ദൈവ​മു​മ്പാ​കെ​യുള്ള നീതി—എങ്ങനെ

“ഞാൻ കുറ്റമ​റ്റവൻ എന്ന്‌ ദൈവം പറയുന്നു”(God’e say ’im alrite). “പുതിയ നിയമ”ത്തിന്റെ അടുത്ത നാളിൽ ഇറങ്ങിയ ന്യൂഗി​നിയ പിഡ്‌ജി​യൻ വിവർത്ത​ന​ത്തിൽ നീതീ​ക​ര​ണത്തെ അവതരി​പ്പ​ച്ചി​രി​ക്കു​ന്നത്‌ അങ്ങനെ​യാണ്‌. ഇത്‌ വിചി​ത്ര​മാ​യി തോന്നാ​മെ​ങ്കി​ലും അനേകം ഇംഗ്ലീഷ്‌ ഭാഷാ ബൈബി​ളു​ക​ളിൽ റോമർ 5:16-ൽ പരാമർശി​ക്ക​പ്പെ​ട്ടി​രി​ക്കു​ന്ന​തു​പോ​ലുള്ള “നീതീ​ക​രണം” അഥവാ “നീതി​യു​ടെ പ്രഖ്യാ​പനം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന പദത്തിന്റെ അടിസ്ഥാന ആശയത്തെ അത്‌ പ്രകടി​പ്പി​ക്കുക തന്നെ ചെയ്യുന്നു.

നേരെ​മ​റിച്ച്‌ ചില ആളുകൾ ഇങ്ങനെ പറയുന്നു: ‘ഞാൻ ഒരു മാന്യ​മായ ജീവിതം നയിക്കു​ന്നു. എനിക്കാ​വു​മ്പോ​ഴെ​ല്ലാം മറ്റുള്ള​വർക്ക്‌ നന്മചെ​യ്യു​ന്നു. ഞാൻ എന്നെ ഉണ്ടാക്കി​യ​വനെ കാണാൻ ഒരുങ്ങി​യു​മി​രി​ക്കു​ന്നു.” അവർ നീതീ​ക​രണം എന്നാൽ സ്വയനീ​തീ​ക​രണം എന്നാണ്‌ മനസ്സി​ലാ​ക്കി​യി​രി​ക്കു​ന്നത്‌ എന്ന്‌ തോന്നു​ന്നു. ബൈബിൾ പറയുന്ന പ്രകാരം “നീതീ​ക​ര​ണ​ത്തി​ന്റെ ഉപദേശം ദൈവം നമ്മെ പരിഗ​ണി​ക്കുന്ന വിധ​ത്തോ​ടും അവൻ നമ്മോട്‌ ഇടപെ​ടുന്ന വിധ​ത്തോ​ടും ബന്ധപ്പെ​ട്ടി​രി​ക്കു​ന്നു. യഹോ​വ​യാണ്‌ സ്രഷ്ടാവ്‌. (യെശയ്യാ​വു 40:28) അവൻ മുഴു ഭൂമി​യു​ടെ​യും ന്യായാ​ധി​പ​നാണ്‌. (ഉല്‌പത്തി 18:25) അതു​കൊണ്ട്‌ അവൻ നമ്മെ പരിഗ​ണി​ക്കുന്ന വിധ​ത്തേ​ക്കാൾ അധികം പ്രധാ​ന​മാ​യി യാതൊ​ന്നു​മില്ല.

ദൈവ​ദൃ​ഷ്ടി​യിൽ നാം നീതീ​ക​രി​ക്ക​പ്പെ​ടേ​ണ്ട​തെ​ന്തു​കൊ​ണ്ടു്

ബൈബിൾ യഹോ​വയെ സംബന്ധിച്ച്‌ ഇങ്ങനെ പറയുന്നു: “പാറ, അവന്റെ പ്രവൃ​ത്തി​കൾ പൂർണ്ണ​മ​ത്രെ, എന്തെന്നാൽ അവന്റെ വഴിക​ളൊ​ക്കെ​യും നീതി​യാ​കു​ന്നു. വിശ്വ​സ്‌ത​ത​യു​ടെ ദൈവം അവനിൽ അനീതി ഇല്ല അവൻ നീതി​മാ​നും നേരു​ള്ള​വ​നും ആകുന്നു.” (ആവർത്തനം 32:4) അവൻ നീതി​യു​ടെ മൂർത്തി​മ​ത്ഭാ​വ​മാ​കു​ന്നു. സ്രഷ്ടാ​വും ജീവദാ​താ​വും എന്ന നിലയിൽ ശരി​യെ​ന്തെ​ന്നും തെറ്റെ​ന്തെ​ന്നും നിശ്ചയി​ക്കു​ന്ന​തി​നുള്ള ചട്ടം അഥവാ പ്രമാണം വയ്‌ക്കു​ന്ന​തി​നുള്ള അവകാശം അവനുണ്ട്‌. ദൈവ​ത്തി​ന്റെ പ്രമാ​ണ​ത്തോട്‌ ചേർച്ച​യി​ലു​ള്ള​തു് നീതി​യാ​യി​രി​ക്കും.തന്റെ ബുദ്ധി​ശ​ക്തി​യുള്ള സൃഷ്ടികൾ തങ്ങളുടെ സ്രഷ്ടാ​വി​നോ​ടുള്ള ഐക്യ​ത്തിൽ ജീവി​ക്കാൻ ആഗ്രഹി​ക്കു​ന്നു​വെ​ങ്കിൽ അവർ എത്തി​ച്ചേ​രേ​ണ്ട​തായ ഒരു ലക്ഷ്യം ഇപ്രകാ​രം ദൈവം വയ്‌ക്കു​ന്നു. ആ ലക്ഷ്യം അഥവാ നിലവാ​രം പ്രാപി​ക്കാ​തെ പോകു​ന്ന​തി​നെ​യാണ്‌ ആദിമ ഭാഷക​ളി​ലെ ബൈബിൾ ഭാഷാ​ന്ത​രങ്ങൾ പാപം എന്നു വിളി​ക്കു​ന്നത്‌. ആ സ്ഥിതി​ക്കു് പാപം അനീതി​യാണ്‌. ശരിയും തെറ്റും സംബന്ധിച്ച ദൈവ​ത്തി​ന്റെ പ്രമാ​ണ​ത്തോട്‌ അനുരൂ​പ​പ്പെ​ടു​ന്ന​തി​നുള്ള ഒരു പരാജ​യ​മാണ്‌. അതു​കൊണ്ട്‌ പാപവും ഒരു രൂപത്തി​ലുള്ള ക്രമ​ക്കേ​ടാണ്‌, ഒരുവി​ധം അന്യായം തന്നെ.—1 യോഹ​ന്നാൻ 5:17; 3:4.

“യഹോവ, കലക്കത്തി​ന്റെ അല്ല, പിന്നെ​യോ സമാധാ​ന​ത്തി​ന്റെ ദൈവം ആകുന്നു.” (1 കൊരി​ന്ത്യർ 14:33) പ്രാരം​ഭ​ത്തിൽ സ്വർഗ്ഗ​ത്തി​ലും ഭൂമി​യി​ലും ഉള്ള അവന്റെ എല്ലാ സൃഷ്ടി​ക​ളും പൂർണ്ണ​രാ​യി​രു​ന്നു. (2 കൊരി​ന്ത്യർ 3:17) അവൻ ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം ആസ്വദി​ച്ചി​രു​ന്നു. (റോമർ 8:21) അവന്റെ നീതി​യുള്ള നിലവാ​രങ്ങൾ മാനി​ക്ക​പ്പെ​ട്ടി​ട​ത്തോ​ളം സമാധാ​ന​വും ക്രമവും അഖിലാ​ണ്ഡ​ത്തി​ലെ​ങ്ങും നിലനി​ന്നു. തങ്ങളുടെ മേൽ ഭരണം നടത്തു​ന്ന​തി​നുള്ള ദൈവ​ത്തി​ന്റെ അവകാ​ശത്തെ നിരാ​ക​രി​ച്ചു​കൊ​ണ്ടു സ്വർഗ്ഗ​ത്തി​ലും പിന്നെ ഭൂമി​യി​ലും ചില സൃഷ്ടികൾ നീതി​കെ​ട്ട​വ​രാ​യി തീർന്ന​തോ​ടെ ക്രമരാ​ഹി​ത്യം അഖിലാ​ണ്ഡ​ത്തി​ലെ​ങ്ങും നുഴഞ്ഞു​ക​യറി. ശരിയും തെറ്റും സംബന്ധിച്ച ദൈവ​ത്തി​ന്റെ പ്രമാ​ണ​ത്തിൽനി​ന്നു അവർ വ്യതി​ച​ലി​ച്ചു . അവർക്ക്‌ ലക്ഷ്യം പിഴച്ചു. അവർ സ്വയം പാപികൾ ആയിത്തീ​രു​ക​യും ചെയ്‌തു.

നമ്മുടെ ആദ്യമാ​താ​പി​താ​ക്ക​ളായ ആദാമി​ന്റേ​യും ഹവ്വയു​ടേ​യും സംഗതി ഇതായി​രു​ന്നു. (ഉല്‌പത്തി 3:1-6) “അതു​കൊണ്ട്‌ പാപം . . . ലോക​ത്തിൽ പ്രവേ​ശി​ച്ചു, പാപത്തി​ലൂ​ടെ മരണവും, അങ്ങനെ സകല മനുഷ്യ​രും പാപം ചെയ്യു​ക​യാൽ മരണം എല്ലാ മനുഷ്യ​രി​ലും വ്യാപി​ച്ചു.”(റോമർ 5:12) അവരുടെ മത്സരത്തിൽ തുടങ്ങി എക്കാല​ത്തും പാപം “മരണ​ത്തോ​ടൊ​പ്പം രാജാ​വാ​യി വാണി​രി​ക്കു​ന്നു.” കാരണം ആദാമി​ന്റെ സന്തതികൾ എല്ലാവ​രും​തന്നെ പാപം ചെയ്യു​ക​യും ദൈവ​ത്തി​ന്റെ നീതി​യുള്ള പ്രമാ​ണ​ത്തിൽ കുറവു​ള്ള​വ​രാ​യി​രി​ക്കു​ക​യും ചെയ്‌തി​രി​ക്കു​ന്നു. (റോമർ 5:21; 3:23) അതു​കൊ​ണ്ടാണ്‌ നമുക്ക്‌ ദൈവ​മു​മ്പാ​കെ നീതി​യു​ള്ള​വ​രാ​യി​ത്തീ​രേണ്ട ആവശ്യ​മു​ള്ളത്‌.

“നീതീ​ക​രണം” സംബന്ധിച്ച കത്തോ​ലി​ക്കാ വീക്ഷണം

ദൈവ​വു​മാ​യി നിരപ്പാ​യ്‌ത്തീ​രേണ്ട ഈ ആവശ്യത്തെ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന എല്ലാ സഭകളും അംഗീ​ക​രി​ക്കു​ന്നു​ണ്ടു്. പക്ഷേ അത്‌ നേടി​യെ​ടു​ക്കുന്ന വിധ​ത്തേ​യും ക്രിസ്‌ത്യാ​നി​ക​ളു​ടെ ദൈവ​മു​മ്പാ​കെ​യുള്ള നില​യെ​യും കുറി​ച്ചുള്ള ഗ്രാഹ്യ​ത്തി​ന്റെ സംഗതി​യിൽ കത്തോ​ലി​ക്കാ പ്രോ​ട്ട​സ്റ്റന്റ്‌ വിശ്വാ​സങ്ങൾ അന്യോ​ന്യം ഭിന്നമാ​ണു്.

കത്തോ​ലി​ക്കാ ഉപദേ​ശത്തെ സംബന്ധിച്ച്‌ ദി കാത്തലിക്‌ എൻ​സൈ​ക്ലോ​പ്പീ​ഡി​യാ പറയു​ന്നത്‌ ഇങ്ങനെ​യാണ്‌: “ആദാമി​ന്റെ സന്തതി​യെന്ന നിലയിൽ ഒരുവൻ ജനിച്ച​തായ ആദിമ പാപത്തി​ന്റെ സ്ഥിതി​യിൽനി​ന്നു കൃപയു​ടെ​യും ദിവ്യ പുത്ര​ത്ത്വ​ത്തി​ന്റ​യും സ്ഥിതി​യി​ലേക്ക്‌ രണ്ടാമത്തെ ആദാമായ യേശി​ക്രി​സ്‌തു​വി​ലൂ​ടെ ഒരു മനുഷ്യൻ മാറ്റ​പ്പെ​ടുന്ന ദേഹി​യു​ടെ പരിവർത്ത​നത്തെ അഥവാ രൂപാ​ന്ത​രീ​ക​ര​ണത്തെ ആണ്‌ നീതീ​ക​രണം എന്നതു​കൊണ്ട്‌ വിവക്ഷി​ക്കു​ന്നത്‌.” എ കാത്തലിക്‌ ഡിക്ഷണറി കൂടുതൽ വിശക​ദീ​ക​രണം നൽകു​ന്നത്‌ ഇങ്ങനെ​യാണ്‌ “മരണത്തി​ന്റെ​യും പാപത്തി​ന്റെ​യും സ്ഥതിയിൽ നിന്നു ദൈവ​പ്ര​സാ​ദ​ത്തി​ലേ​ക്കും ദിവ്യ സൗഹൃ​ദ​ത്തി​ലേ​ക്കും മുതിർന്നവർ, ഉയർത്ത​പ്പെ​ടുന്ന പ്രക്രി​യ​യിൽ ഞങ്ങൾ സ്വയം ക്ലിപ്‌ത​പ്പെ​ടു​ത്തു​ന്നു; കാരണം ശിശു​ക്ക​ളു​ടെ സംഗതി​യിൽ തങ്ങളുടെ സ്വന്തമായ ഏതെങ്കി​ലും പ്രവൃ​ത്തി​യെ കൂടാ​തെ​തന്നെ അവർ സ്‌നാ​ന​ത്തി​ങ്കൽ നീതീ​ക​രി​ക്ക​പ്പെ​ടു​ന്നു. എന്നാണ്‌ സഭ പഠിപ്പി​ക്കു​ന്ന​തു്.”

ചുരു​ക്ക​മാ​യി പറഞ്ഞാൽ കത്തോ​ലി​ക്കാ വിശ്വ​സ​ത്തിൽ സ്‌നാ​ന​മേറ്റ ഒരു വ്യക്തിയെ ദിവ്യ “കൃപ”യുടെ ദാനത്താൽ യഥാർത്ഥ​മാ​യി നീതീ​ക​രി​ക്കുന്ന അഥവാ വിശു​ദ്ധീ​ക​രി​ക്കുന്ന ദൈവ​ത്തി​ന്റെ ഒരു പ്രവൃ​ത്തി​യാണ്‌ നീതീ​ക​രണം എന്നു് കത്തോ​ലി​ക്കാ​സഭ പഠിപ്പി​ക്കു​ന്നു. നീതീ​ക​ര​ണത്തെ (1)വ്യക്തി​പ​ര​മായ നന്മകൊണ്ട്‌ അല്ലെങ്കിൽ സൽപ്ര​വൃ​ത്തി​കൾ കൊണ്ട്‌ വർദ്ധി​പ്പി​ക്കു​ന്ന​തി​നും; (2)മരണക​ര​മായ പാപത്താൽ അല്ലെങ്കിൽ അവിശ്വാ​സ​ത്താൽ നഷ്ടപ്പെ​ടു​ത്തു​ന്ന​തി​നും; (3) പശ്ചാത്താ​പ​ത്തി​ന്റെ പ്രായ​ശ്ചി​ത്ത​ത്താൽ വീണ്ടെ​ടു​ക്കു​ന്ന​തി​നും കഴിയും. ഈ ക്രമീ​ക​ര​ണ​ത്തി​നു​ള്ളിൽ നീതീ​ക​രി​ക്ക​പ്പെട്ട ഒരു കത്തോ​ലി​ക്കാ വിശ്വാ​സി ഒരു പുരോ​ഹി​ത​നോട്‌ അവന്റെ പാപങ്ങൾ എറ്റുപ​റ​യു​ക​യും പാപവി​മു​ക്തി കൈവ​രി​ക്കു​ക​യും ചെയ്യേ​ണ്ട​തു​ണ്ടു്. പാപവി​മു​ക്തി​യെ​ത്തു​ടർന്ന്‌ ഏതെങ്കി​ലും “താത്‌ക്കാ​ലിക ശിക്ഷ”യ്‌ക്കുള്ള അർഹത ശേഷി​പ്പു​ണ്ടെ​ങ്കിൽ അത്‌ സൽപ്ര​വൃ​ത്തി​കൾ കൊണ്ട്‌ പരിഹ​രി​ക്കു​ക​യോ അല്ലെങ്കിൽ “പാപ​മോ​ക്ഷം” കൊണ്ട്‌ അതിൽനി​ന്നു ഇളവു​നേ​ടു​ക​യും വേണം.”a

പ്രോ​ട്ട​സ്റ്റന്റ്‌ വീക്ഷണം

പതിനാ​റാം നുറ്റാ​ണ്ടി​ലെ പാപ​മോ​ക്ഷ​ങ്ങ​ളു​ടെ ദുരു​പ​യോ​ഗ​പ്ര​ദ​മായ വില്‌പന പ്രോ​ട്ട​സ്റ്റന്റ്‌ വീക്ഷണ​ത്തിന്‌ കളമൊ​രു​ക്കി. കത്തോ​ലി​ക്കാ സന്യാ​സി​യായ മാർട്ടിൻ ലൂഥർ 1517-ൽ ജർമ്മനി​യി​ലെ വിറ്റൽ ബർഗ്ഗി​ലുള്ള കാസിൽ ദേവാ​ല​യ​ത്തിൽ താൻ പഠിച്ച 95 പ്രബന്ധ​ങ്ങ​ളി​ലൂ​ടെ ഈ ആചാരത്തെ ആക്രമി​ച്ചു. പക്ഷെ ഔദ്യോ​ഗി​ക​മായ വിശ്വാ​സ​വു​മാ​യുള്ള ലൂഥറി​ന്റെ വിയോ​ജിപ്പ്‌ അതി​ലേറെ ആഴമു​ള്ളത്‌ ആയിരു​ന്നു. ഇത്‌ സ്ഥിരീ​ക​രി​ച്ചു​കൊണ്ട്‌ ഒരു കത്തോ​ലി​ക്കാ ഡിക്ഷണറി ഇങ്ങനെ പറയുന്നു: “നവീക​ര​ണ​ത്തി​ന്റെ കാലത്തു് കത്തോ​ലി​ക്കർക്കും പ്രോ​ട്ട​സ്റ്റെ​ന്റു​കാർക്കും ഇടയിലെ മുഖ്യ തർക്കവി​ഷ​യ​ത്തിന്‌ രൂപം നൽകി​യത്‌ ദൈവ​മു​മ്പാ​കെ പാപികൾ നീതീ​ക​രി​ക്ക​പ്പെ​ടുന്ന വിധം ഉപദേ​ശ​ത്തിന്‌ അതായത്‌ നീതീ​ക​രണം വിശ്വാ​സ​ത്തി​ലൂ​ടെ മാത്രം എന്നതിന്‌ വീഴ്‌ച നേരി​ടു​ന്നു”വെങ്കിൽ ‘മേലാൽ ഞങ്ങളില്ല’ എന്നു് ലൂഥർ തന്റെ ടേബിൾ റ്റക്കിൽ പറയുന്നു.

വിശ്വാ​സ​ത്തി​ലൂ​ടെ മാത്ര​മുള്ള നീതീ​ക​രണം എന്നതു​കൊണ്ട്‌ ലൂഥർ അർത്ഥമാ​ക്കി​യ​തെ​ന്താണ്‌? മനുഷ്യ​ന്റെ നീതീ​ക​ര​ണ​ത്തിൽ സ്‌നാ​ന​വും വ്യക്തി​പ​ര​മായ മേന്മയും സൽപ്ര​വൃ​ത്തി​ക​ളും അതു​പോ​ലെ​തന്നെ കുമ്പസാ​രം കേട്ട്‌, പാപ വിമുക്തി അനുവ​ദിച്ച്‌, സ്വയ ശിക്ഷ സഹിത​മുള്ള പരിഹാര ചെയ്‌തി​ക​ളും ചുമത്തുന്ന പുരോ​ഹി​തൻ ചൊല്ലി​ത്ത​രു​ന്ന​തായ പശ്ചാത്തല പ്രായ​ശ്ചി​ത്ത​വും ഉൾപ്പെ​ടു​ന്നു എന്നു ഒരു കത്തോ​ലി​ക്കൻ എന്ന നിലയിൽ ലൂഥർ അറിഞ്ഞി​രു​ന്നു.

ദൈവ​വ​വു​മാ​യി സമാധാ​നം കണ്ടെത്തു​ന്ന​തി​നുള്ള തന്റെ പരി​ശ്ര​മ​ത്തിൽ ഉപവാസം, പ്രാർത്ഥന, സ്വയശിക്ഷ, എന്നിവ ഉൾപ്പെ​ടെ​യുള്ള റോമൻ നീതീ​ക​രണം സിദ്ധാ​ന്ത​ത്തി​ലെ എല്ലാ ഉപാധി​ക​ളി​ലും ലൂഥർ പയറ്റി നോക്കി, പക്ഷേ യാതൊ​രു പ്രയോ​ജ​ന​വും ഉണ്ടായി​രു​ന്നില്ല. അസ്വസ്ഥ​നായ അവൻ സങ്കീർത്ത​ന​വും പൗലോ​സി​ന്റെ കത്തുക​ളും പല ആവർത്തി വായി​ക്കു​ക​യും അങ്ങനെ ഒടുവിൽ ദൈവം മനുഷ്യ​നെ നീതീ​ക​രി​ക്കു​ന്നത്‌ അവരുടെ നേടി​യെ​ടുത്ത യോഗ്യ​തകൾ കൊണ്ടോ, സൽപ്ര​വൃ​ത്തി​കൾ കൊണ്ടോ, പശ്ചാത്താ​പം കൊണ്ടോ അല്ല. പിന്നെ​യോ അവരുടെ വിശ്വാ​സം നിമിത്തം മാത്ര​മാണ്‌ എന്ന നിഗമ​ന​ത്തിൽ എത്തി​ക്കൊണ്ട്‌ അവൻ മനസ്സമാ​ധാ​നം കണ്ടെത്തി. വിശ്വാ​സ​ത്തി​ലൂ​ടെ മാത്ര​മുള്ള നീതീ​ക​ര​ണ​ത്തി​ന്റെ ഈ ആശയം അവനു കൽകിയ അത്യു​ത്സാ​ഹം തന്റെ ജർമ്മൻ വിവർത്ത​ന​ത്തിൽ റോമർ 3:28-ൽ “വിശ്വാ​സം” എന്ന പദത്തിനു ശേഷം “മാത്രം” എന്ന്‌ പദം കൂട്ടി​ച്ചേർക്കു​ന്ന​തിന്‌ അവനെ പ്രേരി​പ്പി​ച്ചു.!b

പ്രോ​ട്ട​സ്റ്റന്റ്‌ സഭകളിൽ ഏറിയ​പ​ങ്കും “കൃപയാൽ വിശ്വാ​സ​ത്തി​ലുള്ള നീതീ​ക​രണം” എന്ന്‌ ലൂഥറി​ന്റെ വീക്ഷണത്തെ അടിസ്ഥാ​ന​പ​ര​മാ​യി പിൻപറ്റി. സത്യത്തിൽ നവീക​ര​ണ​കാ​ല​ത്തി​നു മുമ്പ്‌ ജീവി​ച്ചി​രുന്ന ജാക്വസ്‌ ലെഫേവർ ഡി എറ്റേപ്പിൾസ്‌ എന്ന്‌ ഫ്രഞ്ചു​കാ​രൻ ഇത്‌ നേരത്തെ പ്രകടി​പ്പി​ച്ചി​രു​ന്നു. നീതീ​ക​രണം സംബന്ധിച്ച കത്തോ​ലി​ക്കാ പ്രോ​ട്ട​സ്റ്റന്റ്‌ വീക്ഷണ​ങ്ങ​ളി​ലെ വ്യത്യാ​സ​ത്തെ​പ്പറ്റി സംക്ഷി​പ്‌ത​രൂ​പ​ത്തിൽ എ കാത്തലിക്‌ ഡിക്ഷണറി ഇങ്ങനെ പറയുന്നു: “കത്തോ​ലി​ക്കർ നീതീ​ക​ര​ണത്തെ ഒരു മനുഷ്യൻ യഥാർത്ഥ​മാ​യി നീതീ​ക​രി​ക്ക​പ്പെ​ടുന്ന ഒരു നടപടി​യാ​യി കരുതു​ന്നു; പ്രോ​ട്ട​സ്റ്റ​ന്റു​കാ​രോ മറ്റൊ​രു​ത്തന്റെ—ക്രിസ്‌തു​വി​ന്റെ—വൈശി​ഷ്ട്യ​ങ്ങൾ തന്റെ പേരിൽ കണക്കി​ട്ടു​കൊണ്ട്‌ ഒരുവനെ കേവലം നീതി​മാ​നാ​യി പ്രഖ്യാ​പി​ക്കു​ന്ന​തും നീതി ആരോ​പി​ക്കു​ന്ന​തു​മായ ഒരു നടപടി​യാ​യി കരുതു​ന്നു.”

കത്തോ​ലി​ക്കാ “നീതീ​ക​ര​ണ​മോ പ്രോ​ട്ട​സ്റ്റന്റ്‌ നീതീ​ക​ര​ണ​മോ” അല്ല

സ്‌നാ​ന​ത്തി​ങ്കൽ ചൊരി​യ​പ്പെ​ടുന്ന ദിവ്യ കൃപയു​ടെ ദാനത്താൽ ഒരു മനുഷ്യൻ യഥാർത്ഥ​മാ​യി നീതീ​ക​രി​ക്ക​പ്പെ​ടു​ന്നു എന്ന്‌ കത്തോ​ലി​ക്കാ ഉപദേശം അവകാ​ശ​പ്പെ​ടു​മ്പോൾ അത്‌ ബൈബിൾ പഠിപ്പി​ക്കു​ന്ന​തിന്‌ അപ്പുറം പോകു​ന്നു. ആദിമ പാപം കഴുകി​ക്ക​ള​യു​ന്നത്‌ സ്‌നാ​നമല്ല പിന്നെ​യോ, ക്രിസ്‌തു​വി​ന്റെ ചൊരി​യ​പ്പെട്ട രക്തമാണ്‌.(റോമർ 5:8, 9) ദൈവ​ത്താൽ യഥാർത്ഥ​മാ​യി അംഗീ​ക​രി​ക്ക​പ്പെ​ടു​ന്ന​തും നീതി​മാൻ എന്ന നിലയിൽ എണ്ണപ്പെ​ടു​ന്ന​തും അഥവാ പരിഗ​ണി​ക്ക​പ്പെ​ടു​ന്ന​തും തമ്മിൽ വലിയ വ്യത്യാ​സ​മുണ്ട്‌. (റോമർ 4:7, 8) പാപത്തി​നെ​തി​രെ കഠിന പോരാ​ട്ടം നടത്തുന്ന ഏതൊരു സത്യസ​ന്ധ​നായ കത്തോ​ലി​ക്ക​നും താൻ യഥാർത്ഥ​മാ​യി നീതീ​ക​രി​ക്ക​പ്പെ​ട്ടി​ട്ടില്ല എന്നറി​യാം. (റോമർ 7:14-19) അയാൾ യഥാർത്ഥ​മാ​യി നീതി​മാ​നാ​യി കഴിഞ്ഞി​രു​ന്നു​വെ​ങ്കിൽ ഒരു പുരോ​ഹി​ത​നോട്‌ കുമ്പസാ​രി​ക്ക​ത്ത​ക്ക​വണ്ണം അയാളിൽ പാപ​മൊ​ന്നും ഉണ്ടായി​രി​ക്കു​ക​യി​ല്ലാ​യി​രു​ന്നു.

കൂടാതെ കത്തോ​ലി​ക്കാ സിദ്ധാന്തം ബൈബി​ളി​നെ പിൻപ​റ്റി​യി​രു​ന്നെ​ങ്കിൽ പാപ​ബോ​ധ​മുള്ള കത്തോ​ലി​ക്കർ ദൈവ​ത്തോട്‌ യേശു​ക്രി​സ്‌തു മുഖാ​ന്തരം ക്ഷമക്കായി യാചി​ച്ചു​കൊണ്ട്‌ അവരുടെ പാപങ്ങൾ ഏറ്റു പറയു​മാ​യി​രു​ന്നു (1 യോഹ​ന്നാൻ 1:9-2:2) പാപ​മോ​ക്ഷ​ങ്ങ​ളു​ടെ ഉപദേ​ശ​ത്തി​ന്റെ ആധാര​മായ നന്മകളു​ടെ സമാഹ​ര​ണ​ത്തിന്‌ ബൈബി​ളിൽ യാതൊ​രു അടിസ്ഥാ​ന​വു​മി​ല്ലാ​ത്ത​തു​പോ​ലെ​തന്നെ “നീതീ​ക​ര​ണ​ത്തി​ന്റെ ഏതെങ്കി​ലും ഘട്ടത്തിൽ ഒരു മാനുഷ പുരോ​ഹി​തന്റെ മാദ്ധ്യ​സ്ഥ​ത​ക്കും അടിസ്ഥാ​ന​മില്ല.—എബ്രായർ 7:26-28.

ക്രിസ്‌തു​വി​ന്റെ ബലിയു​ടെ വൈശി​ഷ്ട്യ​ങ്ങ​ളു​ടെ അടിസ്ഥാ​ന​ത്തിൽ ക്രിസ്‌ത്യാ​നി നീതി​മാ​നാ​യി പ്രഖ്യാ​പി​ക്ക​പ്പെ​ടു​ന്നു എന്ന്‌ അർത്ഥധ്വ​നി​യുള്ള പ്രോ​ട്ട​സ്റ്റന്റ്‌ നീതീ​കരണ സിദ്ധാന്തം സംശയ​മെ​ന്യേ ബൈബിൾ പഠിപ്പി​ക്കു​ന്ന​തി​നോട്‌ ഏറെ അടുപ്പ​മു​ള്ള​താണ്‌. എന്നിരു​ന്നാ​ലും ചില പ്രോ​ട്ട​സ്റ്റന്റ്‌ സഭകൾ “വിശ്വാ​സ​ത്താൽ മാത്രമേ നീതീ​ക​രണം ഉള്ളൂ” എന്ന്‌ പഠിപ്പി​ക്കു​ന്നു. ഇത്‌, നാം കാണാൻ ഇരിക്കു​ന്ന​തു​പോ​ലെ പൗലോസ്‌ അപ്പോ​സ്‌ത​ല​നും യാക്കോ​ബും അവതരി​പ്പിച്ച പ്രത്യേക ന്യയങ്ങളെ അവഗണി​ക്കു​ന്നു. ആത്മീയ​മാ​യി ഞങ്ങൾ തികഞ്ഞി​രി​ക്കുന്ന എന്ന ആ സഭകളു​ടെ മനോ​ഭാ​വം,“ ഒരിക്കൽ രക്ഷിക്ക​പ്പെ​ട്ടാൽ എന്നേക്കും രക്ഷിക്ക​പ്പ​ട്ടി​രി​ക്കു​ന്നു” എന്ന പ്രയോ​ഗ​ത്തിൽ ഒതുക്കാം. രക്ഷിക്ക​പ്പെ​ടു​ന്ന​തി​നു ക്രിസ്‌തു​വിൽ വിശ്വ​സി​ക്കുക മാത്രമേ വേണ്ടൂ എന്നും അതു​കൊണ്ട്‌ നീതീ​ക​രണം സ്‌നാ​ന​ത്തിന്‌ മുമ്പായി നടക്കു​ന്നു​വെ​ന്നും ചില പ്രോ​ട്ട​സ്റ്റ​ന്റു​കാർ വിശ്വ​സി​ക്കു​ന്നു.

കൂടാതെ ചില പ്രോ​ട്ട​സ്റ്റന്റ്‌ സഭകൾ വിശ്വാ​സ​ത്താൽ ഉള്ള നീതീ​ക​രണം പഠിപ്പി​ക്കു​ന്നു​മ്പോൾ ഫ്രഞ്ചു നവീകരണ കർത്താ​വായ ജോൺ കാൽവി​നെ പിന്തു​ട​രു​ക​യും സ്വതന്ത്ര ഇച്ഛയുടെ ബൈബിൾ ഉപദേ​ശത്തെ നിക്ഷേ​ധി​ച്ചു​കൊണ്ട്‌ വ്യക്തി​ക​ളു​ടെ ഭാവി മുൻനിർണ്ണ​യി​ച്ചി​രി​ക്കു​ന്നു എന്നു പഠിപ്പി​ക്കു​ക​കും ചെയ്‌തു. (ആവർത്തനം 30:19, 20) അതു​കൊണ്ട്‌ നീതീ​ക​രണം സംബന്ധിച്ച പ്രോ​ട്ട​സ്റ്റന്റ്‌ സിദ്ധാ​ന്ത​മോ കത്തോ​ലി​ക്കാ സിദ്ധാ​ന്ത​മോ പൂർണ്ണ​മാ​യി ബൈബി​ളി​നോട്‌ യോജി​പ്പു​ള്ളതല്ല എന്ന്‌ പ്രസ്‌താ​വി​ക്കാൻ സാധി​ക്കും.

ബൈബിൾ എന്ത്‌ പഠിപ്പി​ക്കു​ന്നു?

എങ്കിലും നീതീ​ക​ര​ണ​ത്തി​ന്റെ അഥവാ മനുഷ്യന്‌ ദൈവ​മു​മ്പാ​കെ നീതീ​യുള്ള ഒരു നില പ്രദാനം ചെയ്യ​പ്പെ​ടാ​വുന്ന വിധം സംബന്ധിച്ച്‌ ബൈബിൾ നിശ്ചയ​മാ​യും പഠിപ്പ​ക്കു​ന്നുണ്ട്‌. നാമെ​ല്ലാം ദൈവ​മ​ക്ക​ളാ​യല്ല ക്രോ​ധ​സ​ന്ത​തി​ക​ളാ​യി ജനിച്ചി​രി​ക്ക​യാൽ ദൈവ​വു​മാ​യി നീതി​യിൽ വരേണ്ട ആവശ്യ​മു​ള്ളത്‌ എന്തു​കൊണ്ട്‌ എന്ന്‌ നാം മുമ്പ്‌ കണ്ടുക​ഴി​ഞ്ഞ​രി​ക്കു​ക​യാണ്‌. (എഫെസ്യർ 2:1-3) ദൈവ​ത്തി​ന്റെ ക്രോധം നമ്മുടെ മേൽ വസിക്കു​ന്നു​വോ ഇല്ലയോ എന്നത്‌ വിശ്വ​സ്‌ത​നും നീതി​മാ​നു​മായ ദൈവം താനു​മാ​യി നിരപ്പി​ലാ​കു​ന്ന​തി​നു​വേ​ണ്ടി​യുള്ള അവന്റെ കരുണാ​പൂർവ്വ​ക​മായ കരുത​ലി​നെ സ്വീക​രി​ക്കു​ക​യോ തിരി​സ്‌ക്ക​രി​ക്കു​ക​യോ ചെയ്യു​ന്ന​തി​നെ ആശ്രയി​ച്ചി​രി​ക്കും. (യോഹന്നൻ 3:36) “യേശു കൊടുത്ത ആ മറുവി​ല​യാണ്‌ ആ സ്‌നേ​ഹ​പൂർവ്വ​ക​മായ കരുതൽ”—റോമർ 3:23, 24.

ക്രിസ്‌തു​വി​ന്റെ മറുവി​ല​യാ​ഗം “ഭൂമി​യി​ലു​ള്ള​തും” “സ്വർഗ്ഗ​ത്തി​ലു​ള്ളതു”മായ രണ്ടു പ്രത്യാ​ശകൾ തുറന്നു​ത​രു​ന്നു എന്ന്‌ അപ്പോ​സ്‌ത​ല​നായ പൗലോസ്‌ കാണിച്ചു അവൻ എഴുതി “സകല നിറവും അവനിൽ (ക്രിസ്‌തു​വിൽ) കുടി​കൊ​ള്ളു​ന്ന​തും ദണ്ഡനസ്‌തം​ഭ​ത്തിൽ അവൻ ചൊരിഞ്ഞ രക്തത്തി​ലൂ​ടെ സമാധാ​നം ഉണ്ടാക്കി​ക്കൊണ്ട്‌ ഭൂമി​യി​ലു​ള്ള​താ​കട്ടെ സ്വർഗ്ഗ​ത്തി​ലു​ള്ള​താ​കട്ടെ മറ്റെല്ലാ​റ്റി​നെ​യും തന്നോട്‌ വിണ്ടും നിരപ്പി​ക്കു​ന്ന​തും നല്ലത്‌ എന്ന്‌ ദൈവം കണ്ടു.” കൊ​ലോ​സ്യർ 1:19, 20.

കത്തോ​ലി​ക്കാ​സഭ നീതീ​ക​രണം മനുഷ്യ​നെ യഥാർത്ഥ​മാ​യി നീതി​മാ​നാ​ക്കു​ന്നു എന്നു പഠിപ്പി​ക്കു​ന്നു. പക്ഷേ മരണക​ര​മായ പാപത്തിൽ അതു നഷ്ടപ്പെ​ടു​ത്തു​ന്ന​തി​നോ വ്യക്തി​പ​ര​മായ വൈശി​ഷ്ട്യ​ത്താൽ അതിനെ വർദ്ധി​പ്പി​ക്കു​ന്ന​തി​നോ കഴിയും.

പ്രോ​ട്ട​സ്റ്റ​ന്റു​കാ​രായ നിരവ​ധി​പേർ വിശ്വാ​സ​ത്തി​ലൂ​ടെ മാത്ര​മുള്ള നീതീ​ക​ര​ണ​ത്തിൽ അഥവാ നീതി​മാ​നാ​യി പ്രഖ്യാ​പി​ക്ക​പ്പെ​ടു​ന്നു എന്നും വിശ്വ​സി​ക്കു​ന്നു. യേശു​വി​ലുള്ള വിശ്വാ​സം രക്ഷ ഉറപ്പാ​ക്കു​ന്നു എന്നും നീതീ​ക​രണം മുൻനിർണ്ണ​യി​ക്ക​പ്പെ​ട്ടി​രി​ക്കു​ന്നു​വെ​ന്നും മറ്റു ചിലർ വിശ്വ​സി​ക്കു​ന്നു.

ബൈബിൾ മനുഷ്യന്‌ സ്വതന്ത്ര ഇച്ഛാശ​ക്തി​യു​ണ്ടെ​ന്നും ക്രിസ്‌തു​വി​ന്റെ മറുവി​ല​യാ​ഗം സ്വർഗ്ഗീ​യ​വും ഭൗമി​ക​വു​മായ രണ്ടു പ്രത്യാ​ശകൾ തുറന്നു തരുന്നു എന്നും പഠിപ്പി​ക്കു​ന്നു. രണ്ടു പ്രത്യാ​ശ​ക​ളി​ലും ദൈവ മുമ്പാകെ ഒരു നീതി​യുള്ള നില ലഭിക്കു​ന്ന​തു് അന്തർഭ​വി​ച്ചി​രി​ക്കു​ന്നു.

[അടിക്കു​റി​പ്പു​കൾ]