അപ്പോ​ക്കാ​ലി​പ്‌സി​ലെ കുതി​രകൾ—അവരുടെ സവാരി നിങ്ങളെ ബാധി​ക്കു​ന്ന​വി​ധം

കനേഡി​യൻ നഗരമായ റ്റൊറ​ന്റോ​യി​ലെ ദൈനം​ദിന യാത്രി​ക​രി​ല​നേ​കർക്ക്‌ 1985 ഏപ്രിൽ മാസം ഒന്നാം തീയതി, തിങ്കളാഴ്‌ച, മറ്റേതു ദിവസ​വും പോലെ ആയിരു​ന്നില്ല. നഗരത്തി​ന്റെ ഭൂഗർഭ​പാ​തകൾ തകർത്തു നശിപ്പി​ക്കു​മെന്ന്‌ ബോം​ബാ​ക്ര​മ​ണ​കാ​രി​കൾ ഭീഷണി മുഴക്കി​യി​രു​ന്നു. എന്തു​കൊണ്ട്‌? തുർക്കി​യി​ലുള്ള അർമീ​നി​യൻ ജനതയെ നശിപ്പി​ച്ചു കളയു​ന്ന​തിന്‌ വർഷങ്ങൾക്കു മുമ്പെ​ങ്ങോ നടന്നതാ​യി അവർ പറയുന്ന ഒരു ഉദ്യമ​ത്തി​ലേക്ക്‌ ശ്രദ്ധ ക്ഷണിക്കു​ന്ന​തി​നു വേണ്ടി. തുർക്കി ഭരണകൂ​ടം അങ്ങനെ​യൊ​രു സംഗതി ആവർത്തിച്ച്‌ നിഷേ​ധി​ച്ചി​ട്ടു​ള്ള​താ​യി​രു​ന്നു​താ​നും.

വർഷങ്ങൾക്ക​പ്പു​റ​ത്തെ ആ സംഗതി​യെ​ക്കു​റിച്ച്‌ ആ യാത്രി​ക​രിൽ ഒട്ടുമി​ക്ക​വർക്കും ഒന്നും അറിയി​ല്ലാ​യി​രു​ന്നു എന്നതിന്‌ സംശയം ഇല്ല. എങ്കിലും അവർക്ക്‌ കുറെ യാതന​യും ഉത്‌ക​ണ്‌ഠ​യും അനുഭ​വി​ക്കേ​ണ്ടി​വന്നു. പലപ്പോ​ഴും നമുക്ക്‌ യാതൊ​രു അറിവും ഇല്ലാത്ത കാര്യ​ങ്ങ​ളാൽ നാം ബാധി​ക്ക​പ്പെ​ടു​ന്നു.

ഇരുപ​താം നൂറ്റാ​ണ്ടി​ന്റെ രണ്ടാം ദശകത്തിൽ, വെളി​പ്പാട്‌ (അഥവാ അപ്പോ​ക്കാ​ലി​പ്‌സ്‌) 6:1-8-ൽ കാണുന്ന സുപ്ര​ധാന ബൈബിൾ പ്രവച​ന​ത്തി​ന്റെ നിവൃ​ത്തി​യെ​ന്ന​വണ്ണം ശ്രദ്ധേ​യ​ങ്ങ​ളായ ചില സംഭവങ്ങൾ അരങ്ങേറി. ക്രിസ്‌ത്യ​ന​പ്പോ​സ്‌ത​ല​നായ യോഹ​ന്നാന്‌ വെളി​പ്പെ​ടു​ത്തിയ പ്രകാരം അന്ത്യനാ​ളു​ക​ളിൽ കുതി​ര​ക്കാർ സവാരി തുട​ങ്ങേ​ണ്ടി​യി​രു​ന്നു. ദശലക്ഷ​ങ്ങൾക്ക്‌ പക്ഷേ ഇതറി​യി​ല്ലെ​ങ്കി​ലും അപ്പോ​ക്കാ​ലി​പ്‌സി​ലെ കുതി​ര​ക്കാ​രു​ടെ സവാരി ഭൂമു​ഖ​ത്തുള്ള ഏതൊ​രു​വ​നെ​യും ബാധി​ക്കു​ന്നു. നിങ്ങളും ബാധി​ക്ക​പ്പെ​ടു​ന്നുണ്ട്‌. എന്നാൽ എങ്ങനെ? നാം കുതി​ര​ക്കാ​രിൽ ഓരോ​രു​ത്ത​രെ​യും കുറിച്ച്‌ ചർച്ച​ചെ​യ്യു​മ്പോൾ നമുക്ക്‌ കാണാം.

തീ നിറമുള്ള കുതിര

യോഹ​ന്നാൻ കണ്ട അശ്വങ്ങ​ളിൽ ഒന്ന്‌ “തീ നിറമുള്ള കുതി​ര​യാ​യി​രു​ന്നു; അതിൻമേ​ലി​രി​ക്കു​ന്ന​വ​നു് അവർ അന്യോ​ന്യം കൊല്ലു​വാൻ തക്കവണ്ണം ഭൂമി​യിൽ നിന്നു് സമാധാ​നം എടുത്തു് കളയു​ന്ന​തി​നു് അനുവാ​ദം ലഭിച്ചി​രു​ന്നു; അവന്‌ ഒരു വലിയ വാളും നൽക​പ്പെട്ടു.—വെളി​പ്പാ​ടു് 6:4.

ഈ കുതി​ര​ക്കാ​രന്റെ “വലിയ വാൾ” യുദ്ധത്തെ ചിത്രീ​ക​രി​ക്കു​ന്നു. തദനു​സ​രണം, 1914 മുതൽക്ക്‌ 6 കോടി 9 ലക്ഷം ആളുകൾ രണ്ടു ലോക മഹായു​ദ്ധ​ങ്ങ​ളി​ലാ​യി മരിച്ചു. എന്തൊരു കൂട്ട​ക്കൊല! വിധവ​മാ​രു​ടെ​യും അനാഥ​രു​ടെ​യും ഒരു ഭീമമായ സന്നാഹം അന്താരാ​ഷ്‌ട്രീയ യുദ്ധങ്ങളെ കുറി​ക്കുന്ന തീ നിറമുള്ള കുതി​ര​യു​ടെ സവാരി​ക്കാ​രൻ തങ്ങളുടെ ജീവി​തത്തെ നേരിട്ട്‌ ബാധി​ച്ചി​രി​ക്കു​ന്നു​വെ​ന്ന​തിന്‌ തെളിവ്‌ നൽകുന്നു.

അതിലു​പ​രി​യാ​യി, തുടർന്നു​പോ​കുന്ന യുദ്ധങ്ങ​ളും യുദ്ധഭീ​ഷ​ണി​ക​ളും ഇളം തലമു​റ​യു​ടെ മേൽ കനത്ത ആഘാതം ഏൽപ്പി​ച്ചി​ട്ടുണ്ട്‌. സജീവ സംഘട്ടനം കൊടും​ഭി​രി​ക്കൊ​ണ്ടി​രി​ക്കു​ന്നി​ടത്ത്‌ പോരാ​ട്ട​ത്തി​ന്റെ വലിയ പങ്ക്‌ കൗമാ​ര​പ്രാ​യ​ക്കാ​രാണ്‌ നടത്തു​ന്നത്‌. ഈ യുവജ​ന​ങ്ങ​ളു​ടെ മേൽ യുദ്ധം വരുത്തി​യി​രി​ക്കുന്ന ഫലം, മനുഷാ​വ​കാശ ഏജൻസി​ക​ളി​ലൊ​ന്നി​ന്റെ അധ്യക്ഷൻ ഉന്നയിച്ച പിൻവ​രുന്ന ചോദ്യ​ത്തിൽ സംക്ഷേ​പി​ച്ചി​രി​ക്കു​ന്നു: “അവർക്ക്‌ സുബോ​ധ​വും സമനി​ല​യും ഉള്ളവരാ​യി എങ്ങനെ മുതിർന്നു​വ​രാൻ കഴിയും?”

യുദ്ധം നേരിട്ട്‌ ബാധി​ച്ചി​രി​ക്കുന്ന നിരവധി രാജ്യ​ങ്ങ​ളി​ലെ യുവാക്കൾ കാലത്തെ മാസങ്ങ​ളി​ലും വർഷങ്ങ​ളി​ലും കണക്കാ​ക്കു​ന്ന​തി​നു പകരം മണിക്കൂ​റു​ക​ളി​ലും ദിവസ​ങ്ങ​ളി​ലും കണക്കാ​ക്കു​ന്ന​തിന്‌ തുടങ്ങി​യി​രി​ക്കു​ന്നു: “ഭാവി​യോ, ഭാവി​യെ​പ്പറ്റി ആര്‌ ചിന്തി​ക്കു​ന്നു; ഞാനിന്ന്‌ കിടന്നു​റ​ങ്ങു​മ്പോൾ എന്റെ മുറി​യി​ലേക്ക്‌ ഇന്നുരാ​ത്രി ഒരു ബോം​ബ്‌ഷെൽ കടന്നു​വ​രില്ല എന്നു നിങ്ങൾക്കു​റപ്പു തരാനാ​കു​മോ?”

സമാധാ​ന​മു​ള്ള ദേശങ്ങ​ളിൽ താമസി​ക്കുന്ന കുട്ടി​കളെ സംബന്ധി​ച്ചെന്ത്‌? യുദ്ധ കുതി​ര​ക്കാ​രന്റെ സ്വാധീന ഫലങ്ങൾ അവർക്ക​നു​ഭ​വ​പ്പെ​ടു​ന്നു​ണ്ടോ: ഉണ്ട്‌, ന്യൂക്ലി​യർ യുദ്ധത്തി​ന്റെ ഇരുണ്ട​ഭീ​ഷണി അവരുടെ മേൽ ആഴമായ മാനസ്സിക പ്രത്യാ​ഘാ​തങ്ങൾ കൈവ​രു​ത്തി​യി​രി​ക്കു​ന്നു. തന്റെ വിദ്യാർഥി​കൾ പ്രകടി​പ്പിച്ച നിരാ​ശ​യെ​ക്കു​റിച്ച്‌ ഒരദ്ധ്യാ​പിക പിൻവ​രുന്ന അഭി​പ്രാ​യം പറഞ്ഞു: “ഈ ആശയ​പ്ര​ക​ട​നങ്ങൾ കൂടെ​ക്കൂ​ടെ കേട്ട​പ്പോ​ഴെ​ല്ലാം ഞാൻ വിശ്വ​സി​ക്കാ​നാ​വാത്ത ഒരു മാനസിക സ്ഥിതി​യിൽ ആയി​പ്പോ​യി. ഈ കൊച്ചു കുട്ടി​കൾക്ക്‌, ഞാൻ എനിക്ക​നു​ഭ​വ​പ്പെ​ടാൻ അനുവ​ദി​ക്ക​യി​ല്ലാത്ത ഒരു അളവിൽ നിരാശ തോന്നി​യി​രു​ന്നു.” കാനഡ​യി​ലെ ക്യൂ​ബെ​ക്കി​ലുള്ള ഡോ. റിച്ചാർഡ്‌ ലോഗൻ ഇങ്ങനെ കൂട്ടി​ച്ചേർക്കു​ന്നു: “നിസ്സഹാ​യ​ത​യും അശക്തി​യും ആണ്‌ വിഷാ​ദ​രോ​ഗ​ത്തി​ന്റെ മനശ്ശാ​സ്‌ത്ര​പ​ര​മായ നിർവ്വ​ചനം. ഇന്ന്‌ ഒട്ടുവ​ളരെ ചെറു​പ്പ​ക്കാ​രി​ലും നാം കാണു​ന്നത്‌ ഇതാണ്‌.”

നിങ്ങൾ ഒരു യുദ്ധ പ്രഹരി​ത​മായ രാജ്യത്തു വസിക്കു​ക​യോ ഈ പ്രശ്‌ന​ത്താൽ വൈകാ​രി​ക​മാ​യി ബാധി​ക്ക​പ്പെ​ട്ടി​ട്ടി​ല്ലെന്നു കരുതു​ക​യോ ചെയ്യു​ന്നെ​ങ്കി​ലെന്ത്‌? എങ്കിൽപ്പോ​ലും തീ നിറമുള്ള കുതി​ര​യു​ടെ സവാരി​ക്കാ​രൻ നിങ്ങളു​ടെ ജീവി​തത്തെ ബാധി​ക്കു​ന്നുണ്ട്‌. ഓരോ മിനി​റ്റി​ലും 13 ലക്ഷം ഡോളർ സൈനീക ആവശ്യ​ങ്ങൾക്കാ​യി നേരിട്ടു ചെലവ​ഴി​ക്ക​പ്പെ​ടു​ന്നു—ഒരു 66,000 കോടി ഡോളർ ലോക​വ്യാ​പ​ക​മാ​യി ഒരു വർഷം ചെലവി​ടു​ന്നു. അതിന്‌ ചെലവ്‌ വഹിക്കു​ന്ന​താ​രാണ്‌? നിങ്ങളാ​ണത്‌ ചെയ്യു​ന്നത്‌ നിങ്ങ​ളെ​വി​ടെ ജീവി​ച്ചാ​ലും തീ നിറമുള്ള കുതി​ര​യു​ടെ സവാരി​ക്കാ​ര​നാൽ നിങ്ങൾ ബാധി​ക്ക​പ്പെ​ടു​ന്നു.

കറുത്ത കുതിര

ആ വർണോ​ജ്വ​ല​മായ ചിത്രീ​ക​ര​ണ​ത്തി​ലെ മറ്റൊരു കുതി​രയെ യോഹ​ന്നാൻ ഈ വാക്കു​ക​ളിൽ വർണ്ണി​ക്കു​ന്നു: “ഞാൻ നോക്കി​യ​പ്പോൾ അതാ! ഒരു കറുത്ത കുതിര; അതിൻമേ​ലി​രി​ക്കു​ന്ന​വ​നു് തന്റെ കൈയ്യിൽ ഒരു ത്രാസ്സു​ണ്ടാ​യി​രു​ന്നു. നാലു ജീവി​ക​ളു​ടെ​യും മദ്ധ്യത്തിൽ നിന്നെ​ന്ന​പോ​ലെ ഒരു ശബ്ദം ഇങ്ങനെ പറയു​ന്ന​താ​യി ഞാൻ കേൾക്കു​ക​യും ചെയ്‌തു: ’ഒരു ദിനേ​റി​യ​സ്സി​നു ഒരിട​ങ്ങഴി കോതമ്പ്‌. ഒരു ദിനേ​റി​യ​സ്സി​നു് മൂന്നി​ട​ങ്ങഴി യവം; ഒലി​വെ​ണ്ണ​ക്കും വീഞ്ഞി​നും ഹാനി വരുത്ത​രു​തേ.’”—വെളി​പ്പാ​ടു് 6:5, 6.

നിങ്ങൾക്കു വിശക്കു​ന്നു​ണ്ടോ? ദശലക്ഷ​ങ്ങൾക്ക്‌ വിശക്കു​ന്നു. ഭക്ഷ്യക്ഷാ​മത്തെ കുറി​ക്കുന്ന കറുത്ത കുതി​ര​യു​ടെ സവാരി​ക്കാ​ര​നാൽ അവർ നേരിട്ട്‌ ബാധി​ക്ക​പ്പെ​ടു​ന്നു. വേണ്ടത്ര ഭക്ഷണമോ മരുന്നോ ലഭിക്കാ​തെ ഓരോ മിനി​റ​റി​ലും 30 കുട്ടികൾ വീതം മരിക്കു​ന്നു—ഒരു വർഷത്തിൽ ഒന്നര കോടി പേർ! വേറെ ശതകോ​ടി​ക്ക​ണ​ക്കി​നാ​ളു​കൾ ദാരു​ണ​മായ അവസ്ഥക​ളിൽ കഴിയു​ന്നു. മുൻ ലോക ബാങ്ക്‌ പ്രസി​ഡൻറായ റോബർട്ട്‌ മാക്‌ന​മാ​ര​യു​ടെ വാക്കു​ക​ളിൽ, “തങ്ങൾ എന്തി​നോട്‌ കൂടി ജനിച്ചു​വോ ആ ജീവക​ണ​ങ്ങ​ളു​ടെ [ജീൻസ്‌] ഉപയോ​ഗം തന്നെ തങ്ങൾക്ക്‌ നിഷേ​ധി​ക്ക​പ്പെ​ടും വിധം നിരക്ഷരത, വികല​പോ​ഷണം, രോഗം, ഉയർന്ന ശൈശ​വ​മ​ര​ണ​നി​രക്ക്‌ എന്നിവ​യാൽ അവർ അത്രമാ​ത്രം ഞെരു​ക്ക​പ്പെ​ട്ടി​രി​ക്കു​ന്നു.

അടുത്ത മാസങ്ങ​ളിൽ പട്ടിണി കിടക്കുന്ന ആഫ്രിക്കൻ സ്‌ത്രീ​പു​രു​ഷൻമാ​രു​ടെ​യും കുട്ടി​ക​ളു​ടെ​യും ചിത്രങ്ങൾ കാണുക സാധാ​ര​ണ​മാ​യി​രു​ന്നി​ട്ടുണ്ട്‌. ആ ദുരി​താ​നു​ഭ​വ​ത്തി​ന്റെ വ്യാപ്‌തി വരച്ചു കാട്ടി​ക്കൊണ്ട്‌ യു. എൻ. സെക്ര​ട്ടറി ജനറലായ ജാവ്യർ പെരെസ്‌ ഡിക്വല്ലർ ഇങ്ങനെ മുന്നറി​യി​പ്പു നൽകി: “രണ്ടാം ലോക​മ​ഹാ​യു​ദ്ധ​ത്തി​ലാ​ക​മാ​നും മരിച്ച​തി​ലേറെ മനുഷ്യ ജീവികൾ ആഫ്രിക്കൻ സഹാറ​യിൽ മരിച്ചു വീണേ​ക്കും. അതിജീ​വി​ക്കു​ന്നവർ പോലും തങ്ങളുടെ ജീവി​ത​ത്തി​ന്റെ ശിഷ്‌ട​കാ​ല​മ​ത്ര​യും ഒന്നുകിൽ മാനസ്സി​ക​മാ​യോ, അല്ലെങ്കിൽ ശാരീ​രി​ക​മാ​യോ വൈക​ല്യം പേറി കഴി​യേണ്ടി വന്നേക്കാം.” ഈ ഇരകൾ കറുത്ത കുതി​ര​യു​ടെ സവാരി​യാൽ നേരിട്ട്‌ ബാധി​ക്ക​പ്പെ​ടു​ന്നു.

നിങ്ങൾക്ക്‌ വിശക്കു​ന്നി​ല്ലാ​യി​രി​ക്കാം. എങ്കിലും ക്ഷാമബാ​ധി​ത​രു​ടെ ശോച​നീയ ചിത്ര​ങ്ങ​ളാൽ നിങ്ങളും തീർച്ച​യാ​യും ബാധി​ക്ക​പ്പെ​ടു​ന്നുണ്ട്‌. മെയ്‌ 20, 1985-ലെ ന്യൂ​യോർക്ക്‌ റൈറംസ്‌ മുഖ​പ്ര​സം​ഗം അനുസ​രിച്ച്‌ ക്ഷാമബാ​ധി​തർക്ക്‌ സഹായ​മെ​ത്തി​ക്കു​ന്ന​തിന്‌ നൂറ്‌ കോടി ഡോളർ സംഭാവന ചെയ്യ​പ്പെ​ടു​ക​യു​ണ്ടാ​യി. നിങ്ങൾ നേരിട്ട്‌ സംഭാവന ചെയ്‌തി​ട്ടി​ല്ലെ​ങ്കി​ലും ചില ഗവൺമെൻറു​കൾ നികു​തി​പി​രിച്ച തുകയിൽ നിന്ന്‌ വമ്പിച്ച സംഭാ​വ​നകൾ ചെയ്‌തി​ട്ടുണ്ട്‌. അതെ, കറുത്ത കുതി​ര​യു​ടെ സവാരിക്ക്‌ പ്രത്യ​ക്ഷ​വും പരോ​ക്ഷ​വും ആയ ഫലം സർവ്വ ജനങ്ങളു​ടെ​യും മേൽ ഉണ്ടായി​ട്ടുണ്ട്‌.

വിളറിയ കുതിര

മറ്റൊരു കുതി​ര​യെ​യും അതിന്റെ സവാരി​ക്കാ​ര​നെ​യും വർണ്ണി​ച്ചു​കൊണ്ട്‌ യോഹ​ന്നാൻ കണ്ട ദർശനം തുടരു​ന്നു: “ഞാൻ നോക്കി​യ​പ്പോൾ അതാ! ഒരു വിളറിയ കുതിര; അതിൻമേ​ലി​രി​ക്കു​ന്ന​വ​നു് മരണ​മെ​ന്നു് പേർ, ഹെഡീസ്‌ തൊട്ട്‌ പിന്നാലെ അവനെ പിന്തു​ടർന്നു. ഭക്ഷ്യദൗർല​ഭ്യ​ത്താ​ലും മാരക​മായ പകർച്ച​വ്യാ​ധി​ക​യാ​ലും ഭൂമി​യി​ലെ കാട്ടു​മൃ​ഗ​ങ്ങ​ളാ​ലും കൊല്ലു​ന്ന​തി​നു് ഭൂമി​യു​ടെ കൽ അംശത്തിൻമേൽ അവർക്കു് അധികാ​രം ലഭിച്ചു.—വെളി​പ്പാ​ടു് 6:8.

മരണം വിളറിയ കുതി​ര​മേൽ സവാരി ചെയ്യുന്നു. ഈ കുതി​ര​ക്കാ​രന്റെ സവാരി​യു​ടെ സമയത്ത്‌ ജീവൻ ഒടുക്ക​ക്ക​ള​യ​പ്പെ​ടുന്ന അനവധി മാർഗ്ഗ​ങ്ങ​ളിൽ “മരണക​ര​മായ പകർച്ച​വ്യാ​ധി”യാണ്‌ ഒന്ന്‌. വൈദ്യ​ശാ​സ്‌ത്ര​രം​ഗത്തെ ആധുനിക പുരോ​ഗ​തി​ക​ളു​ണ്ടാ​യി​ട്ടും. എല്ലാ മുഖങ്ങ​ളി​ലും ലോകം ഇന്നും രോഗത്തെ നേരി​ടു​ന്നു. ഒന്നാം ലോക​മ​ഹാ​യു​ദ്ധ​ത്തിന്‌ തൊട്ടു പിന്നാലെ ഉണ്ടായ സ്‌പാ​നീഷ്‌ ഫ്‌ളൂ എന്നു വിളി​ക്കുന്ന രോഗ​ത്തി​ന്റെ വ്യാപ്‌തി​യുള്ള ഒരു പകർച്ച​വ്യാ​ധി​യെ നാമിന്ന്‌ നേരി​ടു​ന്നി​ല്ലെ​ങ്കി​ലും അർബ്ബുദം, ഹൃ​ദ്രോ​ഹങ്ങൾ, തുടങ്ങി അനേക രോഗങ്ങൾ വരുത്തി​വച്ച ജീവനാ​ശം അമ്പരപ്പു​ള​വാ​ക്കു​ന്ന​താണ്‌. ഉദാഹ​ര​ണ​ത്തിന്‌ ലോക​വ്യാ​പ​ക​മായ അർബു​ദ​രോ​ഗ​ത്തി​ന്റെ 59 ലക്ഷം പുതിയ കേസുകൾ ലോകാ​രോ​ഗ്യ​സം​ഘടന നിർണ്ണയം ചെയ്‌തി​ട്ടു​ണ്ടു്. ഇന്നനു​ഭ​വി​ച്ചു​കൊ​ണ്ടി​ര​രി​ക്കുന്ന വ്യാധി​ക​ളോ​ടൊ​പ്പം അന്ധതാ രോഗം, മലേറിയ, സ്‌നെ​യിൽ ഫീവർ, കോളറ തുടങ്ങി​യ​വ​യും മറ്റനവധി രോഗ​ങ്ങ​ളു​ടെ ഒരു വലിയ ഗണവും കൂടി​ച്ചേർന്നി​രി​ക്കു​ന്നു.

എങ്കിലും, “എനിക്കീ രോഗ​ങ്ങ​ളൊ​ന്നു​മി​ല്ല​ല്ലൊ” എന്നു നിങ്ങൾ ന്യായ​വാ​ദം ചെയ്‌തേ​ക്കും. അത്‌ സത്യാ​യി​രി​ക്കാം, പക്ഷെ വിളറിയ കുതി​ര​യു​ടെ സവാരി നിങ്ങ​ളെ​യും ബാധി​ക്കു​ന്നുണ്ട്‌. ആശുപ​ത്രി ചെലവും ചികിത്സാ ചെലവും ഭീമമാണ്‌. ഇത്‌ ആളുകളെ ഏതെങ്കി​ലും രൂപത്തി​ലുള്ള ആരോഗ്യ ഇൻഷു​റൻസ്‌ എടുക്കാൻ പ്രേരി​പ്പി​ക്കു​ന്നു. പല രാജ്യ​ങ്ങ​ളി​ലും നികു​തി​ക​ളി​ലൂ​ടെ ചെലവ്‌ വഹിച്ചു​കൊണ്ട്‌ സാമൂ​ഹ്യ​മ​രു​ന്നു പ്രദാനം ചെയ്യു​ന്നുണ്ട്‌. ഉയർന്ന വിലക​ളു​ടെ രൂപത്തിൽ നിങ്ങളെ ഒടുവിൽ തിരി​ഞ്ഞാ​ക്ര​മി​ക്കുന്ന ജോലി സമയ നഷ്ടത്തിന്റെ വില​യെ​ക്കു​റിച്ച്‌ ചിന്തി​ക്കുക. ഉവ്വ്‌, വിളറിയ കുതി​ര​യു​ടെ സവാരി നിങ്ങളെ ബാധി​ക്കു​ന്നുണ്ട്‌.

വെള്ളക്കു​തിര എന്തു കൈവ​രു​ത്തു​ന്നു

മറ്റു കുതി​ര​ക്കാർ സവാരി നടത്തു​മ്പോൾ ഉണ്ടാകുന്ന ഹാനി​ക​ര​ങ്ങ​ളായ ഫലങ്ങൾ ഗൗനി​ച്ച​തി​നു ശേഷം അവയ്‌ക്കു മുമ്പേ പുറ​പ്പെ​ടുന്ന വെള്ളക്കു​തി​ര​യെ​യും കുതി​ര​ക്കാ​ര​നെ​യും കുറിച്ച്‌ യോഹ​ന്നാൻ പറയു​ന്നത്‌. കുറി​ക്കൊ​ള്ളു​ന്നത്‌ ഹൃദയ സന്തോഷം പകരുന്ന ഒന്നാണ്‌. അപ്പോ​സ്‌തലൻ പറഞ്ഞതി​പ്ര​കാ​ര​മാണ്‌: “ഞാൻ നോക്കി​യ​പ്പോൾ അതാ! ഒരു വെളുത്ത കുതിര; അതി​മേ​ലി​രി​ക്കു​ന്ന​വ​നു് ഒരു വില്ലു​ണ്ടാ​യി​രു​ന്നു; അവനു് ഒരു കിരീടം നല്‌ക​പ്പെട്ടു, ജയിച്ച​ട​ക്കി​യും ജയിച്ച​ടക്കൽ പൂർത്തി​യാ​ക്കാ​നാ​യും അവൻ പുറ​പ്പെട്ടു.”—വെളി​പ്പാ​ടു് 6:2

വെള്ളക്കു​തി​ര​പ്പു​റത്ത്‌ യേശു​ക്രി​സ്‌തു സവാരി ചെയ്യുന്നു. (വെളി​പ്പാട്‌ 19:11) അവന്റെ സ്വർഗ്ഗീയ വാഴ്‌ച ഉദ്വേ​ഗ​ജ​ന​ക​മായ സംഭവ​ങ്ങ​ളോ​ടെ 1914-ൽ ആരംഭി​ച്ചു. പിശാ​ചും അവന്റെ ഭൂതങ്ങ​ളും ഭൂമി​യി​ലേക്ക്‌ തള്ളിയി​ട​പ്പെ​ടു​ന്ന​തിന്‌ സ്വർഗ്ഗ​ത്തി​ലെ യുദ്ധം ഇടവരു​ത്തി അതിനു​ശേഷം സ്വർഗ്ഗ​ത്തിൽ നിന്നൊ​രു ശബ്ദം ഇങ്ങനെ ഉദ്‌ഘോ​ഷി​ച്ചു: “ഭൂമി​ക്കും സമു​ദ്ര​ത്തി​നും മഹാകഷ്ടം, എന്തെന്നാൽ തനിക്കൽപ്പ​കാ​ലമെ ഉള്ളൂ എന്നറിഞ്ഞ്‌ മഹാ ക്രോ​ധ​ത്തോ​ടെ പിശാച്‌ നിങ്ങളു​ടെ അടുക്ക​ലേക്ക്‌ ഇറങ്ങി വന്നിരി​ക്കു​ന്നു.” കുതി​ര​ക്കാ​രു​ടെ സവാരിക്ക്‌ ഇത്‌ ആരംഭം കുറിച്ചു.—വെളി​പ്പാട്‌ 12:7-12.

എന്നാൽ യേശു​ക്രി​സ്‌തു​വി​ന്റെ സവാരി നിങ്ങളെ ബാധി​ക്കു​ന്ന​തെ​ങ്ങനെ? തന്റെ വാഴ്‌ച​യോ​ടുള്ള ബന്ധത്തിൽ യേശു ഇങ്ങനെ മുൻകൂ​ട്ടി​പ്പ​റഞ്ഞു: “രാജ്യ​ത്തി​ന്റെ ഈ സുവാർത്ത സകല ജനതകൾക്കും ഒരു സാക്ഷ്യ​ത്തി​നാ​യി നിവസിത ഭൂമി​യി​ലെ​ങ്ങും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14) ഇന്ന്‌ 200-ലധികം ദേശങ്ങ​ളി​ലും സമു​ദ്ര​ദ്വീ​പു​ക​ളി​ലു​മാ​യി യഹോ​വ​യു​ടെ സാക്ഷികൾ ക്രിസ്‌തു​വി​ന്റെ സ്ഥാപിത രാജ്യത്തെ പ്രഘോ​ഷി​ച്ചു​കൊ​ണ്ടി​രി​ക്കു​ന്നു. അവർ നിങ്ങളു​ടെ ഭവനത്തി​ലെ​ത്തി​യി​ട്ടു​ണ്ടോ? അപ്പോൾ ഈ കുതി​ര​ക്കാ​രന്റെ സവാരി നിങ്ങ​ളെ​യും ബാധി​ക്കു​ന്നുണ്ട്‌.

തന്റെ വാഴ്‌ച​യാൽ ജനങ്ങൾ എങ്ങനെ ബാധി​ക്ക​പ്പെ​ടും എന്ന്‌ കൂടു​ത​ലാ​യി മുൻകൂ​ട്ടി​പ്പ​റ​ഞ്ഞു​കൊണ്ട്‌ യേശു പ്രവചി​ച്ചു: “മനുഷ്യ​പു​ത്രൻ തന്റെ മഹത്വ​ത്തിൽ തന്റെ സകല ദൂതന്മാ​രു​മാ​യി വരു​മ്പോൾ അവൻ തന്റെ മഹത്വ​ത്തി​ന്റെ സിംഹാ​സ​ന​ത്തിൽ ഇരിക്കും. സർവ്വ ജനതക​ളും അവന്റെ മുമ്പാകെ കൂട്ടി​ച്ചേർക്ക​പ്പെ​ടു​ക​യും അവൻ അവരെ ഒരിടയൻ ചെമ്മരി​യാ​ടു​കളെ കോലാ​ടു​ക​ളിൽ നിന്ന്‌ വേർതി​രി​ക്കുന്ന പോലെ ആളുകളെ തമ്മിൽ വേർതി​രി​ക്കു​ക​യും ചെയ്യും. അവൻ ചെമ്മരി​യാ​ടു​കളെ തന്റെ വലത്തും കോലാ​ടു​കളെ തന്റെ ഇടത്തും നിർത്തും.”—മത്തായി 25:31-33.

വെള്ളക്കു​തി​ര​പ്പു​റ​ത്തേ​റി​യുള്ള യേശു​വി​ന്റെ സവാരി​യി​ങ്കൽ നടത്ത​പ്പെ​ടുന്ന വിഭജ​ന​വേ​ല​യു​ടെ ഫലമായി സർവ്വ മനുഷ്യ​വർഗ്ഗ​ത്തെ​യും ഒന്നുകിൽ “ചെമ്മരി​യാ​ടു​കൾ” അല്ലെങ്കിൽ “കോലാ​ടു​കൾ” എന്നു തരം തിരി​ക്കാ​നാ​കും. അന്തിമ​ഫലം കുറി​ക്കൊ​ള്ളുക. “കോലാ​ടു​കൾ” “നിത്യ​വി​ച്‌ഛേ​ദ​ന​ത്തി​ലേക്ക്‌ വേർതി​രി​ഞ്ഞു​പോ​കും പക്ഷേ നീതി​മാ​ന്മാർ [“ചെമ്മരി​യാ​ടു​കൾ”] നിത്യ​ജീ​വ​നി​ലേ​ക്കും.” (മത്തായി 25:46) അതു​കൊണ്ട്‌ രാജ്യ​സ​ന്ദേ​ശ​ത്തി​ന്റെ പ്രസം​ഗ​ത്തോട്‌ നിങ്ങൾ എങ്ങനെ പ്രതി​ക​രി​ക്കു​ന്നു​വെ​ന്നത്‌ നിങ്ങൾക്ക്‌ ഒന്നുകിൽ ജീവനോ അല്ലെങ്കിൽ മരണമോ അർത്ഥമാ​ക്കും.

അപ്പോ​ക്കാ​ലി​പ്‌സി​ലെ കുതി​ര​ക്കാർ നിങ്ങളെ എങ്ങനെ ബാധി​ക്കും എന്ന്‌ നിങ്ങൾ മുമ്പ്‌ പരിചി​ന്തി​ച്ചി​ട്ടി​ല്ലെ​ങ്കിൽ പോലും അവരുടെ സവാരി വേഗത്തിൽ അവസാ​നി​ക്കാൻ പോക​യാണ്‌ എന്ന സുവാർത്തക്ക്‌ ചെവി കൊടു​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. അതിനു​ശേഷം വെള്ളക്കു​തി​ര​പ്പു​റത്തെ സവാരി​ക്കാ​ര​നായ യേശു​ക്രി​സ്‌തു​വി​ന്റെ ഭരണത്തിൻ കീഴിൽ ഭൂമി അനേക അനു​ഗ്ര​ഹങ്ങൾ ആസ്വദി​ക്കും. അവയിൽ ചില കാര്യ​ങ്ങളെ ബൈബിൾ പ്രാവ​ച​നി​ക​മാ​യി വർണി​ക്കു​ന്നത്‌ ഇങ്ങനെ​യാണ്‌: “അവന്റെ നാളു​ക​ളിൽ നീതി​മാൻ തഴക്കും [തീ നിറമുള്ള കുതി​ര​യു​ടെ സവാരി​ക്കാ​രൻ പൊയ്‌പ്പോ​കു​ന്ന​തോ​ടെ] ചന്ദ്രനി​ല്ലാ​താ​കു​വോ​ളം സമാധാന സമൃദ്ധി ഉണ്ടാകും. [കറുത്ത കുതി​ര​യു​ടെ സവാരി​ക്കാ​രൻ ഇല്ലാത്ത​തു​കൊണ്ട്‌] ഭൂമി​യിൽ ധാന്യ സമൃദ്ധി ഉണ്ടാകും; പർവത​ങ്ങൾക്കു മീതെ ഒരു കവി​ഞ്ഞൊ​ഴു​ക്കു​ണ്ടാ​കും.”—സങ്കീർത്ത​നങ്ങൾ 72:7, 16.

യേശു​ക്രി​സ്‌തു ഭൂമി​യിൽ ഉണ്ടായി​രു​ന്ന​പ്പോൾ അറയ്‌ക്കത്തക്ക രോഗ​ങ്ങ​ളും മരണവും പോലുള്ള കാര്യ​ങ്ങ​ളു​ടെ മേൽ ദൈവ​ദ​ത്ത​മായ തന്റെ ശക്തി പ്രകടി​പ്പി​ച്ചു. തന്റെ രാജവാ​ഴ്‌ച​യു​ടെ കാലത്ത്‌ അവൻ ആ ശക്തി ഒരു വലിയ തോതിൽ പ്രകടി​പ്പി​ക്കു​ക​യും ഭൂമി​യിൽ നിന്ന്‌ സകല വ്യാധി​ക​ളും ക്ഷാമങ്ങ​ളും യുദ്ധങ്ങ​ളും തുടച്ചു​നീ​ക്കു​കു​യും ചെയ്യും. അങ്ങനെ, വെള്ളക്കു​തി​ര​യു​ടെ സവാരി​ക്കാ​രൻ അപ്പോ​ക്കാ​ലി​പ്‌സി​ലെ മറ്റു കുതി​ര​ക്കാ​രു​ടെ വിനാ​ശ​ക​ര​മായ സവാരിക്ക്‌ അറുതി വരുത്തു​ക​യും ചെയ്യും.