ഗീതം 5
ദൈവത്തിന്റെ അത്ഭുതചെയ്‌തികൾ
1. യാഹേ അങ്ങറിഞ്ഞീടുന്നല്ലോ,
എൻ നിദ്രയും എൻ ചലനങ്ങളും.
എൻ ചിന്തകൾ ആരാഞ്ഞറിയുന്നു നീ,
അറിയുന്നെൻ വഴികളും
മൊഴികളും.
കണ്ടു അമ്മതൻ ഗർഭത്തിൽ നീ
കുരുന്നെന്റെ ലോലമാം അസ്ഥികൾ;
വരച്ചു നീ നിൻ ഗ്രന്ഥത്തിലെൻ രൂപം.
വാഴ്‌ത്തും ഞാൻ നിൻ വല്ലഭത്വം,
നിൻ മഹത്ത്വം.
നിൻ ജ്ഞാനം ഹാ! എത്രയഗാധം, ശ്രേഷ്‌ഠം!
അറിയുന്നെൻ ഉള്ളം അതു നന്നായ്‌.
ഇരുളെന്നെ വലയം ചെയ്‌തെന്നാലും
കാണുന്നു നീ എന്നെ നിൻ കൺകളാൽ.
നിന്നെ ഒളിച്ചെങ്ങു പോകാൻ ഞാൻ?
യഹോവേ, ഞാൻ എങ്ങു പോയ്‌ മറയാൻ?
ആഴിയിലും ആകാശങ്ങളിൽപ്പോലും
ഇല്ലൊരിടം നിൻ മിഴികൾക്കു
മറവായ്‌.
(സങ്കീ. 66:3; 94:19; യിരെ. 17:10 കൂടെ കാണുക.)