ബൈബിൾ പുസ്‌തക നമ്പർ 17—എസ്ഥേർ

എഴുത്തുകാരൻ: മൊർദേ​ഖായ്‌

എഴുതിയ സ്ഥലങ്ങൾ: ശൂശൻ, ഏലാം

എഴുത്തു പൂർത്തി​യാ​യത്‌: പൊ.യു.മു. ഏകദേശം 475

ഉൾപ്പെട്ടിരിക്കുന്ന കാലം: പൊ.യു.മു. 493-ഏകദേശം 475

1. എസ്ഥേറി​ന്റെ പുസ്‌ത​ക​ത്തിൽ ഏതു കഥ ചുരു​ള​ഴി​യു​ന്നു?

ലളിത​മാ​യി പറഞ്ഞാൽ, സേർക്‌സെസ്‌ I-ാമൻ എന്നു ചിലർ വിചാ​രി​ക്കുന്ന പേർഷ്യ​യി​ലെ രാജാ​വായ അഹശ്വേ​രോ​ശി​ന്റെ കഥയാണ്‌ ഇവി​ടെ​യു​ള​ളത്‌. അവന്റെ അനുസ​ര​ണ​മി​ല്ലാത്ത ഭാര്യ​യായ വസ്ഥിയു​ടെ സ്ഥാനത്തു മൊർദേ​ഖാ​യി​യു​ടെ മച്ചുന​ത്തി​യായ എസ്ഥേർ എന്ന യഹൂദ​വ​നിത അവന്റെ ഭാര്യ​യാ​യി​ത്തീ​രു​ന്നു. ആഗാഗ്യ​നായ ഹാമാൻ മൊർദേ​ഖാ​യി​യു​ടെ​യും സകല യഹൂദൻമാ​രു​ടെ​യും മരണത്തി​നു ഗൂഢാ​ലോ​ചന നടത്തുന്നു. എന്നാൽ അവൻ സ്വന്തം കഴുമ​ര​ത്തിൽ തൂക്ക​പ്പെ​ടു​ന്നു. അതേസ​മയം മൊർദേ​ഖാ​യി​ക്കു പ്രധാ​ന​മ​ന്ത്രി​യാ​യി കയററം കിട്ടു​ക​യും യഹൂദൻമാർ വിടു​വി​ക്ക​പ്പെ​ടു​ക​യും ചെയ്യുന്നു.

2. (എ) ചിലർ എസ്ഥേർ എന്ന പുസ്‌ത​ക​ത്തി​ന്റെ നിശ്വ​സ്‌ത​തയെ ചോദ്യം ചെയ്‌തി​ട്ടു​ള​ളത്‌ എന്തു​കൊണ്ട്‌? (ബി) ദൈവ​നാ​മം എസ്ഥേറി​ന്റെ പുസ്‌ത​ക​ത്തിൽ ഏതു രൂപത്തിൽ ഉപയോ​ഗി​ക്ക​പ്പെ​ട്ടി​രി​ക്കു​ന്ന​താ​യി കാണുന്നു?

² തീർച്ച​യാ​യും, എസ്ഥേറി​ന്റെ പുസ്‌തകം നിശ്വ​സ്‌ത​മോ പ്രയോ​ജ​ന​പ്ര​ദ​മോ അല്ലെന്നും കേവലം മനോ​ഹ​ര​മായ ഒരു ഐതി​ഹ്യം മാത്ര​മാ​ണെ​ന്നും പറയാ​നാ​ഗ്ര​ഹി​ക്കു​ന്ന​വ​രുണ്ട്‌. ദൈവ​നാ​മം അതിലി​ല്ലെ​ന്നു​ള​ള​തി​ലാണ്‌ അവർ തങ്ങളുടെ അവകാ​ശ​വാ​ദത്തെ അടിസ്ഥാ​ന​പ്പെ​ടു​ത്തു​ന്നത്‌. ദൈവ​ത്തെ​ക്കു​റി​ച്ചു നേരിട്ടു പറയു​ന്നി​ല്ലെ​ന്നു​ള​ളതു സത്യമാ​ണെ​ങ്കി​ലും, ചതുരാ​ക്ഷ​ര​ങ്ങ​ളു​ടെ ഒരു ചിത്രാ​ക്ഷരി വരുന്ന നാലു വ്യത്യസ്‌ത സന്ദർഭങ്ങൾ എബ്രായ പാഠത്തിൽ കാണുന്നു, അതായത്‌ യ്‌ഹ്‌വ്‌ഹ്‌ (എബ്രായ, יהזה) അല്ലെങ്കിൽ യഹോവ എന്നതിന്റെ അക്ഷരങ്ങൾ നാലു തുടർച്ച​യായ വാക്കു​ക​ളു​ടെ ആദ്യക്ഷ​ര​ങ്ങ​ളാ​യി കാണ​പ്പെ​ടു​ന്നു. ഈ ആദ്യക്ഷ​രങ്ങൾ കുറഞ്ഞ​പക്ഷം മൂന്നു പുരാതന എബ്രായ കൈ​യെ​ഴു​ത്തു​പ്ര​തി​ക​ളിൽ വിശേ​ഷാൽ പ്രമു​ഖ​മാ​ക്ക​പ്പെ​ടു​ന്നു, മസോ​റ​യിൽ ചുവന്ന അക്ഷരങ്ങ​ളാൽ സൂചി​പ്പി​ക്ക​പ്പെ​ടു​ക​യും ചെയ്യുന്നു. കൂടാതെ, എസ്ഥേർ 7:5-ൽ (NW) “ഞാൻ ആണെന്നു തെളി​യും” എന്ന ദിവ്യ​പ്ര​ഖ്യാ​പ​ന​ത്തിൽ പ്രത്യ​ക്ഷ​ത്തിൽ ഒരു ചിത്രാ​ക്ഷ​രി​യുണ്ട്‌.—എസ്ഥേർ 1:20; 5:4, 13; 7:7 ഇവയു​ടെ​യും 7:5-ന്റെയും NW അടിക്കു​റി​പ്പു​കൾ കാണുക.

3. ഏതു സംഭവങ്ങൾ ദൈവ​ത്തി​ലു​ളള വിശ്വാ​സ​ത്തെ​യും ദൈവ​ത്തോ​ടു​ളള പ്രാർഥ​ന​യെ​യും സൂചി​പ്പി​ക്കു​ന്നു, ഏതു സംഭവങ്ങൾ കാര്യ​ങ്ങ​ളു​ടെ ദൈവ​ത്താ​ലു​ളള കരുനീ​ക്കത്തെ സൂചി​പ്പി​ക്കു​ന്നു?

³ മൊർദേ​ഖായ്‌ യഹോ​വ​യു​ടെ നിയമം അംഗീ​ക​രി​ക്കു​ക​യും അനുസ​രി​ക്കു​ക​യും ചെയ്‌തു​വെ​ന്ന​തി​നു രേഖയി​ലു​ട​നീ​ളം ശക്തമായ തെളി​വുണ്ട്‌. അമാ​ലേ​ക്യ​നാ​യി​രി​ക്കാ​നി​ട​യു​ളള ഒരു മനുഷ്യ​നെ കുമ്പി​ടാൻ അവൻ വിസമ്മ​തി​ച്ചു; ദൈവം അമാ​ലേ​ക്യ​രെ നിർമൂ​ല​നാ​ശ​ത്തി​നു വേർതി​രി​ച്ചി​രു​ന്നു. (എസ്ഥേ. 3:1, 5; ആവ. 25:19; 1 ശമൂ. 15:3) എസ്ഥേർ 4:14-ലെ മൊർദേ​ഖാ​യി​യു​ടെ പദപ്ര​യോ​ഗം അവൻ യഹോ​വ​യിൽനി​ന്നു​ളള വിടുതൽ പ്രതീ​ക്ഷി​ച്ചി​രു​ന്നു​വെ​ന്നും മുഴു സംഭവ​ഗ​തി​യി​ലും ദിവ്യ​ന​ട​ത്തി​പ്പിൽ വിശ്വാ​സ​മർപ്പി​ച്ചി​രു​ന്നു​വെ​ന്നും സൂചി​പ്പി​ക്കു​ന്നു. രാജസ​ന്നി​ധി​യിൽ ചെല്ലു​ന്ന​തി​നു മുമ്പ്‌ എസ്ഥേറി​ന്റെ മൂന്നു ദിവസത്തെ ഉപവാ​സ​വും മററു യഹൂദൻമാ​രു​ടെ സമാന​മായ പ്രവർത്ത​ന​വും യഹോ​വ​യി​ലു​ളള ആശ്രയത്തെ പ്രകട​മാ​ക്കു​ന്നു. (എസ്ഥേ. 4:16) സ്‌ത്രീ​ക​ളു​ടെ സംരക്ഷ​ക​നായ ഹേഗാ​യി​യു​ടെ ദൃഷ്ടി​യിൽ എസ്ഥേർ പ്രീതി കണ്ടെത്തു​ന്ന​തി​ലും രാജാ​വിന്‌ ഉറക്കം​വ​രാ​ഞ്ഞിട്ട്‌ ഔദ്യോ​ഗി​ക​രേ​ഖകൾ വരുത്തി വായി​ച്ച​പ്പോൾ മൊർദേ​ഖാ​യി​യു​ടെ കഴിഞ്ഞ​കാല സത്‌പ്ര​വൃ​ത്തിക്ക്‌ അവനെ ബഹുമാ​നി​ച്ചി​ട്ടി​ല്ലെന്നു കണ്ടെത്തു​ന്ന​തി​ലും സംഭവ​ങ്ങ​ളു​ടെ ദൈവ​ത്താ​ലു​ളള കരുനീ​ക്ക​വും സൂചി​പ്പി​ക്ക​പ്പെ​ടു​ന്നു. (എസ്ഥേ. 2:8, 9; 6:1-3; സദൃശ​വാ​ക്യ​ങ്ങൾ 21:1 താരത​മ്യം ചെയ്യുക.) നിസ്സം​ശ​യ​മാ​യി, “ഉപവാ​സ​ത്തി​ന്റെ​യും കരച്ചി​ലി​ന്റെ​യും സംഗതി​കളെ”ന്ന വാക്കു​ക​ളിൽ പ്രാർഥ​ന​യു​ടെ ഒരു പരാമർശ​മുണ്ട്‌.—എസ്ഥേ. 9:31.

4. എസ്ഥേറി​ന്റെ പുസ്‌തകം വിശ്വാ​സ്യ​വും വസ്‌തു​നി​ഷ്‌ഠ​വു​മാ​യി സ്ഥിരീ​ക​രി​ക്ക​പ്പെ​ടു​ന്ന​തെ​ങ്ങനെ?

⁴ അനേകം വസ്‌തു​തകൾ രേഖയെ വിശ്വാ​സ്യ​വും വസ്‌തു​നി​ഷ്‌ഠ​വു​മെന്നു സ്ഥാപി​ക്കു​ന്നു. അതു യഹൂദ​ജനം അംഗീ​ക​രി​ച്ചു, അവർ ഈ പുസ്‌ത​കത്തെ കേവലം “ചുരുൾ”; “പ്രമാ​ണ​ചു​രുൾ” എന്നർഥ​മു​ളള മെഖില്ലാ എന്നു വിളിച്ചു. എസ്രാ എബ്രായ കാനോ​നിൽ അത്‌ ഉൾപ്പെ​ടു​ത്തി​യി​രി​ക്കു​ന്ന​താ​യി കാണുന്നു, അവൻ തീർച്ച​യാ​യും ഒരു കെട്ടു​ക​ഥയെ തളളി​ക്ക​ള​യു​മാ​യി​രു​ന്നു. യഹൂദൻമാർ എസ്ഥേറി​ന്റെ കാലത്തെ വലിയ വിടു​ത​ലി​ന്റെ സ്‌മാ​ര​ക​മാ​യി ഇന്നോളം പൂരീം അഥവാ ചീട്ടിന്റെ ഉത്സവം ആഘോ​ഷി​ക്കു​ന്നു. ഈ പുസ്‌തകം പേർഷ്യൻ ശീലങ്ങ​ളെ​യും ആചാര​ങ്ങ​ളെ​യും ജീവി​ത​ഗ​ന്ധി​യായ ഒരു വിധത്തി​ലും അറിയ​പ്പെ​ടുന്ന ചരി​ത്ര​വ​സ്‌തു​ത​ക​ളോ​ടും പുരാ​വ​സ്‌തു​ശാ​സ്‌ത്ര​പ​ര​മായ കണ്ടുപി​ടി​ത്ത​ങ്ങ​ളോ​ടു​മു​ളള ചേർച്ച​യി​ലും അവതരി​പ്പി​ക്കു​ന്നു. ദൃഷ്ടാ​ന്ത​ത്തിന്‌, പേർഷ്യ​ക്കാർ ഒരു മനുഷ്യ​നെ ബഹുമാ​നി​ക്കുന്ന വിധം എസ്ഥേറി​ന്റെ പുസ്‌തകം കൃത്യ​മാ​യി വർണി​ക്കു​ന്നു. (6:8) എസ്ഥേറി​ന്റെ പുസ്‌ത​ക​ത്തിൽ കൊടു​ത്തി​രി​ക്കുന്ന രാജ​കൊ​ട്ടാ​ര​ത്തി​ന്റെ വർണനകൾ അതിസൂ​ക്ഷ്‌മ​വി​ശ​ദാം​ശം​വരെ കൃത്യ​മാ​ണെന്നു പുരാ​വ​സ്‌തു​ശാ​സ്‌ത്ര​സം​ബ​ന്ധ​മായ ഖനനങ്ങൾ വെളി​പ്പെ​ടു​ത്തി​യി​ട്ടുണ്ട്‌.a—5:1, 2.

5. ഏതു കൃത്യത എസ്ഥേറി​ലെ വിവര​ണ​ത്തി​നു സത്യത​യു​ടെ ഒരു സൂചന കൊടു​ക്കു​ന്നു, ഭാഷ ഏതു കാലഘ​ട്ട​ത്തോ​ടു പൊരു​ത്ത​പ്പെ​ടു​ന്നു?

⁵ അരമന ഉദ്യോ​ഗ​സ്ഥൻമാ​രു​ടെ​യും അവരുടെ സേവക​രു​ടെ​യും പേരു​കൾക്കു​പു​റമേ ഹാമാന്റെ പത്തു പുത്രൻമാ​രു​ടെ പേരുകൾ പോലും ശ്രദ്ധാ​പൂർവം പറയു​ന്ന​തിൽ വിവര​ണ​ത്തിൽത്തന്നെ ഈ കൃത്യത കാണാ​വു​ന്ന​താണ്‌. മൊർദേ​ഖാ​യി​യു​ടെ​യും എസ്ഥേറി​ന്റെ​യും വംശാ​വലി ബെന്യാ​മീൻഗോ​ത്ര​ത്തിൽപ്പെട്ട കീശ്‌വരെ പിമ്പോ​ട്ടു രേഖ​പ്പെ​ടു​ത്തു​ന്നു. (2:5-7) പേർഷ്യൻഭ​ര​ണ​കൂ​ട​ത്തി​ന്റെ ഔദ്യോ​ഗി​ക​രേ​ഖകൾ പരാമർശി​ക്ക​പ്പെ​ടു​ന്നുണ്ട്‌. (2:23; 6:1; 10:2) പുസ്‌ത​ക​ത്തി​ലെ ഭാഷ അനേകം പേർഷ്യൻ, അരമായ, പദങ്ങളും ശൈലി​ക​ളും സഹിത​മു​ളള പിൽക്കാല എബ്രായ ആണ്‌, ആ രീതി ദിനവൃ​ത്താ​ന്ത​ങ്ങ​ളു​ടെ​യും എസ്രാ​യു​ടെ​യും നെഹെ​മ്യാ​വി​ന്റെ​യും രീതി​ക​ളോ​ടു സമാന​മാണ്‌, അങ്ങനെ അത്‌ എഴുത​പ്പെട്ട കാലഘ​ട്ട​ത്തോ​ടു പൂർണ​മായ യോജി​പ്പി​ലാണ്‌.

6. (എ) എസ്ഥേറി​ന്റെ പുസ്‌ത​ക​ത്തിന്‌ ഏതു കാലഘട്ടം സൂചി​പ്പി​ക്ക​പ്പെ​ടു​ന്നു? (ബി) എഴുത്തു​കാ​ര​നെ​സം​ബ​ന്ധി​ച്ചും എഴുത്തി​ന്റെ സ്ഥലത്തെ​യും കാല​ത്തെ​യും കുറി​ച്ചും തെളിവ്‌ എന്തു സൂചി​പ്പി​ക്കു​ന്നു?

⁶ എസ്ഥേറി​ലെ സംഭവങ്ങൾ ശക്തമായ പേർഷ്യൻസാ​മ്രാ​ജ്യം അതിന്റെ ഉച്ചസ്ഥാ​ന​ത്താ​യി​രു​ന്ന​പ്പോൾ നടന്നതാ​യും അഹശ്വേ​രോ​ശി​ന്റെ (സേർക്‌സസ്‌ I-ാമൻ) വാഴ്‌ച​യു​ടെ ഏതാണ്ടു 18 വർഷത്തെ ഉൾപ്പെ​ടു​ത്തു​ന്ന​താ​യും വിചാ​രി​ക്ക​പ്പെ​ടു​ന്നു. പൊ.യു.മു. ഏതാണ്ട്‌ 475 വരെ നീളുന്ന ഈ കാലഘട്ടം ഗ്രീക്ക്‌, പേർഷ്യൻ, ബാബി​ലോ​ന്യൻ മൂല​പ്ര​മാ​ണ​ങ്ങ​ളിൽനി​ന്നു​ളള സാക്ഷ്യ​ത്താൽ സൂചി​പ്പി​ക്ക​പ്പെ​ടു​ന്നു.b ദൃക്‌സാ​ക്ഷി​യും വിവര​ണ​ത്തി​ലെ ഒരു പ്രമുഖ കഥാപാ​ത്ര​വു​മായ മൊർദേ​ഖായ്‌ പുസ്‌ത​ക​ത്തി​ന്റെ എഴുത്തു​കാ​ര​നാ​യി​രി​ക്കാൻ ഏററവും സാധ്യ​ത​യുണ്ട്‌; ദൃഢബ​ദ്ധ​വും വിശദ​വു​മായ വിവരണം എഴുത്തു​കാ​രൻ ശൂശൻരാ​ജ​ധാ​നി​യിൽ ഈ സംഭവങ്ങൾ നടക്കു​മ്പോൾ ജീവി​ച്ചി​രി​ക്ക​ണ​മെന്നു പ്രകട​മാ​ക്കു​ന്നു.c മററ്‌ ഒരു പുസ്‌ത​ക​ത്തി​ലും മൊർദേ​ഖാ​യി​യെ​ക്കു​റി​ച്ചു പറയു​ന്നി​ല്ലെ​ങ്കി​ലും അവൻ ചരി​ത്ര​ത്തി​ലെ ഒരു യഥാർഥ വ്യക്തി​യാ​യി​രു​ന്നു​വെ​ന്ന​തി​നു സംശയ​മില്ല. രസാവ​ഹ​മാ​യി, സേർക്‌സസ്‌ I-ാമന്റെ വാഴ്‌ച​ക്കാ​ലത്തു സൂസാ (ശൂശൻ) രാജധാ​നി​യി​ലെ ഒരു ഉയർന്ന ഉദ്യോ​ഗ​സ്ഥ​നെന്ന നിലയിൽ മർഡു​ക്കാ​യെ (മൊർദേ​ഖായ്‌?) പരാമർശി​ക്കു​ന്ന​താ​യി ജർമനി​യി​ലെ എ. അൺഗ്നാഡ്‌ വർണി​ക്കുന്ന തീയതി​യി​ല്ലാത്ത ഒരു ക്യൂനി​ഫോം പാഠം കണ്ടെത്ത​പ്പെ​ട്ടി​ട്ടുണ്ട്‌.d എസ്ഥേറി​ലെ സംഭവങ്ങൾ നടന്ന ഉടനെ, അതായത്‌ പൊ.യു.മു. ഏതാണ്ട്‌ 475-ൽ മൊർദേ​ഖായ്‌ രേഖ പൂർത്തീ​ക​രി​ച്ചതു ശൂശനിൽവെ​ച്ചാ​യി​രു​ന്നു​വെ​ന്ന​തി​നു സംശയ​മില്ല.

എസ്ഥേറി​ന്റെ ഉളളടക്കം

7. അഹശ്വേ​രോ​ശി​ന്റെ വിരു​ന്നിൽ ഏതു പ്രതി​സന്ധി വികാസം പ്രാപി​ക്കു​ന്നു, തത്‌ഫ​ല​മാ​യി രാജാവ്‌ ഏതു നടപടി സ്വീക​രി​ക്കു​ന്നു?

⁷ വസ്ഥിരാ​ജ്ഞി സ്ഥാന​ഭ്ര​ഷ്ട​യാ​ക്ക​പ്പെ​ടു​ന്നു (1:1-22). സമയം അഹശ്വേ​രോ​ശി​ന്റെ വാഴ്‌ച​യു​ടെ മൂന്നാം വർഷം. അവൻ തന്റെ സാമ്രാ​ജ്യ​ത്തി​ലെ ഉദ്യോ​ഗ​സ്ഥൻമാർക്കു​വേണ്ടി കെങ്കേ​മ​മായ ഒരു വിരുന്നു കഴിക്കു​ക​യും 180 ദിവസം തന്റെ രാജ്യ​ത്തി​ലെ ധനവും മഹത്ത്വ​വും അവരെ കാണി​ക്കു​ക​യും ചെയ്യുന്നു. അടുത്ത​താ​യി, ശൂശനി​ലെ സകല ആളുകൾക്കും വേണ്ടി മഹത്തായ ഒരു സപ്‌ത​ദി​ന​വി​രു​ന്നു കഴിക്കു​ന്നു. അതേസ​മയം വസ്ഥിരാ​ജ്ഞി സ്‌ത്രീ​കൾക്കു​വേണ്ടി ഒരു വിരുന്നു കഴിക്കു​ന്നു. രാജാവു തന്റെ ധനത്തെ​യും മഹത്ത്വ​ത്തെ​യും കുറിച്ചു വമ്പുപ​റ​യു​ന്നു, വീഞ്ഞു​കു​ടി​ച്ചു സന്തോ​ഷി​ച്ചി​രി​ക്കു​മ്പോൾ, വന്നു ജനത്തി​നും പ്രഭു​ക്കൻമാർക്കും തന്റെ സൗന്ദര്യം കാണി​ക്കാൻ വസ്ഥി​യോട്‌ ആവശ്യ​പ്പെ​ടു​ക​യും ചെയ്യുന്നു. വസ്ഥിരാ​ജ്ഞി നിരസി​ച്ചു​കൊ​ണ്ടി​രി​ക്കു​ന്നു. ഈ മോശ​മായ ദൃഷ്ടാ​ന്ത​ത്തി​നു സാമ്രാ​ജ്യ​ത്തി​ലെ​ങ്ങും രാജാ​വി​ന്റെ മുഖം നഷ്ടപ്പെ​ടു​ന്ന​തി​നു കാരണ​മാ​യി​ത്തീ​രാൻ കഴിയു​മെ​ന്നു​ളള അരമന ഉദ്യോ​ഗ​സ്ഥൻമാ​രു​ടെ ബുദ്ധ്യു​പ​ദേ​ശ​പ്ര​കാ​രം അഹശ്വേ​രോശ്‌ രാജ്ഞി​സ്ഥാ​ന​ത്തു​നി​ന്നു വസ്ഥിയെ നീക്കം​ചെ​യ്യു​ക​യും “തങ്ങളുടെ ഭർത്താ​ക്കൻമാ​രെ ബഹുമാ​നി”ക്കാൻ സകല ഭാര്യ​മാ​രെ​യും “തന്റെ വീട്ടിൽ കർത്തവ്യം നടത്താ”ൻ സകല ഭർത്താ​ക്കൻമാ​രെ​യും ആഹ്വാ​നം​ചെ​യ്‌തു​കൊ​ണ്ടു ശാസനങ്ങൾ പ്രസി​ദ്ധ​പ്പെ​ടു​ത്തു​ക​യും ചെയ്യുന്നു.—1:20, 22.

8. (എ) ഏതു സംഭവങ്ങൾ എസ്ഥേർ രാജ്ഞി​യാ​കു​ന്ന​തി​ലേക്കു നയിക്കു​ന്നു? (ബി) മൊർദേ​ഖായ്‌ ഏതു ഗൂഢാ​ലോ​ചന വെളി​ച്ച​ത്തു​കൊ​ണ്ടു​വ​രു​ന്നു, അതിന്റെ ഏതു രേഖ ചമയ്‌ക്ക​പ്പെ​ടു​ന്നു?

⁸ എസ്ഥേർ രാജ്ഞി​യാ​യി​ത്തീ​രു​ന്നു (2:1-23). പിന്നീട്‌, സാമ്രാ​ജ്യ​ത്തി​ലെ 127 പ്രവി​ശ്യ​ക​ളി​ലും ഏററവും സൗന്ദര്യ​മു​ളള കന്യക​മാ​രെ തിരഞ്ഞു കണ്ടുപി​ടി​ക്കാ​നും ശൂശനി​ലേക്കു കൊണ്ടു​വ​രാ​നും ഉദ്യോ​ഗ​സ്ഥൻമാ​രെ നിയമി​ക്കു​ന്നു. അവിടെ രാജസ​ന്നി​ധി​യിൽ ഹാജരാ​ക്കു​ന്ന​തി​നു സൗന്ദര്യ​പ​രി​ച​ര​ണ​ത്താൽ അവർ ഒരുക്ക​പ്പെ​ടണം. തിര​ഞ്ഞെ​ടു​ക്ക​പ്പെട്ട യുവതി​ക​ളിൽ എസ്ഥേർ ഉണ്ട്‌. എസ്ഥേർ ശൂശനി​ലെ ഒരു ഉദ്യോ​ഗ​സ്ഥ​നായ, അവളുടെ മച്ചുനൻ മൊർദേ​ഖായ്‌ വളർത്തിയ “രൂപവ​തി​യും സുമു​ഖി​യു”മായ ഒരു യഹൂദ അനാഥ​ബാ​ല​യാ​യി​രു​ന്നു. (2:7) എസ്ഥേറി​ന്റെ യഹൂദ പേരായ ഹദസ്സാ​യു​ടെ അർഥം “കൊളുന്ത്‌” എന്നാണ്‌. സ്‌ത്രീ​ക​ളു​ടെ സംരക്ഷ​ക​നായ ഹേഗായി എസ്ഥേറിൽ പ്രസാ​ദി​ക്കു​ക​യും അവൾക്കു പ്രത്യേക പരിച​രണം കൊടു​ക്കു​ക​യും ചെയ്യുന്നു. അവൾ ഒരു യഹൂദ​സ്‌ത്രീ​യാ​ണെന്ന്‌ ആർക്കും അറിയാൻപാ​ടില്ല, കാരണം ഇത്‌ ഒരു രഹസ്യ​മാ​യി സൂക്ഷി​ക്കാൻ മൊർദേ​ഖായ്‌ അവളോ​ടു നിർദേ​ശി​ച്ചി​രു​ന്നു. യുവതി​കൾ ഊഴമ​നു​സ​രി​ച്ചു രാജസ​ന്നി​ധി​യി​ലേക്കു വരുത്ത​പ്പെ​ടു​ന്നു. അവൻ എസ്ഥേറി​നെ തന്റെ പുതിയ രാജ്ഞി​യാ​യി തിര​ഞ്ഞെ​ടു​ക്കു​ന്നു. അവളുടെ കിരീ​ട​ധാ​രണം ആഘോ​ഷി​ക്കു​ന്ന​തിന്‌ ഒരു വിരുന്നു നടത്തുന്നു. അധികം താമസി​യാ​തെ, രാജാ​വി​നെ വധിക്കാ​നു​ളള ഒരു ഗൂഢാ​ലോ​ച​ന​യെ​ക്കു​റി​ച്ചു മൊർദേ​ഖായ്‌ കേൾക്കു​ന്നു, അവൻ “മോർദ്ദെ​ഖാ​യി​യു​ടെ നാമത്തിൽ” അത്‌ എസ്ഥേറി​നെ​ക്കൊ​ണ്ടു രാജാ​വി​നെ അറിയി​ക്കു​ന്നു. (2:22) ഗൂഢാ​ലോ​ചന വെളി​ച്ച​ത്താ​ക്ക​പ്പെ​ടു​ന്നു, ഗൂഢാ​ലോ​ചകർ തൂക്കി​ക്കൊ​ല്ല​പ്പെ​ടു​ന്നു. രാജകീ​യ​ച​രി​ത്ര​ത്തിൽ ഒരു രേഖ ചമയ്‌ക്ക​പ്പെ​ടു​ന്നു.

9. മൊർദേ​ഖായ്‌ എങ്ങനെ ഹാമാനെ കുപി​ത​നാ​ക്കു​ന്നു, ഒടുവിൽ പറഞ്ഞയാൾ യഹൂദൻമാർക്കെ​തി​രാ​യി ഏതു രാജകൽപ്പന വാങ്ങുന്നു?

⁹ ഹാമാന്റെ ഗൂഢാ​ലോ​ചന (3:1–5:14). ഏതാണ്ടു നാലു വർഷം കടന്നു​പോ​കു​ന്നു. പ്രത്യ​ക്ഷ​ത്തിൽ ശമുവേൽ നിഗ്ര​ഹിച്ച അമാ​ലേ​ക്യ​രാ​ജാ​വായ ആഗാഗി​ന്റെ ഒരു സന്തതി​യായ ഹാമാൻ പ്രധാ​ന​മ​ന്ത്രി​യാ​യി​ത്തീ​രു​ന്നു. (1 ശമൂ. 15:33) രാജാവ്‌ അവനെ ഉയർത്തു​ക​യും രാജാ​വി​ന്റെ പടിവാ​തി​ലി​നു​ള​ളി​ലു​ളള സകല സേവക​രും ഹാമാന്റെ മുമ്പിൽ കുമ്പി​ടാൻ ആജ്ഞാപി​ക്കു​ക​യും ചെയ്യുന്നു. ഇവരിൽ മൊർദേ​ഖാ​യി​യും ഉൾപ്പെ​ടു​ന്നു. എന്നിരു​ന്നാ​ലും മൊർദേ​ഖായ്‌ അങ്ങനെ ചെയ്യാൻ വിസമ്മ​തി​ക്കു​ന്നു, താൻ ഒരു യഹൂദ​നാ​ണെന്നു രാജാ​വി​ന്റെ സേവകരെ അറിയി​ച്ചു​കൊ​ണ്ടു​തന്നെ. (പുറപ്പാ​ടു 17:14, 16 താരത​മ്യം ചെയ്യുക.) ഹാമാ​നിൽ കോപം നിറയു​ന്നു, മൊർദേ​ഖായ്‌ ഒരു യഹൂദ​നാ​ണെന്നു മനസ്സി​ലാ​ക്കി​ക്കൊണ്ട്‌ അവനെ​യും സകല യഹൂദൻമാ​രെ​യും എന്നേക്കു​മാ​യി ഉൻമൂ​ല​നം​ചെ​യ്യു​ന്ന​തി​നു​ളള മഹത്തായ അവസരം ഇതിൽ അയാൾ കാണു​ക​യും ചെയ്യുന്നു. യഹൂദൻമാർക്കു നിർമൂ​ല​നാ​ശം വരുത്തു​ന്ന​തിന്‌ ഒരു നല്ല ദിവസം നിശ്ചയി​ക്കാൻ ചീട്ട്‌ (പൂര്‌) ഇടുന്നു. രാജാ​വി​ങ്ക​ലു​ളള തന്റെ അനുകൂ​ല​നി​ലയെ ഉപയോ​ഗ​പ്പെ​ടു​ത്തി​ക്കൊ​ണ്ടു ഹാമാൻ യഹൂദൻമാർക്കെ​തി​രെ നിയമ​ലം​ഘനം ആരോ​പി​ക്കു​ക​യും അവരുടെ നാശത്തി​നു രേഖാ​മൂ​ലം ആജ്ഞാപി​ക്ക​ണ​മെന്ന്‌ അപേക്ഷി​ക്കു​ക​യും ചെയ്യുന്നു. ഈ സംഹാ​ര​ത്തി​ന്റെ പണച്ചെ​ലവു വഹിക്കു​ന്ന​തി​നു ഹാമാൻ 10,000 വെളളി​ത്താ​ലന്ത്‌ (ഏതാണ്ട്‌ 6,60,60,000 ഡോള​റി​നു സമം) സംഭാവന വാഗ്‌ദാ​നം​ചെ​യ്യു​ന്നു. രാജാവു സമ്മതി​ക്കു​ന്നു, രാജാ​വി​ന്റെ മോതി​രം​കൊ​ണ്ടു മുദ്ര​വെച്ചു രേഖാ​മൂ​ല​മു​ളള കൽപ്പന സാമ്രാ​ജ്യ​ത്തു​ട​നീ​ളം അയയ്‌ക്കു​ക​യും യഹൂദൻമാ​രു​ടെ വംശനാ​ശം വരുത്താ​നു​ളള ദിവസ​മാ​യി ആദാർ 13 നിശ്ചയി​ക്കു​ക​യും ചെയ്യുന്നു.

10. മൊർദേ​ഖാ​യി​യും എസ്ഥേറും യഹോ​വ​യു​ടെ ശക്തിയി​ലു​ളള വിശ്വാ​സ​ത്തോ​ടെ നീങ്ങു​ന്ന​തെ​ങ്ങനെ?

¹⁰ ഈ നിയമ​ത്തെ​ക്കു​റി​ച്ചു കേട്ട​പ്പോൾ മൊർദേ​ഖാ​യി​യും സകല യഹൂദൻമാ​രും രട്ടിലും വെണ്ണീ​റി​ലു​മി​രു​ന്നു വിലപി​ക്കു​ന്നു. “ഉപവാ​സ​വും കരച്ചി​ലും വിലാ​പ​വും” നടക്കുന്നു. (എസ്ഥേ. 4:3) യഹൂദൻമാ​രു​ടെ ദുരവ​സ്ഥ​യെ​ക്കു​റി​ച്ചു മൊർദേ​ഖാ​യി അറിയി​ച്ച​പ്പോൾ എസ്ഥേർ ആദ്യം ഇടപെ​ടു​ന്ന​തി​നു വിമുഖത കാട്ടുന്നു. രാജസ​ന്നി​ധി​യിൽ ക്ഷണിക്കാ​തെ ചെല്ലു​ന്ന​തി​നു​ളള ശിക്ഷ മരണമാണ്‌. എസ്ഥേർ അവരെ നിരാ​ശ​പ്പെ​ടു​ത്തു​ന്നു​വെ​ങ്കിൽ അവൾ ഏതായാ​ലും മരിക്കു​മെ​ന്നും “യെഹൂ​ദൻമാർക്കു മറെറാ​രു സ്ഥലത്തു​നി​ന്നു ഉദ്ധാരണം” വരു​മെ​ന്നും പ്രസ്‌താ​വി​ച്ചു​കൊ​ണ്ടു മൊർദേ​ഖായ്‌ യഹോ​വ​യു​ടെ ശക്തിയി​ലു​ളള വിശ്വാ​സം പ്രകട​മാ​ക്കു​ന്നു. മാത്ര​വു​മല്ല, “ഇങ്ങനെ​യു​ളേ​ളാ​രു കാലത്തി​ന്നാ​യി​ട്ട​ല്ല​യോ” എസ്ഥേർ രാജ്ഞി​യാ​യി​രി​ക്കു​ന്നത്‌? (4:14) പ്രശ്‌നം മനസ്സി​ലാ​ക്കി​ക്കൊണ്ട്‌, അവൾ ജീവൻ കൈയി​ലെ​ടു​ക്കാൻ സമ്മതി​ക്കു​ന്നു, ശൂശനി​ലെ സകല യഹൂദൻമാ​രും മൂന്നു ദിവസം അവളോ​ടു​കൂ​ടെ ഉപവസി​ക്കു​ക​യും ചെയ്യുന്നു.

11. രാജാ​വി​ന്റെ പ്രീതി​യെ എസ്ഥേർ എങ്ങനെ ഉപയോ​ഗി​ക്കു​ന്നു, എന്നാൽ ഹാമാൻ മൊർദേ​ഖാ​യി​ക്കെ​തി​രെ എന്തു ഗൂഢാ​ലോ​ചന നടത്തുന്നു?

¹¹ പിന്നീട്‌ എസ്ഥേർ തന്റെ ഏററവും നല്ല രാജകീ​യ​വേ​ഷ​ത്തിൽ രാജസ​ന്നി​ധി​യിൽ മുഖം​കാ​ണി​ക്കു​ന്നു. അവൾ അവന്റെ ദൃഷ്ടി​യിൽ പ്രീതി കണ്ടെത്തു​ന്നു, അവളുടെ ജീവൻ രക്ഷിച്ചു​കൊ​ണ്ടു രാജാവു തന്റെ പൊൻചെ​ങ്കോൽ അവളു​ടെ​നേരെ നീട്ടുന്നു. അവൾ ഇപ്പോൾ രാജാ​വി​നെ​യും ഹാമാ​നെ​യും ഒരു വിരു​ന്നി​നു ക്ഷണിക്കു​ന്നു. സദ്യയു​ടെ സമയത്ത്‌, “രാജ്യ​ത്തിൽ പാതി​യോ​ള​മാ​യാ​ലും” അനുവ​ദി​ച്ചു​ത​രു​മെന്ന്‌ ഉറപ്പു​കൊ​ടു​ത്തു​കൊണ്ട്‌, അവളുടെ അപേക്ഷ അറിയി​ക്കാൻ രാജാവ്‌ അവളെ പ്രോ​ത്സാ​ഹി​പ്പി​ക്കു​ന്നു. അതിങ്കൽ അവൾ രണ്ടു​പേ​രെ​യും അടുത്ത ദിവസത്തെ മറെറാ​രു വിരു​ന്നി​നു ക്ഷണിക്കു​ന്നു. (5:6) ഹാമാൻ സന്തോ​ഷ​ത്തോ​ടെ ഇറങ്ങി​പ്പോ​കു​ന്നു. എന്നാൽ രാജാ​വി​ന്റെ പടിവാ​തിൽക്കൽ മൊർദേ​ഖായ്‌ ഉണ്ട്‌! വീണ്ടും അവൻ ഹാമാനെ ബഹുമാ​നി​ക്കാ​നോ അവന്റെ മുമ്പിൽ വിറയ്‌ക്കാ​നോ കൂട്ടാ​ക്കു​ന്നില്ല. ഹാമാന്റെ സന്തോഷം കോപ​മാ​യി മാറുന്നു. അമ്പതു​മു​ഴം (22.3 മീറ്റർ) ഉയരമു​ളള ഒരു കഴുമരം നിർമി​ക്കാ​നും അതിൻമേൽ മൊർദേ​ഖാ​യി​യെ തൂക്കാൻ രാജാ​വിൽനിന്ന്‌ ഒരു കൽപ്പന വാങ്ങാ​നും അവന്റെ ഭാര്യ​യും സുഹൃ​ത്തു​ക്ക​ളും നിർദേ​ശി​ക്കു​ന്നു. ഹാമാൻ പെട്ടെ​ന്നു​തന്നെ കഴുമരം പണിക​ഴി​പ്പി​ക്കു​ന്നു.

12. സംഭവ​ങ്ങ​ളു​ടെ ഏതു വഴിത്തി​രിവ്‌ ഹാമാൻ അവമാ​നി​ത​നാ​കു​മാ​റു മൊർദേ​ഖാ​യി​യെ അഹശ്വേ​രോശ്‌ ബഹുമാ​നി​ക്കു​ന്ന​തി​ലേക്കു നയിക്കു​ന്നു?

¹² പദ്ധതികൾ തകിടം​മ​റി​യു​ന്നു (6:1–7:10). അന്നു രാത്രി രാജാ​വിന്‌ ഉറങ്ങാൻ കഴിയു​ന്നില്ല. അവൻ രേഖക​ളു​ടെ പുസ്‌തകം വരുത്തി വായി​ച്ചു​കേൾക്കു​ന്നു, തന്റെ ജീവൻ രക്ഷിച്ച​തി​നു താൻ മൊർദേ​ഖാ​യി​ക്കു പ്രതി​ഫലം കൊടു​ത്തി​ട്ടി​ല്ലെന്ന്‌ അവൻ കണ്ടുപി​ടി​ക്കു​ന്നു. പിന്നീടു മുററത്ത്‌ ആരു​ണ്ടെന്നു രാജാവ്‌ ചോദി​ക്കു​ന്നു. മൊർദേ​ഖാ​യി​യു​ടെ മരണത്തി​നാ​യി രാജാ​വിൽനി​ന്നു​ളള അനുമതി ചോദി​ക്കാൻ വന്നിരി​ക്കുന്ന ഹാമാ​ന​വി​ടെ​യുണ്ട്‌. രാജാ​വി​നെ പ്രസാ​ദി​പ്പി​ക്കുന്ന ഒരാളെ എങ്ങനെ ബഹുമാ​നി​ക്ക​ണ​മെന്നു രാജാവ്‌ ഹാമാ​നോ​ടു ചോദി​ക്കു​ന്നു. തന്റെ കാര്യ​മാ​ണു രാജാ​വി​ന്റെ മനസ്സി​ലു​ള​ള​തെന്നു വിചാ​രി​ച്ചു​കൊ​ണ്ടു ഹാമാൻ ബഹുമാ​നി​ക്ക​ലി​ന്റെ അതിവി​പു​ല​മായ ഒരു പരിപാ​ടി വിവരി​ക്കു​ന്നു. എന്നാൽ രാജാവ്‌ അയാ​ളോട്‌ “യഹൂദ​നായ മൊർദേ​ഖാ​യി​ക്കു അങ്ങനെ​യൊ​ക്കെ​യും ചെയ്യുക” എന്നു കൽപ്പി​ക്കു​ന്നു! (6:10) രാജകീ​യ​പ്ര​താ​പ​ത്തിൽ മൊർദേ​ഖാ​യി​യെ വസ്‌ത്ര​മ​ണി​യി​ച്ചു രാജാ​വി​ന്റെ കുതി​ര​പ്പു​റ​ത്തി​രു​ത്തി അവന്റെ മുമ്പിൽ വിളി​ച്ചു​പ​റ​ഞ്ഞു​കൊണ്ട്‌ നഗരത്തി​ലെ പൊതു വിശാ​ല​സ്ഥ​ല​ത്തി​നു ചുററും കൊണ്ടു​ന​ട​ക്കു​ക​യ​ല്ലാ​തെ ഹാമാനു ഗത്യന്ത​ര​മില്ല. താഴ്‌ത്ത​പ്പെ​ട്ട​തോ​ടെ ഹാമാൻ ദുഃഖി​ത​നാ​യി വീട്ടി​ലേക്കു ധൃതി​യിൽ മടങ്ങുന്നു. അയാളു​ടെ ഭാര്യ​ക്കും സുഹൃ​ത്തു​ക്കൾക്കും ആശ്വാസം വാഗ്‌ദാ​നം​ചെ​യ്യാ​നില്ല. ഹാമാൻ കുററം വിധി​ക്ക​പ്പെ​ട്ടി​രി​ക്കു​ന്നു!

13. ഹാമാന്‌ ഏതു വിധി​യി​ലേക്കു നയിച്ചു​കൊണ്ട്‌ വിരു​ന്നിൽ എസ്ഥേർ എന്തു വെളി​പ്പെ​ടു​ത്തു​ന്നു?

¹³ ഇപ്പോൾ ഹാമാന്‌ രാജാ​വി​നോ​ടും എസ്ഥേറി​നോ​ടു​മൊ​പ്പം വിരു​ന്നി​നു ഹാജരാ​കാ​നു​ളള സമയമാ​യി​രി​ക്കു​ക​യാണ്‌. താനും തന്റെ ജനവും നശിപ്പി​ക്ക​പ്പെ​ടു​ന്ന​തി​നു വിൽക്ക​പ്പെ​ട്ടി​രി​ക്കു​ക​യാ​ണെന്നു രാജ്ഞി പ്രഖ്യാ​പി​ക്കു​ന്നു. ഈ ദുഷ്ടത ചെയ്യാൻ മുതിർന്നി​രി​ക്കു​ന്ന​താ​രാണ്‌? എസ്ഥേർ പറയുന്നു: “വൈരി​യും ശത്രു​വും ഈ ദുഷ്ടനായ ഹാമാൻ തന്നേ.” (7:6) രാജാവ്‌ ഉഗ്ര​ക്രോ​ധ​ത്തോ​ടെ എഴു​ന്നേ​ററു പൂന്തോ​ട്ട​ത്തി​ലേക്കു നടക്കുന്നു. രാജ്ഞി​യു​മാ​യി തനിച്ചാ​യ​പ്പോൾ ഹാമാൻ തന്റെ ജീവനു​വേണ്ടി അപേക്ഷി​ക്കു​ന്നു. രാജാവു മടങ്ങി​വ​രു​മ്പോൾ രാജ്ഞി​യു​ടെ കട്ടിലിൽ ഹാമാനെ കണ്ടതിൽ കൂടു​ത​ലാ​യി കുപി​ത​നാ​കു​ന്നു. മൊർദേ​ഖാ​യി​ക്കു​വേണ്ടി ഹാമാൻ ഒരുക്കി​യി​രുന്ന കഴുമ​ര​ത്തിൽത്തന്നെ ഹാമാനെ തൂക്കാൻ രാജാവ്‌ സത്വരം കൽപ്പി​ക്കു​ന്നു!—സങ്കീ. 7:16.

14. രാജാവ്‌ എസ്ഥേറി​നും മൊർദേ​ഖാ​യി​ക്കും എങ്ങനെ പ്രതി​ഫലം കൊടു​ക്കു​ന്നു, അവൻ ഏതു ലിഖി​ത​കൽപ്പ​ന​യാൽ യഹൂദൻമാർക്കു ഗുണം​ചെ​യ്യു​ന്നു?

¹⁴ മൊർദേ​ഖാ​യി​ക്കു സ്ഥാനക്ക​യ​ററം കിട്ടുന്നു, യഹൂദൻമാർ വിടു​വി​ക്ക​പ്പെ​ടു​ന്നു (8:1–10:3). രാജാവ്‌ ഹാമാന്റെ സകല സ്വത്തു​ക്ക​ളും എസ്ഥേറി​നു കൊടു​ക്കു​ന്നു. എസ്ഥേർ മൊർദേ​ഖാ​യി​യോ​ടു തനിക്കു​ളള ബന്ധം അഹശ്വേ​രോ​ശി​നെ അറിയി​ക്കു​ന്നു. അവനെ രാജാവ്‌ ഹാമാന്റെ മുൻ പദവി​യി​ലേക്ക്‌ ഉയർത്തു​ന്നു, രാജാ​വി​ന്റെ മുദ്ര​മോ​തി​ര​വും കൊടു​ക്കു​ന്നു. യഹൂദൻമാ​രെ നശിപ്പി​ക്കു​ന്ന​തി​നാ​യു​ളള രേഖാ​മൂ​ല​മായ കൽപ്പന റദ്ദാക്കു​ന്ന​തിന്‌ അപേക്ഷി​ക്കാൻ രാജസ​ന്നി​ധി​യിൽ ചെല്ലു​ന്ന​തി​നു വീണ്ടും എസ്ഥേർ തന്റെ ജീവൻ അപകട​ത്തി​ലാ​ക്കു​ന്നു. എന്നുവ​രി​കി​ലും, “പേർഷ്യ​യു​ടെ​യും മേദ്യ​യു​ടെ​യും നിയമങ്ങൾ” റദ്ദാക്കാ​വു​ന്നതല്ല! (1:19, NW) അതു​കൊണ്ട്‌ ഒരു പുതിയ നിയമം എഴുതി രാജ​മോ​തി​രം കൊണ്ടു മുദ്ര​വെ​ക്കാൻ എസ്ഥേറി​നും മൊർദേ​ഖാ​യി​ക്കും രാജാവ്‌ അധികാ​രം കൊടു​ക്കു​ന്നു. മുൻകൽപ്പന പോലെ സാമ്രാ​ജ്യ​ത്തി​ലു​ട​നീ​ളം അയയ്‌ക്ക​പ്പെട്ട ഈ രേഖാ​മൂ​ല​മു​ളള കൽപ്പന, ഹാമാന്റെ കൽപ്പന പ്രാബ​ല്യ​ത്തിൽ വരുന്ന അതേ ദിവസം​തന്നെ ‘ഒന്നിച്ചു​കൂ​ടി തങ്ങളുടെ ജീവര​ക്ഷ​ക്കു​വേണ്ടി പൊരു​തു​നി​ല്‌പാ​നും തങ്ങളെ ഉപദ്ര​വി​പ്പാൻ വരുന്ന ജാതി​യു​ടെ​യും സംസ്ഥാ​ന​ത്തി​ന്റെ​യും സകല സൈന്യ​ത്തെ​യും കുഞ്ഞു​ങ്ങ​ളെ​യും സ്‌ത്രീ​ക​ളെ​യും നശിപ്പി​ച്ചു കൊന്നു​മു​ടി​പ്പാ​നും അവരുടെ സമ്പത്തു കൊള​ള​യി​ടു​വാ​നും’ യഹൂദൻമാർക്ക്‌ അവകാശം കൊടു​ക്കു​ന്നു.—8:11.

15. (എ) പോരാ​ട്ട​ത്തി​ന്റെ ഫലമെ​ന്താണ്‌, മൊർദേ​ഖായ്‌ ഏത്‌ ഉത്സവം ഏർപ്പെ​ടു​ത്തു​ന്നു? (ബി) മൊർദേ​ഖായ്‌ ഏതു പദവി​യി​ലേക്ക്‌ ഉയർത്ത​പ്പെ​ടു​ന്നു, അവൻ ഏതു​ദ്ദേ​ശ്യ​ത്തിൽ ഈ അധികാ​രം ഉപയോ​ഗി​ക്കു​ന്നു?

¹⁵ നിയമിത ദിവസ​മായ ആദാർ 13 വരു​മ്പോൾ യഹൂദൻമാ​രു​ടെ മുമ്പിൽ ഒരു മനുഷ്യ​നും നിൽപ്പാൻ കഴിയു​ന്നില്ല. എസ്ഥേർ രാജാ​വി​നോട്‌ അപേക്ഷി​ക്കു​ക​യാൽ, പോരാ​ട്ടം ശൂശനിൽ 14-ാംതീ​യ​തി​യും തുടരു​ന്നു. സാമ്രാ​ജ്യ​ത്തു​ട​നീ​ളം യഹൂദൻമാ​രു​ടെ ശത്രു​ക്ക​ളിൽ മൊത്തം 75,000 പേർ കൊല്ല​പ്പെ​ടു​ന്നു. ശൂശൻരാ​ജ​ധാ​നി​യിൽ കൂടു​ത​ലാ​യി 810 പേർ കൊല്ല​പ്പെ​ടു​ന്നു. ഇവരിൽ ഹാമാന്റെ പത്തു പുത്രൻമാർ ഉൾപ്പെ​ടു​ന്നു, അവർ ആദ്യദി​വസം കൊല്ല​പ്പെ​ടു​ക​യും രണ്ടാം ദിവസം കഴുമ​ര​ങ്ങ​ളിൽ തൂക്ക​പ്പെ​ടു​ക​യും ചെയ്യുന്നു. യാതൊ​രു കവർച്ച​യും നടത്തു​ന്നില്ല. ആദാർ 15-ാം തീയതി വിശ്ര​മ​മാണ്‌, യഹൂദൻമാർ വിരു​ന്നി​ലും സന്തോ​ഷ​ത്തി​ലും മുഴു​കു​ന്നു. ഇപ്പോൾ ഓരോ വർഷവും ആദാർ 14-ഉം 15-ഉം തീയതി​ക​ളിൽ “പൂരെന്ന ചീട്ടി”ന്റെ ഈ ഉത്സവം ആഘോ​ഷി​ക്കാൻ മൊർദേ​ഖായ്‌ യഹൂദൻമാർക്കു രേഖാ​മൂ​ലം നിർദേ​ശങ്ങൾ കൊടു​ക്കു​ന്നു, ഇന്നോളം അവർ ഇതു ചെയ്യുന്നു. (9:24) മൊർദേ​ഖായ്‌ രാജ്യ​ത്തിൽ മഹാനാ​ക്ക​പ്പെ​ടു​ന്നു, അഹശ്വേ​രോശ്‌ രാജാ​വി​ന്റെ രണ്ടാമൻ എന്ന തന്റെ സ്ഥാനത്തെ “സ്വജന​ത്തി​നു ഗുണകാം​ക്ഷി​യും തന്റെ സർവ്വവം​ശ​ത്തി​നും അനുകൂ​ല​വാ​ദി​യു”മായി ഉപയോ​ഗ​പ്പെ​ടു​ത്തു​ന്നു.—10:3.

എന്തു​കൊ​ണ്ടു പ്രയോ​ജ​ന​പ്ര​ദം

16. എസ്ഥേരി​ന്റെ പുസ്‌ത​ക​ത്തിൽ ക്രിസ്‌ത്യാ​നി​കൾ ഏതു ദിവ്യ​ത​ത്ത്വ​ങ്ങ​ളും യോഗ്യ​മായ മാതൃ​ക​യും കണ്ടെത്തു​ന്നു?

¹⁶ മററു യാതൊ​രു ബൈബി​ളെ​ഴു​ത്തു​കാ​ര​നും എസ്ഥേറിൽനി​ന്നു നേരിട്ട്‌ ഉദ്ധരി​ക്കു​ന്നി​ല്ലെ​ന്നി​രി​ക്കെ, ഈ പുസ്‌തകം നിശ്വസ്‌ത തിരു​വെ​ഴു​ത്തു​ക​ളു​ടെ ശേഷിച്ച ഭാഗവു​മാ​യി പൂർണ​യോ​ജി​പ്പി​ലാണ്‌. യഥാർഥ​ത്തിൽ, അതു പിൽക്കാ​ലത്തു ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ പ്രസ്‌താ​വി​ക്ക​പ്പെ​ട്ടി​രി​ക്കു​ന്ന​തും എല്ലാ യുഗങ്ങ​ളി​ലു​മു​ളള യഹോ​വ​യു​ടെ ആരാധ​കർക്കു ബാധക​മാ​കു​ന്ന​തു​മായ ബൈബിൾത​ത്ത്വ​ങ്ങ​ളു​ടെ ചില വിശി​ഷ്ട​മായ ദൃഷ്ടാ​ന്തങ്ങൾ നൽകുന്നു. ചുവടെ ചേർക്കുന്ന വേദഭാ​ഗ​ങ്ങ​ളു​ടെ ഒരു പഠനം ഇതിങ്ങ​നെ​ത​ന്നെ​യാ​ണെന്നു പ്രകട​മാ​ക്കു​മെന്നു മാത്രമല്ല, ക്രിസ്‌തീ​യ​വി​ശ്വാ​സത്തെ പരിപു​ഷ്ടി​പ്പെ​ടു​ത്തു​ന്ന​തു​മാ​യിരി​ക്കും: എസ്ഥേർ 4:5—ഫിലി​പ്പി​യർ 2:4; എസ്ഥേർ 9:22—ഗലാത്യർ 2:10. യഹൂദൻമാർ രാജാ​വി​ന്റെ നിയമത്തെ അനുസ​രി​ക്കു​ന്നി​ല്ലെന്ന്‌ അവർക്കെ​തി​രെ കൊണ്ടു​വന്ന ആരോ​പണം ആദിമ ക്രിസ്‌ത്യാ​നി​കൾക്കെ​തി​രെ ഉന്നയി​ക്ക​പ്പെട്ട ആരോ​പ​ണ​ത്തോ​ടു സമാന​മാണ്‌. (എസ്ഥേ. 3:8, 9; പ്രവൃ. 16:21; 25:7) യഹോ​വ​യു​ടെ യഥാർഥ സേവകർ മൊർദേ​ഖാ​യി​യു​ടെ​യും എസ്ഥേറി​ന്റെ​യും അവരുടെ സഹ യഹൂദൻമാ​രു​ടെ​യും വിശിഷ്ട മാതൃ​ക​പ്ര​കാ​രം അങ്ങനെ​യു​ളള ആരോ​പ​ണ​ങ്ങളെ നിർഭ​യ​മാ​യും വിടു​വി​ക്കു​ന്ന​തി​നു​ളള ദിവ്യ​ശ​ക്തി​യി​ലു​ളള പ്രാർഥ​നാ​നി​ര​ത​മായ ആശ്രയ​ത്തോ​ടെ​യും നേരി​ടു​ന്നു.—എസ്ഥേ. 4:16; 5:1, 2; 7:3-6; 8:3-6; 9:1, 2.

17. തങ്ങളേ​ത്തന്നെ ദൈവ​ത്തി​നും “ശ്രേഷ്‌ഠാ​ധി​കാ​രങ്ങൾ”ക്കും കീഴ്‌പെ​ടു​ത്തി​യ​തിൽ മൊർദേ​ഖാ​യി​യും എസ്ഥേറും ഉചിത​മായ ഗതിയെ ഉദാഹ​രി​ച്ച​തെ​ങ്ങനെ?

¹⁷ ക്രിസ്‌ത്യാ​നി​ക​ളെന്ന നിലയിൽ നമ്മുടെ സാഹച​ര്യം മൊർദേ​ഖാ​യി​യു​ടെ​യും എസ്ഥേറി​ന്റെ​യും സാഹച​ര്യ​ത്തിൽനി​ന്നു വ്യത്യ​സ്‌ത​മാ​ണെന്നു നാം വിചാ​രി​ക്ക​രുത്‌. നാമും ഒരു അന്യ​ലോ​ക​ത്തിൽ “ശ്രേഷ്‌ഠാ​ധി​കാ​രങ്ങൾ”ക്കു കീഴി​ലാ​ണു ജീവി​ക്കു​ന്നത്‌. നാം വസിക്കുന്ന ഏതു രാജ്യ​ത്തും നിയമ​മ​നു​സ​രി​ക്കുന്ന പൗരൻമാ​രാ​യി​രി​ക്കാൻ നാമാ​ഗ്ര​ഹി​ക്കു​ന്നു. എന്നാൽ അതേസ​മയം ‘കൈസർക്കു​ള​ളതു കൈസർക്കും ദൈവ​ത്തി​നു​ള​ളതു ദൈവ​ത്തി​നും കൊടു​ക്കുന്ന’ സംഗതി​യിൽ ശരിയാ​യി​ത്തന്നെ വേർതി​രി​വു കാണാൻ നാം ആഗ്രഹി​ക്കു​ന്നു. (റോമ. 13:1; ലൂക്കൊ. 20:25) പ്രധാ​ന​മ​ന്ത്രി​യായ മൊർദേ​ഖാ​യി​യും എസ്ഥേർരാ​ജ്ഞി​യും തങ്ങളുടെ ലൗകി​ക​ക​ട​മ​ക​ളിൽ ഭക്തിയു​ടെ​യും അനുസ​ര​ണ​ത്തി​ന്റെ​യും നല്ല മാതൃ​കകൾ വെച്ചു. (എസ്ഥേ. 2:21-23; 6:2, 3, 10; 8:1, 2; 10:2) എന്നിരു​ന്നാ​ലും, മൊർദേ​ഖായ്‌ നീച ആഗാഗ്യ​നായ ഹാമാന്റെ മുമ്പാകെ താണു​വ​ണ​ങ്ങാ​നു​ളള രാജകീയ കൽപ്പന അനുസ​രി​ക്കു​ന്നതു വ്യത്യ​സ്‌ത​മാ​ണെന്നു നിർഭയം തിരി​ച്ച​റി​ഞ്ഞു. തന്നെയു​മല്ല, ഹാമാൻ യഹൂദൻമാ​രെ നശിപ്പി​ക്കാൻ ഗൂഢാ​ലോ​ചന നടത്തി​യ​പ്പോൾ നിയമ​പ​ര​മായ പരിഹാ​ര​ത്തി​നാ​യി അപ്പീൽ കൊടു​ക്കു​ന്ന​തിൽ അവൻ ശ്രദ്ധിച്ചു.—3:1-4; 5:9; 4:6-8.

18. (എ) എസ്ഥേറി​ന്റെ പുസ്‌തകം ‘ദൈവ​നി​ശ്വ​സ്‌ത​വും പ്രയോ​ജ​ന​പ്ര​ദവു’മാണെന്ന്‌ എന്തു തെളി​യി​ക്കു​ന്നു? (ബി) അത്‌ ദൈവ​രാ​ജ്യ താത്‌പ​ര്യ​ങ്ങ​ളു​ടെ സംരക്ഷ​ണത്തെ പ്രോ​ത്സാ​ഹി​പ്പി​ക്കു​ന്ന​തെ​ങ്ങനെ?

¹⁸ സകല തെളി​വു​ക​ളും എസ്ഥേർ എന്ന പുസ്‌തകം ‘ദൈവ​നി​ശ്വ​സ്‌ത​വും പ്രയോ​ജ​ന​പ്ര​ദവു’മായ വിശു​ദ്ധ​ബൈ​ബി​ളി​ന്റെ ഭാഗമാ​യി​രി​ക്കു​ന്ന​തി​ലേക്കു വിരൽചൂ​ണ്ടു​ന്നു. ദൈവ​ത്തെ​ക്കു​റി​ച്ചോ അവന്റെ നാമ​ത്തെ​ക്കു​റി​ച്ചോ പറയാതെ തന്നെ അതു നമുക്കു വിശ്വാ​സ​ത്തി​ന്റെ തിളക്ക​മാർന്ന ദൃഷ്ടാ​ന്തങ്ങൾ നൽകുന്നു. മൊർദേ​ഖാ​യി​യും എസ്ഥേറും ഏതോ കഥാകൃ​ത്തി​ന്റെ വെറും ഭാവനാ​സൃ​ഷ്ടി​യ​ല്ലാ​യി​രു​ന്നു, എന്നാൽ അവർ യഹോ​വ​യാം ദൈവ​ത്തി​ന്റെ യഥാർഥ ദാസർ, രക്ഷിക്കാ​നു​ളള യഹോ​വ​യു​ടെ പ്രാപ്‌തി​യിൽ സമ്പൂർണ​വി​ശ്വാ​സ​മർപ്പിച്ച ആളുകൾ ആയിരു​ന്നു. അവർ ഒരു വിദേ​ശത്തെ “ശ്രേഷ്‌ഠാ​ധി​കാ​രങ്ങൾ”ക്കു കീഴിൽ ജീവി​ച്ചി​രു​ന്നു​വെ​ങ്കി​ലും അവർ ദൈവ​ജ​ന​ത്തി​ന്റെ​യും അവരുടെ ആരാധ​ന​യു​ടെ​യും താത്‌പ​ര്യ​ങ്ങൾക്കു​വേണ്ടി വാദി​ക്കാൻ സകല നിയ​മോ​പാ​ധി​ക​ളും ഉപയോ​ഗി​ച്ചു. നമുക്കു വിടുതൽ നൽകുന്ന ദൈവ​രാ​ജ്യ “സുവാർത്ത​യു​ടെ പ്രതി​വാ​ദ​ത്തി​ലും നിയമ​പ​ര​മായ സ്ഥാപി​ക്ക​ലി​ലും” അവർ വെച്ച ദൃഷ്ടാ​ന്ത​ങ്ങളെ നമുക്ക്‌ ഇന്ന്‌ അനുക​രി​ക്കാൻ കഴിയും.—ഫിലി. 1:7.

[അടിക്കു​റി​പ്പു​കൾ]