നിങ്ങൾ അറിയ​ണ​മെന്ന്‌ അവർ ആഗ്രഹി​ക്കുന്ന സദ്വാർത്ത

യേശു ഭൂമി​യിൽ ആയിരു​ന്ന​പ്പോൾ, ശിഷ്യ​ന്മാർ അവനോ​ടു ചോദി​ച്ചു: “നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?” മറുപ​ടി​യാ​യി അവൻ, പല ജനതകൾ ഉൾപ്പെ​ടുന്ന യുദ്ധങ്ങൾ, കൂടാതെ ക്ഷാമങ്ങൾ, മഹാവ്യാ​ധി​കൾ, ഭൂകമ്പങ്ങൾ, അധർമ​ത്തി​ന്റെ വർധന, തന്റെ യഥാർഥ അനുഗാ​മി​ക​ളോ​ടുള്ള വെറുപ്പ്‌, പീഡനങ്ങൾ എന്നിവയെ കുറി​ച്ചും വ്യാജമത ഉപദേ​ഷ്ടാ​ക്ക​ന്മാ​രാൽ അനേകർ വഴി​തെ​റ്റി​ക്ക​പ്പെ​ടു​ക​യും അനേക​രു​ടെ​യും നീതി​സ്‌നേഹം തണുത്തു​പോ​കു​ക​യും ചെയ്യുന്ന അവസ്ഥയെ കുറി​ച്ചും മുൻകൂ​ട്ടി പറഞ്ഞു. ഇവയെ​ല്ലാം സംഭവി​ക്കാൻ തുടങ്ങു​ന്നത്‌, യേശു​വി​ന്റെ അദൃശ്യ സാന്നി​ധ്യ​ത്തി​ന്റെ​യും സ്വർഗീയ രാജ്യം തൊട്ട​ടുത്ത്‌ എത്തിയി​രി​ക്കു​ന്നു എന്നതി​ന്റെ​യും സൂചന ആയിരി​ക്കും. അത്‌ എത്ര നല്ല ഒരു വാർത്ത ആയിരി​ക്കും, അതേ, ഒരു സുവാർത്ത! അതു​കൊണ്ട്‌, മുമ്പു പറഞ്ഞ അടയാ​ള​ത്തി​ന്റെ ഭാഗമാ​യി ഒരു കാര്യം​കൂ​ടെ യേശു കൂട്ടി​ച്ചേർത്തു: “രാജ്യ​ത്തി​ന്റെ ഈ സുവാർത്ത സകല രാഷ്‌ട്ര​ങ്ങൾക്കും ഒരു സാക്ഷ്യ​മാ​യി നിവസിത ഭൂമി​യി​ലെ​ങ്ങും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:3-14, NW.

അടുത്ത​കാ​ല​ത്തെ ലോക​സം​ഭ​വങ്ങൾ അതിൽത്തന്നെ മോശ​മാ​ണെ​ങ്കി​ലും അവ തികച്ചും നല്ല ഒരു വസ്‌തു​ത​യി​ലേക്ക്‌, അതായത്‌ ക്രിസ്‌തു​വി​ന്റെ സാന്നി​ധ്യ​ത്തി​ലേ​ക്കാ​ണു വിരൽ ചൂണ്ടു​ന്നത്‌. ഏറെ പ്രസി​ദ്ധ​മാ​ക്ക​പ്പെട്ട 1914 എന്ന വർഷത്തിൽ നേരത്തേ സൂചി​പ്പിച്ച അവസ്ഥകൾ സ്‌പഷ്ട​മാ​യി പ്രകട​മാ​കാൻ തുടങ്ങി! അതു ജാതി​ക​ളു​ടെ കാലങ്ങ​ളു​ടെ അവസാനം കുറിച്ചു, ഒപ്പം മാനുഷ ഭരണത്തിൽനി​ന്നു ക്രിസ്‌തു​വി​ന്റെ ആയിര-വർഷ (സഹസ്രാബ്ദ) വാഴ്‌ച​യി​ലേ​ക്കുള്ള പരിവർത്തന ഘട്ടത്തിന്റെ തുടക്ക​വും.

ഇങ്ങനെ​യൊ​രു പരിവർത്തന ഘട്ടം ഉണ്ടാകു​മെന്ന്‌ 110-ാം സങ്കീർത്ത​ന​ത്തി​ന്റെ ആദ്യ രണ്ടു വാക്യ​ങ്ങ​ളും വെളി​പ്പാ​ടു 12:7-12 വരെയുള്ള ഭാഗവും സൂചി​പ്പി​ക്കു​ന്നു. രാജാ​വാ​കാ​നുള്ള നിയമിത സമയം വന്നെത്തും​വരെ ക്രിസ്‌തു സ്വർഗ​ത്തിൽ ദൈവ​ത്തി​ന്റെ വലത്തു​ഭാ​ഗത്ത്‌ ഇരിക്കു​ന്ന​താ​യി അവിടെ വിവരി​ച്ചി​രി​ക്കു​ന്നു. അതേത്തു​ടർന്ന്‌, സ്വർഗ​ത്തിൽ ഒരു യുദ്ധമു​ണ്ടാ​കു​ക​യും സാത്താൻ ഭൂമി​യി​ലേക്കു തള്ളിയി​ട​പ്പെ​ടു​ക​യും ചെയ്യും. അതു ഭൂമി​മേൽ മഹാകഷ്ടം വരുത്തി​വെ​ക്കും, ക്രിസ്‌തു തന്റെ ശത്രു​ക്ക​ളു​ടെ മധ്യേ വാഴും. ഹാർമ​ഗെ​ദോ​നി​ലെ യുദ്ധത്തിൽ പര്യവ​സാ​നി​ക്കുന്ന “മഹോ​പ​ദ്രവം” ദുഷ്ടത​യു​ടെ അവസാന കണിക​യും തുടച്ചു​നീ​ക്കു​മെ​ന്നും അതിനു​ശേഷം ക്രിസ്‌തു​വി​ന്റെ സമാധാ​ന​പൂർണ​മായ ആയിര-വർഷ വാഴ്‌ച ആരംഭി​ക്കു​മെ​ന്നും ബൈബിൾ ഉറപ്പു നൽകുന്നു.—മത്തായി 24:21, NW, 33, 34; വെളി​പ്പാ​ടു 16:14-16.

ബൈബിൾ പറയുന്നു: “അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷക​ന്മാ​രും അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്ന​വ​രു​മാ​യി​രി​ക്കും. അങ്ങനെ​യു​ള്ള​വരെ വിട്ടൊ​ഴി​യുക.”—2 തിമൊ​ഥെ​യൊസ്‌ 3:1-5.

മനുഷ്യ​ച​രി​ത്ര​ത്തിൽ ഇത്തരം കാര്യങ്ങൾ മുമ്പും നടന്നി​ട്ടു​ള്ള​തല്ലേ എന്നു ചിലർ ചോദി​ച്ചേ​ക്കാം. എന്നാൽ ഇത്രയ്‌ക്കു വ്യാപ​ക​മായ അളവിൽ അവ ഒരിക്ക​ലും സംഭവി​ച്ചി​ട്ടില്ല എന്നതാണു വാസ്‌തവം. ചരി​ത്ര​കാ​ര​ന്മാ​രും വ്യാഖ്യാ​താ​ക്ക​ളും പറയു​ന്നതു പോലെ, 1914 മുതലുള്ള കാലഘട്ടം പോ​ലെ​യൊന്ന്‌ ചരി​ത്ര​ത്തിൽ ഇതിനു മുമ്പ്‌ ഉണ്ടായി​ട്ടില്ല. (പേജ്‌ 7 കാണുക.) മുമ്പെ​ന്ന​ത്തെ​ക്കാ​ളും വ്യാപ​ക​മായ അളവി​ലാണ്‌ ‘കഷ്ടങ്ങൾ’ മനുഷ്യ​കു​ടും​ബത്തെ ഗ്രസി​ച്ചി​രി​ക്കു​ന്നത്‌. കൂടാതെ, അവസാന നാളു​കളെ കുറിച്ച്‌ യേശു നൽകിയ അടയാ​ള​ത്തി​ന്റെ മറ്റു സവി​ശേ​ഷ​ത​കളെ കുറിച്ചു ചിന്തി​ക്കു​മ്പോൾ, പിൻവ​രുന്ന വസ്‌തു​തകൾ കൂടെ നാം കണക്കി​ലെ​ടു​ക്കേ​ണ്ട​തുണ്ട്‌: മുമ്പെ​ങ്ങും നടന്നി​ട്ടി​ല്ലാ​ത്തത്ര വ്യാപ​ക​മാ​യാണ്‌ ക്രിസ്‌തു​വി​ന്റെ സാന്നി​ധ്യ​ത്തെ​യും രാജ്യ​ത്തെ​യും കുറി​ച്ചുള്ള വാർത്ത ഭൂമി​യി​ലെ​മ്പാ​ടും ഇപ്പോൾ ഘോഷി​ക്ക​പ്പെ​ടു​ന്നത്‌. ഈ പ്രസം​ഗ​പ്ര​വർത്ത​ന​ത്തിൽ ഏർപ്പെ​ടു​ന്നതു നിമിത്തം യഹോ​വ​യു​ടെ സാക്ഷി​കൾക്ക്‌ മുമ്പൊ​രി​ക്ക​ലും ആർക്കു നേരെ​യും ഉണ്ടായി​ട്ടി​ല്ലാത്ത അളവി​ലുള്ള പീഡന​ങ്ങ​ളാണ്‌ സഹി​ക്കേണ്ടി വന്നിട്ടു​ള്ളത്‌. നാസി തടങ്കൽ പാളയ​ത്തിൽ നൂറു​ക​ണ​ക്കി​നു സാക്ഷികൾ വധിക്ക​പ്പെട്ടു. ചില രാജ്യ​ങ്ങ​ളിൽ, യഹോ​വ​യു​ടെ സാക്ഷി​ക​ളു​ടെ പ്രവർത്തനം ഇന്നും നിരോ​ധ​ന​ത്തിൻ കീഴി​ലാണ്‌. മറ്റു ചില രാജ്യ​ങ്ങ​ളിൽ, ഇതിന്റെ പേരിൽ അവരെ അറസ്റ്റു ചെയ്യു​ക​യും ജയിലി​ല​ട​യ്‌ക്കു​ക​യും മർദി​ക്കു​ക​യും എന്തിന്‌, കൊല്ലുക പോലും ചെയ്യുന്നു. യേശു നൽകിയ അടയാ​ള​ത്തി​ന്റെ ഭാഗമാണ്‌ ഇവയെ​ല്ലാം.

വെളി​പ്പാ​ടു 11:18-ൽ മുൻകൂ​ട്ടി പറഞ്ഞി​രി​ക്കു​ന്ന​തു​പോ​ലെ, യഹോ​വ​യു​ടെ വിശ്വസ്‌ത സാക്ഷി​കൾക്കെ​തി​രെ “ജാതികൾ കോപി​ച്ചി”രിക്കുന്നു. അതുവഴി അവർ യഹോ​വ​യു​ടെ “കോപം” ക്ഷണിച്ചു​വ​രു​ത്തു​ക​യാണ്‌. ദൈവം ‘ഭൂമിയെ നശിപ്പി​ക്കു​ന്ന​വരെ നശിപ്പി​ക്കും’ എന്ന്‌ അതേ തിരു​വെ​ഴു​ത്തു പറയുന്നു. ജീവൻ നിലനി​റു​ത്താ​നുള്ള ഭൂമി​യു​ടെ കഴിവ്‌ അപകട​ത്തി​ലാ​യി​ട്ടുള്ള ഒരു സമയം മനുഷ്യ​ച​രി​ത്ര​ത്തിൽ മുമ്പൊ​രി​ക്ക​ലും ഉണ്ടായി​ട്ടില്ല. എന്നാൽ, ഇന്ന്‌ സ്ഥിതി എത്ര വ്യത്യ​സ്‌ത​മാണ്‌! ഇതേ രീതി​യിൽ മനുഷ്യൻ ഭൂമിയെ മലിനീ​ക​രി​ക്കു​ക​യാ​ണെ​ങ്കിൽ അത്‌ അധികം വൈകാ​തെ വാസ​യോ​ഗ്യ​മ​ല്ലാ​താ​കും എന്ന്‌ പല ശാസ്‌ത്ര​ജ്ഞ​ന്മാ​രും മുന്നറി​യി​പ്പു നൽകുന്നു. എന്നാൽ യഹോവ ഭൂമിയെ ‘പാർപ്പി​നാ​യാ​ണു നിർമി​ച്ചത്‌.’ അതു​കൊണ്ട്‌, ഇങ്ങനെ​യു​ള്ളവർ ഭൂമിയെ പാടേ നശിപ്പി​ക്കു​ന്ന​തി​നു മുമ്പ്‌ അവൻ അവരെ നശിപ്പി​ച്ചു​ക​ള​യും.—യെശയ്യാ​വു 45:18.

രാജ്യ​ത്തിൻ കീഴിലെ ഭൗമിക അനു​ഗ്ര​ഹ​ങ്ങൾ

ദൈവ​രാ​ജ്യ​ത്തി​ന്റെ പ്രജകൾ എന്ന നിലയിൽ മനുഷ്യർ ഈ ഭൂമി​യിൽത്തന്നെ ജീവി​ക്കു​മെന്ന വസ്‌തുത, ബൈബി​ളിൽ വിശ്വാ​സ​മുള്ള പലർക്കും വിചി​ത്ര​മാ​യി തോന്നി​യേ​ക്കാം, പ്രത്യേ​കി​ച്ചും രക്ഷിക്ക​പ്പെ​ടു​ന്ന​വ​രെ​ല്ലാം സ്വർഗ​ത്തി​ലേ​ക്കാ​ണു പോകു​ന്നത്‌ എന്നു വിശ്വ​സി​ക്കു​ന്ന​വർക്ക്‌. എന്നാൽ ഒരു പരിമിത എണ്ണം ആളുകൾ മാത്രമേ സ്വർഗ​ത്തിൽ പോകു​ക​യു​ള്ളു എന്നു ബൈബിൾ വ്യക്തമാ​ക്കു​ന്നു. മാത്രമല്ല, പരിമി​ത​പ്പെ​ടു​ത്തി​യി​ട്ടി​ല്ലാത്ത ഒരു മഹാപു​രു​ഷാ​ര​മാണ്‌ ഈ ഭൂമി​യിൽ എന്നേക്കും ജീവി​ക്കാൻ പോകു​ന്നത്‌ എന്നും അതു പറയുന്നു. (സങ്കീർത്തനം 37:11, 29; വെളി​പ്പാ​ടു 7:9; 14:1-5) മുഴു ഭൂമി​യും ക്രിസ്‌തു മുഖാ​ന്ത​ര​മുള്ള ദൈവ​രാ​ജ്യ ഭരണത്തിൻ കീഴിൽ വരു​മെന്ന്‌ ബൈബി​ളി​ലെ ദാനീ​യേൽ പുസ്‌ത​ക​ത്തി​ലുള്ള ഒരു പ്രവചനം വ്യക്തമാ​ക്കു​ന്നു.

യഹോ​വ​യു​ടെ സാർവ​ത്രിക പരമാ​ധി​കാ​ര​മാ​കുന്ന പർവത​ത്തിൽനി​ന്നു വെട്ടി​യെ​ടു​ക്ക​പ്പെട്ട കല്ല്‌ എന്ന നിലയി​ലാണ്‌ അവിടെ ക്രിസ്‌തു​വി​ന്റെ രാജ്യത്തെ വർണി​ച്ചി​രി​ക്കു​ന്നത്‌. ഈ കല്ല്‌, ഭൂമി​യി​ലെ ശക്തരായ രാഷ്‌ട്ര​ങ്ങളെ പ്രതി​നി​ധാ​നം ചെയ്യുന്ന ഒരു കൂറ്റൻ ബിംബത്തെ അടിച്ചു​ത​കർക്കു​ന്നു. “ബിംബത്തെ അടിച്ച കല്ലു ഒരു മഹാപർവ്വ​ത​മാ​യി​ത്തീർന്നു ഭൂമി​യിൽ ഒക്കെയും നിറഞ്ഞു.” പ്രവചനം തുടരു​ന്നു: “ഈ രാജാ​ക്ക​ന്മാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.”—ദാനീ​യേൽ 2:34, 35, 44.

ഈ രാജ്യത്തെ കുറി​ച്ചും അതു​പോ​ലെ ശുദ്ധീ​ക​രി​ക്ക​പ്പെട്ട മനോ​ഹ​ര​മായ ഭൂമി​യി​ലെ നിത്യ​ജീ​വൻ എന്ന തിരു​വെ​ഴു​ത്ത​ധി​ഷ്‌ഠിത പ്രത്യാ​ശയെ കുറി​ച്ചു​മാണ്‌ യഹോ​വ​യു​ടെ സാക്ഷികൾ നിങ്ങ​ളോ​ടു പറയാൻ ആഗ്രഹി​ക്കു​ന്നത്‌. ഇപ്പോൾ ജീവി​ച്ചി​രി​ക്കുന്ന ദശലക്ഷ​ങ്ങൾക്കു മാത്രമല്ല, മരിച്ചു​പോയ ദശലക്ഷ​ക്ക​ണ​ക്കിന്‌ ആളുകൾക്കും അവിടെ നിത്യ​മാ​യി ജീവി​ക്കാ​നുള്ള അവസരം ലഭിക്കും. ഈ ഭൂമിയെ സൃഷ്ടി​ക്കു​ക​യും ആദ്യ മനുഷ്യ ദമ്പതി​കളെ ഇവിടെ ആക്കി​വെ​ക്കു​ക​യും ചെയ്‌ത​തി​ന്റെ പിന്നിലെ യഹോ​വ​യു​ടെ ആദിമ ഉദ്ദേശ്യം ക്രിസ്‌തു​യേ​ശു​വി​ന്റെ ആയിര-വർഷ വാഴ്‌ച​യിൻകീ​ഴിൽ സാക്ഷാ​ത്‌ക​രി​ക്ക​പ്പെ​ടും. പറുദീ​സ​യി​ലെ ജീവിതം ആർക്കും ഒരിക്ക​ലും മടുക്കു​ക​യില്ല. ഏദെൻതോ​ട്ട​ത്തിൽ ആദാമി​നു ജോലി നിയമി​ച്ചു കൊടു​ത്തി​രു​ന്ന​തു​പോ​ലെ, ഈ ഭൂമി​യെ​യും അതിലെ സസ്യ-ജന്തു ജാലങ്ങ​ളെ​യും പരിപാ​ലി​ക്കു​ന്ന​തി​നുള്ള ബൃഹദ്‌ പദ്ധതികൾ മനുഷ്യർക്കാ​യി കാത്തി​രി​പ്പു​ണ്ടാ​കും. അവർ “തങ്ങളുടെ അദ്ധ്വാ​ന​ഫലം ദീർഘ​കാ​ലം അനുഭ​വി​ക്കും.”—യെശയ്യാ​വു 65:22, ഓശാന ബൈ.; ഉല്‌പത്തി 2:15.

“നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.” (മത്തായി 6:10) യേശു പഠിപ്പിച്ച ഈ പ്രാർഥ​ന​യ്‌ക്ക്‌ ഉത്തരം ലഭിക്കു​മ്പോൾ നിലവിൽ വരുന്ന അവസ്ഥകളെ വർണി​ക്കുന്ന ധാരാളം തിരു​വെ​ഴു​ത്തു​കൾ ഉണ്ട്‌. തത്‌കാ​ലം അതിൽ ഒരെണ്ണം നമുക്കു നോക്കാം: “സിംഹാ​സ​ന​ത്തിൽനി​ന്നു ഒരു മഹാശബ്ദം പറയു​ന്ന​താ​യി ഞാൻ കേട്ടതു: ഇതാ, മനുഷ്യ​രോ​ടു​കൂ​ടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി; സിംഹാ​സ​ന​ത്തിൽ ഇരിക്കു​ന്നവൻ: ഇതാ, ഞാൻ സകലവും പുതു​താ​ക്കു​ന്നു എന്നു അരുളി​ച്ചെ​യ്‌തു. എഴുതുക, ഈ വചനം വിശ്വാ​സ​യോ​ഗ്യ​വും സത്യവും ആകുന്നു എന്നും അവൻ കല്‌പി​ച്ചു.”—വെളി​പ്പാ​ടു 21:3-5.

[15-ാം പേജിലെ ആകർഷക വാക്യം]

‘അന്ത്യകാ​ലത്തെ ദുർഘ​ട​സ​മ​യങ്ങൾ’

പക്ഷേ “അപ്പോൾ അവസാനം വരും”

[18-ാം പേജിലെ ചിത്രം]

നെതർലൻഡ്‌സ്‌

[18-ാം പേജിലെ ചിത്രം]

നൈജീരിയ