അവരുടെ ആധുനി​ക​കാല വളർച്ച​യും വികാ​സ​വും

യഹോ​വ​യു​ടെ സാക്ഷി​ക​ളു​ടെ ആധുനി​ക​കാല ചരിത്രം ആരംഭി​ച്ചിട്ട്‌ നൂറി​ലേറെ വർഷം പിന്നി​ട്ടി​രി​ക്കു​ന്നു. 1870-കളുടെ തുടക്ക​ത്തിൽ, ഐക്യ​നാ​ടു​ക​ളി​ലെ പെൻസിൽവേ​നി​യ​യി​ലുള്ള അലി​ഗെ​നി​യിൽ—ഇപ്പോൾ ഈ പ്രദേശം പിറ്റ്‌സ്‌ബർഗി​ന്റെ ഭാഗമാണ്‌—ഒരു ബൈബിൾ അധ്യയന കൂട്ടം രൂപം​കൊ​ണ്ടു. പൊതു​ജ​ന​ശ്രദ്ധ ആകർഷി​ക്കാൻ മാത്രം വലിയ ഒരു തുടക്ക​മൊ​ന്നും ആയിരു​ന്നില്ല അത്‌. ഈ കൂട്ടത്തി​നു നേതൃ​ത്വം നൽകി​യത്‌ ചാൾസ്‌ റ്റെയ്‌സ്‌ റസ്സൽ ആയിരു​ന്നു. 1879 ജൂ​ലൈ​യിൽ, സീയോ​ന്റെ വീക്ഷാ​ഗോ​പു​ര​വും ക്രിസ്‌തു​സാ​ന്നി​ദ്ധ്യ ഘോഷ​ക​നും എന്ന മാസി​ക​യു​ടെ ആദ്യ ലക്കം പുറത്തി​റങ്ങി. ആ ചെറിയ ബൈബിൾ അധ്യയന കൂട്ടം വളരു​ക​യും 1880 ആയപ്പോ​ഴേ​ക്കും അടുത്ത​ടുത്ത സംസ്ഥാ​ന​ങ്ങ​ളി​ലാ​യി നിരവധി സഭകൾ രൂപം​കൊ​ള്ളു​ക​യും ചെയ്‌തു. 1881-ൽ സയൺസ്‌ വാച്ച്‌ ടവർ ട്രാക്‌റ്റ്‌ സൊ​സൈറ്റി രൂപീ​കൃ​ത​മാ​യി. 1884-ൽ അത്‌ ഒരു കോർപ്പ​റേഷൻ ആയിത്തീർന്നു. റസ്സൽ ആയിരു​ന്നു അതിന്റെ പ്രസി​ഡന്റ്‌. ഈ സൊ​സൈ​റ്റി​യു​ടെ പേര്‌ പിന്നീട്‌ വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി എന്നാക്കി മാറ്റി. ഈ സമയമാ​യ​പ്പോ​ഴേ​ക്കും, താത്‌പ​ര്യ​മു​ള്ള​വർക്കു ബൈബിൾ സാഹി​ത്യ​ങ്ങൾ കൊടു​ത്തു​കൊണ്ട്‌ പലരും വീടു​തോ​റു​മുള്ള സാക്ഷീ​കരണ വേലയിൽ പങ്കെടു​ക്കു​ന്നു​ണ്ടാ​യി​രു​ന്നു. 1888-ൽ 50 പേർ ഈ വേല മുഴു​സ​മയം ചെയ്യു​ന്നു​ണ്ടാ​യി​രു​ന്നു. ഇന്ന്‌ അവരുടെ ശരാശരി എണ്ണം ലോക​മെ​മ്പാ​ടു​മാ​യി ഏകദേശം 7,00,000 ആയിരി​ക്കു​ന്നു.

1909 ആയപ്പോ​ഴേ​ക്കും, വേല അന്താരാ​ഷ്‌ട്ര തലത്തി​ലേക്ക്‌ ഉയർന്നു. സൊ​സൈ​റ്റി​യു​ടെ ആസ്ഥാനം ന്യൂ​യോർക്കി​ലെ ബ്രുക്ലി​നിൽ ഉള്ള അതിന്റെ ഇപ്പോ​ഴത്തെ സ്ഥാന​ത്തേക്കു മാറ്റി. അച്ചടിച്ച പ്രഭാ​ഷ​ണങ്ങൾ, പ്രസി​ദ്ധീ​ക​രി​ക്കു​ന്ന​തി​നാ​യി വിവിധ പത്രങ്ങൾക്കു നൽകാൻ തുടങ്ങി. 1913 ആയപ്പോ​ഴേ​ക്കും, ഐക്യ​നാ​ടു​കൾ, കാനഡ, യൂറോപ്പ്‌ എന്നിവി​ട​ങ്ങ​ളിൽ നാലു ഭാഷക​ളി​ലാ​യി 3,000 പത്രങ്ങ​ളിൽ ബൈബിൾ പ്രഭാ​ഷ​ണങ്ങൾ പ്രസി​ദ്ധീ​ക​രി​ക്കു​ന്നു​ണ്ടാ​യി​രു​ന്നു. കൂടാതെ, കോടി​ക്ക​ണ​ക്കി​നു പുസ്‌ത​കങ്ങൾ, ചെറു​പു​സ്‌ത​കങ്ങൾ, ലഘു​ലേ​ഖകൾ എന്നിവ​യും വിതരണം ചെയ്യു​ക​യു​ണ്ടാ​യി.

“സൃഷ്ടി​പ്പിൻ ഫോട്ടോ നാടക”ത്തിന്റെ നിർമാ​ണം 1912-ൽ തുടങ്ങി. നിശ്ചല ചിത്ര​ങ്ങ​ളും ശബ്ദസം​യോ​ജ​ന​ത്തോ​ടു കൂടിയ ചലച്ചി​ത്ര​ങ്ങ​ളും ഉപയോ​ഗിച്ച്‌ ഭൂമി​യു​ടെ സൃഷ്ടി മുതൽ ക്രിസ്‌തു​വി​ന്റെ സഹസ്രാബ്ദ വാഴ്‌ച​യു​ടെ അവസാനം വരെയുള്ള കാര്യങ്ങൾ പ്രദർശി​പ്പി​ക്കു​ക​യു​ണ്ടാ​യി. 1914-ലാണ്‌ പ്രദർശനം ആരംഭി​ച്ചത്‌. ദിവസ​വും 35,000 പേർ അതു കാണാ​നെത്തി. ശബ്ദ സംയോ​ജ​ന​ത്തോ​ടു കൂടിയ ചലച്ചി​ത്ര​ങ്ങ​ളിൽ ആദ്യ​ത്തേ​താ​യി​രു​ന്നു ഇത്‌.

1914 എന്ന വർഷം

അതിനിർണാ​യ​ക​മായ ഒരു സമയം തൊട്ട​ടുത്ത്‌ എത്തിക്ക​ഴി​ഞ്ഞി​രു​ന്നു. 1876-ൽ, ബൈബിൾ വിദ്യാർഥി​യായ ചാൾസ്‌ റ്റെയ്‌സ്‌ റസ്സൽ ന്യൂ​യോർക്കി​ലെ ബ്രുക്ലി​നിൽ പ്രസി​ദ്ധീ​ക​രി​ക്ക​പ്പെട്ട ബൈബിൾ പരി​ശോ​ധനാ സഹായി​യി​ലേക്ക്‌ (ഇംഗ്ലീഷ്‌) ഒരു ലേഖനം സംഭാവന ചെയ്‌തു. “ജാതി​ക​ളു​ടെ കാലങ്ങൾ: അവ എപ്പോൾ അവസാ​നി​ക്കും?” എന്നതാ​യി​രു​ന്നു വിഷയം. അതിന്റെ ഒക്ടോബർ ലക്കത്തിന്റെ 27-ാം പേജിൽ ഇങ്ങനെ പറഞ്ഞി​രു​ന്നു: “പൊ.യു. 1914-ൽ ഏഴു കാലം അവസാ​നി​ക്കും.” ‘ജാതി​ക​ളു​ടെ കാലങ്ങളെ’ “ജനതക​ളു​ടെ നിയമിത കാലങ്ങൾ” എന്നാണ്‌ മറ്റൊരു ബൈബിൾ ഭാഷാ​ന്തരം വിളി​ക്കു​ന്നത്‌. (ലൂക്കൊസ്‌ 21:24, NW) 1914-ൽ സംഭവി​ക്കു​മെന്നു പ്രതീ​ക്ഷി​ച്ചി​രുന്ന എല്ലാ കാര്യ​ങ്ങ​ളും സംഭവി​ച്ചില്ല എന്നതു സത്യമാ​ണെ​ങ്കി​ലും ആ വർഷത്തിൽ ജാതി​ക​ളു​ടെ കാലങ്ങൾ അവസാ​നി​ക്കു​ക​തന്നെ ചെയ്‌തു. ആ വർഷം പ്രത്യേക പ്രാധാ​ന്യ​മുള്ള ഒന്നായി​രു​ന്നു. മനുഷ്യ ചരി​ത്ര​ത്തി​ന്റെ ഗതി തിരി​ച്ചു​വിട്ട വർഷമാ​യി​രു​ന്നു 1914 എന്ന്‌ പല ചരി​ത്ര​കാ​ര​ന്മാ​രും വ്യാഖ്യാ​താ​ക്ക​ളും അംഗീ​ക​രി​ക്കു​ന്നുണ്ട്‌. ചുവടെ ചേർക്കുന്ന ഉദ്ധരണി​കൾ അതാണു തെളി​യി​ക്കു​ന്നത്‌:

“ചരി​ത്ര​ത്തിൽ, തികച്ചും ‘സാധാ​ര​ണ​മ​ട്ടിൽ’ കടന്നു​പോയ ഏറ്റവും ഒടുവി​ലത്തെ വർഷം 1913 ആണ്‌, ഒന്നാം ലോക​മ​ഹാ​യു​ദ്ധം ആരംഭി​ക്കു​ന്ന​തി​നു മുമ്പത്തെ വർഷം.”—ടൈംസ്‌ ഹെറാൾഡി​ലെ പത്രാ​ധിപ ലേഖന​ത്തിൽനിന്ന്‌, 1949 മാർച്ച്‌ 13-ന്‌ വാഷി​ങ്‌ടൺ ഡി.സി.-യിൽ പ്രസി​ദ്ധീ​ക​രി​ച്ചത്‌.

“ചരി​ത്ര​ത്തി​ന്റെ ഏടുക​ളിൽ ഒറ്റതി​രി​ഞ്ഞു നിൽക്കുന്ന ഒരു സമയമാ​യി, ഒരു വ്യതി​രിക്ത യുഗമാ​യി, 1914 മുതൽ 1989 വരെയുള്ള 75 വർഷ കാലഘ​ട്ടത്തെ—ഇതിനി​ട​യിൽ രണ്ടു ലോക​മ​ഹാ​യു​ദ്ധ​ങ്ങ​ളും ശീതസ​മ​ര​വും നടന്നു—കാണുന്ന ചരി​ത്ര​കാ​ര​ന്മാ​രു​ടെ എണ്ണം ഏറുക​യാണ്‌. ഈ സവിശേഷ കാലഘ​ട്ട​ത്തിൽ, ലോക​ത്തി​ലെ ഒട്ടുമിക്ക രാജ്യ​ങ്ങ​ളും ഒന്നുകിൽ യുദ്ധം ചെയ്യു​ന്ന​തി​ന്റെ അല്ലെങ്കിൽ യുദ്ധത്തി​ന്റെ കെടു​തി​കൾ നിവാ​രണം ചെയ്‌ത്‌ പൂർവ​സ്ഥി​തി പ്രാപി​ക്കു​ന്ന​തി​ന്റെ അതുമ​ല്ലെ​ങ്കിൽ യുദ്ധത്തി​നാ​യി തയ്യാറാ​കു​ന്ന​തി​ന്റെ തിരക്കി​ലാ​യി​രു​ന്നു.”—ദ ന്യൂ​യോർക്ക്‌ ടൈംസ്‌, മേയ്‌ 7, 1995.

“ഒന്നാം ലോക​മ​ഹാ​യു​ദ്ധ​കാ​ലത്ത്‌ മുഴു​ലോ​ക​വും യഥാർഥ​ത്തിൽ പൊട്ടി​ത്തെ​റി​ച്ചു. എന്തു​കൊ​ണ്ടെന്ന്‌ ഇപ്പോ​ഴും നമുക്ക​റി​യില്ല. ആദർശ​ലോ​കം ദൃഷ്ടി​പ​ഥ​ത്തി​ലാ​ണെന്ന്‌ അതിനു​മുമ്പ്‌ ആളുകൾ വിശ്വ​സി​ച്ചി​രു​ന്നു. സമാധാ​ന​വും ഐശ്വ​ര്യ​വു​മു​ണ്ടാ​യി​രു​ന്നു. അങ്ങനെ​യി​രി​ക്കെ സകലവും പൊട്ടി​ത്തെ​റി​ച്ചു. അന്നുമു​തൽ നമ്മുടെ ജീവിതം അനിശ്ചി​താ​വ​സ്ഥ​യി​ലാണ്‌ . . . ഈ നൂറ്റാ​ണ്ടിൽ നടന്നി​ട്ടു​ള്ളത്ര കൊല​പാ​ത​കങ്ങൾ മനുഷ്യ ചരി​ത്ര​ത്തിൽ മുമ്പു നടന്നി​ട്ടില്ല.”—ഡോ. വാക്കർ പേഴ്‌സി, അമേരി​ക്കൻ മെഡിക്കൽ ന്യൂസ്‌, നവംബർ 21, 1977.

ജർമൻ രാജ്യ​ത​ന്ത്ര​ജ്ഞ​നായ കോൺറാട്‌ അഡനോ​വർ 1914-ന്‌ 50-ൽപ്പരം വർഷങ്ങൾക്കു ശേഷം ഇങ്ങനെ എഴുതി: “1914 മുതൽ മനുഷ്യ​രു​ടെ ജീവി​ത​ത്തിൽനി​ന്നു സുരക്ഷി​ത​ത്വ​വും സ്വസ്ഥത​യും അപ്രത്യ​ക്ഷ​മാ​യി​രി​ക്കു​ന്നു.”—ദ വെസ്റ്റ്‌ പാർക്കർ, ക്ലീവ്‌ലൻഡ്‌, ഒഹായോ, ജനുവരി 20, 1966.

സൊ​സൈ​റ്റി​യു​ടെ ആദ്യ പ്രസി​ഡന്റ്‌ ആയിരുന്ന സി. റ്റി. റസ്സൽ 1916-ൽ മരണമ​ടഞ്ഞു. പിറ്റേ വർഷം ജോസഫ്‌. എഫ്‌. റഥർഫോർഡ്‌ പ്രസി​ഡ​ന്റാ​യി. തുടർന്ന്‌ പല മാറ്റങ്ങൾ ഉണ്ടായി. സുവർണ​യു​ഗം എന്ന പേരിൽ വീക്ഷാ​ഗോ​പു​ര​ത്തിന്‌ ഒരു കൂട്ടു​മാ​സിക പ്രസി​ദ്ധീ​ക​രി​ക്കാൻ തുടങ്ങി. (ഇപ്പോൾ ഉണരുക! എന്ന പേരിൽ അറിയ​പ്പെ​ടുന്ന ഈ മാസി​ക​യു​ടെ 2,10,00,000-ത്തിലധി​കം പ്രതികൾ 86-ലധികം ഭാഷക​ളി​ലാ​യി അച്ചടി​ക്കു​ന്നുണ്ട്‌.) വീടു​തോ​റു​മുള്ള സാക്ഷീ​കരണ വേലയ്‌ക്കു കൂടുതൽ ഊന്നൽ നൽക​പ്പെട്ടു. ക്രൈ​സ്‌തവ സഭയുടെ വിഭാ​ഗ​ങ്ങ​ളിൽനി​ന്നു തങ്ങളെ​ത്തന്നെ വേർതി​രി​ച്ചു കാണി​ക്കു​ന്ന​തിന്‌ ഈ ക്രിസ്‌ത്യാ​നി​കൾ 1931-ൽ യഹോ​വ​യു​ടെ സാക്ഷികൾ എന്ന പേരു സ്വീക​രി​ച്ചു. യെശയ്യാ​വു 43:10-12-നെ അടിസ്ഥാ​ന​മാ​ക്കി​യു​ള്ള​താണ്‌ ഈ പേര്‌.

തുടർന്നു​വന്ന 1920-1930 കാലഘ​ട്ട​ങ്ങ​ളിൽ വ്യാപ​ക​മായ അളവിൽ റേഡി​യോ ഉപയോ​ഗ​പ്പെ​ടു​ത്ത​പ്പെട്ടു. 1933 ആയപ്പോ​ഴേ​ക്കും, ബൈബിൾ പ്രസം​ഗങ്ങൾ പ്രക്ഷേ​പണം ചെയ്യാൻ സൊ​സൈറ്റി 403 റേഡി​യോ നിലയങ്ങൾ ഉപയോ​ഗി​ക്കു​ന്നു​ണ്ടാ​യി​രു​ന്നു. പിന്നീട്‌, കൂടെ കൊണ്ടു​പോ​കാ​വുന്ന ഗ്രാമ​ഫോ​ണു​ക​ളും റെക്കോർഡ്‌ ചെയ്‌ത ബൈബിൾ പ്രസം​ഗ​ങ്ങ​ളു​മാ​യി സാക്ഷികൾ കൂടെ​ക്കൂ​ടെ വീടു​തോ​റും പോകാൻ തുടങ്ങി​യ​തോ​ടെ റേഡി​യോ​യു​ടെ ഉപയോ​ഗം വളരെ കുറഞ്ഞു. ബൈബിൾ സത്യത്തിൽ താത്‌പ​ര്യം കാണിച്ച ഏതൊ​രാ​ളു​മാ​യും ഭവന ബൈബിൾ അധ്യയ​നങ്ങൾ ആരംഭി​ച്ചു.

കോടതി വിജയങ്ങൾ

ഈ വേലയിൽ ഏർപ്പെ​ട്ട​തി​ന്റെ പേരിൽ 1930-കളിലും 1940-കളിലും സാക്ഷി​ക​ളിൽ അനേകരെ അറസ്റ്റു ചെയ്യു​ക​യു​ണ്ടാ​യി. അതിനെ തുടർന്ന്‌, തങ്ങളുടെ അഭി​പ്രായ സ്വാത​ന്ത്ര്യം, പത്ര​പ്ര​വർത്തന സ്വാത​ന്ത്ര്യം, സമ്മേളന സ്വാത​ന്ത്ര്യം, ആരാധനാ സ്വാത​ന്ത്ര്യം എന്നിവ സംരക്ഷി​ക്കുക എന്ന ലക്ഷ്യത്തിൽ അവർ അനേകം നിയമ​യു​ദ്ധങ്ങൾ നടത്തി. ഐക്യ​നാ​ടു​ക​ളിൽ, സാക്ഷികൾ ഉൾപ്പെട്ട ഇത്തരം കേസുകൾ കീഴ്‌ക്കോ​ട​തി​ക​ളിൽനിന്ന്‌ പുനർവി​ചാ​ര​ണ​യ്‌ക്കാ​യി സുപ്രീം​കോ​ടതി മുമ്പാകെ എത്തിയ​തു​കൊണ്ട്‌ സുപ്രീം​കോ​ട​തി​യിൽ അവർക്ക്‌ 43 നിയമ വിജയങ്ങൾ നേടാൻ കഴിഞ്ഞു. സമാന​മാ​യി, മറ്റു രാജ്യ​ങ്ങ​ളി​ലെ ഉന്നത നീതി​പീ​ഠ​ങ്ങ​ളും സാക്ഷി​കൾക്ക്‌ അനുകൂ​ല​മായ വിധികൾ പുറ​പ്പെ​ടു​വി​ച്ചി​ട്ടുണ്ട്‌. ഈ കോടതി വിജയ​ങ്ങ​ളോ​ടുള്ള ബന്ധത്തിൽ പ്രൊ​ഫസർ സി. എസ്‌. ബ്രേഡൻ ഇവരും വിശ്വ​സി​ക്കു​ന്നു (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ സാക്ഷി​കളെ കുറിച്ച്‌ ഇങ്ങനെ അഭി​പ്രാ​യ​പ്പെ​ടു​ന്നു: “തങ്ങളുടെ പൗരാ​വ​കാ​ശങ്ങൾ സംരക്ഷി​ക്കു​ന്ന​തി​നുള്ള അവരുടെ പോരാ​ട്ട​ത്തിൽ അവർ ജനാധി​പ​ത്യ​ത്തി​നു​വേണ്ടി ശ്രദ്ധേ​യ​മായ ഒരു സേവനം അനുഷ്‌ഠി​ച്ചി​രി​ക്കു​ന്നു. കാരണം, തങ്ങളുടെ പോരാ​ട്ട​ത്തി​ലൂ​ടെ അമേരി​ക്ക​യി​ലെ ന്യൂനപക്ഷ സമുദാ​യ​ങ്ങൾക്കെ​ല്ലാം ആ അവകാ​ശങ്ങൾ ഉറപ്പാ​ക്കാൻ അവർ വളരെ​യ​ധി​കം ചെയ്‌തി​ട്ടുണ്ട്‌.”

പ്രത്യേക പരിശീ​ലന പരിപാ​ടി​കൾ

ജെ. എഫ്‌. റഥർഫോർഡ്‌ 1942-ൽ മരണമ​ട​ഞ്ഞ​തി​നെ തുടർന്ന്‌ എൻ. എച്ച്‌. നോർ പ്രസി​ഡന്റ്‌ ആയി. സംഘടി​ത​മായ പരിശീ​ലന പരിപാ​ടി​ക​ളു​ടെ നാളു​ക​ളാ​യി​രു​ന്നു തുടർന്ന​ങ്ങോട്ട്‌. 1943-ൽ വാച്ച്‌ടവർ ഗിലെ​യാദ്‌ ബൈബിൾ സ്‌കൂൾ എന്ന പേരിൽ മിഷന​റി​മാർക്കു​വേണ്ടി ഒരു പ്രത്യേക പരിശീ​ലന സ്‌കൂൾ ആരംഭി​ച്ചു. അന്നുമു​തൽ, ഈ സ്‌കൂ​ളിൽനി​ന്നു ബിരുദം നേടി​യി​ട്ടു​ള്ള​വരെ ഭൂമി​യു​ടെ എല്ലാ ഭാഗങ്ങ​ളി​ലേ​ക്കും മിഷന​റി​മാ​രാ​യി അയച്ചി​ട്ടുണ്ട്‌. ഒരൊറ്റ സഭ പോലും ഇല്ലായി​രുന്ന പ്രദേ​ശ​ങ്ങ​ളിൽ പുതിയ സഭകൾ രൂപീ​കൃ​ത​മാ​യി​രി​ക്കു​ന്നു. ലോക​മെ​ങ്ങു​മുള്ള ബ്രാഞ്ചു​ക​ളു​ടെ എണ്ണം ഇപ്പോൾ 110-ൽ കവിഞ്ഞി​രി​ക്കു​ക​യാണ്‌. സഭകളി​ലെ മൂപ്പന്മാർ, ബ്രാഞ്ചു​ക​ളി​ലെ സ്വമേ​ധയാ സേവകർ, (പയനി​യർമാർ എന്ന നിലയിൽ) മുഴു​സമയ സാക്ഷീ​ക​ര​ണ​ത്തിൽ ഏർപ്പെ​ട്ടി​രി​ക്കു​ന്നവർ തുടങ്ങി​യ​വർക്കു പരിശീ​ലനം നൽകു​ന്ന​തിന്‌ ഇടയ്‌ക്കി​ടെ പ്രത്യേക കോഴ്‌സു​കൾ ക്രമീ​ക​രി​ക്കാ​റുണ്ട്‌. ന്യൂ​യോർക്കി​ലെ പാറ്റേ​ഴ്‌സ​ണിൽ പ്രവർത്തി​ക്കുന്ന ഒരു വിദ്യാ​ഭ്യാ​സ കേന്ദ്ര​ത്തിൽ ശുശ്രൂ​ഷ​കർക്കു​വേണ്ടി അനവധി പ്രത്യേക പാഠ്യ പരിശീ​ലന പരിപാ​ടി​കൾ നടത്തി​യി​രി​ക്കു​ന്നു.

എൻ. എച്ച്‌. നോർ 1977-ൽ അന്തരിച്ചു. മരിക്കു​ന്ന​തി​നു മുമ്പ്‌, അദ്ദേഹ​വും​കൂ​ടെ ചേർന്നു നടത്തിയ സംഘട​നാ​പ​ര​മായ മാറ്റങ്ങ​ളിൽ ഒന്ന്‌, ബ്രുക്ലി​നി​ലെ ലോകാ​സ്ഥാ​ന​ത്തുള്ള ഭരണസം​ഘ​ത്തി​ന്റെ വിപു​ലീ​ക​രണം ആയിരു​ന്നു. 1976-ൽ, ഭരണസം​ഘ​ത്തി​ലെ അംഗങ്ങൾ ചേർന്നു രൂപം നൽകിയ വിവിധ കമ്മിറ്റി​കൾക്ക്‌ ഭരണപ​ര​മായ ഉത്തരവാ​ദി​ത്വ​ങ്ങൾ വീതി​ച്ചു​നൽകി. ശുശ്രൂ​ഷകർ എന്ന നിലയിൽ പതിറ്റാ​ണ്ടു​ക​ളി​ലെ അനുഭ​വ​പ​രി​ച​യ​മു​ള്ള​വ​രാണ്‌ ഈ കമ്മിറ്റി അംഗങ്ങ​ളെ​ല്ലാം.

അച്ചടി സൗകര്യ​ങ്ങൾ വിപു​ലീ​ക​രി​ക്ക​പ്പെ​ടു​ന്നു

യഹോ​വ​യു​ടെ സാക്ഷി​ക​ളു​ടെ ആധുനി​ക​കാല ചരിത്രം നാടകീയ സംഭവങ്ങൾ നിറഞ്ഞ​താണ്‌. 1870-ൽ പെൻസിൽവേ​നി​യ​യിൽ രൂപീ​കൃ​ത​മായ ആ ചെറിയ ബൈബിൾ അധ്യയന കൂട്ടം 2001-ാമാണ്ട്‌ ആയപ്പോ​ഴേ​ക്കും ലോക​മെ​മ്പാ​ടു​മാ​യി 93,000-ത്തിലധി​കം സഭകൾ എന്ന നിലയി​ലേക്കു വളർന്നി​രു​ന്നു. ആദ്യ​മൊ​ക്കെ സാഹി​ത്യ​ങ്ങൾ പണം കൊടുത്ത്‌ വെളി​യിൽ അച്ചടി​പ്പി​ക്കു​ക​യാ​യി​രു​ന്നു. എന്നാൽ 1920-ൽ, വാടക​യ്‌ക്കെ​ടുത്ത ഫാക്ടറി കെട്ടി​ട​ങ്ങ​ളിൽ കുറേ​യൊ​ക്കെ സാഹി​ത്യ​ങ്ങൾ ഉത്‌പാ​ദി​പ്പി​ക്കാൻ അവർക്കു കഴിഞ്ഞു. 1927 മുതൽ, വാച്ച്‌ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി ഓഫ്‌ ന്യൂ​യോർക്ക്‌ ഇൻക്‌.-ന്റെ ഉടമസ്ഥ​ത​യി​ലുള്ള ബ്രുക്ലി​നി​ലെ (ന്യൂ​യോർക്ക്‌) എട്ടു നില ഫാക്ടറി കെട്ടി​ട​ത്തിൽ അവർക്കു കുറേ​ക്കൂ​ടെ സാഹി​ത്യ​ങ്ങൾ സ്വന്തമാ​യി അച്ചടി​ക്കാ​നാ​യി. ഇപ്പോൾ പുതിയ ഫാക്ടറി കെട്ടി​ട​ങ്ങ​ളും ഒരു ഓഫീസ്‌ സമുച്ച​യ​വും കൂടെ വന്നതോ​ടെ ഈ പഴയ ഫാക്ടറി വളരെ​യേറെ വിപു​ലീ​ക​രി​ക്ക​പ്പെ​ട്ടി​രി​ക്കു​ന്നു. അച്ചടി സംവി​ധാ​നങ്ങൾ പ്രവർത്തി​പ്പി​ക്കാൻ സ്വമേ​ധയാ സേവനം ചെയ്യുന്ന ശുശ്രൂ​ഷ​കരെ താമസി​പ്പി​ക്കു​ന്ന​തിന്‌ ബ്രുക്ലി​നിൽ അതിന്റെ അടുത്തു​തന്നെ മറ്റു കെട്ടി​ട​ങ്ങ​ളും ഉണ്ട്‌. ഇതി​നെ​ല്ലാം പുറമേ, ന്യൂ​യോർക്കി​ന്റെ വടക്കുള്ള വാൾക്കി​ല്ലിന്‌ അടുത്ത്‌ ഒരു കൃഷി​യി​ട​വും അച്ചടി​ശാ​ല​യും ഉണ്ട്‌. വീക്ഷാ​ഗോ​പു​രം, ഉണരുക! മാസി​ക​ക​ളു​ടെ അച്ചടി നടക്കു​ന്നത്‌ അവി​ടെ​യാണ്‌. കൂടാതെ, ഈ വ്യത്യസ്‌ത ഇടങ്ങളിൽ സേവന​മ​നു​ഷ്‌ഠി​ക്കുന്ന ശുശ്രൂ​ഷ​കർക്കു വേണ്ടുന്ന ഭക്ഷ്യവ​സ്‌തു​ക്ക​ളു​ടെ ഒരു പങ്ക്‌ ഇവി​ടെ​യാണ്‌ ഉത്‌പാ​ദി​പ്പി​ക്കു​ന്നത്‌. ഈ സ്വമേ​ധയാ ശുശ്രൂ​ഷ​കർക്കെ​ല്ലാം, അല്ലറചി​ല്ലറ ചെലവു​കൾക്കാ​യി മാസം​തോ​റും ഒരു ചെറിയ തുക നൽകു​ന്നുണ്ട്‌.

അന്താരാ​ഷ്‌ട്ര കൺ​വെൻ​ഷ​നു​കൾ

ആദ്യത്തെ പ്രമുഖ കൺ​വെൻ​ഷൻ 1893-ലാണു നടന്നത്‌, ഐക്യ​നാ​ടു​ക​ളി​ലെ ഇല്ലി​നോ​യ്‌സി​ലുള്ള ഷിക്കാ​ഗോ​യിൽവെച്ച്‌. ആ കൺ​വെൻ​ഷ​നിൽ 360 പേർ ഹാജരാ​യി, 70 പുതി​യവർ സ്‌നാ​പ​ന​മേറ്റു. ഒറ്റ സ്ഥലത്തായി നടത്തിയ അവസാ​നത്തെ വലിയ അന്താരാ​ഷ്‌ട്ര കൺ​വെൻ​ഷൻ 1958-ൽ ന്യൂ​യോർക്ക്‌ നഗരത്തിൽവെച്ച്‌ ആയിരു​ന്നു. യാങ്കീ സ്റ്റേഡി​യ​വും അന്നുണ്ടാ​യി​രുന്ന പോളോ ഗ്രൗണ്ടും അതിനു​വേണ്ടി ഉപയോ​ഗ​പ്പെ​ടു​ത്തി. അതിലെ അത്യുച്ച ഹാജർ 2,53,922 ആയിരു​ന്നു. സ്‌നാ​പ​ന​മേറ്റ പുതി​യ​വ​രു​ടെ സംഖ്യ 7,136-ഉം. അതിനു ശേഷം, അന്താരാ​ഷ്‌ട്ര കൺ​വെൻ​ഷ​നു​കൾ ഒരു പരമ്പര​യെന്ന നിലയിൽ പല രാജ്യ​ങ്ങ​ളിൽവെ​ച്ചാ​ണു നടത്തു​ന്നത്‌. അത്തരം ഒരു പരമ്പര​യിൽ ലോക​ത്തി​ന്റെ വ്യത്യസ്‌ത ഭാഗങ്ങ​ളി​ലാ​യി ആയിര​ത്തോ​ളം കൺ​വെൻ​ഷ​നു​കൾ ഉണ്ടാകും.

[8-ാം പേജിലെ ആകർഷക വാക്യം]

പൗരാവകാശങ്ങളോടുള്ള ബന്ധത്തിൽ ശ്രദ്ധേ​യ​മായ ഒരു സേവനം

[6-ാം പേജിലെ ചിത്രം]

“വീക്ഷാ​ഗോ​പു​രം”—ഒരു ഭാഷയിൽ 6,000 പ്രതികൾ എന്ന നിലയിൽനിന്ന്‌ 143-ലധികം ഭാഷക​ളി​ലാ​യി 2,40,00,000-ത്തിലധി​കം പ്രതികൾ എന്ന നിലയി​ലേക്ക്‌

[7-ാം പേജിലെ ചിത്രം]

മനുഷ്യ ചരി​ത്ര​ത്തി​ന്റെ ഗതി തിരി​ച്ചു​വിട്ട വർഷം

[10-ാം പേജിലെ ചിത്രം]