മതവും രാഷ്‌ട്ര​വും—ഒരു സംഘട്ട​ന​ത്തി​ന്റെ പാതയി​ലോ?

രാഷ്‌ട്രീ​യാ​ധി​കാ​ര​വും മതാധി​കാ​ര​വും ഒരേ വ്യക്തി​യിൽ നിക്ഷി​പ്‌ത​മാ​ക്കി നിർത്തുന്ന നയത്തിന്‌ തുടക്കം കുറി​ച്ചത്‌ ഹെൻറി എട്ടാമ​നോ​ടു​കൂ​ടി​യാ​യി​രു​ന്നില്ല. അദ്ദേഹ​ത്തി​ന്റെ കാലത്തി​നോ​ടകം തന്നെ അത്‌ ദേശീയ ഐക്യം പുരോ​ഗ​മി​ക്കു​ന്ന​തി​നുള്ള, നന്നായി പരീക്ഷി​ച്ചു കഴിഞ്ഞ ഒരു രാഷ്‌ട്രീയ തന്ത്രമാ​യി തീർത്തി​രു​ന്നു.

ദൃഷ്ടാ​ന്ത​ത്തിന്‌, പുരാതന ഈജി​പ്‌ഷ്യൻ സാമ്രാ​ജ്യ​ത്തിന്‌ നിരവധി ദൈവങ്ങൾ ഉണ്ടായി​രു​ന്നു. “ഫറവോൻ സ്വയം ദേവൻമാ​രിൽ ഒരുവ​നും തന്റെ പ്രജക​ളു​ടെ ജീവി​ത​ത്തി​ലെ ഒരു കേന്ദ്ര​വ്യ​ക്തി​യും ആയിരു​ന്നു” എന്ന്‌ ദി ന്യൂ ബൈബിൾ നിഘണ്ടു പറയുന്നു. അതു​പോ​ലെ റോമാ സാമ്രാ​ജ്യ​ത്തി​നും ചക്രവർത്തി​മാ​രുൾപ്പെ​ടുന്ന ദേവൻമാ​രു​ടെ ഒരു സന്നാഹം തന്നെയു​ണ്ടാ​യി​രു​ന്നു. “റോമാ​ലോ​കമത മണ്ഡലത്തി​ലെ ഏററവും വലിയ ജീവശക്തി”യെന്ന്‌ ചക്രവർത്തി​യാ​രാ​ധ​നയെ ഒരു ചരി​ത്ര​കാ​രൻ വർണ്ണിച്ചു.

സഭാരാ​ഷ്‌ട്ര സംയോ​ഗ​ങ്ങൾക്ക്‌ നൂററാ​ണ്ടു​കൾ പഴക്കം ഉണ്ടെന്നി​രി​ക്കി​ലും ക്രൈ​സ്‌തവ ലോക​ത്തി​ന്റെ ആധുനിക നാളിലെ രാഷ്‌ട്രീ​യ​ത്തി​ലേ​ക്കുള്ള നുഴഞ്ഞു​ക​യ​റ​റങ്ങൾ അവൾ ആരുടെ ആനുകൂ​ല്യ​ത്തി​നു കൊതി​ക്കു​ന്നു​വോ അവരു​മാ​യുള്ള സംഘട്ട​ന​ത്തി​ന്റെ പാതയിൽ തന്നെ അവളെ എത്തിച്ചി​രി​ക്കു​ന്നു. ഇതെന്തു​കൊണ്ട്‌? ഈ ചോദ്യ​ത്തി​നു​ത്തരം നൽകു​ന്ന​തിന്‌ ക്രൈ​സ്‌തവ ലോകം രാഷ്‌ട്രീ​യ​ത്തി​ലുൾപ്പെട്ടു തുടങ്ങി​യ​തെ​ങ്ങനെ എന്നുള്ള​തി​ലേക്ക്‌ ആദ്യം തന്നെ നമുക്ക്‌ ഒരു നിരീ​ക്ഷണം നടത്താം.

സത്യ​ക്രി​സ്‌ത്യാ​നി​ത്വം—ഒരു വിപരീത ചിത്രം

ക്രിസ്‌ത്യാ​നി​ത്വ​ത്തി​ന്റെ സ്ഥാപക​നായ യേശു​ക്രി​സ്‌തു സകല രാഷ്‌ട്രീയ അധികാ​ര​വും നിരസി​ച്ചി​രു​ന്നു. കുറഞ്ഞത്‌ ഒരവസ​ര​ത്തിൽ അവന്റെ അത്ഭുത പ്രവൃ​ത്തി​കൾ കണ്ട്‌ ഉത്സാഹ​ഭ​രി​ത​രാ​യി​ത്തീർന്ന ജനം ബലം പ്രയോ​ഗിച്ച്‌ അവനെ രാജാ​വാ​ക്കാൻ ശ്രമി​ച്ച​പ്പോൾ, അവൻ പക്ഷേ “ഏകനായി വീണ്ടും മലയി​ലേക്കു പിൻവാ​ങ്ങി​പ്പോ​യി” (യോഹ​ന്നാൻ 6:16) അവനൊ​രു രാജാവു തന്നെയോ എന്ന്‌ റോമാ ഗവർണ്ണർ ചോദി​ച്ച​പ്പോൾ യേശു ഇങ്ങനെ മറുപടി നൽകി: “എന്റെ രാജ്യം ഈ ലോക​ത്തി​ന്റെ ഭാഗമല്ല, എന്റെ രാജ്യം ഈ ലോക​ത്തി​ന്റെ ഭാഗമാ​യി​രു​ന്നു​വെ​ങ്കിൽ ഞാൻ യഹൂദൻമാ​രു​ടെ കയ്യിൽ അകപ്പെ​ടാ​ത​വണ്ണം എന്റെ സേവകൻമാർ പോരാ​ടു​മാ​യി​രു​ന്നു.”—യോഹ​ന്നാൻ 18:36.

യേശു കൂടു​ത​ലാ​യി തന്റെ ശിഷ്യൻമാ​രോ​ടി​ങ്ങനെ പറഞ്ഞു: “നിങ്ങൾ ലോക​ത്തി​ന്റെ ഭാഗമ​ല്ലാ​തെ, ഞാൻ നിങ്ങളെ ലോക​ത്തിൽ നിന്നു തെര​ഞ്ഞെ​ടു​ത്തി​രി​ക്ക​യാൽ ഇതു ഹേതു​വാ​യി ലോകം നിങ്ങളെ വെറു​ക്കു​ന്നു.” (യോഹ​ന്നാൻ 15:19) അതു​കൊണ്ട്‌ ആദിമ ക്രിസ്‌ത്യാ​നി​കൾ സാമൂ​ഹി​ക​മോ രാഷ്‌ട്രീ​യ​മോ ആയ പ്രശ്‌ന​ങ്ങ​ളാൽ തങ്ങളുടെ പാതയിൽ നിന്നു വ്യതി​ച​ലി​ക്ക​പ്പെ​ട്ടി​രു​ന്നില്ല. ഉദാഹ​ര​ണ​ത്തിന്‌ അടിമത്തം അന്നൊരു പ്രമു​ഖ​പ്ര​ശ്‌നം ആയിരു​ന്നു. പക്ഷേ അതു നിർത്ത​ലാ​ക്കാൻ ക്രിസ്‌ത്യാ​നി​കൾ പോരാ​ടി​യില്ല. മറിച്ച്‌ ക്രിസ്‌ത്യാ​നി​ക​ളായ അടിമ​ക​ളോട്‌ അവരുടെ യജമാ​നൻമാ​രെ അനുസ​രി​ക്കു​ന്ന​തിന്‌ കല്‌പി​ക്ക​യ​ത്രേ ചെയ്‌തത്‌.—കൊ​ലോ​സ്യർ 3:22.

രാഷ്‌ട്രീ​യ​ത്തിൽ വ്യാപൃ​ത​രാ​കാ​തെ ഈ ആദിമ ക്രിസ്‌ത്യാ​നി​കൾ “ദൈവ​രാ​ജ്യ”ത്തെക്കു​റിച്ച്‌ പ്രസം​ഗി​ക്കുന്ന വേല നിവർത്തി​ക്കാ​നി​റ​ങ്ങി​ത്തി​രി​ച്ചു. (പ്രവൃ​ത്തി​കൾ 28:23) ചുരു​ങ്ങിയ ചില ദശാബ്ദ​ങ്ങൾക്കകം ഈ സന്ദേശം അന്നറി​യ​പ്പെ​ട്ടി​രുന്ന ലോക​ത്തി​ന്റെ അറുതി​ക​ളി​ലേക്ക്‌ എത്തി. (കൊ​ലോ​സ്യർ 1:23) അതിന്റെ ഫലം എന്തായി​രു​ന്നു? ആയിരങ്ങൾ പ്രതി​ക​രി​ക്ക​യും ആത്മീയ ‘സഹോ​ദ​രീ​സ​ഹോ​ദ​രൻമാർ’ ആയിത്തീ​രു​ക​യും ചെയ്‌തു. (മത്തായി 23:8, 9) ക്രിസ്‌ത്യാ​നി​ക​ളാ​യി​ത്തീർന്ന യഹൂദൻമാ​രും ജാതി​ക​ളും അവരുടെ ശത്രു​തകൾ അവസാ​നി​പ്പി​ച്ചു. ക്രിസ്‌ത്യാ​നി​കൾക്ക​ന്യോ​ന്യം ഉണ്ടായി​രുന്ന “ഗാഢമായ സ്‌നേഹം” നിമിത്തം യഹൂദൻമാർക്കും ശമര്യർക്കു​മി​ട​യിൽ ഉണ്ടായി​രുന്ന ഗുരു​ത​ര​മായ ഭിന്നത​കൾപോ​ലും അപ്രത്യ​ക്ഷ​മാ​യി.—1 പത്രോസ്‌ 4:8.

ക്രിസ്‌തീ​യ സ്‌നേഹം, പക്ഷേ ശത്രു​ക്ക​ളി​ലേ​ക്കും വ്യാപി​ച്ചു. (മത്തായി 5:44) അതു​കൊണ്ട്‌ അവർ കൈസ​രു​ടെ സൈന്യ​ങ്ങ​ളിൽ ചേരാൻ വിസമ്മ​തി​ച്ചു. ‘“കൈസർക്കു​ള്ളത്‌ കൈസർക്ക്‌ . . . തിരികെ കൊടു​ക്കുക” എന്ന്‌ യേശു പറഞ്ഞില്ലേ?’ എന്ന്‌ ചിലർ എതിർത്തു പറഞ്ഞേ​ക്കാം. ശരിയാണ്‌. പക്ഷേ, യേശു സൈന്യ സേവന​ത്തെ​പ്പ​ററി സംസാ​രി​ക്കു​ക​യാ​യി​രു​ന്നു​വോ? അല്ല. ‘കൈസർക്കു കരം കൊടു​ക്ക​ണ​മോ വേണ്ടയോ’ എന്ന പ്രശ്‌നം കേവലം ചർച്ച ചെയ്യു​ക​യാ​യി​രു​ന്നു അവൻ. (മത്തായി 22:15-21) അതു​കൊണ്ട്‌ ക്രിസ്‌ത്യാ​നി​കൾ നികു​തി​കൊ​ടു​ത്തി​രു​ന്നു. എങ്കിലും തങ്ങളുടെ ജീവനെ ദൈവ​ത്തി​നു സമർപ്പി​ക്ക​പ്പെ​ട്ട​താ​യി വീക്ഷി​ക്കു​ക​യും അവരുടെ സഹമനു​ഷ്യ​നെ ദ്രോ​ഹി​ക്കാൻ വിസമ്മ​തി​ക്ക​യും ചെയ്‌തു.

ലോക​ത്തി​ന്റെ സ്‌നേ​ഹി​ത​നാ​കൽ

‘എന്നാൽ ഇന്നത്തെ ക്രൈ​സ്‌തവ ലോക​ത്തി​ലേക്കു നോക്കുക’ എന്ന്‌ ചിലർ പറഞ്ഞേ​ക്കാം. “അത്‌ ആശയററ വിധം വിഭജി​ത​മാണ്‌, അതിന്റെ അംഗങ്ങൾ അന്യോ​ന്യം കൊല്ലു​ന്നു. അതിന്റെ പുരോ​ഹി​ത​വർഗ്ഗം രാഷ്‌ട്രീ​യ​ത്തിൽ മുഴു​കി​യു​മി​രി​ക്കു​ന്നു. ക്രിസ്‌ത്യാ​നി​ത്വ​ത്തിന്‌ എന്തു സംഭവി​ച്ചു?” കൊള്ളാം, സത്യ​ക്രി​സ്‌ത്യാ​നി​കൾക്കി​ട​യിൽ വ്യാജ​ക്രി​സ്‌ത്യാ​നി​ക​ളും “വിതയ്‌ക്ക​പ്പെ​ടും” എന്ന്‌ യേശു മുന്നറി​യി​പ്പു നൽകി. (മത്തായി 13:24-30) സമാന​മാ​യി പൗലോസ്‌ പ്രവചി​ച്ചു: “മർദ്ദക​രായ ചെന്നാ​യ്‌കൾ നിങ്ങളു​ടെ ഇടയിൽ പ്രവേ​ശി​ക്ക​യും . . . ആളുകൾ എഴു​ന്നേ​ററ്‌ തങ്ങളുടെ പിന്നാലെ ശിഷ്യൻമാ​രെ വലിച്ചു​ക​ള​യാൻ തക്കവണ്ണം വളച്ചൊ​ടിച്ച കാര്യങ്ങൾ സംസാ​രി​ക്ക​യും ചെയ്യും എന്ന്‌ ഞാനറി​യു​ന്നു.”—പ്രവൃ​ത്തി​കൾ 20:29, 30.

ഒന്നാം നൂററാ​ണ്ടിൽ തന്നെ ഈ പ്രവർത്തനം ആരംഭി​ച്ചി​രു​ന്നു. പിൻവ​രുന്ന സ്‌പഷ്ട​മായ വാക്കു​ക​ളി​ലെ​ഴു​തു​ന്നത്‌ ആവശ്യം എന്ന്‌ ശിഷ്യ​നായ യാക്കോബ്‌ കണ്ടെത്തി: “വ്യഭി​ചാ​രി​ണി​ക​ളായ ഭാര്യ​മാ​രേ​പ്പോ​ലെ നിങ്ങൾ അത്ര അവിശ്വ​സ്‌ത​രാണ്‌; ലോകത്തെ നിങ്ങളു​ടെ സുഹൃ​ത്താ​ക്കു​ക​യെ​ന്നാൽ ദൈവത്തെ നിങ്ങളു​ടെ ശത്രു​വാ​ക്കു​ക​യല്ലേ എന്ന്‌ നിങ്ങൾ തിരി​ച്ച​റി​യു​ന്നി​ല്ല​യോ?” (യാക്കോബ്‌ 4:4, യരൂശ​ലേം ബൈബിൾ; ഐററാ​ലി​ക്‌സ്‌ ഞങ്ങളു​ടേത്‌) കോൺസ്‌റ​റൻറ​യിൻ ചക്രവർത്തി എന്ന, ചെമ്മരി​യാ​ടി​ന്റെ വേഷമ​ണിഞ്ഞ ചെന്നായ്‌ 4-ാം നൂററാ​ണ്ടിൽ കലുഷി​ത​മായ “ക്രിസ്‌ത്യാ​നി​ത്വ​ത്തെ” റോമാ സാമ്രാ​ജ്യ​ത്തി​ന്റെ ഔദ്യോ​ഗിക മതമാ​ക്കി​ക്കൊണ്ട്‌ അനുര​ഞ്‌ജ​ന​പ്പെ​ടു​ത്തു​ന്ന​തി​നു കഴിയു​മാറ്‌ ഈ ദിവ്യ ബുദ്ധി​യു​പ​ദേ​ശത്തെ അനേകർ അവഗണി​ച്ചു. പക്ഷേ “ലോക​ത്തി​ന്റെ സ്‌നേ​ഹി​തൻ” ആകുക വഴി ക്രൈ​സ്‌തവ ലോകം ദൈവ​ത്തി​ന്റെ ശത്രു​വാ​യി​ത്തീർന്നു. കാലാ​ന്ത​ര​ത്തിൽ ഒരു സംഘട്ടനം അനിവാ​ര്യ​മാ​യി​ത്തീ​രു​ക​യും ചെയ്‌തു.

പതിമൂ​ന്നാം നൂററാ​ണ്ടാ​യ​തോ​ടെ “പോപ്പി”നാൽ അഥവാ “പിതാവി”നാൽ ഭരിക്ക​പ്പെ​ടുന്ന സഭ അതിന്റെ “അധികാ​ര​ത്തി​ന്റെ അത്യുച്ച”ത്തിൽ എത്തിയി​രു​ന്നു. ഇതു സഭയും രാഷ്‌ട്ര​വും തമ്മിലുള്ള കൂടുതൽ അടുത്ത ഒരു വിവാ​ഹ​ത്തിന്‌ വേദി​യൊ​രു​ക്കി. “പത്രോ​സിന്‌ കർത്താവ്‌ ആഗോള സഭയെ മാത്രമല്ല മുഴു ലോക​ത്തെ​യും ഭരിക്കാ​നുള്ള അധികാ​രം നൽകി” എന്ന്‌ പോപ്പ്‌ ഇന്നസൻറ്‌ മൂന്നാ​മനു ബോധ്യ​മാ​യി​ത്തീർന്നു. (ഐററാ​ലി​ക്‌സ്‌ ഞങ്ങളു​ടേത്‌) “സാമ്രാ​ജ്യ​വും പാപ്പാ​ധി​പ​ത്യ​വും” എന്ന പുസ്‌ത​ക​ത്തിൽ ചരിത്ര പ്രൊ​ഫ​സ​റായ ററി. എഫ്‌. ററൗട്ട്‌ ഇങ്ങനെ തുടരു​ന്നു: “ഇന്നസൻറി​ന്റെ പ്രവൃ​ത്തി​കൾ ഒരു സഭാധി​പ​തി​യായ രാജ്യ​ത​ന്ത്ര​ജ്ഞ​ന്റേ​താ​യി​രു​ന്നു, . . . രാജാ​ക്കൻമാ​രെ​യും ചക്രവർത്തി​മാ​രെ​യും തന്റെ ഇച്ഛാനു​സ​രണം വാഴി​ക്ക​യും നീക്കു​ക​യും ചെയ്യു​ന്നതു തന്നെ.” അതേ എഴുത്തു​കാ​രൻ തന്നെ ഇങ്ങനെ കൂട്ടി​ച്ചേർക്കു​ന്നു: “പാപ്പാ​യു​ടെ അധികാ​ര​ത്തിന്‌ എത്ര​യേറെ രാഷ്‌ട്രീയ ഭാവം കൈവ​രു​ന്നു​വോ നിയമ​ത്തി​ന്റെ​യും ധാർമ്മി​ക​ത​യു​ടെ​യും മതത്തി​ന്റെ​യും ഉറവിടം എന്ന നിലയിൽ അതിന്റെ അന്തസ്സ്‌ ഉയർത്തി​പ്പി​ടി​ക്കുക അത്ര​യേറെ ബുദ്ധി​മു​ട്ടാ​യി​ത്തീർന്നു.”

മതവും യുദ്ധവും.

യുദ്ധം എന്നത്‌ അധികം ഹിംസാ​ത്മ​ക​മായ തോതി​ലുള്ള രാഷ്‌ട്രീ​യ​മാണ്‌. തെക്കെ ഫ്രാൻസി​ലുള്ള ആൽബി​ജൻസ്സി​നെ​തി​രെ പോപ്പ്‌ ഇന്നസൻറ്‌ മൂന്നാമൻ വ്യക്തി​പ​ര​മാ​യി ഒരു സായുധ ആക്രമണം സംഘടി​പ്പി​ച്ചു. ഇത്‌ ആയിര​ത്തി​ഇ​രു​നൂ​റ​റി​ഒൻപ​തിൽ ബസ്സാ​യേ​ഴ്‌സിൽ വച്ചു ആയിര​ക്ക​ണ​ക്കി​നാ​ളു​ക​ളു​ടെ ഘോര​മായ കൂട്ട​ക്കൊ​ല​ക്കും ഹോളി ഇൻക്യൂ​സി​ഷൻ മുഖേന അതിനി​ര​യാ​യ​വ​രു​ടെ കൂട്ടദ​ഹ​ന​ത്തി​നും വഴി​തെ​ളി​ച്ചു. പ്രാരം​ഭ​ത്തിൽ പലസ്‌തീ​നെ ഉദ്ദേശി​ച്ചു നടത്തിയ ഒരു കുരിശ്‌ യുദ്ധം പിന്നീട്‌ രാഷ്‌ട്രീയ ഗൂഢത​ന്ത്ര​ത്തി​ലൂ​ടെ കോൺസ​റ​റാൻറി​നോ​പ്പി​ളി​നേ​കൂ​ടി ഉൾപ്പെ​ടു​ത്തു​ന്ന​തിന്‌ തിരി​ച്ചു​വി​ട്ടു. അവിടെ “ക്രിസ്‌തീയ” പ്രമാ​ണി​മാർ കൊള്ള​യു​ടെ​യും കൊല​പാ​ത​ക​ത്തി​ന്റെ​യും കാമാർത്തി​യു​ടെ​യും കവർച്ച​യു​ടെ​യും ബീഭത്സ​മായ മൂന്നു ദിനങ്ങ​ളിൽ ആറാടി. ആരുടെ മേൽ? സഹക്രി​സ്‌ത്യാ​നി​ക​ളു​ടെ മേൽ! ഒരു ചരി​ത്ര​കാ​രൻ പറയുന്നു: “അതേ സഭകൾ തന്നെ നിർദ്ദയം കൊള്ള​യ​ടി​യ്‌ക്ക​പ്പെട്ടു.”

ഈ ക്രിസ്‌തു​സ​മാ​ന​മ​ല്ലാത്ത സഭയുടെ നടപടി​ക്ര​മങ്ങൾ 1517-ൽ വിററൻബർഗ്ഗി​ലെ കാസ്സിൽ ചർച്ചിന്റെ കവാട​ത്തി​ങ്കൽ മാർട്ടിൻ ലൂഥർ വെല്ലു​വി​ളി ഉയർത്തിയ തന്റെ പ്രബന്ധം ആണിയ​ടി​ച്ചു വയ്‌ക്കു​ന്ന​തി​ലേക്ക്‌ ആത്യന്തി​ക​മാ​യി വഴി​തെ​ളി​ച്ചു—അതോടെ നവോ​ത്ഥാ​ന​ത്തിന്‌ ആരംഭ​മി​ട്ടു. എന്നാൽ യൂറോ​പ്പി​ന്റെ ചരിത്രം എന്ന തന്റെ പുസ്‌ത​ക​ത്തിൽ എച്ച്‌. ഏ. എൽഫിഷർ ഇങ്ങനെ പറയുന്നു: “ഈ പുതിയ കുററ​സ​മ്മതം . . . പ്രഭു​ക്കൻമാ​രു​ടെ​യും ഗവൺമെൻറി​ന്റെ​യും ആനുകൂ​ല്യ​ത്തെ അങ്ങേയ​ററം ആശ്രയി​ച്ചു​ള്ള​താ​യി​രു​ന്നു.” ജർമ്മനി രാഷ്‌ട്രീയ മതചേ​രി​ക​ളിൽ വിഭജി​ത​മാ​യി​തീർന്നു. ഫ്രാൻസിൽ കാൽവിൻ പക്ഷക്കാർ അതു​പോ​ലെ രാഷ്‌ട്രീയ നേതാ​ക്കൻമാ​രോട്‌ കൂടി​ച്ചേർന്നു. തുടർന്നു​വന്ന മതയു​ദ്ധങ്ങൾ മതപര​മായ വിമോ​ച​ന​ത്തി​നു​വേണ്ടി മാത്രമല്ല പിന്നെ​യോ പ്രൊ​ട്ട​സ്‌റ​റൻറു പ്രഭു​ക്കൻമാ​രും റോമൻ കത്തോ​ലി​ക്കാ പ്രഭൂ​ക്കൻമാ​രും തമ്മിൽ കിരീ​ട​ത്തിൻമേ​ലുള്ള നിയ​ന്ത്ര​ണ​ത്തി​നു​വേണ്ടി നടത്തിയ കിടമ​ത്സരം നിമി​ത്ത​വും കൂടി​യാ​യി​രു​ന്നു. അങ്ങനെ യൂറോ​പ്പി​ലെ മതചരി​ത്രം രക്തത്തിൽ എഴുത​പ്പെ​ട്ടി​ട്ടു​ള്ള​താണ്‌!

തെക്കെ ആഫ്രി​ക്ക​യിൽ ബ്രിട്ട​നും ബോവ​റും ഏററു​മു​ട്ട​ലിൽ അന്യോ​ന്യം കുടു​ങ്ങിയ സ്ഥിതി​യി​ലാ​യി​രു​ന്നു. 20-ാം നൂററാണ്ട്‌ ഉദയം കൊണ്ടത്‌. “പുരോ​ഹിത പീഠത്തിൽനി​ന്നുള്ള ഉൽബോ​ധ​നങ്ങൾ വഴി ഇരുവ​ശ​ങ്ങ​ളി​ലും ഉള്ള പുരോ​ഹി​തൻമാർ തീ നാളങ്ങൾ ആളിപ്പ​ട​രു​വാ​നി​ട​യാ​ക്കി. ആർ. ക്രൂഗർ എന്ന ചരി​ത്ര​കാ​രൻ ഇങ്ങനെ പറയുന്നു: “യുദ്ധസ​മ​യത്ത്‌ ഇരു കക്ഷിക​ളും സ്വർഗ്ഗത്തെ നോക്കി നടത്തിയ അഭയയാ​ച​ന​ക​ളു​ടെ ബാഹു​ല്യം നോക്കു​മ്പോൾ അവരുടെ വിഭാ​ഗീ​യ​മായ ആന്തരങ്ങ​ളു​ടെ പെരു​പ്പ​ത്തോട്‌ അതൊ​ക്കു​ന്നു. വെള്ളക്കാ​രായ “ക്രിസ്‌ത്യാ​നി​കൾ” അന്യോ​ന്യം കൊല്ലു​ക​യും ദൈവ​ത്തോട്‌ അതിനു​വേണ്ടി സഹായം അഭ്യർത്ഥി​ക്ക​യും ചെയ്‌തു.

ആയിര​ത്തി​ത്തൊ​ള്ളാ​യി​രത്തി പതിനാ​ലിൽ ജർമ്മൻപട “ഗോട്ട്‌ മിററ്‌ ഉണ്ട്‌സ്‌” (ദൈവം നമ്മോടു കൂടെ) എന്ന വാക്കുകൾ കൊത്തിയ ബൽററു​കൾ ധരിച്ച്‌ ബൽജീ​യ​ത്തി​ലേക്ക്‌ മാർച്ച്‌ ചെയ്‌ത​പ്പോൾ ഒരു ഭീമമായ തോതിൽ ഈ മാതൃക ആവർത്തി​ക്ക​പ്പെട്ടു. ഇരുവ​ശ​ങ്ങ​ളി​ലു​മുള്ള സഭ വിജയ​ത്തി​നാ​യുള്ള പ്രാർത്ഥ​ന​യി​ലും ശത്രു​വി​നു നേരെ​യുള്ള പരിഹാ​സ​ത്തി​ലും സമ്പന്നമാ​യി​രു​ന്നു.

ഒന്നാം ലോക​മ​ഹാ​യു​ദ്ധ​ത്തി​ലെ മതത്തിന്റെ പങ്ക്‌ ജനസഞ്ച​യ​ങ്ങളെ നിരാ​ശ​രാ​ക്കു​ന്നു. മതത്തെ “മനുഷ്യ​രു​ടെ കറുപ്പ്‌” എന്നു വിളി​ച്ചു​കൊണ്ട്‌ നിരീ​ശ്വര വാദി​ക​ളു​ടെ​യും കമ്മ്യൂ​ണി​സ​റ​റു​കാ​രു​ടെ​യും എണ്ണം പെരുകി. എന്നിരു​ന്നാ​ലും മുസ്സോ​ളി​നി, ഫ്രാങ്കോ തുടങ്ങിയ ഫാസി​സ്‌ററ്‌ സ്വേച്ഛാ​ധി​കാ​രി​കളെ പിന്താ​ങ്ങി​ക്കൊണ്ട്‌ പുരോ​ഹിത വർഗ്ഗം അവരുടെ രാഷ്‌ട്രീയ ഉൾപ്പെടൽ തുടർന്നു​കൊ​ണ്ടി​രി​ക്കു​ന്നു. 1933-ൽ റോമൻ കത്തോ​ലി​ക്കാ സഭ നാസി​ക​ളു​മാ​യി ഒരുട​മ്പ​ടി​യിൽ ഏർപ്പെട്ടു. കർദ്ദി​നാൾ ഫോൾ ഹെയ്‌ബർ ഹിററ്‌ലർക്ക്‌ ഇങ്ങനെ​യെ​ഴു​തി: “പാപ്പാ​ധി​പ​ത്യ​വു​മാ​യുള്ള ഈ ഹസ്‌ത​ദാ​നം . . . അളവററ വിധം അനുഗൃ​ഹീ​ത​മായ ഒരു ഉൽകൃ​ഷ്ട​കൃ​ത്യം ആണ്‌. റീക്‌ ചാൻസി​ലറെ [ഹിററ്‌ലർ] ദൈവം പരിര​ക്ഷി​ക്കട്ടെ.

മറെറാ​രു ലോക​യു​ദ്ധ​ത്തി​ന്റെ സാദ്ധ്യ​ത​പോ​ലും പുരോ​ഹി​ത​വർഗ്ഗത്തെ രാഷ്‌ട്രീ​യ​ത്തിൽ നിന്നക​ററി നിർത്തി​യില്ല. ഇടതു​പ​ക്ഷ​രാ​ഷ്‌ട്രീയ നിലപാ​ടി​ലേ​ക്കുള്ള ചായ്‌വാണ്‌ ചില സഭകളിൽ ഈയി​ടെ​യാ​യി കണ്ടു വരുന്ന ഒരു പ്രവണത. ഒരു എഴുത്തു​കാ​രൻ ഇങ്ങനെ പറയുന്നു: “ലാററിൻ അമേരി​ക്ക​യിൽ നിന്നുള്ള ദൈവ​ശാ​ത്ര​ജ്ഞൻമാ​രു​ടെ ആനുകാ​ലിക തലമുറ . . . ക്രിസ്‌ത്യാ​നി​ത്വ​ത്തി​ന്റെ ഒഴിവാ​ക്കാ​നാ​വാത്ത രാഷ്‌ട്രീ​യ​ഭാ​വ​മാണ്‌ മാർക്‌സി​സം എന്ന്‌ ശഠിക്കു​ന്നു.” പക്ഷേ, ബൈബിൾ മുന്നറി​യിപ്പ്‌ നൽകുന്നു: “അവർ കാററു വിതക്കു​ന്നു; അവർ കൊടു​ങ്കാ​ററു കൊയ്യും.—ഹോശയാ 8:7, യരൂശ​ലേം ബൈബിൾ.

കൊടു​ങ്കാ​ററു കൊയ്യു​ന്നു

അതെ, ബൈബിൾ ഒരു ഉൽകൃ​ഷ്ട​മായ മുന്നറി​യിപ്പ്‌ നൽകുന്നു. മതവും രാഷ്‌ട്ര​വും തമ്മിലുള്ള ഘോര​മായ ഒരേറ​റു​മു​ട്ടൽ വരുന്നു. വെളി​പ്പാ​ടു പുസ്‌തകം 17-ാം അദ്ധ്യാ​യ​ത്തിൽ ബൈബിൾ രക്തപങ്കി​ല​മായ വ്യാജ​മ​ത​ത്തി​ന്റെ ലോക സാമ്രാ​ജ്യ​ത്തെ “വെള്ളങ്ങൾക്കു മീതെ​യി​രി​ക്കുന്ന ഒരു മഹാ​വേശ്യ” ആയി ചിത്രീ​ക​രി​ക്കു​ന്നു. ഈ “വെള്ളങ്ങൾ ആളുക​ളെ​യും ജനതക​ളെ​യും പ്രതി​നി​ധാ​നം ചെയ്യുന്നു. വേശ്യ​മാ​രു​ടെ​യും ഭൂമി​യി​ലെ മ്ലേച്ഛത​ക​ളു​ടെ​യും മാതാ​വായ മഹാബാ​ബി​ലോൺ എന്നാണ്‌ ഈ വേശ്യക്കു നാമക​രണം ചെയ്‌തി​രി​ക്കു​ന്നത്‌. അവൾ വിശു​ദ്ധൻമാ​രു​ടെ “രക്തം കുടിച്ച്‌ മത്തു പിടി​ച്ചി​രി​ക്കു​ന്നു.” (വാക്യങ്ങൾ 5, 6) “ബാബി​ലോൺ” എന്ന പേര്‌ സംഘടിത വ്യാജ​മ​ത​ത്തി​നു ചേരുന്ന നാമമാണ്‌. കാരണം അവളുടെ ഉപദേ​ശ​ങ്ങ​ളിൽ അനവധി​യും പുരാതന നഗരമായ ബാബി​ലോ​ണിൽ നിന്ന്‌ ഉടലെ​ടു​ത്തി​ട്ടു​ള്ള​വ​യാണ്‌.a സത്യ​ക്രി​സ്‌ത്യാ​നി​കളെ നൂററാ​ണ്ടു​ക​ളി​ലു​ട​നീ​ളം പീഡി​പ്പി​ച്ച​തി​ലൂ​ടെ അവൾ തനിക്കു​തന്നെ ഒരു കൊല​പാ​ത​കി​യു​ടെ ദുഷ്‌കീർത്തി സമ്പാദി​ച്ചി​ട്ടുണ്ട്‌.

“ഏഴുത​ല​ക​ളോ​ടും” പത്തുരാ​ജാ​ക്കൻമാ​രെ അർത്ഥമാ​ക്കുന്ന “പത്തു കൊമ്പുക”ളോടും കൂടിയ ഒരു മൃഗത്തിൻമേൽ സവാരി​ചെ​യ്യു​ന്ന​താ​യി വ്യാജമത ലോക സാമ്രാ​ജ്യ​ത്തെ വീണ്ടും ചിത്രീ​ക​രി​ച്ചി​രി​ക്കു​ന്നു. (വാക്യങ്ങൾ 3, 12) ഈ പത്രി​ക​യു​ടെ മുൻലേ​ഖ​നങ്ങൾ ഈ മൃഗത്തെ ലോക​സ​മാ​ധാന പരിപാ​ലനം ഭരമേൽപ്പി​ക്ക​പ്പെ​ട്ടി​രി​ക്കുന്ന ഉപകര​ണ​മായ ഐക്യ​രാ​ഷ്‌ട്ര​ങ്ങ​ളാ​യി തിരി​ച്ച​റി​യി​ച്ചി​ട്ടുണ്ട്‌. ഈ സംഘട​ന​ക്കുള്ള പിന്തുണ സഭകൾ രേഖ​പ്പെ​ടു​ത്തി​യി​രി​ക്കു​ന്നു. 1965 ഒക്‌ടോ​ബ​റിൽ പോൾ ആറാമൻ പാപ്പാ, ഐക്യ​രാ​ഷ്‌ട്ര​ങ്ങളെ സഭാ രാഷ്‌ട്ര​സ​ന്ധി​യു​ടെ​യും “സമാധാ​ന​ത്തി​ന്റെ​യും അന്തിമ ആശാ​കേ​ന്ദ്രം” എന്നു വർണ്ണിച്ചു. പോപ്പ്‌ ജോൺ പോൾ രണ്ടാമൻ 1979-ൽ ഐക്യ​രാ​ഷ്‌ട്ര​പൊ​തു​സ​ഭയെ അഭിസം​ബോ​ധന ചെയ്‌തു ക്രിസ്‌തു​വി​നെ​യോ അവന്റെ രാജ്യ​ത്തെ​യോ ഒരിക്കൽപോ​ലും പരാമർശി​ക്കാ​തെ ഐക്യ​രാ​ഷ്‌ട്ര​ങ്ങളെ “സമാധാ​ന​ത്തി​ന്റെ​യും നീതി​യു​ടെ​യും അത്യുന്നത വേദി” എന്ന്‌ വിശേ​ഷി​പ്പി​ച്ചു.

സഭയു​ടെ​യും ഐക്യ​രാ​ഷ്‌ട്ര​ങ്ങ​ളു​ടെ​യും ഈ സംയോ​ഗം എന്തു​കൊ​ണ്ടാ​ണി​ത്ര അപകട​കാ​രി​യാ​യി​രി​ക്കു​ന്നത്‌? എന്തു​കൊ​ണ്ടെ​ന്നാൽ “പത്തു​കൊ​മ്പു​ക​ളും . . . കാട്ടു​മൃ​ഗ​വും, ഇവ വേശ്യയെ വെറുത്ത്‌ അവളെ ശൂന്യ​വും നഗ്നവു​മാ​ക്കി . . . അഗ്നിയിൽ പരിപൂർണ്ണ​മാ​യി ദഹിപ്പി​ക്കും.” (വാക്യം 16) വ്യാജ​മതം അങ്ങനെ രാഷ്‌ട്രീയ ശക്തിക​ളു​മാ​യി അത്യന്തം വിനാ​ശ​ക​ര​മായ സംഘട്ട​ന​ത്തി​ലേക്ക്‌ നേരെ പൊയ്‌ക്കൊ​ണ്ടി​രി​ക്കു​ന്നു. നഗ്നമാ​ക്ക​പ്പെ​ടു​ക​യും അവളുടെ മലീമ​സ​മായ അശുദ്ധി വെളി​പ്പെ​ടു​ത്ത​പ്പെ​ടു​ക​യും ചെയ്‌തു​കൊണ്ട്‌ അവൾ നിശ്ശേഷം നശിപ്പി​ക്ക​പ്പെ​ടും.

അത്‌ യേശു​പറഞ്ഞ മഹോ​പ​ദ്ര​വ​ത്തിന്‌ തീകൊ​ളു​ത്തു​ക​യും അർമ്മ​ഗെ​ദ്ദോൻ യുദ്ധത്തിൽ അവസാ​നി​ക്കു​ക​യും ചെയ്യും. യേശു അജയ്യരായ ദൂത​സൈ​ന്യ​ത്തി​ന്റെ പിന്തു​ണ​യാൽ ഭൂമിയെ അവകാ​ശ​മാ​ക്കുന്ന സൗമ്യ​ത​യു​ള്ള​വരെ മാത്രം അവശേ​ഷി​പ്പി​ച്ചു​കൊണ്ട്‌, സാത്താന്റെ ലോക​വ്യ​വ​സ്ഥി​തി​യെ “തകർത്തു നശിപ്പി​ക്കും.” ഇതര കാര്യ​ങ്ങ​ളി​ലെന്ന പോലെ, വിഭാ​ഗീയ രാഷ്‌ട്രീ​യ​ത്തിൽ നിന്നും അകന്നു മാറിയ സത്യ​ക്രി​സ്‌ത്യാ​നി​കൾ ഇവരാ​യി​രി​ക്കും.—മത്തായി 24:21; ദാനി​യേൽ 2:44; സങ്കീർത്ത​നങ്ങൾ 37:10, 11; മത്തായി 5:5; വെളി​പ്പാട്‌ 6:2; 16:14-16.

വ്യാജ​മ​തം ദൈവ​നാ​മ​ത്തിൻമേൽ ചൊരി​ഞ്ഞി​രി​ക്കുന്ന ദ്രോ​ഹ​വും നിന്ദയും നിമിത്തം അസ്വസ്ഥ​നാ​കുന്ന ഒരാളാണ്‌ നിങ്ങ​ളെ​ങ്കിൽ നിങ്ങളി​പ്പോൾ എന്തു ചെയ്യുന്നു? ബൈബിൾ കല്‌പി​ക്കു​ന്നു: “എന്റെ ജനമാ​യു​ള്ളോ​രേ, അവളുടെ പാപങ്ങ​ളിൽ കൂട്ടാ​ളി​ക​ളാ​കാ​തെ​യും, അവളുടെ ബാധക​ളിൽ ഓഹരി​ക്കാ​രാ​കാ​തെ​യു​മി​രി​പ്പാൻ അവളെ വിട്ടു​പോ​രു​വിൻ.” (വെളി​പ്പാട്‌ 18:4) ഈ കല്‌പന ചെവി​ക്കൊ​ള്ളാൻ ജനങ്ങളെ ആഹ്വാനം ചെയ്യു​ന്നത്‌ യഹോ​വ​യു​ടെ സാക്ഷികൾ മാത്ര​മാണ്‌. അവർ, ആദിമ ക്രിസ്‌ത്യാ​നി​ക​ളെ​പ്പോ​ലെ യുദ്ധത്തിൽ നിന്നും രാഷ്‌ട്രീ​യ​ത്തിൽ നിന്നും ഒഴിഞ്ഞു​നിൽക്കു​ക​യും തൻമൂലം മതം രാഷ്‌ട്രീ​യ​വു​മാ​യി ഏററു​മു​ട്ടു​മ്പോൾ, നശിക്കു​ന്ന​വ​രു​ടെ നിരയി​ലാ​യി​രി​ക്ക​യില്ല. അതു​കൊണ്ട്‌ അവരെ സമീപി​ക്കുക. അവർ സസന്തോ​ഷം നാശത്തി​ലേക്ക്‌ പോകു​ന്നതല്ല, പ്രത്യുത നിത്യ​ജീ​വ​നി​ലേക്കു നയിക്കുന്ന “ഇടുക്കു​വാ​തിൽ” എപ്രകാ​രം കണ്ടെത്താ​മെന്ന്‌ നിങ്ങൾക്കു കാണിച്ചു തരും.—മത്തായി 7:13, 14; യോഹ​ന്നാൻ 17:3. (w85 8/1)

[അടിക്കു​റി​പ്പു​കൾ]

[61-ാം പേജിലെ ചിത്രം]

1914-ൽ സെൻറ്‌ പോളി​ന്റെ നടയിലെ ഡ്രം അൾത്താ​ര​യിൽ വച്ച്‌ ലണ്ടനിലെ ബിഷപ്പ്‌ ബ്രിട്ടിഷ്‌ സൈന്യ​ങ്ങ​ളിൽ ദേശഭക്തി ഉണർത്തി വിടു​ക​യു​ണ്ടാ​യി