ശിഷ്യരാക്കുന്നതിന്
പാഠം 12
തുറന്നുപറയുക
തത്ത്വം: “എണ്ണയും സുഗന്ധക്കൂട്ടും ഹൃദയത്തിനു സന്തോഷമേകുന്നു; ആത്മാർഥമായ ഉപദേശത്തിൽനിന്ന്‌ ഉളവായ മധുരമായ സൗഹൃദവും അതുപോലെ.”—സുഭാ. 27:9.
യേശുവിന്റെ മാതൃക
1. വീഡിയോ കാണുക, അല്ലെങ്കിൽ മർക്കോസ്‌ 10:17-22 വായിക്കുക. എന്നിട്ട്‌ ഈ ചോദ്യങ്ങൾ ചിന്തിക്കുക:
എ. യേശു ആ യുവപ്രമാണിയിൽ എന്തൊക്കെ നല്ല ഗുണങ്ങൾ കണ്ടിരിക്കാം?
ബി. ആ മനുഷ്യനെ ഉപദേശിക്കാൻ യേശുവിന്‌ സ്‌നേഹവും കാര്യങ്ങൾ തുറന്നുപറയാനുള്ള ധൈര്യവും ആവശ്യമായിരുന്നത്‌ എന്തുകൊണ്ട്‌?
യേശുവിൽനിന്ന്‌ എന്തു പഠിക്കാം?
2. വിദ്യാർഥി വരുത്തേണ്ട മാറ്റങ്ങളെക്കുറിച്ച്‌ നമ്മൾ സ്‌നേഹത്തോടെ സംസാരിക്കണം; ഒപ്പം കാര്യങ്ങൾ തുറന്നുപറയുകയും വേണം.
യേശുവിനെ അനുകരിക്കുക
3. ലക്ഷ്യങ്ങൾ വെക്കാനും അതിൽ എത്തിച്ചേരാനും വിദ്യാർഥിയെ സഹായിക്കുക.
എ. ജീവിതം ആസ്വദിക്കാം പുസ്‌തകത്തിലെ ഓരോ പാഠത്തിലെയും “നിങ്ങൾക്കു ചെയ്യാൻ” എന്ന ഭാഗം ഉപയോഗിക്കുക.
ബി. ഹ്രസ്വകാല ലക്ഷ്യങ്ങളിലും ദീർഘകാല ലക്ഷ്യങ്ങളിലും എത്തിച്ചേരാൻ എന്തൊക്കെ ചെയ്യണമെന്ന്‌ മനസ്സിലാക്കാൻ വിദ്യാർഥിയെ സഹായിക്കുക.
സി. വിദ്യാർഥിയുടെ പുരോഗതി വിലയിരുത്തി പതിവായി അഭിനന്ദിക്കുക.
4. വിദ്യാർഥിയുടെ പുരോഗതിക്ക്‌ തടസ്സംനിൽക്കുന്ന കാര്യങ്ങൾ തിരിച്ചറിയുക, അതു മറികടക്കാൻ സഹായിക്കുക.
എ. ചിന്തിച്ചുനോക്കുക:
‘എന്റെ വിദ്യാർഥി സ്‌നാനത്തിലേക്കു പുരോഗമിക്കുന്നില്ലെങ്കിൽ, അദ്ദേഹത്തെ തടയുന്നത്‌ എന്താണ്‌?’
‘അദ്ദേഹത്തെ സഹായിക്കാൻ എനിക്ക്‌ എന്തു ചെയ്യാനാകും?’
ബി. പുരോഗമിക്കാൻ വിദ്യാർഥി ചെയ്യേണ്ട കാര്യങ്ങൾ സ്‌നേഹത്തോടെ തുറന്നുപറയാനുള്ള ധൈര്യത്തിനായി പ്രാർഥിക്കുക.
5. പുരോഗമിക്കാത്ത ബൈബിൾപഠനങ്ങൾ നിറുത്തുക.
എ. വിദ്യാർഥി ശരിക്കും പുരോഗതി വരുത്തുന്നുണ്ടോ എന്നു തീരുമാനിക്കാൻ ഇങ്ങനെ ചിന്തിച്ചുനോക്കുക:
‘പഠിക്കുന്ന കാര്യങ്ങൾക്കു ചേർച്ചയിൽ എന്റെ വിദ്യാർഥി പ്രവർത്തിക്കുന്നുണ്ടോ?’
‘അദ്ദേഹം മീറ്റിങ്ങുകൾക്കു വരുകയും പഠിക്കുന്ന കാര്യങ്ങൾ മറ്റുള്ളവരോടു പറയുകയും ചെയ്യുന്നുണ്ടോ?’
‘ബൈബിൾ പഠിക്കാൻ തുടങ്ങിയിട്ട്‌ കുറെ നാൾ ആയെങ്കിൽ യഹോവയുടെ സാക്ഷി ആകാനുള്ള ആഗ്രഹം അദ്ദേഹത്തിനുണ്ടോ?’
ബി. വിദ്യാർഥി പുരോഗതി വരുത്താൻ തയ്യാറല്ലെങ്കിൽ:
തടസ്സമായി നിൽക്കുന്നത്‌ എന്താണെന്നു ചിന്തിക്കാൻ അദ്ദേഹത്തോടു പറയുക.
എന്തുകൊണ്ടാണ്‌ ബൈബിൾപഠനം നിറുത്തുന്നത്‌ എന്ന്‌ നയത്തോടെ പറയുക.
ബൈബിൾപഠനം വീണ്ടും തുടങ്ങാൻ കഴിയുമെന്നും എന്നാൽ അതിനായി എന്തു ചെയ്യണമെന്നും വിദ്യാർഥിയോടു പറയുക.