സ്‌നേഹത്തിനും സൽപ്രവൃത്തികൾക്കും പ്രചോദനം നൽകുന്നതിനുളള യോഗങ്ങൾ
ആദിമ ക്രിസ്‌ത്യാനികൾ പ്രബോധനം സ്വീകരിക്കുന്നതിനും പരിപുഷ്ടിപ്പെടുത്തുന്ന സഹവാസം ആസ്വദിക്കുന്നതിനുമായി സാധാരണ സ്വകാര്യ ഭവനങ്ങളിൽ കൂടിവന്നിരുന്നു. ഇക്കാലത്തെ യഹോവയുടെ സാക്ഷികളുടെ സഭകൾ വാരത്തിൽ മൂന്നു പ്രാവശ്യം ഒരുമിച്ചുകൂടുന്നു. ഈ മീററിംഗുകളിൽ ഏതിനെങ്കിലും ഹാജരാകാൻ നിങ്ങളെ ക്ഷണിക്കുകയാണ്‌. അവരുടെ യോഗങ്ങൾ കർമ്മാനുഷ്‌ഠാനപരമല്ല, എന്നാൽ അവ ദിവ്യവിദ്യാഭ്യാസത്തിൽ കേന്ദ്രീകരിക്കുന്നു. സഭാമീററിംഗുകൾ ഗീതത്തോടും പ്രാർത്ഥനയോടും കൂടെ ആരംഭിക്കുകയും അവസാനിപ്പിക്കുകയും ചെയ്യുന്നു. അവിടെ പ്രവേശനം സൗജന്യമാണ്‌, കാണിക്കശേഖരം ഉണ്ടായിരിക്കുന്നതല്ല.—പ്രവൃത്തികൾ 4:23-31; 14:22; 15:32, 35; റോമർ 16:5; കൊലോസ്യർ 4:15.
ഒരുപക്ഷേ, നിങ്ങൾ ഹാജരാകുന്ന ആദ്യത്തെ മീററിംഗ്‌ 45 മിനിററ്‌ നേരത്തെ പരസ്യപ്രസംഗമായിരിക്കും. അത്‌ ബൈബിൾ ഉപദേശങ്ങളോ പ്രവചനമോ ക്രിസ്‌തീയ ജീവിതം സംബന്ധിച്ച ബുദ്ധ്യുപദേശമോ കൈകാര്യം ചെയ്യുന്നു. ഈ പ്രസംഗത്തെ തുടർന്ന്‌ സഭാപരമായ അദ്ധ്യയനത്തിനായി വിശേഷാൽ ഉദ്ദേശിച്ചിട്ടുളള വീക്ഷാഗോപുരത്തിലെ ഒരു ലേഖനം ഉപയോഗിച്ചുകൊണ്ടുളള ബൈബിളിന്റെ ഒരു പഠനമുണ്ട്‌. അദ്ധ്യയനം ഈ രൂപത്തിലായിരിക്കും: വീക്ഷാഗോപുരത്തിൽ നിന്നുളള ഒരു ഖണ്ഡിക വായിക്കുന്നു, അദ്ധ്യയന നിർവ്വാഹകൻ വിവരങ്ങളെ സംബന്ധിച്ചുളള ചോദ്യങ്ങൾ ചോദിക്കുന്നു. സദസ്സിലുളളവർക്ക്‌ കൈ ഉയർത്തി സ്വമേധയാ ഉത്തരം പറയാവുന്നതാണ്‌. സാധാരണയായി ഓരോ ഖണ്ഡികയെയും അടിസ്ഥാനപ്പെടുത്തി പല അഭിപ്രായങ്ങൾ പറയുന്നു. ഈ യോഗം ഒരു മണിക്കൂർ നീണ്ടു നിൽക്കുന്നു.
വാരത്തിൽ പിന്നീട്‌ 45 മിനിററ്‌ നേരത്തെ വേറെ രണ്ടു മീററിംഗുകൾ നടത്തുന്നു. ഒന്ന്‌ ദിവ്യാധിപത്യ ശുശ്രൂഷാസ്‌കൂൾ ആണ്‌. അത്‌ ബൈബിൾ വിഷയങ്ങൾ സംബന്ധിച്ച്‌ വിവരങ്ങൾ ശേഖരിക്കുന്നതിനും അതു ഫലപ്രദമായി പഠിപ്പിക്കുന്നതിനുമുളള പരിശീലനം കൊടുക്കുന്നു. 21 മിനിററ്‌ നേരത്തെ പ്രത്യേക പ്രബോധനത്തെ തുടർന്ന്‌ മുന്നമേ നിയമിതരായിട്ടുളള വിദ്യാർത്ഥികൾ ഹ്രസ്വമായ പ്രസംഗങ്ങൾ നടത്തുന്നു. ഓരോ പ്രസംഗത്തിനും ശേഷം വിദ്യാർത്ഥിക്ക്‌ എങ്ങനെ മെച്ചപ്പെടാമെന്ന്‌ ചൂണ്ടിക്കാണിച്ചുകൊണ്ട്‌ സ്‌കൂളദ്ധ്യാപകൻ ബുദ്ധ്യുപദേശം കൊടുക്കുന്നു. ഈ സ്‌കൂളിലെ ഉപയോഗത്തിനുവേണ്ടി പല പാഠപുസ്‌തകങ്ങൾ തയ്യാറാക്കിയിട്ടുണ്ട്‌. യോഗങ്ങൾക്ക്‌ ക്രമമായി ഹാജരാകുന്നവർക്ക്‌ പേർ ചേർക്കാവുന്നതാണ്‌, ക്രിസ്‌തീയതത്വങ്ങൾക്കനുസരണമായിട്ടാണ്‌ അവർ ജീവിക്കുന്നതെങ്കിൽ.
അടുത്ത മീററിംഗ്‌ സേവനയോഗം എന്നു വിളിക്കപ്പെടുന്നു. അതിൽ വീടുതോറുമുളള സുവാർത്താസമർപ്പണവും ശുശ്രൂഷയുടെ മററു വശങ്ങളും കൈകാര്യം ചെയ്യുന്ന മൂന്നോ നാലോ ഭാഗങ്ങൾ ഉൾക്കൊണ്ടിരിക്കുന്നു. ഈ ഭാഗങ്ങൾ കുറെ സദസ്യപങ്കുപററലോടെ പ്രസംഗങ്ങളോ ചർച്ചകളോ പ്രകടനങ്ങളോ ആയി അവതരിപ്പിക്കപ്പെടുന്നു. പരിപാടിയിലധികവും മാസംതോറും വാച്ച്‌ററവർ സൊസൈററി പ്രസിദ്ധീകരിക്കുന്ന നാലു പേജുളള ഒരു പ്രബോധന താളായ നമ്മുടെ രാജ്യശുശ്രൂഷയിൽ കാണപ്പെടുന്ന വിവരങ്ങളിൽ അധിഷ്‌ഠിതമാണ്‌.
മറെറാരു മീററിംഗ്‌ സാധാരണയായി സഭാപ്രദേശത്തുടനീളമുളള സ്വകാര്യഭവനങ്ങളിൽ കുറേക്കൂടെ ചെറിയ കൂട്ടങ്ങളായി നടത്തുന്ന ഒരു പ്രതിവാര അദ്ധ്യയനമാണ്‌. ഈ അദ്ധ്യയനം ബൈബിളിലും സൊസൈററി അടുത്തകാലത്ത്‌ പ്രസിദ്ധീകരിച്ചിരിക്കുന്ന ഒരു പുസ്‌തകത്തിലും അധിഷ്‌ഠിതമാണ്‌. കൂട്ടം ചെറുതാകയാൽ ചർച്ചയിൽ പങ്കെടുക്കുന്നതിന്‌ എല്ലാവർക്കും മെച്ചമായ അവസരമുണ്ട്‌. ഹാജരാകുന്നവർക്ക്‌ അന്യോന്യം മെച്ചമായി പരിചയപ്പെടാനും നല്ല അവസരം ലഭിക്കുന്നു.
മിക്കസഭകളും യഹോവയുടെ സാക്ഷികളാൽ പണിയപ്പെടുന്ന രാജ്യഹാളിൽ തങ്ങളുടെ മീററിംഗുകൾ നടത്തുന്നു. സാക്ഷികൾതന്നെ സ്വമേധയാ നൽകുന്ന സംഭാവനകൾ കൊണ്ടാണ്‌ ചെലവുകൾ വഹിക്കുന്നത്‌. മിക്കപ്പോഴും സന്നദ്ധവേലക്കാർ കൂലിവാങ്ങാതെയാണ്‌ വേലചെയ്യുന്നത്‌. സംഭാവന ചെയ്യാനാഗ്രഹിക്കുന്നവരുടെ ഉപയോഗത്തിനുവേണ്ടി എല്ലാ മീററിംഗുകളിലും സംഭാവനപ്പെട്ടികൾ ലഭ്യമാണ്‌.
സഭാമീററിംഗുകൾ എബ്രായർ 10:24, 25-ലെ ബുദ്ധ്യുപദേശം അനുസരിക്കുന്നതിന്‌ യഹോവയുടെ സാക്ഷികളെ സഹായിക്കുന്നു: “ചിലരുടെ പതിവുപോലെ, നമ്മുടെ കൂടിവരവ്‌ ഉപേക്ഷിക്കാതെ, അന്യോന്യം പ്രോത്സാഹിപ്പിച്ചുകൊണ്ട്‌ സ്‌നേഹത്തിനും സൽപ്രവൃത്തികൾക്കും പ്രചോദിപ്പിക്കാൻ നമുക്ക്‌ അന്യോന്യം പരിഗണിക്കാം, നാൾ സമീപിക്കുന്നതായി [നാം] കാണുമ്പോൾ പൂർവ്വാധികം അങ്ങനെതന്നെ ചെയ്യാം.”
• യഹോവയുടെ സാക്ഷികളുടെ മീററിംഗുകളിൽ ആദിമ ക്രിസ്‌തീയ യോഗങ്ങളുടെ ഏതു സവിശേഷതകൾ കാണാൻ കഴിയും?
• സാക്ഷികൾ ക്രമമായി നടത്തുന്ന അഞ്ചു മീററിംഗുകളിൽ അവതരിപ്പിക്കപ്പെടുന്നതെന്തെന്ന്‌ വിവരിക്കുക.
• യോഗഹാളുകൾ ലഭിച്ചിരിക്കുന്നതെങ്ങനെ?
[14-ാം പേജിലെ ചിത്രങ്ങൾ]
മൂപ്പൻ വീക്ഷാഗോപുരാദ്ധ്യയനം നടത്തുന്നു, ഐക്യനാടുകൾ
ദിവ്യാധിപത്യ ശുശ്രൂഷാസ്‌കൂളിലെ രംഗം, ഫേറോ ദ്വീപുകൾ
സ്വകാര്യഭവനത്തിലെ ഗ്രൂപ്പ്‌ പഠനം, യാപ്‌
രാജ്യഹോൾ, ന്യൂ ബ്രോൺഫെൽസ്‌, റെറക്‌സാസ്‌, യു. എസ്‌. എ., യഹോവയുടെ സാക്ഷികൾ രണ്ടു ദിവസം കൊണ്ട്‌ പണിതത്‌
[15-ാം പേജിലെ ചിത്രങ്ങൾ]
വിവിധ രാജ്യങ്ങളിലെ രാജ്യഹോളുകൾ
ജപ്പാൻ
ആസ്‌ത്രേലിയാ
ഓസ്‌ത്രിയാ
സ്‌പെയിൻ