത്സ​യു​ടെ ഭാഗമാ​യി​രി​ക്കാം. അദ്ദേഹ​ത്തിന്‌, നിങ്ങളു​ടെ രോഗാ​വസ്ഥ മനസ്സി​ലാ​ക്കി​ത്ത​രാ​നും അതി​നോ​ടു ബന്ധപ്പെട്ട പ്രശ്‌ന​ങ്ങൾ പരിഹ​രി​ക്കാ​നും കഴിയും. കൂടാതെ, ചികിത്സ നിറു​ത്താ​തി​രി​ക്കേ​ണ്ട​തി​ന്റെ പ്രാധാ​ന്യം അദ്ദേഹം ബോധ്യ​പ്പെ​ടു​ത്തി​ത്ത​രി​ക​യും ചെയ്യും. ഇത്തരം കൂടി​ക്കാഴ്‌ച​യു​ടെ സമയത്ത്‌, രോഗി​യു​ടെ കുടും​ബാം​ഗ​ങ്ങൾക്കോ സുഹൃ​ത്തി​നോ അവർക്കു​വേണ്ട ധൈര്യ​വും പിന്തു​ണ​യും നൽകാ​നാ​കും.

മാനസി​കാ​രോ​ഗ്യ വിദഗ്‌ധ​രു​ടെ നിർദേ​ശ​പ്ര​കാ​രം ചികിത്സ സ്വീക​രി​ക്കു​ക​യും തങ്ങളുടെ അവസ്ഥ​യെ​ക്കു​റി​ച്ചു കൃത്യ​മാ​യി മനസ്സി​ലാ​ക്കു​ക​യും ചെയ്‌ത​പ്പോൾ മാത്ര​മാണ്‌ മിക്ക ആളുകൾക്കും തങ്ങളുടെ മാനസി​ക​പ്രശ്‌ന​ങ്ങൾ ഉചിത​മാ​യി കൈകാ​ര്യം ചെയ്യാൻ സാധി​ച്ചത്‌. മുമ്പ്‌ പരാമർശി​ച്ച മാർക്ക്‌ പറയുന്നു: “എന്റെ ഭാര്യയ്‌ക്ക്‌ മാനസി​ക​രോ​ഗ​മു​ണ്ടെന്നു മനസ്സി​ലാ​ക്കു​ന്ന​തി​നു മുമ്പ്‌ ഈ രോഗ​ത്തെ​ക്കു​റിച്ച്‌ ഞങ്ങൾക്കു കാര്യ​മാ​യി ഒന്നും​ത​ന്നെ അറിയി​ല്ലാ​യി​രു​ന്നു. അഭിമു​ഖീ​ക​രി​ക്കു​ന്ന പ്രശ്‌ന​ങ്ങൾ ഒന്നൊ​ന്നാ​യി നേരി​ടാ​നും സാഹച​ര്യ​ങ്ങ​ളോ​ടു പൊരു​ത്ത​പ്പെ​ടാ​നും ഞങ്ങൾ പഠിച്ചു. മാത്രമല്ല ഇക്കാല​യ​ള​വിൽ മാനസി​കാ​രോ​ഗ്യ വിദഗ്‌ധ​രിൽനി​ന്നും അതു​പോ​ലെ കുടും​ബാം​ഗ​ങ്ങ​ളിൽനി​ന്നും സുഹൃ​ത്തു​ക്ക​ളിൽനി​ന്നും ലഭിച്ച പിന്തുണ ഞങ്ങൾക്കു വളരെ പ്രയോ​ജ​ന​പ്പെ​ട്ടു.”

ക്ലോഡി​യ​യും അതു സമ്മതി​ക്കു​ന്നു: “ജയിൽശി​ക്ഷയ്‌ക്കു വിധി​ച്ച​തു​പോ​ലെ​യാണ്‌ ആദ്യ​മൊ​ക്കെ എനിക്ക്‌ അനുഭ​വ​പ്പെ​ട്ടത്‌. ഈ രോഗം ഞങ്ങളുടെ സ്വാത​ന്ത്ര്യം കുറെ​യൊ​ക്കെ പരിമി​ത​പ്പെ​ടു​ത്തു​ന്നുണ്ട്‌. എങ്കിലും, അതിജീ​വി​ക്കാൻ കഴിയി​ല്ലെ​ന്നു കരുതിയ പല തടസ്സങ്ങ​ളും മറിക​ട​ക്കാൻ ഞാൻ പഠിച്ചു. അങ്ങനെ, എന്നെ ചികി​ത്സി​ക്കു​ന്ന​വ​രോട്‌ സഹകരി​ച്ചും ആളുക​ളു​മാ​യു​ള്ള സുഹൃദ്‌ബ​ന്ധം മെച്ച​പ്പെ​ടു​ത്തി​യും കാര്യങ്ങൾ ഒന്നൊ​ന്നാ​യി പരിഹ​രി​ച്ചും മാനസി​ക​രോ​ഗ​വു​മാ​യി ഞാൻ പൊരു​ത്ത​പ്പെ​ട്ടു​പോ​കു​ന്നു.”

ദൈവ​വു​മാ​യു​ള്ള ബന്ധം കാത്തു​സൂ​ക്ഷി​ക്കു​ക

ആത്മീയ​ത​കൊണ്ട്‌ രോഗം സൗഖ്യ​മാ​ക്കാ​മെന്ന്‌ ബൈബിൾ പറയു​ന്നി​ല്ല. എന്നിരു​ന്നാ​ലും, ലോക​മെ​ങ്ങു​മു​ള്ള അനേകം കുടും​ബ​ങ്ങൾ ബൈബി​ളി​ലെ പഠിപ്പി​ക്ക​ലു​ക​ളിൽനിന്ന്‌ ആശ്വാ​സ​വും ബലവും നേടി​യി​ട്ടുണ്ട്‌. ഉദാഹ​ര​ണ​ത്തിന്‌, “ഹൃദയം നുറു​ങ്ങി​യവ”രെയും “മനസ്സു തകർന്ന​വ​രെ”യും ആശ്വസി​പ്പി​ക്കാൻ നമ്മുടെ സ്‌നേ​ഹ​വാ​നാ​യ സ്രഷ്ടാവ്‌ അതിയാ​യി ആഗ്രഹി​ക്കു​ന്നു​വെന്ന്‌ ബൈബിൾ ഉറപ്പു​നൽകു​ന്നു.—സങ്കീർത്ത​നം 34:18.

ആരോ​ഗ്യ​പ​രി​പാ​ല​ന​ത്തെ​ക്കു​റി​ച്ചുള്ള പുസ്‌ത​ക​മല്ല ബൈബിൾ. എങ്കിലും, വൈകാ​രി​ക​പ്രശ്‌ന​ങ്ങ​ളും ആശയറ്റ സാഹച​ര്യ​ങ്ങ​ളും തരണം ചെയ്യു​ന്ന​തി​നു​ള്ള പ്രയോ​ജ​ന​ക​ര​മാ​യ നിർദേ​ശ​ങ്ങൾ അത്‌ നൽകു​ന്നുണ്ട്‌. രോഗ​മോ വേദന​യോ ഇല്ലാതെ ഈ ഭൂമി​യിൽ ജീവി​ക്കു​ന്ന​തി​നെ​ക്കു​റി​ച്ചുള്ള പ്രത്യാ​ശ​യും ബൈബിൾ നൽകുന്നു. ദൈവ​വ​ച​ന​ത്തി​ലെ വാഗ്‌ദാ​നം ഇതാണ്‌: “അന്നു കുരു​ട​ന്മാ​രു​ടെ കണ്ണു തുറന്നു​വ​രും; ചെകി​ട​ന്മാ​രു​ടെ ചെവി അടഞ്ഞി​രി​ക്ക​യു​മി​ല്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസിച്ചു ഘോഷി​ക്കും.”—യെശയ്യാ​വു 35:5, 6.