അധ്യായം 2

നിങ്ങൾക്ക്‌ ഭാവി​യി​ലേക്ക്‌ ആത്മ​ധൈ​ര്യ​ത്തോ​ടെ നോക്കാൻ കഴിയു​ന്ന​തെ​ന്തു​കൊണ്ട്‌

1-4. ഒരുവൻ വിജയി​ക്കു​മോ ഇല്ലയോ എന്ന സംഗതി​യിൽ ആത്മവി​ശ്വാ​സ​ത്തിന്‌ എന്തു പങ്കാണു​ള​ളത്‌? എന്തു​കൊ​ണ്ടാണ്‌ അനേകം ആളുകൾക്കും ഭാവിയെ സംബന്ധിച്ച്‌ വലിയ പ്രതീക്ഷ ഇല്ലാത്തത്‌?

ഹൈജം​പിൽ ഒരു ബാറിനു മുകളി​ലൂ​ടെ​യോ അല്ലെങ്കിൽ ഒരു വേലി​യ്‌ക്കോ മതിലി​നോ മുകളി​ലൂ​ടെ​യോ ചാടാൻ നിങ്ങൾ എപ്പോ​ഴെ​ങ്കി​ലും ശ്രമി​ച്ചി​ട്ടു​ണ്ടോ? ഉയരം വളരെ കൂടു​ത​ല​ല്ലാ​തി​രി​ക്കു​ക​യും നിങ്ങൾക്കതു സാധി​ക്കും എന്ന്‌ ബോധ്യ​മു​ണ്ടാ​യി​രി​ക്കു​ക​യും ചെയ്‌ത​പ്പോൾ നിങ്ങൾ വിജയ​ക​ര​മാ​യി ആ ചാട്ടം നിർവ​ഹി​ച്ചു. എന്നാൽ അത്‌ സാദ്ധ്യമല്ല എന്നു വിചാ​രിച്ച്‌ നിങ്ങൾ ഭയപ്പെ​ട്ട​പ്പോൾ ഒരുപക്ഷേ നിങ്ങൾ ചാട്ടത്തിൽ പരാജ​യ​പ്പെട്ടു, അസുഖ​ക​ര​മായ അനന്തര​ഫ​ല​ങ്ങ​ളോ​ടെ തന്നെ.

² അനേക കാര്യ​ങ്ങളെ സംബന്ധി​ച്ചും ഇതാണ്‌ വസ്‌തുത. ഉദാഹ​ര​ണ​ത്തിന്‌ വെളള​ത്തി​ലി​റ​ങ്ങാൻ നിങ്ങൾക്ക്‌ ഭയമാ​ണെ​ങ്കിൽ നിങ്ങൾ ഒരിക്ക​ലും നീന്തു പഠിക്ക​യില്ല.

³ നിങ്ങളു​ടെ യൗവനത്തെ പരമാ​വധി ആസ്വദി​ക്കു​ന്നതു സംബന്ധി​ച്ചും അങ്ങനെ തന്നെ. ആത്മ​ധൈ​ര്യ​ത്തിന്‌ അതിൽ ഒരു വലിയ പങ്കു വഹിക്കാൻ കഴിയും. ഭാവി കൈവ​രു​ത്താ​നി​രി​ക്കു​ന്നതു സംബന്ധിച്ച്‌ ആത്മവി​ശ്വാ​സ​മി​ല്ലാ​തെ നിങ്ങൾക്ക്‌ യഥാർത്ഥ​ത്തിൽ സന്തുഷ്ട​രാ​യി​രി​ക്കാ​നോ ജീവി​ത​പ​ന്ഥാ​വിൽ നല്ല പുരോ​ഗതി നേടാ​നോ കഴിയു​ക​യില്ല. എന്നാൽ ഇന്ന്‌ നമ്മേ ആത്മവി​ശ്വാ​സ​മു​ള​ള​വ​രാ​ക്കാൻ തക്ക എന്താണു​ള​ളത്‌?

⁴ ആത്മവി​ശ്വാ​സ​മി​ല്ലാ​തി​രി​ക്കാ​നു​ളള കാരണ​ങ്ങ​ളെ​പ്പ​ററി ഏറെ​നേരം സംസാ​രി​ക്കാൻ നമുക്കു കഴി​ഞ്ഞേ​ക്കാം. നമ്മുടെ ഈ ഗ്രഹം, ഭൂമി, ഇന്ന്‌ കൂടുതൽ കൂടുതൽ മലിനീ​ക​രി​ക്ക​പ്പെ​ട്ടു​കൊ​ണ്ടി​രി​ക്കു​ന്നു, മൃഗസ​മ്പത്തു നശിപ്പി​ക്ക​പ്പെ​ടു​ന്നു, ഭക്ഷ്യദൗർല്ല​ഭ്യ​വും മററു ഗുരു​ത​ര​മായ പ്രശ്‌ന​ങ്ങ​ളു​മുണ്ട്‌. ഭാവി​യി​ലേക്കു നോക്കി​പ്പാർത്തി​രി​ക്കാൻ വില​പ്പെ​ട്ട​താ​യി എന്തെങ്കി​ലു​മു​ണ്ടോ എന്ന്‌ ഇത്തരം കാര്യങ്ങൾ നിങ്ങളെ ചിന്തി​പ്പി​ച്ചേ​ക്കാം. ഭൂമി​യു​ടെ വിഭവ​ശേഷി നശിപ്പി​ക്ക​പ്പെ​ടു​ന്ന​തി​നാൽ തങ്ങൾക്ക്‌ ഇനി വലിയ ഭാവി​യൊ​ന്നും ഇല്ല എന്നാണ്‌ ചില യുവജ​ന​ങ്ങൾക്ക്‌ തോന്നു​ന്നത്‌. പ്രത്യ​ക്ഷ​ത്തിൽ ഏതാണ്ട്‌ അങ്ങനെ​ത​ന്നെ​യാണ്‌. എന്നാൽ ഭാവി​യി​ലേക്ക്‌ ആത്മവി​ശ്വാ​സ​ത്തോ​ടെ നോക്കാൻ കാരണം നൽകു​ന്ന​തും ആളുകൾ സാധാ​ര​ണ​മാ​യി പരിഗ​ണി​ക്കാ​തെ വിട്ടു​ക​ള​യു​ന്ന​തു​മായ ധാരാളം വസ്‌തു​ത​ക​ളുണ്ട്‌. അവയിൽ ചിലത്‌ പരിഗ​ണി​ക്കുക.

നിങ്ങളു​ടെ ഭൂഗോള ഭവനം

5-8. ഭൂമി​യിൽ ജീവിതം സാദ്ധ്യ​മാ​ക്കി​ത്തീർക്കുന്ന ചില ഘടകങ്ങൾ ഏതെല്ലാം? ഈ അത്ഭുത​ക​ര​മായ സംവി​ധാ​നം എങ്ങനെ​യു​ണ്ടാ​യി?

⁵ നമ്മുടെ ഭൂമിയെ സംബന്ധിച്ച്‌ പലപ്പോ​ഴും നാം ഏറെ​യൊ​ന്നും ചിന്തി​ക്കാ​റില്ല. എന്നാൽ നാം ജനിച്ചു, നാം ജീവി​ക്കുന്ന ഈ ഭൂമി വാസ്‌ത​വ​ത്തിൽ അത്ഭുത​ക​ര​മായ ഒരു നിർമ്മി​തി തന്നെയാണ്‌. തൊണ്ണൂ​റ​റി​മൂ​ന്നു ദശലക്ഷം മൈൽ (ഏതാണ്ട്‌ 15,00,00,000 കി. മീ.) അകലത്തി​ലൂ​ടെ, കറങ്ങുന്ന ഒരു പന്തു​പോ​ലെ സൂര്യനെ ഭ്രമണം ചെയ്യു​ക​യിൽ ഭൂമി അനേക​കോ​ടി മൈൽ ബാഹ്യാ​കാ​ശ​ത്തു​കൂ​ടി സഞ്ചരി​ക്കു​ന്നു. ഭൂമി ഇന്നത്തേ​തിൽനിന്ന്‌ വ്യത്യ​സ്‌ത​മായ ഒരു സ്ഥാനത്താ​യി​രു​ന്നെ​ങ്കിൽ എന്തു സംഭവി​ക്കു​മാ​യി​രു​ന്നു? കൊള​ളാം, അതു സൂര്യ​നിൽനിന്ന്‌ പ്ലൂട്ടോ​യെ​യോ നെപ്‌റ​റ്യൂ​ണി​നെ​യോ പോലു​ളള അകലത്തി​ലാ​യി​രു​ന്നെ​ങ്കിൽ ജീവിതം അസാദ്ധ്യ​മാ​കു​മാറ്‌ അത്‌ ഒരു വലിയ മഞ്ഞുക​ട്ട​യാ​യി​രു​ന്നേനെ. മറിച്ച്‌ ശുക്ര​നെ​പ്പോ​ലെ ഇപ്പോ​ഴ​ത്തേ​തിൽ ഒരു മൂന്നി​ലൊ​ന്നു ദൂരം കൂടി സൂര്യ​നോട്‌ അടുത്താ​യി​രു​ന്നെ​ങ്കിൽ അതു അടുപ്പു​പോ​ലെ ചൂടു​ള​ള​താ​യി​രു​ന്നേനെ. നദിക​ളും തടാക​ങ്ങ​ളും തിളച്ചു മറിയു​മാ​യി​രു​ന്നു.

⁶ അല്ലെങ്കിൽ ഭൂമിക്ക്‌ സൂര്യ​നിൽ നിന്നുളള അകലം അനു​യോ​ജ്യ​മാ​യി​രു​ന്നാ​ലും ഇപ്പോ​ഴ​ത്തെ​പ്പോ​ലെ ഇരുപ​ത്തി​നാ​ലു മണിക്കൂ​റിൽ ഒരു പ്രാവ​ശ്യം അതിന്റെ അച്ചുത​ണ്ടിൻമേൽ കറങ്ങു​ന്നി​ല്ലാ​യി​രു​ന്നെ​ങ്കി​ലെന്ത്‌? ബുധ​നെ​പ്പോ​ലെ ഒരു വർഷം​കൊ​ണ്ടു​മാ​ത്രം ഒരു കറക്കം പൂർത്തി​യാ​ക്കി​യി​രു​ന്നെ​ങ്കി​ലോ? എങ്കിൽ ഭൂമി​യു​ടെ നേർ പകുതി ഉറഞ്ഞ മഞ്ഞിനാൽ മൂടി​യും മറേറ പകുതി കത്തുന്ന ചൂള​പോ​ലെ​യും ആയിരു​ന്നേനെ.

⁷ എന്നാൽ അതു മാത്രമല്ല. എന്തു​കൊ​ണ്ടാണ്‌ ഭൂമി​യു​ടെ ഭൂരി​ഭാ​ഗ​ത്തും നമുക്ക്‌ വസന്തത്തി​ന്റെ ചൈത​ന്യ​വും പുഷ്‌പ​ങ്ങ​ളും വേനലി​ന്റെ ഊഷ്‌മ​ള​മായ ചൂടും വെയി​ലും ശരത്‌കാ​ല​ത്തി​ന്റെ വരൾച്ച​യും നിറ​ക്കൊ​ഴു​പ്പും ശീതകാ​ലത്തെ മഞ്ഞിന്റെ മനോ​ഹാ​രി​ത​യും ആസ്വദി​ക്കാൻ കഴിയു​ന്നത്‌? ഈ കാലാ​വ​സ്ഥാ​മാ​ററം ഭൂമി​യു​ടെ ഭ്രമണ​പ​ഥ​ത്തോ​ടു​ളള ബന്ധത്തിൽ അതിന്റെ അച്ചുതണ്ട്‌ ചെരി​ഞ്ഞി​രി​ക്കു​ന്ന​തി​നാ​ലാണ്‌ ഉണ്ടാകു​ന്നത്‌. ഭൗമോ​പ​രി​ത​ല​ത്തി​ന്റെ ഏറിയ​പ​ങ്കും മമനു​ഷ്യ​ന്റെ സുഖ​പ്ര​ദ​മായ ജീവി​ത​ത്തിന്‌ പററി​യ​താ​ക്കാൻ ഈ കാലാ​വ​സ്ഥാ​മാ​ററം സഹായി​ക്കു​ന്നു. കൂടാതെ ഏറിയ ഒരു പ്രദേശം മനുഷ്യ​നും മൃഗങ്ങൾക്കും ആവശ്യ​മായ ഭക്ഷണം ഉൽപ്പാ​ദി​പ്പി​ക്കു​ന്ന​തും അത്‌ സാദ്ധ്യ​മാ​ക്കി​ത്തീർക്കു​ന്നു.

⁸ ഈ ഗ്രഹത്തിൽ ജീവിതം സാദ്ധ്യ​മാ​ക്കി​ത്തീർക്കു​ന്ന​തിന്‌ ഒത്തു​ചേർന്നു പ്രവർത്തി​ക്കുന്ന നൂറു കണക്കിന്‌ ഘടകങ്ങൾ വേറെ​യു​മുണ്ട്‌. ഇതൊ​ക്കെ​യും നമ്മോട്‌ എന്തു പറയുന്നു? നിങ്ങ​ളോ​ടു​തന്നെ ചോദി​ക്കുക: ഈ അത്ഭുത​ക​ര​മായ രീതി​യിൽ കാര്യങ്ങൾ സംയോ​ജിച്ച്‌ ഉളവാ​യത്‌ എങ്ങനെ? തീർച്ച​യാ​യും നമ്മുടെ ഗ്രഹമായ ഭൂമി​യ്‌ക്ക്‌ ഒരു രൂപസം​വി​ധാ​യകൻ ഉണ്ടായി​രു​ന്നു​വെന്ന്‌ നാം സമ്മതിച്ചേ മതിയാ​വു. അതെ, ഭൂമി​യിൽ ജീവൻ നിലനിർത്തു​ന്ന​തി​നാ​വ​ശ്യ​മായ ക്രമീ​ക​ര​ണങ്ങൾ മനുഷ്യൻ ആസൂ​ത്രണം ചെയ്‌തു നിർമ്മിച്ച ഏതൊരു ശൂന്യാ​കാ​ശ​പേ​ട​ക​ത്തി​ലേ​തി​നേക്കാ​ളും സങ്കീർണ്ണ​മാണ്‌. ഈ സംവി​ധാ​ന​ങ്ങൾക്ക്‌ പിന്നി​ലു​ളള ചിന്തയും പ്രവർത്ത​ന​വും മറെറാ​ന്നും​കൂ​ടി നമ്മോടു പറയുന്നു. ഭൂമി​യു​ടെ സംവി​ധാ​യ​കന്‌ അതിലെ നിവാ​സി​ക​ളു​ടെ ജീവിതം ഉല്ലാസ​ക​ര​വും ആനന്ദ​പ്ര​ദ​വു​മാ​ക്കി​ത്തീർക്കു​ന്ന​തിൽ തീർച്ച​യാ​യും താൽപ​ര്യ​മു​ണ്ടാ​യി​രു​ന്നു. അതിൽ നിങ്ങളും ഉൾപ്പെ​ടു​ന്നു.

9-12. ഭൂമിക്ക്‌ വളരെ​യ​ധി​കം നാശം വരുത്ത​പ്പെ​ട്ടി​ട്ടു​ണ്ടെ​ങ്കി​ലും, പൂർവ്വ​സ്ഥി​തി​യെ പ്രാപി​ക്കാ​നു​ളള അതിന്റെ പ്രാപ്‌തിക്ക്‌ എന്തു ദൃഷ്ടാ​ന്ത​മുണ്ട്‌?

⁹ വാസ്‌ത​വ​ത്തിൽ ഇന്ന്‌ വളരെ​യ​ധി​കം ആളുകൾ ഗൗരവാ​വ​ഹ​മായ രീതി​യിൽ മലിനീ​ക​ര​ണ​ത്താ​ലും ദുർവി​നി​യോ​ഗ​ത്താ​ലും ഭൂമിയെ നശിപ്പി​ച്ചു​കൊ​ണ്ടാ​ണി​രി​ക്കു​ന്നത്‌. എന്നാൽ ആ സ്ഥിതിക്ക്‌ മാററം വരുത്താൻ കഴിയും. വരുത്തിയ നാശം നീക്കം ചെയ്യാ​നും സാധി​ക്കും.

¹⁰ ഉദാഹ​ര​ണ​ത്തിന്‌ ക്രാക്ക​റേ​റാവ എന്ന പസഫിക്‌ ദ്വീപിൽ സംഭവി​ച്ചത്‌ പരിചി​ന്തി​ക്കുക. ഭീമമായ ഒരു അഗ്നിപർവ്വത സ്‌ഫോ​ട​ന​ത്തിൽ അതു നിശ്ശേഷം നശിച്ചു. ആ സംഭവ​ത്തിന്‌ തൊട്ടു പിന്നാലെ നിങ്ങൾ അവിടം സന്ദർശി​ച്ചി​രു​ന്നെ​ങ്കിൽ ദ്വീപു മുഴുവൻ വെന്തു വെണ്ണീ​റാ​യി​ക്കി​ട​ക്കു​ന്നതു കാണു​മാ​യി​രു​ന്നു. മനുഷ്യ​രും മൃഗങ്ങ​ളും ചെടി​ക​ളും ഒന്നും ജീവ​നോ​ടെ ശേഷി​ച്ചില്ല. എന്നാൽ പിന്നീട്‌ എന്തു സംഭവി​ച്ചു?

¹¹ ആരു​ടെ​യും സഹായം കൂടാ​തെ​തന്നെ ആ ദ്വീപ്‌ പൂർവ്വ​സ്ഥി​തി വീണ്ടെ​ടു​ക്കാ​നാ​രം​ഭി​ച്ചു. മൂന്നു വർഷത്തി​നകം ഇരുപ​ത്തി​യാറ്‌ ഇനം ചെടികൾ അവിടെ വീണ്ടും തഴച്ചു വളരാൻ തുടങ്ങി. താമസി​യാ​തെ തെങ്ങും കാട്ടു​ക​രി​മ്പും മരവാ​ഴ​യും ചുവടു​പി​ടി​ച്ചു. സ്‌ഫോ​ട​ന​ത്തിന്‌ ഇരുപ​ത്തി​യഞ്ചു വർഷങ്ങൾക്കു ശേഷം കഴിഞ്ഞ​പ്പോൾ 263 വ്യത്യസ്‌ത വർഗ്ഗങ്ങ​ളിൽപ്പെട്ട മൃഗങ്ങൾ അവിടെ കാണ​പ്പെട്ടു. സ്‌ഫോ​ട​ന​ത്താ​ലു​ണ്ടായ നാശം അപ്രത്യ​ക്ഷ​മാ​യി. ദ്വീപി​ന്റെ പൂന്തോ​ട്ട​സ​മാ​ന​മായ അവസ്ഥ പുനഃ​സ്ഥാ​പി​ക്ക​പ്പെട്ടു.

¹² ക്രാക്ക​റേ​റാവ പൂർവ്വ​സ്ഥി​തി​യെ പ്രാപിച്ച അത്ഭുത​ക​ര​മായ ആ രീതി ഭൂവ്യാ​പ​ക​മാ​യി ആവർത്തി​ക്ക​പ്പെ​ടാ​വു​ന്ന​താണ്‌. ഈ പുസ്‌ത​ക​ത്തിൽ നാം പിന്നാലെ കാണാ​നി​രി​ക്കു​ന്ന​തു​പോ​ലെ അങ്ങനെ സംഭവി​ക്കു​മെന്നു വിശ്വ​സി​ക്കാൻ നല്ല കാരണ​വു​മുണ്ട്‌.

വിസ്‌മ​യാ​വ​ഹ​മായ ഭക്ഷ്യോ​ല്‌പാ​ദ​ന​ശാല

13-17. ഭൂമി​യിൽ നിന്ന്‌ എങ്ങനെ​യാണ്‌ ഭക്ഷണം ഉല്‌പാ​ദി​പ്പി​ക്ക​പ്പെ​ടു​ന്നത്‌? (സങ്കീർത്തനം 104:14) ഭൂമി ഉല്‌പാ​ദി​പ്പി​ക്കുന്ന വിവി​ധ​തരം ഭക്ഷണസാ​ധ​നങ്ങൾ എപ്രകാ​ര​മാണ്‌ ഒരുവന്റെ ജീവിതം കൂടുതൽ ആസ്വാ​ദ്യ​ക​ര​മാ​ക്കു​ന്നത്‌? അതു​കൊണ്ട്‌ ഇതി​ന്റെ​യെ​ല്ലാം രൂപസം​വി​ധാ​യകൻ നമുക്കു വേണ്ടി ഏതുതരം ജീവി​ത​മാണ്‌ ഉദ്ദേശി​ച്ചി​രി​ക്കു​ന്നത്‌? (യെശയ്യാവ്‌ 25:6; സങ്കീർത്തനം 67:6)

¹³ അടുത്ത​താ​യി നിങ്ങൾ ഭക്ഷണത്തി​നി​രി​ക്കു​മ്പോൾ അല്‌പ​നേരം ഇതേപ്പ​ററി ചിന്തി​ക്കുക; നിങ്ങൾ കഴിക്കു​ന്നത്‌ വെളുത്ത ചോറോ ഉരുള​ക്കി​ഴ​ങ്ങോ ആയാലും തവിട്ടു​നി​റ​മു​ളള ഗോത​മ്പോ പയറോ ആയാലും മഞ്ഞനി​റ​മു​ളള ധാന്യ​മോ വെളള​രി​ക്ക​യോ ആയാലും കറുപ്പോ ചുവപ്പോ നിറത്തി​ലു​ളള പഴവർഗ്ഗ​ങ്ങ​ളാ​യാ​ലും അവയെ​ല്ലാം പച്ച ഇലകളു​ളള ചെടി​ക​ളിൽ നിന്നാണ്‌ ലഭിക്കു​ന്നത്‌. എന്തു​കൊണ്ട്‌? ഫോ​ട്ടോ​സി​ന്ത​സിസ്‌ അഥവാ പ്രഭാ​ക​ലനം എന്നറി​യ​പ്പെ​ടുന്ന വിസ്‌മ​യാ​വ​ഹ​മായ പ്രക്രി​യ​യാൽ തന്നെ.a

¹⁴ അത്തരം ചെടി​കൾക്കെ​ല്ലാം അവയുടെ ഇലകളിൽ ഹരിതകം എന്നു വിളി​ക്ക​പ്പെ​ടുന്ന പച്ചനി​റ​മു​ളള ഒരു പദാർത്ഥം ഉണ്ട്‌. സൂര്യ​പ്ര​കാ​ശം ഇലകളിൽ പതിക്കു​മ്പോൾ ഹരിതകം സങ്കീർണ്ണ​മായ രാസപ​രി​ണാ​മ​ങ്ങൾക്ക്‌ ഇടയാ​ക്കുന്ന പ്രവർത്തനം ആരംഭി​ക്കു​ന്നു. ചെടി​യി​ലെ കോശ​ങ്ങ​ളിൽ വെളള​വും (ചെടികൾ വായു​വിൽ നിന്നു സ്വീക​രി​ക്കുന്ന) കാർബൺ​ഡൈ​ഓ​ക്‌​സൈ​ഡും സംയോ​ജി​പ്പിച്ച്‌ എല്ലാ ഭക്ത്യ പദാർത്ഥ​ങ്ങ​ളു​ടെ​യും അടിസ്ഥാന ഘടകമായ പഞ്ചസാര ഉല്‌പാ​ദി​പ്പി​ക്ക​പ്പെ​ടു​ന്നു. ഈ പഞ്ചസാര ഉപയോ​ഗിച്ച്‌ പച്ച സസ്യങ്ങൾ കൂടുതൽ സങ്കീർണ്ണ​ങ്ങ​ളായ ധാന്യകം, കൊഴുപ്പ്‌, മാംസ്യം, ജീവകങ്ങൾ എന്നിവ നിർമ്മി​ക്കു​ന്നു. പ്രഭാ​ക​ല​ന​ത്തി​ന്റെ ഫലമായി ഉണ്ടാകുന്ന അത്യത്ഭു​ത​ക​ര​മായ ഭക്ഷ്യനിർമ്മാ​ണ​ത്തെ​ക്കു​റിച്ച്‌ സസ്യ ശാസ്‌ത്ര​ജ്ഞ​നായ ഫ്രിറ​റ്‌സ്‌ ഡബ്‌ളി​യു. വെൻറ്‌ പറയുന്നു:

“നിർമ്മാ​ണ​ത്തി​ന്റെ അളവ്‌ കണക്കി​ലെ​ടു​ത്താൽ അതു മമനു​ഷ്യ​ന്റെ നിർമ്മാണ പ്രവർത്ത​നങ്ങൾ തീർത്തും നിസ്സാ​ര​മാ​യി തോന്നാ​നി​ട​യാ​ക്കു​ന്നു. ആണ്ടു​തോ​റും, ലോക​ത്തൊ​ട്ടാ​കെ​യു​ളള ഉരുക്കു​നിർമ്മാ​ണ​ശാ​ലകൾ 350 ദശലക്ഷം ടൺ ഉരുക്കും സിമൻറ്‌ ഫാക്ടറി​കൾ 325 ദശലക്ഷം ടൺ സിമൻറും ഉല്‌പാ​ദി​പ്പി​ക്കു​ന്നു. ലോക​ത്തെ​മ്പാ​ടു​മു​ളള പച്ചസസ്യ​ങ്ങ​ളാ​കട്ടെ ഓരോ വർഷവും 1,50,000 ദശലക്ഷം ടൺ പഞ്ചസാര ഉല്‌പാ​ദി​പ്പി​ക്കു​ന്നു.”

¹⁵ പ്രഭാ​ക​ല​ന​ത്താൽ എന്തു സംഭവി​ക്കു​ന്നു എന്ന്‌ ശാസ്‌ത്ര​ജ്ഞൻമാർക്ക​റി​യാം. എന്നാൽ അത്‌ എങ്ങനെ സംഭവി​ക്കു​ന്നു എന്ന്‌ അവർക്ക്‌ ഇന്നും മനസ്സി​ലാ​ക്കാൻ കഴിയു​ന്നില്ല. ഒരു ശാസ്‌ത്ര​ലേ​ഖകൻ പറയും​പ്ര​കാ​രം ഗവേഷകർ പലപ്പോ​ഴും ഈ പ്രക്രി​യയെ “ഇരുണ്ട​പേ​ടകം” എന്ന്‌ വിളി​ക്കാ​റുണ്ട്‌. എന്തു​കൊണ്ട്‌? “കാരണം അതിനു​ള​ളി​ലേക്കു എന്തു പോകു​ന്നു എന്നും പുറ​ത്തേക്കു എന്തുവ​രു​ന്നു എന്നും അവർക്ക​റി​യാം, എന്നാൽ അകത്ത്‌ എന്തു നടക്കുന്നു എന്നു നിശ്ചയ​മില്ല. മനുഷ്യർക്ക്‌ ഇത്ര​യേറെ രാസപ​രീ​ക്ഷ​ണ​ശാ​ലകൾ ഉണ്ടായി​ട്ടും ഈ അത്ഭുത​ക​ര​മായ പ്രക്രിയ പകർത്താൻ കഴിയു​ന്നില്ല.

¹⁶ ഭൂമി ഉല്‌പാ​ദി​പ്പി​ക്കുന്ന ഭക്ഷ്യവ​സ്‌തു​ക്ക​ളു​ടെ വമ്പിച്ച വൈവി​ദ്ധ്യം ഏതാണ്ട​തു​പോ​ലെ​തന്നെ അത്ഭുതാ​വ​ഹ​മാണ്‌. നിങ്ങൾക്ക്‌ ഏതെങ്കി​ലും ഒരു ഭക്ഷണസാ​ധനം, ഉദാഹ​ര​ണ​ത്തിന്‌ ഞാവൽപഴം, ഇഷ്ടമാ​ണെ​ന്നി​രി​ക്കട്ടെ. എന്നാൽ എല്ലാറ​റി​നും—ഉരുള​ക്കി​ഴ​ങ്ങി​നും ചോറി​നും റൊട്ടി​ക്കും ആപ്പിളി​നും ഓറഞ്ചി​നും—ഞാവൽപ​ഴ​ത്തി​ന്റെ രുചി​യാ​ണെ​ങ്കി​ലോ? അതിന്റെ രുചി പെട്ടെന്നു തന്നെ നിങ്ങളെ മടുപ്പി​ക്കും, അല്ലേ? എന്നാൽ ഭൂമി​യി​ലെ ഭക്ഷ്യോ​ല്‌പാ​ദ​ന​ശാല നിർമ്മി​ക്കുന്ന വ്യത്യ​സ്‌ത​തരം പഴങ്ങൾക്കും പച്ചക്കറി​കൾക്കും ധാന്യ​ങ്ങൾക്കും അണ്ടിപ്പ​രി​പ്പു​കൾക്കും കായ്‌കൾക്കും നമ്മുടെ രസമു​കു​ള​ങ്ങൾക്ക്‌ ആസ്വാ​ദ്യ​ക​ര​മായ ആയിര​ക്ക​ണ​ക്കിന്‌ വ്യത്യ​സ്‌ത​തരം സ്വാദാ​ണു​ള​ളത്‌.

¹⁷ വീണ്ടും ഇതൊക്കെ എന്താണ്‌ നമ്മോടു പറയു​ന്നത്‌? ഈ അത്ഭുത​ക​ര​മായ ഭക്ഷ്യനിർമ്മാ​ണ​ശാല സ്ഥാപി​ച്ചവൻ തീർച്ച​യാ​യും ഭൂമി​യി​ലെ നമ്മുടെ ജീവിതം ഉല്ലാസ​ക​ര​മാ​യി​രി​ക്ക​ണ​മെന്ന്‌ ആഗ്രഹി​ക്കു​ന്നു. നമ്മുടെ സന്തുഷ്ട​ഭാ​വി​യെ സംബന്ധി​ച്ചും തല്‌പ​ര​നാ​ണവൻ. ഭൂമിയെ ഒരു മാതൃകാ വാസസ്ഥ​ല​മാ​യി രൂപക​ല്‌പന ചെയ്‌തവൻ അതിൽ വസിക്കു​ന്നവർ വിഭവ​സ​മൃ​ദ്ധ​മായ സദ്യ കഴിക്കു​ന്ന​തി​നാ​വ​ശ്യ​മാ​യ​തെ​ല്ലാം അതിൽ കരുതി​വ​ച്ചി​രി​ക്കു​ന്നു. ആ സദ്യയിൽ പങ്കു പററാ​നാ​ഗ്ര​ഹി​ക്കു​ന്ന​വർക്കെ​ല്ലാം അവൻ അത്‌ എങ്ങനെ ലഭ്യമാ​ക്കും എന്ന്‌ ഈ പുസ്‌ത​ക​ത്തിൽ പിന്നാലെ നാം കാണാൻ പോവു​ക​യാണ്‌.

നിങ്ങ​ളെ​ത്തന്നെ നിരീ​ക്ഷി​ക്കുക!

18-23. നാം മൃഗങ്ങ​ളെ​ക്കാൾ വളരെ ശ്രേഷ്‌ഠ​രാ​യി​രി​ക്കാൻ ഉദ്ദേശി​ക്ക​പ്പെ​ട്ടി​രു​ന്നു എന്നതിന്‌ എന്തു തെളി​വാ​ണു നമ്മുടെ ശരീര​ത്തി​ലു​ള​ളത്‌?

¹⁸ ഒടുവിൽ നിങ്ങ​ളെ​പ്പ​റ​റി​ത്തന്നെ അല്‌പ​മാ​യി ചിന്തി​ക്കുക. ചിന്തി​ക്കു​ന്ന​തിന്‌ തീർച്ച​യാ​യും നിങ്ങളു​ടെ തലച്ചോറ്‌ ഉപയോ​ഗി​ക്കേ​ണ്ട​തുണ്ട്‌. അതു​കൊണ്ട്‌ നമ്മുടെ ചിന്ത ആരംഭി​ക്കു​ന്നത്‌ അതേപ്പ​റ​റി​ത്തന്നെ ആയാ​ലെന്താ? സ്വാഭാ​വി​ക​മാ​യും നിങ്ങൾക്ക്‌ നിങ്ങളു​ടെ തലച്ചോറ്‌ കാണാൻ കഴിയു​ക​യില്ല. എന്നാൽ അത്‌ എന്തു​പോ​ലി​രി​ക്കു​ന്നു എന്നാണ്‌ നിങ്ങൾ വിചാ​രി​ക്കു​ന്നത്‌? പൂർണ്ണ​വ​ളർച്ച​യെ​ത്തു​മ്പോൾ മമനു​ഷ്യ​ന്റെ തലച്ചോറ്‌ ഇളം ചുവപ്പും ചാരനി​റ​വും ചേർന്ന വലിപ്പ​മേ​റിയ ഒരു കപ്പലണ്ടി പോലി​രി​ക്കും. അതിന്‌ 3 റാത്തലി​ലും (1.3 കി.ഗ്രാം) കുറഞ്ഞ ഭാര​മേ​യു​ളളു. എന്നാൽ എത്ര അപാര​മായ കഴിവു​ക​ളാണ്‌ അതിൽ നിറച്ചി​രി​ക്കു​ന്നത്‌! ന്യൂ​യോർക്ക്‌ ടൈം​സി​ലെ ഒരു ശാസ്‌ത്ര​റി​പ്പോർട്ട്‌ പറയുന്നു:

“മസ്‌തി​ഷ്‌ക​ത്തി​ന്റെ ഘടന . . . അത്രമേൽ സങ്കീർണ്ണ​മാ​യി​രി​ക്കു​ന്ന​തി​നാൽ അതി​നോ​ടു​ളള താരത​മ്യ​ത്തിൽ ഭീമാ​കാ​ര​ങ്ങ​ളായ ഇലക്‌​ട്രോ​ണിക്‌ കംപ്യൂ​ട്ട​റു​കൾ വെറും കുട്ടി​ക​ളു​ടെ കളിപ്പാ​ട്ട​ങ്ങ​ള​ത്രെ.”

¹⁹ അതെ, നിങ്ങൾക്ക്‌ ലഭിച്ചി​രി​ക്കു​ന്ന​തും നിങ്ങൾക്ക്‌ ഉപയോ​ഗി​ക്കാ​വു​ന്ന​തു​മായ തലച്ചോറ്‌ “പ്രപഞ്ച​ത്തി​ലെ ഏററം സങ്കീർണ്ണ​മായ പദാർത്ഥം” എന്നാണ്‌ വർണ്ണി​ക്ക​പ്പെ​ട്ടി​രി​ക്കു​ന്നത്‌. ആകട്ടെ, ആരെങ്കി​ലും നിങ്ങൾക്ക്‌ നല്ലയിനം ഒരു വാച്ചോ വിലപി​ടി​പ്പു​ളള ഒരു ക്യാമ​റ​യോ ഒരു ഇലക്‌​ട്രോ​ണിക്‌ കണക്കു​കൂ​ട്ടൽയ​ന്ത്ര​മോ സമ്മാനി​ക്കു​ന്നു എന്നിരി​ക്കട്ടെ. നിങ്ങൾ തീർച്ച​യാ​യും അത്‌ വളരെ ശ്രദ്ധ​യോ​ടെ കൈകാ​ര്യം ചെയ്യു​ക​യും അതിൽ നിന്ന്‌ പരമാ​വധി പ്രയോ​ജനം നേടാൻ ശ്രമി​ക്കു​ക​യും ചെയ്യും അല്ലേ? എന്നാൽ നിങ്ങളു​ടെ തലച്ചോ​റി​നെ​ക്കു​റിച്ച്‌ അതിലും വളരെ​യേറെ വിലമ​തിപ്പ്‌ തോ​ന്നേ​ണ്ട​താണ്‌.

²⁰ നിങ്ങളു​ടെ ശരീര​ത്തെ​പ്പ​റ​റി​യും ചിന്തി​ക്കുക. വാസ്‌ത​വ​ത്തിൽ ഒരു സിംഹ​ത്തിന്‌ നിങ്ങ​ളേ​ക്കാൾ ബലമുണ്ട്‌; ആന തീർച്ച​യാ​യും നിങ്ങ​ളേ​ക്കാൾ വലുതാണ്‌; ഒരു കടൽപ്പ​ന്നിക്ക്‌ നിങ്ങ​ളേ​ക്കാൾ വേഗത്തിൽ നീന്താൻ കഴിയും; ഒരു കുരങ്ങിന്‌ കൂടുതൽ വേഗത്തിൽ പിടി​ച്ചു​ക​യ​റാൻ കഴിയും; ഒരു കഴുകന്‌ സ്വന്തം ചിറകു​പ​യോ​ഗിച്ച്‌ പറന്നു​യ​രാൻ കഴിയും. നിങ്ങൾക്കത്‌ കഴിയു​ക​യില്ല. എന്നാൽ ഈ ജന്തുക്ക​ളി​ലൊ​ന്നി​ലും മനുഷ്യർക്കു​ളള എല്ലാക​ഴി​വു​ക​ളും സമ്മേളി​ക്കു​ന്നില്ല. സിംഹ​ങ്ങൾക്കും ആനകൾക്കും പറക്കാൻ കഴിവില്ല; കടൽപ്പ​ന്നിക്ക്‌ ഒരു മരത്തി​ലോ പർവ്വത​ത്തി​ലോ പിടി​ച്ചു​ക​യ​റാൻ കഴിവില്ല; കഴുകന്‌ നീന്താ​നും സാദ്ധ്യമല്ല. എന്നാൽ മനുഷ്യർക്ക്‌ അവരുടെ കണ്ടുപി​ടു​ത്ത​ങ്ങ​ളു​ടെ സഹായ​ത്താ​ലോ അല്ലാ​തെ​യോ ഇവയെ​ല്ലാം ചെയ്യാൻ കഴിയും. അതെ, അതി​ലെ​ല്ലാ​മു​പ​രി​യാ​യി എണ്ണമററ വ്യത്യസ്‌ത തരം വസ്‌തു​ക്കൾ നിർമ്മി​ക്കാ​നു​ളള പ്രാപ്‌തി​യിൽ മനുഷ്യർ അതുല്യർ തന്നെ!

²¹ ഇതിനു​ളള ഒരു കാരണം നിങ്ങളു​ടെ കരങ്ങളാണ്‌. ഇന്നോളം കണ്ടുപി​ടി​ക്ക​പ്പെ​ട്ടി​ട്ടു​ളള യാതൊ​രു ഉപകരണം കൊണ്ടും, നിങ്ങൾക്ക്‌ കൈ​കൊണ്ട്‌ ചെയ്യാ​വുന്ന എല്ലാ​വേ​ല​യും ചെയ്യുക സാദ്ധ്യമല്ല. യന്ത്രനിർമ്മാ​ണ​ത്തി​നും കെട്ടി​ട​നിർമ്മാ​ണ​ത്തി​നും ആവശ്യ​മായ ഭാരപ്പെട്ട ജോലി​കൾ മുതൽ സംഗീ​തോ​പ​ക​ര​ണ​വാ​യന, ചിത്ര​രചന, കെട്ടി​ട​ങ്ങ​ളു​ടെ പ്ലാൻവ​ര​യ്‌ക്കൽ എന്നിവ​പോ​ലെ​യു​ളള അതിസൂക്ഷ്‌മ വേലകൾ വരെ കൈ​കൊ​ണ്ടു ചെയ്യാൻ കഴിയു​ന്നു.

²² വാസ്‌ത​വ​ത്തിൽ നിങ്ങളു​ടെ ശരീരത്തെ ഇത്രമാ​ത്രം അത്ഭുത​ക​ര​മാ​ക്കി​ത്തീർക്കുന്ന ഘടകങ്ങ​ളിൽ ഒന്നുമാ​ത്ര​മാണ്‌ നിങ്ങളു​ടെ കരങ്ങൾ. ഡോക്ടർമാ​രോ​ടൊ​ത്തു പ്രവർത്തി​ക്കുന്ന ഒരു എഞ്ചിനി​യ​റായ ഡോ. ഡബ്‌ളി​യു. ഡബ്‌ളി​യു. ഏക്കേർസ്‌ മാനുഷ ശരീര​ത്തെ​പ്പ​ററി ഇപ്രകാ​രം പറഞ്ഞതിൽ അതിശ​യ​മില്ല:

“മാനുഷ ശരീരം സാങ്കേ​തിക വിദ്യ​യിൽ പൂർണ്ണ​ത​യു​ടെ പരമോ​ന്നത ഭാവമാണ്‌. നിങ്ങൾക്ക്‌ വിഭാവന ചെയ്യാൻ കഴിയുന്ന ഏതൊരു യന്ത്ര​ത്തേ​ക്കാ​ളും—അത്‌ എത്രതന്നെ പരിഷ്‌കൃ​ത​മാ​യി​ക്കൊ​ള​ളട്ടെ—മെച്ചമായ ഒന്ന്‌ നിങ്ങളു​ടെ ശരീര​ത്തിൽ കണ്ടെത്താൻ കഴിയും.”

²³ വ്യക്തമാ​യും ഒരു വിദഗ്‌ദ്ധ ശില്‌പി മനുഷ്യർ മററു മൃഗങ്ങ​ളെ​ക്കാ​ളും വളരെ ശ്രേഷ്‌ഠ​രാ​യി​രി​ക്ക​ണ​മെ​ന്നും ഭൂമി​യി​ലെ ജീവിതം അവനാ​ലാ​വോ​ളം ആസ്വദി​ക്ക​ണ​മെ​ന്നും ആഗ്രഹി​ച്ചു. ഇത്‌ നാം പ്രതി​ഫ​ല​ദാ​യ​ക​മായ ഒരു ഭാവി ആസ്വദി​ക്കു​ന്ന​തിൽ അവൻ തല്‌പ​ര​നാണ്‌ എന്ന്‌ വിശ്വ​സി​ക്കാൻ മതിയായ കാരണ​മാണ്‌.

നിങ്ങൾക്ക്‌ ആത്മവി​ശ്വാ​സ​ത്തോ​ടെ മുൻപോ​ട്ടു പോകാം

24-28. ഭൂമിക്ക്‌ ഒരു രൂപസം​വി​ധാ​യ​ക​നും നിർമ്മാ​താ​വും ഉണ്ടെന്ന്‌ വിശ്വ​സി​ക്കു​ന്നത്‌ ന്യായ​യു​ക്ത​മാ​യി​രി​ക്കു​ന്ന​തെ​ന്തു​കൊണ്ട്‌? (റോമർ 1:20) ജീവി​തത്തെ സംബന്ധിച്ച നമ്മുടെ ചോദ്യ​ങ്ങൾക്കു​ളള മറുപടി അവൻ നൽകി​യി​രി​ക്കു​ന്ന​തെ​വി​ടെ​യാണ്‌? (2 തിമൊ​ഥെ​യോസ്‌ 3:16) ആത്മ​ധൈ​ര്യ​ത്തോ​ടെ ഭാവിയെ നേരി​ടു​ന്ന​തിന്‌ ബൈബിൾ ആവശ്യ​പ്പെ​ടുന്ന കാര്യങ്ങൾ ചെയ്യു​ന്നത്‌, നമ്മെ യഥാർത്ഥ​ത്തിൽ സഹായി​ക്കു​മോ എന്ന്‌ നമുക്ക്‌ എങ്ങനെ കണ്ടുപി​ടി​ക്കാം? (2 പത്രോസ്‌ 3:13; വെളി​പ്പാട്‌ 21:1-4)

²⁴ നാം കണ്ടിട്ടു​ളള ഏതൊരു ഭവനത്തി​ന്റെ​യോ കെട്ടി​ട​ത്തി​ന്റെ​യോ നിർമ്മാ​ണ​ത്തിൽ പ്രകട​മാ​ക്ക​പ്പെ​ട്ടി​രി​ക്കു​ന്ന​തി​ലും വളരെ കൂടു​ത​ലായ ബുദ്ധി​ശ​ക്തി​യു​ടെ​യും ആസൂ​ത്ര​ണ​ത്തി​ന്റെ​യും തെളി​വു​കൾ ഭൂമി​യും അതിലു​ള​ള​വ​യും നൽകുന്നു എന്ന്‌ നാം കണ്ടുക​ഴി​ഞ്ഞു. നിങ്ങൾക്ക്‌ നിസ്സം​ശ​യ​മാ​യും ബൈബി​ളിൽ കാണ​പ്പെ​ടുന്ന ഈ ലളിത​മായ പ്രസ്‌താ​വ​ന​യോട്‌ യോജി​ക്കാൻ കഴിയും: “തീർച്ച​യാ​യും ഓരോ ഭവനവും ആരാ​ലെ​ങ്കി​ലും നിർമ്മി​ക്ക​പ്പെ​ട്ട​താണ്‌.” (എബ്രായർ 3:4) നിങ്ങൾ വിശാ​ല​മായ ഒരു മരുഭൂ​മി​യിൽ ഒരു വീടു കാണുന്നു എന്നിരി​ക്കട്ടെ. അതിന​ടു​ത്തെ​ങ്ങും ആരെയും കാണു​ന്നു​മില്ല. ആ വീടു തനിയെ ഉണ്ടായി എന്നു നിങ്ങൾ നിഗമനം ചെയ്‌ക​യില്ല, ഉവ്വോ? അതു​പോ​ലെ തന്നെ നമുക്ക്‌ അദൃശ്യ​നെ​ങ്കി​ലും, ഈ ഭൂമി​ക്കും ഒരു ആസൂ​ത്ര​ക​നും നിർമ്മാ​താ​വും ഉണ്ട്‌. നോബൽ സമ്മാനം നേടിയ മാക്‌സ്‌ പ്ലാങ്ക്‌ പറഞ്ഞു:

“പരമോ​ന്ന​ത​മായ ബുദ്ധി​ശ​ക്തി​യു​ളള ഒരു സ്രഷ്ടാവ്‌ ഉണ്ട്‌ എന്നനു​മാ​നി​ക്കാ​തെ ഈ പ്രപഞ്ച​ത്തിന്‌ ഒരു വിശദീ​ക​ര​ണ​വു​മില്ല.”

²⁵ നമ്മുടെ ഭവനമായ ഭൂമിയെ നിർമ്മിച്ച ആ പരമോ​ന്നത സൃഷ്ടി​കർത്താവ്‌ ആരെന്ന്‌ ബൈബിൾ നമ്മോട്‌ പറയുന്നു. ആകാശ​വും ഭൂമി​യും സൃഷ്ടിച്ച യഹോ​വ​യായ ദൈവ​മാണ്‌ ആ സ്രഷ്ടാവ്‌ എന്ന്‌ അത്‌ നമ്മോട്‌ പറയുന്നു.

²⁶ ഈ വലിയ ശില്‌പി തീർച്ച​യാ​യും വളരെ ശക്തനും ബുദ്ധി​മാ​നു​മാണ്‌. അതു​പോ​ലെ​തന്നെ നിങ്ങൾ ഉൾപ്പെടെ—എല്ലാവ​രു​ടെ​യും അത്യുത്തമ താല്‌പ​ര്യ​ങ്ങ​ളാണ്‌ അവന്റെ ഉളളി​ലു​ള​ളത്‌ എന്നതും വ്യക്തമാണ്‌. മററു​ള​ള​വ​രു​ടെ അറിവിൽ നിന്ന്‌ നിങ്ങൾക്ക്‌ പഠിക്കാൻ കഴിയു​മെ​ങ്കിൽ, നിങ്ങളു​ടെ യൗവനത്തെ പരമാ​വധി ആസ്വദി​ക്കു​ന്നത്‌ എങ്ങനെ എന്നത്‌ സംബന്ധിച്ച്‌ അവനിൽ നിന്ന്‌ അതിലും വളരെ​യേറെ നിങ്ങൾക്ക്‌ പഠിക്കാൻ കഴിയും.

²⁷ അവി​ടെ​യാണ്‌ ബൈബിൾ പ്രയോ​ജ​ന​പ്പെ​ടു​ന്നത്‌. ഭൂമി​യേ​യും മുഴു മനുഷ്യ​വർഗ്ഗ​ത്തെ​യും സംബന്ധിച്ച സ്രഷ്ടാ​വി​ന്റെ ഉദ്ദേശ്യം അതു പ്രസ്‌താ​വി​ക്കു​ന്നു. അതു മനുഷ്യ​രു​ടെ അനേകം ചോദ്യ​ങ്ങൾക്കു​ളള അവന്റെ മറുപടി നല്‌കു​ന്നു. അവരുടെ പ്രശ്‌നങ്ങൾ എവിടെ ഉത്ഭവി​ച്ചു​വെ​ന്നും എങ്ങനെ പരിഹ​രി​ക്ക​പ്പെ​ടു​മെ​ന്നും അതു കാണിച്ചു തരുന്നു. ഈ ഭൂമിയെ ഇത്ര​യേറെ കുഴപ്പ​ങ്ങ​ളും അപകട​ങ്ങ​ളും കൊണ്ട്‌ നിറച്ച, ഇന്നത്തെ പരാജ​യ​മടഞ്ഞ വ്യവസ്ഥി​തി​യി​ലേക്കു ബൈബിൾ നിങ്ങളു​ടെ പ്രത്യാ​ശയെ നയിക്കു​ന്നില്ല. മറിച്ച്‌, ഇതിലും ഏറെ മെച്ചപ്പെട്ട അവസ്ഥകൾ നല്‌കാൻ കഴിയുന്ന പുതിയ വ്യവസ്ഥി​തി​ക​ളി​ലേക്ക്‌ അതു വിരൽ ചൂണ്ടുന്നു.

²⁸ നിങ്ങൾ ബൈബിൾ കുറെ​യൊ​ക്കെ വായി​ച്ചി​ട്ടു​ണ്ടെ​ങ്കി​ലും ഇല്ലെങ്കി​ലും, അതിൽ പറയ​പ്പെ​ട്ടി​രി​ക്കുന്ന കാര്യ​ങ്ങൾക്ക്‌ യഥാർത്ഥ​ത്തിൽ നിങ്ങളു​ടെ പ്രശ്‌ന​ങ്ങളെ പരിഹ​രി​ക്കാ​നും നിങ്ങളു​ടെ ചോദ്യ​ങ്ങൾക്ക്‌ മറുപടി നല്‌കാ​നും കഴിയു​മോ എന്ന്‌ നിങ്ങൾ സംശയി​ച്ചേ​ക്കാം. നിങ്ങൾ അതു ശ്രദ്ധാ​പൂർവ്വം പരി​ശോ​ധി​ക്കു​ന്നി​ല്ലെ​ങ്കിൽ നിങ്ങൾക്കൊ​രി​ക്ക​ലും അതു തീർച്ച​പ്പെ​ടു​ത്താ​നാ​വില്ല. നിങ്ങൾ ഇപ്പോൾ വായി​ക്കുന്ന ഈ പുസ്‌ത​ക​ത്തി​ലൂ​ടെ ബൈബി​ളിന്‌ എന്തു പറയാ​നു​ണ്ടെ​ന്നും അതു നല്‌കുന്ന മറുപ​ടി​ക​ളും മാർഗ്ഗ​നിർദ്ദേ​ശ​ങ്ങ​ളും എന്താ​ണെ​ന്നും നമുക്കു കാണാം. ബൈബിൾ എത്രമാ​ത്രം ന്യായ​യു​ക്ത​വും വസ്‌തു​നി​ഷ്‌ഠ​വു​മാ​ണെന്ന്‌ നിങ്ങൾതന്നെ പരി​ശോ​ധി​ച്ച​റി​യുക. അതെ, യഹോ​വ​യാം ദൈവ​ത്തി​ന്റെ വചനത്തിന്‌, ബൈബി​ളിന്‌, നിങ്ങളു​ടെ മുമ്പി​ലു​ളള വെല്ലു​വി​ളി​കളെ നേരി​ടാൻ നിങ്ങളെ എങ്ങനെ സഹായി​ക്കാൻ കഴിയു​മെന്നു കാണുക. അനന്തരം ആത്മവി​ശ്വാ​സ​ത്തോ​ടെ സന്തുഷ്‌ട​മായ, വിലപ്പെട്ട, ഒരു ഭാവിയെ ലക്ഷ്യമാ​ക്കി നീങ്ങുക.

[അടിക്കു​റി​പ്പു​കൾ]

[11-ാം പേജിലെ ചിത്രം]

ഭൂമിയുടെ സ്രഷ്ടാ​വി​നെ​ക്കു​റി​ച്ചു​ളള അറിവ്‌ ഭാവിയെ സംബന്ധിച്ച്‌ ആത്മവി​ശ്വാ​സ​ത്തിന്‌ അടിസ്ഥാ​നം നൽകുന്നു