വാഗ്‌ദത്ത ദേശം സാമ്രാ​ജ്യ​ശ​ക്തി​ക​ളു​ടെ ആക്രമ​ണ​ത്തിന്‌ ഇരയാ​കു​ന്നു

വടക്കേ ഇസ്രാ​യേൽ രാജ്യ​ത്തി​ന്റെ തലസ്ഥാ​ന​മായ ശമര്യയെ പൊ.യു.മു. 740-ൽ അസീറി​യ​ക്കാർ കീഴ്‌പെ​ടു​ത്തി. അങ്ങനെ ഇസ്രാ​യേ​ല്യർ ഒരു ക്രൂര സാമ്രാ​ജ്യ​ത്തി​ന്റെ അധീന​ത​യി​ലാ​യി. ‘ഫർട്ടൈൽ ക്രെ​സെ​ന്റി​ലെ’ വൻ നദിക​ളിൽ ഒന്നായ ടൈ​ഗ്രി​സി​ന്റെ സമീപ​ത്താ​യി, മെസൊ​പ്പൊ​ത്താ​മ്യൻ സമഭൂ​മി​യു​ടെ വടക്കേ അറ്റത്താണ്‌ അസീറിയ സ്ഥിതി ചെയ്‌തി​രു​ന്നത്‌. അതിന്റെ മുഖ്യ നഗരങ്ങ​ളായ നീനെ​വേ​യും കാലഹും സ്ഥാപി​ച്ചത്‌ നി​മ്രോ​ദാ​യി​രു​ന്നു. (ഉല്‌പ 10:8-12) ശൽമ​നേ​സെർ മൂന്നാ​മന്റെ കാലത്ത്‌ അസീറിയ അതിന്റെ സാമ്രാ​ജ്യം സിറി​യ​യു​ടെ​യും (അരാം) വടക്കേ ഇസ്രാ​യേ​ലി​ന്റെ​യും നല്ല നീരോ​ട്ട​മുള്ള ഫലഭൂ​യി​ഷ്‌ഠ​മായ പ്രദേ​ശങ്ങൾ കൈയ​ട​ക്കി​ക്കൊണ്ട്‌ പടിഞ്ഞാ​റോ​ട്ടു വ്യാപി​പ്പി​ച്ചു.

ബൈബി​ളിൽ പരാമർശി​ച്ചി​ട്ടുള്ള തിഗ്ലത്ത്‌-പിലേസർ മൂന്നാ​മന്റെ (പൂൽ) കാലത്ത്‌ അസീറിയ ഇസ്രാ​യേ​ലി​നെ ഞെരു​ക്കാൻ തുടങ്ങി. അവന്റെ സൈനിക നീക്കങ്ങൾ തെക്കുള്ള യെഹൂ​ദാ​യെ​യും ബാധിച്ചു. (2 രാജാ 15:19; 16:5-18) കാലാ​ന്ത​ര​ത്തിൽ, അസീറി​യൻ ‘പെരു​വെ​ള്ളങ്ങൾ’ യെഹൂ​ദാ​യി​ലേക്കു കുത്തി​യൊ​ഴു​കു​ക​യും ഒടുവിൽ അതിന്റെ തലസ്ഥാ​ന​മായ യെരൂ​ശ​ലേ​മിൽ എത്തി​ച്ചേ​രു​ക​യും ചെയ്‌തു.—യെശ 8:5-8.

അസീറി​യൻ രാജാ​വായ സൻഹേ​രീബ്‌ പൊ.യു.മു. 732-ൽ യെഹൂ​ദാ​യെ ആക്രമി​ച്ചു. (2 രാജാ 18:13, 14) അവൻ 46 യെഹൂദ്യ നഗരങ്ങൾ പിടി​ച്ച​ടക്കി കൊള്ള​യ​ടി​ച്ചു. ഷെഫീലാ പ്രദേ​ശത്ത്‌ തന്ത്ര​പ്ര​ധാ​ന​മായ സ്ഥാനത്തു സ്ഥിതി ചെയ്‌തി​രുന്ന ലാഖീ​ശും അക്കൂട്ട​ത്തിൽ ഉണ്ടായി​രു​ന്നു. ഭൂപട​ത്തിൽ നിങ്ങൾക്കു കാണാൻ കഴിയു​ന്ന​തു​പോ​ലെ അതിന്റെ സ്ഥാനം യെരൂ​ശ​ലേ​മി​ന്റെ പിന്നി​ലാണ്‌. അവി​ടെ​യെ​ത്താൻ അവന്റെ സൈന്യം യെരൂ​ശ​ലേ​മി​നെ ചുറ്റി വന്ന്‌ അതിന്റെ തെക്കു​പ​ടി​ഞ്ഞാറ്‌ വശത്തേക്കു നീങ്ങി. ഈ വിധത്തിൽ അവർ യെഹൂ​ദാ​യു​ടെ തലസ്ഥാനം വളഞ്ഞു. ഹിസ്‌കീ​യാവ്‌ തന്റെ മുന്നിൽ “കൂട്ടിൽ അടയ്‌ക്ക​പ്പെട്ട ഒരു കിളി​യെ​പ്പോ​ലെ” ആയി എന്ന്‌ സൻഹേ​രീബ്‌ തന്റെ ചരി​ത്ര​വൃ​ത്താ​ന്ത​ങ്ങ​ളിൽ വീമ്പടി​ച്ചി​ട്ടുണ്ട്‌. എന്നാൽ ദൈവ​ദൂ​തന്റെ കൈയാൽ സൻഹേ​രീ​ബി​ന്റെ പടയാ​ളി​കൾ നശിപ്പി​ക്ക​പ്പെ​ട്ട​തി​നെ കുറിച്ച്‌ അസീറി​യൻ രേഖകൾ മൗനം പാലി​ക്കു​ന്നു.—2 രാജാ 18:17-36; 19:35-37.

അസീറി​യൻ സാമ്രാ​ജ്യ​ത്തി​ന്റെ അന്ത്യം അടുത്തി​രു​ന്നു. മുഖ്യ​മാ​യും, ഇപ്പോൾ ഇറാന്റെ ഭാഗമായ നിമ്‌നോ​ന്നത പീഠഭൂ​മി​യിൽ പാർത്തി​രുന്ന മേദ്യർ ശേഷി​ച്ചി​രുന്ന അസീറി​യൻ സൈന്യ​ത്തി​നെ​തി​രെ യുദ്ധം ചെയ്യാൻ തുടങ്ങി. ഇത്‌ അസീറി​യ​യു​ടെ ശ്രദ്ധ അതിന്റെ പടിഞ്ഞാ​റൻ പ്രവി​ശ്യ​ക​ളിൽനി​ന്നു വ്യതി​ച​ലി​ക്കാൻ ഇടയാക്കി. അവയാ​കട്ടെ മത്സരി​ക്കാൻ തുടങ്ങു​ക​യും ചെയ്‌തു. ഇതിനി​ട​യിൽ ബാബി​ലോൺ ശക്തി പ്രാപി​ച്ചു​വ​രി​ക​യാ​യി​രു​ന്നു. അവർ അശ്ശൂർ നഗരം പിടി​ച്ച​ട​ക്കുക പോലും ചെയ്‌തു. പൊ.യു.മു. 632-ൽ ബാബി​ലോ​ണി​യർ, മേദ്യർ, കരിങ്ക​ട​ലി​നു വടക്കു​നി​ന്നുള്ള യുദ്ധ​പ്രി​യ​രായ ശകന്മാർ എന്നിവ​രു​ടെ സംയുക്ത സഖ്യം ‘രക്തപാ​ത​ക​ങ്ങ​ളു​ടെ പട്ടണമായ’ നീനെവേ പിടി​ച്ചെ​ടു​ക്കു​ക​യും ആ നഗരത്തെ തകർത്തു​ത​രി​പ്പ​ണ​മാ​ക്കു​ക​യും ചെയ്‌തു. അങ്ങനെ നഹൂമി​ന്റെ​യും സെഫന്യാ​വി​ന്റെ​യും പ്രവച​നങ്ങൾ നിവൃ​ത്തി​ക്ക​പ്പെട്ടു.—നഹൂം 3:1; സെഫ 2:13.

ഹാരാ​നിൽവെച്ച്‌ അസീറി​യ​യ്‌ക്ക്‌ അന്ത്യ പ്രഹര​മേറ്റു. അസീറി​യയെ തകർക്കാൻ ദൃഢനി​ശ്ചയം ചെയ്‌തി​രുന്ന ബാബി​ലോ​ണി​യ​രു​ടെ ആക്രമ​ണത്തെ ഈജി​പ്‌തിൽനി​ന്നു സഹായം വരുന്ന​തു​വരെ ചെറു​ത്തു​നിൽക്കാൻ അസീറി​യ​ക്കാർ പരി​ശ്ര​മി​ച്ചു. എന്നാൽ വടക്കോ​ട്ടുള്ള യാത്ര​യിൽ ഫറവോൻ-നെഖോ​യ്‌ക്ക്‌ മെഗി​ദ്ദോ​യിൽവെച്ച്‌ യെഹൂദ്യ രാജാ​വായ യോശീ​യാ​വു​മാ​യി ഏറ്റുമു​ട്ടേണ്ടി വന്നു. (2 രാജാ 23:29, NW) അങ്ങനെ നെഖോ ഹാരാ​നിൽ എത്തിയ​പ്പോൾ വൈകി​പ്പോ​യി—അസീറി​യൻ സാമ്രാ​ജ്യം നിലം​പൊ​ത്തി​യി​രു​ന്നു.

ബാബി​ലോ​ണി​യൻ സാമ്രാ​ജ്യം

“തൂങ്ങുന്ന ഉദ്യാ​നങ്ങൾ” എന്നു കേൾക്കു​മ്പോൾ ഏതു നഗരമാണ്‌ നിങ്ങളു​ടെ മനസ്സി​ലേക്കു വരുന്നത്‌? ബാബി​ലോൺ, അല്ലേ? ചിറകു​ക​ളുള്ള ഒരു സിംഹ​ത്താൽ പ്രാവ​ച​നി​ക​മാ​യി ചിത്രീ​ക​രി​ക്ക​പ്പെ​ട്ടി​രി​ക്കുന്ന ബാബി​ലോ​ണി​യൻ ലോക​ശ​ക്തി​യു​ടെ തലസ്ഥാന നഗരമാ​യി​രു​ന്നു അത്‌. (ദാനീ 7:4) സമ്പത്ത്‌, വാണി​ജ്യം, മതപര​വും ജ്യോ​തി​ഷ​പ​ര​വു​മായ വികാ​സങ്ങൾ എന്നിവ​യ്‌ക്കു പേരു​കേട്ട ഒരു നഗരമാ​യി​രു​ന്നു ബാബി​ലോൺ. ടൈ​ഗ്രിസ്‌, യൂഫ്ര​ട്ടീസ്‌ നദികൾക്കി​ട​യി​ലാ​യി, തെക്കൻ മെസൊ​പ്പൊ​ത്താ​മ്യ​യി​ലെ ചതുപ്പു സമതല​ങ്ങ​ളി​ലാണ്‌ ബാബി​ലോ​ണി​യൻ സാമ്രാ​ജ്യം കേന്ദ്രീ​ക​രി​ച്ചി​രു​ന്നത്‌. യൂഫ്ര​ട്ടീ​സി​ന്റെ ഇരുക​ര​ക​ളി​ലാ​യാണ്‌ ബാബി​ലോൺ നഗരം സ്ഥിതി ചെയ്‌തി​രു​ന്നത്‌. കൂറ്റൻ മതിലു​കൾ ഉള്ള ആ നഗരം അജയ്യമായ ഒന്നായി കാണ​പ്പെട്ടു.

വടക്കൻ അറബി​ദേ​ശ​ത്തി​ന്റെ പാറകൾ നിറഞ്ഞ മരുഭൂ​മി​യി​ലൂ​ടെ ബാബി​ലോ​ണി​യർ വാണി​ജ്യ​പാ​തകൾ വികസി​പ്പി​ച്ചെ​ടു​ത്തു. ഒരു സമയത്ത്‌ ബാബി​ലോ​ണി​ന്റെ ഭരണം ബേൽശ​സ്സ​റി​നെ ഏൽപ്പി​ച്ചിട്ട്‌ നബോ​ണീ​ഡസ്‌ രാജാവ്‌ തേമാ​യിൽ പോയി പാർത്ത​താ​യി കാണാം.

ബാബി​ലോൺ മൂന്നു പ്രാവ​ശ്യം കനാ​ന്റെ​മേൽ ആക്രമണം നടത്തി. പൊ.യു.മു. 625-ൽ കർക്കെ​മീ​ശിൽവെച്ച്‌ നെബൂ​ഖ​ദ്‌നേസർ ഈജി​പ്‌തു​കാ​രെ തോൽപ്പി​ച്ച​ശേഷം ബാബി​ലോ​ണി​യർ തെക്കുള്ള ഹമാത്തി​ലേക്കു പോകു​ക​യും അവിടെ വെച്ച്‌ പിൻവാ​ങ്ങു​ക​യാ​യി​രുന്ന ഈജി​പ്‌തു​കാ​രെ വീണ്ടും പരാജ​യ​പ്പെ​ടു​ത്തു​ക​യും ചെയ്‌തു. തുടർന്ന്‌ ബാബി​ലോ​ണി​യർ തീര​പ്ര​ദേ​ശ​ത്തു​കൂ​ടെ പിന്നെ​യും തെക്കോ​ട്ടു യാത്ര​ചെ​യ്‌ത്‌ മിസ്ര​യീം നീർത്താ​ഴ്‌വര വരെ മുന്നേറി. മാർഗ​മ​ധ്യേ അവർ അസ്‌ക​ലോ​നെ നശിപ്പി​ച്ചു. (2 രാജാ 24:7; യിരെ 47:5-7) ഈ സൈനിക മുന്നേ​റ്റ​ത്തി​നി​ട​യിൽ യെഹൂദാ ബാബി​ലോ​ണി​ന്റെ ഒരു സാമന്ത രാജ്യ​മാ​യി​ത്തീർന്നു.—2 രാജാ 24:1.

പൊ.യു.മു. 618-ൽ യെഹൂ​ദാ​യു​ടെ യെഹോ​യാ​ക്കീം രാജാവ്‌ ബാബി​ലോ​ണിന്‌ എതിരെ മത്സരിച്ചു. അപ്പോൾ ബാബി​ലോൺ യെഹൂ​ദാ​യ്‌ക്കെ​തി​രെ അയൽ ജനതക​ളു​ടെ സേനകളെ അയച്ചു. ബാബി​ലോ​ണി​ന്റെ​തന്നെ സൈന്യ​ങ്ങൾ യെരൂ​ശ​ലേ​മി​നെ ഉപരോ​ധി​ക്കു​ക​യും കീഴ്‌പെ​ടു​ത്തു​ക​യും ചെയ്‌തു. ഈ സംഭവം നടന്ന്‌ ഏറെക്ക​ഴി​യു​ന്ന​തി​നു മുമ്പ്‌ സിദെ​ക്കീ​യാവ്‌ രാജാവ്‌ ഈജി​പ്‌തു​മാ​യി സഖ്യം ചെയ്‌തു​കൊണ്ട്‌ ബാബി​ലോ​ണി​ന്റെ കോപം യെഹൂ​ദാ​യ്‌ക്കെ​തി​രെ ആളിക്ക​ത്താൻ ഇടയാക്കി. അവർ വീണ്ടും ആക്രമ​ണം​ന​ട​ത്തു​ക​യും യെഹൂ​ദാ​യി​ലെ നഗരങ്ങൾ നശിപ്പി​ക്കാൻ തുടങ്ങു​ക​യും ചെയ്‌തു. (യിരെ 34:7) ഒടുവിൽ നെബൂ​ഖ​ദ്‌നേസർ തന്റെ സൈന്യ​ത്തെ യെരൂ​ശ​ലേ​മി​നു നേരെ അയയ്‌ക്കു​ക​യും പൊ.യു.മു. 607-ൽ അതിനെ പിടി​ച്ച​ട​ക്കു​ക​യും ചെയ്‌തു.—2 ദിന 36:17-21; യിരെ 39:10, NW.

[23-ാം പേജിലെ മാപ്പ്‌]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

അസീറിയൻ സാമ്രാ​ജ്യം

B4 മോഫ്‌ (നോഫ്‌)

B4 സോവൻ

B5 ഈജി​പ്‌ത്‌

C2 കു​പ്രൊസ്‌ (കിത്തീം)

C3 സീദോൻ

C3 സോർ

C3 മെഗി​ദ്ദോ

C3 ശമര്യ

C4 യെരൂ​ശ​ലേം

C4 അസ്‌ക​ലോൻ

C4 ലാഖീശ്‌

D2 ഹാരാൻ

D2 കർക്കെ​മീശ്‌

D2 അർപ്പാദ്‌

D2 ഹമാത്ത്‌

D3 രിബ്ല

D3 സിറിയ (അരാം)

D3 ദമസ്‌കൊസ്‌

E2 ഗോസാൻ

E2 മെസൊ​പ്പൊ​ത്താ​മ്യ

F2 മിന്നി

F2 അസീറിയ

F2 കോർസ​ബാദ്‌

F2 നീനെവേ

F2 കാലഹ്‌

F2 അശ്ശൂർ

F3 ബാബി​ലോ​ണി​യ

F3 ബാബി​ലോൺ

F4 കൽദയ

F4 ഏരെക്‌

F4 ഊർ

G3 ശൂശൻ

G4 ഏലാം

ബാബിലോണിയൻ സാമ്രാ​ജ്യം

C3 സീദോൻ

C3 സോർ

C3 മെഗി​ദ്ദോ

C3 ശമര്യ

C4 യെരൂ​ശ​ലേം

C4 അസ്‌ക​ലോൻ

C4 ലാഖീശ്‌

D2 ഹാരാൻ

D2 കർക്കെ​മീശ്‌

D2 അർപ്പാദ്‌

D2 ഹമാത്ത്‌

D3 രിബ്ല

D3 സിറിയ (അരാം)

D3 ദമസ്‌കൊസ്‌

D5 തേമാ

E2 ഗോസാൻ

E2 മെസൊ​പ്പൊ​ത്താ​മ്യ

E4 അറബി​ദേ​ശം

F2 മിന്നി

F2 അസീറിയ

F2 കോർസ​ബാദ്‌

F2 നീനെവേ

F2 കാലഹ്‌

F2 അശ്ശൂർ

F3 ബാബി​ലോ​ണി​യ

F3 ബാബി​ലോൺ

F4 കൽദയ

F4 ഏരെക്‌

F4 ഊർ

G3 ശൂശൻ

G4 ഏലാം

[മറ്റു സ്ഥലങ്ങൾ]

G2 മേദ്യ

പ്രധാന വീഥികൾ (പ്രസി​ദ്ധീ​ക​രണം കാണുക)

[ജലാശ​യങ്ങൾ]

B3 മധ്യധ​ര​ണ്യാ​ഴി (മഹാസ​മു​ദ്രം)

C5 ചെങ്കടൽ

H1 കാസ്‌പി​യൻ കടൽ

H5 പേർഷ്യൻ ഉൾക്കടൽ

[നദികൾ]

B5 നൈൽ

E2 യൂഫ്ര​ട്ടീസ്‌

F3 ടൈ​ഗ്രിസ്‌

[22-ാം പേജിലെ ചിത്രം]

ടെൽ ലാഖീശ്‌

[22-ാം പേജിലെ ചിത്രം]

പുരാതന മെഗി​ദ്ദോ​യു​ടെ മാതൃക

[23-ാം പേജിലെ ചിത്രം]

ബാബിലോണിന്റെ തൂങ്ങുന്ന ഉദ്യാ​നങ്ങൾ ഒരു കലാകാ​രന്റെ ഭാവന​യിൽ