സമാധാ​ന​വും സുരക്ഷി​ത​ത്വ​വും—എന്ന ആവശ്യം

“ഇരുപ​താം നൂററാ​ണ്ടിൽ യുദ്ധം അതിന്റെ എല്ലാ വശങ്ങളി​ലും മേൽക്കു​മേൽ കിരാ​ത​വും വിനാ​ശ​ക​വും നികൃ​ഷ്ട​വും ആയി വളർന്നു കഴിഞ്ഞി​രി​ക്കു​ന്നു. . . . നാഗസാ​ക്കി​യി​ലും ഹിരോ​ഷി​മ​യി​ലും ഇട്ട ബോം​ബു​കൾ ഒരു യുദ്ധത്തിന്‌ അറുതി വരുത്തി. നമുക്ക്‌ ഇനി​യൊ​രു യുദ്ധം ആയിക്കൂ​ടാ എന്ന്‌ അവ തികച്ചും വ്യക്തമാ​ക്കി​ത്തന്നു. മനുഷ്യ​നും എങ്ങുമുള്ള നേതാ​ക്കൻമാ​രും ഈയൊ​രു പാഠമാണ്‌ പഠി​ക്കേ​ണ്ടത്‌, അതവർ പഠിക്കു​മ്പോ​ഴേ​ക്കും ശാശ്വത സമാധാ​ന​ത്തി​നുള്ള ഒരു മാർഗ്ഗം അവർ കണ്ടെത്തി​ക്കൊ​ള്ളും. “അല്ലാതെ മറെറാ​രു ഗതിയും ഇല്ല”—“അണു​ബോംബ്‌ പ്രയോ​ഗി​ക്കാ​നുള്ള തീരു​മാ​നം എന്ന അഭിധാ​ന​ത്തിൽ ഹെൻറി എൽ. സ്‌ററിം​സൺ ഹാർപ്പേ​ഴ്‌സ്‌ മാഗസി​നിൽ എഴുതിയ ലേഖന​ത്തിൽ നിന്ന്‌, ലക്കം ഫെബ്രു​വരി 1947.

ഐക്യ​രാ​ഷ്‌ട്ര​ങ്ങ​ളു​ടെ രൂപി​ക​ര​ണ​ത്തിന്‌ കഷ്ടിച്ച്‌ ഒരു വർഷത്തിന്‌ ശേഷമാ​യി​രു​ന്നു. 1940-45 കാലങ്ങ​ളി​ലെ യു. എസ്‌. യുദ്ധകാ​ര്യ സെക്ര​ട്ട​റി​യാ​യി​രുന്ന സ്‌ററിം​സൺ എന്നദേഹം മേല്‌പറഞ്ഞ വാക്കുകൾ ഉച്ചരി​ച്ചത്‌. കൊള്ളാം, ഏതാണ്ട്‌ 40 വർഷങ്ങൾക്ക്‌ ശേഷം മനുഷ്യൻ “ആ പാഠം” പഠിച്ചോ? “നിലനിൽക്കുന്ന സമാധാ​ന​ത്തിൽ” നിങ്ങൾക്ക്‌ ജീവിതം ആസ്വദി​ക്കാൻ ഐക്യ​രാ​ഷ്‌ട്രങ്ങൾ സാദ്ധ്യ​മാ​ക്കി​ത്തീർത്തി​ട്ടു​ണ്ടോ? എന്തിന്‌, രണ്ടാം ലോക​മ​ഹാ​യു​ദ്ധ​ത്തി​നു ശേഷം യുദ്ധത്തി​നും യുദ്ധസ​ന്നാ​ഹ​ത്തി​നു​മാ​യി മനുഷ്യ​വർഗ്ഗം നൽകിയ കനത്ത വില​യെ​ക്കു​റിച്ച്‌ ചിന്തി​ക്കാം.

മനുഷ്യ​വി​ല: സമാധാ​നം കൈവ​രു​ത്താ​നുള്ള ഐക്യ​രാ​ഷ്‌ട്ര​ങ്ങ​ളു​ടെ യത്‌ന​ങ്ങൾക്ക്‌ മുമ്പിൽ രണ്ടാം ലോക​മ​ഹാ​യു​ദ്ധ​ത്തെ​ത്തു​ടർന്നുള്ള യുദ്ധങ്ങൾക്ക്‌ നൽകേണ്ടി വന്ന മനുഷ്യ​വില എന്തായി​രു​ന്നു? “രണ്ടാം ലോക​മ​ഹാ​യു​ദ്ധ​ത്തി​ന്റെ പൊട്ടി​പ്പു​റ​പ്പെ​ട​ലി​നെ​ത്തു​ടർന്ന്‌ 66 രാജ്യ​ങ്ങ​ളി​ലും പ്രദേ​ശ​ങ്ങ​ളി​ലു​മാ​യി 105 വലിയ യുദ്ധങ്ങൾ (പ്രതി​വർഷം 1000മോ അതിൽ കൂടു​ത​ലോ മരണം എന്ന നിരക്കിൽ കണക്കാ​ക്കിയ പ്രകാരം) നടന്നി​ട്ടുണ്ട്‌. . . . ആയിര​ത്തി​ത്തൊ​ള്ളാ​യി​രത്തി നാല്‌പ​ത്തി​യ​ഞ്ചി​നെ​ത്തു​ടർന്നുള്ള യുദ്ധങ്ങൾ ഒരു കോടി അറുപതു ലക്ഷം മരണങ്ങൾക്കി​ട​യാ​ക്കി​യി​ട്ടുണ്ട്‌. ഇതിൽ സൈനീ​ക​രേ​ക്കാൾ കൂടുതൽ സാധാരണ പൗരൻമാർ ഇരകളാ​യി​ത്തീർന്നു. (കണക്ക്‌, വിശേ​ഷിച്ച്‌ സാധാ​ര​ണ​ക്കാ​രു​ടേത്‌ പൂർണ്ണമല്ല; മിക്കയു​ദ്ധ​ങ്ങൾക്കും ഔദ്യോ​ഗിക രേഖകൾ സൂക്ഷി​ക്ക​പ്പെ​ട്ടി​ട്ടില്ല.)”—ലോക സൈനീക സാമൂഹ്യ ചെലവു​കൾ 1983 രൂത്ത്‌ സിവാർഡി​നാ​ലു​ള്ളത്‌.

സമാധ​ന​വും സുരക്ഷി​ത​ത്വ​വും വാസ്‌ത​വ​ത്തിൽ വഴുതി അകന്നു​കൊ​ണ്ടി​രി​ക്കു​ന്നു—യുദ്ധങ്ങ​ളു​ടെ ആവർത്തന നിരക്ക്‌ ഉയരു​ക​യാണ്‌. സിവാർഡ്‌ വിശദീ​ക​രി​ക്കു​ന്നു: “ആയിര​ത്തി​ത്തൊ​ള്ളാ​യി​രത്തി അമ്പതു​ക​ളിൽ ശരാശരി (യുദ്ധങ്ങ​ളു​ടെ എണ്ണം) പ്രതി​വർഷം 9 ആയിരന്നു; അറുപ​തു​ക​ളിൽ പ്രതി​വർഷം 11; എഴുപ​തു​ക​ളിൽ . . . പ്രതി​വർഷം 14.”

മാനസ്സിക വില: ഹിരോ​ഷി​മ​യെ​ത്തു​ടർന്ന്‌ എക്കാല​വും മനുഷ്യർ ന്യൂക്ലീ​യർ യുദ്ധത്തി​ന്റെ ഭീതി​യി​ലാണ്‌ കഴിഞ്ഞി​ട്ടു​ള്ളത്‌. എന്തിന്‌ 1945-ലുണ്ടാ​യി​രുന്ന ഏതാനും ന്യൂക്ലീ​യർ ആയുധങ്ങൾ 1983 ആയപ്പോ​ഴേ​ക്കും ലോക​വ്യാ​പ​ക​മാ​യി 50,00,0 ലേക്ക്‌ വളർന്നു. പിന്നെ​യും അധികം ഉത്‌പാ​ദി​പ്പി​ച്ചു​കൊ​ണ്ടി​രി​ക്കു​ന്നു. സ്‌പഷ്ട​മാ​യും, ന്യൂക്ലീ​യർ ആയുധ​ങ്ങ​ളു​ടെ സംഖ്യ​യും അവ കൈവശം ഉള്ള രാഷ്‌ട്ര​ങ്ങ​ളു​ടെ സംഖ്യ​യും വർദ്ധി​ക്കു​ന്ന​തോ​ടെ ന്യൂക്ലീ​യർ യുദ്ധത്തി​ന്റെ അപകട​സാ​ദ്ധ്യ​ത​യും വർദ്ധി​ക്കു​ന്നു. പക്ഷെ, ന്യൂക്ലീ​യർ യുദ്ധത്തി​ന്റെ ഭീഷണി​യിൻ കീഴിൽ ജീവി​ക്കു​ന്ന​തി​ന്റെ മാനസ്സിക ഫലങ്ങൾ എന്താണ്‌?

ന്യൂക്ലീ​യർ യുദ്ധത്തി​നുള്ള തയ്യാ​റെ​ടുപ്പ്‌ അതിന്റെ മാനസ്സിക പ്രത്യാ​ഘാ​തങ്ങൾ എന്ന പുസ്‌തകം ഇങ്ങനെ ഉത്തരം നൽകുന്നു: “ന്യൂക്ലീ​യർ ആയുധ​ങ്ങ​ളു​ടെ നിഴലി​ലുള്ള ജീവി​ത​ത്തിന്‌ കുട്ടി​ക​ളു​ടെ​യും മുതിർന്ന​വ​രു​ടെ​യും അഭിലാ​ഷങ്ങൾ പെരു​മാ​ററം എന്നിവ​യു​ടെ മേലുള്ള ഫലം സംബന്ധിച്ച്‌ ഏറിയ പരി​ശോ​ധന അടിയ​ന്തി​ര​മാ​യി ആവശ്യ​മാണ്‌. . .നമ്മുടെ സമുദാ​യ​ങ്ങ​ളു​ടെ മേൽ വ്യാപ​ക​മായ അളവിൽ തുടർന്നു​പോ​കാ​നി​ട​യു​ള്ള​തും തലമു​റകൾ മുതി​രു​മ്പോ​ഴേ​ക്കും കൂട്ടു​പ​ലിശ കുമിഞ്ഞു കൂടു​ന്ന​തു​മാ​യുള്ള വില ഇതിൽ ഉണ്ട്‌. ഒരു ശിശു​വി​ന്റെ സ്വപ്‌ന​ങ്ങൾക്കുള്ള വില​യെ​ന്താണ്‌?”

തീർച്ച​യാ​യും ഒരു സുരക്ഷിത ഭാവി​യു​ടെ അഭാവം കുട്ടി​കളെ വിശേ​ഷാൽ തളർത്തു​ന്നു. ആസ്‌​ത്രേ​ലി​യ​യി​ലെ 10-നും 12-നും ഇടക്കുള്ള സ്‌കൂൾ കുട്ടി​ക​ളു​ടെ ഒരു സർവ്വേ പിൻവ​രുന്ന പ്രകാ​ര​ത്തി​ലുള്ള അഭി​പ്രാ​യ​ങ്ങൾക്ക്‌ ഇടനൽകി: “ഞാൻ വളർന്നു വലുതാ​കു​മ്പോൾ ഒരു യുദ്ധമു​ണ്ടാ​കു​മെ​ന്നും ആസ്‌​ത്രേ​ലി​യ​യി​ലുള്ള എല്ലാവ​രും മരിക്കു​മെ​ന്നും ഞാൻ കരുതു​ന്നു.” “ലോകം ഒരു ശൂന്യ​ശി​ഷ്ട​മാ​യി​ത്തീ​രും—എല്ലായി​ട​ത്തും ജന്തുക്കൾ ചത്തുകി​ട​ക്കും യു. എസ്‌. എ. ഭൂമു​ഖത്തു നിന്ന്‌ പൊയ്‌പ്പോ​കും. എഴുപതു ശതമാ​ന​ത്തി​ല​ധി​കം കുട്ടികൾ “ന്യൂക്ലീ​യർ യുദ്ധത്തെ ഒരു സാദ്ധ്യ​മായ സംഭവ​മാ​യി പരാമർശി​ച്ചു.” ഒരു സുരക്ഷി​ത​ഭാ​വി​യു​ടെ അഭാവം സംബന്ധി​ച്ചുള്ള ഭയമാ​യി​രി​ക്കാം അനേക യുവാ​ക്ക​ളു​ടെ​യും ഞാൻ—ഇന്നു ജീവിച്ചു കൊള്ളട്ടെ എന്ന മനോ​ഭാ​വ​ത്തി​ന്റെ​യും തൻമൂ​ല​മുള്ള അവരുടെ ഉദ്ദീപ​നാ​ന്വേ​ഷ​ണ​ത്തി​ന്റെ​യും ഭാഗീ​ക​മായ കാരണം.

സാമ്പത്തിക വില: ആയിര​ത്തി​ത്തൊ​ള്ളാ​യി​രത്തി മുപ്പതു​ക​ളു​ടെ മദ്ധ്യഭാ​ഗ​ത്തി​നു മുമ്പ്‌ ലോക സൈനീക ചെലവ്‌ ഏതാണ്ട്‌ പ്രതി​വർഷം 450 കോടി (യു. എസ്‌.) ഡോള​റാ​യി​രു​ന്നു. എന്നാൽ 1982 അക്കം 6600 കോടി​യി​ലേക്ക്‌ ഉയർന്നു. നിങ്ങൾക്ക​റി​യാ​വു​ന്ന​തു​പോ​ലെ അതു ഉയർന്നു​കൊ​ണ്ടേ​യി​രു​ന്നു. ആ ചെലവു​കളെ ദൃഷ്ടി​പ​ഥ​ത്തിൽ കൊണ്ടു വരുന്ന​തിന്‌ ലോക സൈനിക സാമൂ​ഹിക ചെലവു​കൾ 1983 ഇങ്ങനെ വിശദീ​ക​രി​ക്കു​ന്നു: “ഓരോ മിനി​റ​റ​ലും 30 കുട്ടികൾ വീതം ഭക്ഷണക്കു​റ​വോ ചെലവു കുറഞ്ഞ വാക്‌സി​നു​ക​ളു​ടെ ഇല്ലായ്‌മ​യോ നിമിത്തം മരിക്കു​മ്പോൾ ഓരോ മിനി​റ​റി​ലും ലോക സൈനിക ബജററ്‌ പൊതു ഖജനാ​വിൽ നിന്ന്‌ 13 ലക്ഷം ഡോളർ കവർന്നെ​ടു​ക്കു​ന്നു.” (ഇററാ​ലി​ക്‌സ്‌ ഞങ്ങളു​ടേത്‌) രണ്ടു വർഷങ്ങൾക്കു ശേഷം അത്‌ ഓരോ മിനി​റ​റി​ലും 20 ലക്ഷം ആയിത്തീർന്നി​രി​ക്കു​ന്നു.

യുദ്ധങ്ങൾക്കും യുദ്ധസ​ജ്ജ​ത​യ്‌ക്കും വേണ്ടി മനുഷ്യൻ നൽകി​യി​ട്ടുള്ള ഉയർന്ന വില കണക്കി​ലെ​ടു​ക്കു​മ്പോൾ ഒരു സംഗതി വ്യക്തമാ​കു​ന്നു: മനുഷ്യൻ സ്വയമേ “ശാശ്വത സമാധാ​ന​ത്തി​നുള്ള മാർഗ്ഗം കണ്ടെത്തി​യി​ട്ടില്ല. എന്നിരു​ന്നാ​ലും നിങ്ങ​ളോ​ടു​തന്നെ ചോദി​ക്കുക: “നമ്മുടെ ജീവി​ത​കാ​ലത്ത്‌ ലോക​വ്യാ​പക സമാധാ​ന​ത്തി​നും സുരക്ഷി​ത​ത്വ​ത്തി​നും ഒരു മാർഗ്ഗം ഉണ്ടോ? ഏതു ഉറവിൽ നിന്നാണ്‌ അതു വരിക? നിങ്ങൾ ഐക്യ​രാ​ഷ്‌ട്ര​ങ്ങ​ളി​ലേക്ക്‌ നോ​ക്കേ​ണ്ട​തു​ണ്ടോ? അല്ലെങ്കിൽ എങ്ങനെ​യാ​യി​രി​ക്കും സമാധാ​ന​വും സുരക്ഷി​ത​ത്വ​വും കൈവരിക്കുക?(w85 10/15)