എങ്ങനെ വിലമ​തി​പ്പു കാണി​ക്കാം?

ബുദ്ധി​മുട്ട്‌

വിജയ​പ്ര​ദ​മായ വിവാ​ഹ​ത്തിന്‌ വിലമ​തി​പ്പു വളരെ പ്രധാ​ന​മാണ്‌. എന്നാൽ ഇന്ന്‌ പല ഭർത്താ​ക്ക​ന്മാ​രും ഭാര്യ​മാ​രും പങ്കാളി​യു​ടെ നല്ല വശങ്ങൾ ശ്രദ്ധി​ക്കു​ന്ന​തു​പോ​ലു​മില്ല. അതി​നെ​ക്കാൾ നന്നേ കുറവാണ്‌ വിലമ​തി​പ്പി​ന്റെ പ്രകട​നങ്ങൾ. വൈകാ​രിക അവിശ്വ​സ്‌തത എന്ന പുസ്‌ത​ക​ത്തിൽ, തന്നെ സന്ദർശി​ക്കാൻ വന്ന ദമ്പതി​മാ​രിൽ നിരീ​ക്ഷിച്ച ഒരു കാര്യ​ത്തെ​ക്കു​റിച്ച്‌ ഒരു കൗൺസി​ലർ ഇങ്ങനെ പറഞ്ഞു: “തങ്ങളുടെ ദാമ്പത്യ​ത്തിൽ ഇപ്പോൾ നടന്നു​കാ​ണാത്ത കാര്യ​ങ്ങ​ളെ​ക്കു​റി​ച്ചാണ്‌ ദമ്പതി​മാർ കൂടുതൽ വേവലാ​തി​പ്പെ​ടു​ന്നത്‌. അല്ലാതെ നടക്കുന്ന കാര്യ​ങ്ങ​ളെ​ക്കു​റി​ച്ചല്ല. എന്തു മാറ്റങ്ങൾ വരുത്തണം എന്നാണ്‌ അവർക്കു പറയാ​നു​ള്ളത്‌. അല്ലാതെ ഇപ്പോൾത്തന്നെ നല്ല രീതി​യിൽ തുടർന്നു​പോ​കുന്ന കാര്യ​ങ്ങ​ളെ​ക്കു​റിച്ച്‌ അവർക്ക്‌ ഒന്നും പറയാ​നില്ല. ഇപ്പോൾത്തന്നെ ചെയ്‌തു​കൊ​ണ്ടി​രി​ക്കുന്ന കാര്യ​ങ്ങ​ളോ​ടു വിലമ​തി​പ്പു കാണി​ക്കാൻ പരാജ​യ​പ്പെ​ടു​ന്നു എന്നതാണ്‌ ഈ ദമ്പതി​മാ​രു​ടെ പ്രധാ​ന​പ്ര​ശ്‌നം.”

നിങ്ങൾക്കും ഇണയ്‌ക്കും ഈ ചതിക്കു​ഴി എങ്ങനെ ഒഴിവാ​ക്കാം?

നിങ്ങൾ അറിഞ്ഞി​രി​ക്കേ​ണ്ടത്‌

വിവാ​ഹ​ത്തി​ലെ സമ്മർദങ്ങൾ ലഘൂക​രി​ക്കാൻ വിലമ​തി​പ്പി​ന്റെ പ്രകട​ന​ങ്ങൾക്കാ​കും. ഒരു ഭർത്താ​വും ഭാര്യ​യും അവർക്കി​ട​യി​ലുള്ള നല്ല ഗുണങ്ങൾ ശ്രദ്ധി​ക്കു​ക​യും അത്‌ എടുത്തു​പ​റ​യാൻ ബോധ​പൂർവം ഒരു ശ്രമം നടത്തു​ക​യും ചെയ്യു​മ്പോൾ അവരുടെ ബന്ധം മെച്ച​പ്പെ​ടു​ന്നു. ദമ്പതികൾ പരസ്‌പരം വിലമ​തി​പ്പോ​ടെ ഇടപെ​ടു​ന്നെ​ങ്കിൽ കടുത്ത സമ്മർദം​പോ​ലും ലഘൂക​രി​ക്കാ​നാ​കും.

ഭാര്യ​മാർക്ക്‌. “പുരു​ഷ​ന്മാർ കുടും​ബത്തെ പോറ്റാൻ നടത്തുന്ന വലിയ ശ്രമത്തെ പല സ്‌ത്രീ​ക​ളും വിലകു​റ​ച്ചു​കാ​ണു​ന്ന​താ​യി” മുമ്പു പരാമർശിച്ച വൈകാ​രിക അവിശ്വ​സ്‌തത എന്ന പുസ്‌തകം പറയുന്നു. കുടും​ബ​ത്തി​ലെ രണ്ട്‌ അംഗങ്ങ​ളും ജോലിക്ക്‌ പോകുന്ന ചില സമൂഹ​ങ്ങ​ളി​ലും ഈ സമ്മർദം ദൃശ്യ​മാണ്‌.

ഭർത്താ​ക്ക​ന്മാർക്ക്‌. ജോലി ചെയ്‌തു​കൊ​ണ്ടും കുട്ടി​കളെ വളർത്തി​ക്കൊ​ണ്ടും വീട്ടു​ജോ​ലി​കൾ ചെയ്‌തു​കൊ​ണ്ടും കുടും​ബത്തെ പിന്തു​ണ​യ്‌ക്കുന്ന ഭാര്യ​മാ​രു​ടെ കഠിനാ​ധ്വാ​നത്തെ പുരു​ഷ​ന്മാർ മിക്ക​പ്പോ​ഴും നിസ്സാ​ര​മാ​യാണ്‌ കാണു​ന്നത്‌. വിവാഹം കഴിഞ്ഞ്‌ മൂന്ന്‌ വർഷം ആയ ഫയോണa പറയുന്നു: “നമ്മൾ എല്ലാവ​രും തെറ്റു ചെയ്യു​ന്ന​വ​രാണ്‌. എന്നാൽ എന്റെ ഭാഗത്തു​നിന്ന്‌ എന്തെങ്കി​ലും ഒരു വീഴ്‌ച വന്നാൽ അത്‌ എനിക്ക്‌ ഒട്ടും സഹിക്കാ​നാ​വില്ല. അങ്ങനെ വിഷമി​ച്ചി​രി​ക്കു​മ്പോ​ഴാ​യി​രി​ക്കും ഞാൻ വീട്ടിൽ ചെയ്‌ത ജോലി​ക​ളെ​ക്കു​റിച്ച്‌ ഭർത്താവ്‌ പ്രശം​സി​ച്ചു​പ​റ​യു​ന്നത്‌. കുറവു​ക​ളു​ണ്ടെ​ങ്കി​ലും ഭർത്താവ്‌ ഇപ്പോ​ഴും എന്നെ സ്‌നേ​ഹി​ക്കു​ന്നു​ണ്ടെ​ന്നും അദ്ദേഹ​ത്തി​ന്റെ പിന്തുണ എപ്പോ​ഴു​മു​ണ്ടെ​ന്നും അറിയു​ന്നത്‌ എന്നെ ഒരുപാ​ടു സന്തോ​ഷി​പ്പി​ക്കു​ന്നു.”

ഇണ ചെയ്യേണ്ട ഉത്തരവാ​ദി​ത്വ​ങ്ങ​ളിൽപ്പെ​ട്ട​താണ്‌ ഇതെല്ലാം എന്ന രീതി​യി​ലാണ്‌ കാര്യ​ങ്ങളെ വീക്ഷി​ക്കു​ന്ന​തെ​ങ്കിൽ അത്‌ വിവാ​ഹ​ത്തി​ന്റെ ഐക്യ​ത്തി​നു​തന്നെ ഭീഷണി​യാ​യേ​ക്കും. “ഇണയിൽനിന്ന്‌ അഭിന​ന്ദ​ന​മൊ​ന്നും ലഭിക്കു​ന്നി​ല്ലെ​ങ്കിൽ അങ്ങനെ അഭിന​ന്ദി​ക്കുന്ന മറ്റൊ​രാ​ളോട്‌ ആകർഷണം തോന്നാൻ ഇടയുണ്ട്‌” എന്ന്‌ വലേറി എന്ന വീട്ടു​കാ​രി അഭി​പ്രാ​യ​പ്പെ​ടു​ന്നു.

നിങ്ങൾക്കു ചെയ്യാ​നാ​കു​ന്നത്‌

നന്നായി നിരീ​ക്ഷി​ക്കുക. വരും ആഴ്‌ച​ക​ളിൽ ഇണയുടെ നല്ല ഗുണങ്ങൾ ഓരോ​ന്നും പ്രത്യേ​കം ശ്രദ്ധി​ക്കുക. ഇണയുടെ ഉത്തരവാ​ദി​ത്വ​ങ്ങ​ളാ​ണെന്നു വിചാ​രി​ച്ചു​കൊണ്ട്‌ ഇത്രയും​നാൾ ശ്രദ്ധി​ക്കാ​തി​രുന്ന കാര്യങ്ങൾ ഉൾപ്പെടെ, വീട്ടു​കാ​ര്യ​ങ്ങൾ സുഗമ​മാ​യി മുന്നോ​ട്ടു കൊണ്ടു​പോ​കാൻ അവർ ചെയ്യുന്ന എല്ലാ കാര്യ​ങ്ങ​ളും നിരീ​ക്ഷി​ക്കുക. എന്നിട്ട്‌, ആഴ്‌ച​യു​ടെ അവസാനം പിൻവ​രുന്ന പ്രകാരം ഒരു ലിസ്റ്റ്‌ ഉണ്ടാക്കുക. (1) നിങ്ങളു​ടെ ഇണയിൽ നിങ്ങൾ വിലമ​തിച്ച നല്ല ഗുണങ്ങൾ, (2) നിങ്ങളു​ടെ കുടും​ബ​ത്തി​ന്റെ ക്ഷേമം മുന്നിൽക്കണ്ട്‌ ഇണ ചെയ്‌ത നല്ല കാര്യങ്ങൾ.—ബൈബിൾത​ത്ത്വം: ഫിലി​പ്പി​യർ 4:8.

നിരീ​ക്ഷ​ണം പ്രധാ​ന​മാ​ണെന്നു പറയു​ന്നത്‌ എന്തു​കൊണ്ട്‌? എറിക്ക എന്ന ഒരു കുടും​ബി​നി പറയു​ന്നത്‌ ഇങ്ങനെ​യാണ്‌: “വിവാ​ഹ​ത്തി​ന്റെ ചൂട്‌ ഒന്ന്‌ ആറി കഴിയു​മ്പോ​ഴേ​ക്കും ഇണ ചെയ്യുന്ന നല്ലനല്ല കാര്യ​ങ്ങ​ളോ​ടുള്ള വിലമ​തി​പ്പു പതു​ക്കെ​പ്പ​തു​ക്കെ കുറഞ്ഞു​തു​ട​ങ്ങും. പിന്നീടങ്ങോട്ട്‌ ഇണ ചെയ്യുന്ന നല്ല കാര്യങ്ങൾ ശ്രദ്ധി​ക്കു​ന്ന​തി​നു പകരം എന്തു ചെയ്യു​ന്നില്ല എന്ന കാര്യ​ത്തി​ലാ​യി​രി​ക്കും നിങ്ങളു​ടെ മുഴു​ശ്ര​ദ്ധ​യും.”

നിങ്ങ​ളോ​ടു​ത​ന്നെ ചോദി​ക്കുക: ‘ഇണ ചെയ്യുന്ന കാര്യ​ങ്ങ​ളെ​ല്ലാം അവൾ ചെയ്യേ​ണ്ട​താണ്‌ എന്ന രീതി​യി​ലാ​ണോ ഞാൻ കാണു​ന്നത്‌?’ ഉദാഹ​ര​ണ​ത്തിന്‌, കുട്ടി​കളെ വളർത്തി​ക്കൊ​ണ്ടു​വ​രു​ന്ന​തി​നാ​യി ഭാര്യ ചെയ്യുന്ന ശ്രമങ്ങൾ അവൾ ചെയ്യേ​ണ്ട​താ​ണെന്നു ചിന്തി​ച്ചു​കൊണ്ട്‌ അവളെ അഭിന​ന്ദി​ക്കേണ്ട ആവശ്യ​മി​ല്ലെന്ന്‌ വിചാ​രി​ക്കു​ന്നു​ണ്ടോ? ഇനി നിങ്ങൾ ഒരു ഭാര്യ​യാ​ണെ​ന്നി​രി​ക്കട്ടെ. വീടി​നോ​ടു ബന്ധപ്പെട്ട ചില അല്ലറചി​ല്ലറ പണികൾ നിങ്ങളു​ടെ ഭർത്താവ്‌ ചെയ്യു​ന്നെ​ങ്കിൽ അത്‌ അദ്ദേഹ​ത്തി​ന്റെ കടമയാണ്‌ എന്നു ചിന്തി​ച്ചു​കൊണ്ട്‌ നിങ്ങൾ അദ്ദേഹ​ത്തോട്‌ നന്ദി പറയാ​തി​രി​ക്കു​ന്നു​ണ്ടോ? അതു​കൊണ്ട്‌ കുടും​ബ​ജീ​വി​തം വിജയിക്കാൻ നിങ്ങളുടെ ഇണ ചെയ്യുന്ന ചെറു​തും വലുതും ആയ എല്ലാ പ്രയത്‌ന​ങ്ങ​ളും ശ്രദ്ധി​ക്കു​ക​യും വിലമ​തി​ക്കു​ക​യും ചെയ്യുക എന്നത്‌ നിങ്ങളു​ടെ ലക്ഷ്യമാ​ക്കുക.—ബൈബിൾത​ത്ത്വം: റോമർ 12:10.

പിശുക്കു കാട്ടാതെ അഭിന​ന്ദി​ക്കുക. കേവലം നന്ദിയു​ള്ളവർ ആയിരി​ക്കാ​നല്ല, പകരം ‘നന്ദിയു​ള്ള​വ​രാ​ണെന്നു കാണി​ക്കാൻ’ ബൈബിൾ ആവശ്യ​പ്പെ​ടു​ന്നു. (കൊ​ലോ​സ്യർ 3:15) അതു​കൊണ്ട്‌ നിങ്ങളു​ടെ ഇണയോട്‌ നന്ദി പറയുന്ന ഒരു ശീലം നട്ടുവ​ളർത്തുക. ഭർത്താ​വായ ജെയിംസ്‌ പറയുന്നു “ഞാൻ ചെയ്യുന്ന കാര്യ​ങ്ങ​ളോട്‌ ഭാര്യ വിലമ​തിപ്പ്‌ പ്രകടി​പ്പി​ക്കു​മ്പോൾ ഒരു മെച്ചപ്പെട്ട ഭർത്താ​വാ​കാ​നും വിവാ​ഹ​ബന്ധം ശക്തമാ​ക്കാ​നും ആയി പ്രയത്‌നി​ക്കാൻ അത്‌ എന്നെ പ്രോ​ത്സാ​ഹി​പ്പി​ക്കു​ന്നു.”— ബൈബിൾത​ത്ത്വം: കൊ​ലോ​സ്യർ 4:6.

പരസ്‌പ​രം വിലമ​തി​പ്പു കാണി​ക്കാൻ ശ്രമി​ക്കുന്ന ഭർത്താ​ക്ക​ന്മാ​രും ഭാര്യ​മാ​രും തങ്ങളുടെ ബന്ധം കരുത്തു​റ്റ​താ​ക്കു​ക​യാണ്‌ ചെയ്യു​ന്നത്‌. “ഈയൊ​രു കാര്യ​ത്തിന്‌ പല ഇണകളും പ്രാധാ​ന്യം നൽകി​യി​രു​ന്നെ​ങ്കിൽ പല വിവാ​ഹ​ബ​ന്ധ​ങ്ങ​ളും തകരി​ല്ലാ​യി​രു​ന്നെന്ന്‌ എനിക്ക്‌ ഉറപ്പാണ്‌. പ്രശ്‌നങ്ങൾ തലപൊ​ക്കു​മ്പോൾ വിവാ​ഹ​ബന്ധം അവസാ​നി​പ്പി​ക്കാ​നുള്ള സാധ്യത നന്നേ കുറവാ​യി​രി​ക്കും. കാരണം, അനുദി​നം അവർ ഇരുവ​രും ചെയ്‌തു​പോ​രുന്ന ഓരോ നല്ലനല്ല കാര്യ​ങ്ങ​ളെ​യും അവർ പതിവാ​യി ഓർമി​പ്പി​ച്ചു​കൊ​ണ്ടാ​ണി​രി​ക്കു​ന്നത്‌” എന്ന്‌ ഭർത്താ​വായ മൈക്കിൾ പറയുന്നു.