വിശ്വാ​സം, സദാചാ​രം, സ്‌നേഹം എന്നിവയെ സംബന്ധി​ക്കു​ന്ന ഉപദേശങ്ങൾ

യാക്കോ​ബും യൂദാ​യും യേശു​വി​ന്റെ അർധസ​ഹോ​ദ​ര​ന്മാ​രാണ്‌; പത്രോ​സും യോഹ​ന്നാ​നു​മാ​ക​ട്ടെ യേശു​വി​ന്റെ 12 അപ്പൊ​സ്‌ത​ല​ന്മാ​രു​ടെ കൂട്ടത്തിൽ ഉണ്ടായി​രു​ന്ന​വ​രും. ഈ നാലു​പേ​രും ആകെ ഏഴു​ലേ​ഖ​ന​ങ്ങൾ എഴുതി​യി​ട്ടുണ്ട്‌. അവയെ ക്രിസ്‌തീ​യ ഗ്രീക്ക്‌ തിരു​വെ​ഴു​ത്തു​ക​ളിൽ ഉൾപ്പെ​ടു​ത്തി​യി​രി​ക്കു​ന്നു. ഓരോ ലേഖന​ത്തി​നും അതിന്റെ എഴുത്തു​കാ​ര​ന്റെ പേരാ​ണു​ള്ളത്‌. യഹോ​വ​യോ​ടും അവന്റെ രാജ്യ​ത്തോ​ടും വിശ്വ​സ്‌ത​രാ​യി​രി​ക്കാൻ ക്രിസ്‌ത്യാ​നി​ക​ളെ സഹായി​ക്കു​ക എന്ന ഉദ്ദേശ്യ​ത്തി​ലു​ള്ള​താണ്‌ ഈ ലേഖന​ങ്ങ​ളി​ലെ ഉപദേ​ശ​ങ്ങൾ.

വിശ്വാ​സം പ്രവൃ​ത്തി​ക​ളാൽ തെളി​യി​ക്കു​ക. വിശ്വാ​സം ഉണ്ടെന്ന്‌ അവകാ​ശ​പ്പെ​ട്ട​തു​കൊ​ണ്ടാ​യില്ല. അത്‌ പ്രവൃ​ത്തി​ക​ളാൽ തെളി​യി​ക്കേ​ണ്ട​തുണ്ട്‌. ‘പ്രവൃ​ത്തി​യി​ല്ലാ​ത്ത വിശ്വാ​സം നിർജീ​വ​മാ​കു​ന്നു’ എന്ന്‌ യാക്കോബ്‌ എഴുതി. (യാക്കോബ്‌ 2:26) ജീവി​ത​ത്തിൽ പരി​ശോ​ധ​ന​ക​ളു​ണ്ടാ​കു​മ്പോൾ വിശ്വാ​സ​ത്തോ​ടെ പ്രവർത്തി​ക്കു​ന്നത്‌ സഹിഷ്‌ണു​ത നട്ടുവ​ളർത്താൻ ഒരു വ്യക്തിയെ സഹായി​ക്കും. പരി​ശോ​ധ​ന​കൾ നേരി​ടാ​നു​ള്ള ജ്ഞാനത്തി​നാ​യി ഒരു ക്രിസ്‌ത്യാ​നി ദൈവ​ത്തോട്‌ അപേക്ഷി​ക്ക​ണം. ദൈവം തന്റെ പ്രാർഥന കേൾക്കു​മെന്ന ഉത്തമ​ബോ​ധ്യ​ത്തോ​ടെ വേണം അയാൾ പ്രാർഥി​ക്കാൻ. സഹിഷ്‌ണു​ത ദൈവ​ത്തി​ന്റെ അംഗീ​കാ​രം നേടി​ത്ത​രും. (യാക്കോബ്‌ 1:2-6, 12) ഒരു വ്യക്തി യഹോ​വ​യാം​ദൈ​വ​ത്തോ​ടു വിശ്വ​സ്‌ത​നാ​യി നില​കൊ​ള്ളു​ന്നെ​ങ്കിൽ ദൈവ​വും അയാളു​ടെ സ്‌നേ​ഹ​ത്തോ​ടു പ്രതി​ക​രി​ക്കും. “ദൈവ​ത്തോട്‌ അടുത്തു ചെല്ലു​വിൻ; എന്നാൽ അവൻ നിങ്ങ​ളോട്‌ അടുത്തു വരും” എന്ന്‌ യാക്കോബ്‌ പറയുന്നു.—യാക്കോബ്‌ 4:8.

പ്രലോ​ഭ​ന​ങ്ങ​ളും മോശ​മാ​യ സ്വാധീ​ന​ങ്ങ​ളും ചെറു​ക്കാൻതക്ക ശക്തിയു​ള്ള​താ​യി​രി​ക്കണം ഒരു ക്രിസ്‌ത്യാ​നി​യു​ടെ വിശ്വാ​സം. അന്ന്‌ നിലനി​ന്നി​രു​ന്ന ദുഷിച്ച സാഹച​ര്യ​മാണ്‌ “വിശ്വാ​സ​ത്തി​നു​വേ​ണ്ടി കഠിന​മാ​യി പോരാ​ടാ”നുള്ള ഉപദേശം സഹവി​ശ്വാ​സി​കൾക്കു നൽകാൻ യൂദായെ പ്രേരി​പ്പി​ച്ചത്‌.—യൂദാ 3.

സദ്‌സ്വ​ഭാ​വി​ക​ളാ​യി​രി​ക്കുക. തന്റെ ആരാധകർ എല്ലാ കാര്യ​ങ്ങ​ളി​ലും ശുദ്ധി​യു​ള്ള​വ​രാ​യി​രി​ക്കാൻ യഹോവ ആഗ്രഹി​ക്കു​ന്നു. അപ്പൊ​സ്‌ത​ല​നാ​യ പത്രോസ്‌ പറയുന്നു: “നിങ്ങളും സകല പ്രവൃ​ത്തി​ക​ളി​ലും വിശു​ദ്ധ​രാ​യി​രി​ക്കു​വിൻ. ‘[യഹോ​വ​യാ​യ] ഞാൻ വിശു​ദ്ധ​നാ​ക​യാൽ നിങ്ങളും വിശു​ദ്ധ​രാ​യി​രി​ക്ക​ണം’ എന്ന്‌ എഴുതി​യി​രി​ക്കു​ന്നു​വ​ല്ലോ.” (1 പത്രോസ്‌ 1:15, 16) ഇക്കാര്യ​ത്തിൽ ക്രിസ്‌ത്യാ​നി​കൾക്ക്‌ അനുക​രി​ക്കാൻ കഴിയുന്ന ഒരു മാതൃ​ക​യുണ്ട്‌. “ക്രിസ്‌തു​വും നിങ്ങൾക്കു​വേ​ണ്ടി കഷ്ടം സഹിക്കു​ക​യും നിങ്ങൾ അവന്റെ കാൽച്ചു​വ​ടു​കൾ അടുത്തു പിന്തു​ട​രു​വാൻ ഒരു മാതൃക വെക്കു​ക​യും ചെയ്‌തി​രി​ക്കു​ന്നു” എന്ന്‌ പത്രോസ്‌ ഓർമി​പ്പി​ക്കു​ന്നു. (1 പത്രോസ്‌ 2:21) ദൈവി​ക​നി​ല​വാ​ര​ങ്ങൾക്ക്‌ അനുസൃ​ത​മാ​യി ജീവി​ക്കു​ന്ന​തി​നാൽ ക്രിസ്‌ത്യാ​നി​കൾക്ക്‌ കഷ്ടങ്ങൾ സഹി​ക്കേ​ണ്ടി​വ​ന്നേ​ക്കാ​മെ​ങ്കി​ലും ‘നിർമ​ല​മാ​യൊ​രു മനസ്സാക്ഷി’ അവർക്ക്‌ ഉണ്ടായി​രി​ക്കും. (1 പത്രോസ്‌ 3:16, 17) ദൈവ​ത്തി​ന്റെ ന്യായ​വി​ധി​ദി​വ​സ​ത്തി​നാ​യും “നീതി വസിക്കുന്ന” പുതിയ ലോക​ത്തി​നാ​യും കാത്തി​രി​ക്ക​വെ, വിശു​ദ്ധ​വും ഭക്തിപൂർണ​വു​മാ​യ ജീവിതം നയിക്കു​ന്ന​തിൽ ശുഷ്‌കാ​ന്തി​യു​ള്ള​വർ ആയിരി​ക്കാൻ പത്രോസ്‌ ക്രിസ്‌ത്യാ​നി​ക​ളെ പ്രോ​ത്സാ​ഹി​പ്പി​ക്കു​ന്നു.—2 പത്രോസ്‌ 3:11-13.

സ്‌നേ​ഹ​മു​ള്ള​വ​രാ​യി​രി​ക്കുക. “ദൈവം സ്‌നേ​ഹ​മാ​കു​ന്നു” എന്ന്‌ യോഹ​ന്നാൻ എഴുതി. “നമ്മുടെ പാപങ്ങൾക്ക്‌ ഒരു പ്രായ​ശ്ചി​ത്ത​യാ​ഗ​മാ​കു​വാൻ” യേശു​വി​നെ അയച്ചു​കൊണ്ട്‌ ദൈവം തനിക്ക്‌ നമ്മോ​ടു​ള്ള അഗാധ​മാ​യ സ്‌നേഹം വെളി​പ്പെ​ടു​ത്തി എന്ന്‌ യോഹ​ന്നാൻ ചൂണ്ടി​ക്കാ​ട്ടു​ന്നു. ആ സ്‌നേ​ഹ​ത്തോട്‌ ക്രിസ്‌ത്യാ​നി​കൾ എങ്ങനെ പ്രതി​ക​രി​ക്ക​ണം? “പ്രിയരേ, ദൈവം നമ്മെ ഇങ്ങനെ സ്‌നേ​ഹി​ച്ച​തി​നാൽ നാമും അന്യോ​ന്യം സ്‌നേ​ഹി​ക്കാൻ ബാധ്യ​സ്ഥ​രാ​കു​ന്നു” എന്ന്‌ യോഹ​ന്നാൻ വിശദീ​ക​രി​ക്കു​ന്നു. (1 യോഹ​ന്നാൻ 4:8-11) സഹവി​ശ്വാ​സി​കൾക്ക്‌ ആതിഥ്യ​മ​രു​ളു​ന്ന​താണ്‌ ഈ സ്‌നേഹം കാണി​ക്കാ​നു​ള്ള ഒരു വഴി.—3 യോഹ​ന്നാൻ 5-8.

ഒരു വ്യക്തിക്ക്‌ താൻ യഹോ​വ​യെ സ്‌നേ​ഹി​ക്കു​ന്നു​വെന്ന്‌ എങ്ങനെ തെളി​യി​ക്കാ​നാ​കും? യോഹ​ന്നാൻത​ന്നെ ഉത്തരം നൽകുന്നു: “ദൈവ​ത്തോ​ടു​ള്ള സ്‌നേ​ഹ​മോ, അവന്റെ കൽപ്പനകൾ അനുസ​രി​ക്കു​ന്ന​താ​കു​ന്നു; അവന്റെ കൽപ്പനകൾ ഭാരമു​ള്ള​വ​യ​ല്ല​താ​നും.” (1 യോഹ​ന്നാൻ 5:3; 2 യോഹ​ന്നാൻ 6) ദൈവത്തെ അനുസ​രി​ക്കു​ന്ന​വ​രെ ദൈവം എക്കാല​വും സ്‌നേ​ഹി​ക്കും; അവർ “നിത്യ​ജീ​വൻ പ്രാപി”ക്കുകയും ചെയ്യും.—യൂദാ 20, 21.

—യാക്കോബ്‌, 1 പത്രോസ്‌, 2 പത്രോസ്‌, 1 യോഹ​ന്നാൻ, 2 യോഹ​ന്നാൻ, 3 യോഹ​ന്നാൻ, യൂദാ എന്നിവയെ ആധാര​മാ​ക്കി​യു​ള്ളത്‌.