നയം

പൗലോ​സി​ന്റെ മാതൃക

വീഡി​യോ: പൗലോസ്‌ ആതൻസു​കാ​രെ സന്തോ​ഷ​വാർത്ത അറിയി​ക്കു​ന്നു

1. വീഡി​യോ കാണുക, അല്ലെങ്കിൽ പ്രവൃ​ത്തി​കൾ 17:22, 23 വായി​ക്കുക. എന്നിട്ട്‌ ഈ ചോദ്യ​ങ്ങൾ ചിന്തി​ക്കുക:

1. എ. ആതൻസി​ലെ വ്യാജ​മ​താ​ചാ​രങ്ങൾ കണ്ടപ്പോൾ പൗലോ​സിന്‌ എന്താണു തോന്നി​യത്‌?—പ്രവൃ. 17:16 കാണുക.

2. ബി. ആതൻസു​കാ​രെ കുറ്റ​പ്പെ​ടു​ത്തു​ന്ന​തി​നു പകരം അവരുടെ വിശ്വാ​സങ്ങൾ ഉപയോ​ഗി​ച്ചു​കൊണ്ട്‌ പൗലോസ്‌ എങ്ങനെ​യാ​ണു നയത്തോ​ടെ സന്തോ​ഷ​വാർത്ത അറിയി​ച്ചത്‌?

പൗലോ​സിൽനിന്ന്‌ എന്തു പഠിക്കാം?

2. നമ്മൾ എന്തു പറയുന്നു എന്നതു മാത്രമല്ല, എങ്ങനെ പറയുന്നു, എപ്പോൾ പറയുന്നു എന്നതും ശ്രദ്ധി​ക്കു​ന്നെ​ങ്കിൽ, ആളുകൾ നമ്മുടെ സന്ദേശം കേൾക്കാ​നുള്ള സാധ്യത കൂടു​ത​ലാണ്‌.

പൗലോ​സി​നെ അനുക​രി​ക്കു​ക

3. വാക്കുകൾ ശ്രദ്ധ​യോ​ടെ തിര​ഞ്ഞെ​ടു​ക്കുക. ഉദാഹ​ര​ണ​ത്തിന്‌, ക്രൈ​സ്‌ത​വ​പ​ശ്ചാ​ത്ത​ല​ത്തിൽ അല്ലാത്ത ഒരാളു​മാ​യി സംസാ​രി​ക്കു​മ്പോൾ യേശു​വെ​ന്നോ ബൈബി​ളെ​ന്നോ പറയു​ന്ന​തി​നു പകരം മറ്റു ചില പദപ്ര​യോ​ഗങ്ങൾ ഉപയോ​ഗി​ക്കേ​ണ്ടി​വ​ന്നേ​ക്കാം.

4. ഒരാളെ പെട്ടെന്നു തിരു​ത്തുന്ന രീതി ഒഴിവാ​ക്കുക. ഉള്ളിലു​ള്ള​തെ​ല്ലാം തുറന്നു​പ​റ​യാൻ അദ്ദേഹത്തെ അനുവ​ദി​ക്കുക. ബൈബിൾപ​ഠി​പ്പി​ക്ക​ലിന്‌ എതിരാ​യി അദ്ദേഹം എന്തെങ്കി​ലും സംസാ​രി​ക്കു​ക​യാ​ണെ​ങ്കിൽ തർക്കി​ക്കാൻപോ​ക​രുത്‌. (യാക്കോ. 1:19) പറയുന്ന കാര്യങ്ങൾ നന്നായി ശ്രദ്ധി​ച്ചാൽ, അദ്ദേഹം എന്താണു വിശ്വ​സി​ക്കു​ന്ന​തെ​ന്നും എന്തു​കൊ​ണ്ടാണ്‌ അതു വിശ്വ​സി​ക്കു​ന്ന​തെ​ന്നും നമുക്കു മനസ്സി​ലാ​ക്കാൻ കഴിയും.—സുഭാ. 20:5.

5. കഴിയു​മ്പോ​ഴെ​ല്ലാം പറയുന്ന കാര്യ​ങ്ങ​ളോ​ടു യോജി​ക്കു​ക​യും അഭിന​ന്ദി​ക്കു​ക​യും ചെയ്യുക. തന്റെ മതവി​ശ്വാ​സ​മാ​ണു ശരി​യെന്ന്‌ അദ്ദേഹം ഉറച്ചു​വി​ശ്വ​സി​ക്കു​ന്നു​ണ്ടാ​കാം. അതു​കൊണ്ട്‌ ആദ്യം നമുക്കും അവർക്കും യോജി​ക്കാൻ കഴിയുന്ന കാര്യ​ങ്ങ​ളെ​ക്കു​റിച്ച്‌ സംസാ​രി​ക്കുക. എന്നിട്ട്‌ പതി​യെ​പ്പ​തി​യെ ബൈബി​ളി​ലെ പഠിപ്പി​ക്ക​ലു​കൾ മനസ്സി​ലാ​ക്കാൻ ആ വ്യക്തിയെ സഹായി​ക്കുക.