പാഠം 22

ഫലപ്ര​ദ​മായ മുഖവു​ര​കൾ

1-3. ഒരു പ്രസം​ഗ​ത്തി​ന്റെ മുഖവു​ര​യിൽ എന്തു മുഖേന നിങ്ങൾക്കു വിഷയ​ത്തിൽ താത്‌പ​ര്യം ജനിപ്പി​ക്കാൻ കഴിയും?

¹ താത്‌പ​ര്യം ജനിപ്പി​ക്കു​ന്നത്‌. ഒരു പ്രസം​ഗ​ത്തി​ന്റെ മുഖവുര വിഷയ​ത്തിൽ താത്‌പ​ര്യം ജനിപ്പി​ക്കണം. അതു നിങ്ങളു​ടെ സദസ്സിന്റെ താത്‌പ​ര്യം പിടി​ച്ചെ​ടു​ക്കു​ക​യും തുടർന്നു​പ​റ​യുന്ന കാര്യ​ങ്ങൾക്ക്‌ അനുകൂല പരിഗണന കൊടു​ക്കാൻ അവരെ ഒരുക്കു​ക​യും ചെയ്യേ​ണ്ട​താണ്‌. ഇതു സാധി​ക്കു​ന്ന​തിന്‌, നിങ്ങളു​ടെ വിഷയ​ത്തി​ന്റെ മൂല്യം സദസ്സിനു കാണി​ച്ചു​കൊ​ടു​ക്കേ​ണ്ട​താ​വ​ശ്യ​മാണ്‌.

² ഒരു പ്രസം​ഗ​ത്തിൽ താത്‌പ​ര്യം ജനിപ്പി​ക്കു​ന്ന​തി​നു​ളള ഏററവും നല്ല മാർഗ​ങ്ങ​ളി​ലൊ​ന്നു നിങ്ങളു​ടെ സദസ്സിനെ ഉൾപ്പെ​ടു​ത്തു​ക​യാണ്‌. ഈ വിവരങ്ങൾ അവർക്കു മർമ​പ്ര​ധാ​ന​മാ​ണെന്ന്‌, അത്‌ അവരുടെ ജീവനെ ബാധി​ക്കു​ന്നു​വെന്ന്‌, അവർ തിരി​ച്ച​റി​യട്ടെ. അങ്ങനെ ചെയ്യു​മ്പോൾ നിങ്ങൾ സദസ്സിന്റെ തലത്തിൽ തുടങ്ങണം. അതിന്റെ അർഥം, നിങ്ങൾ പറയു​ന്നതു കേൾക്കു​ന്ന​വ​രു​ടെ പൊതു അറിവിൽ പെട്ടതാ​യി​രി​ക്കണം എന്നാണ്‌. അത്‌ ഒരു ദൃഷ്ടാ​ന്ത​മോ ഒരു പ്രശ്‌ന​മോ ഒരു ചോദ്യ​പ​ര​മ്പ​ര​യോ ആയിരി​ക്കാം. എന്നാൽ അതു നിങ്ങളു​ടെ സദസ്സിനു മനസ്സി​ലാ​ക്കാ​നും അവർക്കു​തന്നെ ബാധക​മാ​ക്കാ​നും കഴിയ​ത്ത​ക്ക​വണ്ണം എല്ലായ്‌പോ​ഴും അവർക്കു പരിചി​ത​മായ എന്തെങ്കി​ലും ആയിരി​ക്കണം.

³ ചില സന്ദർഭ​ങ്ങ​ളിൽ, നിങ്ങളു​ടെ മുഖവു​ര​യിൽ മുൻവി​ധി​യെ തരണം​ചെ​യ്യേ​ണ്ട​താ​വ​ശ്യ​മാ​യി​രി​ക്കാം. ചർച്ച​ചെ​യ്യുന്ന വിഷയം അത്യന്തം വിവാ​ദാ​ത്മ​ക​മാ​ണെ​ങ്കിൽ, ഇതു വിശേ​ഷാൽ സത്യമാ​യി​രി​ക്കാം. അങ്ങനെ​യു​ളള സന്ദർഭ​ങ്ങ​ളിൽ, നിങ്ങളു​ടെ പോയിൻറി​നെ സ്ഥാപി​ക്കുന്ന വാദങ്ങൾ ഫലകര​മാ​യി അവതരി​പ്പി​ക്കാൻ കഴിയു​ന്ന​തു​വരെ നിങ്ങളു​ടെ സദസ്സിന്റെ താത്‌പ​ര്യം പിടി​ച്ചു​നിർത്തു​ന്ന​തി​നു നിങ്ങളു​ടെ മുഖവുര മർമ​പ്ര​ധാ​ന​മാണ്‌. വീടു​തോ​റു​മു​ളള ശുശ്രൂ​ഷ​യിൽ സ്ഥിരമായ ഒരു തടസ്സവാ​ദം, നയപൂർവം അത്‌ ആദ്യം​തന്നെ പറഞ്ഞു​കൊ​ണ്ടും അനന്തരം ചർച്ച​ചെ​യ്യാൻ നിങ്ങൾ ആഗ്രഹി​ക്കുന്ന വിവരങ്ങൾ പറഞ്ഞു​കൊ​ണ്ടും തരണം​ചെ​യ്യുക മിക്ക​പ്പോ​ഴും സാധ്യ​മാണ്‌.

4-6. വേറെ ഏതു ഘടകങ്ങൾ താത്‌പ​ര്യം ഉണർത്താൻ നമ്മുടെ മുഖവു​ര​കളെ സഹായി​ക്കും?

⁴ നിങ്ങൾ എന്തു പറയുന്നു എന്നത്‌ എല്ലായ്‌പോ​ഴും പ്രഥമ പ്രാധാ​ന്യ​മു​ള​ള​താണ്‌. എന്നാൽ നിങ്ങളു​ടെ മുഖവു​ര​യി​ലൂ​ടെ താത്‌പ​ര്യ​മു​ണർത്തു​ന്ന​തിന്‌, നിങ്ങൾ അത്‌ എങ്ങനെ പറയു​ന്നു​വെ​ന്നതു മിക്കവാ​റും പ്രസം​ഗ​ത്തി​ന്റെ മററ്‌ ഏതു ഭാഗ​ത്തെ​ക്കാ​ളും കൂടുതൽ പ്രധാ​ന​മാണ്‌. ഈ കാരണ​ത്താൽ നിങ്ങൾ എന്തു പറയാൻ പോകു​ന്നു​വെ​ന്ന​തു​സം​ബ​ന്ധി​ച്ചു മാത്രമല്ല, നിങ്ങൾ അത്‌ അവതരി​പ്പി​ക്കാ​നു​ദ്ദേ​ശി​ക്കുന്ന രീതി സംബന്ധി​ച്ചും നിങ്ങളു​ടെ മുഖവു​രക്കു മുൻകൂ​ട്ടി​യു​ളള ശ്രദ്ധാ​പൂർവ​ക​മായ തയ്യാറാ​കൽ ആവശ്യ​മാണ്‌.

⁵ സാധാ​ര​ണ​യാ​യി, മുഖവു​ര​യിൽ ഹ്രസ്വ​മായ, ലളിത​മായ, വാചകങ്ങൾ ഏററവും നന്നായി നിങ്ങളു​ടെ ഉദ്ദേശ്യം സാധി​ക്കും. മുഖവു​രക്കു ലഭ്യമായ ഹ്രസ്വ​മായ സമയത്തു നിങ്ങളു​ടെ ലക്ഷ്യം നിറ​വേ​റ​റു​ന്ന​തി​നു പദ തിര​ഞ്ഞെ​ടു​പ്പു വളരെ മർമ​പ്ര​ധാ​ന​മാ​ക​യാൽ ആദ്യത്തെ രണ്ടോ മൂന്നോ വാചകങ്ങൾ വളരെ ശ്രദ്ധാ​പൂർവം തയ്യാറാ​കു​ന്നതു പ്രയോ​ജ​ന​ക​ര​മാ​ണെന്നു നിങ്ങൾ കണ്ടെത്തി​യേ​ക്കാം. നിങ്ങൾക്കു വായി​ക്കാൻ കഴിയ​ത്ത​ക്ക​വണ്ണം അവ നിങ്ങളു​ടെ നോട്ടിൽ എഴുതി​യി​ടുക അല്ലെങ്കിൽ നിങ്ങളു​ടെ പ്രാരം​ഭ​വാ​ക്കു​കൾക്ക്‌ അർഹത​യു​ള​ള​തും ആവശ്യ​മു​ള​ള​തു​മായ സകല പ്രേര​ക​ശ​ക്തി​യും ഉണ്ടായി​രി​ക്കാൻത​ക്ക​വണ്ണം അവ മനഃപാ​ഠ​മാ​ക്കുക. മാത്ര​വു​മല്ല, തുടക്ക​ത്തിൽ അതു നിങ്ങൾക്കു കൂടുതൽ ആത്മ​ധൈ​ര്യ​വും വാചാ​പ്ര​സം​ഗ​രീ​തി​യിൽ തുടരു​ന്ന​തി​നു വേണ്ടത്ര മനഃസാ​ന്നി​ധ്യം നേടാ​നു​ളള ഒരു അവസര​വും നൽകും.

⁶ നിങ്ങളു​ടെ മുഖവു​ര​യു​ടെ അവതര​ണം​സം​ബ​ന്ധിച്ച്‌ ഏതാനും വാക്കു​കൾകൂ​ടെ പറയട്ടെ, നിങ്ങളു​ടെ ഉപദേ​ശകൻ ഈ പ്രസം​ഗ​ഗു​ണ​ത്തോ​ടു​ളള ബന്ധത്തിൽ ഈ പോയിൻറിൽ തത്‌പ​ര​നാ​യി​രി​ക്കു​ക​യി​ല്ലെ​ങ്കി​ലും. നിങ്ങൾക്കു ഭയം തോന്നു​ന്നു​വെ​ങ്കിൽ വേഗത കുറയ്‌ക്കു​ക​യും കീഴ്‌സ്ഥാ​യി​യി​ലു​ളള ഒരു ശബ്ദത്തിൽ സംസാ​രി​ക്കു​ക​യും ചെയ്യുക. ആത്മ​ധൈ​ര്യ​ത്തോ​ടെ സംസാ​രി​ക്കുക, എന്നാൽ നിർബ​ന്ധ​ബു​ദ്ധി കാട്ടു​ന്നു​വെന്ന ഏതു ധാരണ​യും ഒഴിവാ​ക്കുക. അങ്ങനെ​യു​ളള ഭാവം നിങ്ങളു​ടെ സദസ്സിന്‌ ആരംഭ​ത്തിൽതന്നെ വിരക്തി​യു​ണ്ടാ​ക്കി​യേ​ക്കാം.

7. നിങ്ങളു​ടെ മുഖവുര എപ്പോ​ഴാ​ണു തയ്യാറാ​ക്കേ​ണ്ടത്‌?

⁷ ഒരു പ്രസം​ഗ​ത്തി​ന്റെ മുഖവു​ര​യാണ്‌ ആദ്യം അവതരി​പ്പി​ക്കു​ന്ന​തെ​ങ്കി​ലും സാധാ​ര​ണ​യാ​യി പ്രസം​ഗ​ത്തി​ന്റെ ഉടൽ നന്നായി സംവി​ധാ​നം​ചെ​യ്‌ത​ശേ​ഷ​മാണ്‌ അത്‌ ഏററവും ഫലകര​മാ​യി തയ്യാറാ​ക്കു​ന്നത്‌. ഇതു നിങ്ങൾ തയ്യാറാ​ക്കി​യി​രി​ക്കുന്ന വിവരങ്ങൾ ഉചിത​മാ​യി അവതരി​പ്പി​ക്കു​ന്ന​തിന്‌ എന്തു പറയു​ന്ന​താണ്‌ ഏററവും നല്ലതെന്ന്‌ അറിയാൻ നിങ്ങളെ അനുവ​ദി​ക്കും.

**********

8-10. നമുക്കു നമ്മുടെ മുഖവു​ര​കളെ വിഷയ​ത്തി​നു ചേരു​ന്ന​താ​ക്കാൻ എങ്ങനെ കഴിയും?

⁸ വിഷയ​ത്തി​നു ചേരു​ന്നത്‌. നിങ്ങളു​ടെ മുഖവുര പ്രതി​പാ​ദ്യ​ത്തി​നു ചേരു​ന്ന​താ​ണെ​ങ്കിൽ മാത്രമേ അതു വിഷയ​ത്തി​ലേക്കു ഫലകര​മാ​യി നയിക്കു​ക​യു​ളളു. നിങ്ങളു​ടെ പ്രസം​ഗ​ത്തി​ന്റെ ഉദ്ദേശ്യ​ത്തി​നു സംഭാ​വ​ന​ചെ​യ്യു​ന്ന​തു​മാ​ത്രം മുഖവു​ര​യിൽ ഉപയോ​ഗി​ക്കാൻ വലിയ ശ്രദ്ധ പാലി​ക്കണം. തീർച്ച​യാ​യും അതു രാജ്യ​സ​ന്ദേ​ശ​ത്തി​ന്റെ മാന്യ​ത​യ്‌ക്ക​നു​സൃ​ത​വും സദസ്സിൽ അപരി​ചി​ത​രാ​യി​രി​ക്കാ​വു​ന്ന​വരെ മുഷി​പ്പി​ക്കാൻ ഉദ്ദേശ്യ​മി​ല്ലാ​ത്ത​തു​മാ​യി​രി​ക്കണം.

⁹ നിങ്ങളു​ടെ മുഖവുര നിങ്ങളു​ടെ ചർച്ചയു​ടെ വിഷയ​ത്തി​ലേക്കു നയിക്ക​ണ​മെന്നു മാത്രമല്ല, നിങ്ങൾ കൈകാ​ര്യം​ചെ​യ്യാൻപോ​കുന്ന വിവര​ങ്ങ​ളു​ടെ പ്രത്യേക വശത്തെ വ്യക്തമാ​യി അവതരി​പ്പി​ക്കു​ക​യും വേണം. അതിന്റെ അർഥം, നിങ്ങളു​ടെ വിഷയം ഒരു പ്രത്യേക പ്രതി​പാ​ദ്യ​ത്തിൽ പരിമി​ത​പ്പെ​ടു​ത്തു​ക​യും അനന്തരം പ്രാ​യോ​ഗി​ക​മാ​യി​രി​ക്കു​ന്ന​ട​ത്തോ​ളം ഏതെങ്കി​ലും വിധത്തിൽ ആ പ്രതി​പാ​ദ്യ​ത്തെ നിങ്ങളു​ടെ മുഖവു​ര​യിൽ തിരി​ച്ച​റി​യി​ക്കു​ക​യും ചെയ്യുക എന്നാണ്‌. നിങ്ങൾ പ്രതി​പാ​ദ്യ​വി​ഷയം പ്രത്യേ​ക​മാ​യി പ്രസ്‌താ​വി​ക്കു​ന്നി​ല്ലെ​ങ്കിൽ, നിങ്ങൾക്കു ചില സന്ദർഭ​ങ്ങ​ളിൽ ഏതെങ്കി​ലും വിധത്തിൽ മുഖ്യ​പ​ദങ്ങൾ അല്ലെങ്കിൽ പ്രതി​പാ​ദ്യ​വി​ഷ​യ​പ​ദങ്ങൾ മുഖവു​ര​യിൽ ഉപയോ​ഗി​ക്കാ​വു​ന്ന​താണ്‌. ഈ വിധത്തി​ലാ​ണെ​ങ്കിൽ നിങ്ങളു​ടെ പ്രസം​ഗ​ത്തി​ന്റെ തലക്കെട്ടു സൂചി​പ്പി​ച്ചേ​ക്കാ​വുന്ന വിഷയ​ത്തി​ന്റെ മറേറ​തെ​ങ്കി​ലും വശങ്ങൾ നിങ്ങൾ കൈകാ​ര്യം​ചെ​യ്യാൻ നിങ്ങളു​ടെ സദസ്സു പ്രതീ​ക്ഷി​ക്കു​ക​യില്ല.

¹⁰ സകല പ്രസം​ഗ​ങ്ങ​ളും ഒന്നിൽ തുടങ്ങി മറെറാ​ന്നിൽ അവസാ​നി​ക്കാ​തെ ഒരു ഏകീകൃത വിഷയം ആയിരി​ക്കണം. കൂടാതെ, മുഖവുര വിഷയ​ത്തി​നു ചേരു​ന്നത്‌ എന്ന ഈ സംഗതി മുഖവുര താത്‌പ​ര്യം ജനിപ്പി​ക്കു​ന്ന​താ​ക്കു​ന്ന​തു​മാ​യി സമനി​ല​യി​ലാ​ക്കണം. മററു വാക്കു​ക​ളിൽ പറഞ്ഞാൽ, തുടക്ക​ത്തി​ലെ ഒരു നല്ല കഥയ്‌ക്കു​വേ​ണ്ടി​മാ​ത്രം വിഷയ​പ്ര​തി​പാ​ദ്യ​ത്തെ ബലി​ചെ​യ്യ​രുത്‌. പ്രസം​ഗ​ത്തി​ന്റെ ഉദ്ദേശ്യം വിവര​ങ്ങ​ളു​ടെ തിര​ഞ്ഞെ​ടു​പ്പി​നെ ഭരിക്കണം. അതു പ്രസം​ഗ​ത്തി​ന്റെ ഉടലിനു യോജി​ക്കു​ന്ന​തും പരസ്‌പ​ര​ബ​ന്ധ​മു​ള​ള​തും ആയിരി​ക്കണം.

**********

11-14. മുഖവുര അനു​യോ​ജ്യ​മായ ദൈർഘ്യ​മു​ള​ള​താ​ണോ​യെന്നു നമുക്ക്‌ ഏതു വിധത്തിൽ നിർണ​യി​ക്കാൻ കഴിയും?

¹¹ അനു​യോ​ജ്യ​ദൈർഘ്യം. ഒരു മുഖവുര എത്ര ദീർഘ​മാ​യി​രി​ക്കണം? എല്ലാ സാഹച​ര്യ​ങ്ങൾക്കും യോജി​ക്കുന്ന ഒരു നിഷ്‌കൃഷ്ട ഉത്തരം ഇല്ല. മുഖവു​ര​യു​ടെ ദൈർഘ്യം വിഷയ​ത്തി​നു​തന്നെ അനുവ​ദി​ച്ചി​രി​ക്കുന്ന സമയ​ത്തെ​യും പ്രസം​ഗ​ത്തി​ന്റെ ഉദ്ദേശ്യ​ത്തെ​യും ഉൾപ്പെ​ട്ടി​രി​ക്കുന്ന സദസ്സി​നെ​യും സമാന​മായ അനേകം പരിഗ​ണ​ന​ക​ളെ​യും ആശ്രയി​ച്ചി​രി​ക്കു​ന്നു.

¹² യഥാർഥ​ത്തിൽ, ഒരു പ്രസംഗം ശ്രദ്ധി​ക്കു​മ്പോൾ, പൂർവാ​പ​ര​ബ​ന്ധൈ​ക്യ​ത്തി​നു​വേണ്ടി മുഖവു​ര​യും ഉടലും തമ്മിൽ വ്യക്തമാ​യി നിർവ​ചി​ക്കുന്ന ഒരു വിഭജനം ഉണ്ടാക്കുക പ്രയാ​സ​മാ​യി​രി​ക്കണം. നിങ്ങളു​ടെ പ്രസംഗ ഗുണ​ദോ​ഷ​ച്ചീ​ട്ടിൽ ഈ ഗുണം കൈകാ​ര്യം ചെയ്യു​ന്ന​തിൽ നിങ്ങളു​ടെ ഉപദേ​ശ​കനു നേരി​ടുന്ന പ്രശ്‌നം ഇതാണ്‌. എല്ലാ വിദ്യാർഥി​ക​ളും തങ്ങളുടെ പ്രസം​ഗ​ത്തിൽ എന്തെങ്കി​ലും ആമുഖ​പ്ര​സ്‌താ​വ​നകൾ ഉപയോ​ഗി​ക്കു​ന്നു, എന്നാൽ ഉപദേ​ശ​കനു താത്‌പ​ര്യം ഇതിലാ​യി​രി​ക്കും: അവതരി​പ്പി​ക്കാ​നു​ളള മുഖ്യ​വാ​ദ​ങ്ങ​ളി​ലേക്കു നിങ്ങൾ കടക്കു​ന്ന​തി​നു മുമ്പു നിങ്ങളു​ടെ സദസ്സ്‌ അസ്വസ്ഥ​മാ​ക​ത്ത​ക്ക​വണ്ണം മുഖവുര കാടു​ക​യ​റു​ന്ന​തും വളരെ വിശദാം​ശ​ങ്ങ​ളോ​ടു​കൂ​ടി​യ​തും വളരെ ദീർഘ​വു​മാ​ണോ?

¹³ ഒരു മുഖവുര താത്‌പ​ര്യ​മു​ണർത്തുന്ന ഗുണങ്ങൾ ബലി​ചെ​യ്യാ​തെ സുനി​ശ്ചി​ത​വും ക്രമീ​കൃ​ത​വും സത്വര​വു​മായ ആശയാ​നു​ക്ര​മ​ത്തിൽ വിഷയ​ത്തി​ലേക്കു കടക്കണം. അതു വിടവു​ക​ളി​ല്ലാ​തെ പൂർണ​മാ​യി​രി​ക്കണം. ഇതിനു ശ്രദ്ധാ​പൂർവ​ക​മായ ചിന്ത ആവശ്യ​മാണ്‌, എന്തു​കൊ​ണ്ടെ​ന്നാൽ ദീർഘ​വും സവിസ്‌ത​ര​വു​മായ വിശദീ​ക​ര​ണങ്ങൾ ആവശ്യ​മാ​യി​രി​ക്ക​ത്ത​ക്ക​വണ്ണം നിങ്ങളു​ടെ തുടക്കം വിഷയ​ത്തിൽനി​ന്നു വളരെ വിദൂ​ര​ത്തി​ലാ​ണെ​ങ്കിൽ അപ്പോൾ നിങ്ങളു​ടെ മുഖവുര പരിഷ്‌ക​രി​ക്കു​ക​യും ഒരുപക്ഷേ ഒരു പുതിയ ആരംഭ​സ്ഥാ​നം കണ്ടുപി​ടി​ക്കു​ക​യും ചെയ്യു​ന്നത്‌ ഏററവും നന്നായി​രി​ക്കും.

¹⁴ പ്രസം​ഗ​ത്തി​ന്റെ മുഖവു​ര​യും ഉടലും തമ്മിൽ ഗണ്യമായ ഒരു വിഭജനം കണ്ടെത്തുക പ്രയാ​സ​മാ​ണെ​ങ്കിൽ നിങ്ങളു​ടെ മുഖവു​രക്ക്‌ അനു​യോ​ജ്യ​മായ ദൈർഘ്യ​മു​ണ്ടാ​യി​രി​ക്കാ​നാ​ണു സാധ്യത. നിങ്ങളു​ടെ സദസ്സു യഥാർഥ​ത്തിൽ അറിയാ​തെ​തന്നെ നിങ്ങളു​ടെ വാദങ്ങൾ ശ്രദ്ധി​ക്ക​ത്ത​ക്ക​വണ്ണം നിങ്ങൾ അവരെ വിവര​ങ്ങ​ളി​ലേക്കു വളരെ നന്നായി ആനയി​ച്ചി​രി​ക്കു​ന്നു​വെന്ന്‌ അതു സൂചി​പ്പി​ക്കും. നേരേ​മ​റിച്ച്‌, നിങ്ങൾ എപ്പോ​ഴാ​ണു കാര്യ​ത്തി​ലേക്കു കടക്കാൻപോ​കു​ന്ന​തെന്ന്‌ അവർ സംശയി​ച്ചു​തു​ട​ങ്ങു​ക​യാ​ണെ​ങ്കിൽ അപ്പോൾ നിങ്ങളു​ടെ മുഖവുര വളരെ ദീർഘ​മാ​ണെന്നു തീർച്ച​പ്പെ​ടു​ത്താം. ഇതു മിക്ക​പ്പോ​ഴും വാതിൽതോ​റു​മു​ളള പ്രസം​ഗാ​വ​ത​ര​ണ​ങ്ങ​ളിൽ ഒരു ദൗർബ​ല്യ​മാണ്‌, അവിടെ മിക്ക​പ്പോ​ഴും വാതിൽതോ​റും നിങ്ങളു​ടെ മുഖവു​ര​ക​ളു​ടെ ദൈർഘ്യം വ്യത്യാ​സ​പ്പെ​ടു​ത്തേണ്ട ആവശ്യ​മു​ണ്ട​ല്ലോ.

15, 16. ഒരു പ്രസംഗം ഒരു സിം​പോ​സി​യ​ത്തി​ന്റെ ഭാഗമാ​യി​രി​ക്കു​മ്പോൾ അതിന്റെ മുഖവുര എത്ര ദീർഘ​മാ​യി​രി​ക്കണം?

¹⁵ നിങ്ങൾ പരിപാ​ടി​യി​ലെ ഏക പ്രസംഗം നടത്തു​മ്പോൾ, അല്ലെങ്കിൽ ഒരു വിദ്യാർഥി​പ്ര​സം​ഗം നടത്തു​മ്പോൾ, നിങ്ങളു​ടെ മുഖവുര മററവ​സ​ര​ങ്ങ​ളി​ലേ​തി​നെ​ക്കാൾ ദീർഘ​മാ​യി​രി​ക്കാ​വു​ന്ന​താണ്‌. എന്നാൽ നിങ്ങളു​ടെ പ്രസംഗം ഒരു സിം​പോ​സി​യ​ത്തി​ന്റെ ഭാഗമാ​ണെ​ങ്കിൽ, അല്ലെങ്കിൽ അത്‌ സേവന​യോ​ഗ​ത്തി​ലെ ഒരു ഭാഗമാ​ണെ​ങ്കിൽ, അപ്പോൾ നിങ്ങളു​ടെ മുഖവുര ചുരു​ങ്ങി​യ​തും കുറി​ക്കു​കൊ​ള​ളു​ന്ന​തു​മാ​യി​രി​ക്കാൻ കഴിയും, എന്തു​കൊ​ണ്ടെ​ന്നാൽ അതു മുഖവുര പറഞ്ഞു​ക​ഴിഞ്ഞ ഒരു മുഴു​വി​ഷ​യ​ത്തി​ന്റെ ഒരു ഭാഗമാണ്‌. ദീർഘിച്ച, സമ്മി​ശ്ര​മായ, മുഖവു​രകൾ അനാവ​ശ്യ​മാ​യി വളരെ​യ​ധി​കം സമയം കളയുന്നു. നിങ്ങൾക്ക്‌ അവതരി​പ്പി​ക്കാ​നു​ളള ആശയങ്ങൾ ധരിപ്പി​ക്കാ​നി​രി​ക്കു​ന്നതു പ്രസം​ഗ​ത്തി​ന്റെ ഉടലാണ്‌.

¹⁶ ചുരു​ക്ക​ത്തിൽ, നിങ്ങളു​ടെ മുഖവുര സമ്പർക്കം സ്ഥാപി​ക്കാ​നും താത്‌പ​ര്യം ഉണർത്താ​നും നിങ്ങൾ ചർച്ച​ചെ​യ്യാൻപോ​കുന്ന വിഷയ​ത്തി​ലേക്കു നയിക്കാ​നും മാത്ര​മാണ്‌. ഇത്‌, പ്രാ​യോ​ഗി​ക​മാ​യി​രി​ക്കു​ന്ന​ട​ത്തോ​ളം ചുറു​ക്കോ​ടെ ചെയ്യു​ക​യും അനന്തരം നിങ്ങളു​ടെ പ്രസം​ഗ​ത്തി​ന്റെ യഥാർഥ കഴമ്പി​ലേക്കു കടക്കു​ക​യും ചെയ്യുക.