അപ്പോ​ക്കാ​ലി​പ്‌സ്‌—അതെന്താണ്‌?

“അപ്പോ​ക്കാ​ലി​പ്‌സ്‌!” (വെളി​പ്പാട്‌!) ആ പ്രയോ​ഗം കേൾക്കു​മ്പോൾ നിങ്ങളു​ടെ മനസ്സി​ലേക്ക്‌ വരുന്ന​തെ​ന്താണ്‌? അന്ത്യന്യാ​യ​വി​ധി​യോ? കൂട്ട​കൊ​ല​യോ? മൂന്നാം ലോക​യു​ദ്ധ​മോ? ഈ ലോക​ത്തി​ന്റെ അന്ത്യമോ? ഈ മനോ​ചി​ത്ര​ങ്ങ​ളാണ്‌ മുന്നിൽ തെളി​യു​ന്ന​തെ​ങ്കിൽ ഇക്കാര്യ​ത്തിൽ നിങ്ങൾ ഒററക്കല്ല. ശാസ്‌ത്ര​വും വാർത്താ​മാ​ദ്ധ്യ​മ​വും മനുഷ്യ​ഭാ​വി​യെ ഇരുള​ട​ഞ്ഞ​താ​യി അവതരി​പ്പി​ക്കു​ന്നു. അപ്പോൾ, ഏതോ നാശക​ര​മായ സംഭവ​ത്താ​ലുള്ള മമനു​ഷ്യ​ന്റെ ഉൻമൂ​ല​ന​ത്തോട്‌ അപ്പോ​ക്കാ​ലി​പ്‌സി​നെ ബന്ധപ്പെ​ടു​ത്തു​ന്ന​തിൽ അത്ഭുത​മു​ണ്ടോ?

“അപ്പോ​ക്കാ​ലി​പ്‌സ്‌ ഇന്ന്‌ കേവല​മൊ​രു ബൈബിൾ ചിത്രീ​ക​രണം മാത്ര​മാ​യി​രി​ക്കു​ന്നില്ല. പ്രത്യുത അതു വളരെ യഥാർത്ഥ​മായ ഒരു സാദ്ധ്യ​ത​യാ​യി​രി​ക്കു​ന്നു.” എന്ന്‌ യു. എൻ. സെക്ര​ട്ടറി ജനറൽ ജാവിയർ പെരെസ്‌ ഡി. ക്വെല്ലെർ തന്റെ ഉദ്‌ഘാ​ടന പ്രസം​ഗ​ത്തിൽ മുന്നറി​യി​പ്പു നല്‌കു​ക​യു​ണ്ടാ​യി. “വിനാ​ശ​ത്തി​നും അതിജീ​വ​ന​ത്തി​നു​മി​ട​യിൽ ഒരു നേർത്ത വക്കിൽ ആക്കപ്പെ​ട്ടി​രി​ക്കുന്ന ഈ അവസ്ഥ മനുഷ്യാ​നു​ഭ​വ​ത്തിൽ ഇന്നേവരെ നമുക്കു​ണ്ടാ​യി​ട്ടില്ല.” അദ്ദേഹം എന്തി​നെ​യാണ്‌ പരാമർശി​ച്ചത്‌? അത്‌ ഇന്നത്തെ ആയുധ​പ​ന്ത​യ​ത്തി​ന്റെ ഒരു തീവ്ര​ത​യിൽ നിന്നും ഉയർന്നു വരുന്ന ന്യൂക്ലീ​യർ ഏററു​മു​ട്ട​ലി​നേ​യാണ്‌. “ലോക​ത്തെ​മ്പാ​ടും ഏതാണ്ട്‌ 5,00,000 ശാസ്‌ത്ര​ജ്ഞൻമാർ കൂടുതൽ ആധുനി​ക​മായ ആയുധ​വി​ദ്യ​ക്കു​വേ​ണ്ടി​യുള്ള അന്വേ​ഷ​ണ​ത്തിന്‌ തങ്ങളുടെ അറിവ്‌ വിനി​യോ​ഗി​ച്ചു​കൊ​ണ്ടി​രി​ക്കുക​യാണ്‌” എന്ന്‌ ഐക്യ​രാ​ഷ്‌ട്ര​ങ്ങ​ളോ​ടുള്ള തന്റെ മുന്നറി​യി​പ്പി​നെ എടുത്തു കാണി​ച്ചു​കൊണ്ട്‌ അദ്ദേഹം പ്രസ്‌താ​വി​ച്ചു.

മററു​ള്ള​വ​രും ഇന്നത്തെ സാഹച​ര്യ​ത്തെ​ക്കു​റിച്ച്‌ ബോധ​വാൻമാ​രാണ്‌. ന്യൂ സ്‌കൂൾ ഫോർ സോഷ്യൽ റിസർച്ചി​ലെ ഫിലോ​സഫി പ്രൊ​ഫസർ ആയ വിരമിച്ച ഹാൻസ്‌ ജോൺസ്‌ പറയു​ന്നത്‌, അദ്ദേഹ​ത്തി​ന്റെ മുഖ്യ​ഭീ​തി, “സാങ്കേ​തിക നാഗരി​ക​ത്വ​ത്തി​ന്റെ ആകസ്‌മിക ചലനോർജ്ജം പ്രപഞ്ച​ത്തിൽനി​ന്നും ഭീഷണി​യു​യർത്തുന്ന ഒരു അപ്പോ​ക്കാ​ലി​പ്‌സ്‌” ആണ്‌ എന്നാണ്‌. അപ്പോ​ക്കാ​ലി​പ്‌സി​നെ അദ്ദേഹം, ഗ്രഹത്തി​ന്റെ ശോഷണം, മലനീ​ക​രണം, ശൂന്യ​മാ​ക്കൽ, എന്നിവ​യോ​ടും ആററം ബോം​ബി​നാ​ലുള്ള സത്വര നാശത്തി​ന്റെ ഭീഷണി​യോ​ടും ബന്ധിപ്പി​ക്കു​ന്നു.

അതു​പോ​ലെ ചരി​ത്ര​കാ​ര​നായ ഗോളോ മാൻ പ്രസ്‌താ​വി​ച്ചു: “ഇനി​യോ​രു ലോക​യു​ദ്ധം നമുക്കു സാദ്ധ്യമല്ല. യുദ്ധം തെററായ പദമാണ്‌. നാം മൂന്നാം, ലോക​യു​ദ്ധം എന്നപദം ഉപേക്ഷിച്ച്‌ പകരം അപ്പോ​ക്കാ​ലി​പ്‌സ്‌ അഥവാ മൊത്ത​ത്തി​ലുള്ള വിനാശം എന്നു പറയുക.”—ഹാൻബർഗ്‌സ്‌ ഡെ സിററ ഓഗസ്‌ററ്‌ 30, 1985.

അതെ, താൻ സ്വയനാ​ശ​ത്തി​ന്റെ വക്കത്താ​ണെന്ന്‌ മനുഷ്യൻ തിരി​ച്ച​റി​യു​ന്നു. എന്നാൽ അപ്പോ​ക്കാ​ലി​പ്‌സിന്‌ അവൻ തുടക്ക​മി​ടു​മോ? ബൈബിൾ പ്രകാരം ഇല്ല. സർവ്വശ​ക്ത​നായ യഹോവ മനുഷ്യ​നല്ല—ഭൂമിയെ നശിപ്പി​ക്കു​ന്ന​വരെ നശിപ്പി​ക്കും. (വെളി​പ്പാട്‌ 11:17, 18) അതു​കൊണ്ട്‌ ബൈബി​ളി​ന്റെ വീക്ഷണ​ത്തിൽ നിന്നും അപ്പോ​ക്കാ​ലി​പ്‌സ്‌ എന്താണ്‌ എന്ന്‌ ഗ്രഹി​ക്കു​ന്നത്‌ നിങ്ങൾക്കൊ​രു വ്യത്യ​സ്‌ത​മായ ധാരണ, തികച്ചും നൂതന​വും ഉജ്ജ്വല​വു​മായ ഒന്ന്‌, നൽകി​യേ​ക്കാം.

അത്‌ വാസ്‌ത​വ​ത്തിൽ എന്താണ്‌?

തെസ്സ​ലോ​നീ​ക്യർക്കുള്ള ഒരു ലേഖന​ത്തിൽ അപ്പോ​ക്കാ​ലി​പ്‌സ്‌ വർണ്ണി​ക്ക​പ്പെ​ട്ടി​രി​ക്കു​ന്നു. അവിടെ അപ്പോ​സ്‌ത​ല​നായ പൗലോസ്‌ പ്രസ്‌താ​വി​ക്കു​ന്നു: “ഉപദ്രവം ഉണ്ടാക്കു​ന്ന​വർക്കു ഉപദ്രവം തിരികെ കൊടു​ക്കു​ന്നത്‌ ദൈവത്തെ സംബന്ധിച്ച്‌ നീതി​യാ​കു​ന്നു . . . എന്നാൽ കർത്താ​വായ യേശു തന്റെ ശക്തിയുള്ള ദൂതൻമാ​രു​മാ​യി സ്വർഗ്ഗ​ത്തിൽ അഗ്നിജ്വാ​ല​യിൽ പ്രത്യ​ക്ഷ​നാ​യി ദൈവത്തെ അറിയാ​ത്ത​വർക്കും നമ്മുടെ കർത്താ​വായ യേശു​വി​ന്റെ സുവാർത്ത അനുസ​രി​ക്കാ​ത്ത​വർക്കും പ്രതി​കാ​രം കൊടു​ക്കു​മ്പോൾ ഉപദ്രവം സഹിക്കുന്ന നിങ്ങൾക്ക്‌ ആശ്വാസം ലഭിക്കും. അവർ തന്നെ നിത്യ​നാ​ശ​ത്തി​ന്റെ ശിക്ഷാ​വി​ധി​ക്കി​ര​യാ​ക്കും.”—2 തെസ്സ​ലോ​നീ​ക്യർ 1:6-10.

ആയതി​നാൽ അപ്പോ​ക്കാ​ലി​പ്‌സ്‌ എന്നത്‌ ഒരു “മഹോ​പ​ദ്രവ” കാലത്തെ യേശു​വി​ന്റെ വെളി​പ്പാട്‌ ആണ്‌. (മത്തായി 24:21) ഡബ്ലിയു. ഇ. വൈനി​ന്റെ പുതിയ നിയമ​പ​ങ്ങ​ളു​ടെ ഒരു വ്യാഖ്യാ​ന നിഘണ്ടു അനുസ​രിച്ച്‌ അ-പ്പോ-ക്കാലി-പ്‌സ്‌ “ദൈവ​ത്തി​ന്റെ ന്യായ​വി​ധി​നിർവ്വ​ഹ​ണ​ത്തിന്‌ വരുന്ന കർത്താ​വായ യേശു​ക്രി​സ്‌തു”വിനേ​യാണ്‌ സൂചി​പ്പി​ക്കു​ന്നത്‌. മററി​ട​ങ്ങ​ളിൽ, ബൈബിൾ ഈ വെളി​പ്പാ​ടി​നെ അല്ലെങ്കിൽ അപ്പോ​ക്കാ​ലി​പ്‌സി​നെ “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”ത്തോട്‌ ബന്ധിപ്പി​ക്കു​ന്നു.—വെളി​പ്പാട്‌ 16:14; 19:11-21.

അപ്പോ​ക്കാ​ലി​പ്‌സി​നെ​ക്കു​റിച്ച്‌, ബൈബിൾ “ഉപദ്രവം” എന്നും “പ്രതി​കാ​രം” എന്നും “ശിക്ത” എന്നും സംസാ​രി​ക്കു​ന്നു​വെ​ന്നത്‌ ശരിതന്നെ. എന്നിരു​ന്നാ​ലും ഉപദ്രവം സഹിച്ചി​ട്ടുള്ള നിഷ്‌ക്ക​ള​ങ്കർക്കാ​യുള്ള ആശ്വാ​സ​ത്തേ​ക്കു​റി​ച്ചും അത്‌ പ്രസ്‌താ​വി​ക്കു​ന്നു. “അല്‌പ​കാ​ലം കൂടി കഴിഞ്ഞാൽ, പിന്നെ ദുഷ്ടൻ ഉണ്ടായി​രി​ക്കു​ക​യില്ല” എന്ന്‌ ദൈവ​വ​ചനം വാഗ്‌ദാ​നം ചെയ്യുന്നു. (സങ്കീർത്തനം 37:10) അതു​കൊണ്ട്‌ അപ്പോ​ക്കാ​ലി​പ്‌സ്‌ സകല ദുഷ്ട സ്വാധീ​ന​ങ്ങ​ളിൽ നിന്നും മനുഷ്യ​വർഗ്ഗത്തെ സ്വത​ന്ത്ര​രാ​ക്കും. അത്‌ പരമാർത്ഥ ഹൃദയ​രായ ആളുകൾക്കുള്ള ഒരു വഴിത്തി​രി​വാ​യി​രി​ക്കും—അവർക്ക്‌ ഭയപ്പെ​ടേണ്ട ഒരു സംഭവം ആയിരി​ക്കു​ക​യില്ല.

അപ്രകാ​രം, സകലത്തി​ന്റെ​യും പൂർണ്ണ​മായ നാശം അല്ലെങ്കിൽ ഉൻമൂ​ലനം എന്നതിനു പകരം അപ്പോ​ക്കാ​ലി​പ്‌സ്‌, മനുഷ്യ​വർഗ്ഗ​ത്തി​ന്റെ പ്രശ്‌ന​ങ്ങ​ളു​ടെ നീതി​പൂർണ്ണ​മായ പരിഹാ​ര​മാ​യി​രി​ക്കും. ഒരു പുതിയ യുഗത്തിൽ—നീതി​യു​ടെ​യും സമാധാ​ന​ത്തി​ന്റെ​യും ആശ്വാ​സ​ത്തി​ന്റെ​യും ഒരു യുഗത്തിൽ—ജീവി​ക്കുക എന്ന ആശയം നിങ്ങൾക്കും നിങ്ങളു​ടെ കുടും​ബ​ത്തി​നും ആകർഷ​ക​മല്ലേ?

എന്നാൽ, ബൈബി​ളി​ലെ അപ്പോ​ക്കാ​ലി​പ്‌സി​നോട്‌ നാം സമീപി​ച്ചു​കൊ​ണ്ടി​രി​ക്കു​ക​യാ​ണോ? അങ്ങനെ ആണെങ്കിൽ അതിന്റെ കൃത്യ​സ​മ​യ​മ​റി​യാൻ എന്തെങ്കി​ലും മാർഗ്ഗം നമുക്കു​ണ്ടോ? (w86 2/15)