ദൈവം ഇസ്രാ​യേ​ല്യ​രെ വിടുവിക്കുന്നു

ഇസ്രാ​യേ​ല്യർ അനേക വർഷം ഈജി​പ്‌റ്റിൽ പാർത്തു. അവിടെ അവർ എണ്ണത്തിൽ വർധി​ക്കു​ക​യും അഭിവൃ​ദ്ധി​പ്പെ​ടു​ക​യും ചെയ്‌തു. അങ്ങനെ​യി​രി​ക്കെ, പുതിയ ഒരു ഫറവോൻ ഭരണത്തിൽവ​ന്നു. ആ ഭരണാ​ധി​കാ​രിക്ക്‌ യോ​സേ​ഫി​നെ അറിയി​ല്ലാ​യി​രു​ന്നു. ഇസ്രാ​യേ​ല്യർ പെരു​കു​ന്ന​തു കണ്ട്‌ ദുഷ്ടനായ ആ സ്വേച്ഛാ​ധി​പ​തി ഭയന്നു. അവൻ അവരെ അടിമ​ക​ളാ​ക്കി. കൂടാതെ, ഇസ്രാ​യേ​ല്യർക്കു ജനിക്കുന്ന ആൺകു​ഞ്ഞു​ങ്ങ​ളെ​യെ​ല്ലാം നൈൽന​ദി​യിൽ എറിഞ്ഞു​ക​ള​യാ​നും ഫറവോൻ കൽപ്പിച്ചു. എന്നാൽ ധീരയായ ഒരമ്മ അങ്ങനെ ചെയ്യാൻ കൂട്ടാ​ക്കി​യി​ല്ല. അവൾ തന്റെ കുഞ്ഞിനെ ഒരു കുട്ടയി​ലാ​ക്കി ഞാങ്ങണ​ച്ചെ​ടി​കൾക്കി​ട​യിൽ ഒളിപ്പി​ച്ചു​വെ​ച്ചു. ഫറവോ​ന്റെ പുത്രി ആ കുഞ്ഞിനെ കാണാ​നി​ട​യാ​യി. അവൾ അവന്‌ മോശെ എന്നു പേരിട്ടു; അവനെ അവൾ രാജ​കൊ​ട്ടാ​ര​ത്തിൽ വളർത്തി.

മോ​ശെ​യ്‌ക്ക്‌ 40 വയസ്സു​ള്ള​പ്പോൾ അവൻ ഒരു കുഴപ്പ​ത്തി​ല​ക​പ്പെ​ട്ടു. ഈജി​പ്‌തു​കാ​ര​നാ​യ ഒരു മേലാളൻ ഇസ്രാ​യേ​ല്യ​നാ​യ അടിമയെ ഉപദ്ര​വി​ക്കു​ന്ന​തു കണ്ടപ്പോൾ മോശെ അയാളെ അടിച്ചു​കൊ​ന്നു. മോശെ ഈജി​പ്‌തു​വിട്ട്‌ ഒരു ദൂര​ദേ​ശ​ത്തേക്ക്‌ ഓടി​പ്പോ​യി അവിടെ താമസ​മാ​ക്കി. മോ​ശെ​യ്‌ക്ക്‌ 80 വയസ്സു​ള്ള​പ്പോൾ, ദൈവ​ജ​ന​ത്തെ മോചി​പ്പി​ക്കാൻ ഫറവോ​നോട്‌ ആവശ്യ​പ്പെ​ടാ​നാ​യി യഹോവ അവനെ ഈജി​പ്‌റ്റി​ലേക്ക്‌ അയച്ചു.

എന്നാൽ ഇസ്രാ​യേ​ല്യ​രെ വിട്ടയ​യ്‌ക്കാൻ ഫറവോൻ തയ്യാറാ​യി​ല്ല. അതു​കൊണ്ട്‌ ദൈവം ഈജി​പ്‌റ്റി​നു​മേൽ പത്തുബാ​ധ​കൾ വരുത്തി. ഓരോ ബാധയ്‌ക്കു​മു​മ്പും അത്‌ ഒഴിവാ​ക്കാ​നു​ള്ള അവസരം നൽകേ​ണ്ട​തി​നാ​യി മോശെ ഫറവോ​ന്റെ മുമ്പിൽ ചെന്നു. എന്നാൽ ഫറവോൻ കഠിന​ഹൃ​ദ​യ​നാ​യി മോ​ശെ​യെ​യും അവന്റെ ദൈവ​മാ​യ യഹോ​വ​യെ​യും നിന്ദിച്ചു. ഒടുവിൽ പത്താമ​തൊ​രു ബാധ വരുത്താൻ ദൈവം നിശ്ചയി​ച്ചു; ദേശത്തെ കടിഞ്ഞൂ​ലു​ക​ളെ​യെ​ല്ലാം അവൻ സംഹരി​ക്കു​മാ​യി​രു​ന്നു. എന്നാൽ തന്റെ ജനത്തിന്‌ യഹോവ ഒരു നിർദേ​ശം നൽകി: ആ ബാധയിൽനി​ന്നു സംരക്ഷി​ക്ക​പ്പെ​ടാൻ അവർ ഒരു ആട്ടിൻകു​ട്ടി​യെ യാഗം​ക​ഴിച്ച്‌ അതിന്റെ രക്തം തങ്ങളുടെ വീടിന്റെ കട്ടിള​ക്കാ​ലു​ക​ളിൽ പുരട്ടണം. ആ നിർദേ​ശം അനുസ​രി​ച്ച കുടും​ബ​ങ്ങ​ളു​ടെ​മേൽമാ​ത്രം ബാധ വന്നില്ല. ദൈവ​ത്തി​ന്റെ സംഹാ​ര​ദൂ​തൻ ആ കുടും​ബ​ങ്ങ​ളെ കടന്നു​പോ​യി. അത്ഭുത​ക​ര​മാ​യ ഈ രക്ഷയുടെ ഓർമ​യ്‌ക്കാ​യി ഇസ്രാ​യേ​ല്യർ എല്ലാ വർഷവും പെസഹാ പെരു​ന്നാൾ ആഘോ​ഷി​ച്ചു​പോ​ന്നു.

സ്വന്തം ആദ്യജാ​ത​നെ നഷ്ടപ്പെ​ട്ട​പ്പോൾ ഫറവോൻ ഇസ്രാ​യേ​ല്യ​രെ​യും​കൊണ്ട്‌ ഈജി​പ്‌റ്റു വിടാൻ മോ​ശെ​യോ​ടു കൽപ്പിച്ചു. ഉടൻതന്നെ അവർ കൂട്ട​ത്തോ​ടെ അവി​ടെ​നി​ന്നു പുറ​പ്പെ​ട്ടു. എന്നാൽ ഫറവോ​ന്റെ മനസ്സു​മാ​റി. അവൻ യോദ്ധാ​ക്ക​ളും രഥങ്ങളു​മാ​യി അവർക്കു പിന്നാലെ ചെന്നു. ചെങ്കട​ലി​ന്റെ തീരത്ത്‌ ഇസ്രാ​യേ​ല്യർ കെണി​യി​ല​ക​പ്പെ​ട്ട​തു​പോ​ലെ​യാ​യി. യഹോവ ചെങ്കടൽ വിഭജിച്ച്‌ ഉണങ്ങിയ നിലത്തു​കൂ​ടെ ഇസ്രാ​യേ​ല്യ​രെ നയിച്ചു. സമു​ദ്ര​ജ​ലം ഇരുവ​ശ​ത്തും മതിൽപ്പോ​ലെ നിന്നു! ഈജി​പ്‌തു​കാർ അവരുടെ പിന്നാലെ പാഞ്ഞു​ചെ​ന്നു. ഉടനെ സമു​ദ്ര​ജ​ലം ഇരച്ചെത്തി, ഫറവോ​നെ​യും സൈന്യ​ത്തെ​യും മുക്കി​ക്ക​ള​ഞ്ഞു.

പിന്നീട്‌, ഇസ്രാ​യേ​ല്യർ സീനായ്‌ പർവത​ത്തി​ന​ടുത്ത്‌ പാളയ​മ​ടി​ച്ചു. അവി​ടെ​വെച്ച്‌ യഹോവ അവരു​മാ​യി ഒരു ഉടമ്പടി​ചെ​യ്‌തു. മധ്യസ്ഥ​നാ​യ മോ​ശെ​യി​ലൂ​ടെ ദൈവം അവർക്ക്‌ ഒരു നിയമ​സം​ഹി​ത നൽകി. ജീവി​ത​ത്തി​ന്റെ എല്ലാ മണ്ഡലങ്ങ​ളെ​യും സ്‌പർശി​ക്കു​ന്ന​താ​യി​രു​ന്നു ആ നിയമങ്ങൾ. അവ അവരെ വഴിന​യി​ക്കു​ക​യും സംരക്ഷി​ക്കു​ക​യും ചെയ്യു​മാ​യി​രു​ന്നു. ഇസ്രാ​യേ​ല്യർ ദിവ്യ​ഭ​ര​ണ​ത്തി​നു വിശ്വ​സ്‌ത​ത​യോ​ടെ കീഴ്‌പെ​ട്ടി​രി​ക്കു​ന്നി​ട​ത്തോ​ളം​കാ​ലം, യഹോവ അവരോ​ടൊ​പ്പം ഉണ്ടായി​രി​ക്കു​മാ​യി​രു​ന്നു. അവരി​ലൂ​ടെ മറ്റു ജനതകൾ അനു​ഗ്ര​ഹി​ക്ക​പ്പെ​ടു​ക​യും ചെയ്യു​മാ​യി​രു​ന്നു.

എന്നാൽ ഇസ്രാ​യേ​ല്യ​രിൽ ബഹുഭൂ​രി​പ​ക്ഷ​വും ദൈവ​ത്തോട്‌ അവിശ്വ​സ്‌തത കാണിച്ച്‌ അവനെ നിരാ​ശ​പ്പെ​ടു​ത്തി. അതു​കൊണ്ട്‌ ആ തലമുറ 40 വർഷം മരുഭൂ​മി​യിൽ അലഞ്ഞു​ന​ട​ക്കാൻ യഹോവ ഇടയാക്കി. പിന്നീട്‌, യോശുവ എന്നു പേരുള്ള ഒരു നല്ല മനുഷ്യ​നെ തന്റെ പിൻഗാ​മി​യാ​യി മോശെ തിര​ഞ്ഞെ​ടു​ത്തു. ഒടുവിൽ ഇസ്രാ​യേ​ല്യർ, ദൈവം അബ്രാ​ഹാ​മി​നോട്‌ വാഗ്‌ദാ​നം​ചെ​യ്‌ത ദേശത്തി​ന്റെ കവാട​ത്തി​ലെ​ത്തി​ച്ചേർന്നു.

—പുറപ്പാട്‌, ലേവ്യ​പു​സ്‌ത​കം, സംഖ്യാ​പു​സ്‌ത​കം, ആവർത്ത​ന​പു​സ്‌ത​കം, സങ്കീർത്ത​ന​ങ്ങൾ 136:10-15, പ്രവൃ​ത്തി​കൾ 7:17-36 എന്നിവയെ ആധാര​മാ​ക്കി​യു​ള്ളത്‌.