ഗീതം 75
“ഇതാ ഞാൻ, എന്നെ അയച്ചാലും!”
1. വിദ്വേഷികൾ യഹോവ തൻ
വിശുദ്ധനാമം നിന്ദിപ്പൂ.
അശക്തൻ, ദുഷ്ടൻ എന്നെല്ലാം
ആക്ഷേപിപ്പെന്നും ദൈവത്തെ.
ആർ പോകും നിന്ദ നീക്കുവാൻ,
യാഹിൻ മഹത്ത്വം ഘോഷിക്കാൻ?
(കോറസ്‌ 1)
‘എന്നെ അയയ്‌ക്ക, ഞാൻ ഇതാ.
ഞാൻ പാടും സ്‌തുതി യാഹിന്നായ്‌.
ഈ ദൗത്യമോ എത്ര ധന്യമാം.
ഞാൻ ഇതാ, അയയ്‌ക്കെന്നെ!’
2. “ഈ ദൈവമെന്തേ വൈകുന്നൂ?”
എന്നും ചിലർ ആക്ഷേപിപ്പൂ.
അവർക്കു സീസർ ദൈവമാം.
വാഴ്‌ത്തും ചിലർ ബിംബങ്ങളെ.
ആർ പോകും യാഹിൻ നാളിലെ
നീതിയുദ്ധം പ്രഘോഷിക്കാൻ?
(കോറസ്‌ 2)
‘എന്നെ അയയ്‌ക്ക, ഞാൻ ഇതാ.
ഞാൻ യാഹിൻ നാൾ പോയ്‌ ഘോഷിക്കും.
ഈ ദൗത്യമോ എത്ര ധന്യമാം.
ഞാൻ ഇതാ, അയയ്‌ക്കെന്നെ!’
3. ദുഷ്‌ചെയ്‌തി ഭൂവിൽ ഏറുമ്പോൾ,
ദുഃഖാർത്തരായ്‌ നിർദോഷികൾ
ആത്മാർഥമായ്‌ അന്വേഷിപ്പൂ,
ആശ്വാസത്തിൻ സത്യത്തിന്നായ്‌.
ആർ പോകും രാജ്യദൂതുമായ്‌,
ആശ്വാസമെങ്ങും ഘോഷിക്കാൻ?
(കോറസ്‌ 3)
‘എന്നെ അയയ്‌ക്ക, ഞാൻ ഇതാ.
ഞാൻ സൗമ്യർക്കേകും സാന്ത്വനം.
ഈ ദൗത്യമോ എത്ര ധന്യമാം.
ഞാൻ ഇതാ, അയയ്‌ക്കെന്നെ!’
(സങ്കീ. 10:4; യഹ. 9:4 കൂടെ കാണുക.)