യേശു ജനിച്ചത്‌ ഡിസം​ബ​റി​ലോ?

യേശു ജനിച്ചത്‌ എപ്പോ​ഴാ​ണെന്ന്‌ ബൈബിൾ നമ്മോടു പറയു​ന്നി​ല്ല. എങ്കിലും, അവൻ ജനിച്ചത്‌ ഡിസം​ബ​റിൽ അല്ലെന്നു നിഗമനം ചെയ്യു​ന്ന​തി​നു​ള്ള ന്യായ​മാ​യ കാരണം അതു നൽകു​ക​ത​ന്നെ ചെയ്യുന്നു.

യേശു ജനിച്ച ബേത്ത്‌ലേ​ഹെ​മിൽ, ഡിസംബർ മാസക്കാ​ല​ത്തെ കാലാ​വ​സ്ഥ​യെ​ക്കു​റി​ച്ചു ചിന്തി​ക്കു​ക. യഹൂദ മാസമായ കിസ്ലേവ്‌ (നവംബർ/ഡിസംബർ കാലം) തണുപ്പും മഴയും ഉള്ള ഒരു സമയമാ​യി​രു​ന്നു. അതിന​ടു​ത്ത മാസം തേബേത്ത്‌ (ഡിസംബർ/ജനുവരി) ആയിരു​ന്നു. വർഷത്തിൽ താപനില ഏറ്റവും കുറയുന്ന, അതായത്‌ ഏറ്റവും തണുപ്പ്‌ അനുഭ​വ​പ്പെ​ടു​ന്ന സമയമാ​യി​രു​ന്നു അത്‌. ഇവിടത്തെ പർവത​പ്ര​ദേ​ശ​ങ്ങ​ളിൽ ഇടയ്‌ക്കൊ​ക്കെ മഞ്ഞുവീ​ഴ്‌ച​യും ഉണ്ടാകു​മാ​യി​രു​ന്നു. ആ പ്രദേ​ശ​ത്തെ കാലാ​വ​സ്ഥ​യെ​ക്കു​റി​ച്ചു ബൈബിൾ എന്തു പറയു​ന്നു​വെ​ന്നു നമുക്കു നോക്കാം.

നല്ല തണുപ്പും മഴയും ഉള്ള ഒരു മാസമാ​യി​രു​ന്നു കിസ്ലേവ്‌ എന്ന്‌ ബൈബിൾ എഴുത്തു​കാ​ര​നാ​യ എസ്രാ പ്രകട​മാ​ക്കു​ന്നുണ്ട്‌. “ഒമ്പതാം മാസം [കിസ്ലേവ്‌] ഇരുപ​താം തിയ്യതി” ജനം യെരൂ​ശ​ലേ​മിൽ വന്നുകൂ​ടി​യെ​ന്നു പറഞ്ഞ​ശേ​ഷം, സകലരും ‘വന്മഴനി​മി​ത്തം വിറെ​ക്കു​ക​യാ​യി​രു​ന്നു’ എന്ന്‌ എസ്രാ റിപ്പോർട്ടു ചെയ്യുന്നു. വർഷത്തി​ലെ ആ സമയത്തെ കാലാ​വ​സ്ഥ​യെ​ക്കു​റി​ച്ചു കൂടിവന്ന ജനംതന്നെ ഇപ്രകാ​രം പറഞ്ഞു: ‘ഇതു വർഷകാ​ലം ആകുന്നു; വെളി​യിൽ നില്‌പാൻ ഞങ്ങൾക്കു കഴിവില്ല.’ (എസ്രാ 10:9, 13; യിരെ​മ്യാ​വു 36:22) ലോക​ത്തി​ന്റെ ആ ഭാഗത്തുള്ള ഇടയന്മാർ, ഡിസംബർ മാസത്തി​ലെ രാത്രി​കാ​ല​ങ്ങ​ളിൽ തങ്ങളും ആട്ടിൻപ​റ്റ​വും വെളി​യി​ലാ​കാ​തി​രി​ക്കാൻ പ്രത്യേ​കം ശ്രദ്ധി​ച്ചി​രു​ന്നു എന്നത്‌ അതിശ​യ​മല്ല!

എന്നാൽ, യേശു ജനിച്ച അന്നു രാത്രി​യിൽ ആട്ടിട​യ​ന്മാർ ആടുകളെ കാത്തു​കൊണ്ട്‌ വെളി​മ്പ്ര​ദേ​ശത്ത്‌ ആയിരു​ന്നെന്ന്‌ ബൈബിൾ പറയുന്നു. ആ സമയത്ത്‌ ഇടയന്മാർ ബേത്ത്‌ലേ​ഹെ​മിന്‌ അടുത്താ​യി “രാത്രി​യിൽ ആട്ടിൻകൂ​ട്ട​ത്തെ കാവൽകാ​ത്തു വെളി​യിൽ പാർത്തി​രു​ന്നു”വെന്ന്‌ ബൈബി​ളെ​ഴു​ത്തു​കാ​ര​നായ ലൂക്കൊസ്‌ വ്യക്തമാ​ക്കു​ന്നു. (ലൂക്കൊസ്‌ 2:8-12) ഇടയന്മാർ പകൽസ​മ​യ​ത്തു വെറുതെ വെളി​യി​ലൂ​ടെ നടക്കു​ക​യാ​യി​രു​ന്നു എന്നല്ല, മറിച്ച്‌ അവർ വെളി​യിൽ പാർക്കു​ക​യാ​യി​രു​ന്നു എന്നാണു പറഞ്ഞി​രി​ക്കു​ന്ന​തെ​ന്നു ശ്രദ്ധി​ക്കു​ക. രാത്രി​യിൽ ആട്ടിൻകൂ​ട്ട​ത്തോ​ടൊ​പ്പം അവർ വെളി​യിൽ ആയിരു​ന്നു. ബേത്ത്‌ലേ​ഹെ​മിൽ അതി​ശൈ​ത്യ​വും മഴയും ഉള്ള ഡിസംബർ മാസത്തിൽ ഇടയന്മാർ ഇങ്ങനെ വെളി​യിൽ പാർത്തി​രി​ക്കാൻ സാധ്യ​ത​യു​ണ്ടോ? ഒരിക്ക​ലു​മി​ല്ല. അതു​കൊണ്ട്‌, യേശു ജനിച്ചതു ഡിസം​ബ​റിൽ അല്ലെന്ന്‌ അവന്റെ ജനനത്തെ ചുറ്റി​പ്പ​റ്റി​യു​ള്ള സംഭവങ്ങൾ സൂചി​പ്പി​ക്കു​ന്നു.a

യേശു മരിച്ചത്‌ എപ്പോ​ഴാ​ണെ​ന്നു ദൈവ​വ​ച​നം നമ്മോടു കൃത്യ​മാ​യി പറയു​ന്നുണ്ട്‌. എന്നാൽ, അവൻ എപ്പോൾ ജനിച്ചു​വെ​ന്ന​തു സംബന്ധിച്ച്‌ നേരിട്ടു സൂചന നൽകുന്ന അധികം വിശദാം​ശ​ങ്ങൾ അതിലില്ല. ഇത്‌ ശലോ​മോൻ രാജാ​വി​ന്റെ പിൻവ​രു​ന്ന വാക്കുകൾ നമ്മുടെ മനസ്സി​ലേ​ക്കു കൊണ്ടു​വ​രു​ന്നു: “നല്ല പേർ സുഗന്ധ​തൈ​ല​ത്തെ​ക്കാ​ളും മരണദി​വ​സം ജനനദി​വ​സ​ത്തെ​ക്കാ​ളും ഉത്തമം.” (സഭാ​പ്ര​സം​ഗി 7:1) അതിനാൽ, ബൈബിൾ യേശു​വി​ന്റെ ശുശ്രൂ​ഷ​യെ​യും മരണ​ത്തെ​യും കുറിച്ച്‌ അനേകം വിശദാം​ശ​ങ്ങൾ നൽകു​ക​യും അതേസ​മ​യം ജനനസ​മ​യ​ത്തെ സംബന്ധിച്ച്‌ വളരെ​ക്കു​റ​ച്ചു മാത്രം പറയു​ക​യും ചെയ്യു​ന്ന​തിൽ അതിശ​യി​ക്കാ​നി​ല്ല.