യേശു 12 അപ്പോസ്‌ത​ല​ന്മാ​രെ തിര​ഞ്ഞെ​ടു​ക്കു​ന്നു

യേശു പ്രസം​ഗ​പ്ര​വർത്തനം തുടങ്ങി​യിട്ട്‌ ഏകദേശം ഒന്നര വർഷം കഴിഞ്ഞു. ഇപ്പോൾ യേശു​വിന്‌ ഒരു പ്രധാ​ന​പ്പെട്ട തീരു​മാ​നം എടുക്കണം: തന്റെകൂ​ടെ പ്രവർത്തി​ക്കാൻ ആരെ തിര​ഞ്ഞെ​ടു​ക്കണം? ക്രിസ്‌തീ​യ​സ​ഭ​യിൽ നേതൃ​ത്വ​മെ​ടു​ക്കാൻ ആരെ പരിശീ​ലി​പ്പി​ക്കണം? ഈ തീരു​മാ​ന​ങ്ങ​ളെ​ടു​ക്കാൻ യേശു​വിന്‌ യഹോ​വ​യു​ടെ സഹായം വേണം. അതു​കൊണ്ട്‌ യേശു ഒരു മലമു​ക​ളി​ലേക്കു പോയി. അവി​ടെ​യാ​കു​മ്പോൾ ഒറ്റയ്‌ക്ക്‌ ആയിരി​ക്കാ​മ​ല്ലോ. അവിടെ യേശു രാത്രി മുഴുവൻ പ്രാർഥി​ച്ചു. പിറ്റേന്ന്‌ രാവിലെ, യേശു തന്റെ ശിഷ്യ​ന്മാ​രിൽ ചിലരെ വിളി​ച്ചു​കൂ​ട്ടി, 12 പേരെ അപ്പോസ്‌ത​ല​ന്മാ​രാ​യി തിര​ഞ്ഞെ​ടു​ത്തു. അവരിൽ ആരു​ടെ​യൊ​ക്കെ പേര്‌ നിങ്ങൾ ഓർക്കു​ന്നുണ്ട്‌? പത്രോസ്‌, അന്ത്ര​യോസ്‌, യാക്കോബ്‌, യോഹ​ന്നാൻ, ഫിലി​പ്പോസ്‌, ബർത്തൊ​ലൊ​മാ​യി, തോമസ്‌, മത്തായി, അൽഫാ​യി​യു​ടെ മകൻ യാക്കോബ്‌, തദ്ദായി, ശിമോൻ, യൂദാസ്‌ ഈസ്‌ക​ര്യോത്ത്‌ എന്നിവ​രാണ്‌ അവർ.

ആ 12 പേർ യേശു​വി​നോ​ടൊ​പ്പം യാത്ര ചെയ്യു​മാ​യി​രു​ന്നു. പിന്നീട്‌ വേണ്ട പരിശീ​ലനം കൊടു​ത്ത​ശേഷം, സ്വന്തമാ​യി പ്രസം​ഗി​ക്കാൻ യേശു അവരെ പറഞ്ഞയച്ചു. ഭൂതങ്ങളെ പുറത്താ​ക്കാ​നും രോഗി​കളെ സുഖ​പ്പെ​ടു​ത്താ​നും ഉള്ള കഴിവ്‌ യഹോവ അവർക്കു നൽകി.

യേശു ആ 12 പേരെ സ്‌നേ​ഹി​തർ എന്നു വിളിച്ചു. യേശു​വിന്‌ അവരെ നല്ല വിശ്വാ​സ​മാ​യി​രു​ന്നു. അപ്പോസ്‌ത​ല​ന്മാ​രെ വിദ്യാ​ഭ്യാ​സ​മി​ല്ലാത്ത വെറും സാധാ​ര​ണ​ക്കാ​രാ​യാ​ണു പരീശ​ന്മാർ കണക്കാ​ക്കി​യി​രു​ന്നത്‌. എന്നാൽ യേശു അവർക്കു പ്രസം​ഗ​പ്ര​വർത്ത​ന​ത്തി​നു വേണ്ട പരിശീ​ലനം നൽകി. യേശു​വി​ന്റെ മരണവും പുനരു​ത്ഥാ​ന​വും പോലെ ജീവി​ത​ത്തി​ലെ ഏറ്റവും പ്രധാ​ന​പ്പെട്ട സമയങ്ങ​ളിൽ അവർ യേശു​വി​ന്റെ​കൂ​ടെ ഉണ്ടായി​രി​ക്കു​മാ​യി​രു​ന്നു. യേശു​വി​നെ​പ്പോ​ലെ ആ 12 പേരിൽ മിക്കവ​രും ഗലീല​ക്കാ​രാ​യി​രു​ന്നു. അവരിൽ ചിലർ വിവാ​ഹി​ത​രും.

അപൂർണ​രാ​യി​രു​ന്ന​തു​കൊണ്ട്‌ ഈ അപ്പോസ്‌ത​ല​ന്മാർക്കും തെറ്റുകൾ പറ്റിയി​രു​ന്നു. ചില​പ്പോൾ അവർ ഒന്നും ആലോ​ചി​ക്കാ​തെ സംസാ​രി​ച്ചു; തെറ്റായ തീരു​മാ​നങ്ങൾ എടുത്തു. മറ്റു ചില​പ്പോൾ അവർക്ക്‌ പെട്ടെന്നു ക്ഷമ നശിച്ചു. ആരാണ്‌ ഏറ്റവും വലിയവൻ എന്നതി​നെ​ക്കു​റി​ച്ചുള്ള തർക്കങ്ങൾപോ​ലും അവരുടെ ഇടയിൽ ഉണ്ടായി. എന്നാൽ യഹോ​വയെ സ്‌നേ​ഹിച്ച നല്ല മനുഷ്യ​രാ​യി​രു​ന്നു അവർ. യേശു പോയ​തി​നു ശേഷം ക്രിസ്‌തീ​യ​സ​ഭ​യു​ടെ ആദ്യ അംഗങ്ങ​ളാ​യി പ്രവർത്തി​ക്കേ​ണ്ടവർ അവരാ​യി​രു​ന്നു.