സന്തോ​ഷ​വാർത്ത​യു​ടെ ശുശ്രൂ​ഷ​കർ

യഹോവ തന്റെ പുത്ര​നായ യേശു​ക്രിസ്‌തു​വി​നെ നമുക്കു പൂർണ​ത​യുള്ള ഒരു മാതൃ​ക​യാ​യി നൽകി​യി​രി​ക്കു​ന്നു. (1 പത്രോ. 2:21) യേശു​വി​ന്റെ അനുഗാ​മി​യാ​യി​ത്തീ​രുന്ന ഒരാൾ, ദൈവ​ത്തി​ന്റെ ശുശ്രൂ​ഷ​ക​നെന്ന നിലയിൽ സന്തോ​ഷ​വാർത്ത ഘോഷി​ക്കു​ന്നു. അത്‌ ആത്മീയ​ന​വോ​ന്മേഷം പകരു​ന്ന​താ​ണെന്നു സൂചി​പ്പി​ച്ചു​കൊണ്ട്‌ യേശു ഇങ്ങനെ പറഞ്ഞു: “കഷ്ടപ്പെ​ടു​ന്ന​വരേ, ഭാരങ്ങൾ ചുമന്ന്‌ വലയു​ന്ന​വരേ, നിങ്ങ​ളെ​ല്ലാ​വ​രും എന്റെ അടുത്ത്‌ വരൂ; ഞാൻ നിങ്ങൾക്ക്‌ ഉന്മേഷം പകരാം. എന്റെ നുകം വഹിച്ച്‌ എന്നിൽനിന്ന്‌ പഠിക്കൂ. ഞാൻ സൗമ്യ​നും താഴ്‌മ​യു​ള്ള​വ​നും ആയതു​കൊണ്ട്‌ നിങ്ങൾക്ക്‌ ഉന്മേഷം കിട്ടും.” (മത്താ. 11:28, 29) യേശു​വി​ന്റെ ക്ഷണം സ്വീക​രി​ക്കുന്ന ഏതൊ​രാ​ളെ​യും സംബന്ധിച്ച്‌ ഈ വാക്കുകൾ സത്യമാ​യി​രി​ക്കും!

² ദൈവ​ത്തി​ന്റെ മുഖ്യ​ശു​ശ്രൂ​ഷ​ക​നായ യേശു തന്റെ അനുഗാ​മി​ക​ളാ​കാൻ ചിലരെ ക്ഷണിക്കു​ക​യു​ണ്ടാ​യി. (മത്താ. 9:9; യോഹ. 1:43) യേശു അവരെ ശുശ്രൂ​ഷയ്‌ക്കു​വേണ്ടി പരിശീ​ലി​പ്പി​ച്ചു. താൻ ചെയ്‌തു​കൊ​ണ്ടി​രുന്ന അതേ പ്രവർത്തനം നടത്താ​നാ​യി അവരെ അയയ്‌ക്കു​ക​യും ചെയ്‌തു. (മത്താ. 10:1–11:1; 20:28; ലൂക്കോ. 4:43) ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത ഘോഷി​ക്കു​ന്ന​തി​നാ​യി പിന്നീടു വേറെ 70 പേരെ അയച്ചു. (ലൂക്കോ. 10:1, 8-11) യേശു ഈ ശിഷ്യ​ന്മാ​രെ അയച്ച​പ്പോൾ ഇങ്ങനെ പറഞ്ഞു: “നിങ്ങളു​ടെ വാക്കു ശ്രദ്ധി​ക്കു​ന്നവൻ എന്റെ വാക്കു ശ്രദ്ധി​ക്കു​ന്നു. നിങ്ങളെ തള്ളിക്ക​ള​യു​ന്നവൻ എന്നെ തള്ളിക്ക​ള​യു​ന്നു. എന്നെ തള്ളിക്ക​ള​യു​ന്നവൻ എന്നെ അയച്ച വ്യക്തി​യെ​യും തള്ളിക്ക​ള​യു​ന്നു.” (ലൂക്കോ. 10:16) അങ്ങനെ ശിഷ്യ​ന്മാ​രെ ഭരമേൽപ്പിച്ച ഉത്തരവാ​ദി​ത്വ​ത്തി​ന്റെ ഗൗരവം യേശു ഊന്നി​പ്പ​റഞ്ഞു. അവർ യേശു​വി​ന്റെ​യും അത്യു​ന്ന​ത​നായ ദൈവ​ത്തി​ന്റെ​യും പ്രതി​നി​ധി​ക​ളാ​കു​മാ​യി​രു​ന്നു! “വന്ന്‌ എന്റെ അനുഗാ​മി​യാ​കുക” എന്ന യേശു​വി​ന്റെ ക്ഷണം ഇന്നു സ്വീക​രി​ക്കുന്ന ഏവരു​ടെ​യും കാര്യ​ത്തിൽ ഇതു സത്യമാണ്‌. (ലൂക്കോ. 18:22; 2 കൊരി. 2:17) ആ ക്ഷണം സ്വീക​രി​ക്കുന്ന ഓരോ​രു​ത്തർക്കും ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത ഘോഷി​ക്കാ​നും യേശു​വി​ന്റെ ശിഷ്യ​രാ​യി​ത്തീ​രാൻ ആളുകളെ സഹായി​ക്കാ​നും ഉള്ള നിയമനം ദൈവ​ത്തിൽനിന്ന്‌ ലഭിച്ചി​രി​ക്കു​ന്നു.​—മത്താ. 24:14; 28:19, 20.

³ തന്നെ അനുഗ​മി​ക്കാ​നുള്ള യേശു​വി​ന്റെ ക്ഷണം സ്വീക​രി​ച്ചി​രി​ക്കുന്ന നമ്മൾ ദൈവ​മായ യഹോ​വ​യെ​യും യേശു​ക്രിസ്‌തു​വി​നെ​യും കുറി​ച്ചുള്ള ‘അറിവി​നാൽ’ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. (യോഹ. 17:3) യഹോ​വ​യു​ടെ വഴിക​ളെ​ക്കു​റിച്ച്‌ നമ്മളെ പഠിപ്പി​ച്ചി​രി​ക്കു​ന്നു. മനസ്സു പുതു​ക്കാ​നും പുതിയ വ്യക്തി​ത്വം ധരിക്കാ​നും യഹോ​വ​യു​ടെ നീതി​യുള്ള നിലവാ​ര​ങ്ങൾക്കു ചേർച്ച​യിൽ ജീവിതം കരുപ്പി​ടി​പ്പി​ക്കാ​നും യഹോ​വ​യു​ടെ സഹായ​ത്താൽ നമുക്കു കഴിഞ്ഞി​രി​ക്കു​ന്നു. (റോമ. 12:1, 2; എഫെ. 4:22-24; കൊലോ. 3:9, 10) വിലമ​തി​പ്പും നന്ദിയും കൊണ്ട്‌ ഹൃദയം നിറഞ്ഞ​പ്പോൾ ജീവിതം യഹോ​വയ്‌ക്കു സമർപ്പി​ക്കാ​നും ആ സമർപ്പണം ജലസ്‌നാ​ന​ത്താൽ പ്രതീ​ക​പ്പെ​ടു​ത്താ​നും നമ്മൾ പ്രേരി​ത​രാ​യി. സ്‌നാ​ന​മേൽക്കു​ന്ന​തോ​ടെ നമ്മൾ ഔദ്യോ​ഗി​ക​മാ​യി ശുശ്രൂ​ഷ​ക​രാ​യി നിയമി​ക്ക​പ്പെ​ടു​ന്നു.

⁴ കുറ്റം ചെയ്യാത്ത കൈക​ളോ​ടും ശുദ്ധഹൃ​ദ​യ​ത്തോ​ടും കൂടെ മാത്രമേ ദൈവത്തെ സേവി​ക്കാ​വൂ എന്ന കാര്യം എല്ലായ്‌പോ​ഴും ഓർക്കുക. (സങ്കീ. 24:3, 4; യശ. 52:11; 2 കൊരി. 6:14–7:1) യേശു​വി​ലുള്ള വിശ്വാ​സ​ത്തി​ലൂ​ടെ നമുക്ക്‌ ഒരു ശുദ്ധമായ മനസ്സാക്ഷി ലഭിച്ചി​രി​ക്കു​ന്നു. (എബ്രാ. 10:19-23, 35, 36; വെളി. 7:9, 10, 14) മറ്റുള്ളവർ ഇടറി​വീ​ഴാൻ കാരണ​മു​ണ്ടാ​ക്കാ​തെ എല്ലാം ദൈവ​ത്തി​ന്റെ മഹത്ത്വ​ത്തി​നാ​യി ചെയ്യാൻ പൗലോസ്‌ അപ്പോ​സ്‌തലൻ ക്രിസ്‌ത്യാ​നി​കളെ ഉദ്‌ബോ​ധി​പ്പി​ച്ചു. വിശ്വാ​സം സ്വീക​രി​ച്ചി​ട്ടി​ല്ലാ​ത്ത​വരെ സത്യത്തി​ലേക്കു നയിക്കു​ന്ന​തിൽ മാതൃ​കാ​യോ​ഗ്യ​മായ പെരു​മാ​റ്റ​ത്തിന്‌ എത്രമാ​ത്രം മൂല്യ​മു​ണ്ടെന്നു പത്രോസ്‌ അപ്പോ​സ്‌തലൻ വ്യക്തമാ​ക്കി. (1 കൊരി. 10:31, 33; 1 പത്രോ. 3:1) സന്തോ​ഷ​വാർത്ത​യു​ടെ ശുശ്രൂ​ഷ​ക​നാ​യി​ത്തീ​രാൻ ഒരാളെ നിങ്ങൾക്ക്‌ എങ്ങനെ സഹായി​ക്കാം?

പുതിയ പ്രചാ​ര​കർ

⁵ താത്‌പ​ര്യ​മുള്ള ഒരാൾക്കു ബൈബിൾപ​ഠനം ആരംഭി​ക്കു​മ്പോൾത്തന്നെ പഠിക്കുന്ന കാര്യങ്ങൾ മറ്റുള്ള​വ​രോ​ടു പറയാൻ അദ്ദേഹത്തെ പ്രോ​ത്സാ​ഹി​പ്പി​ക്കുക. ബന്ധുക്ക​ളോ​ടും സുഹൃ​ത്തു​ക്ക​ളോ​ടും സഹജോ​ലി​ക്കാ​രോ​ടും മറ്റും അനൗപ​ചാ​രി​ക​മാ​യി സാക്ഷീ​ക​രി​ക്കാ​വു​ന്ന​താണ്‌. സന്തോ​ഷ​വാർത്ത​യു​ടെ ശുശ്രൂ​ഷ​ക​രെന്ന നിലയിൽ യേശു​വി​ന്റെ അനുഗാ​മി​ക​ളാ​കാൻ പുതി​യ​വരെ പഠിപ്പി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന ഒരു സുപ്ര​ധാ​ന​പ​ടി​യാണ്‌ ഇത്‌. (മത്താ. 9:9; ലൂക്കോ. 6:40) പുതിയ ഒരാൾ ആത്മീയ​മാ​യി പുരോ​ഗ​മി​ക്കു​ക​യും അനൗപ​ചാ​രി​ക​സാ​ക്ഷീ​ക​ര​ണ​ത്തിൽ വൈദ​ഗ്‌ധ്യം നേടു​ക​യും ചെയ്യു​മ്പോൾ വയൽശു​ശ്രൂ​ഷ​യിൽ ഏർപ്പെ​ടാ​നുള്ള ആഗ്രഹം പ്രകടി​പ്പി​ക്കും.

വ്യവസ്ഥ​ക​ളിൽ എത്തി​ച്ചേ​രൽ

⁶ വീടു​തോ​റു​മുള്ള ശുശ്രൂ​ഷയ്‌ക്ക്‌ ആദ്യമാ​യി നമ്മുടെ ബൈബിൾവി​ദ്യാർഥി​യെ ക്ഷണിക്കു​ന്ന​തി​നു മുമ്പ്‌ അദ്ദേഹം ചില യോഗ്യ​ത​ക​ളിൽ എത്തി​ച്ചേർന്നെന്നു നിങ്ങൾ ഉറപ്പാ​ക്കണം. ഒരാൾ വയൽശു​ശ്രൂ​ഷ​യിൽ നമ്മോ​ടൊ​പ്പം ചേരു​മ്പോൾ അദ്ദേഹം യഹോ​വ​യു​ടെ സാക്ഷി​ക​ളിൽ ഒരാളാ​ണെന്നു പരസ്യ​മാ​യി തിരി​ച്ച​റി​യി​ക്കു​ക​യാണ്‌. അതു​കൊണ്ട്‌, സ്‌നാ​ന​മേൽക്കാത്ത പ്രചാ​ര​ക​നാ​യി​ത്തീ​ര​ണ​മെ​ങ്കിൽ അതിനു മുമ്പു​തന്നെ അദ്ദേഹം തന്റെ ജീവിതം യഹോ​വ​യു​ടെ നീതി​യുള്ള നിലവാ​ര​ങ്ങൾക്കു ചേർച്ച​യിൽ കൊണ്ടു​വ​രേ​ണ്ട​തുണ്ട്‌.

⁷ നമ്മൾ ഒരാളെ ബൈബിൾ പഠിപ്പി​ക്കു​ക​യും അദ്ദേഹ​വു​മാ​യി ബൈബിൾത​ത്ത്വ​ങ്ങൾ ചർച്ച ചെയ്യു​ക​യും ചെയ്യു​മ്പോൾത്തന്നെ അദ്ദേഹ​ത്തി​ന്റെ സാഹച​ര്യ​ങ്ങൾ ഏറെക്കു​റെ നമുക്കു മനസ്സി​ലാ​കും. അദ്ദേഹം, പഠിക്കുന്ന കാര്യ​ങ്ങൾക്കു ചേർച്ച​യിൽ ജീവി​ക്കു​ന്ന​താ​യും നിങ്ങളു​ടെ ശ്രദ്ധയിൽപ്പെ​ട്ടി​ട്ടു​ണ്ടാ​കും. എന്നാൽ നിങ്ങ​ളോ​ടും അദ്ദേഹ​ത്തോ​ടും ഒപ്പം ഇരുന്ന്‌ അദ്ദേഹ​ത്തി​ന്റെ ജീവി​ത​ത്തി​ന്റെ ചില വശങ്ങ​ളെ​ക്കു​റിച്ച്‌ മൂപ്പന്മാർ ചർച്ച ചെയ്യു​ന്ന​താണ്‌.

⁸ ചർച്ചയ്‌ക്കാ​യി മൂപ്പന്മാ​രു​ടെ സംഘത്തി​ന്റെ ഏകോ​പകൻ രണ്ടു മൂപ്പന്മാ​രെ (അതിൽ ഒരാൾ സേവന​ക്ക​മ്മി​റ്റി​യി​ലെ അംഗമാ​യി​രി​ക്കും) ക്രമീ​ക​രി​ക്കും. മൂപ്പന്മാർ തീരെ കുറവുള്ള സഭകളിൽ ഒരു മൂപ്പ​നെ​യും ഒരു ശുശ്രൂ​ഷാ​ദാ​സ​നെ​യും നിയമി​ക്കാ​വു​ന്ന​താണ്‌. നിയമനം ലഭിക്കു​ന്നവർ ഈ ചർച്ച നടത്താൻ കാലതാ​മസം വരുത്ത​രുത്‌. അതായത്‌ വിദ്യാർഥി​യു​ടെ ആഗ്രഹ​ത്തെ​ക്കു​റിച്ച്‌ ഒരു യോഗ​സ​മ​യത്ത്‌ അറിഞ്ഞാൽ ഒരുപക്ഷേ, ആ യോഗ​ത്തി​നു ശേഷം​തന്നെ നിങ്ങ​ളെ​യും വിദ്യാർഥി​യെ​യും ഒരുമിച്ച്‌ ഇരുത്തി അവർ ചർച്ച നടത്തി​യേ​ക്കാം. ശാന്തമായ ഒരു സൗഹൃ​ദാ​ന്ത​രീ​ക്ഷ​ത്തി​ലാ​യി​രി​ക്കണം ചർച്ച നടത്തേ​ണ്ടത്‌. പിൻവ​രുന്ന കാര്യങ്ങൾ വിദ്യാർഥി​യു​ടെ കാര്യ​ത്തിൽ സത്യമാ​ണെ​ങ്കിൽ അദ്ദേഹത്തെ സ്‌നാ​ന​മേ​റ്റി​ട്ടി​ല്ലാത്ത പ്രചാ​ര​ക​നാ​യി അംഗീ​ക​രി​ക്കാം:

1. (1) ബൈബിൾ ദൈവ​പ്ര​ചോ​ദി​ത​മാ​യി എഴുതി​യ​താ​ണെന്ന്‌ അദ്ദേഹം വിശ്വ​സി​ക്കു​ന്നു.​—2 തിമൊ. 3:16.

2. (2) അടിസ്ഥാന ബൈബി​ളു​പ​ദേ​ശങ്ങൾ അദ്ദേഹത്തിന്‌ അറിയാം, അദ്ദേഹം അതു വിശ്വ​സി​ക്കു​ന്നു. ചോദ്യങ്ങൾക്കു വ്യാജ​മ​ത​പ​ഠി​പ്പി​ക്ക​ലു​ക​ളു​ടെ​യോ സ്വന്തം ആശയങ്ങളുടെയോ അടിസ്ഥാ​ന​ത്തി​ലല്ല, പകരം ബൈബി​ളി​ന്റെ അടിസ്ഥാ​ന​ത്തിൽ അദ്ദേഹം ഉത്തരം നൽകുന്നു.​—മത്താ. 7:21-23; 2 തിമൊ. 2:15.

3. (3) സാധ്യ​മാ​കുന്ന എല്ലാ സാഹച​ര്യ​ങ്ങ​ളി​ലും, യോഗ​ങ്ങ​ളിൽ സംബന്ധി​ച്ചു​കൊണ്ട്‌ യഹോ​വ​യു​ടെ ജനത്തോ​ടൊ​പ്പ​മാ​യി​രി​ക്കാ​നുള്ള ബൈബിളിന്റെ കല്‌പന അദ്ദേഹം അനുസ​രി​ക്കു​ന്നു.​—സങ്കീ. 122:1; എബ്രാ. 10:24, 25.

4. (4) വിവാ​ഹി​ത​ര​ല്ലാ​ത്തവർ തമ്മിലുള്ള ലൈം​ഗി​ക​ബന്ധം, വ്യഭി​ചാ​രം, ബഹുഭാ​ര്യാ​ത്വം, സ്വവർഗ​രതി ഇവയെ​ക്കു​റിച്ച്‌ ബൈബിൾ പഠിപ്പി​ക്കു​ന്നത്‌ എന്താ​ണെന്ന്‌ അദ്ദേഹ​ത്തിന്‌ അറിയാം. അതിനു ചേർച്ച​യിൽ അദ്ദേഹം ജീവി​ക്കു​ക​യും ചെയ്യുന്നു. അദ്ദേഹം വിപരീ​ത​ലിം​ഗ​ത്തിൽപ്പെട്ട അടുത്ത കുടും​ബാം​ഗ​മ​ല്ലാത്ത ഒരാ​ളോ​ടൊ​പ്പം താമസി​ക്കു​ന്നെ​ങ്കിൽ അവർ നിയമ​പ​ര​മാ​യി വിവാ​ഹി​ത​രാ​യി​രി​ക്കണം.​—മത്താ. 19:9; 1 കൊരി. 6:9, 10; 1 തിമൊ. 3:2, 12; എബ്രാ. 13:4.

5. (5) മദ്യപാ​ന​ത്തെ​ക്കു​റിച്ച്‌ ബൈബിൾ പറയുന്ന കാര്യങ്ങൾ അദ്ദേഹം അനുസ​രി​ക്കു​ന്നു. മാനസി​കാ​വ​സ്ഥയെ മാറ്റി​മ​റി​ക്കു​ക​യോ ആസക്തി ഉണ്ടാക്കു​ക​യോ ചെയ്യുന്ന പ്രകൃ​തി​ദ​ത്ത​മോ കൃത്രി​മ​മോ ആയ വസ്‌തു​ക്കൾ ചികി​ത്സ​യു​ടെ ഭാഗമാ​യി​ട്ട​ല്ലാ​തെ അദ്ദേഹം ഉപയോ​ഗി​ക്കു​ക​യില്ല.​—2 കൊരി. 7:1; എഫെ. 5:18; 1 പത്രോ. 4:3, 4.

6. (6) മോശ​മായ സഹവാ​സ​വും കൂട്ടു​കെ​ട്ടു​ക​ളും ഒഴിവാ​ക്കേ​ണ്ടത്‌ എന്തു​കൊ​ണ്ടാ​ണെന്ന്‌ അദ്ദേഹ​ത്തിന്‌ അറിയാം.​—1 കൊരി. 15:33.

7. (7) മുമ്പ്‌ ഉൾപ്പെ​ട്ടി​രുന്ന എല്ലാ വ്യാജ​മ​ത​സം​ഘ​ട​ന​ക​ളിൽനി​ന്നും അദ്ദേഹം രാജി​വെ​ച്ചി​ട്ടുണ്ട്‌. അവരുടെ യോഗ​ങ്ങ​ളിൽ സംബന്ധി​ക്കു​ക​യോ അവരുടെ പ്രവർത്ത​ന​ങ്ങളെ ഏതെങ്കി​ലും തരത്തിൽ പിന്തു​ണയ്‌ക്കു​ക​യോ ഉന്നമിപ്പിക്കുകയോ ചെയ്യു​ന്നില്ല.​—2 കൊരി. 6:14-18; വെളി. 18:4.

8. (8) ലോക​ത്തി​ന്റെ യാതൊ​രു രാഷ്‌ട്രീ​യ​കാ​ര്യ​ങ്ങ​ളി​ലും അദ്ദേഹം ഉൾപ്പെ​ടു​ന്നില്ല.​—യോഹ. 6:15; 15:19; യാക്കോ. 1:27.

9. (9) രാഷ്‌ട്ര​ത്തി​ന്റെ കാര്യാ​ദി​കൾ സംബന്ധിച്ച്‌ യശയ്യ 2:4 പറയുന്ന കാര്യങ്ങൾ അദ്ദേഹം വിശ്വ​സി​ക്കു​ക​യും അനുസ​രി​ക്കു​ക​യും ചെയ്യുന്നു.

10. (10) യഹോ​വ​യു​ടെ സാക്ഷി​ക​ളിൽ ഒരാളാ​യി​രി​ക്കാൻ അദ്ദേഹം ആത്മാർഥ​മാ​യി ആഗ്രഹി​ക്കു​ന്നു.​—സങ്കീ. 110:3.

⁹ ഈ കാര്യ​ങ്ങ​ളിൽ ഏതെങ്കി​ലും സംബന്ധിച്ച്‌ വിദ്യാർഥി​യു​ടെ വീക്ഷണം മൂപ്പന്മാർക്കു വ്യക്തമ​ല്ലെ​ങ്കിൽ ഒരുപക്ഷേ മേൽപ്പറഞ്ഞ തിരു​വെ​ഴു​ത്തു​കൾ ഉപയോ​ഗി​ച്ചു​കൊണ്ട്‌ അദ്ദേഹ​ത്തോ​ടു സംസാ​രി​ക്കാ​വു​ന്ന​താണ്‌. യഹോ​വ​യു​ടെ സാക്ഷി​ക​ളോ​ടൊ​പ്പം പ്രസം​ഗ​പ്ര​വർത്ത​ന​ത്തിൽ ഏർപ്പെ​ട​ണ​മെ​ങ്കിൽ ഈ തിരു​വെ​ഴു​ത്തു​വ്യ​വ​സ്ഥകൾ താൻ പാലിച്ചേ മതിയാ​കൂ എന്ന്‌ അദ്ദേഹം തിരി​ച്ച​റി​യേ​ണ്ട​തുണ്ട്‌. തന്നിൽനിന്ന്‌ പ്രതീ​ക്ഷി​ക്കു​ന്നത്‌ എന്താ​ണെന്ന്‌ അദ്ദേഹ​ത്തിന്‌ അറിയാ​മോ, വയൽശു​ശ്രൂ​ഷ​യിൽ ഏർപ്പെ​ടു​ന്ന​തിന്‌ അദ്ദേഹം ന്യായ​മായ അളവിൽ യോഗ്യത നേടി​യി​ട്ടു​ണ്ടോ എന്നൊക്കെ അദ്ദേഹം പറയു​ന്നതു ശ്രദ്ധി​ച്ചു​കേൾക്കു​ന്ന​തി​ലൂ​ടെ മൂപ്പന്മാർക്കു മനസ്സി​ലാ​ക്കാം.

¹⁰ വിദ്യാർഥി യോഗ്യ​നാ​ണെ​ങ്കിൽ മൂപ്പന്മാർ അദ്ദേഹത്തെ ആ വിവരം അറിയി​ക്കണം. മിക്കവാ​റും ചർച്ചയു​ടെ അവസാ​നം​തന്നെ അത്‌ അറിയി​ക്കാ​നാ​യേ​ക്കും. യോഗ്യ​നാ​ണെ​ങ്കിൽ മൂപ്പന്മാർക്ക്‌ അദ്ദേഹത്തെ ഒരു പ്രചാ​ര​ക​നാ​യി ഹൃദ്യ​മാ​യി സ്വാഗതം ചെയ്യാ​വു​ന്ന​താണ്‌. (റോമ. 15:7) എത്രയും പെട്ടെ​ന്നു​തന്നെ വയൽസേ​വ​ന​ത്തിൽ ഏർപ്പെ​ടാ​നും മാസത്തി​ന്റെ അവസാനം വയൽസേവന റിപ്പോർട്ട്‌ നൽകാ​നും അദ്ദേഹത്തെ പ്രോ​ത്സാ​ഹി​പ്പി​ക്കുക. ഒരു ബൈബിൾവി​ദ്യാർഥി പ്രചാ​ര​ക​നാ​യി യോഗ്യത നേടു​ക​യും ആദ്യമാ​യി വയൽസേവന റിപ്പോർട്ട്‌ നൽകു​ക​യും ചെയ്യു​മ്പോൾ അദ്ദേഹ​ത്തി​ന്റെ പേരിൽ ഒരു സഭാ​പ്ര​ചാ​രക രേഖ ഉണ്ടാക്കു​മെ​ന്നും അതു സഭയുടെ ഫയലിൽ സൂക്ഷി​ക്കു​മെ​ന്നും മൂപ്പന്മാർക്ക്‌ അദ്ദേഹ​ത്തോ​ടു പറയാ​വു​ന്ന​താണ്‌. മൂപ്പന്മാർ അദ്ദേഹ​ത്തെ​ക്കു​റി​ച്ചുള്ള വ്യക്തി​പ​ര​മായ ഈ വിവരം ശേഖരി​ക്കു​ന്ന​തി​ന്റെ ഒരു ഉദ്ദേശ്യം യഹോ​വ​യു​ടെ സാക്ഷി​ക​ളു​ടെ മതപ്ര​വർത്ത​നങ്ങൾ ലോക​വ്യാ​പ​ക​മാ​യി നടത്തി​ക്കൊ​ണ്ടു​പോ​കാൻ സംഘട​നയെ സഹായി​ക്കുക എന്നതാ​ണെ​ന്നും ഇനി അദ്ദേഹ​ത്തി​നു​തന്നെ സഭയുടെ ആത്മീയ​പ്ര​വർത്ത​ന​ങ്ങ​ളിൽ പങ്കുപ​റ്റാ​നും ആത്മീയ​പി​ന്തുണ ലഭിക്കാ​നും ഇത്‌ ഉപകരി​ക്കു​മെ​ന്നും അദ്ദേഹ​ത്തോ​ടു പറയുക. അതിനു പുറമേ ഒരാ​ളെ​ക്കു​റി​ച്ചുള്ള വ്യക്തി​പ​ര​മായ വിവരങ്ങൾ ഉപയോ​ഗി​ക്കു​ന്നത്‌ എപ്പോ​ഴും jw.org-ലെ ആഗോള വിവര​സം​ര​ക്ഷ​ണ​ന​യ​ത്തി​നു ചേർച്ച​യിൽ മാത്ര​മാ​യി​രി​ക്കു​മെ​ന്നും പുതിയ പ്രചാ​ര​കരെ മൂപ്പന്മാർക്ക്‌ ഓർമി​പ്പി​ക്കാ​വു​ന്ന​താണ്‌.

¹¹ പുതിയ പ്രചാ​ര​കനെ അടുത്ത്‌ പരിച​യ​പ്പെ​ടുക. അദ്ദേഹ​ത്തി​ന്റെ കാര്യ​ത്തിൽ താത്‌പ​ര്യ​മെ​ടു​ത്തു​കൊണ്ട്‌, നേടിയ പുരോ​ഗ​തി​യെ​ക്കു​റിച്ച്‌ മനസ്സി​ലാ​ക്കുക. അത്‌ അദ്ദേഹത്തെ കൂടുതൽ പ്രോ​ത്സാ​ഹി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്യും. എല്ലാ മാസവും വയൽസേ​വ​ന​ത്തി​ലേർപ്പെ​ട്ടു​കൊണ്ട്‌ റിപ്പോർട്ട്‌ നൽകാ​നും യഹോ​വയെ സേവി​ക്കാ​നാ​യി കൂടുതൽ ശ്രമങ്ങൾ ചെയ്യാ​നും അത്‌ ആ വ്യക്തിയെ പ്രേരി​പ്പി​ക്കു​ക​യും ചെയ്‌തേ​ക്കാം.​—ഫിലി. 2:4; എബ്രാ. 13:2.

¹² വയൽശു​ശ്രൂ​ഷ​യിൽ ഏർപ്പെ​ടാൻ വിദ്യാർഥി​ക്കു യോഗ്യ​ത​യു​ണ്ടെന്നു മൂപ്പന്മാർ തീരു​മാ​നി​ച്ചു​ക​ഴി​ഞ്ഞാൽ, യഹോ​വ​യു​ടെ ഇഷ്ടം ചെയ്യാൻ സംഘടി​തർ എന്ന പുസ്‌തകം കൈപ്പ​റ്റാ​മെന്ന്‌ അവർ അദ്ദേഹ​ത്തോ​ടു പറയും. വയൽസേ​വനം ആദ്യമാ​യി റിപ്പോർട്ട്‌ ചെയ്യു​മ്പോൾ അദ്ദേഹം ഒരു പ്രചാ​ര​ക​നാ​യി​ത്തീർന്നെന്നു മൂപ്പന്മാർ സഭയിൽ ഒരു ഹ്രസ്വ​മായ അറിയി​പ്പു നടത്തുന്നു.

യുവജ​ന​ങ്ങളെ സഹായി​ക്കു​ക

¹³ സന്തോ​ഷ​വാർത്ത​യു​ടെ പ്രചാ​ര​ക​രാ​യി കുട്ടി​കൾക്കും യോഗ്യത നേടാം. യേശു കൊച്ചു​കു​ട്ടി​കളെ അടുക്കൽ വിളി​ക്കു​ക​യും അനു​ഗ്ര​ഹി​ക്കു​ക​യും ചെയ്‌തു. (മത്താ. 19:13-15; 21:15, 16) കുട്ടി​ക​ളു​ടെ കാര്യ​ത്തിൽ പ്രഥമ​മായ ഉത്തരവാ​ദി​ത്വം മാതാ​പി​താ​ക്കൾക്കാണ്‌. എങ്കിലും ദൈവ​രാ​ജ്യ​ത്തെ​ക്കു​റിച്ച്‌ പ്രസം​ഗി​ക്കാൻ ഉള്ളിൽ ആഗ്രഹം തോന്നുന്ന കുട്ടി​കളെ സഹായി​ക്കാൻ സഭയിലെ മറ്റുള്ള​വർക്കും കഴിയും. നിങ്ങൾ ഒരു മാതാ​വോ പിതാ​വോ ആണെങ്കിൽ വയൽസേ​വ​ന​ത്തിൽ ഏർപ്പെ​ടു​ന്ന​തി​ലുള്ള നിങ്ങളു​ടെ നല്ല മാതൃക കുട്ടി​കളെ ഒരുപാ​ടു പ്രോ​ത്സാ​ഹി​പ്പി​ക്കും. അവരും തീക്ഷ്‌ണ​ത​യോ​ടെ ദൈവ​സേ​വ​ന​ത്തിൽ ഏർപ്പെ​ടും. മാതൃ​കാ​യോ​ഗ്യ​മായ പെരു​മാ​റ്റ​ശീ​ല​ങ്ങ​ളുള്ള ഒരു കുട്ടി സ്വമന​സ്സാ​ലെ തന്റെ വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു സംസാ​രി​ക്കു​ന്നെ​ങ്കിൽ അവനു കൂടു​ത​ലായ എന്തു സഹായം നൽകാ​നാ​കും?

¹⁴ കുട്ടി ഒരു പ്രചാ​ര​ക​നാ​കാൻ യോഗ്യ​നാ​ണോ എന്നു നിശ്ചയി​ക്കാ​നാ​യി കുട്ടി​യു​ടെ മാതാ​വി​നോ പിതാ​വി​നോ സേവന​ക്ക​മ്മി​റ്റി​യി​ലെ ഒരു മൂപ്പനെ സമീപി​ക്കാ​നാ​കും. മൂപ്പന്മാ​രു​ടെ സംഘത്തി​ന്റെ ഏകോ​പകൻ രണ്ടു മൂപ്പന്മാ​രെ (അതിൽ ഒരാൾ സേവന​ക്ക​മ്മി​റ്റി​യി​ലെ അംഗമാ​യി​രി​ക്കും.) ഒരു ചർച്ചയ്‌ക്കാ​യി ക്രമീ​ക​രി​ക്കും. വിശ്വാ​സി​ക​ളായ മാതാ​പി​താ​ക്ക​ളിൽ ഒരാ​ളോ​ടോ (രണ്ടു പേരോ​ടു​മോ) അല്ലെങ്കിൽ കുട്ടി​യു​ടെ സംരക്ഷണം ഏറ്റെടു​ത്തി​രി​ക്കുന്ന രക്ഷിതാ​വി​നോ​ടോ ഒപ്പം ഇരുന്നാ​യി​രി​ക്കും കുട്ടി​യു​മാ​യി ചർച്ച നടത്തു​ന്നത്‌. ബൈബിൾസ​ത്യ​ങ്ങ​ളെ​ക്കു​റിച്ച്‌ കുട്ടിക്ക്‌ അടിസ്ഥാ​ന​ഗ്രാ​ഹ്യ​മു​ണ്ടാ​യി​രി​ക്കു​ക​യും ശുശ്രൂ​ഷ​യി​ലേർപ്പെ​ടാൻ ആഗ്രഹ​മു​ണ്ടെന്നു പ്രകടി​പ്പി​ക്കു​ക​യും ചെയ്യു​ന്നെ​ങ്കിൽ അതു നല്ല പുരോ​ഗ​തി​യാണ്‌. ഇക്കാര്യ​ങ്ങ​ളും, മുതിർന്ന​വർക്കു ബാധക​മാ​കു​ന്ന​തി​നോ​ടു സമാന​മായ മറ്റു ഘടകങ്ങ​ളും പരിഗ​ണി​ച്ച​ശേഷം ആ മൂപ്പന്മാർക്ക്‌, കുട്ടി സ്‌നാ​ന​മേൽക്കാത്ത പ്രചാ​ര​ക​നാ​കാൻ യോഗ്യ​നാ​ണോ എന്നു തീരു​മാ​നി​ക്കാ​വു​ന്ന​താണ്‌. (ലൂക്കോ. 6:45; റോമ. 10:10) ഒരു കുട്ടി​യു​മാ​യി ചർച്ച നടത്തു​മ്പോൾ കുട്ടി​യു​ടെ കാര്യ​ത്തിൽ ബാധക​മ​ല്ലാത്ത ചില കാര്യങ്ങൾ ഉൾപ്പെ​ടു​ത്തേ​ണ്ട​തില്ല.

¹⁵ പുരോ​ഗതി വരുത്തി​യ​തി​നു മൂപ്പന്മാർ ചർച്ചയു​ടെ സമയത്ത്‌ കുട്ടിയെ അഭിന​ന്ദി​ക്കണം. കൂടാതെ, സ്‌നാ​ന​മേൽക്കു​ന്ന​തി​നു ലക്ഷ്യം വെക്കാൻ കുട്ടിയെ പ്രോ​ത്സാ​ഹി​പ്പി​ക്കു​ക​യും വേണം. തങ്ങളുടെ കുട്ടി​യിൽ സത്യം ഉൾനടാൻ മാതാ​പി​താ​ക്കൾ കഠിനാ​ധ്വാ​നം ചെയ്‌തി​ട്ടു​ണ്ടെ​ന്ന​തിൽ സംശയ​മില്ല. അതു​കൊണ്ട്‌ അവരെ​യും അഭിന​ന്ദി​ക്കാം. പുരോ​ഗതി വരുത്താൻ മാതാ​പി​താ​ക്കൾ കുട്ടിയെ തുടർന്നും സഹായി​ക്കണം. അതിനു​വേണ്ടി മൂപ്പന്മാർ 179-181 പേജു​ക​ളി​ലുള്ള “ക്രിസ്‌തീ​യ​മാ​താ​പി​താ​ക്ക​ളോട്‌. . . ” എന്ന ഭാഗം അവരുടെ ശ്രദ്ധയിൽപ്പെ​ടു​ത്തണം.

സമർപ്പ​ണ​വും സ്‌നാ​ന​വും

¹⁶ ദൈവം വെച്ചി​രി​ക്കുന്ന വ്യവസ്ഥ​ക​ളിൽ എത്തി​ച്ചേ​രു​ക​യും ശുശ്രൂ​ഷ​യിൽ പങ്കെടു​ക്കു​ക​യും ചെയ്‌തു​കൊണ്ട്‌ നിങ്ങൾ ഇപ്പോൾ യഹോ​വയെ അറിയാ​നും സ്‌നേ​ഹി​ക്കാ​നും ഇടയാ​യി​രി​ക്കു​ന്നു. ആ സ്ഥിതിക്കു ദൈവ​വു​മാ​യുള്ള നിങ്ങളു​ടെ ബന്ധം സുദൃ​ഢ​മാ​ക്കേ​ണ്ട​തുണ്ട്‌. എങ്ങനെ? നിങ്ങൾ ജീവിതം യഹോ​വയ്‌ക്കു സമർപ്പി​ക്കുക; അതിന്റെ അടയാ​ള​മാ​യി ജലസ്‌നാ​ന​മേൽക്കുക.​—മത്താ. 28:19, 20.

¹⁷ പവി​ത്ര​മായ ഒരു ഉദ്ദേശ്യ​ത്തി​നാ​യി മാറ്റി​വെ​ക്കുക എന്നാണു സമർപ്പണം എന്നതിന്റെ അർഥം. ദൈവ​ത്തി​നു സമർപ്പണം നടത്തുക എന്നതിന്റെ അർഥമോ? ദൈവ​ത്തി​ന്റെ വഴിക​ളിൽ നടക്കാ​മെ​ന്നും ദൈവ​സേ​വ​ന​ത്തി​നാ​യി ജീവിതം വിനി​യോ​ഗി​ച്ചു​കൊ​ള്ളാ​മെ​ന്നും പ്രാർഥ​ന​യിൽ ദൈവ​ത്തി​നു വാക്കു കൊടു​ക്കുക എന്നാണ്‌. അതായത്‌, ദൈവ​ത്തിന്‌ എന്നേക്കും സമ്പൂർണ​ഭക്തി നൽകണം എന്നു സാരം. (ആവ. 5:9) സമർപ്പണം തികച്ചും സ്വകാ​ര്യ​വും വ്യക്തി​പ​ര​വും ആയ ഒരു കാര്യ​മാണ്‌. നിങ്ങൾക്കു​വേണ്ടി ഇതു ചെയ്യാൻ മറ്റാർക്കും കഴിയില്ല.

¹⁸ നിങ്ങൾ യഹോ​വ​യു​ടേ​താ​കാൻ ആഗ്രഹി​ക്കു​ന്നെന്നു സ്വകാ​ര്യ​മാ​യി ദൈവ​ത്തോ​ടു പറഞ്ഞാൽ മാത്രം പോരാ. ദൈവ​ത്തി​നു സമർപ്പണം നടത്തി​യി​ട്ടു​ണ്ടെന്നു മറ്റുള്ളവർ അറിയു​ക​യും വേണം. യേശു ചെയ്‌ത​തു​പോ​ലെ നിങ്ങളും വെള്ളത്തിൽ സ്‌നാ​ന​മേ​റ്റു​കൊണ്ട്‌ ഇക്കാര്യം പരസ്യ​മാ​യി അറിയി​ക്കണം. (1 പത്രോ. 2:21; 3:21) യഹോ​വയെ സേവി​ക്കാൻ തീരു​മാ​നി​ച്ചു​റയ്‌ക്കു​ക​യും സ്‌നാ​ന​മേൽക്കാൻ ആഗ്രഹി​ക്കു​ക​യും ചെയ്യു​ന്നെ​ങ്കിൽ നിങ്ങൾ എന്താണു ചെയ്യേ​ണ്ടത്‌? നിങ്ങളു​ടെ ആഗ്രഹം മൂപ്പന്മാ​രു​ടെ സംഘത്തി​ന്റെ ഏകോ​പ​കനെ അറിയി​ക്കുക. നിങ്ങൾ സ്‌നാ​ന​മേൽക്കാ​നുള്ള ദൈവി​ക​വ്യ​വ​സ്ഥ​ക​ളിൽ എത്തി​ച്ചേർന്നി​ട്ടു​ണ്ടോ എന്നു പരി​ശോ​ധി​ക്കാൻ അദ്ദേഹം ചില മൂപ്പന്മാ​രെ ക്രമീ​ക​രി​ക്കും. ഇതെക്കു​റിച്ച്‌ കൂടുതൽ കാര്യങ്ങൾ അറിയാൻ ഈ പുസ്‌ത​ക​ത്തി​ന്റെ 182-184 പേജു​ക​ളി​ലെ, “സ്‌നാ​ന​മേ​റ്റി​ട്ടി​ല്ലാത്ത പ്രചാ​ര​ക​നോട്‌. . . ” എന്ന ഭാഗവും 185-207 പേജു​ക​ളി​ലെ, “സ്‌നാ​ന​മേൽക്കാൻ ആഗ്രഹി​ക്കു​ന്ന​വർക്കുള്ള ചോദ്യ​ങ്ങൾ” എന്ന ഭാഗവും അവലോ​കനം ചെയ്യുക.

ശുശ്രൂ​ഷ​യു​ടെ പുരോ​ഗതി റിപ്പോർട്ട്‌ ചെയ്യുക

¹⁹ വർഷങ്ങ​ളി​ലു​ട​നീ​ളം സത്യാ​രാ​ധ​ന​യു​ടെ വളർച്ച​യെ​ക്കു​റി​ച്ചുള്ള ലോക​വ്യാ​പ​ക​റി​പ്പോർട്ടു​കൾ യഹോ​വ​യു​ടെ ജനത്തിനു പ്രോ​ത്സാ​ഹ​ന​വും ഉന്മേഷ​വും പകർന്നി​ട്ടുണ്ട്‌. ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത ഭൂവ്യാ​പ​ക​മാ​യി പ്രസം​ഗി​ക്ക​പ്പെ​ടു​മെന്നു യേശു​ക്രിസ്‌തു തന്റെ ശിഷ്യ​ന്മാ​രോ​ടു പറഞ്ഞ​പ്പോൾമു​തൽ ഇക്കാര്യം എങ്ങനെ നിറ​വേ​റു​മെന്ന്‌ അറിയാൻ സത്യ​ക്രിസ്‌ത്യാ​നി​കൾ ആകാം​ക്ഷ​യു​ള്ള​വ​രാ​യി​രു​ന്നു.​—മത്താ. 28:19, 20; മർക്കോ. 13:10; പ്രവൃ. 1:8.

²⁰ പ്രസം​ഗ​പ്ര​വർത്ത​ന​ത്തി​ന്റെ വ്യാപ​ന​ത്തെ​ക്കു​റി​ച്ചുള്ള റിപ്പോർട്ടു​കൾ കേൾക്കു​ന്നതു യേശു​വി​ന്റെ ആദ്യകാ​ല​ശി​ഷ്യ​ന്മാർ ആസ്വദി​ച്ചി​രു​ന്നു. (മർക്കോ. 6:30) എ.ഡി. 33-ലെ പെന്തി​ക്കോസ്‌തിൽ ശിഷ്യ​ന്മാ​രു​ടെ മേൽ പരിശു​ദ്ധാ​ത്മാവ്‌ പകര​പ്പെ​ട്ട​പ്പോൾ ഏകദേശം 120 പേരാ​ണു​ണ്ടാ​യി​രു​ന്ന​തെന്നു പ്രവൃ​ത്തി​കൾ എന്ന ബൈബിൾപു​സ്‌തകം നമ്മളോ​ടു പറയുന്നു. പെട്ടെ​ന്നു​തന്നെ ശിഷ്യ​ന്മാ​രു​ടെ എണ്ണം 3,000-ത്തോള​മാ​യി. പിന്നെ ഏതാണ്ട്‌ 5,000 ആയി. “രക്ഷിക്ക​പ്പെ​ടു​ന്ന​വരെ യഹോവ ദിവസം​തോ​റും അവരോ​ടൊ​പ്പം ചേർത്തു​കൊ​ണ്ടി​രു​ന്നു” എന്നും “വലി​യൊ​രു കൂട്ടം പുരോ​ഹി​ത​ന്മാ​രും വിശ്വാ​സം സ്വീക​രി​ച്ചു” എന്നും ആണ്‌ ബൈബിൾ റിപ്പോർട്ട്‌ ചെയ്യു​ന്നത്‌. (പ്രവൃ. 1:15; 2:5-11, 41, 47; 4:4; 6:7) ശിഷ്യ​ന്മാ​രു​ടെ എണ്ണം വർധി​ക്കു​ന്നു​വെന്ന വാർത്തകൾ മറ്റു ശിഷ്യ​ന്മാ​രെ എത്രയ​ധി​കം ആനന്ദി​പ്പി​ച്ചി​ട്ടു​ണ്ടാ​കണം! ആവേശ​ക​ര​മായ ഇത്തരം വാർത്തകൾ, ജൂതമ​ത​നേ​താ​ക്ക​ന്മാർ ഇളക്കി​വിട്ട കടുത്ത പീഡന​ങ്ങ​ളിൽപോ​ലും തങ്ങളുടെ ദൈവ​നി​യ​മി​ത​പ്ര​വർത്ത​ന​വു​മാ​യി മുമ്പോ​ട്ടു പോകാൻ ശിഷ്യ​ന്മാ​രെ പ്രചോ​ദി​പ്പി​ച്ചു.

²¹ എ.ഡി. 60-61 ആയപ്പോ​ഴേ​ക്കും സന്തോ​ഷ​വാർത്ത ‘ലോക​ത്തി​ന്റെ മറ്റെല്ലാ ഭാഗങ്ങ​ളി​ലും വളർന്ന്‌ ഫലം കായ്‌ച്ചു​വ​രു​ന്നു’ എന്നു കൊ​ലോ​സ്യ​യി​ലു​ള്ള​വർക്ക്‌ എഴുതിയ കത്തിൽ പൗലോസ്‌ പറഞ്ഞു. തുടർന്ന്‌ അത്‌ “ആകാശ​ത്തിൻകീ​ഴി​ലുള്ള എല്ലാ സൃഷ്ടി​ക​ളു​ടെ ഇടയി​ലും ഘോഷി”ക്കപ്പെട്ടു​വെ​ന്നും പൗലോസ്‌ കൂട്ടി​ച്ചേർത്തു. (കൊലോ. 1:5, 6, 23) ആദ്യകാ​ല​ക്രിസ്‌ത്യാ​നി​കൾ ദൈവ​വ​ച​ന​ത്തോട്‌ അനുസ​ര​ണ​മു​ള്ള​വ​രാ​യി​രു​ന്നു. എ. ഡി. 70-ൽ ജൂതവ്യ​വ​സ്ഥി​തി​യു​ടെ അന്ത്യം വരുന്ന​തി​നു മുമ്പായി വിപു​ല​മായ പ്രസം​ഗ​പ്ര​വർത്തനം നടത്താൻ പരിശു​ദ്ധാ​ത്മാവ്‌ അവരെ സജ്ജരാക്കി. പ്രസം​ഗ​പ്ര​വർത്ത​ന​ത്തിൽ കൈവ​രിച്ച ഈ നേട്ട​ത്തെ​ക്കു​റി​ച്ചുള്ള വിവര​ണങ്ങൾ വിശ്വസ്‌ത​രായ ആ ക്രിസ്‌ത്യാ​നി​കളെ എത്രയ​ധി​കം പ്രചോ​ദി​പ്പി​ച്ചു​കാ​ണും!

²² അതു​പോ​ലെ​തന്നെ യഹോ​വ​യു​ടെ സംഘടന ഇന്നും, മത്തായി 24:14-ലെ “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും. അപ്പോൾ അവസാനം വരും” എന്ന വാക്കു​ക​ളു​ടെ നിവൃ​ത്തി​യാ​യി ചെയ്യ​പ്പെ​ടുന്ന കാര്യ​ങ്ങ​ളു​ടെ രേഖകൾ സൂക്ഷി​ക്കു​ന്നു. ദൈവ​ത്തി​ന്റെ സമർപ്പി​ത​ദാ​സ​ന്മാ​രായ നമുക്ക്‌ ഒരു അടിയ​ന്തി​ര​കാ​ര്യ​മാ​ണു ചെയ്യാ​നു​ള്ളത്‌. അന്ത്യത്തി​നു മുമ്പ്‌ സമഗ്ര​മാ​യി സാക്ഷീ​ക​രി​ക്കു​ന്ന​തിൽ നമ്മുടെ പങ്കു നിർവ​ഹി​ക്കാൻ നമ്മൾ ഓരോ​രു​ത്ത​രും ശുഷ്‌കാ​ന്തി​യു​ള്ള​വ​രാ​യി​രി​ക്കണം. ആ പ്രവർത്തനം പൂർത്തി​യാ​കു​ന്നെന്ന്‌ യഹോവ ഉറപ്പു​വ​രു​ത്തും. എന്നാൽ നമുക്ക്‌ അതിൽ ഒരു പങ്കു​ണ്ടെ​ങ്കിൽ യഹോ​വ​യു​ടെ അംഗീ​കാ​ര​ത്തി​ന്റെ മന്ദസ്‌മി​തം നമുക്കും ലഭിക്കും.​—യഹ. 3:18-21.

നിങ്ങളു​ടെ വയൽസേവന റിപ്പോർട്ട്‌

²³ ശരിക്കും നമ്മൾ എന്താണു റിപ്പോർട്ട്‌ ചെയ്യേ​ണ്ടത്‌? സംഘടന നൽകി​യി​രി​ക്കുന്ന വയൽസേവന റിപ്പോർട്ട്‌ ഫാറത്തിൽ, ഏതെല്ലാം വിവര​ങ്ങ​ളാണ്‌ ഉൾപ്പെ​ടു​ത്തേ​ണ്ട​തെന്നു സൂചി​പ്പി​ക്കു​ന്നുണ്ട്‌. എന്നിരു​ന്നാ​ലും താഴെ പറയുന്ന പൊതു​വായ നിർദേ​ശങ്ങൾ നമുക്കു സഹായ​ക​മാ​യേ​ക്കാം.

²⁴ “സമർപ്പ​ണങ്ങൾ (അച്ചടി​ച്ച​തും ഇല​ക്ട്രോ​ണിക്‌ രൂപത്തി​ലു​ള്ള​തും)” എന്നതിനു നേരെ, സ്‌നാ​ന​മേ​റ്റി​ട്ടി​ല്ലാ​ത്ത​വർക്കു നിങ്ങൾ സമർപ്പിച്ച എല്ലാ പ്രസി​ദ്ധീ​ക​ര​ണ​ങ്ങ​ളു​ടെ​യും മൊത്തം എണ്ണം എഴുതുക. ഇതിൽ, അച്ചടിച്ച പ്രസി​ദ്ധീ​ക​ര​ണ​ങ്ങ​ളും ഇല​ക്ട്രോ​ണിക്‌ രൂപത്തി​ലുള്ള പ്രസി​ദ്ധീ​ക​ര​ണ​ങ്ങ​ളും ഉൾപ്പെ​ടു​ന്നു. “വീഡി​യോ പ്രദർശ​നങ്ങൾ” എന്നതിനു നേരെ, നമ്മുടെ വീഡി​യോ​ക​ളിൽ ഏതെങ്കി​ലും എത്ര തവണ കാണി​ക്കാൻ സാധിച്ചു എന്ന്‌ എഴുതുക.

²⁵ “മടക്കസ​ന്ദർശ​നങ്ങൾ” എങ്ങനെ റിപ്പോർട്ട്‌ ചെയ്യാം? ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത​യിൽ താത്‌പ​ര്യം കാണിച്ച, സ്‌നാ​ന​മേറ്റ സാക്ഷി​ക​ള​ല്ലാത്ത, ആരു​ടെ​യെ​ങ്കി​ലും താത്‌പ​ര്യം വർധി​പ്പി​ക്കുക എന്ന ഉദ്ദേശ്യ​ത്തിൽ നിങ്ങൾ നടത്തുന്ന സന്ദർശ​ന​ങ്ങ​ളു​ടെ എണ്ണമാണു മടക്കസ​ന്ദർശ​ന​ങ്ങ​ളാ​യി റിപ്പോർട്ട്‌ ചെയ്യേ​ണ്ടത്‌. ആരെ​യെ​ങ്കി​ലും നേരിൽച്ചെന്ന്‌ കാണു​ന്ന​തും കത്ത്‌ എഴുതുക, ഫോൺ ചെയ്യുക, മെസ്സേ​ജോ ഇ-മെയി​ലോ അയയ്‌ക്കുക, ഏതെങ്കി​ലും പ്രസി​ദ്ധീ​ക​രണം എത്തിച്ചു​കൊ​ടു​ക്കുക തുടങ്ങി​യ​വ​യും മടക്കസ​ന്ദർശ​ന​മാ​യി പരിഗ​ണി​ക്കാം. ഒരു ഭവന​ബൈ​ബിൾപ​ഠനം നടത്തുന്ന ഓരോ അവസര​വും ഒരു മടക്കസ​ന്ദർശ​ന​മാണ്‌. സ്‌നാ​ന​മേ​റ്റി​ട്ടി​ല്ലാത്ത ഒരു കുട്ടി ഉൾപ്പെ​ടുന്ന കുടും​ബാ​രാ​ധ​ന​യിൽ നേതൃ​ത്വ​മെ​ടു​ക്കുന്ന രക്ഷിതാ​വിന്‌ ആഴ്‌ച​യിൽ പരമാ​വധി ഒരു മടക്കസ​ന്ദർശനം കണക്കാ​ക്കാ​വു​ന്ന​താണ്‌.

²⁶ സാധാ​ര​ണ​ഗ​തി​യിൽ ഒരു ബൈബിൾപ​ഠനം ആഴ്‌ച​യിൽ ഒരിക്കൽ എന്ന കണക്കി​ലാ​ണു നടത്താ​റു​ള്ളത്‌. പക്ഷേ, മാസാ​വ​സാ​നം അതു റിപ്പോർട്ട്‌ ചെയ്യു​ന്നത്‌ ഒരൊറ്റ ബൈബിൾപ​ഠ​ന​മാ​യി​ട്ടാണ്‌. ഓരോ മാസവും നടത്തുന്ന വ്യത്യസ്‌ത ബൈബിൾപ​ഠ​ന​ങ്ങ​ളു​ടെ ആകെ എണ്ണമാണു പ്രചാ​രകർ എഴു​തേ​ണ്ടത്‌. സമർപ്പിച്ച്‌ സ്‌നാ​ന​മേറ്റ്‌ സാക്ഷി​യാ​യി​ട്ടി​ല്ലാ​ത്ത​വർക്ക്‌ എടുക്കുന്ന അധ്യയ​നങ്ങൾ ബൈബിൾപ​ഠ​ന​ങ്ങ​ളാ​യി റിപ്പോർട്ട്‌ ചെയ്യാം. ഇനി, വയൽസേ​വ​ന​ത്തിൽ പിന്നോ​ക്കം പോയി​രി​ക്കുന്ന, നിഷ്‌ക്രി​യ​നായ, ഒരു സഹോ​ദ​ര​നോ സഹോ​ദ​രി​ക്കോ സേവന​ക്ക​മ്മി​റ്റി​യി​ലെ ഒരാളു​ടെ നിർദേ​ശാ​നു​സ​രണം നിങ്ങൾ നടത്തുന്ന ബൈബിൾപ​ഠ​ന​വും റിപ്പോർട്ട്‌ ചെയ്യാം. പുതു​താ​യി സ്‌നാ​ന​മേറ്റ ഒരാൾ ജീവിതം ആസ്വദിക്കാം പുസ്‌തകം പഠിച്ചു​തീർന്നി​ട്ടി​ല്ലെ​ങ്കിൽ അദ്ദേഹ​ത്തി​നു നടത്തുന്ന ബൈബിൾപ​ഠ​ന​വും റിപ്പോർട്ട്‌ ചെയ്യാ​വു​ന്ന​താണ്‌.

²⁷ “മണിക്കൂർ” കൃത്യ​മാ​യി റിപ്പോർട്ട്‌ ചെയ്യേ​ണ്ടതു വളരെ പ്രധാ​ന​മാണ്‌. അടിസ്ഥാ​ന​പ​ര​മാ​യി ഇതിൽ വീടു​തോ​റു​മുള്ള പ്രവർത്തനം, മടക്കസ​ന്ദർശനം, ബൈബിൾപ​ഠ​നങ്ങൾ എന്നിവ ഉൾപ്പെടെ സ്‌നാ​ന​മേ​റ്റി​ട്ടി​ല്ലാത്ത ഒരാ​ളോ​ടു നിങ്ങൾ ഔപചാ​രി​ക​മാ​യോ അനൗപ​ചാ​രി​ക​മാ​യോ സാക്ഷീ​ക​രി​ക്കുന്ന സമയമാണ്‌ ഉൾപ്പെ​ടു​ത്തേ​ണ്ടത്‌. രണ്ടു പ്രചാ​രകർ ഒരുമിച്ച്‌ പ്രവർത്തി​ക്കു​മ്പോൾ സാക്ഷീ​ക​ര​ണ​ത്തി​ലേർപ്പെ​ടുന്ന സമയം രണ്ടു പേർക്കും റിപ്പോർട്ട്‌ ചെയ്യാ​വു​ന്ന​താണ്‌. എന്നാൽ മടക്കസ​ന്ദർശ​ന​ങ്ങ​ളു​ടെ​യും ബൈബിൾപ​ഠ​ന​ങ്ങ​ളു​ടെ​യും എണ്ണം ഒരാൾ മാത്ര​മാ​ണു റിപ്പോർട്ട്‌ ചെയ്യു​ന്നത്‌. കുടും​ബാ​രാ​ധ​നയ്‌ക്കാ​യുള്ള സായാ​ഹ്ന​ത്തിൽ മാതാ​പി​താ​ക്കൾ ഇരുവ​രും കുട്ടി​കളെ പഠിപ്പി​ക്കു​ന്ന​തിൽ ഉൾപ്പെ​ടു​ന്നെ​ങ്കിൽ ആഴ്‌ച​യിൽ ഒരു മണിക്കൂർവരെ രണ്ടു​പേർക്കും റിപ്പോർട്ട്‌ ചെയ്യാ​വു​ന്ന​താണ്‌. പൊതു​പ്ര​സം​ഗം നടത്തുന്ന സഹോ​ദ​ര​ന്മാർക്ക്‌ ആ സമയം റിപ്പോർട്ട്‌ ചെയ്യാം. പൊതു​പ്ര​സം​ഗം പരിഭാഷ ചെയ്യുന്ന ആൾക്കും ആ സമയം കണക്കാ​ക്കാ​വു​ന്ന​താണ്‌. വയൽസേ​വ​ന​ത്തി​നാ​യി തയ്യാറാ​കു​ന്ന​തോ വയൽസേ​വ​ന​യോ​ഗ​ത്തിൽ പങ്കെടു​ക്കു​ന്ന​തോ വയൽസേ​വ​ന​ത്തി​നി​ട​യിൽ മറ്റ്‌ ഏതെങ്കി​ലും അവശ്യ​കാ​ര്യ​ങ്ങൾക്കാ​യി ചെലവി​ടു​ന്ന​തോ ആയ സമയം വയൽസേ​വ​ന​മ​ണി​ക്കൂ​റാ​യി റിപ്പോർട്ട്‌ ചെയ്യു​ന്നില്ല.

²⁸ സാക്ഷീ​ക​ര​ണ​സ​മയം എത്ര​യെന്നു ബൈബിൾപ​രി​ശീ​ലിത മനസ്സാ​ക്ഷി​യ​നു​സ​രിച്ച്‌ പ്രാർഥ​നാ​പൂർവം ഓരോ പ്രചാ​ര​ക​നും തീരു​മാ​നി​ക്കണം. ചില പ്രചാ​രകർ പ്രവർത്തി​ക്കു​ന്നതു ജനസാ​ന്ദ്ര​ത​യേ​റിയ പ്രദേ​ശ​ങ്ങ​ളി​ലാ​യി​രി​ക്കും. മറ്റു ചിലരാ​കട്ടെ ധാരാളം യാത്ര ചെയ്യേ​ണ്ടി​വ​രുന്ന, താമസ​ക്കാർ കുറവുള്ള പ്രദേ​ശ​ങ്ങ​ളി​ലും. ലോക​വ്യാ​പ​ക​മാ​യി നോക്കു​മ്പോൾ പ്രവർത്ത​ന​പ്ര​ദേശം വ്യത്യസ്‌ത​മാണ്‌. പ്രചാ​രകർ തങ്ങളുടെ ശുശ്രൂ​ഷയെ വീക്ഷി​ക്കുന്ന വിധവും വ്യത്യസ്‌ത​മാണ്‌. അതു​കൊണ്ട്‌ ഭരണസം​ഘ​ത്തി​ന്റെ മനസ്സാ​ക്ഷി​യ​നു​സ​രിച്ച്‌ സഹോ​ദ​രങ്ങൾ വയൽസേ​വ​ന​സ​മയം കണക്കാ​ക്ക​ണ​മെന്ന്‌ ഭരണസം​ഘം ശഠിക്കു​ന്നില്ല. കൂടാതെ ഇക്കാര്യ​ങ്ങ​ളിൽ തീരു​മാ​നം പറയാൻ അവർ പ്രത്യേ​കിച്ച്‌ ആരെയും നിയമി​ച്ചി​ട്ടു​മില്ല.​—മത്താ. 6:1; 7:1; 1 തിമൊ. 1:5.

²⁹ വയൽസേ​വ​ന​സ​മയം പൂർണ​മ​ണി​ക്കൂ​റു​ക​ളാ​യി വേണം റിപ്പോർട്ട്‌ ചെയ്യാൻ. എന്നാൽ പ്രായാ​ധി​ക്യം കാരണം ഒരു പ്രചാ​ര​കന്റെ പ്രവർത്തനം വളരെ​യേറെ പരിമി​ത​പ്പെ​ട്ടേ​ക്കാം. ചില​പ്പോൾ കിടപ്പി​ലാ​യി​രി​ക്കാം. അല്ലെങ്കിൽ ഒരു ആതുരാ​ല​യ​ത്തി​ലാ​യി​രി​ക്കാം. അതുമ​ല്ലെ​ങ്കിൽ മറ്റ്‌ ഏതെങ്കി​ലും വിധത്തിൽ ദുർബ​ല​നാ​യി​രി​ക്കാം. ഇങ്ങനെ​യുള്ള സന്ദർഭ​ങ്ങ​ളിൽ മേൽപ്പറഞ്ഞ വ്യവസ്ഥ​യ്‌ക്ക്‌ ഇളവുണ്ട്‌. പരിമി​തി​ക​ളുള്ള അത്തരം പ്രചാ​ര​കർക്ക്‌ ഓരോ മാസ​ത്തെ​യും വയൽസേ​വ​ന​സ​മയം 15 മിനി​ട്ടി​ന്റെ ഗുണി​ത​ങ്ങ​ളാ​യി റിപ്പോർട്ട്‌ ചെയ്യാം. 15 മിനിട്ട്‌ മാത്രമേ അദ്ദേഹ​ത്തിന്‌ ഒരു മാസത്തിൽ സാക്ഷീ​ക​ര​ണ​സ​മ​യ​മു​ള്ളൂ എങ്കിലും അദ്ദേഹം അതു റിപ്പോർട്ട്‌ ചെയ്‌തി​രി​ക്കണം. അങ്ങനെ​യെ​ങ്കിൽ അദ്ദേഹം ക്രമമുള്ള ഒരു പ്രചാ​ര​ക​നാ​യി വീക്ഷി​ക്ക​പ്പെ​ടും. താത്‌കാ​ലി​ക​പ​രി​മി​തി​ക​ളുള്ള, ഒരുപക്ഷേ ഗുരു​ത​ര​മായ രോഗ​മോ പരിക്കു​ക​ളോ നിമിത്തം ഒന്നോ അതില​ധി​ക​മോ മാസ​ത്തേക്കു തീർത്തും കിടപ്പി​ലാ​യി​പ്പോ​കു​ക​യോ മറ്റോ ചെയ്യുന്ന ഒരു പ്രചാ​ര​കന്റെ കാര്യ​ത്തി​ലും ഈ ക്രമീ​ക​രണം ബാധക​മാണ്‌. ഓർക്കുക: ആരോ​ഗ്യ​കാ​ര്യ​ങ്ങ​ളിൽ വളരെ​യേറെ പരിമി​തി​ക​ളു​ള്ള​വർക്കു​വേണ്ടി മാത്ര​മു​ള്ള​താണ്‌ ഈ കരുതൽ. ഒരു പ്രചാ​രകൻ ഈ ക്രമീ​ക​ര​ണ​ത്തി​നു യോഗ്യ​നാ​ണോ എന്നു സഭാ സേവന​ക്ക​മ്മി​റ്റി തീരു​മാ​നി​ക്കും.

സഭാ​പ്ര​ചാ​രക രേഖ

³⁰ ഓരോ മാസവും നിങ്ങൾ നൽകുന്ന വയൽസേവന റിപ്പോർട്ട്‌ നിങ്ങളു​ടെ സഭാ​പ്ര​ചാ​രക രേഖയിൽ എഴുതി​വെ​ക്കു​ന്നു. ഈ രേഖകൾ പ്രാ​ദേ​ശി​ക​സ​ഭ​ക​ളു​ടെ വകയാണ്‌. മറ്റൊരു സഭാ​പ്ര​ദേ​ശ​ത്തേക്കു മാറി​ത്താ​മ​സി​ക്കാൻ ഉദ്ദേശി​ക്കു​ന്നു​ണ്ടെ​ങ്കിൽ നിങ്ങളു​ടെ മൂപ്പന്മാ​രെ അക്കാര്യം അറിയി​ക്കാൻ മറക്കരുത്‌. പുതിയ സഭയി​ലേക്കു നിങ്ങളു​ടെ രേഖകൾ അയച്ചു​കൊ​ടു​ക്കു​ന്നെന്നു നിങ്ങളു​ടെ സഭയിലെ സെക്ര​ട്ടറി ഉറപ്പു​വ​രു​ത്തും. അപ്പോൾ മൂപ്പന്മാർക്കു നിങ്ങളെ സ്വാഗതം ചെയ്യാ​നും ആത്മീയ​പി​ന്തുണ നൽകാ​നും എളുപ്പ​മാ​കും. മൂന്നു മാസത്തിൽ കുറഞ്ഞ കാല​ത്തേ​ക്കാ​ണു നിങ്ങൾ മറ്റൊരു സഭയി​ലേക്കു പോകു​ന്ന​തെ​ങ്കിൽ നിങ്ങളു​ടെ വയൽസേവന റിപ്പോർട്ടു​കൾ ദയവായി മാതൃ​സ​ഭ​യി​ലേ​ക്കു​തന്നെ അയച്ചു​കൊ​ടു​ക്കുക.

വയൽസേ​വനം റിപ്പോർട്ട്‌ ചെയ്യേ​ണ്ടത്‌ എന്തു​കൊണ്ട്‌?

³¹ വയൽസേ​വനം റിപ്പോർട്ട്‌ ചെയ്യാൻ നിങ്ങൾ മറന്നു​പോ​കാ​റു​ണ്ടോ? നമു​ക്കെ​ല്ലാം ഇടയ്‌ക്കി​ടെ ഓർമി​പ്പി​ക്കൽ ആവശ്യ​മാണ്‌. വയൽസേവനം റിപ്പോർട്ട്‌ ചെയ്യു​ന്ന​തി​നെ​ക്കു​റിച്ച്‌ ഒരു നല്ല മനോഭാവം വളർത്തുക. അങ്ങനെ ചെയ്യേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാ​ണെ​ന്നും തിരി​ച്ച​റി​യുക. അങ്ങനെ​യാ​കു​മ്പോൾ വയൽസേവന റിപ്പോർട്ട്‌ ഇടാൻ നമ്മൾ മറക്കില്ല.

³² ചിലർ ചോദി​ച്ചേ​ക്കാം: “ദൈവ​സേ​വ​ന​ത്തിൽ ഞാൻ എന്തൊക്കെ ചെയ്യു​ന്നു​ണ്ടെന്ന്‌ യഹോ​വയ്‌ക്ക്‌ അറിയാ​മ​ല്ലോ, പിന്നെ എന്തിനാ​ണു ഞാൻ സഭയിൽ റിപ്പോർട്ട്‌ ഇടുന്നത്‌?” ശരിയാണ്‌, നമ്മൾ ചെയ്യു​ന്നത്‌ എന്താ​ണെ​ന്നും നമ്മുടെ സേവനം പൂർണ​ഹൃ​ദ​യ​ത്തോ​ടെ​യാ​ണോ അതോ പേരിനു മാത്ര​മാ​ണോ എന്നും യഹോ​വയ്‌ക്ക്‌ അറിയാം. എന്നാൽ ഓർമി​ക്കുക: നോഹ പെട്ടക​ത്തിൽ കഴിഞ്ഞു​കൂ​ടിയ ദിവസ​ങ്ങ​ളു​ടെ എണ്ണം യഹോവ രേഖ​പ്പെ​ടു​ത്തി​വെച്ചു. ഇസ്രാ​യേ​ല്യർ മരുഭൂ​മി​യി​ലൂ​ടെ എത്ര വർഷം യാത്ര ചെയ്‌തെ​ന്നും യഹോവ രേഖ​പ്പെ​ടു​ത്തി. വിശ്വസ്‌ത​രാ​യി നില​കൊ​ണ്ട​വ​രു​ടെ എണ്ണവും അനുസ​രി​ക്കാ​തി​രു​ന്ന​വ​രു​ടെ എണ്ണവും ദൈവം വിവര​ണ​ത്തിൽ ചേർത്തു. കനാൻ ദേശം പടിപ​ടി​യാ​യി കീഴട​ക്കി​യ​തി​നെ​ക്കു​റി​ച്ചും ഇസ്രാ​യേ​ലി​ലെ വിശ്വസ്‌ത​രായ ന്യായാ​ധി​പ​ന്മാർ കൈവ​രിച്ച നേട്ടങ്ങ​ളെ​ക്കു​റി​ച്ചും ദൈവം രേഖയിൽ ചേർത്തു. അതെ, തന്റെ ദാസന്മാ​രു​ടെ പ്രവർത്ത​ന​ങ്ങ​ളു​ടെ അനേകം വിശദാം​ശങ്ങൾ ദൈവം രേഖ​പ്പെ​ടു​ത്തി. തന്റെ ആത്മാവി​നാൽ ദൈവം അതിനു പ്രചോ​ദ​ന​മേകി. അങ്ങനെ, കൃത്യ​മായ രേഖകൾ സൂക്ഷി​ക്കു​ന്നതു സംബന്ധിച്ച തന്റെ വീക്ഷണം ദൈവം നമുക്കു കാണി​ച്ചു​ത​ന്നി​രി​ക്കു​ന്നു.

³³ യഹോ​വ​യു​ടെ ജനം റിപ്പോർട്ടു​ക​ളും രേഖക​ളും സൂക്ഷി​ച്ച​തി​ന്റെ കൃത്യത കാണി​ച്ചു​ത​രു​ന്ന​വ​യാ​ണു ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ചരി​ത്ര​സം​ഭ​വങ്ങൾ. ബൈബിൾവി​വ​ര​ണ​ങ്ങ​ളിൽ പലതി​ലും കൃത്യ​മായ എണ്ണം പറയാ​തി​രു​ന്നാൽ അതിന്റെ പൂർണ​മായ ശക്തിയും ഭാവവും ഒന്നും വായന​ക്കാ​രി​ലേക്ക്‌ എത്തിക്കാൻ കഴിയു​മാ​യി​രു​ന്നില്ല. ചില ഉദാഹ​ര​ണങ്ങൾ നോക്കുക: ഉൽപത്തി 46:27; പുറപ്പാട്‌ 12:37; ന്യായാ​ധി​പ​ന്മാർ 7:7; 2 രാജാ​ക്ക​ന്മാർ 19:35; 2 ദിനവൃ​ത്താ​ന്തം 14:9-13; യോഹ​ന്നാൻ 6:10; 21:11; പ്രവൃ​ത്തി​കൾ 2:41; 19:19.

³⁴ യഹോ​വ​യു​ടെ സേവന​ത്തിൽ നമ്മൾ ചെയ്യുന്ന എല്ലാ കാര്യ​ങ്ങ​ളും വയൽസേവന റിപ്പോർട്ടിൽ ഉൾപ്പെ​ടു​ന്നില്ല. എങ്കിലും യഹോ​വ​യു​ടെ സംഘടന ഉദ്ദേശി​ക്കുന്ന ഒരു കാര്യം അതിലൂ​ടെ സാധി​ക്കു​ന്നു. ഒന്നാം നൂറ്റാ​ണ്ടിൽ ഒരു പ്രസം​ഗ​പ​ര്യ​ടനം കഴിഞ്ഞ്‌ തിരി​ച്ചെ​ത്തിയ അപ്പോസ്‌ത​ല​ന്മാർ “അവർ ചെയ്‌ത​തും പഠിപ്പി​ച്ച​തും എല്ലാം” യേശു​വി​നെ അറിയി​ച്ചു. (മർക്കോ. 6:30) അതാതു സമയങ്ങ​ളിൽ നമ്മുടെ ശുശ്രൂ​ഷ​യിൽ പ്രത്യേ​ക​ശ്രദ്ധ ആവശ്യ​മായ മണ്ഡലങ്ങൾ ഏതാ​ണെന്നു മനസ്സി​ലാ​ക്കാൻ റിപ്പോർട്ടു​കൾ സഹായി​ക്കും. റിപ്പോർട്ടി​ലെ വിവരങ്ങൾ പരി​ശോ​ധി​ക്കു​മ്പോൾ ചില മേഖലകൾ പുരോ​ഗ​മി​ച്ച​താ​യും എന്നാൽ മറ്റു ചില മേഖലകൾ അതായത്‌, പ്രചാ​ര​ക​രു​ടെ എണ്ണത്തിലെ വർധന​പോ​ലുള്ള ചില കാര്യങ്ങൾ, പിന്നോ​ട്ടു പോയി​രി​ക്കു​ന്ന​താ​യും കണ്ടേക്കാം. പ്രോ​ത്സാ​ഹനം ആവശ്യ​മു​ള്ള​താ​യോ ചില പ്രശ്‌നങ്ങൾ പരിഹ​രി​ക്ക​പ്പെ​ടേ​ണ്ട​താ​യോ ചില​പ്പോൾ കണ്ടേക്കാം. റിപ്പോർട്ടു​ക​ളി​ലെ വിവര​ങ്ങ​ളു​ടെ അടിസ്ഥാ​ന​ത്തിൽ, വ്യക്തി​ക​ളു​ടെ​യോ മുഴു​സ​ഭ​യു​ടെ​യോ പുരോ​ഗതി തടസ്സ​പ്പെ​ടു​ത്തു​ന്നത്‌ എന്താ​ണെന്നു മനസ്സി​ലാ​ക്കി പരിഹ​രി​ക്കാൻ ഉത്തരവാ​ദി​ത്വ​പ്പെട്ട മേൽവി​ചാ​ര​ക​ന്മാർ ശ്രമി​ക്കും.

³⁵ ശുശ്രൂ​ഷ​ക​രു​ടെ ആവശ്യം കൂടു​ത​ലു​ള്ളത്‌ എവി​ടെ​യാ​ണെന്നു നിർണ​യി​ക്കാൻ റിപ്പോർട്ടു​കൾ സംഘട​നയ്‌ക്ക്‌ ഉപകാ​ര​പ്പെ​ടു​ന്നു. ഏതൊക്കെ പ്രദേ​ശ​ങ്ങ​ളാ​ണു കൂടുതൽ ഫലക്ഷമ​ത​യു​ള്ളത്‌? പുരോ​ഗതി തീരെ കുറഞ്ഞി​രി​ക്കു​ന്നത്‌ എവി​ടെ​യൊ​ക്കെ​യാണ്‌? സത്യം പഠിക്കാൻ ആളുകളെ സഹായി​ക്കാൻ ഏതൊക്കെ പ്രസി​ദ്ധീ​ക​ര​ണ​ങ്ങ​ളാ​ണു വേണ്ടത്‌? ലോക​ത്തി​ന്റെ വിവിധ ഭാഗങ്ങ​ളി​ലെ പ്രസം​ഗ​പ്ര​വർത്ത​ന​ത്തിന്‌ ഏതെല്ലാം പ്രസി​ദ്ധീ​ക​ര​ണ​ങ്ങ​ളാണ്‌ ആവശ്യ​മാ​യി​രി​ക്കു​ന്നത്‌? ഇക്കാര്യ​ങ്ങ​ളൊ​ക്കെ കണ്ടെത്താ​നും അവ നൽകാ​നും റിപ്പോർട്ടു​കൾ സംഘട​നയെ സഹായി​ക്കു​ന്നു.

³⁶ നമ്മിൽ മിക്കവർക്കും ഈ റിപ്പോർട്ടു​കൾ വലിയ പ്രോ​ത്സാ​ഹ​ന​മാണ്‌. ഭൂമി​യി​ലെ​മ്പാ​ടും സന്തോ​ഷ​വാർത്ത പ്രസം​ഗി​ക്കു​ന്ന​തി​നു​വേണ്ടി നമ്മുടെ സഹോ​ദ​രങ്ങൾ ചെയ്യുന്ന അധ്വാ​ന​ത്തെ​ക്കു​റി​ച്ചുള്ള വാർത്തകൾ കേൾക്കു​ന്നതു നിങ്ങളെ ആവേശ​ഭ​രി​ത​രാ​ക്കാ​റി​ല്ലേ? യഹോ​വ​യു​ടെ സംഘടന വളർന്നു​വി​ക​സി​ക്കു​ന്ന​തി​ന്റെ ഒരു ആകമാ​ന​വീ​ക്ഷണം കിട്ടാൻ പുരോ​ഗ​തി​യെ​ക്കു​റി​ച്ചുള്ള ഈ റിപ്പോർട്ടു​കൾ നമ്മളെ സഹായി​ക്കു​ന്നു. നല്ലനല്ല അനുഭ​വങ്ങൾ നമ്മുടെ ഹൃദയത്തെ തൊട്ടു​ണർത്തു​ന്നു, നമ്മിൽ ശുഷ്‌കാ​ന്തി നിറയ്‌ക്കു​ന്നു. പ്രസം​ഗ​പ്ര​വർത്ത​ന​ത്തിൽ പരമാ​വധി ചെയ്യാൻ അത്‌ ഒരു പ്രചോ​ദ​ന​മാ​കു​ന്നു. (പ്രവൃ. 15:3) വയൽസേവന റിപ്പോർട്ടു​കൾ നൽകു​ന്ന​തി​ലുള്ള നമ്മുടെ സഹകരണം വളരെ പ്രധാ​ന​മാണ്‌. എവി​ടെ​യു​മുള്ള സഹോ​ദ​ര​ങ്ങ​ളിൽ നമുക്കു താത്‌പ​ര്യ​മു​ണ്ടെന്നു കാണി​ക്കാ​നുള്ള ഒരു വിധമാണ്‌ ഇത്‌. ഈ എളിയ വിധത്തിൽ നമുക്ക്‌ യഹോ​വ​യു​ടെ സംഘട​നാ​ക്ര​മീ​ക​ര​ണ​ത്തോ​ടുള്ള കീഴ്‌പെടൽ തെളി​യി​ച്ചു​കാ​ണി​ക്കാം.​—ലൂക്കോ. 16:10; എബ്രാ. 13:17.

വ്യക്തി​പ​ര​മായ ലക്ഷ്യങ്ങൾ വെക്കുക

³⁷ വയലിലെ നമ്മുടെ സേവനം മറ്റൊ​രാ​ളു​ടെ സേവന​വു​മാ​യി തട്ടിച്ചു​നോ​ക്കേണ്ട ഒരു കാര്യ​വു​മില്ല. (ഗലാ. 5:26; 6:4) ഓരോ​രു​ത്ത​രു​ടെ​യും സാഹച​ര്യ​ങ്ങൾ വ്യത്യസ്‌ത​മാണ്‌. എന്നാൽ നേടി​യെ​ടു​ക്കാ​വുന്ന വ്യക്തി​പ​ര​മായ ലക്ഷ്യങ്ങൾ വെച്ച്‌ അതിന്റെ അടിസ്ഥാ​ന​ത്തിൽ ശുശ്രൂ​ഷ​യി​ലെ നമ്മുടെ പുരോ​ഗതി അളക്കു​ക​യാ​ണെ​ങ്കിൽ നമുക്കു വളരെ ഗുണം ചെയ്യും. ആ ലക്ഷ്യങ്ങൾ കൈവ​രി​ക്കു​മ്പോൾ ശുശ്രൂഷ നന്നായി നിറ​വേ​റ്റി​യ​തി​ലുള്ള ചാരി​താർഥ്യ​വും സന്തോ​ഷ​വും നമുക്ക്‌ ആസ്വദി​ക്കാൻ കഴിയും.

³⁸ യഹോവ വാസ്‌ത​വ​ത്തിൽ ആളുകളെ കൂട്ടി​ച്ചേർക്കുന്ന പ്രവർത്തനം ത്വരി​ത​പ്പെ​ടു​ത്തി​ക്കൊ​ണ്ടി​രി​ക്കുക​യാണ്‌. സത്യം സ്വീക​രി​ക്കു​ന്ന​വരെ യഹോവ “മഹാകഷ്ടത”യുടെ സമയത്ത്‌ സംരക്ഷി​ക്കും. യശയ്യയു​ടെ പിൻവ​രുന്ന പ്രവചനം നിറ​വേ​റി​ക്കൊ​ണ്ടി​രി​ക്കുന്ന കാലത്താ​ണു നമ്മൾ ജീവി​ക്കു​ന്നത്‌: “കുറഞ്ഞവൻ ആയിര​വും ചെറി​യവൻ ഒരു മഹാജ​ന​ത​യും ആയിത്തീ​രും. യഹോവ എന്ന ഞാൻ തക്ക സമയത്ത്‌ അതിന്റെ വേഗത കൂട്ടും.” (വെളി. 7:9, 14; യശ. 60:22) നിർണാ​യ​ക​മായ ഈ അന്ത്യനാ​ളു​ക​ളിൽ സന്തോ​ഷ​വാർത്ത​യു​ടെ ശുശ്രൂ​ഷ​ക​രാ​യി​രി​ക്കാൻ നമുക്കു കഴിയു​ന്നത്‌ എത്ര വലി​യൊ​രു പദവി​യാണ്‌!​—മത്താ. 24:14.